رواية لكل قلب حكاية الفصل السادس والعشرون 26 والأخير بقلم محمد منصور
وبسم الله توكلت علي الله وهو رب العرش العظيم
★مليكة
صح مقطوع نسلي وما عنديش حاجة ازعل عليها وقرفت من العيشة كلها ولما ارميكي اكيد هاخد اعدام ومش هطلع براءة زي المرة اللي فاتت. واموت وارتاح
ومسكت مليكة رجل نرجس ورفعتها لفوق وبقي نص جسم نرجس برة الشباك وهنا تسمع مليكة صوت ابن نرجس المحروق وهو بيقول
والنبي يا ابلة مليكة ما ترميش ماما انا بحبها. ولو كان عياطي هو المشكلة انا هبطل عياط. بس خايف من عرفش علشان راسي بتحرقني اوي
سابت مليكة رجل نرجس وبصت للواد وراحت له وهي بتقول
انتي فاكرني هرميها بجد دة انا كنت بهزر معاها
وبصت مليكة ل نرجس اللي وشها كان مخطوف من اللي حصل لها وقالت
يلا بينا نروح لاقرب مستشفي خلينا نطمئن علي الواد
فضلت نرجس بص لها وهي خايفة منها صرخت فيها مليكة وقالت
هاتي فلوس واخلصي خلينا نطمئن علي ابنك ،،،،،،،،،،
ومن جوة احدي المستشفيات تقف مليكة ومعها نرجس قدام الدكتور اللي كان بيعالج الواد المحروق وكانت مليكة قلقانة علي الواد اوي ،،،،،،،،
ومن جوة شقة نعمه تقعد نرجس قدام نعمه وكانت بتقول
ايوة يطلقها المجنونة اخت المجنون. دة كانت عايزا ترميني من الشباك
نعمه
ما انتي غلطي في امها الميتة
نرجس
يعني تحرق ابني واقف اطبطب عليها
نعمه
بطلي افتري يا نرجس ابنك بنفسه قال انه كان بيجري من اخوة وهو اللي دخل فيها
نرجس
انتي مالك طيبة معها لية. كدة هو انتي نسيتي ان دي اخت اللي عجز ابنك
نعمه
امين ووحيد كانو اشقياء وعملو مع بعض حاجات كتير حرام ودي اخرة الشقاوة يا نرجس. هي بقي ذنبها اية
نرجس
ذنبها ان اخوها امين
نعمه
يا نرجس البت غلبانه ومستحملها اللي ماحدش يستحملة سيبها في حالها وابعدي عنها الله يهديكي
نرجس بعصبية
اوي اوي. دة ناقص تقولي اطلع احب علي راسها ما خلاص باظت وما بقتش فاهمة دماغك دي فيها اية
نعمه بعصبية اكتر
نرجس هو اية اللي حصل لك. بقيتي تنسي انتي بتتكلمي مع مين وصوتك بقي يعلي عليه. اية. انا مستحمالكي وساكتة علشان اللي حصل ل جوزك لكن لكل شئ حدود
نرجس
ايوة عرفت تقلبك عليه بالمسكنة وشغل الكهن
نعمه
قسما برب العز. لو ما شلتيش مليكة من دماغك لكون عارفة شغلي معاكي.
نرجس
لا. دة كلام ما يتسكتش عليه. ولازم وحيد يشوف حل في القرف اللي بيحصل هنا دة. عيشة تقصر العمر
وسابتها نرجس ونزلت شقتها ونعمه بتبص ناحيتها وبتقول
والله ما حد مقرف الا انتي، ،،،،،،،،،،،،
وبالليل ومن جوة شقة مليكة تقعد مليكة علي سريرها وقت ما دخل عليها وليد والمخدرات عمياء بصت له مليكة وقالت
وليد لو بتحبني شوف لي شقة غير هنا.
