رواية لن اتزوج حتي احب الفصل الخامس 5 والسادس 6 بقلم فاطمة هشام
*ندى تكون مبسوطة انها قدرت تقنع مامتها بأنها متتجوزش بالطريقة دى لكن مامتها ال فى دمغها فى دمغها بس قالت مش هتعمل حاجة وهتستنى لحد ما يتقدملها عريس تانى قصدى رابع واخيرا اتخرجت ندى من سنة رابعة وماكنش وراها اى حاجة تعملها غير قاعدة البيت والنت واحيانا تخرج مع صاحبتها وكانت حياتها عادية جدا واسلوبها مع مامتها عادى لحد ما حصلت حاجة غيرت وقلبت كل حاجة رأسا على عقب*
منى*جت عشان تزور ندى وفضلت ترن الجرس*:ايه هو محدش هنا ولا ايه
ندى*قامت وفتحت الباب ولقت منى وسلمت عليا*:مونى ازيك تعالى ادخلى
منى:بحسبكوا مش موجودين
ندى:هنروح فين يعنى ما احنا على طول فى البيت*ودخلت منى عشان تسلم على عائلة ندى*
ناهد:مين الجه ياندى
منى:انا ياطنط ازي حضرتك
ناهد*ابتسمت*:الحمد لله
منى:ازيك ياعمو
عاصم:بخير يابنتى
منى*قربت من نادية واديتلها المصاصا البلفلورة البتحبها*:خدى يا انوش المصاصا بتاعتك اهيه
نادية*ابتسمت وخدتها منها*
ندى*بأسلوب طفولى*:وانا فين مصاصتى
نادية*ابتسمت*:انتى كبرتى على المصاصات
ندى:تؤ تؤ انا لسه صغننة خالص هاتى مصاصتى ابت
منى:بطولة لسانك دى مش هجبلك حاجة
ندى*ضحكة*:مش عايزة منك حاجة اصلا *وقامت مطلعلها لسانها*
منى:عيلة خالص ,تعالى عيزاكى فى موضوع
ندى:موضوع ايه
منى:لما نبقى لوحدنا
ندى:عن اذنكوا
نادية:انا هاكى اقعد معاكوا
ندى:لا يا انوش خليكى هنا اتفرجى على الكارتون
نادية*بحزن*:لا عايزة اقعد معاكوا مليش دعوه
منى:خلاص خليها تقعد معانا
ندى:بقى كدا يا انوش مش بتسمعى الكلام انا زعلانة منك
نادية:خلاص اسفة
ندى:لا خلاص يلا تعالى اقعدى معانا بس مش هكلمك وهزعل منك
نادية*عيطت ورمت المصاصا على الارض*:انا اسفة
منى:اخص عليكى خلتيها تعيط
ندى*مسحت دموعها*:خلاص مطعيتيش انا هدخل الاوضة مع منى نتكلم وبعد كدا هنيجى نقعد معاكى
نادية:ماشى
ندى:ومتاكليش المصاصا ارميها عشان كدا غلط وانا هجبلك واحدة تانى
نادية*ابتسمت*:حاضر
*ودخلت منى وندى الاوضة*
منى:ما كنتى تخليها تقعد معانا
ندى:لا هى كبرت ولزما بقى تتعلم ان مدام قولتلها لا يبقى لا وكمان انتى مش متصورة متعلقة بيا ازاى انا لزما لما اخرج تخرج معايا وماسكة فيا طول النهار والليل ده انا حتى خايفة اشتغل والله بسببها
منى:انتى المربياها ياندى عشان كدا هى قريبة منك اوى
ندى:ودى حاجة على قد ما مفرحانى على قد ما هى مخوفانى ,وماما كمان بتفضل تقولى ده غلط عشان لما تتجوزى متبقاش متعلقة بيكى اوى
منى:بصراحة عندها حق
ندى:انا بحاول على قد ما اقدر انى ابعدها عنى شوية بس مفيش فايدة متعلقة بيا برده ,المهم سيبك من الموضوع ده انتى كنتى عيزانى فى ايه
منى*سكتت*
ندى:ايه اتخرستى ,ماتنطقى يا بنتى
منى:انا جايلى عريس
ندى:بجد مين وامتى وفين وازاى انطقى بسرعة بسرعة بسرعة
منى*ضحكة*:ايه يا مجنونة ده ,هقولك كل حاجة
ندى:طيب قولى
منى:ده يبقى ابن واحد زميل بابا فى الشغل عارفنى يعنى وعارفين بابا وكدا وجه عشان يتقدملى
ندى:مممممممم جواز تقليدى يعنى
منى:اة ايه المشكلة
ندى:يعنى مشوفتهوش ولا شافك قبل كدا
منى:لا
ندى:طيب
