رواية الحب المفاجئ الفصل السادس6 بقلم امل بكر
أحمد وهو بيقول بهمس لسُلميان،
-اي ياعم الكلام ده!!! مينفعش كده
بصله وهو بيعقد حواجبه ،
-هو انت بدافع عنها ليه !!!
-بدافع اي. الكلام الي قولتو مينفعش
قومت وقفت وانا بقول،
-انا طالعه ياهمس
همس وقفت معايا بضيق وهي بتبص لسُليمان،
-طب اقعدي شويه لسه بدري
مشيت عند الباب وانا حاسه بنفسي بيضيق،
-معلش ياهمس شكلي ببقي تقيله
-اي الكلام ده بس متقوليش كده
فتحت الباب وخرجت وهي قالتلي بكلمك هزتلها راسي واول لما وقفت عند بابنا دموعي نزلت وانا بكلم نفسي،
-خلاص ياأبرار متعطيش مش ده الي هيخليكي تعيطي اهدي
بدأت اخد نفس وخبط الباب ماما فتحتلي اتكلمت باستغراب ،
-طلعتي بدري يعني !!
رديت وانا داخله اوضي،
-اه ماعلشان خلصت حفظ
-اممم طيب لو هتيجي تاكلي قبل ما أحط الاكل في التلاجه
روحت غسلت وشي ودخلت المطبخ مليت طبق علي اخره وقعد جمب ماما وبدأت أكل من غيظي
خلصت وقومت دخلت اوضي وقفلت النور ونمت علي السرير وانا بتغطي بالبطانيه
وكنت خلاص هدخل في النوم موبايلي رن مسكته وطلعت "همس"
مردتش عليها بس رنت تاني رديت بزهق،
-ايوا
-بري حبيبتي متزعليش علشان خاطري هو ا
قاطعتها بعدم اهتمام ،
-ميهمنيش اصلاً في حاجه بس انا مش بحب حد يحرجني بالطريقه دي ولاء كمان مضايقه علشان مردتش عليه
خلصت كلامي ودموعي بتنزل
-طب خلاص اهدي
مسحت دموعي بعنف،
-ماشي خلاص مفيش حاجه هقفل علشان انام
سمعت صوت أحمد وهو بيقول لهمس ،
-بتكلمي الطفله؟!!
ردت عليه،
-اه مدايقه اوي ياأحمد
عضيت علي شفايفي بغيظ من همس ،
-انتي بابت بارده استغفر الله خلتيني اشتم
همس شكلها فتحت الاسبيكر لان رد عليا،
-معلش يابري هي الطفله كده لسانها فايت
ضحكت غصب عني وانا بقول ،
-يادي ام بري !!!
-متزعليش ياستي هخرجو بكره بس بعد لما اخلص شغل
همس صوتت بفرحه،
-ايوا بقي هو ده الكلام
-لاء شكراً انا مليش نفس اروح في حتي
أحمد ،
-بلاش بقي دلع اطفال انا غلطان اني بعرفكو
همس بفرحه ،
-سيبك منها انا هاجي معاك
أحمد بخبث،
-اهو شوفي باعتك ازاي انا لو منك مأمنالهاش
رديت عليه وانا بضحك وبحط ايدي علي عيني ،
-انا بقول كده برده
أحمد بمرح ،
-طب يلا طيري متزعليش ياطفله
بهدوء ،
-ميهمنيش اصلاً مش زعلانه
همس اتكلمت وهي بتضحك،
-بري وهي بتعيط طول الليل
-أحمد بالله عليك اضربها البت المستفزة دي
-بس كده من عيوني
سمعت صويت همس وهي بتقول ،
-اااه دراعي طب والله لما اشوفك
-يلا مع السلامه
-مع السلامه ياختي
"سُلميان".
كنت رايح الحمام وسمعت كلامهم واستفزني طريقه كلامها مع أحمد وكأنه اخوها وبتاخد راحتها معا واتعصبت اكتر وهي بتقولهم ميهمنيش!!!
دخلت الحمام واتوضيت يمكن انسي
دخلت اوضي وصليت العشا وبعدين فضلت افكر اسلوبي معها لا بس انا مغلطش هي فعلاً بتدخل ليه!!
خلصت صلاة وقعد شويه استغفر ربنا وبعدين نمت وانا حاسس بتأنيب الضمير بس انا مغلطش خلاص مفيش حاجه
<<<<<<<<<<<<<
تاني يوم صحيت علي المنبه 11:00لبست ونسيت اكلم همس لاني مش متعوده افتكرت وانا علي السلم خبط علي الباب وأحمد فتحلي بابتسامه
-اي ده هو الليل اجي بسرعه كده لي !!