وليد وهو بيقلع هدومة
تاني يا مليكة نفس الحوار المشموم
مليكة
يا وليد بالله عليك حس بيا. دة انت كنت هقتل نرجس النهاردة لولا ستر ربنا
وليد
كنتي قتلتيها وريحتينا منها
مليكة
واخد اعدام
وليد
متخافيش كنت هسلم نفسي مكانك واقول انا اللي قتلتها بس انتي اعمليها
وراح ناحيتها ولف ايدة حوالين وسطها وقال
طيب اية بقي ما فيش حاجة جيا علينا
زقته مليكة بعيد عنها وقالت وهي بتطلم
فوق. بالله عليك فوق وحس بيا بقي انا خلاص ضفحت وجبت اخري. ومستحمله كل دة علشان بحبك لكن اكتر من كدة مش هقدر
وليد
عايزاني افوق لية. ما انا كدة زي الفل. وهنام ومش عايز منك حاجة. بقيتي مراة كئيبة يعني مش كفاية اني مستحمل انك مالكيش في الخلفة كمان مش عايزا تبسطيني
بصت له مليكة اللي الكلمة وجعتها ولولا انها عارفة ان وليد مش في وعيه كانت هتعرف ترد وترد الرد اللي يزعله هو لكنها مسكت الجلبية اللي لابسها من عند الطوق وشقتها بالطول وقالت وهي بتعيط
انا قدامك، اهو يا وليد وجاهزة ابسطك
بص لها وليد وما ردتش وسابها ونام قعدت مليكة علي الارض وبصت ل سقف الاوضة وقالت بحرقة
يارب خدني. وريحني. يارب خدني
لكنها وقفت واستغفرت ربنا ودخلت واتوضت ولبست الاسدال بتاعها وصليت وشكت همها كله لله. وفضلت تتكلم مع ربنا وتطلب منه انه يحلها من عنده، ،،،،،،،
وفضلت مليكة علي الحال دة 6 سنين. لغاية ما جت في يوم تصحي وليد لقيته ما بيصحاش فضلت تهز في وهو ما بيردتش صرخت ونزلت جري عند حماتها ووقفت قدام منها وقالت
الحقيني يا حماتي. وليد قاطع النفس، ،،،،،،،،
وبعدها بشوية ومن قدام السرير اللي نايم عليه وليد كان واقف دكتور بيكشف عليه ووراء منه مليكة ونعمه بص لهم الدكتور بعد ما خلص كشف وقال
البقاء لله. مات بالسكتة القلبية.
صرخت مليكة ونعمه حالها ما اختلفش عن مليكة وجريت مليكة واترمت في حضن وليد وفضلت تعيط، ،،،،،،،،،،
وبعدها ب اربعين يوم كانت نرجس قاعدة مع نعمه ومليكة فوق في شقتها وبتقول نرجس
يعني اية تمشي من هنا. ومين هيخدمنا
نعمه
وهي ليها مين دلوقتي في البيت علشان تقعد علشانه. اللي كانت مستحملنا علشان خاطرة مات
نرجس
لا. كلميها ما تمشيش. هي بتسمع لك
نعمه
ما قدرش امنعها هي بقت حرة تعيش حياتها. زي ما تحب. ربنا كتب لها الحرية. واتفتح باب السجن وهتطلع براءة.
