رواية كيان والشيطان الجزء الثاني الفصل العاشر 10 بقلم محمد منصور
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
لو رجع بيكي الزمن مين تختاري جوزك. وحبيبك. حسن ولا اسلام
هنا سكتت كيان وبدأ التوتر يزيد وضربات قلبها تزيد فقال سميح لما طالت فترة سكوت كيان
مين يبقي حبيبك وجوزك
بلعت كيان ريقها بصعوبه وقالت
اسلام
بص سميح للمؤشر ولقي المرة دي نازل ناحية الاجابة الكاذبة. بص سميح ل كيان وقال
كذب
كيان وهي مصدومة قالت
اية هو اللي كذب.
سميح
اجابتك. انتي في اخر اجابة كنتي كذابة
وانتهي تصوير مقطع الفيديو عند الحد دة في نفس الوقت كانت عفاف بتضحك ونار بتحرق قلب اسلام اللي اتصدم في مراته. وكيان كانت بتقول لسميح وهو بيفك عنها توصيلات جهاز كشف الكذب
انت اللي كذاب والجهاز عادي انك تتحكم في.
سميح
اسمعي انا ماليش مصلحة اني اطلعك كذابة انا اطلب مني اعمل خدمة للعراف وعملتها واكتر من كدة مش مطلوب مني اعمله
وانتهي سميح من فك التوصيلات عن كيان وقال لها
تقدري تمشي
كيان بعصبية
امشي اروح فين بعد ما خليتني قدام جوزي واحدة خاينه
سميح بمنتهي العصبية
انتي اتجننتي تزعقي لي. انت عارفة انتي واقفة قدام مين. انا اللواء سميح خلدون. وعندي استعداد اكسر كلام العراف اللي طلب مني بعد ما تخلصي تحدي جهاز كشف الكذب اسيبك تروحي سليمه. لكن اقسم برب العزه. ادي امر لاوسخ عسكري عندي يجي يسحبك من قفاكي وتترمي في التخشيبة وسط بنات الليل
خافت كيان من اسلوبه ومن تهديده وفضلت بصه له وساكتة وهو قال. بنفس النبرة الحادة
قولت اطلعي برة
خرجت كيان من المكتب وهي بتعيط وبتتصل باسلام اللي لقيت موبيله مقفول وفضلت تعيط وتعيط وتقول في رساله صوتيه ل اسلام
★والله يا اسلام انا قولت اللي حساه. انت فعلا حبيبي وجوزي. بس عادي وسهل جدا العراف يقدر يتحكم في مؤشر الجهاز علشان يخلينا نسيب بعض. اسلام رد عليه وكلمني والله انا محتاجة ليك اوي وخايفة من بكرة وانت مش معايا ★
وفضلت تعيط ومابقتش عارفة تعمل اية. وتسجل رساله تانية. ل اسلام وتقول
★اسلام رد عليه بالله عليك. والله انا من غيرك ماليش لزمه ★
وتمشي كيان في شوارع سوهاج وهي مش عارفة تروح فين. تايهة والحزن بيقتلها بالبطئ..........
ومن ايطاليا. كانت عفاف بتكلم خالد وبتقول
صدقت انها لسة بتحبة
خالد
يعني المؤشر جاب الحقيقة ولا دي خدعه منك
ضحكت عفاف وقالت
خدعة اية بس. دي الحقيقة. حب كيان ل حسن يغلب اي حب تاني جه بعد منه. ودة شئ كنت متاكدة منه
خالد
ودلوقتي بقي انت شايف اية المفروض تكون الخطوة الجاية
عفاف
نقعد ونتفرج.
