رواية بيت جنب المقابر
الفصل السابع7
بقلم دانيا
صحيت وكنت عطشانه م كان عندي مويه في الغرفه قمت نزلت تحت عشان اشرب مويه نزلت من السلم ماشه على المطبخ اشم ريحة عطر والعطر دا مألوف بالنسبة لي دا عطر امي، اتلفت على غرفه ناس امي اشوفها طالعه من الغرفه وماشه على اتجاه الباب ، بقيت واقفه ومستغربه امي دي متعطره ولابسه وطالعه في الوقت دا ماشه وين ؟ قلت ليها امي م ردت لي ولااا اتلفتت تاني بقيت انادي ليها م اشتغلت بي فتحت الباب وطلعت انا بقيت محتاره مشيت وراها برا الدنيا ظلام والمكان هاديء وساكن حتى هواء مافي شفتها طلعت من باب الحوش واتجهت غرب طلعت وقفت في باب الحوش وانا خايفه شديد تاني مشيت وراها وانا بنادي ليها ياامي مالك ماشه وين في الزمن دا اشوفها دخلت المقابر من دخلت انا وقفت وجسمي كلو بدا يرجف.
جريت جري البيت ورجليني م شايلني واول ماوصلت جنب الباب حسيت برجليني بردو وقعت وتاني قمت من شدة الخوف بقيت ادق في باب الغرفه لأبوي زي المجنون وانا بصرخ ياابوي افتح الباب امي مشت مشت المقابر ياابوي قوم شوف امي، ابوي فتح الباب مخلوع مستغرب من كلامي اول ما فتح الباب مسكتو من يدو وانا برجف قلت ليهو ورح شوف امي ماشه وين هي مشت المقابر ورح ياابوي .
اداني كف قوي لمن راسي لفى قال لي جنيتي انتي شوفي النايمه دي م امك ، امي صحت مخلوعه قالت في شنو آيه مالك يابت بسم الله ، بقيت اعاين فيها بدهشه واستغراب حيلي كله برد وقعت في الارض ومن الصدمه م قدرت انطق بحرف.
امي جات مسكتني وبقت تقول لي اهدي يابت قولي بسم الله شفتي كابوس ول شنو قومي ورح فوق انا الليله ح انوم معاكي ، ابوي قال لي انتي الليله صليتي العشاء قبل ما تنومي امي ردت ليهو قالت ليهو ااي صلينا كلنا وبعدين طلعوا ناموا ، ساقتني ومشنا غرفتي نمنا وم جابت لي اي سيره عن شيء انا نمتا وهي بقت صاحيه بتفكر في كلام المرأ .
الصباح نزلنا تحت نشرب الشاي بعد جهزنا للمدرسه لقيت ابوي قاعت بتكلم بالتلفون ، وانا متوتره وبتزكر في الحصل امبارح قلت اكيد ابوي قايلني بهضرب بس انا متأكده من الشفتو ، ابوي خلص مكالمتو وصبح علينا وبقى يعاين لي امي جابت الشاي وقالت لينا ياجماعه انا عاوزة اقول ليكم حاجه كلكم امس ... قبل تتم كلامها الباب دقة ابوي قال لينا انا بفتح الباب ، مشى فتح لقاهو دا صاحبو فضلو على الصالون وقعد معاهو بهناك والبراء جاء