رواية باائعة الحطب
الفصل الثالث عشر13والاخير
بقلم دانيا
قلت ليهم م تشغلوا بالكم نحن عارفين نفسنا " ملتقانا غداً بعد منتصف الليل " قالوا لي موافقين مسكت امي من يدها ومشينا ،، لقينا الحله كلها في بيتنا منتظرين بعد جينا كانو مبسوطين شديد ؛؛ قلت ليهم في حاجه مهمه لازم تعرفوها يا جماعه ، سكتوا وعم الهدوء المكان قلت ليهم هم م سمحوا لينا نمشي كدا ساي هم جايين القريه بكره بالليل بعد المنتصف لأني اتحديتهم وقلت ليهم تعالوا انتوا بقوتكم ونحن معانا الله وكتابه نشوف منو بغلب من بيننا.
اهل القريه سكتوا وما ردوا على كلامي ، بس بعد شوية سمعت اصوات هاتفه من وسطهم كانوا بقولوا نحن جاهزين جاهزين وم خايفين من شيء....بعد شوية كلهم قالوا جاهزين ،، الصباح قمت بدري كالعاده صليت ودخلت المطبخ عاوزة اعمل الشاي امي جات داخله قالت لي انا بعملوا ؛؛ هي بقت شغاله في الشاي وانا قعدت جنبها وبعاين ليها حسيت بشعور حلو لأول مره انو امي موجودة جنبي وقاعده تعمل لي الشاي بإديها....عيوني دمعت وبقيت ابكي حضنتني وقالت لي م تبكي انا معاكي وم ح امشي منك.
بعد عملنا الشاي وابوي وكمال صحوا قعدنا نشرب الشاي مع بعض ومبسوطين شديد....الشاي من يد امي ليهو طعم مختلف ، بعد شربنا الشاي قلت لكمال اجهز عشان تمشي المدرسه بوصلك وبمشي السوق ، قال لي م ماشي عاوز اقعد مع امي...امي قالت ليهو امشي وتعال انا قاعده ، طلعنا مشينا جوني كم واحد من اهل القريه قالوا لي اها المساء ح نعمل شنو؟ قعدنا وعملنا خطه محكمه ،، المساء رجعت البيت وبعد العشاء اتلمينا كلنا اهل القريه واتوزعنا في كل اطراف ووسط القريه ،، امي قلت ليها انتي القرآن م بأذيكي صاح؟ قالت لي لا انا مسلمه بس انتوا الناويين تحرقوهم ديل اهلي خلوني اتكلم معاهم لآخر مرة ،، بقيت اعاين ليها وفكرت في كلامها قلت ليها جداً هسي الوقت بدري عندك وقت تحاولي تتكلمي معاهم وتقنعيهم.
مشت وجات بعد ساعتين سألتها ردت لي ببرود قالت لي انا كلمتهم وتاني القرار برجع ليهم ،، استنيناهم لآذان الصبح م جوا ولا ظهروا لينا....مضى اليوم الأول واليوم التاني م جوا ، حسيت امي فجأه بقت باهته م زي زمان بس قلت يمكن متوترة من الوضع الحاصل دا ،، وفي اليوم السابع انا كنت في السوق وعشنا حياتنا طبيعي قلت يمكن اتفهمو كلام امي وقدرت تقنعهم ،، انا كنت في السوق للمغرب وبعدها اشتريت حاجات للبيت وطلعنا مع كمال راجعيين البيت .
من بعيد سمعنا صوت صراخ عالي شديد ، سقت الحصان بسرعه ومن وصلت لقيت جزء من ناس القريه مجتمعين في بيتنا وصوت الصراخ جاي من بيتنا....انا هنا قلبي عمل شح واطرافي كلهم بردو ، حسيت حركتي اتشلت وغير ابوي م فكرت في شيء ،، جريت على البيت وانا حيلي مهدود الناس من شافوني بقوا يبكوا ونظراتهم م بتطمن بالخير ؛؛ زحيتهم من قدامي وجيت وقفت في الباب لقيت ابوي واقع وغرقان في دمو وجنبو رساله مكتوب فيها رأيكم شنو .
هبطت في محلي وبقيت حتى الصراخ م قادرة اصرخ ، دفنوا ابوي ومعاهو كم زول من القريه ماتو ،، بعد اسبوعين ظهرت امي اول ما شفتها اتزكرت منظر ابوي وهو واقع غرقان في دمو.....كانت جايه علي قلت ليها جايه لشنو انا خليت ابوي معاكي امنتك عليهو كيف خليتي اهلك يقتلوهو ،، قالت لي معاي انا؟ انا قلت ليكي ماشه اقنعهم ومن مشيت ليهم حجزوني وم خلوني ارجع ليكم صدقيني ،، عاينت ليها بعدم تصديق قلت ليها انا الحاجه البعرفها خسرت ابوي بسببك وهسي لو عاوزاني اسامحك سوقيني لعالمكم وصليني لأهلك وبس.
كمال جاء شافها حاولت تتكلم معاهو مشى ولا حتى عاين ليها ،، في نفس اليوم بالليل هجموا علينا على غفله قايلننا م جاهزين وم ح نقدر عليهم ، هم م عارفننا كتابنا دا حافظنوا صم....اول ماهجموا على القريه كلنا قمنا واجتمعنا في اماكن مختلفه وبدينا نتلوا عليهم من حفظنا من غير كتب ،، وامي ساعدتنا وحرقناهم بطريقه خلت القريه كلها تضج بأصواتهم العاليه لمن اختفوا ومن هنا عرفت إنو امي م كانت ليها علاقه بموت ابوي ؛؛ وبعد مرور سته شهو كل بيوت القريه بقت من نفس تصميم بيتنا الحلو ، ودكانا الفي السوق غيرنا إسمو من كنوز ل " زين الدين " ووسعنا عملنا بس فضل نفس مشرعنا حق بيع الحطب وما اتغير لأنو شغل مورث من ابي.
وبعد مرور سنتين بدأت الطاقه تنتقل ل كمال برضو بس وعدني مايستخدمها ابداً ، امي عملت زريبه كبيرة واصبح عندها الكثير من الغنم لأنو هي بتحبهم....اتقدم لي نفس الشاب الإسمو ماهر الكان شاكلنا ابوهو في السوق ، وامي وافقت وعملنا عرس فيهو لمسات امي السحريه وكل القريه حضرت والكل كانو مبسوطين.
تمت