الفصل الاول1
بقلم دانيا
ابوي بتي يا كنوز خلي الشاي انا بعملو انتي اقري عشان عندك امتحان ،، لا ياابوي م فضل شيء انا مزاكرة الحمد لله....بس لمن كمال يصحى سخن ليهو اللبن انا مشيت ؛ موفقه يابتي اللهم آمين ياابوي.
في المدرسه البنات اها شوفو بياعة الحطب جات ،، زهرة كيفك اهلين كنوز تمام وانتي ؟ بخير امسكي لي شنطتي دي داخله الحمام ، طيب الاء قالت لصاحباتها دي فرصه من دهب ،ورح نقفل عليها الحمام.....قفلوا الباب من برا جيت طالعه الباب م فتح معاي وجرس الأمتحان ضرب دا كان آخر امتحان .
زهرة شافتهم كانت عاوزة تفتح الباب ،، وقفن قدامها الاء قالت إذا فتحتي الباب دا او قلتي تحت القفلناهو بتشوفي ح نعمل فيكي شنو وصاحبتك بياعة الحطب م ح تقدر تساعدك....خافت زهرة ومشت الصف ، اثناء ماهن واقفات فرحانات إني م ح اقدر احضر الإمتحان ،، فجأة ظهرت يد بلمح البصر ادت كل واحدة فيهن كفين زي السم ، بقن واقفات ويتلفتن خافن وجرن على الصف.
بقيت واقفه وبدق في الباب وبنادي افتحو لي الباب الإمتحان ح يفوتني ؛ بعد شوية الباب فتح حسيت بنسمة هواء بارد داخلة....طلعت م كان في زول برا كل الطلبه دخلوا الأمتحانات ،، جيت ماشه على الصف لاقتني المديرة قالت لي ياطالبه مالك م دخلتي الإمتحان لسه؟ قلت ليها باب الحمام علق وابا يفتح عشان كدا.
دخلت الأمتحان اول ماجيت داخله الصف بدأ التوتر والغلق على وجوه الاء وصاحباتها ،، حسيتهم متوترين ؛ اشتغلت الإمتحان وطلعت سريع من المدرسه...رجعت البيت لقيت ابوي واخوي كمال الصغير عمرو 5 سنه ، وانا عمري 11 سنه قلت لأبوي جهزت لي الحطب ؟ قال لي الليله حاسي نفسي مريض شوية م قدرت امشي اجمع الحطب ... قلت ليهو م مشكله ح امشي السوق بالحطب الموجود.
مشت السوق فرشت الحطب ،، كان في ناس قدام الدكان الكنت فارشه جنبو كانو بتونسوا....من شافوني غيرو السيرة قالوا حاج زين الدين دا بالغ والله هو مصر يخلي بتو الصغيرة دي تبيع الحطب ، البت مكانها البيت والمدرسه لكن السوق دا شغل اولاد ، في واحد قال ليهم انتوا نسيتو زين الدين ولدو صغير م عندو ولد بشيل المسؤليه لكن بيني وبينكم بتو دي لو كبرت في بيع الحطب البعرسها منو بعدين....كدي بعد نخلص ورحكم عليهو في البيت نتكلم معاهو في الموضوع.
خلص الحطب مني بسرعه لأنو كان بسيط ،، طوالي رجعت البيت ، بعد شوية جونا في