تانى يوم الصبح شهد جت وقابلت فاتن
فاتن :: اول مره تخدمى فى كافيه ؟
شهد :: لالا خدمت هلبا فى سوسه وصفاقس وتونس العاصمه وطرابلس وبنغازى
فاتن :: وايش تعرفى تخدمى تانى غير السرفسه والكافيهات ؟
شهد :: هلبا حاجات انى نطبخ باهى ونمرض ونخيط وحاجات تانيه هلبا
فاتن :: والبرامج كمان نسيتيها ؟
شهد بصت فى الارض وسكتت
فاتن :: خيرك ساكته كنتى تديرى برامج واللا لا ؟
شهد :: اى نعم درت برامج لكن غصب عنى ظروفى هكى
فاتن :: لكن كيف اتعلمتى كل هدا انتى قديش عمرك ؟
شهد :: خمسه وعشرين سنه لكن انى نخدم وعمرى ست سنين امى كانت مريضه بالفشل الكلوى وابوى مات وكنت نخدم باش نجيب لها الدوا وجيت ليبيا ودرت برامج باش تغسل الغسيل يكلف هلبا فلوس لكن من مده قصيره صار كرهت البرامج وكل شى
فاتن :: لكن الخدمه فى الكافيه اجرها مش باهى هلبا وما يكفى الغسيل .
شهد :: خلاص ماهناكش غسيل تانى
فاتن :: علاش ؟
شهد دمعت ومسحت دمعتها وقالت
شهد :: خلاص ماتت امى ماهناكش غسيل ولا دوا بعد هكى
فاتن سكتت دقيقه وبعدين حضنت شهد وقالت
فاتن :: خلاص حبيبتى انتى من اليوم تخدمى معانا وفى الليل بتمشى معانا فندق القاهره ورزقك ورزقنا على الله
فى اليوم ده ما جبناش اكل من بره شهد طبخت بتعليمات فاتن وكان الاكل هايل وبعد الغدا رجعت فاتن تدربنا على السرفسه وكانت مهتمه جدا بشهد وبيا
فى اليوم ده روحنا بدرى ونبهت علينا ننام كويس علشان حنروح من بدرى والافتتاح حيكون الساعه تلاته العصر
وصلنا الفندق وفاتن والبنات دخلوا الدور اللى تحت لقوا سحر بتعيط والمدير الليلى بيزعق
عبده :: هيا خيرك بنراجى فيكى لعند امتى ؟
سحر :: بالله فوتنى لغدوه ونمشى بالنهار
عبده :: لا توا كان ممكن تمشى اليوم فى النهار لكن فوتتك باش تمشى فى الليل وتعرفى ان الله حق
فاتن :: يا اخونا وانت لما تمشيها فى الليل وين تروح وين انسانيتك فوتها للصبح
سحر :: انتى شين دخلك انتى ؟
فاتن ضربتها قلم لكن رن وخلى البنات كلهم تنحوا وما نطقوش وقالت لها
فاتن :: اخرسى ما تفتحى خشمك بكل ادخلوا الغرفه
مريم :: ما نقدرش نسيبك
فاتن :: قلت ادخلوا هيا فيسع هيا ادخلى
عبده :: هادى ما راح تدخل وبتمشى
فاتن :: ما راح تمشى ويصير ما يصير حتى تجيب الشرطه ما يهمنى
واتصلت بجمال وقالت بعصبيه
فاتن :: جمال تعال توا عند المدير فيسع
جمال :: خير شين صار
فاتن :: هيا توا
كانت عصبيه جدا وجمال من غير قميص وطار على تحت وانا اخدت قميصه وطرت وراه
سعد :: جمال جمال قميصك
اخده من ايدى ونزلنا لقينا فاتن بتخبط بايدها على المكتب وتزعق وتقول
فاتن :: الله لو تنطبق السما على الارض ما تمشى غير الصبح باهى
عبده :: باهى توا انى بنتصل بالشرطه ونشوف كل اقاماتكم
فاتن :: دير ما تبى ما يهمنى
جمال :: خير شين فيه شين صار ؟
سعد :: فيه ايه يا ست فاتن ؟
عبده :: شينى هدا كلكم اتجمعتوا خيركم بتضربونى ؟
سعد :: يا استاذ عبد الرزاق ماحدش حيضربك احنا بنفهم فيه ايه
#داغر
جمال :: شين صار فاتن ؟
فاتن :: يبى يطرد البنيه المسكينه الحين الساعه تسعه فى الليل
جمال :: اما بنيه واحده من شورنا ؟
فاتن :: لالا بنيه اخرى
ابده :: واتتى شين دخلك هادى مش شورك
فاتن :: هادى انسانيه يا عديم الانسانيه يا عديم الرحمه
عبده :: هادى لها عشرين يوم حسابها 100 دينار كاملات شى ندير انى ؟
سعد :: خلاص سيبها للصبح ويبقى كتر خيرك ولك ثواب
عبده :: ما نبيش ثواب نبيها تمشى توا
جمال :: ما راح تمشى توا بتمشى الصبح وغير هكى ما نبيش نسمع كلام باهى وانى بروحى بنبيت هنا فى الصاله وباك تتعرض لهم الله بنقتلك
عبده :: خيركم بتهددونى ؟
جمال :: انى بروحى بنتكلم ما هناكش حد تانى هيا فاتن ادخلوا
