رواية الحب المفاجئ الفصل الثامن8 بقلم امل بكر
همس اتكلمت وهي بتبص علي المكان،
-محتاجين نجيب قعده ومحتاجين ورد علشان المنظر وكمان نور واممم وبس كده
-فعلاً ممكن ننزل نجيب انهارده اي رائيك
-ماشي مورايش حاجه انهارده
-خلاص تمام يلا ننزل اه يارجلي وقال اي عايزه اشتغل
ضحكت واحنا بننزل علي السلم ،
-ده انتي لو اشتغلتي هيغمي عليكي اقعدي في بيتكم احسن
وصلنا عند بيتنا ورنيت الجرس وانا بقولها ،
-تعالي ادخلي نتغدا سوا
-هنزل انا دلوقتي محتاجه اخد شاور واشوفك بليل بقي
قطع حوارنا فتح يزن الباب وهو بيبصلنا وبيقول ،
-كنتي فين ؟!!
-كنا فوق بنضف السطح
اتكلمت همس بارتباك ،
-طب هنزل انا
سيف الممحون مسك ايديها واتكلم و كأن حبيبته مسافره السويس،
-ماتيجي تقعدي معايا حبيتك اوي
ضحكت وانا ببص علي يزن الي رافع حاجبه بدهشه وهو بيبص علي سيف
همس ابتسمت بهدوء وهي بتبوسه في خده ،
-من عيوني بطلعلك ونلعب خلاويص كمان
ابتسم بفرحه ،
-ماشي
نزلت واحنا دخلنا وبصيت علي يزن الي لسه ماسك الباب
-يزن!!
لفلي بانتباه،
-اي
شاورت بعيني علي الباب ،
-الباب اقفله!!
قفله وانا استغربت من وضعه ودخلت اخد شاور وطلعت اتغدينا وشويه ولبست وعـرفت بابا اني نازله
لبست فستان واسع اسود وطرحه تايجر لفتها وطولتها من ورا وبصيت علي نفسي اخر بصه في المرايا كان لبسي فضفاض وحلو اوي
طلعت وقولت لبابا الي بيتفرج علي التلفزيون
-ا احم بابا حبيـبي
رد عليا بانتباه،
-خير ياحبيبتي
-انا محـتاجه يعني فلوس
-كام يعني ؟!
-اتكلمت بانشكاح اوي ،
-٣٠٠٠ جنيه بس مش كتير
ماما صوتت فيا وهي بتقول ،
-نعم ياختي لي ان شاء الله ده انا نفسي مباخدش من ابوكي المبلغ ده بتحرج ياشيخه
عقد حواجبي وانا وبتكلم ببساطه،
-اي ياماما في اي الله مش ابويا اطلب من مين يعني
يزن وهو بياكل لب،
-وهتعملي اي بالفلوس دي ياختي
مسحت خدي وكأن دمعتي نزلت ،
-هيجيب بيهم شويه حاجات للسطح خلاص مش عايزه حاجه مانا لو كنت متجوزه ولا حاجه كنت اخد من جوزي حبيبي
لفيت ضهري وكنت همشي بتمثيل ولكني شهقت لمًا يزن مسكني من دراعي وهو بيقول ،
-جوز مين ياختي انتي قاعده هنا ياسكر
شيلت ايدي وانا برد ،
-اعوذ بالله عليك الحقي ياماما مش عايزني اتجوز
ماما ،
-توف من بقك يايزن خليها تتجوز ونقعد برواق شويه
-اي ده ..طب والله انا حتت السكر الي في البيت ده بكره هتندمو
بابا مد ايده بالفلوس بعد لما دخل جبهم،
-خدي يااخره صبري الفلوس اهي
قربت منه وانا باخدهم من ايده بابتسامه بريئه،
-طب والله انا قولت مليش الا بابا حبيبي
-ماشي ياحبيبتي متتأخريش
شاورت علي عيني ،
-من عيوني بس كده
يزن وهو بيزقني قدامه،
-طب يلا يابتاعت التمثيل امشي قدامي
-انت هتنزل معايا ولا اي
بابا ،
-خلي يوصلكو ياأبرار
-ماهو همس معايا
-واي المشكله خلي اخوكي يوصلكو!!!
