رواية باائعة الحطب
الفصل السابع7
بقلم دانيا
ماشين في الشارع وبنتكلم عن الحصل ، م بعرف الحصل شنو شهد اتلفتت قالت لينا اجرو الكلب جاء ورانا....اتلفتنا لقيناهو جاري ورانا وبقى ينبح بصوت علي ،، فكينا الجريه ولسه كان جاري ورانا اتوزعنا في الغابه خلينا الشارع الرئيسي كل اتنين تلاته جاريين مع بعض.
عشان نشتت انتباهو وم يقدر يلحقنا ،، بس الغريبه هو خلاهم كلهم بقى جاري بإتجاهي انا والمعاي....قلت ليها اجري بسرعه م تتلفتي مسكتها من يدها وم كنت منتبهه اصلاً دي منو ؛ جاريين في نص الغابه والدنيا ضلام ونحن اتنين بس ،، قالت لي كنوز انتظري انا تعبتة م قادرة اجري اكتر اتلفتت قلت ليها لالا م لازم نقيف الكلب لسه ورانا.
تاني بدينا نجري ونجري فجأة كان في غصن في واقع في الأرض كتر ليها ووقعت....اتلفتت مديت ليها يدي قلت ليها قومي بسرعه ، ياداب ركزت فيها كانت دي الاء ،، مسكت في يدها قلت ليها قومي الكلب كان قريب مننا شديد....م فضل ليهو غير خمسه خطوات ويصلنا ،، حسيتها من شدة الخوف م قادره تقوم ، رفعت نفس العود العتر ليها دا واول ما الكلب وصلنا ضربتو في راسو .
وتاني ضربتو لمن وقع وفضلت اضرب فيهو لمن مات ،، قلت ليها الكلب لمن يكون سعران م بموت بسهولة عشان كدا م مات قبيل ، بقت تبكي مسكت يدها ورفعتها قلت ليها انتي كويسة؟ اتعوقتي في رجلك قالت لي وهي لسه بتبكي قالت لي كويسة ؛ لو ما انتي كان متى انا وبقت تبكي قالت لي انتي كان ممكن تجري تنقذي نفسك وتخليني فريسه ليهو بس انتي ساعدتيني.
قلت ليها معقولة امشي اخليكي هسي خلينا نمشي بسرعه من هنا عشان لو فيهو روح تاني يقوم م يهجم علينا ،، طلعنا من الغابه ومسكنا الشارع الرئيسي....قالت لي كنوز اتلفتت عليها وقلت ليها م قادرة تمشي نرتاح حبه؟ قالت لي لا انا آسفه عاينت ليها بإستغراب قلت ليها آسفه على شنو ؟ قالت لي على كل شيء قلت ليها م تهتمي انا م بشيل في قلبي على حد.
ماشين كدا شفنا كم واحد من الدفعه بقينا كل ما نمشي قدام شوية بنلقى جزء منهم لمن اجتمعنا كلنا ،، ماشين والدنيا ليل والجو بارد بعد شوية شفنا عربيه جايا بإتجاهنا اول ما قربت لينا الاء قالت دا خالي ، جاء اعتذر لينا عن التأخير وركبنا ورجعنا الحله ، جيت البيت لقيت ابوي قاعد برا قلقان علي اول ما شافني بدأ يسألني مالكم اتأخرتو انتي كويسة؟ قلت ليهو كويسة ؛ قعدت معاهو وبقيت احكي ليهو في الحصل حكيت