رواية حكاية غزل الفصل الاربعون 40 والاخير بقلم هبة الجهمي
-----------------
غزل / هو فى ايه
دكتورة حبيبة / ابدآ فيه بيبى الف مبروك ربنا يجعله من الخلف الصالح
دكتور مختار / جه يجرى فى ايه غزل مالها
دكتورة حبيبة / مفيش حاجه هى كويسة مبروك هتكون اب و أنا هاكون عمته
حورية / و أنا خالتو
غزل / بكت من الفرحة الحمد لله ربنا رزقني الزوج الصالح انتي كمان اخت غالية يا دكتورة حبيبة و كمان اجمل اخت حورية
دكتورة حبيبة / خد مرأتك و روح و هات العلاج ده انتى بكرة إجازة من هنا خدها و خرجها
دكتور مختار / مبروك يا قلبى و باس دماغها
دكتورة حبيبة / خلى بالك من نفسك اقعدوا معايا شكرية بتعمل اكل حلو ولا اخليها تطلع تعملك طلباتك
غزل / لا نفضل تحت معاكى هانام فى اوضة مختار
دكتور مختار / اللى يريحك أنا تحت امرك
سمية و زهرة لما عرفوا أن غزل حامل فرحوا و راحوا عندها يباركلوها و قضوا السهرة معاها و جه مروان اخدهم
و تمر الايام و غزل سعيدة بدكتور مختار اللى كان ليها اب و اخ و زوج و سند عوضها عن كل حاجة و بعد امتحانات غزل دكتور مختار صمم ياخدها لعمل عمره شكر لله
تمر الايام و غزل تضع طفلتها الأولى
دكتور مختار / مبروك بنت زى القمر شبهك
غزل / تسلم ربنا يباركلك دى فرحة عمرى الحمد لله
دكتور مختار / هيكون اسمها فرحة ايه رأيك
غزل / اسم جميل بجد
حورية /حمد الله على السلامه يا قلبى فين حبيبة خالتو
غزل / ايه رأيك فى اسم فرحة
حورية / ربنا يجعل أيامها كلها فرح و سعادة
الحاج بدران / مبروك يا غالية ربنا يجعلها من الخلف الصالح و عطاها فلوس كتير
غزل / تشكر يا جدو ربنا يباركلك
حورية / مين اللى هيدفع حساب المستشفى
غزل / ابو فرحة طبعآ
دكتورة حبيبة / تقدرى ترجعى بيتك شكرية خلت الشقة زى الفل و عملتلك اكل كتير
غزل / لا هنفضل معاكى فى شقتك
دكتورة حبيبة / سرير البيبي فوق اطلعى خدى راحتك فى شقتك
غزل / أنا مرتاحة كده الحمد لله انتى طيبة اوى ربنا يجزيكى خير عنى
دكتور مختار / خلاص نفضل تحت فى شقتك عوز ننزل البلد نعمل عقيقة لفرحة و نرجع تانى يوم
غزل / هتقعد فى بيتكم ولا عند عمك
دكتور مختار / فى بيتنا و ندبح و نعزم اهل البلد و نجيب طباخ
غزل / فى ناس هتتحرج تاجى و ناس تتمنى لو أولادهم تاكل معاهم اقولك اعمل بدل من العقيقة نظام شنط فيها رز و مكرونة و سكر و شاى وعدس و فاصوليا بيضاء و فول و صلصة
حورية / و أنا هاجيب الملح و العدس
دكتورة حبيبة / كلام غزل صح فى ناس كتير احنا منعرفهاش و ناس فقيرة جدآ أنا هاشترك معاك
غزل / و انا كمان هاشترك
دكتور مختار ماشى هاكلم طلبه يجيب الطلبات هنعمل 100 شنطة كويس
غزل / كويس شوف 100 أسرة تأكل هى و ولادها مش تعزم الرجالة و أولادهم ربنا بيكون اعلم بحالهم اعملى حسابك هتسافرى معايا يا حورية