قلبت عنيا وانا برد عليه،
-اي ده نفس الكلام قدامي سبحان الله
ضحك،
-خلاص ده انتي لسانك فايت بتردي بعشره
بغرور،
-اه طبعاً
سمعت صوت عمي جاي علينا،
-مين ياأحمد ؟!
-أبرار ياحج
كمل بهمس ،
-الطفله
عمو اجي وانا قربت منه وانا بحضنه،
-تعالي خشي ياحبيبتي وقفا لي !!
-لا بس عايزه همس علشان لو هنروح الكليه مع بعض
أحمد رد،
-همس نزلت من ساعتين صاحبتها رنت عليها وتقريباً طلع وراها محاضره9 وهي متعرفش
عمو اتكلم وهو بيبلبس الجزمه بتاعته،
-وانت مش رايح ؟!!
-لا هروح الشغل سُليمان بيقول محتاجني بدري انهارده
-طب خلاص نازله انا
عمو ،
-استني يابنتي خلي أحمد يوصلك
هزيت راسي بنفي ،
-لا لا هروح انا مفيش مشكله
عمو وهو بيوجه الكلام لأحمد ،
-وصلها وتعالي علي الشغل
عمو فضل مصر وانا كلمت بابا وعرفته ان أحمد هيوصلني
ركبت وطول الطريق كنت بكلم شيرين في الموبايل نزلت وشكرته وقفلت معها وقولتلها ان خلاص جايلها
دخلت الكليه وشيرين قربت مني وحضنتني ،
-وحشتيني يابروره
ضحكت وانا بحضنها كمان،
-وانتي كمان بس اي بروره !!! ده دلع بذمتك
هزت كتفها،
-سيبي دلوقتي علي ما الاقي دلع تاني
هزيت راسي بقله حيله ،
-طيب اما نشوف
حضرنا محاضره واحده وانا دماغي وجعتني مقدرتش احضر التانيه وقعدنا انا وشيرين ولكن اتفأجت بواحد بيقعد قدامنا وبيكلم شيرين ،
-مدخلتيش المحاضره ليه ؟!!
ردت عليه ،
-دماغ أبرار وجعتها فاقولنا نشم هوا احسن فين زياد ؟!!
-جوا في المحاضره مع البنات
-هتروحو في مكان انهارده ؟؟
-اه جايه معانا ؟!
-تمام جايه
كنت هقوم ولكنه مد ايده وهو بيقولي،
-أزيك انا هشام
بصيت بعيد بقرف ومسكت شنطتي الضهر ومشيت شيرين ندهت عليا ولكني مردتش وبجد اتخنقت فجأه بوجود واحد قاعد معانا بدون اي مناسبه
كنت هطلع من الكليه واروح البيت بس لفيت علي صوت همس الي ندهتلي
-اي يابنتي راحه فين؟!!
اتكلمت وانا بشاور علي بوابه الكليه ،
-مروحه
عقدت حواجبها باستغراب ،
-مالك انتي مدايقه من حاجه؟
هزيت راسي ،
-لا مفيش انتي مش هتروحي ولا اي
-شويه ياسمين مسافره كمان ساعه فاهنقعد شويه وكمان أحمد كلمني وقالي مش هيعرف يجي علشان فيه شغل
-تروحي وترجعي بالسلامه يارب .. تمام
ابتسمت بهدوء ،
-شكراً الله يسلمك
همس،
-خلينا نطلع نشوف مكان نقعد فيه
ردينا عليها ب،
-تمام
شيرين ندهتلي تاني وانا رديت عليها
-في اي ياأبرار ده تصرف تردي عليه بالشكل ده !!!
فهمت انها تقصد علي الشاب ده،
-نعم!!! وهو مين ده اصلاً
-زميلي ياأبرار مانتي عارفه احرجتي كده
-شيرين وانا من امتي وانا بتكلم اصلاً مع شباب مانتي عارفه
-علفكره هو اتحرج واضايق جداً
-مايضايق هو انا اعرفه!!!