منى:مالك وشك اتغير كدا ليه
ندى:ما انتى عارفة انى مش مقتنعة بالجواز بالطريقة دى
منى:اصلا يا ندى انتى دماغك ضاربة
ندى:ضاربة ليه ان شاء الله عشان نفسى احب واتحب ويحصل مغامرة بينى وبين البحبه
منى*بستغراب*:مغامرة
ندى:ايون ,يعنى يجيلى تحت البلكونة يغنيلى كل مرة اشوفك فيها ببقى نفسى أأأأأ ,والشريط يسف
منى*ضحكة*:والله انتى دماغك فى الضياع
ندى:بصى انا شايفة ان الهيبقى من نصيبى ده اكيد هحس به هعرفه من اول مرة اشوفه بجد ده احساس جوايا مش عارفة صح بقى غلط مش عارفة بس انا حاسة بكدا ورافضة ان اتجوز غير لما القى الشخص ده الهحبه وال قلبى هيختاره
منى:ايه كلام الافلام ده ,ماتفوقى بقى يا ندى انتى عايشة هنا فى واقع يعنى كلام الحب والغرام والرومانسية ده كله كلام وحتى لو حقيقة بيكون فى الاول وبعد الجواز كل شئ بيتغير بيبقى فيه مسئولية وعيال وتربية ومصاريف
ندى:خليكى كدا احبطينى بكلامك ال زى السم ده
منى:الحق عليا انى بفوقك
ندى:ياستى انا مش عايزة افوق سيبينى انا فى احلامى وخليكى انتى فى المصاريف بتوعك
منى:براحتك بكرة هتجوزى وهاجى اشوفك وانتى رابطة راسك رابطة الخادمين وبتجرى وراه العيل ده وبتزعقى ل ده وواقفة فوق الكنبة بتصوتى منهم
ندى:لولا انك فى بيتى كنتى قولتلك اطلعى برة يابت
منى:مش طالعة
ندى*بهزار*:خلاص خليكى كتك ضاربة *وسكتت شوية وابتسمت*:عموما مبروك وربنا يتمملك بخير ماتنسيش تعزمينى فى الفرح
منى*ضحكة*:اعزمك ده انتى اول واحدة اصلا اومال مين الهتنزل معايا وهتروح وهتيجى عشان نجيب الوازم بتاعتى ووالاجهزة الكهربائية وهتفرش معايا الشقة وهتشوف لو حاجة ناقصة ننزل نشتريها تانى
ندى:لا متعزمنيش احسن انا اصلا مش عايزة اتعزم
منى:معزومة غصبن عنك *وشوية ومامت ندى تدخل ومعاها عصير لمنى واتقدمهولها*:شوفتى ياطنط ندى
ناهد*ابتسمت*:مالها
منى:مش عايزانى اعزمها على خطوبتى وفرحى
ناهد*اتصدمت وفضلت واقفة ساكتة شوية*:ان تى ,انتى هتتخطبى
منى:قريب ان شاء الله,هو العريس طيب وابن ناس وبابا بيشكر فيهم اوى وخطوبتنا هتكون قريب
ناهد*تبتسم ابتسامة صغيرة*:مبروك
منى:الله يبارك فيكى ياطنط ,عقبال ندى لما تخلصى منها
ناهد:عن اذنكوا يابنات
منى:اتفضلى
منى:شكل مامتك مش طيقاكى خالص وعايزة تخلص منك
ندى:هى مش طيقانى اصلا من ساعة ما اتولدت,عموما لزما تكلمينى بكرة وتعرفينى الاخبار
منى:اوكى ,انا هروح بقى
ندى:اوكى ياحبيتى والف مبروك
منى:الله يبارك فيكى يا حبى عقبالك
ندى*ابتسمت*:ان شاء الله
*وتروح منى وميحصلش حوار بين ندى ومامتها خالص بسبب الموضوع ده وييجى يوم خطوبة منى وماجد وندى تكون فرحانة ليها اوى واول ما ترجع من الخطوبة مع نادية تحكى لمامتها على الخطوبة*
ندى:كنتى تيجى معانا ياماما الخطوبة كانت هتعجبك اوى
ناهد*بحزن*:فرحانة ياندى
ندى*بصت لمامتها بستغراب*:ايه السؤال ده ياماما
ناهد:صحبتك اتخطبت وقريب هتجوز وانتى لسه زى ما انتى
ندى:ماما ده نصيب وانا نصيبى*ولسه هتكمل مامتها قطعتها*
ناهد:متقوليش مجاش انتى اتقدملك ناس ورافضتى ومن فترة قليلة اتقدملك 2 وقبل حتى ما تقعدى معاهم رافضتى وانا سكت لكن خلاص بقى مش هسكت بعد كدا