خالد
وكريم
عفاف
هيموت. بس بعدين لما يبقي لموته لزمه، ،،،،،،،،،
وفي نفس الوقت من جوة بيت جد سيف. عفان يخبط الباب ويروح عفان يفتح تحت تهديد سلاح سلامه واول ما يفتح الباب يلاقي جثة كريم وهو مضروب رصاصة في صدرة والدم مغرق هدومة اتصدم عفان وبص ل سلامه اللي كان بيبص ل كريم وهو مستغرب وهنا تظهر سحر وهي حطه سكينه علي رقبه سيف وبتبص ل سلامه وتقول له
خد جته ابنك اللي قتلو اخوات فرج وادخل بيها البيت والا تحب اذبح لك ابنك قدام عينك
بص سيف ل سحر ورفع الطبنجة في وشها وقال باستهزاء
هو انتي ما حدش قال لك انه ابن حرام
ضحكت سحر وقالت
ما كنتش اعرف انك غشيم اوي كدة. واي كلمتين يتقالو ليك يهزوك اوي كدة
وفضلت سحر تضحك وسلامه هيتجنن وبيتضعط علي الزناد وهو ناوي علي الشر لكنه مش قادر خايف سيف ابنه يتاذي شافت سحر التردد في عيونه وفي ايدة اللي بتترعش فقالت
دخل كريم البيت خلينا نعرف نتكلم
سلامه
مافيش بيني وبينك كلام
داست سحر بالسكينة علي رقبة سيف اللي بدات تجيب دم فقالت سحر
خلاص خلينا واقفين. ووريني هتستحمل لحد فين وانا بذبح ابنك قدام منك
سلامه وهو بيصرخ فيها
دة مش ابني
سحر وهي بتقطع حتة كمان من رقبة سيف. وسلامه مش قادر يستحمل يشوف الدم نازل من رقبه سيف فقال
كفاية وهعمل لك اللي انتي عايزه
ومد سلامه ايده وبدأ يسحب كريم وهو بيقول
كيف الواد دة ميت وجسمة دافي كدة
في الوقت دة كانت سحر بتسحب سيخ حديد كان جنب الباب وبتضرب سلامه علي دماغه وقع سلامه فاقد الوعي ،،،،،،،
وفي نفس الوقت كان حسن في بيت طارق والد كيان وقاعد مع طارق في البالكونة بتاعت شقة طارق وبيقول طارق
اية اللي خلي العراف دة يرجع تاني يفتكرنا وازاي في عراف وكيان اعترفت انها هي العراف
حسن
ما عرفش انا من بعد ما جت لي المكالمة دي وانا بحاول اوصل ل اسلام افهم منهم اية اللي حصل بينه وبين كيان لكن اسلام ما بيردش
طارق
ما اتصلتش علي كيان لية
حسن
انا ما ينفعش اتصل لاني ممكن بسبب المكالمة دي اسبب مشكلة اكبر
طارق
خلاص انا هاتصل ب كيان افهم من،،،،،،،،،
في الوقت دة غمز حسن ل طارق وقال له بصوت واطي
مراتك جميلة جاية. وبلاش تعرف باللي قولته ليك
سكت طارق وبص ل جميلة لقاها جايبة فنجانين قهوة وهي بتحطهم قدام الاثنين قالت
سكتوا يعني اول ما شفتوني جاية
ابتسم حسن وقال
بنتكلم في الشغل هنصدعك لية معانا
جميلة
والشغل في كيان
طارق
جميلة جبتي القهوة اتاكلي علي الله وسيبينا دلوقتي
جميلة
بقي كدة يا طارق
طارق
قولت سيبينا يا جميلة.
مشيت جميلة وهي مضايقة وطبعا شكت ان في الامور امور وبمجرد ما بعدت قال حسن ل طارق
قبل ما تتصل ب كيان هات اللاب بتاعك
طارق
هتعمل اية باللاب
حسن
هدخل علي موقع العراف يمكن نفهم اية اللي بيحصل ل كيان واسلام
طارق
والله فكرة
وبسرعه قام وراح جاب اللاب بتاعه ورجع وحط اللاب قدام حسن وعلي ما اللاب يشتغل قال حسن ل طارق
انت لسة عامل متابعة لموقع العراف
طارق
لا طبعا. بعد كل اللي حصلنا ازاي افضل متابعه. بس اعرف ازاي اخليك من متابعينه
حسن
طيب كويس
واشتغل اللاب واشترك طارق تاني في الموقع وبداو يتفرجوا علي كل الفيديوهات اللي بتقابلهم لغاية ما وصلو للفيديو اللي كيان في كانت قاعدة علي جهاز كشف الكذب واخر سؤال وازاي المؤشر قال انها كذابة هنا بص طارق ل حسن وقال
اظن بقي باين اية اللي بين اسلام وكيان
حسن وهو مش مصدق نفسه وقال
ازاي كيان تكون لسة بتفكر فيا بعد كل اللي عدينا بي بسبب الحب دة. كفاية موت عفاف وهي فاكرة اني في حاجة بيني وبين كيان
طارق
ومين كريم وسحر دول. واية علاقتهم ب كيان واسلام
حسن
اتصل ب كيان يا طارق وحاول تفهم منها اية الحكاية ولما هي مش العراف اومال مين العراف
ومسك طارق الموبيل بتاعه واتصل ب كيان وهنا رديت عفاف اللي كانت محولة الخط علي رقمها وقالت وهي مغيرة صوتها
طارق انت لسة عايش
طارق باستغراب
مين معايا. وفين كيان
ضحكت عفاف وقالت
هو ما حدش قال لك انها في الصعيد. وقريب اوي. هترجع لك في صندوق. وكدة تبقي دفعت حق الفاتورة القديمة اللي عليها
طارق بعصبية
انت مين
عفاف
انا العراف. اللي خليتك تعمل فلوس زي الرز من وراء تنباؤتي ولا نسيت
طارق
اومال لية كيان قالت انها العراف
عفاف
وانت صدقتها. طيب بذمتك كيان تنفع تكون العراف. بس اقول اية زيك زي غيرك. غبي. علي اي حال. اعزيك بقي من دلوقتي في بنتك. اللي حكاية موتها هتبقي حكاية يحكيها كل متابعين الموقع
وقفلت عفاف وفضل طارق يقول
الو الو. الو
حسن اللي كان سامع كل اللي بيتقال
العراف دة حد يعرفنا كويس اوي.