دكتور مختار / ابن عمى صالح رجل محترم عنده شقته جاهزة وشافك و عوز يتقدم يطلب ايدك
حورية / طلما قريب حضرتك أنا موافقة بشرط افضل اشتغل علشان اخواتى فى التعليم و أنا بساعد امى بمرتبى
دكتور مختار / مقدرش اقول موافق أو رافض اقعدى معاه و اتكلمى فى كل حاجة هاعزمه على سبوع فرحة
شويه و جه عاصم مع هناء مرأته و زهرة و مروان و عطى غزل ظرف فيه فلوس حمد الله على السلامه و مروان جاب ماشاءالله لفرحة و بارك لغزل و ماشوا و بعدها دكتور مختار اخد غزل و روح و بعد اسبوعين راح دكتور مختار وحورية و غزل و دكتورة حبيبة البلد دبح عجلين و وزع الشنط مع زيادة عددها إلى 200 شنطة على كل بيوت القرية و رجعوا لحياتهم العادية بعد ما موافقة صالح على طلب حورية انها تفضل تشتغل و تدفع مرتبها لامها علشان تعليم اخواتها و كمان هو تتكفل بكل حاجة حتى لبس حورية هو اللى جابه
بعد إنجاب غزل ابنها الثالث راحت تشوف جدها هى و دكتور مختار و اولادها
الحاج بدران / عوزك تسامحينى أنا كنت السبب فى تعاستك حكمت عليكى تتزوجى عاصم بالغصب و انتى رضيتى علشان أنا ما ازعلش
غزل / أنا مش زعلانة من حد أنا الحمد لله عندى مختار بالدنيا راجل محترم مراعى ربنا فيه و عاصم دلوقت اخويه
الحاج بدران / عوزك تخلى بالك من غزل هى ملهاش حد غيرك
غزل / ليه انت و اخواتى زهرة و سمية و عاصم و هناء مرأته و عمى جابر
الحاج بدران / كل واحد أصبح مشغول بحياته و أنا الحمد لله فين عاصم
غزل / هو لسه مجاش
الحاج بدران / رن عليه ياولدى أنا عوزه ضرورى
دكتور مختار / شكل مرهق هاجيب الشنطة من العربية اقيس ضغطك
الحاج بدران / كلم عاصم الاول ياولدى
عاصم / السلام عليكم أنا جبت العقود مستجلة فى الشهر العقارى و ده شيك بحقها
الحاج بدران / غزل ده حقك فى ورثك من ابوكى الله يرحمه
غزل / أنا مش عوزة حاجة أنا بخير طول ما انت بخير
الحاج بدران / خدى من ايدى
غزل / بعد اذن مختار خلى كل حاجة مع عاصم و لو احتجت شئ انت موجود و اخويه عاصم كمان
الحاج بدران / اسمعى كلامى
دكتور مختار / الحمد لله و لو غزل ليها شئ خليه مع عاصم هو راجل محترم
الحاج بدران / عاصم طلما كده امانه عليك خلى بالك من غزل و سميةو زهرة ودهم
دكتور مختار / راح جاب شنطته و جه وجد الحاج بدران خلاص بيموت
عاصم / هو كان منتظر يطمن على حق غزل فى ورثها من ابوها
دكتور مختار. / تعالى نروح المستشفى
عاصم / جدى بيموت
الحاج بدران / اشهد ان لا اله الا الله و ان محمد رسول الله و اغمض عينيه و مات
دكتور مختار / بكى كتير على الحاج بدران
غزل / واقفة ساكته مش بتتكلم ولا بترد
عاصم / دكتور مختار شوف غزل فوقها
دكتور مختار / عمى راضى هات الحقن دى بسرعة و مسك فونه و كلم دكتورة حبيبة تعالى خدى الاولاد الا عمى الحاج بدران مات
دكتورة حبيبة / زهرة كلمتنى و أنا فى الطريق.