ندى:يعنى ايه ياماما
ناهد:يعنى ابوكى كان قايلى على عريس متقدملك وهو قالوا ادينا وقت عشان نفكرونرد عليك فأحنا هنحدد ميعاد عشان ييجى وتشوفيه
ندى:بس ياماما*ولسه هتكمل كلامها*
ناهد:مفيش بس وكلامى هو الهيمشى
ندى*الدموع فى عنيها*:ال تشوفيه ياماما عن اذنك
*ودخلت ندى اوضتها مع اختها*
نادية:انتى تعيطى ليه
ندى*بتمسح دموعها*:انا مش بعيط
نادية:لا تعيطى الدموع فى عنتينك اهيه ,متزحليش من ماما عشان بتزعق هى على طول كدا
ندى*ابتسمت وخدتها فى حضنها وسكتت*وبعديها بفترة جه العريس ال من طرف والدها ودخلت ندى تقدمله العصير وقعدت مع اهله*
ليلى*بصت لندى وابتسمت*:ماشاء الله عليكى تعالى اقعدى جمبى ياعروسة
ندى:لا انا مرتاحة هنا
ناهد*بتبرقلها*:قومى ياندى اقعدى جمب طنط
ندى:حاضر
ليلى:عروستنا زى القمر
ندى:ميرسى
ليلى:بس عايزة تتخنى شوية معصعصة اوى انتوا مش بتأكلوها ولا ايه
ناهد*ضحكة*:لا والله بتاكل بس هى المش بيبان عليها
ندى*لنفسها:ايه الولية الخنيقة دى هى مالها هى رفيعة ولا تخينة*
رشاد:بنتك بسم الله ماشاء الله عليها ادب واخلاق ربنا يخليهالك
عاصم:ربنا يخليك يارشاد
رشاد:يعنى نقرأ الفاتحة
ندى*بتعالى صوتها*:لا*كلهم بصولها*ندى بصتلهم وقالت بصوت واطى*:مش لما نتكلم انا والعريس الاول
ناهد:بكرة الايام جاية كتير واتكلموا براحتكوا
ندى*بأصرار*:انا عايزة اتكلم دلوقتى
شادى:وانا كمان عايز اتكلم معاها الاول عشان عندى كلام لزما اقولهولها
ندى*ابتسمت*:شوفتى
ناهد*بتنهيدة*:طب اتفضلوا على البلكونة اتكلموا شوية واحنا مستنينكوا هنا
*وقامت ندى وعريسها ووقفوا فى البلكونة*
ندى:خير كلام ايه ال عايز تقولهولى
شادى:انا هقولك كلام لزما تعرفى بنأ عليه هنكمل حياتنا سوى
ندى:تمام قول
شادى:انا الكلام البقوله لزما يتسمع ومن اول مرة ومن غير اى نقاش
ندى*ابتسمت*:كمل
شادى:ايام الخطوبة لزما اعرف انتى رايحة فين وجاية منين وهترجعى امتى والساعة كام وقبل ما تفكرى تخرجى تكلمى تستأذنى منى ,بالنسبة بقى الصحباتك وكدا لو واحدة منهم مخطوبة وخرجنا فى يوم وقابلناها هى وخطبها مش هنسلم عليهم انا مبحبش كدا الكلام والسلام وخطيبها يكلمك مش غيرة ولا حاجة بس انا مبحبش الكلام الفاضى ده وبعدين الكلمة الاولى والاخيرة ليا انا فى اى شئ يخصك وانتى تقولى حاضر عشان مبحبش المناقشات انا الراجل وكلمتى ال لازم تتسمع مهما كانت النتيجة هتنفذى وخلاص
ندى:كمل
شادى:اسلوب بقى سهوكة البنات ونكلم نحب فى بعض واجبلك هدايا فى المناسبات والكلام ده مليش فيه وليه اصلا نضيع فلوسنا على الهبل ده احنا نحوشهم للبيت احسن لزما الواحد ميصرفش كتير وياخد باله من فلوسه انا مش بحب ال ايديهم سايبة وبيصرفوا على الفاضية والمليانة فلزما تخلى بالك اوى من دى وبالنسبة بقى انك تسألينى رايح فين جى منين فده مش من حقك انا اعمل ال اعمله واجى الوقت اليعجبنى وبس وهى دى الحاجات العايزك تعرفيها وانتى باين عليكى مطيعة
ندى:لا انا ندى
شادى:بتقولى حاجة
ندى*ابتسمت ابتسامة لحد ودانها*:ياريت ندخل من البلكونة عشان ال جو بقى خنيق اوى
شادى:مش بمزاجك على فكرة انا حر
ندى:خلاص خليك انت هدخل انا