يزن قال برفض،
-لا ياحج هنزل معاها بس مش هوصلهم
ماما باستغراب سألته،
-مش عايز توصلهم لي؟؟
اتكلم،
-ورايه مشاور كده
نزلنا وخبط علي الباب طنط سمية فتحتلي ،
-تعالي ياحبيبتي ادخلي
-شكراً همس خلصت
همس طلعت من ورا امها
-جاهزه من زمان يلا بينا
نزلنا ولقيت يزن واقف واول لما قربنا عليه عمل نفسه انه كان هيمشي
بصلي واتكلم ،
-هتركبو ؟!
هزيت راسي باستغراب من ملامحه الي مش علي بعضها ،
-ايوا انت ماشي
-اه تعالو اركبكو وبعدين همشي
هزيت راسي بماشي ولفيت لهمس الي كانت بتبص بعيد ،
-همس يلا بينا نوقف تاكسي
وقفنا خمس دقايق ومكنش فيه نهائي ياما فيه ناس يا مش بيقف
يزن اتكلم،
-طب اي اوصلكو ؟؟
بصيت لهمس الي هزيتلي راسها بالاء
همستلها ،
-مش عايزه يوصلنا ؟؟
-خلينا نستني تاكسي افضل
وقفنا فعلاً تاني بس الدنيا كانت زحمه وفي الاخر ركبنا مع يزن وصلنا للمكان الي عايزينو ويزن نزل معانا وكان ماشي قدامنا
دخلنا وجبنا الي عايزينو قعده عربي لونها نبيتي في اسود علشان لما نطلع نعيط تكون لايقه لا لا ان شاء الله منعيطش
يزن دفع اخويا الجدع اصل طلع المبلغ اكتر من توقعي يارب يزن ميموتنيش وبعدين طلعنا علي محل الورد همس كانت مصره تجيب انا بالنسبالي اهم حاجه القعده
همس كانت واقفه قدام الورد وهي بتختار وانا برده بتفرج وبصراحه كلهم حلوين اوي بس همس نقد كذا نوع من الورد هادي ودافي لونه اصفر و ابيض كمان
وقفنا وبندفع للولد بص لهمس وهو ماسك الورد الابيض،
-زوقك حلو الورد شبهك جذاب ور
وقفه يزن وهو عينه مش مبشره باستفسار ابداً بل بخناقه واصْحه من نبـره صـوته ،
-نعـم مـين دي الـي جـذابه قولت !!!!!
الولد رد بتوتر،
-مكنش قصدي حاجه يعن..
قاطعه وهو بيقول ،
-اسـكت خالص
بصلي وهو بيشاور بعينه ،
-يلا ورايا
همس اتكلمت بحزن ،
-بس أنا عايزه الورد ده
كان ماشي قدامنا لفلنا وهو بيتكلم وعيونه بعيده ،
-هنجيب من محل تاني
دخلنا محل وقبل لما ندخل نتفرج اتكلم بأمر،
-بسرعه تجيبو بسرعه
جبنا علطول علشان همس كانت عارفه هتجيب اي وجبنا سجاد نجيله خلصنا ووصلنا للبيت
<<<<<<<<<<<<<<<<<<<<<<<<<<<<<
<<تاني يوم >> الحاجه اجت في عربيات وكان بابا وقتها موجود ووقف مع الناس طلعهوهم للسطح وبعد لما حطو الحاجه طلعنا انا وهمس نظبط المكان
بابا طلعلنا وهو بيقول بابتسامه،
-اتلميتو علي بعض وبقيتو قادرين
رديت عليه وانا بفرش السجاده علي الارض ،
-يابابا مش بنعملكم قاعده حلوه الله
همس ضحكت وقالت،
-مش بذمتك ياعمو المنظر حلو
هز راسه وهو بيبص حواليه،
-هو بصراحه حلو
اتكلمت وانا عامله نفسي ببص علي المكان لكن الحقيقه ببص علي بابا ،
-انا حاسه ان المفروض نجيب حاجه تانيه مش كده ياهموسه
همس ضحكت وهي فاهماني وبابا اتكلم بسرعه،
-انا شايف ان المكان مش ناقصو غير تسكتي انا نازل مفيش فلوس تـاني
ضحكت عليه انا وهمس وبعد شويه المكان كان جاهز بصينا عليه وبعدين خبطنا ايدينا في بعض
"تمت المهمه"
همس بابتسامه،
-تعرفي انا بقالي كتير منبسطش كده مع إن ممكن تكون حاجه عاديه
قايدها الرأي،
-فعلاً والله
نزلت عملت قهوة وطلعت وقعد جمبها وانا بديها كوبايتها ،
-مالك سرحانه في اي
-مفيش المكان هنا مريح اوي
-هادي و مريح للاعصاب
هزت راسها وسكتت شويه وبعدين سألتني،
-بري انتي قبل كده حبيتي
لفيت بجسمي وانا بربع رجلي وبقول ،
-لا أبداً يمكن كان اعجاب مراهقه لكن حبيت لا
هزت راسها وهي بتشرب بوء من القهوه وقالت،
-كنت مفكره ان الحب حلو ديماً بس مش كده أبداً
-أكيد الحب محتاج حاجات كتير علشان نقدر نقول عليه حب
بصتلي وهي بتسألني،
-زي اي ؟!!