طارق
طيب مين؟ ولية عايز يقتل كيان، ،،،،،،،
في نفس الوقت كانت كيان بتلف في البلد ومعها صورة ل كريم وبتوري الصورة لاي حد تقابله يمكن حد يعرف هو فين وفضلت علي الحال دة شوية لغاية ماقبلت اللي قال
ايوة شوفته مع سيف ولد سلامه ورايحين ناحية بين الحج عفان
فرحت اوي كيان ان كريم لسة عايش وقالت
تعرف توصف لي البيت دة فين، ،،،،،،،،،،
وفي نفس الوقت كان خالد اللي مهكر موبيل كيان ومتحكم في بشكل كامل لدرجة انه قادر يفتح الميكرفون والكاميرا ويعرف كيان بتقول اية ومع مين. سمع كلامها من الراجل اللي دلها علي بيت عفان فاتصل ب عفاف وقال لها علي اللي سمعه. هنا قالت عفاف
عايزا البيت دة يبقي في كاميرات من اللي بتطير
خالد
موجودة في البلد وبتحكم فيها بمساعدة المأمور سميح ولعلمك بقي موبيل سلامه متهكر زي ما انت عارف وهو دلوقتي تحت ايد سحر
عفاف
عرفت. وعايزاك تبعت رساله صوتية علي موبيل سلامه بصوت كيان وهي بتقول. انا عرفت مكان سحر وكريم ورايحة اجيبهم واسلمهم لاخوات فرج
خالد
وبعد كدة
عفاف
نقعد نتفرج علي سحر وهي بتاكل لحم كيان نئ. ،،،،،،
ومن جوة بيت عفان يفوق سلامه يلاقي نفسه مربوط في كرسي وقدام منه تقف سحر ومعها كريم وسيف والحج عفان وجة سلامه يقوم لقي نفسه متكتف قالت له سحر
مش انت بس اللي بتعرف تربط خلق الله في كراسي
بص سلامه ل كريم اللي كان بيضحك وبيقول ل سلامه
شوفتني وانا ميت يا حمار
بص سلامه ل سحر فقالت سحر
اصلي حبيت العب معاك زي ما انت ما كنت بتلعب معايا خليت سيف يوديني بيتكم وقلبت في دولابك لغاية ما لقيت قميص الدم اللي انت لبسته قبل كدة وضحكت بي عليه والجلد الصناعي اللي انت برضو ضحكت بقي عليه والباقي بقي اسيبك انت تتوقعه بمعرفتك
اتعصب سلامه وحاول يفك نفسه فقالت سحر
كفاية حزق علشان مش هتعرف تفك نفسك
سلامه
انتي عايزا اية
سحر
نفسي اقتلك واخلص الناس من شرك. بس وعلي اية انا اسلمك للحكومة وهما بتصرفوا فيك بمعرفتهم
وهنا يسمعوا كلهم صوت كيان وهي بتقول في رساله علي موبيل سلامه. انا عرفت مكان سحر وكريم ورايحة اجيبهم واسلمهم لاخوات فرج
راحت بسرعه سحر ومديت ايديها في جيب سلامه وخرجت الموبيل وقالت
مين اللي بعدت لك الرساله دي
سلامه
ماعرفش
ضربته سحر بالقلم وقالت بعصبية
قولي مين دي. اللي مسلطها ترقبنا
وفي الوقت دة يخبط باب البيت فيسكتوا كلهم وببصوا للباب ويسمعوا صوت كيان بتقول
حج عفان
بصت سحر ل سلامه وقالت بصوت واطي
هي دي اللي مسلطها علينا. ورب الكعبة لخليك تقتلها بيدك ودمها تلبسه انت
ومسكت ايدة وحطت في الطبنجة ووجه الطبنجة ناحية باب البيت وكتمت بوق سلامه بالايشارب بتاعها وقالت ل سيف بصوت واطي
روح افتح الباب
سيف بصوت واطي
بلاش نبقي زيهم ونختار. طريق الدم
سحر
انتي عايزني اسيب واحدة بنت حرام زي دي وتفتكر لو سيبتها انا هي هتسيبنا. روح افتح الباب. وابعد عن وشة
راح سيف وهو مش عايز لكن سحر قالت
قولت افتح الباب
وفتح سيف الباب. وبعد عن الباب استغربت كيان للباب اللي اتفتح وماكنش وراء حد فقالت
عم عفان
وزقت كيان الباب علشان تخرج رصاصة وتيجي في، ،،،،،،،،،
الجزء الاول من كيان والشيطان من هنا