نرجس
خلاص انا هكلمها دي برضو شقة جوزها
نعمه باستهزاء
ودة من امتي. مشكلتك يا نرجس انك مفضوحة اوي. وكل اللي انتي عايزا انها تفضل قاعدة هنا خدامة ليكي ولعيالك. عيالك اللي بيحبوها اكتر ما بيحبوكي. سيبيها تشوف حالها وكفاية اوي اللي شافته هنا
وهنا تقف مليكة علي الباب وهي لابسة الاسود وفي ايدها شنطتها وتبص لهم وتقول
اشوف وشكم بخير
نعمه
من علي الباب كدة. هو انا مش زي امك
حطت مليكة الشنطة وراحت واترمت في حضن نعمه اللي عيطت اوي وقالت
كنتي اخر حاجة من ريحة وليد
مليكة وهي بتعيط
الله يرحمة كان طيب. لكن المخدرات خلصت عليه
نعمه
مليكة انا عارفة انك ما شفتويش يوم حلو في البيت هنا وانا سيبتك كتير تباتي مظلومة. وكنت غلط بس انا عارفة انك قلبك ابيض وهتسامحيني. مش كدة
مليكة
مسمحاكي كفاية انك ام وليد
وهنا يجروا ولاد نرجس علي مليكة وياخدوها بالحضن وهما بيقولو
هاتيجي تاني
ابتسمت مليكة وقالت
هاجي ان شاء الله. مش عايزاكم تضربوا بعض تاني وتذاكروا كويس
وبصت ل عيل منهم وقالت
وانت طبق الرز بتاعك اوعي تفضي في الزباله. خلصو كله
حاكم انا عرفاك
ووقفت مليكة وبصت ل نرجس وقالت
خدي بالك منهم. دة العيال نعمه ربنا ما يحرم اي حد منهم
ما ردتش نرجس لكن قلبها رق ولقيت لسانها بيقول
انتي ازاي كنتي حنينه عليهم رغم كل اللي شوفتي مني
ابتسمت مليكة وقالت
علشان انا اكتر واحدة في الدنيا اتخدت بذنب حد تاني ذنب هي ما عملتهوش واتحاسبت عليه. وهما ما ذنبهمش حاجة في كرهك ليا. زي ما انا ماليش ذنب في اللي عمله امين ل جوزك. وانتي خديني بذنبة. بس ارجع واقول كله خير.
وراحت مليكة ناحية الباب فقالت نعمه
هستناكي بين الوقت والتاني تبقي تيجي تبصي عليه
مسكت مليكة شنطتها وقالت
ان شاء الله
نعمه
اوعي تنسي تدعي ل وليد انتي قلبك ابيض واكيد ربنا هيتقبل منك
مليكة وعيونها رغرغت بالدموع
عمري ما هانسي. سلامو عليكم
وسابتهم مليكة ومشيت وتثبت في كل مرة ان قلبها الابيض هو سر قوتها مش ضعفها ، ،،،،،،،،،،،،،
وترجع مليكة للمنطقة وفي ايدها شنطتها وتبص بطرف عينيها علي الصيدلية. لكن عز ماكانش جوة. وتطلع شقة اخواتها. اللي بقيت فاضية. بعد جواز ممدوح. وجواز عماد لكنهم قرروا يكتبوا الشقة باسم مليكة كتعويض ليها بعد كل اللي حصل لها ودخلت مليكة الشقة وحطت هدومها في اوضتها وقعدت فوق السرير وفضلت تبص للاوضة مش مصدقة انها رجعت لها تاني وقامت وراحت ناحية الشباك وفضلت عيونها علي الصيدلية. زي زمان وابتسمت ابتسامه كلها مر. وقالت ل نفسها
اكيد اتجوز وعنده بدل العيل اتنين. الله يسعده مع مراته
وغيرت هدومها ونامت علي سريرها وراحت في النوم ما تعرفش قد اية لكنها صحيت علي صوت عز وهو بيتكلم مع حد قدام الصيدلية قامت من فوق سريرها جري وبصت من الشباك وفضلت تبص له باشتياق يخوف. اشتياق رهيب وعز لسة ما خدش باله ويخلص عز كلامه مع الراجل ويرفع عينه بالصدفة ناحية الشباك. ويتصدم صدمة الفرحة لكن مليكة دخلت بسرعه وكانها خافت من بصت عز ليها وقعدت علي الارض تحت الشباك. وفضلت تلوم نفسها وتقول
اية اللي انا بعمله دة. مليكة انتي لسة جوزك ميت.
