رواية من الذي احبه الفصل الرابع4بقلم لولو وائل
=انا عرفت انت عملت اى مع روح لما ادهم كان هنا متحورش عليا ورد على قد السؤال انت بتحب روح
اسر= معرفش
= ازاى يعنى متعرفش هى دى حاجه متتعرفش
= والله بجد معرفش انا عملت كده ليه انا لقيت حاجه جوايا بتخلينى اعمل كدا بس معرفش اى هى
= مفيش حاجه تخلى واحد يعمل كدا علشان خاطر واحده غير الحب
=على اساس انت حبيت قبل كده وخبره
= مش محتاجه خبره انت بتحبها أو معجب بيها
= بص هو انا متأكد أنى مش بحبها بس ممكن اكون معجب بيها بس ليه هى دون عن كل إلى دربتهم معرفش
= يعنى يوم ما تفتح قلبك وتحب تحب البنت البح....
صمت مراد حتى لايخسر صديق عمره هو بالفعل يحب روح من اول يوم رأها ولكن لا يعلم إذا كانت تبادله ام تبادل صديقه وفضل الصمت
=سكت ليه متكمل الكلمه
= خلاص فكك انا رايح اشوف شغلى
= انت زعلان منى يا صحبى
لم ينظر مراد لأسر وقال بحزن =لا ولا عمرى هزعل منك
وذهب مراد وخلفه أسر إلى الطوارئ وانتهى اليوم كان طويل وشاق لحظت روح حزن مراد ولكن عندما ذهبت إليه أخذ مراد أغراضه وذهب ولم يعيرها اى اهتمام وتعجب أسر من ذلك وذهب هو الآخر
توجهت سلمى إلى روح التى كانت تقف شارده
=متنحه فى اى
=شوفتى عمل اى
=ياستى كبرى دماغك تعالى نمشى ولا هتباتى هنا
= انتى بيتك فين
=بعد المستشفى بشارعين
=انتى ساكنه عند سوبر ماركت النجوم
=اى ده انتى ساكنه كمان هناك
=اه
=حلو ده تعالى نمشى مع بعض بدل ما دعاء بصالك ونفسها تقتلك من الصبح
=يلاا
وذهبت روح وسلمى وبدلة ثيابهم وأخذوا أغراضهم وذهبوا
=الا قوليلى يا روح أنهى فيهم عجبك بقى مراد ولا أسر ولا ادهم
=غريبه مقولتيش الألقاب
=قولت بقى طالما احنا بره وهما مش موجودين اشلهم بقى متغيريش الموضوع وردى على السؤال
=ولا واحد ادهم بالنسبالى صفحه واتقفلت ومراد واسر انا لسه جايه من يومين واديكى شايفه المشاكل إلى نازله على دماغى مش هلحق احبهم يعنى
=اقنعتينى تحبى اقولك رأى بقى
= قولى
= التلاته يسدو النفس ومعقدين تحسى أنهم عايزين يروحو العباسية
ضحكت روح على ما قالته سلمى =والله عندك حق
=تعرفى يا روح انا فى البيت دايما بيستغربو ليه لحد دلوقتى ممشتش من المستشفى مع ان بنت عمى مشيت ومكملتش يومين
=وبنت عمك دى اكيد كانت شغاله مع أسر
= لا كانت شغاله مع مراد
= بس انتى قولتى أن مراد مش بيقبل ان بنت تشتغل معاه
= ما هى لما جت وقدمت راحت مع دكتور أسر بس هى اعجبت اوى بمراد وراحت وطلبت أنها تتنقل معاه طبعا اترفض طلبها فى البداية لسبب الى انتى عارفاه وبعدها قالت انا مش بخاف وقلبى جامد ومش عاطفيه والدكتور جه وأقنع مراد أنه يجربها زى ما عمل معايا وفعلا وافق ودخلت معانا اول عمليه اول ما دكتور مراد فتح بطن المريض طلع دم كتير اوى قعدت تصرخ لحد ما اغمى عليها صحيت لقيت نفسها مطروده
ضحكت روح بشده= اخرت الحب
= عايزه اقولك انا كنت بحاول اتحكم فى ضحكتى لأن مراد كان متعصب اوى وكان عايز يولع فيها أو ما خرج من الأوضه علشان يبلغ حد يجى ياخدها انا فطست على نفسى من الضحك
=وطبعا هى مش طايقه نفسها دلوقتى ولا طيقاكى
= دى حقيقه بس الغلط عليها حد قلها تعمل فيها سترونج اندبندنت وومن
=ربنا يصلح حالها وحالنا
= يارب
=وصلنا يلا بيتك بيتك
= اتشرفت بمعرفتك والله يلا سلام عليكم
نظرت لها روح بإبتسامه= وانا اكتر وعليكم السلام