-احترام بينهم دي اول نقطه انا شايفاها مهمه جداً في العلاقه . مواقف قادره تبينلي حقيقه الي قدامي .مشاكل تحصل نقدر نحلها بسهوله عادي جداً متكنش أزمه بالنسبالي ووو حاجات تانيه
بلعت ريقها وردت وهي باصه قدامها،
-تقريباً انا كده حبيبت
بصتلها وانا مندهشه ومبتسمه في نفس الوقت ،
-اي ده حبيتي ؟!!
بصتلي وكملت ،
-حبيت بس ملحقتش ادخل في كل المواقف الي قولتي عليها يعني انا لغيت دلوقتي مش عارفه اتخطي ولا انساه وده مضايقني لاني دخلت من الاول في الطريق الغلط هو انا مكملتش اه بس وقعت وده مزعل قلبي جامد اوي
كملت بصوت مليان قهره،
-وده مخلي سُليمان مش واثق فيا او مش عايز يكملني هو حقه انصدم فيا انا شخصياً مكنتش اتوقع كده مع إن مكنش قصدي كده
خلصت كلامها ودموعها بتنزل قلبي دق بحزن عليها قربتها مني وانا باخدها في حضني وبمسح علي دراعها،
-بس اهدي ولا اقولك عيطي وخرجي كل الي جواكي
ضحكت من بين دموعها وهي بتقول ،
-يعني اعيط ولا اهدي ؟؟
ضحكت انا كمان ،
-لا عيطي بس مش اوي يعني
بعدت عني وهي بتشرب بوء من القهوه وبتمسح خدها من الدموع
اتكلمت بمناكشه،
-انا بسمع ان الي زعلان مش بياكل ولا بيشرب
-الله يعني اسيب القهوه!!!
-لا طبعاً
سكتنا دقيقه سألتها ،
-هو سابك يعني اي الي حصل ؟؟
اخدت نفس وبعدين اتكلمت،
-انا كلمته بس مرتين بالعدد واحنا في البيت معندناش كده ان عادي اكلم واحد او كده وكمان انا الحمدلله اهلي كويسين واخواتي صحابي يعني مش بعاد عني ولا ماما وبابا سايبني انتي فاهمه لاننا شبه بعض بيتنا يعني
هزيتلها راسي با أيوا كملي
كملت بهدوء ،
-ومش ببرر والله بس هو برده مش قصده الارتباط او كان في دماغه يعني هو كان للسبب بس الطريقه كانت غلط فهمت ده بعدين او اخد بالي منه
-انتي كنتي عارفه ان حرام ؟!! الارتباط يعني
-اه كنت عارفه بس ده مكنش ارتباط يعني كان بسبب غرض ما بس تعرفي يابري الواحد لمًا بيفتح الباب بايده وباراده فينسي نفسه القديمه ويستقبل حد جديد هو مكنش يتمني يبقي عليه ولا يشوفه انا عارفه اني غلطانه بس بحمد ربنا اني مطولتش وفي نفس الوقت بدعي بيه لو زوج صالح فاربنا يرزقني بيه في الحلال
-طب واي علاقه سُلميان بالموضوع
-ماهو راح قال لسُليمان وسُلميان اجي زعقلي ومعرفش هو قاله اي ده الي هو قالهولي
-يعني هو سابك كده والله ندل
-ماهو ده الي مزعلني انه سابني مع إن هو الي راح قال لسُليمان بس انا مش زعلانه منه هو موعدنيش بحاجه انا الي حلمت وزي ماقولت كلامه معايا كان لغرض
بصيت بعيد وانا بفكر،
-غريبه الصراحه بس طالما راح وقال لاخوكي مقالهوش لي انه لغرض حاجه !!