وسكتت شوية وقالت لنفسها
عز هو حكاية قلبي وحاولت كتير اضحك علي نفسي بحكاية جديدة اسمها وليد. لكن لكل قلب حكاية واحدة وانا حكايتي باسم عز
وقامت من تحت الشباك شوية ب شوية علشان عيونها تيجي في عيون عز اللي لسة باصص علي الشباك مش مصدق انه شاف مليكة. واستخبت مليكة تاني وفضلت تمشي علي ايدها ورجلبها وراحت لغاية السرير. رجعت مليكة بنت البنوت اللي بطير من الفرحة لما كانت بس تشوف عز وفضلت نايمة علي السرير وعماله تترعش من الفرحة لكن وسط الفرحة عماله بتلوم نفسها لانها فاكرة متجوز ما تعرفش انه مستنيها. وتضحك وترجع تلوم نفسها لغاية ما وقفت علي رجليها وقالت
انا جوعت. وباين اوي اني رجعت هبلة زي الاول. انا هقوم اقلي بيض، ،،،،،،،،،،،،،،
وفي نفس اليوم بالليل كان عز قاعد مع امه وباين عليه انه مبسوط اوي استغربت وداد حاله عز وقالت
بقالي سنين ما شوفتكش فرحان كدة
عز
اصل مليكة رجعت تاني بيت اهلها
وداد
بجد. وانت عرفت ازاي
عز
في جنب الصيدلية عندي الحاجة ام اشرف بياعه العيش جبت رجليها كدة بالكلام وقالت لي علي كل حاجة وانها عرفت من سمر ان مليكة بعد موت جوزها هترجع تاني وتعيش في شقة العيلة. ما هي وسمر صاحبة مليكة قرايب
وداد
اة. ودة بقي اللي مخليك فرحان كدة
عز
وما فرحش لية مليكة. بقت حرة وهتكون ليا باذن الله
وداد
لسة اللي في دماغك في دماغك
عز
انا عايش علشان اللحظة دي
ابتسمت وداد وقالت
خلاص سيبها اول كام شهر دول وانا هروح لها بنفسي
عز
لسة هستني
وداد
يا ابني ما الارملة ليها عدة. وكمان الاصول بتقول انها تستني علي الاقل سنة وبعدها تتجوز
عز
لا. سنة كتير
وداد
خلاص تخلص شهور العدة وبعدها اللي في الخير يقدمة ربنا ،،،،،،،،
وتعدي الايام واحنا علي الحال دة مليكة تصبح علي عز ببصة سريعة وعز يصبح عليها بنظرة طويلة. لغاية ما قرر انه يكلمها وجاب موبيل بشريحة واستغل ان الشارع هادي بالليل ودخل البيت بسرعه وخبط علي باب الشقة وحط الموبيل قدام باب الشقة وفتحت مليكة الباب تشوف مين لقيت الموبيل بيرن ومكتوب اسم عز اتصدمت وبصيت علي السلم فوق وتحت ومسكت الموبيل واول ما فتحت الخط سمعت عز بيقول
وحشتيني اوي اوي اوي اوي.
