الفصل الاول 1
بقلم دانيا
الو السلام عليكم ياابوي كيف حالك ، نحن طيبين كنت عاوزة اقول ليك عمتي سهيله لقت لي شغل في مستشفى خاص اسم المستشفى"إبراهيم جعفر حموده التخصصي " المستشفى ممتازه ومشهورة ، صاحبة عمتي سهيله حكت ليها إنو عندهم نقص في الأطباء ومحتاجين اطباء جراحه وعمتي اقترحت علي الموضوع.
زكرى يابتي موفقه إن شاء الله ، وانتبهي على نفسك ، حاضر ياابوي ، سلمي على ناس البيت يوصل إن شاء الله ، ابوي انت م جاي ليك خمسه سنه من وفاة اجدادي وحبوباتي بالحادث انت سافرت وم جيت ، زكرى يا بتي بجيكم بعد تلاته اشهور ان شاء الله تمام ياابوي.
السلام عليكم عليكم انا زكريات سراج الدين بس اهلي بنادوني زكرى لأني زكرى من امي بالنسبه ليهم ، خريجة طب طبيبه جراحيه عمري 22 سنه اسكن مع عمي وزوجته وعمتي وزوجها اما ابي سافر بعد وفاة جدي عبدالله وجدي يونس وحبوبتي فاطمه وحبوبتي سعديه في طريق العودة من الحج.
وصلت البيت لقيت عمتي هدى مع ولدها عبدالله وبتها عهد ، مساء الخير عمتي هدى وين الباقيين ، عمتك سهيله بتنيم في ولدها في الغرفه واعمامك لسه م جو من الشغل ، تمام ح اخش ارتب اغراضي وملابسي لبكره اول يوم لي في الشغل ، موفقه يا بتي .
المساء قعدنا للعشاء بعد اتعشينا عمي سعد سألني اها يابتي زكرى متحمسه لأول يوم شغل ، ااي والله ياعمي متحمسه شديد ، موفقه يارب.
الصباح اتصلت لصاحبة عمتي سهيله ومشيت قابلتها في المستشفى ، اول ما جيت عند مدخل المستشفى انبهرت بتصميم البناء كان شيء من الخيال ، دخلت جوا وكان المبنى من جوا شيء تاني روعه في الإبداع لاقيت صاحبة عمتي سهيله في الباب ورحبت بي ، مشيت معاها اكملت الإجراءت وقالت لي امشي اتفري على المستشفى انا عندي شغل شوية وبعدين بنتلاقى .
مشيت بقيت بتفرج على المستشفى لمن وصلت الطابق التاني ، جيت ماره بجنب غرفه كانت مقفولة بطبله ، قلت يمكن دا مستودع وقت قربت من الباب سمعت صوت همهمات جاي من جوا استغربت لانو الباب مقفول من برا ، قربت شديد من الباب وبقيت انصت بصمت عشان اقدر اسمع ، تاني سمعت نفس الهمهمات وكانت عباره واحده تتردد "اعيدوا لي قلبي".
وقفت مخلوعه ومحتاره حسيت بيد مسكت كتفي ، اتلفتت وراي بخلعه لقيتها دي صاحبة عمتي سهيله قالت لي م قريتي التنبيه المطبوع في الحيطه ولشنو ، عاينت جنب الباب بإتجاه اليسار مكتوب .