دخلت روح إلى منزلها وكانت مبتسمه وعندما رأتها والدتها فرحت لفرحتها وسألتها عن سبب تغيرها وحكت لها روح عن سلمى وانها فتاه جميله ومهذبه ومرحه
=طب كويس يبقى عندك صحاب بدل ما تبقى لوحدك
=انا جعانه
= ثوانى ويكون الاكل خلصان
ذهبت الام للمطبخ واتت داليا اخت روح للجلوس معاها
= شكلك مفرفشه انهارده يبقى مشوفتيش ابو وش عكر
=مين ابو وش عكر ده
=هيكون مين العريس الميت
روح بضحك= قصدك ادهم هو امتى بقى العريس الميت
= من بدرى اوى اوى اوى
= خلاص يا لمضه عامله اى فى دراستك
= كلو تومام وانتى عامله اى فى شغلك
= كلو تومام برضو
= ممم فى حاجه مخبيها عليا
= هكون مخبيه اى
= قولى الحقيقه يا فشتى
= لو مخبيه حاجه هقولك يا كرشتى هو انا اقدر أخبى حاجه عنك
= هصدقك وأكدب عنيا
= دانت شوفت اجمل ما فيا
= ومكنش عندى اى نيه
=انساك وتضيع من بين ايديا
=واتنسيت كأنى ما جيت
واتت الام فى هذه اللحظه =مين إلى نسيكى يا ختى دانتى واكله خمس مرات انهارده
= اى يا ماما إلى بتقوليه ده بلاش فضايح
= فضايح اى اتنيلى يلا يختى الاكل اتحط اختك تعبانه ولسه جايه من الشغل وجعانه قال اتنسيت قال تعالى يختى املى كرشك شكله فضى من اخر ساعتين اكل
وذهبت الام ونظرت داليا إلى اختها بضيق= دى ام دى بتعد عليا الاكل وهى عارفه انى عامله دايت
انفجرت روح ضاحكه على اختها = دايت اى ده إلى فيه خمس وجبات فى اليوم صدقت لما سميتك كرشتى يلا يختى
ذهبت روح إلى مائدة الطعام برفقة اختها وتناولت طعامها وبعدها ذهبت إلى غرفتها وجلست على سريرها وكانت شارده إلى أن قاطع شرودها اتصال برقم مجهول
=رقم مين ده مش هرد
وتجاهلت المره الاولى ولكن عاود الاتصال وقررت أن ترد
= الو الو
=عامله اى يا روح
= مين معايا
= انا مراد
= دكتور مراد اهلا بيك هو فى حاجه ولا اى حضرتك متصل فى وقت متأخر
= لا مفيش جالى بلاغ بس أن احنا كلنا بكره هننزل القاهره علشان مؤتمر وهنرجع تانى يوم
= طب هنروح ازاى
= كلنا هنتجمع فى المستشفى فى معاد الشغل و كل دكتور هياخد المتدربين بتوعو معاه انتى هتروحى مع أسر
شعر بغصه فى قلبه عندما ذكر اسم صديقه
=تمام شكرا جدا لحضرتك انك قولتلى
= العفو هو انا ممكن اسألك سؤال بس متفهميش غلط
= مفيش حاجه بينى وبين دكتور أسر وإلى حصل أنه كان بيساعدنى وبس ولو هو في حاجه انا مفيش اظن دى إجابة السؤال مش كده
= عرفتى منين أنى هسأل السؤال ده
=بسبب ردت فعل حضرتك انهاررده وتجاهلتنى ومشيت قولت اكيد بسبب الموضوع ده
=انا مكنش قصدى اتجاهلك بس كان فى كذا حاجه فى دماغى ومكنتش مركز
=ولا يهمك يا دكتور حصل خير لازم اقفل بقى
= اه تمام سلام
= سلام
أغلق مراد هاتفه وهو سعيد لأن روح لا تبادل أسر ولكن هل تبادله هو أم لا كان جالس يفكر إلى أن اتت أخته الصغرى
=مراميرو كنت عايزه اقولك حاجه
=نعم عايزه اى
=انت بتكلمنى كدا ليه
=معلش يا مى تعبان شويه
=تعبان من اى مالك
=ضغط ومشاكل فى الشغل كده
=مم يعنى مش حب و جو المنتنين ده
=منتنين انتى عايزه اى يا مى
=عايزه اقولك ان بنت خالتك جايه بكره من السفر
=يادى النيله ودى جايه ليه
=وانا معديه من قدام اوضة ماما سمعتها وهى بتكلم خالتو الهام فى التليفون وبيتفقو على خطوبتك منها
=نعم خطوبة مين انا لا يمكن ابقى مع مرام لو هيحصل اى
=طب وهتعمل اى وهتخلع منها ازاى
=معرفش بس اكيد هلاقى حل
=هل يوجد حب فى قلب فيصل
=وانتى عايزه تعرفى ليه