قلب مليكة زغرط وعيونها رغرغت بدموع الفرح وقالت
انت مجنون صح
عز
اة مجنون وجاي لك وناويها وبخبط وهفضل علي الباب اخبط يا
وسكت عز وبعدها قال
انا شكلي خرفت في الاغنية
ضحكت مليكة وقالت
انت ما تنفعش غير انك تدي حقن
عز
لا وربنا بنفع كمان في حاجات تانية
مليكة
زي اية
عز
احب مليكة
مليكة. باحراج
عز كدة ما ينفعش انت اكيد متجوز وم،،،،،،،،،،،
عز ضحكها وقاطعها وقال
متجوز تلاته وانتي هتكوني الرابعه
مليكة اتصدمت وقالت
تلاته يا عز
عز
اعمل اية كنت كل ما حب انساكي اتجوز لغاية ما لقيت نفسي متجوز تلاته. بس خلاص انتي هتكوني اخر واحدة
مليكة
لا اخر واحدة ولا نيلة. دة انت جيت تحكلها عميت
عز
لية بس
مليكة
هو اية اللي لية. تتجوز تلاته وتقولي بحبك. هو بقي في مكان في قلبك ليا
عز
شايل لك حتة كبيرة ليكي ل وحدك
مليكة
لا. والنبي. عز اقفل والله ضايقتني
عز
طيب خلاص هطلقهم كلهم وارميهم في الشارع بعيالي
ال 15
مليكة اتصدمت اكتر وقالت
انت كمان مخلف 15 عيل. انت اية مشارك في مزرعه ارانب. والله زعلتني منك
ضحك عز اوي. وقال
وانا والله طول السنين اللي فاتت دي مستنيكي من بعد ما طلقت مراتي الاوله وانا مستنيكي
فرحت مليكة وقالت
بتتكلم بجد. كنت مستنيني
عز
اة. مستنيكي وكنت ديما علي يقين انك هتكوني ليا. مراتي وحبيبتي وام عيالي
هنا الفرحة طارت وقالت مليكة
بس انا مش هبنفع اتجوزك يا عز
ضحك عز وقال
دمك تقيل
مليكة
انا ما بهزرش
عز بصوت الجد
مش عايزا تتجوزيني لية يا مليكة
مليكة
علشان انا ما بخلفش
عز
واية يعني انا عايز مليكة وبس
مليكة
اي راجل بيتمني يكون لي عيال. حرام احرمك من الامنية دي
عز
اي حاجة هتهون المهم نكون ل بعض
مليكة
لا. يا عز في الاول هتبقي الدنيا ماشية وبعد كدة حوار الخلفة دة هيفرق معاك ومعايا وهيكون سبب مشاكل ما بينا
عز
مليكة انا محتاجك جنبي. محتاج اعيش
مليكة
معايا مش هتحب العيشة يا عز
عز
سيبيني انا اللي اقرر
مليكة
مش هستناها لما تطلع منك انا زهقت منك ونفسي في عيل
عز
مليكة لية بتموتي فرحتي برجعوك ليا
مليكة
الفرحة هتموت دلوقتي او بعدين. فخليها دلوقتي احسن قبل ما اتعشم بيك اكتر واكتر. سلام يا عز
وقفلت مليكة الخط وهي بتقول ل نفسها
كدة صح. حرام اعذبة معايا
ولقيت باب الشقة بيخبط راحت فتحت لقيت عز قدام منها اتصدمت وهو ما اداهش اي فرصة تتكلم واترمي في حضنها وهو بيقول
مش هضيعي مني تاني انتي مراتي غصب عنك
عيطت مليكة من الفرخة ولفت ايدها حوالين عز وسابت نفسها تذوب في حضنه. ،،،،،،،،،،،،،،،
واتجوز عز ومليكة بعد 6 شهور بالظبط. وعاشت مليكة احلي شهر عسل في راس سدر ورجعت وما كنتش مصدقة ان الدنيا صالحتها باحلي حب واحلي قلب. وتعدي الايام لغاية ما جه يوم ومليكة كانت واقفة في حمام شقتها بتبص ل اختبار الحمل اللي في ايدها علشان تلاقي نفسها حامل ما صدقتش نفسها وعملت اختبار تاني وبرضو طلعت حامل. عيطت من الفرحة وخرجت من الحمام وهي عماله تعيط وتقول
الحمد لله. كدة كتير عليه اوي يارب. الحمد لله.
قابلها عز وقال
خلاص الهرشة اشتغلت بتكلمي نفسك
ورته اختبار الحمل بص له عز وقال
اية دة
مليكة بهزار
انت متاكد انك خريج صيدلة. ولا خريج زراعه. وبتضحك علينا
عز
يا لمطة انا عارف ان دة اختبار حمل بس اية المطلوب يعني
مليكة
قسما بالله قفلتني
عز
مليكة انا لسة صاحي من النوم ما تقولي في اية
مليكة
انا حامل
اتصدم عز من حلاوة المفاجاة وقال
ورب الكعبة
مليكة
ورب الكعبة
وخدها في حضنه وهو فرحان جدا، ،،،،،،،،،،،
تمت بحمد الله