اتكلمت تاني بانفعال وهي بتشاور بايديها،
-لو سمحت متتكلميش كده عنه علشان هو انسان كويس وبعدين مفيهاش حاجه لو كنتي سلمتي علفكره. . انا ماشيه علشان بقيت بتخنق من تصرفاتك دي
رمشت لثواني ولتاني مره ازعل وقلبي يدق برهبه من كلامها الي بيخليني عاجزه عن الكلام ومش عارفه اقول اي انا مستغربه تصرفاتها انا عارفها من فتره اه ولكن مكنتش كده نهائي افعالها بتخليني عايزه ابعد عنها بس في نفس الوقت حاسه بالذنب وعايزه افوقها وانا حبيتها ومش عايزه انها تطلع من حياتي
فوقت من سرحاني علي ايد همس اتكلمت بهدوء،
-بري تعالي يلا نطلع
هزيت راسي وطلعت معها وياسمين كمان معانا قعدنا في كافيه قريب من الكليه وهمس وياسمين كانو بيتكلمو ولما يبصولي اتصنع الابتسامه وكأني مركزه معاهم بس الحقيقه انا مش مرتاحه نهائي لتغير شيرين انا مكنتش عارفها كده بالعكس انا شوفتها بنت محترمه ملهاش علاقه بالقاعد مع الولاد ولا اي حاجه من دي هي مازلات بنت محترمه بس الي بتعملو غلط ومينفعش وهي بتصدني كتير وانا مش بقدر اتكلم بعد كلامها
عدي ساعه وياسمين ركبت ومشت للمحطه علشان هتسافر مع عيلتها وانا وهمس اتمشينا شويه ووسط الكلام مع عقلي اتكلمت هي
-متزعليش هي ممكن مش قصدها
بصتلها بهدوء ورديت ،
-هي مكنتش كده ولما بتكلم معاها بتصدني وده مزعلني
بصتلي وبعدين بصت قدامها واتكلمت،
-أحياناً لمًا بنعرف حد بطبع وشكل ويتغير ده للاسوء بيبقي وحشه اوي
هزيت راسي ،
-عندك حق بس هي مش وحشه وده مزعلني انها مش كده وكمان المزعلني اكتر اني مش قادره اعمل حاجه
-تعرفي احسن حاجه فيكي اي
-اي؟؟
-انك بدافعي عنها رغم زعلك منها
عيني دمعت لما افتكرت،
-انا بس الطريقه الي مش حلوه بتزعلني خصوصاً لو حد بحبه بضايقني جداً فوق ماتتخيلي فكره انه يجي عليا دي بتخليني مش قادره اعدي
-صدقيني هي هتعرف انك نصحتك كانت في صفها
-بس انا كده مش هعرف اكون معها وسط صحابها دول هما واخدين كل وقتها يعتبر
-تقصدني مش عايزه تبعدي
-اممم
-بس ده الافضل ولكن حاولي تكمليها كمان مره
سكت وركبنا ووصلنا البيت هي كانت بتبصلي وكأنها بتتأكد اني لسه مش زعلانه طلعت البيت وغيرت
وافتكرت ان ورايه بكره تسميع بدأت اراجع الي حفظته مع أحمد والحمدلله ان كنت حافظه راجعت بس
خلصت ونمت علي السرير وافتكرت طريقه شيرين معايا مسحت الدمعه الي نزلت من عيني وانا بحضن المخده اوي وكملت اكتر لما افتكرت اسلوب سُلميان واحراجه ليا استغفرت ربنا وقرأت سوره الملك ونمت وانا بقفل عيني قوي وكأن بكده هنسي
——————
صحيت علي الساعه 1:00 قومت فطرت ومكنش ورايا محاضرات واظن ان همس مراحتش لانها مكلمتنيش صليت ورتبت البيت وبدأت اراجع اخر مره لان معاد الحلقه هيبدء
بعد شويه اجي معاد الحلقه واخد نفس واجي دوري في التسميع والحمدلله مغلطتش غير في حاجه بسيطه قفلت الموبايل وانا فرحانه من نفسي ان قدرت اخد خطوه راجعت تاني علي الي فات وقولت بليل هبدء في الجديد
تلفوني رن باسم همس رديت بعد لما قعد علي الركنه
-ايوا ياهمس
-تعرفي انك وحشتيني جداً
رفعت حاجبي وفلتت مني ضحكه ،
-ياسلام بالسرعه دي!!!