=بضمن مستقبل اخويا الله بشوفو هيبقى مع بنت حلوه ولا وجه البرص مرام
=عيب كده انتى كده بتشتمى البرص
=هتعمل اى بكره لما تيجى
=بكره انا مسافر عندى مؤتمر وهاجى الخميس
=وهتسبنى معاها لوحدى
= وهى هتكلك انتى كمان هتاكل ودانك بس
=منك لله انت وهى
=يلا يختى من غير مطرود عايز انام
=نام نامت عليك حيطه
هم بالوقوف ليمسكها وركضت هى مسرعه إلى الخارج وأغلقت الباب قبل أن يأتى خلفها
= يا بنت ال ماشى يا مى لما ارجع من السفر بس وهروقك
وذهب إلى سريره لكى يستريح إلى أن ذهب فى نوم عميق فى اليوم التالى استيقظ مراد وبدأ بتجهيز نفسه وذهب إلى الاسفل وجلس معهم على طاولة الافطار
= صباح الخير يا امى
=صباح النور يا حبيبى اى اخبارك واخبار شغلك
= كلو تمام
= بقولك اى مراد ممكن تخرج من شغلك انهارده بدرى وتجيب مرام بنت خالتك من المطار
= معلش يا امى والله بس عندى مؤتمر أنهارده ومسافر ومش هرجع غير بكره
ردت مى بمكر= والمؤتمر ده بقى عن كيف تهرب من بنت خالتك وتلزقها لاختك
=لا يا ظريفه عن كيف تمسك اختك وتعلقها على باب البيت
= لا وعلى اى كلو الا كرامتى انا همشى بقى علشان متأخرش عندى محاضرات كتير و احتمال ابات فى الجامعه يلا سلام
=مراد الكلام إلى قالته اختك ده صح انت بتهرب من مرام
= والله ابدا انا فعلا عندى مؤتمر وبعدين انا مكنتش اعرف اصلا أن مرام جايه غير منك دلوقتى
= ايوه صح
=يلا هستأذن انا بقى علشان متأخرش
وذهب مراد مسرعا إلى سيارته وانطلق إلى المستشفى وكان الجميع مجتمع معادا سلمى وروح
=اومال فين الباقى يا اسر
= مش عارف فاضل خمس دقايق ونتحرك
انتظروا قليلا ونظرت دعاء ووجدت روح وسلمى قادمين معا = اهم جم
نظر أسر لروح بغضب= كنتى فين كل ده
نظرت له روح بخوف و تحدثت سلمى بدلا منها = بعتذر على التأخير بس والدت روح تعبت وكنا معاها مش هتتكرر تانى
شعر أسر بالغضب من نفسه لأنه اخافها ولأنه يعرف أن روح لا تتأخر وهذه اول مره لها = انا اسف يا روح مكنتش اقصد ازعقلك واخوفك منى هى مامتك كويسه دلوقتى
=اه الحمدلله
=طب الحمدلله
كان يشاهد مراد ما يحدث بدهشه اصديقه يعتذر من فتاه أن حرارته مرتفعه بالتأكيد
نظرت سلمى إلى روح وتحدث بصوت لا يسمعه سواها = دكتور أسر بنفسه بيعتذر انتى عملتى اى فى الراجل انا اول مره اشوف التحديث الجديد ده
=انا بدأت أشك فيه انا كمان والله
=شكله ملبوس بعفريت ابن جنيه
انفجرت روح ضاحكه على سلمى
نظر لهم أسر ووجدهم يتحدثون بصوت منخفض ويضحكون وهذه اول مره ينظر أسر إلى روح ويتأملها ويتأمل ضحكتها الجميله وغمزتها ولكن شعر أنه كالابله ونادى عليهم
= خلصتو وشوشه يلا علشان هنتأخر
كان ادهم ينظر إلى روح واسر فى صمت ولا يتحدث ولاحظت هذا دعاء وذهبت إليه
= انت صعبان عليا يا ادهم والله حبيت واحده مش شيفاك اصلا مش شايفه غير نفسها وبس
= روح مش كده انا إلى غلطان مش هى
= لا انت مش غلطان هى إلى غلطانه طبعا لو هى كانت بتحبك لما عرفت انك عايش كانت فرحت بده واتجوزتك على طول مش الدراما إلى عملتها دى
=قصدك اى
=روح من الاول مش بتحبك هى بتحب تخلى الرجاله تحبها عندك هنا مراد واسر الاتنين بيحبوها وانت كمان هى كده بتحب تلم الرجاله حواليها علشان هى مش بتحب غير نفسها وبس
شعر ادهم بالغضب وذهب بإتجاه روح مسرعا وانزل على وجهها صفعه قويه جعلتها تسقط أرضا وتتساقط الدماء من شفتها
وصدم الجميع مما فعله ادهم
نظر له أسر بغضب شديد = انت نهارك اسود