رواية باائعة الحطب
الفصل الرابع4
بقلم دانيا
الاء قالت لصاحباتها كنوز انتهت ،، قالوا ليها انتي عملتي شنو ؟ قالت ليهم شفتو الود المشكلجي الفي المنطقه الإسمو بوب والشلة حقتو ، قالوا ليها اها قالت اجرتهم عليها ح يعترضوها في الشارع قبل تصل السوق ح يخطفوها وتختفي للأبد ،، بقن يضحكن مبسوطات.
بهناك انا جيت ماشه في الشارع ومن جهه فرحانه لأنو اول مره اطلع رحله ومن جهه زعلانه لأنو خليت ابوي وكمال براهم يدبرو امورهم في البيت.....قطعت نص المسافه لقيت شباب واقفين في نص الشارع وكان الشارع غير الشجر م فيهو شيء يعني بعيد من الحله وبعيد من السوق ،، م اهتميت لأمرهم جيت ماره بجنبهم قلت السلام عليكم ، رد لي الإسمو بوب دا قال وين ماشي الحلو براهو في نص الطريق إذا عاوزة بنوصلك م عاوزة ليكي رفيق؟ وبقوا يضحكوا .
في واحد فيهم جاء وقف قدامي حاولت امشي مسك يدي....فجأة من غير ما احس لقيت نفسي ضربتو ضربه واحده كسرت سنو ،، اتخلعت من المنظر وبقيت واقفه مصدومه تاني فجأة جاء إعصار قوي غمضت عيوني من الغبار وقت فتحت م لقيت اي زول جنبي استغربت ديل مشو وين ، كملت طريقي ومشيت السوق لقيت الطلبه واقفين اول ما الاء شافتني اتهجمت وكأنها شايفه شيطان قدامها ، بقوا يوشوشو مع صاحباتها.
بعد شوية خالها جاء اول ما وصلنا المزرعه كان المكان حلو شديد ،، بس حسيتهم م مبسوطين شديد بوجودي معاهم قالوا جايبين معانا اكل وعصير الاء وصاحباتها قالوا نحن ح نجهزوا شالوا الحاجات ومشوا المطبخ....جهزوهو وبعد الفطور جابو العصير في صينيه بس ملاذ كانت شايله كبايه في ايدها جات ادتني ليها .
مسكوا كبابيهم وبقوا يعاينو فيني منتظرني اشرب للحظه استغربت فيهم بس قالوا لي اشربي انتي صاحبة النجاح.....ابتسمت إبتسامه عفويه ورفعت الكبايه وبديت اشرب ،، شربت كل العصير وختيت الكبايه ، بقيت اعاين ليهم لقيتهم مركزين معاي شديد عاينت ليهم بإستغراب قلت ليهم في حاجه؟ الاء قالت لي بصوت متردد لااا انتي كويسة؟ قلت ليها ليه السؤال؟ قالت ساي.
قعدنا للعصر قلت ليها وين خالك اتأخرنا ولازم نرجع ، بقت تضحك قالت لي انتي خايفه من شنو بكون في الطريق وم فيها شيء لو بيتنا هنا....عاينت ليها بدهشه قلت ليها لا مستحيل كيف نبيت هنا يابت مجنونه انتي ،، حسيت ملامحها اتغيرت ملاذ مسكتها من يدها وقالت ليها تعالي عاوزاكي ، مشوا المطبخ قالت ليها وين التأثير ليه لسه م ح