-طب اه والله
-اممم وانتي كمان ياستي
-طب ده حلو اوي تعالي بقي انزلي نقعد شويه
اتكلمت بعد لما فهمت دماغها،
-تعرفي ياهمس
-قولي ياقلب همس
-انك لاعوبه جامده اوي
-ا احم لي بس كده طب والله وحشتيني
-الله هو انا قولت حاجه
اتكلمت بترجي ،
-يعني مش هتنزلي تقعدي معايا يابري
اخد بوء من العصير البرتقان الي في ايدي ،
-لا معتش نازله عندكو
خلصت كلامي بنبره من الهزار
-لي كده بس والله هزعل
-هو كده تعالي اطلعي انتي
بتحجج اتكلمت ،
-مش انتي وراكي حفظ تعالي نسمع مع بعض
افتكرت فعلاً ان ورايه حفظ ومحتاجه احمد علشان هو ماشاء الله كويس وبيصححلي
-مش مهم هحفظ انا وخلاص
-لا لا تعالي علشان خاطري
-بلاش ياهمس بجد طريقته مكنتش لطيفه خالص
-والله انا مش عارفه ماله بس هو زي ماشوفتي صعب في طباعه طب والله راسه عامله شبه الغراب
ضحكت جامد وانا بقولها ،
-بس بس اهو اخد منك حسنات
-اه تصدقي استغفر الله ،هستناكي هاا
-معلش ياهمس بجد مش هعرف
باصرار ،
-هستناكي خلاص بقي يلا سلام
قفلت وانا اتنفست بقله حيله ساعه وبابا ويزن وسيف اجو اكلنا
<<<<<<<<<<<<<<
"همس"
الساعه اجت 7:15 دخلت اوضي وانا باتصل علي ابرار
ردت ،
-هااا عايزه اي ؟
-اي ده انتي مش هتنزلي بجد !!!
-قولتلك ياهمس بجد مش هعرف
-حقك عليا والله سيبك منه بصي هقوله يقعد في اوضه
-لا سيبي كل واحد علي راحته وانا مش عايزه اضايق حد هو باين اوي انه بيضايق في وجودي وانا مش بقبل بكده
اتنفست بضيق وانا بقعد علي السرير ،
-يعني اي يعني معتيش هتقعدي معايا علشان سُليمان !!!
ضحكت،
-انتي زعلانه ياهموسه
-طبعاً زعلانه انا اتعود انك تقعدي معايا
-بالسرعه دي
-ايوا اتعود بجد عليكي
سكتت شويه واتكلمت ،
-طب بصي يعدي كام يوم يمكن انسي احراجي لكن دلوقتي لاء
-طب ماشي
-تعالي انتي اطلعي
-ماشي
-حلو مستنياكي
قومت واتخضيت من سُلميان الي كان واقف
-في اي واقف كده لي؟!!
كح وهو بيلبع ريقه ،
-هو في حاجه ؟!
كنت هقول لا ولكني اتكلمت بعتاب وضيق،
-ايوا فيه.. أبرار مضايقه منك علشان احراجتها وبصراحه معها حق هي مش عايزه تنزل بسببك
اتكلم وهو بيرفع كتافه،
-اي الأوفر ده وبعدين انا مقولتش حاجه غلط هي بتدخل لي
اتكلمت بدهشه من اصراره،
-انت بتتكلم جد !!!انت احرجتها ياسُلميان وطبيعي تضايق ومتحبش تقعد في مكان انت موجود فيه
-يبقي احسن برده
خلص كلامه وخرج بره الاوضه لبست الاسدال وقولت لماما اني طالعه قالتلي ماشي
بس سُلميان اتكلم وشكله خارج ،
-راحه فين كده؟!
اتكلمت وانا بفتح الباب ،
-طالعه اقعد مع أبرار شويه
اتكلم وهو بيبص في المرايا الي في الصاله وهو بيعدل شعره ،
-مفيش طلوع
اتكلمت وانا بحاول اكتم غيظي ،
-ولي بقي ؟!!
بصلي واتكلم بحده ،
-علشان هو موجود فوق
فهمت انه يقصد علي يزن
رديت بتوتر،
-بس احنا هنقعد في الاوضه
اتكلم وهو واقف قدامي ،
-وانا مش هخليكي تجتمعي في مكان هو فيه فهمتي؟!!!!
بصيتله بتوتر ونقلت نظري علي ماما ولكنها كانت مركزه في التلفزيون
بلعت ريقي من خنقه الجو وقولت وانا ضيقي بيزيد،
-سُليمان انا مليش دعوه بيه دي بنت عمي اي علاقته بيها
-وهو اي !!!مش اخوها ونفس البيت انا قولت كلمتي مفيش طلوع
خرج وسابني وانا ضغط علي ايدي وانا بحاول دموعي متتزلش قفلت الباب جامد وماما بصتلي بانتباه،
-قفلتي الباب جامد كده لي!!؟
اخد نفس ورديت عليها،
-م من غير قصد
-انتي مش هتطلعي ولا اي ؟!!
نفيت براسي وانا بقلع طرحه الاسدال ودخلت اوضي ،
-لا مش طالعه
قلعت الاسدال ورميته علي الارض بعنف وقعد علي السرير وانا بحط ايدي علي وشي وانهارت في العياط
اتكلمت بعياط،
-انا غلطانه ا ا خليته ميثقش فيا ب بس
كملت من بين شهقاتي،
-مكنش قصدي م مكنش ينفع اعمل كده انا غلط