رواية باائعة الحطب
الفصل الثاني عشر12
بقلم دانيا
كنت نايمه بقيت اشوف كوابيس لنفس الكائن الشفتو في الغابه ،، قمت مخلوعه لقيت نفسي في البيت ومافي شيء حولي دا كان كابوس قلت الحمد لله....طلعت برا ماشه اشرب مويه اول ما طلعت من الغرفه باب البرده جاء واقع قدامي لمن اتهجمت فجأة ظهر نفس الكائن ؛ ابوي جاء طالع شافو اتصدم وبقى واقف وبعاين ليهو اخوي كمال جاء طالع ورا ابوي ابوي مسكو من يدو عشان م يخاف ،، انا من الخلعه بقيت اصرخ حاولت اطلع كل قوتي عشان ادفعو لبرا بس م قدرت لأنو قوتي مقابل قوتو ولاا شيء.
فجأة سحبني طيرني رماني برا مسافه من البيت ،، وقعت وقعه قوية لمن حسيت جسمي كله اتشل من الوجع....بقيت اصرخ وابوي جاء جاري حاول يقيف في وش الكأئن بس الكائن ضربو ووقع على الأرض فجأة اهل الحله كلهم اتلمو ، لمن شافوهو الحله كلها بدأت تصرخ ،، ابوي قام على حيلو وبقى يقول وينك يا قمرا تعالي ساعدي بتك ؛ معقولة تخلي اولادك يتأذو ؟ قام اتلفت على ابوي وضحك بصوت عالي قال ليهو قمرا قمرا منو هي اسمها زمهرير ، وم ح تجي لأنها م بتقدر وبقى يضحك.
اهل القريه بقوا يقولوا لي قومي ياكنوز واجهي بقوتك انت بتقدري تتغلبي عليهو قومي.....بس مهما حاولت م قدرت بعد شوية فجأه من غير مقدمات اختفى الكأئن واختفيت انا ،، ابوي بقى مصدوم ووقع في محلو وكمال غير البكاء م عرف يعمل شنو ؛؛ اهل القريه شالو ابوي دخلوهو جوا واعتنو بيهو لمن صحى اول ما صحى بقى يسأل من كنوز بتي كنوز وينا؟ كلهم دنقرو روسينهم وقالوا ليهو اخدها الوحش معاهو...قام على حيلو وقال ليهم دا م وحش دا من اهل امها .
كلهم بقوا يعاينو ليهو مندهشين قالوا ليهو كيف من اهل امها مش امها ميته؟! عاين ليهم وقال ليهم لا ما ميته وبدأ يحكي ليهم القصه من اولها لأخرها.....بس الحاجه الغير متوقعه تعاطفهم وتفهمهم لوضع ابوي ،، قالوا ليهو م تشيل هم نحن معاك وح نواجهه الجنون ديل بكل طاقتنا حتى لو امها م جات بس انت حاول اندهه عليها مره تانيه يمكن تظهر في النهايه هي ام ، قالوا ليهو نحن ح نطلع نبحث عن كنوز وم ح نقيف لمن نلقاها وانت لو ظهرت ليك ادينا خبر.
طلعوا انتشروا في الحله وفي الغابه وفي المناطق المجاورة،،، م خلوا مكان ؛؛ هنا ابوي قضى الليل كله بنادي على امي على امل انها تجي....في النهايه جات قريب آذان الصبح ، لمن حكى ليها غضبت شديد وقالت ليهو انا عرفت العمل كدا منو ولشنو ، قالت ليهو انا ابوي بخطط يزوجني لجني وانا رفضت وفي نفس الوقت عرفوا إنو كنوز بتي ورثت قوة مني والحاجه دي اثارت الغضب فيهم لأنهم م عاوزين انس يكون ليهو نفس القوه حقتهم عشان كدا هم بحاولوا يتخلصوا منها.
قال ليها في دهشه وإستغراب شديد يعني ح يقتلوا كنوز بسبب القوه؟! طيب هي طالما عندها قوة ليه م قدرت عليهم؟ قالت ليهو لأنو كنوز في النهايه إنس وهم جن قوتهم اكبر من قوتها عشان كدا....يلا انا بعرف وين بكونوا حاجزنها ح امشي هناك واطلعها من عندهم م تخافوا ،، كمال عاين ليها وبقى يبكي قال ليها انتي كمان تعالي معاها ياماما م تقعدي معاهم ديل اشرار ، عاينت ليهو نظره كلها حزن قالت ليهو انا م بقدر بس كنوز بوعدكم نرجع ليكم قبل طلوع الشمس.
بعد قالت كدا اختفت من قدامهم ، خلتهم من جهه متطمنين شوية ومن جهه خايفين ؛؛ انا صحيت وعيوني م قادرة افتحهم من الوجع والجروح الفي جسمي ، قمت مخلوعه لقيت نفسي في مكان م عرفتو لأنو الدنيا ضلام ،، فجأة سمعت اصوات عاليه برا قمت وبقيت بصعوبة بقدر امشي من الوجع طلعت برا لقيت امي واقفه بتتكلم مع مجموعه من الكائنات الغريبه ،، اول ما شافتني جات علي وبقت تعاين لي بأسف شديد وعلت صوتها وقالت ليهم انا مستعده اعمل اي شيء قلتوهو لي بس رجعوا بتي كنوز لعالمها.
بقيت اعاين ليها بإستغراب وقلت في نفسي قصدها شنو بأي شيء انا شفتها بعد زمن طويل مستحيل اخليها وراي ،، قربت مني وختت يدها في كتفي حسيت كل الوجع اختفى بقيت اعاين ليها بس ؛؛ قالت ليهم تمام انا موافقه اتزوج ، من قالت كدا انا اتصدمت وحسيت كأنو سكين اتغرزت في نص قلبي ، تاني قالت وح اخلي كنوز توعدني م تستخدم القوه في عالمهم تاني....بقيت اعاين ليها في صمت بعد خلصت كلامها مسكتني من يدي وقالت لي ورح ح ترجعي لعالمك وانا اسفه على الحصل ،، سحبت يدي منها وقلت ليها لا لا ما ممكن انا م برجع بدونك.
اتلفتت عليهم وقلت ليهم سامعني انا م برجع من دون امي....بدأت في ملامحهم ملامح الغضب والإنزعاج واتلموا وبقوا يمشوا لي بخطوات بطيئة ،، فجأة هي وقفت قدامي وقالت ليهم اوعكم تقربو منها انا بتكلم معاها.
زحيت منها وقلت ليهم لا مش انتوا واثقين في قوتكم انا هسي ح ارجع مع امي عالمنا وانتوا جهزوا كل قوتكم ونتلاقى في عالمنا بكره المساء والبطلع قوي مننا يأخد امي سواء نحن او انتوا ، رأيكم شنو موافقين؟؟ سكتوا وعمى الهدوء المكان وفجأة بقوا يضحكوا بأصوات عاليه جداً لمن حسيت بطنين في اضنيني ، في واحد فيهم قال لي نحن نملك قوة انتوا عندكم شنو ؟ قلت ليهم بنبرة ثقه " نحن عارفين عندنا شنو م تشغلوا بالكم" ملتقانا غداً بعد منتصف الليل.