رواية باائعة الحطب
الفصل الثاني2
بقلم دانيا
بعد شويه جونا في البيت نفس الناس القبيل كانو في السوق ،، سلموا على ابوي وفضلهم انا كنت في المطبخ عاوزة اعمل ليهم الشاي ابوي جاء قال لي انا بعملوا انتي م تعمليهو ، قلت ليهو لا ياابوي معقولة تعملو وانا موجودة انت امشي اتونس مع ضيوفك خمس دقائق وبكون الشاي جاهز ، مشى وانا بقيت اجهز في الشاي.
بهناك في الصالون الضيوف بدوا يعلقوا على البيت ،، واحد قال لأبوي بيتك على الرغم من إنو في طرف المنطقه وبتشاف بسيط بس انت كيف بنيتو ؟!! كانوا مندهشين شديد من طريقة بناء البيت ، البيت مبني الخشل العريض ، مصمم بطريقه انا زاتي لمن اسرح فيهو كدا احياناً بحتار لأنو دا م بناء عادي رغم البساطه بس انيق بطريقه مميزة شديد.
قالوا ليهو انتوا فيكم حاجه مميزة وغريبه في نفس الوقت ! مرتك الله يرحمها كانت جميله بطريقه كدا تحسها م بتنتمي لينا ، وهسي كمان بتك كنوز بتحسها فيها نفس الصفات....وهسي دا بناء بيتكم المميز ،، انتوا من سلاله ملكيه ولشنو؟ فيكم غموض بحير العقل وانت هادي وبنحسك غامض ؛ في واحد منهم ضحك وقال انت مجنون سلالة ملوك ببيعوا حطب احرجت الملوك وبقوا يضحكوا .
جبت الشاي وطلعت شالوا الكبابي واول شرفه بقوا اي واحد بعاين للتاني ،، واحد قال ياسلام شاهيكم طعمو حلو بطريقه غريبه جداً والله والباقيين ايدو كلامه ، واحد قال م نطول القعده نخش في موضوعنا....يا زين الدين يااخوي م صاح تخلي البت تبيع الحطب لمصلحتها في المستقبل ح يتزوجها منو بعدين.
كملوا كلامهم وطلعوا مننا المغرب ،، اثناء ماهم راجعين على بيوتهم قطع طريقهم ظل اسود وكسرهم تكسير ، كلهم اصبحوا في المستشفى
اصبحوا كل ناس الحي بتكلموا عن الحصل ابوي اول ما سمع بالكلام دا اتوتر وبدت عليه ملامح الغلق المساء نيمت كمال ومشيت على المطبخ اجيب مويه سمعت صوت ابوي برا كان بتكلم طلعت برا عشان اشوف بتكلم مع منو.
كان واقف وبقول " انا مش قلت ليكي م تدخلي في الأمور البتحصل معانا مش قلت ليكي خلينا نعيش بطريقتنا حياة طبيعيه ، م تعملي لينا تشوش رجاءً قدام اهل المنطقه " جيت قلت ليهو ابوي بتتكلم مع منو ؟ اتوتر وقال لي م قاعد اتكلم اتكلم مع منو ودخل جوا ، الصباح م كان عندنا مدرسه قلت لأبوي انت خليك مع كمال انا بمشي بجمع الحطب.
مشيت بس كان الشجر كبار انا م بعرف اقطع حطب ،، والحطب الكان ابوي مقطعو لقيتو مافي وقررت م ارجع فاضيه
شلت الفأس وبديت اضرب في الشجرة بس م اتقطعت معاي ،، فجأة م عرفت الحصل شنو لقيت نفسي نمت تحت الشجرة فتحت عيوني وقمت مخلوعه ؛ لقيت عربة الحصان مليانه حطب وكان مقطع بطريقه حلوة...اتفآجأت وبقيت اتلفت مافي غيري في الغابة منو القطع الحطب وانا كيف نمت ؟! بقيت مستغربة شديد ومصدومه في نفس الوقت ، قمت ركبت في الحصان ورجعت البيت ،، كلمت ابوي بالحصل حسيتو انزع وبدأت في وشو ملامح الغضب .
دخل غرفته وبدأ يتكلم تاني مع منو الله اعلم بس كان بقول مش اتفقنا انو ما تساعدي كنتوز وتخليها تعيش حياة طبيعيه وتعتمد على نفسها ؟ تاني اوعك تدخلي من فضلك.....كنا قاعدين للغداء سألت ابوي ليه سميتني كنوز ؟ قال لي يابتي وقت اتزوجت امك من كتر ما كانت حلوة ومميزة كانوا كل الناس بقولوا زين الدين محظوظ امك كانت م بتشبه زول ولو في زول بشبهها هو انتي ، كنت معتبر نفسي حصلت على كنز من شدة ما كانت امك مميزه لمن جيتي انتي وزينتي حياتنا اصبحت امتلك كنوز بدال كنز واحد عشان كدا سميتك كنوز.
بعد مرور اسبوع كان يوم النتائج ، مشيت المدرسة وشلت نتيجتي كنت مبسوطه شديد بالمركز الأول....المديرة باركت لي النجاح ومدحتني في المسرح ،، كان بعض الطلبة بقولوا في النهايه بياعة حطب ؛ آخر ماده امتحناها الاء وصاحباتها رسبو فيها كلهم لأنو م كانوا مركزين زعلو شديد وطلعوا من المدرسه غضبانين ،، رجعن بيوتهم واهلهم زعلو شديد قالوا ليهم بياعة الحطب دي وقت زاتو للقرايه م عندها وقتها كلو معانا في السوق وفي النهايه تطلع احسن منكم.
البنات زهجوا من كلام اهلهم واتفقوا علي