شادى:من اولها مش بتسمعى الكلام مدام انا واقف يبقى لزم تقفى معايا
ندى*فضلت بصاله وبتكتم غيظها عشان مش تضربه بالجزمة ال فى رجلها وقالت تصبر لحد ما يدخلوا يقعدوا مع اهليهم ,,,وشوية وطلب منها شادى انهم يدخلوا يقعدوا جوه*
ناهد:ها ياندى
ندى:تمام اوووووووى
عاصم:يعنى نقرأ الفاتحة
ندى:ايون بس على روحه
ليلى:ايه ال انتى بتقوليه ده
رشاد:خير يابنتى حصل ايه
ندى:هقولك الكلمتين المحشورين فى زورى الكان نفسى اقولهملك وقت الكلام المتخلف ال كنت بتقوله
شادى*بعصبية*:انا قولت كلام متخلف
ندى:طبعا,لما تكون فاكر انك من حقك تتحكم فيا وانك تؤمرنى وانا انفذ وان دى رجولة تبقى غلطان واصلا مش من حقك ايام الخطوبة تعرف انا راحة فين وجاية منين انا طول ما انا فى بيت اهلى هم بس الستأذن منهم انت من حقك انك تعرف لكن مش من حقك تقول اة او لا ومدى لنفسك الحق انك تروح وتيجى وانا مش من حقى حتى اقولك رايح فين وجى منين عشان انت راجل!لكن بالنسبة بقى لكلامك هو الهيمشى وهينفذ ليه شايفنى معنديش رأى وشخصية ولا ايه لا لزم تعرف ان عصر سى السيد ده انتهى وكمان سى السيد ده اصلا ال كل فرحان به ده مش راجل يكفى انه فى الاخر خان مراته الحافظت عليه وعلى شرفه وكبرت عياله وفى الاخر خانها مع رقاصة واظن ان الخيانة مش من صفات الرجولة ولا ايه وبالنسبة للسهوكة والحب انا فعلا مبعترفش انا الحب بالكلام لكن بالفعل وبالطريقة القولتهالى بيها حسيت انك اصلا مستخسر انك تكلمنى او تجيبلى هدايا وشكلك كدا بخيل وانا مبحبش البخله ومن الاخر روح شوفلك واحدة غيرى تكون امينة ياسى سيد واى بنت توافق على كلامك المتخلف ده يبقى بجد تستحق تكون امينة وتعيش ندمانة طول عمرها انها اتجوزت واحد زيك *وقامت وقفت*:ياريت تاخده ابنكوا يتعالج من ال هو فيه ده ,شرفتونا
*وطبعا قاموا ومشيوا من غير ما ينطقوا بولا كلمة وبعد مامشيوا دخلت ندى اوضتها بس المرة دى مامتها جت*
ناهد:ينفع ال عملتيه ده ابوكى بقى شكله وحش قصادهم
ندى:ليه ان شاء الله انا مقولتش كلام غلط ده الصح وال لزما يتقال
ناهد:هو انتى ليه فى كل واحد يتقدملك تعملى كدا ما كل البنات بيتقدملها ويتخطبوا من غير اى حاجة ما منى صاحبتك اهيه جالها عريس واتخطبتلوا وهيتجوزه انتى ليه بتعملى كدا
ندى:عشان انا مش منى ومش زى اى بنت بتفكر انها تتجوز والسلام انا بدور على حد معين ولحد دلوقتى مش لقياه
ناهد:ومين ده بقى ان شاء الله لو موجود خليه يتقدم ويريحنا
ندى:هو انتى كل الهمك ان حد يتقدم يا ماما انا لسه صغيرة
ناهد:الصغيرة دى بتكبر والعمر بيعدى بسرعة وفجأه هتلاقى نفسك وصلتى لل 30 وال 40 وانتى مش حاسة
ندى:مش للدرجة دى وحتى لو ده حصل انا برده راضية بنصيبى مهما كان ايه هو
ناهد:انتى عايزة تجننينى انتى تضيعى العرسان وتقولى راضية بنصيبى ال ترضى بنصيبها دى لو محدش بيتقدملها خالص او بتتخطب وتفسخ خطوبتها لكن انتى اصلا مش عايزة تدى لنفسك فرصة انك تتخطبى
ندى:عشان عارفة ان النتيجة واحدة ان فى الاخر هفسخ الخطوبة
ناهد:بس اتخطبى
ندى:يوووووووووووه انتى كل الهمك اتخطب وخلاص
ناهد*بنرفزة*:انتى بتعالى صوتك عليا يا ندى
نادية*قامت من النوم وفضلت تعيط جامد*:انا خايفة انا خايفة