بعدم معرفه،
-مش عارفه اي حاجه انا مش قادره حتي اسأل سُليمان اي الي حصل بينكو
كملت ،
-تعرفي انا من وقتها وانا بدعي دعاء
"اللـهم يامقلـب القلـوب ثبـت قلبـي علي ديـنك"
علشان متفتنش باي حاجه تانيه
-صدقيني خير وان شاء الله لو هو زوج صالح تتجمعو ان شاء الله
-اكيد عندي يقين في ربنا
بصتلها وانا بسألها بفضول،
-طب ده عرفتي ازاي يعني من الكليه ولا اي !!!
-ممكن بلاش ارد يعني صدقيني عدم المعرفه احسن
عقد حواجبي وانا مش فاهمه معني كلامها،
-هو حد اعرفه ولا اي
بصتلي واتكلمت بترجي ،
-صدقيني كده افضل علشان علاقتنا تكمل
-هي اي علاقتها بعلاقتنا؟!!!
وقف كلامنا طلوع سيف وهو بيبص علي المكان بانبهار بعد شويه نزلنا وفضلت بفكر في كلام همس
<<بعد اسبوع
صحيت من النوم سامعه ماما بتتكلم في الموبايل غسلت وشي وقعد جمبها وانا عماله اهزها في كتفها واقول بهمس ،
-مين ؟!!مين!!!
وهي عماله تزقني بزهق علشان مش عارفه تتكلم لغيت ماصوتت فيا وهي بتقول ،
-خاااالتك بكلم خالتك اخرسي بقي
قومت اصلي علي ماتخلص واعرف منها الحوار الشيق الي كانو بيتكلمو في ده
دخلتها المطبخ وانا مبتسمه وبقعد علي التربيزه الي موجوده وبعمل شاندوتش علشان اكله،
-كنتو بتتكلمو كل ده في اي ياماما ؟!!
-خالتك هتيجي مصر بكره
رفعت حواجبي وانا متفاجأة،
-اخيراً هتيجي
-شغل جوزها بقي مكنش فاضي
اتكلمت بتوسل،
-ماما ما تقولي لجوز خالته يسفرني ولا يجبلي شغل عنده خلي يعمل فيا معروف الله يرزقك ب..
حطت ايديها علي دماغها وهي بتزعق،
-بسسس اي راديو !!!
-هو انتو شكلكو عيله مش هنستنفع بيها بحاجه
بصتلي بشر وهي بتقولي ،
- عيدي تاااني كده
بخوف وانا طالعه من المطبخ ،
-بهزر ياماما الله
فضلت اسرح بتفكيري لو سافرت واشتغلت ياااه وبقي عندي بيـت كبير وعربيه حمرا ووو ..سمعت صوت ماما وهي بتندهلي قومت بزهق ،
-يوووه حتي مش سايبين الواحد يحلم
بليل كنا قاعدين وماما بتقول ان اختها جايه بكره
بابا اتكلم ،
-طب هعزم اخويا بكره علي الغدا واهو تبقي لامه
سقفت ،
-فكره حلوه جداً يابابا
يزن اتكلم ،
-انا شايف ان خالتو تيجي لوحدها وخلاص
-طب لي ماعمو كمان يطلع ونتلم!!!
