رواية باائعة الحطب
الفصل التاسع9
بقلم دانيا
الرجال بقوا يعاينوا لي ويضحكوا ضحكه كلها شر ؛ واحد فيهم قال الليله اليوم دا حظنا حلو شديد معقولة نحصل على حصان وبت كمان.....اتخلعت من كلامه وبقيت اعاين ليهم بدهشه وخلعه ،، قلت ليهم عليك الله ادوني حصاني وخلوني امشي والله الحصان دا مصدر رزقنا الوحيد وابوي عيان م بقدر يشتغل ؛ واحد مسك يدي وقال لي تعالي ياشاطرة من غير كلام كتير موضوع ابوكي والرجعه دا انسيهو.
مسك يدي وساقني وماشي قدامي وانا بحاول افك يدي منو ،، وهو ماسكني بقوة كان عندهم بيت جوا الحظيرة عاوز يدخلني فيهو.....بس فجأة من غير ما احس م بعرف جبت الشجاعه دي من وين اثناء ماهو ماشي عترت ليهو برجلي وقع على وشو ،، كان في عصايه واقعه في الأرض شلتها ضربتو بيها في راسو م كانت ضربه قوية بس راسو اتجرح لمن الدم طار لي في وشي ، الناس الكانو معاهو جو جاريين قالوا لي في شنو يابت لمن اتلفت عليهم اتهجموا من المنظر بقوا واقفين مصدومين.
انا بقيت ارجف وجدعت العصا قلت ليهم انا م عملت حاجه ، والله م قصدي اعوقو.....تعابير وجوههم اتغيرت وهم بعاينو لي فجأة هربو من المكان وكأنهم شافو شيطان قدامهم ،، عاينت ليهو كان لسه بتحرك قلت ما مات بس م عندي وقت لازم اطلع من هنا اساساً الضلام سد وابوي بكون قلقان لي ؛؛ سقت الحصان وطلعت برا قبل امشي عاينت لقيت الزول قام قلت يمكن يحصلني احسن اطلع ، ركبت في الحصان ومشيت السوق ركبت العربه في الحصان وطلعت على الحله .
رجعت البيت وانا برجف لقيت ابوي قاعد برا منتظرني ،، اول ماجيت وقفت الحصان جاني قال لي كنوز يابتي وين ومالك اتأخرتي كدا ؛ انا كنت بنزل في الحاجات من الحصان رديت عليهو من دون ما اتلفت عليهو.....قلت ليهو اتأخرت لأني ضيعت الحصان وكنت بفتش فيهو ، قبلت عليهو اول ما شاف وشي اتخلع وتعابير وشو اتغيرت قال لي دا شنو الفي وشك دا انتي كويسة؟ دخلنا جوا وحكيت ليهو الحصل معاي كلو وآخر شيء قلت ليهو م كان نيتي اعوق الراجل بس انا زاتي مستغربه كيف حصل دا كله.
ابوي اتوتر وسكت مسافه م قال اي شيء وكان لسه بعاين في الأرض ،، بعد هدوء دام لعدة دقائق قال دا الكنت خايف منو ، رفع راسو عاين لي انا من كلامه دا حسيت قلبي بقى يدق بسرعه قلت ليهو قصدك شنو ياابوي ؟! قال لي اسمعيني كويس يابتي وركزي في كلامي دا ، والموضوع دا سر بينا قام على حيلو ودخل يدينو في جيوبو ومشى وقف جنب الشباك وبقى يعاين برا ؛؛ قال لي انتي م ضربتي الزول دا بقوتك انتي ك بشر لكن انا ح احكي ليكي الموضوع كله عشان تفهمي الحصل معاكي.
قبل 14 سنه انا قابلت امك في الخلا بين مدينتنا دي ومدينه تانيه انا كنت جاي من سفر ،، لقيتها في الطريق وم كان معاها زول حكت لي انها يتيمه واهلها اتوفو في حادث وم فضل غيرها هي....وقتها سقتها جبتها معاي البيت لناس امي وابوي ، بس الوالد كان صعب جداً ورفض انها تقعد معانا في البيت ؛؛ وبعد اصرار مني ومن امي الله يرحمها وقلنا ليهو البت دي وحيدة تمشي وين ولو نحن م ساعدناها بدافع الإنسانيه بساعدها منو تاني؟ وقتها ابوي عرض علي قال لي لوعاوزها تقعد معانا هنا خوفاً من كلام الناس لازم تتزوجها ، ووقتها اتزوجتها وبعد زواجنا بسنتين ابوي وامي ماتو وفضلنا انا وهي بس سند لبعض عشان كدا اعتبرتها كنز بالنسبه لي.
وبعد ما ولدت اخوكي كمال قبل خمسه سنه ظهروا بعض