ندى*جريت عليها وحضنتها*:متخفيش ياحبيتى انا معاكى
ناهد*بصت لندى وقالت بحزن*:انتى حرة ياندى حـــــــــــــرة اعلمى ال انتى عيزاه وانا مش هجبلك عرسان تانى
ندى:ياريت ولو شوفتينى كبرت من غير ما اتجوز ابقى جبيلى اى حد وساعتها هوافق عليه من غير تفكير
ناهد:انتى ال قولتى والسنين بينا
*وخرجت ناهد وسابت ندى دموعها على خدها وفعلا من ساعتها ناهد مجبتلهاش عرسان وطبعا الناس من كتر ما عرفوا ان بيجيلها عرسان وبترفض محدش جالها طول ال 6سنين و مامتها ماكنتش ساكتة وطول السنين دى لزما تتكلم معاها فى الموضوع وكانت خايفة على بنتها لتعنس وماكنتش عارفة تعمل ايه خصوصا ان محدش كان بيتقدملها خالص وحتى ولا حد من اصدقائها كانوا بيكلموها على بنتها ,,,,,,,,,,,,وتفتكر ندى السنين العدت من عمرها وهى برده ملقتش الانسان البدور عليه ومش عارفة اذا كان ممكن تتجوز فعلا ولا لا وحتى بعد السنين دى كلها مصممة انها مش هتجوز غير لما تحب وفى يوم تروح ندى لمنى وتقعد معاها شوية*
ياهل ايه رأيكوا فى الكلام القالته ندى للعريس الرابع وياترى هتعمل ايه مع العريس الخامس؟
الحلقة (6)
*وبعد ما ندى تفتكر السنين دى الدموع تنزل على خدها وتصعب عليها نفسها بس برده كانت مصممة انها صح ومش هتجوز بالطريقة دى ابدا ونامت ندى عشان تكمل احلامها ال فى خيالها وحياتها البتحبها فى الاحلام وبس وتانى يوم قررت تروح تقعد مع منى شوية*
منى:ها احكيلى عاملة ايه
ندى:مفيش اى جديد
منى:لسه مفيش اى حاجة خالص
ندى:لا وانا مرتاحة كدا
منى:مش حاسة بكدا ياصاحبتى
ندى*بصتلها بحزن*:لاصدقينى مبسوطة والحمد لله على كل شئ ,المهم انتى ايه اخبارك وعاملة ايه فى الحمل
منى:طالع عينى وحاسة انى هولد خلاص
ندى*بهزار*:تولدى فى الرابع ده انتى كدا تبقى غلبتى فيريال
منى*ضحكة*:والله يابنتى تعبانة اوى الحمل ده شئ فظيع
ندى*ابتسمت*:بس حلو كفاية انك شايلة حتة منك وانك تشوفى ابنك او بنتك لما يتولدوا وتشليهم وتفرحى بيهم *والدموع نزلة من عين ندى غصبن عنها وقامت بسرعة وقفت فى الشباك*
منى*قامت وراها*:ندى انتى بتعيطى
ندى*بتمسح دموعها*:لا,تعرفى انا كل ما اشوف واحدة حامل بفرح اوى وبلاقى نفسى بتخيل انى انا كمان حامل كان نفسى يبقى عندى اطفال افرح بيهم والعب معاهم
منى:انتى بتكلمى كدا كأنك مش هتخلفى ,ان شاء الله ياحبيتى تتجوزى وتخلفى وتفرحى بعيالك
ندى:تفتكرى
منى:اكيد ان شاء الله ,مش انتى مؤمنة بنصيبك
ندى:طبعا وعارفة ان المكتوبلى هو الهشوفوا
منى:خلاص خليها على الله ,ولما حد يتقدملك بلاش تعقدى الامور وبسطيها
ندى:لو حد اتقدم بقى اظاهر ان مفيش
منى:متقوليش كدا ده انتى زى القمر ومية واحد يتمناكى بس هم الشباب البقوا عمى اليومين دول
ندى*ضحكة*:فعلا*وبصت قصادها لقت شاب بينشرالغسيل*:ايه ده
منى:ايه
ندى:انتى شايفة ال انا شايفاه
منى:هو ايه ده يابت
ندى:الشاب البينشر ده ,مش ده العريس المتجوز من فترة
منى*بصت عليه*:اة هو
ندى:هى مراته مش بتنشر ليه
منى:لا ما هو البينشر ويطبخ ويغسل ويمسح
ندى*بصلها*:انتى اكيد بتهزرى
منى:لا والله ده بجد جدا
ندى:ازاى يعنى