ملامحه كانت مش مبسوطه لما بابا قال عمو يطلع ولا هو مش فرحان علشان خالتو جايه علشان خالتو عندها طفل في حضانه ويووووه لما بنكلمها فديو كول بنام بعدها من كتر زنه الي بيخرم الدماغ
سيف قاطعنا بابتسامه،
-ايوا بقي اخيراً هشوف سيدر وحشتني جداً
رديت عليه وانا بضحك بسخريه ،
-اسمها سيدرا ياحبيبي
بصلي بقرف وقام بسرعه البرق عضني في دراعي وانا اصوت ويزن عمال يقوله
-بسسس ياابني
وهو قاعد في مكانه مش بيتحرك ونعمه الاخوات
مسكته من شعره وهو يصوت وانا اصوت علشان بيشدني من شعري وانا اقوله يسيب وهو يقولي سيبي انتي الاول
استقرينا وهر نايم علي رجلي وانا بزعق ليزن الي بيرمي قشر اللب علي الارض
-يوووه بقي بلاش قرف وحط في الطبق الي جمبك
باستفزاز وهو بيرمي من تاني ،
-لا الارض بتريحني
بغيظ وانا بصوت،
-بتريحك اي هو انت بتنام عليها !!!
-مستوي ايدي وانا برمي دي حاجه مهمه
-يعني ايدك هتتشل لو جبت ايدك علي جمب وحطيت في الطبق
زقني في كتفي وهو بيقول ،
-بت بت انا قايم صدعتيني
تفيت عليه لما لف ضهره،
-عيل رخم صحيح
لفلي بسرعه وهو بيرفع حاجبه،
-اي ده انا سمعت صوت تف!!!
مسكت لب بسرعه وانا باكلها وبتف علي الارض
-بتف بتف اللب
-اممم بحسب شاطره تفي علي الارض احسن
دخل اوضه وانا شتمته في سري صوووت وانا لاقيا واحد ماسكني من قفايا
اتكلمت بسرعه،
-انت عفريت!!!! كمان سمعتني وانا بكلم نفسي
-هاتي الفلوس الي دفعتها الاسبوع الي فات في القعده والورد ومش عارف اي
برقت وانا عامله نفسي من السعوديه،
-اي فلوس اي دي !!!
-متحوريش انا بقالي كام يوم ناسي حاجه ومش فاكرها وانتي اما صدقتي واخدي الفلوس في جيبك
بدراما ،
-وانا الي فكرتك اخ جدع ودفعت انت
-لا انا مش جدع اطلعي بالفلوس
اتكلمت بترجي واحده شحاته يمكن الدمعه تفر من عينه واصعب عليه ،
-علشان خاطري يايزونه سبهملي
-قومي ياشاطره هاتيلي الفلوس
قومت وانا ببصله بقرف
-بصي عدل ياسكر هااا
طنشته ودخلت الاوضه ورمتهم علي الكنبه وقولت وانا بنف في كمي وكأني منهاره ،
-الي ملهوش خير في اهله ملهوش خير في حد
اخدهم وهو بيقول ،
-بس ياماما بس ياحبيبتي انتي مفكره انك من عيلتنا اصلاً !!!
-هش هش مفكرني هصدقك زي زمان
بص حواليه وبعدين قرب مني ،
-احنا مش عايزين نزعلك بس الحقيقه احنا لاقينك في الشارع وبابا صعبتي عليه فاجابك بيتنا
صدقت للحظه وانا بقولة،
-لو كده مكنتش هتكون شبهي
شاور علي نفسه ،
-مين!!! انا شبهك ده انا كنت اموت نفسي
سند علي الكنبه بركبتي علشان اعرف اشرشح براحتي،
-انت تطول تبقي شبهي ده الناس بتفضل مبحلقالي من حلاوتي
بسخريه وهو بيضحك،
-ده اكيد من صدمتهم انهم شايفينك انتي فاهمه غلط
-بس بس ده انا الله أكبر عليك يعني سكررر كده اتاكل وربنا
زق وشي بايديه،
-بس ياعسل روحي نامي كفايه مناخيرك الكبيره
بصدمه،
-طب علشان تعرف انك كذاب انا مناخيري صغيره اصلاً
لف ضهره وهو بيشاور بايديه بمعني بس بس
جريت وراه وانا بتشعلق علي ضهره
اتخض وهو بيمسك رجلي حاوط ايديا علي رقبته وانا بتكلم جمب ودانه ،
-اقتـلك دلوقتي ومحدش هيحس بيك
ضحك وهو بيقول ،
-ازاي بس والعفريت الي وراكي ده !!!
صوت بخضه وانا بقع علي الارض وهو بيجري ورايا قربت علي أوضه بابا ومسكت الأوكوره
اتكلمت من بين انفاسي بتهديد،
-هااا افتح الباب؟!!
