رواية علاقات معقدة الفصل الرابع4 بقلم يارا محمد
ضاري كان بيسوق عربيته و لسه مش بعد عن الحارة بص جنبه ع الكرسي لقي ادويتها .
ضاري
دي نسيت ادويتها دكتورة سلمي لو مش اخدتهم هيحصل مضاعفات .
لف العربية باتجاه الحارة تاني اللي ف الوقت ده الستات كانوا بيضربوها وراشد واقف مش بيعمل حاجة ضاري وصل وشافها وسط الستات بتتضرب اتعصب منهم وطلع مسدسه ضرب طلقتين ف الهوا كفيلة تخلي الكل يخاف .
راشد بصله
انت مين و ازاي تدخل كده بتضرب نار .
ضاري بصله ببرود و راح ناحية وهدة و قومها نضف هدومها و بص ليها .
انتي كويسة ؛ هزت راسها ب أيوة ليه و بصلهم
انا ضاري المحمدي اكيد انت راشد و بص ل ابوها ازيك يا كمال .
راشد
رد عليا مين انت علشان تمسكها بالمنظر ده و تعرف حمايا منين .
ضاري
انا اللي خبطت وهدة بالعربية من اسبوع انت جوزها زي ما قالت عليك بالظبط همجي ممكن اعرف بتضربوها ليه .
الست
اكيد ده عشيقها اللي هربت معاه وسالت المسكين ده لوحده بجح زيها و جاي بعين قوية
وهده كانت بتبكي و ضاري بص للست بغضب خلاها سكتت ولمح عبد الراضي جوزها .
خير يا عبد الراضي مش حاكم أهل بيتك ليه اتاريك دلدول لاي شخص حتي ف المصنع
الست توحيدة
تقصد أية ياراجل انت و انت اي عرفك بجوزي .
ضاري بهدوء
لاني انا صاحب الشغل اللي بيشتغل فيه جوزك من شهر كان بياخد رشوة و سامحته لكن دلوقتي عبد الراضي انت مطرود مكافاه نهاية خدمتك معايا مش هياخد غير نصها فاهم و انت يا كمال مش انت بتشتغل عندي ساعي خلاص انت مطرود كان نفسها ترجع تتسند عليك بس مراتك ممشياك برضه .
وهدة ببكاء و تعب
خدني من هنا ارجوك مش قادرة استحمل شوه سمعتي و انا مش مستحملة كلام تاني ارجوك .
ضاري كان هيتحرك بيها بس راشد منعه بغل .
رايح فين و واخد مراتي يعني مش كدبت لما قلت انك ع علاقة بواحد تاني و عاملة فيها شريفة اكيد اللي اجهضتيه كان ابنه .
وهدة برغم تعبها بس قربت منه و فضلت تضرب فيه بقهر بس هو مسك أيدها و ضربها بالقلم بقوة و زقها ع الأرض و هي اتالمت و فضلت تبكي بقوة .
راشد مسكها من شعرها
انا هعلمك الادب من اول و جديد هسحلك ف وسط الحارة كلها علشان تبقي عبرة و هحرقك حية عقابا ع خطيئتك .
ضاري شاف منظرها مش استحمل و ضرب راشد بعنف بسببها .
طلقها و فورا و الا هدخلك السجن مدي حياتك انت فاهم .
راشد بطمع
عايزها خدها مش محتاج منها حاجة بس تديني 5 مليون انت فاهم .
ضاري بمكر
موافق طلقها بالتلاتة انا هبقي مسؤول عنها .
راشد
انتي طالق بالتلاتة يا وهدة مش محتاجك خلاص وهاخد فلوس تعيشني مرتاح بدل ملاليمك اللي باخدها منك كل شهر خدي عشيقك و امشي .
وهدة
حسبي الله ونعم الوكيل فيك يا راشد انا هعرف اخد حقي منك و انت يا ابويا مش مسامحاك ابدا و انتي يا ست توحيدة انتي معاكي بنت بتمني اشوفها ف وضع اصعب من وضعي انتي فاهمة مش مسامحة حد فيكم .
وهي بتتكلم حست بألم و دوخة و أغمي عليها بس ضاري كانت الايد اللي لحقتها شالها و راح بيها للعربية و طلع ع شقته اللي بيحب يقعد فيها بعيد عن ميرهان و اتصل ع الدكتورة .
بعد ساعتين وهدة فتحت عيونها و كانت د. سلمي جنبها و متعلق ليها محاليل وجنبها أدوية .
سلمي شافتها فاقت .
الحمد الله انك فوقتي لو كنتي اتاخرتي دقيقة كنت هضطر ادخلك عمليات تاني .
وهدة بوهم و تعب
ا انا فين و أية المكان ده .
د/ سلمي
اهدي يا وهدة انتي بخير دي شقة كبيرة و ف مكان هادي و ملك ل ضاري بيه متخافيش انتي ف امان .
وهدة
ه هو فين .
د/ سلمي
تحت ف الدور الاول من الشقة بيعمل كام مكالمة فون .
الباب خبط و سلمي أذنت بالدخول و ضاري دخل .....
أما ف فيلا ميرهان كانت مع شريكها ف شغل السلاح راڤي أو بمعني اصح عشيقها .
راڤي شخص روسي و بيتكلم مصري كويس .
راڤي
اخبار الشحنة أية مش عايزين غلط يا ميري و المرة دي ابوكي مش عايز وحدة المكافحة تحس بينا احنا خسرنا كتير و الشحنة دي لازم تتسلم ف الوقت .
ميرهان بصتله بحب
اهدي يا راڤي كل حاجة تحت سيطرتي و بعدين انا مش جايباك هنا للشغل انت وحشتني اوي و ضاري مش فاضي ف دي فرصتي الذهبية.
راڤي
و مين مش بيحب الجمال ده برغم انك بنت شركائنا بس حبيتك الاول قبل جوزك بس انتي اخترتي تتجوزيه لما جيتي شغل ف مصر .
ميرهان بابتسامة
و انا بحبك برضه و انت عارف سبب جوازي واحدة شركتي ستار لاعمالي غير القانونية و ضاري مش عارف حاجة و انا معاك اهو .
جينا مساعدة ميرهان اللي مكلفة بمراقبة ضاري دخلت ليهم و اتكلمت بأدب .
جينا
مدام ف اخبار كتيرة .
ميرهان
أية هي قولي بسرعة .
جينا وراها الفيديو و شافت ضاري بيدافع عن البنت و لمحت راشد
يبقي اكيد دي مراته اللي بيتكلم عنها و بصت لجينا
تعرفي ليا هما فين دلوقتي .
جينا
انا عملت كده فعلا هما حاليا ف شقته و معاها دكتورة حضرتك عارفة اني مركبة كاميرات صغيرة هناك اتفضلي .
شافتهم ميرهان بالكاميرا و ابتسمت ....