منى:متستغربيش اوى فى شباب كدا تقريبا كدا العصمة فى ايد مراته يابنتى انا بشوفها بتشترى حاجات وهو البيشيل وعلى طول اشوفوا هو البينشروبيمسح البلكونات واكيد هو البيطبخ ,مش انتى مش عايزة سى سيد عايزة واحد زى ده يعنى
ندى:لا طبعا ,بصى هو ان الزوج يساعد زوجته دى حاجة كويسة بس هو من نفسه اليساعدها مش هى التقوله انشر واغسل وامسح وهو بكل بساطة يوافق انا كدا هتجوز سوسن مش راجل
منى:والله يابنتى انا مستغربة ازاى بيوافق بس بينى وبينك ساعات بدعى ان ماجد يبقى زيه كدا
ندى:يابنتى ما هو انتى ممكن تطلبى منه انه يساعدك بس طلب مش تؤمرى وهو ينفذ مساعدة الزوج لزوجته حاجة ضرورية لكن مش للدرجة دى اصلا انا مش مصدقة ان فى حد كدا
منى:لا ده تقريبا مختلف و قليل اوى ال تلاقيه كدا
ندى:اكيد ,بس تعرفى مهما اختلافوا تلاقيهم متشابهين فى 3 حاجات الانانية,السيطرة,العين الزايغة
منى:مش كلهم
ندى:لا كلهم وخصوصا عينهم زايغة دى اساسيات عندهم
منى:ساعات بحس انك اصلا معقدة من الرجالة
ندى:حاسة مش متأكدا
منى:ده بجد ولا ايه
ندى*ضحكة*:لاوالله مش متعقدة بس مش لاقية الانسان الصح ال ارتاح معاه ال احس معاه بالامان واقدر اديله قلبى هى دى مشكلتى
منى:هتلاقيه ان شاء الله يعنى هيروح فين جى جى
ندى:تلاقى المواصلات زحمة برده *وشوية والباب خبط وكانت منى هتروح تفتح*:لاخليكى انتى مستريحة هفتح انا *وراحت ندى تفتح الباب لقت قصادها شاب فى التلاتينات عنده دقن بصلها وبعد كدا بص فى الارض*:حضرتك عايز مين
محمود:استاذ ماجد هنا
ندى:لامش موجود لما ييجى اقوله مين
منى*جت وقفت جمب ندى*:اهلا استاذ محمود
محمود:اهلا بحضرتك هو استاذ ماجد جى امتى
منى:والله هو عند والدته واحتمال يتأخر شوية
محمود:طب انا اسف على الازعاج السلام عليكم
منى:وعليكم السلام *وقفلت الباب ووقفت هى وندى يتكلموا*
ندى:هو مين ده
منى:ده استاذ محمود زميل ماجد بييجى ساعات ياخده وينزله يقعده مع بعض شوية
ندى:طيب ,بس شكله كدا ملتزم دينيا اوى
منى:عشان الدقن يعنى وكدا
ندى:اة انا اعرف كل المرابى دقنه بيبقوا كدا
منى:والله يابنتى انا مش بتعامل معاه خالص بس هو انسان محترم وماجد ديما بيشكر فيه
ندى:ماشى ,هروح بقى عشان الوقت هيتأخر
منى:ماشى ياحبى سلام
ندى:سلام
*وسلمت ندى على صاحبتها ومشيت وبرده فضلت حياه ندى زى ما هى مش فيها اى تغير لحد ما فى يوم منى كلمتها*
منى:ازيك ياندى
ندى:تمام
منى:بقولك ايه هو عمو وطنط عندك
ندى:اة موجودين
منى:طيب انا شوية وجيالك
ندى:تنورى بس ليه بتسألى على بابا وماما
منى:لما هاجى هتعرفى
ندى:متقولى يامنى دلوقتى
منى:لما اجى بقى سلام
*وبعد شوية جت منى وسلمت على اهل ندى وقاعده كلهم فى الصالة*
عاصم:خير يامنى
منى:خير ان شاء الله,بصراحة ياعمو فى واحد زميل ماجد عايز يتقدم لندى
ندى*وقفت مصدومة وفاتحة بؤها*:يتقدملى انا
منى:اة انتى
ناهد:بجد يامنى ,مين هو
منى:استاذ محمود انسان محترم اوى والله وان شاء الله هيبقى من نصيب ندى
ناهد*بصتلها*:قولتى ايه ياندى
ندى:استاذ محمود ده الشافنى عندك فى البيت
منى:اة ياستى شافك واعجب بيكى وعايز يتقدملك يعنى معندكيش حجة
ندى*ابتسمت*:بس انا
ناهد:انتى ايه ياندى يابنتى حرام عليكى عايزة افرح بيكى بقى
