رواية اعيدوا لي قلبي
الفصل الثالث3
بقلم دانيا
جيت جاريه جري في السلم اتصادمت مع واحد كان طالع على السلم ، وفقت وبقيت اصرخ سمعت صوتو بقول بسم الله روقي مالك ، ضوى نور فلاش تلفونو في وشيء قال لي اهدي يا دكتورة عاين للبطاقه حقتي قال دكتورة زكريات اهدي وروقي اصلاً اللمبه حقت المصعد خربانه ليها كم يوم قاعده تكنتك .
عاين ليهو من تحت لفوق ، كان شيك لابس جزمه بيضاء وبنطلون ابيض وقميص ابيض وقاطع نص ولابس لابكوت ، عاينت كان معلق بطاقه مكتوب فيها إسمو "عبد الخالد محمود"
قلت ليهو ماتشغل بالك انا بخير يادكتور ومشيت منو نزلت تحت ، من الدكتور إبراهيم دا ختيت في راسي كلهم سيئين .
مشيت قعدت تحت في حوش المستشفى مقابيل نفس الغرفه ديك ، عاينت فوق فجأة لمحت لي خيال في نفس الغرفه من الشباك والحاجه المحيره اكتر كان الضوء حقها شغال ، والخيال يمشي ويجي ، بقيت اترقب في دهشه شديد ، بعد شويه شفت زول واقف في الشباك وكان لابس زي المرضى وشكلو غريب شديد طلع في الشباك وقفت على حيلي وانا مستغربه وم مصدقه على الأساس الغرفه مقفولة وفاضيه ليها زمن.
عاوزة افتح خشمي واكورك ليهو واحزرو من إنو يزح من الشباك عشان م يقع ، قبل اتكلم طلع على الشباك ونط منو ، وقع وانا بقيت واقفه برجف جريت عليهو وبقيت اكورك وانا ياجماعه ساعدهو ساعدو المريض انتحر ، جيبو النقاله ، ساعدوني بسرعه والزول كان واقع قدامي انا شايفاهو ، الناس بقوا واقفين وبعاينو لي وبعلقوا علي مشيت عليهم قلت ليهم بتعاينو شنو انتوا بدال تساعدوني ننقذو واقفين بتعاينوا .
في واحد قال لي ارجعي لعقلك يادكتورة مافي زول هناك بتقولي في شنو انتي، انتي متأكده إنك دكتورة عاينت وراي وانا مغيوظه من كلامو قلت ليهو دا شنو انت اعمى اشرت ليهو على مكان الزول واقع ، بس الصدمه الخلت قلبي يرجف المكان كان فاضي م فيهو ولا زول ولا اثر دم .
بقيت بعاين وانا مخلوعه قلت ليهم والله هسي كان واقع هنا ، الزول قال لي شكلك انتي دايره علاج ومشوا مني ، بقيت واقفه وشابكه ايديني في راسي وافكاري جايطه م قادره استوعب الحاصل شنو ، بعد شويه شفت نفس المريض كان ماشي بزقاق المستشفى ، لمن قلبي عمل شح بقيت اعاين ليهو .
ناديت عليهو لو سمحت اقيف يااخ اقيف م رد لي ، كان ماشي بس بقيت اعاين ليهو ومشيت وراهو عاوزة اعرف قصتو شنو ، مشى لمن وصل الباب الخلفى للمبنى كان باب صغير