شاورلي بايده وهو راجع اوضه،
-ماشي مردوده
اتكلمت بثقه وانا بشاوره بايدي بأنه كلامه علي الفاضي
<<<<<<<<<<<<<<<<<<<<<<<<
اجي تاني يوم وانا متحمسه اني هشوف خالتو وعيالها وعمو كمان هيبقي موجود هتبقي حلوه اوي
دخلت المطبخ ،
-ماما حبيبتي محتاجه مساعده ؟!
-اه والله احشي الفلفل والكوسه دول
قعد وانا بعمل الي عايزا،
-شوفتي ياماما بساعدك ازاي عمرك شوفتي بنت شطوره زي
-ياختي اتلهي ده مره كل سنه
-شوفتي اهو عدم تقديرك بيخليني مش هعمل حاجه انا قايمه
بصتلي وهي بتبرقلي،
-اقعدي مكانك واعملي الي قولت عليه
-ا احم في اي ياماما بقيتي عامله شبه الهنود انا قايمه اغسل ايدي بس
خلصت وكان ورايه حفظ قرأن قولت بليل بقي احفظ مع همس وأحمد
الباب خبط فتحت وكانت همس وطنط حياة
بعد شويه الكل وصل وخالتو لسه مجتش
سلمت علي الكل إلا سُليمان سلمت عليه بجفاء لاني مش طايقا اصلاً من وقتها وانا مش بوجهله كلام ومبقتش بشوفه اصلاً بنطلع السطح انا وهمس واوقات أحمد علشان القرأن
كلهم كانو قاعدين في الصاله مستنين خالتو علشان نبدء ناكل
الباب خبط وانا روحت فتحته بحماس واول حد كان واقف قدام الباب واحد معرفهوش بصيت علي شنطه السفر الصغيره الي في ايده وانا مش فاهمه ده مين
-حضرتك مين ؟!
ابتسم بهدوء وهو بيرد عليا،
-انا أمير ياأبرار مش فاكراني ؟!!!
فتحت بوقي بدهشه بعدين ابتسمت بترحاب ،
-معلش اتغيرت كتير اتفضل اتفضل
خالتو كانت لسه بتطلع علي السلم وجوز خالته طلع قدامها وسيدرا ومعتز الصغير جمبه دخلو بوستهم وانا بقول
-يوغتي بقيتو سكر ادخلي ادخلي
خالتو وصلت للباب وهي بتاخد نفسها حضنتها جامد لانها كانت وحشاني جداً
بعد سلامات علي الكل قعدنا علي السفره وبدأنا ناكل وأجواء التجمعات كانت حلوه جداً
أمير اتكلم وهو بيبلع الاكل ،
-اكلك حلو جداً ياخالتو وحشني اكل مصر جداً
ماما ردت عليه،
-حبيبي الف هنا انا عايزاك تاكل كويس
همس هزتني في كتفي ،
-بت
ميلت عليها ،
-اي
بصت علي طبق وهي بتتكلم ،
-طبق الجلاش الي عند سُليمان ده
بصيت عليه وبعدين عليها،
-ماله ؟!
-عايزا بموت في الجلاش قوليلو يجيبو
-قولي انتي انا بتحرج
-لا انا بتحرج برده خلاص مش عايزه
نفخت وبعدين شاورت لسليمان وانا بقول ،
-معلش ممكن تجبلي طبق الجلاش
بصلي ولا كأنه سمعني وأمير مد ايده وعطاهولي
-شكراً
ميلت عليها،
-اخوكي ده بيجيب الاستفزاز ده منين !!!
ضحكت وهي بتمسك طبق الجلاش مني ومش مركزه غير معاه ،
-سيبيني بقي اركز مممم حلو اوي
أمير اتكلم وهو بيبصلي ،
-أبرار بس انتي اتغيرتي و بقيتي حلوه جداً
بلعت ريقي باحراج من كلامه ورفعت راسي لقيت سُليمان بيبصلي وأحمد ويزن
سُليمان اتكلم وصوته عالي حبتين ،
-هاتي ياماما طبق المحشي ده
طنط حياة بصتله باستغراب وهي بتدهوله،
-بس انت مبتحبش المحشي!!