ندى:خلاص ماشى ييجى واقعد معاه ونتكلم
عاصم:على خيرة الله خليه يكلمنى يامنى
منى:ماشى ياعمو وان شاء الله هيبقى من نصيبها
ناهد:يارب ,بس صاحبتك متعقدش الامور
منى*بصت لصاحبتها*:ندى والله استاذ محمود طيب اوى وابن حلال
ندى:انتوا على فكرة ظلمنى! ولو هو طلع كويس انا هرفضه ليه يعنى اكيد هوافق
ناهد:ياخوفى منك
منى:انا هروح بقى عشان اقول لماجد ونفسى احضر فرحك قريب ياندى
ندى*ابتسمت*:ان شاء الله*وروحت منى عشان تقول لماجد وفعلا حصلت جميع الترتيبات وجه محمود مع والدته وكانت منقبة وشوية ووقفت ندى وهو فى البلكونة*
محمود*واقف وبصص فى الارض وساكت*
ندى:ازيك
محمود:الحمد لله ,وانتى
ندى:الحمد لله بس هو انت ليه باصص فى الارض هو فى حاجة واقعة منك
محمود:لا بس عشان مينفعش افضل باصص عليكى كدا لزما اغض البصر
ندى:عندك حق ,طيب قول اى حاجة
محمود:ان شاء الله لما يحصل بينا نصيب وتم الخطبة هسافر
ندى*بستغراب*:هتسافر
محمود:اصل انا بشتغل برة وباجى فى الاجازات وان شاء الله هنتكلم مع بعض وتعاملنا هيبقى من خلال التليفون عشان دى الوسيلة الوحيدة الهقدر اكلمك منها
ندى:انت مش عندك اميل
محمود:لا ومابحبش الحاجات التافها دى
ندى*بستغراب*:الاميل تافه
محمود:ايوه وبيبوظ اخلاق شباب كتير وغير كدا بيعطل الواحد عن قربه من ربنا وغير ان النت ده فى حاجات قذرة كتير وهى دى البتفسد عقولهم واخلاقهم وحتى التلفيزيون بقى فيه حاجات غير مستحبة عشان كدا انا مش عندى نت ولا بتفرج على التلفيزيون ولا ليا اى صله بالحاجات دى
ندى:اومال ايه وسيلة الترفيه ال عندك
محمود:الواحد يخرج يتمشى ساعتين افيد من اى حاجة تانية بس المصيبة ان برده بيبقى فيه ضرر من الخروج بسبب لبس البنات البشع ومناظر الشباب البقى الواحد يشوفها عشان كدا انا قررت ابعد خالص واسافر
ندى:يعنى انت شايف انى اخرج ساعتين افيد من انى اقعد على النت والتى فى
محمود:مين قال انك انتى الهتخرجى انا بتكلم عنى ,البنت ملهاش حاجة غير البيت وبس ومن بيت جوزها لبيت اهلها تقعد ساعتين وترجع بيت جوزها تانى
ندى:بس بيت اهلى وبس
محمود:طبعا اومال انتى فاكرة ايه ان الموضوع عادى كدا وتروحى وتيجى وتخرجى مع اصحابك انا محبش ان مراتى تبقى كدا احب انها تكون ملتزمة وملهاش فى الخروجات والكلام الفارغ ده وكمان هتلبسى النقاب عشان تغطى جسمك ويسترك عشان محبش حد يشوف مراتى غيرى
ندى:عايزنى البس النقاب
محمود:ايون وهتلبسيه عشان انا مش هقبل ان مراتى تلبس لبس اليومين دول بس نعمل ايه بقى فى الدولة ولبسها البتستورده من برة والشباب والبنات بدون تفكير بتلبس وخلاص
ندى*ابتسمت*:فى حاجة تانى هتقولها
محمود:لامفيش اى كلام تانى
ندى:اتفضل عشان ندخلهم
*وبعد مادخلوا وقاعدوا فضلوا ساكتين*
ناهد:احنا اتفقنا مع مامته على كل حاجة
ندى:بجد ونبى
ناهد:ايه مالك
ندى:مفيش
عاصم:يعنى نقرأ الفاتحة
ندى*سكتت*
سميحة*مامته*:السكوت علامة الرضا
*تبص ندى حواليها على بابها ومامتها وتبدأ تفكر ان دى احتمال تكون اخر فرصة ليها ياترى توافق على كلامه قبل ماتكون ندى معترضة شوية على كلامه هى اصلا محبتهوش وحست انها مش مرتحاله يعنى ماكنش موضوع الكلام وبس لكن قلبها برده رافضه*