تم دفن الحاج بدران و عمل صوان كبير فى الجرن جنب البيت و بعده بيومين ماتت خيرية بمرض السرطان حيث أنها عانت كتير من الكيماوى والعلاج اللى جعلها كالدمية
بعد اسبوع من وفاة الحاج بدران
عاصم / دكتور مختار بما أن جدى الله يرحمه مات فشوف غزل هتعمل ايه فى ورثها
دكتور مختار / غزل اختك اتكلم معاها غزل كلمى عاصم
غزل / كل حاجة تفضل معاك زى جدو ما كان موجود
عاصم / تحت امرك
غزل / محتاج لاخويه يودنى و يسأل عليه
دكتور مختار / انت دلوقت مكان جدى الحاج بدران شد حيلك هنمشى احنا و بيتى مفتوح ليك فى اى وقت تعالى لأختك
عاصم / حاضر و انت اخ غالى
زهرة / نتجمع هنا كل فترة يا بنات
سمية / ياريت دكتور مختار يوافق نتقابل هنا كل شهر يوم
دكتور مختار / صعب كل شهر خليها كل اسبوعين خميس و جمعة
عاصم / ربنا يباركلك يا دكتور
غزل / يلا علشان عندى عيادة بعد المغرب
دكتور مختار / حاضر سلام عليكم
عاصم / عمى راضى حط الحاجة فى عربية الدكتور مختار
دكتور مختار / انت فعلا حفيد الحاج بدران ربنا يقويك و ييسر امرك يارب
تمر الايام و الكل عايش فى سعاده الحاج جابر تزوج ست كبيرة فى السن و لكنها قلبها كبير أصبحت مع الايام ام لغزل و سمية و زهرة و هناء كانت بتودهم و تقابلهم بالترحاب و السؤال عنهم و زيارتهم
غزل / سبحان الله فى فرق كبير بين طنط خيرية و طنط نادية طنط نادية بتودنا و بتقابلنا بابتسامة و كرم
سمية / امى ربنا يغفر لها و يرحمها كانت قاسية يمكن علشان مرأت خالى كانت بتعاملها وحش
غزل / امك كانت السبب فى موت ابويه و اخويه ربنا يسامحها
زهرة / انسى كل حاجة وحشة حصلت عايشى حياتك ربنا يباركلك فى زوجك و اولادك
غزل / الحمد لله ربنا عطانى فوق اى توقع زوج صالح و دكتورة حبيبة اللى بتعاملنى كابنتها و اولادى و انتم طيبين جدآ الحمد لله على كل نعمة انعمها الله عليه أنا بخير و سعاده
زهرة / و أنا كمان الحمد لله ربنا رزقني باجمل نسمة فى الدنيا و مروان و ادم و هدى و محمود الحمد لله
سمية / أنا زوجى انسان ملتزم دينيا و بيتعامل معايا كبنته و أخته و حماتى ست طيبة الحمد لله
عاصم/ ادخلى هاروح اصلى و جاى
هناء / حاضر عاملين ايه
الكل الحمد لله
زهرة / هنحضر الغدا رن على دكتور مختار و مروان
عاصم / رنى على زوجك يا زهرة
مروان / أنا هنا ومعايا درة مشوى مين عاوز
غزل / أنا
دكتور مختار / اتفضلي يا قلبى هنمشى بعد الغدا
غزل / حاضر
مروان / يلا الغدا يا دكتور
وتمر الأيام و الكل عايش فى سعاده بالرضا و الحب اللى بينهم
غزل / عوزين نروح عمره نفسى اعمل عمره لجدو و ماما و بابا ايه رأيك
دكتور مختار / موافق يا نور عيني
غزل / ابتسمت أنا بعشقك يا اغلى حد فى حياتى
دكتور مختار / على وضعك و حضنها جامد و ...
انتهت الحكاية يارب تنال إعجابكم بحبكم في الله