اخده منها وهو بيحطه قدام أمير الي قاعد جمبه ،
-لاء ده لأمير .. كـل ياحبيبي كـل كـويس
امير اكل وهو بيبصله باستغراب
والصراحه وانا كنت مستغربه تصرفاته شكله تعبان
وبعد ماخلصنا الأكل اجي دوري في عمايل القهوة وهمس واقفه جمبي بتاكل من المحشي
-يابنتي تعالي اعملي معايا بدل ما انتي بتحشي كده
اتكلمت وهي بتاكل ،
-اعمل اي يعني !!
-خدي كنكه اهي بتعمل خمسه فناجنين خلينا نخلص لأنا كده هخلص بكره
حطت اخر صباع ورق عنب في بوقها ،
-طيب حاضر
حطيت خمس فناجين في الصنيه وانا بقول لهمس ،
-انا هطلع دول علشان ميبردوش وهاجي تاني
-طيب ماشي خلي بالك
-ماشي بصي بس علي القهوة بلاش عينك تروح علي ورق العنب
-مركزه اهو
طلعت ومديت ايدي بالصينيه ناحيه عمو وبابا وجوز خالته وبعدين يزن مد ايده واخد وأمير كان هياخد اخر فنجان بس سليمان سبقه وهو بيمد ايديه وبياخده
اتكلمت باحراج ،
-الباقي هيخلص اهو هجبلك
ابتسم أمير وهو بيرد،
-مفيش مشكله
خلصنا انا وهمس وطلعنا قعدنا معاهم
همس قربت مني وهي بتقولي ،
-بري انتي مش ملاحظه حاجه
بصتلها ،
-حاجه اي؟!!
-سُليمان مش طايق أمير ابن خالتك
-مش عارفه هو اخوكي اصلاً شكله مش بيحب الناس
-لا خالص يبقي انتي لسه متعرفيش سُليمان انا مستغربه هو مايعرفهوش وتحسي انه مش طايقه انتي مشوفتيش ريأكشنه وأمير بيقولك انك اتغيرتي
-لا مشوفتش
-بصي انا حسيته اتعصب ومش علي بعضه انا مش فاهمه ماله بصراحه متعمقتش اوي بقي علشان كنت باكل الجلاش
بسخريه وانا برد عليها ،
-كل ده ومتعمقتيش لا تتحسدي … ربنا يشفي بقي
-يشفي مين ؟!!
-اخوكي
ضحكت،
-والله انك هبله ده شكله بيناكشك
بابا اتكلم وهو بيقطع حوارنا ،
-أبرار هاتي فوطه بسرعه القهوة اتكبت علي أمير
أمير بإعتراض،
-لا لا هقوم ادخل الحمام
-طب وصلي ياأبرار الحمام
القهوه كانت اتكبت علي القميص فتحتله النور ووقفت بره لو احتاج حاجه فتح الباب وهو قالع القميص لفيت وشي بسرعه
اتكلم ،
-معلش ياأبرار فين هنا المسحوق؟!! عايز اغسله
اتكلمت بتوتر وانا مش مجمعه،
-طيب اطلع وانا هغسله في الغساله
سُليمان قال انه هيقوم يغسل ايده
بصيت لقيته جاي عليا
بص علي أمير وعليا وهو بيسأل ،
-في حاجه ياأمير !!
-لا شكراً أبرار هتساعدني
بصله بعدم فهم ،
-هتساعدك ازاي يعني مش فاهم!!!
-هتغسلي القميص
وقف قدامه وهو بيشد القميص منه وبيسألني
- فين الغساله دي ؟!!
شاورت عليها كانت قريبه من الحمام ،
-اهي
راح عندها وبصلي من تاني ،
-بتشتغل ازاي ؟؟
قربت ودوست علي الزرار وحطيت المسحوق وانا مش متوتره غير من الي واقف جمبي ده
سُلميان اتكلم وهو بيشاور بايديه لأمير،
-ادخل واقفل الباب هتفضل واقف كده!!!
أمير رفع كتفه ببساطه،
-وماله شكلي!!!
نفخ وهو بيرد عليه بضيق،
-من غير هدوم حضرتك في بنت واقفه !!
ضحك وهو بيقول ،
-لا عادي دي أبرار مش غريبه