عاصم*بصلها*:نقرأ الفاتحة ياندى
ندى*سكتت شوية*:لا
ناهد:ليه
ندى:عايزة اقول كلمتين محشورين فى زورى ل استاذ محمود
ناهد:كلمتين تانى ياندى
محمود:خليها تقول ال هى عيزاه يا امى ده زواج ولزما كل شئ يكون واضح من الاول
ندى:طبعا شئ جميل انك تكون بتصلى وتقرأ قرأن وعارف ربنا وبتتقى ربنا فى عملك وفى كل حاجة حواليك *وسكتت شوية* بص احنا طبعا مسلمين ودلوقتى فى مجتمعنا فى حاجات كتير غلط بتحصل حوالينا وعلينا اننا نغيرها بس منغيرهاش بالطريقة ال انت فيها اننا ننعزل عن العالم وان نقول على كل حاجة حرام ومينفعش وعلى فكرة النت زى ما فيه الوحش فيه الحلو يكفى ان لو حد عايش برة عن طريق الاميل ال انت معترض عليه ده تقدر تطمن عليه يكفى ان فيه معلومات دينية وثقافية وحضارية برده تقدر منه تعرف حاجات كتير والتلفيزيون كدا برده مش كل الافلام وحشة فيه افلام زمان انا بحبها اوى وبحب اتفرج عليها وفيه برامج دينية الواحد بيتفرج عليها وموضوع البس انت معاك حق فعلا لبس البنات والولاد حاليا بقى شئ فظيع ودى الحاجة الوحيدة ال انا متفقة معاك فيها بس العيب مش فيهم العيب على الاهل الشايفين بناتهم لبسين البنطلونات الضيقة والبضيهات ومابينين شعرهم وهم ساكتين وبيسبوهم يمشوا كدا انما بقى موضوع انى البس النقاب عشان ادارى جسمى انا على فكرة لبسى الحمد لله محترم زى ما انت شايف جيبة وبلوزة وطرحة يعنى مش شرط البس النقاب عشان ادارى نفسى وعلى فكرة انا كنت ممكن البسه لو انت حببتنى فيه لكن انا حسيت انك بتؤمرنى وانى لزم البسه واخر حاجة انا مش موافقة ان اصلا اتجوز واحد انا اعيش فى دولة وهو فى دولة تانية مهما كانت الظروف ايه*وقامت وقفت*:شرفتونا
محمود*بصلها*:ربنا يهديكى
ندى:يارب
ناهد*جت من برة*:كنت عارفة انك هتعملى كدا ,هو انتى مش عايزة تجوزى يابنتى
ندى:مين قال كدا بالعكس انا عايزة اتجوز بس
ناهد:بس ايه حرام عليكى انتى ليه بتعملى فيا وفى نفسك كدا
ندى:فى ايه ياماما
ناهد:فى انك بضيعى نفسك بال انتى بتعمليه ده حرام عليكى
ندى:حرام عليا فأنى مش عايزة اتجوز وجيلك تانى يوم مطلقة ,انا اصلا من الاول مرتاحتش للانسان ده ومرتاحتش لآى واحد اتقدملى انا مش عارفة ايه السبب بس ده ال انا حاسة به
ناهد:هو انتى بتحسى اصلا ,انتى لو بتحسى بجد تعرفى احنا قلقانين عليكى قد ايه
ندى:قلقانين عليا ليه ما انا كويسة اهوه
ناهد:انتى كدا كويسة شايفة انك كويسة
ندى:اة كويسة ومش ناقصنى اى حاجة وبرده هستنى نصيبى
عاصم:خلاص يا ناهد بقى اهدى
ناهد:اهدى انا مش عارفة بنتك بتعمل كدا ليه هى مختلفة عن باقى البنات فى ايه
ندى*سابتهم*:عن اذنكوا
ناهد:اهربى منى اوى ومن كلامى عشان مش عجبك خليكى كدا لحد ماتعنسى وتبقى كل البنات متهننا وعايشة فى بيتها وانتى لا
ندى*دخلت اوضتها وبعد اخر كلمة مامتها قالتهلها انهارت من العياط وفضلت تعيط جامد وماكنتش عارفة العاملته ده صح ولا لا وحست انها متلغبطة ومش فاهمة اى حاجة ومش عارفة الايام مخبيلها ايه وبعد شوية هديت وقامت اتوضت وصليت ركعتين لله وفضلت تدعى ربنا كتيرواكتر دعوه دعتها ان ربنا&يرزقها بأبن الحلال*