فاتن :: ادخلوا با بنات وانى نوا نجيكم
دخلوا البنات وسحر بتعيط وعبده شاور على شهد
عبده :: وهادى الاخرى مين هى ؟
فاتن :: هادى شورى وتوا نعطيك اجرتها باهى ؟ قلت ادخلوا هيا
اول ما البنات دخلوا سحر فتحت فى العياط
مريم : خيرك الست فاتن تدافع عنك وانتى تسيبى كل شى وتبى تتهاوشى معاها ؟
سحر :: ما نبيش حد يدافع عنى ما نبيهاش تدافع عنى
مهره :: تصدقى انتى ما تستاهلى كان فاتت الراجل يطردك
قعدت تعيط وشهد اخدتها فى حضنها
شهد :: خلاص يا بنات ياسر هكى خيركم كافى اللى هى فيه
مريم :: باهى توا انى خايفه ما نعرف شين يصير
مهره :: اكيد الست فاتن بتتصرف هادى امراه قويه وما تخاف ما تخمميش
مريم :: انى خايفه عليها لكن وانا معاها بنتطمن على روحى
وفى الصاله كنت باحاول اهدى الامور
سعد :: يا استاذ عبده اليوم خلاص اتحسب عليها سيبها تكمله وتمشى الصبح
عبده :: بالقوه هكى ؟
جمال :: فوت اليوم على خير وغدوه البنيه بتمشى
فاتن :: كلنا بنمشى غدوه اسمع جمال غدوه بناجل الافتتاح وانت تمشى تدير حل تدور فى فندق نمشى نروح فيه كلنا باهى ؟
جمال :: علاش ؟ ديرى الافتتاح غدوه وانى بنمشى ندور فى فندق وننقل كل دبشكم فيه واذا رجعت بننزل المطبخ
فاتن :: وكيف ندير من غير كابتن صالة رئيسى معايا ؟
حط ايده على كتفى وقال
جمال :: هدا كابتن الصاله غدوه ثقى فيه مش راح يودرك
عبده :: توا شينى للراى ؟ هدرزوا فى شغلكم بعدين توا نبى راى
فاتن بصت عليه بقرف وطلعت عشرين دينار وقالت
فاتن :: هاك يا استاذ اجرة البنيه اللى شورى واجرة سحر هادى اليوم بيصير عشره دينار والباقى اعتبره بقشيش منى
مد ايده ياخد الفلوس رمتها فى وشه وبصت بقرف ودخلت على الغرفه وهو وطى اخد الفلوس وقال
عبده :: يرضيك هكى يا استاذ جمال مرتك ترمى الفلوس على الارض ؟
جمال :: اينعم ئرضينى وكل ما تديره مرتى يرضينى
دخلت فاتن لقت سحر نايمه وشهد جنبها
شهد :: البنيه المسكينه ظلت تبكى الين نامت
فاتن :: فوتوها نايمه وتوا شينى الراى ؟
قعدت على سريرها ومدت ايدها تجيب شبشبها لكن مريم كانت اسرع جابت الشبشب وقعدت على الارض تقلعها الجزمه
فاتن :: انى ما نقدرش نفوت واحده فيكم تنام فى الغرفه الاخرى هادى مش باهيه وبناويت افارقه احنا نضم سريرين تنام عليهم ثلاث بناويت
#داغر
مهره :: اسمحيلى ست فاتن انتى غلطانه انك تتدخلى لهادى
فاتن :: يا بنيتى هادى انسانه ضعيفه ووحيده كيف نهملها ؟
مهره :: هادى حتى ما تشكر وما تستحق
فاتن :: ما نبيش شكر انى نبى نكون انسانه حتى بينى وبين روحى توا هيا ارقدوا
شهد :: انى ممكن نسهر للصبح عادى
فاتن :: لو تسهرى ما راح تخدمى باهى وغدوه الافتتاح لابد تكونوا جميع متريحين احنا عددنا ناقص والمجهود بيكون هلبا وهو اليوم وجمال بيمشى يدور فى فندق نمشى فيه جميع للعلم غدوه داغر بيكون كابتن صاله
مريم :: داغر يعرف يكون كابتن صاله ؟
فاتن :: اذا نجح غدوه نفتح الدور الفوقى بعد غدوه
عند نص الليل فاتن حست بحاجه بتلمس رجليها صحيت لقت بنت بتبكى وتبوس رجلها وتقول
سحر :: انى اسفه
.................
الصبح فوجئت ان سحر بتركب معانا السياره وحتشتغل معانا وان جمال سابلنا السياره نروح بيها لكن كل ده ما فرقش معايا انما اللى اسعدنى بجد انى قعدت قدام جنبها
سعد :: تحبى اسوق انا ؟
فاتن :: اتنيل
قالتها بالمصرى وضحكنا كلنا وطلعنا على الكافيه وهناك لقينا شاب اسمه عبد الحفيظ المغربى وده تخصص بيتزا ودخل يعمل العجين ويجهز الشغل واحنا دخلنا نحط اللمسات النهائيه
للساعه عشره تقريبا وقفت سياره قدام الكافيه وكانت شهد بتحط ورد على للطاولات ونزل راجل ليبى
ناصر :: صباح الخير انشالله مبارك عليكم
شهد :: الله يبارك فيك يا اخونا مازال الافتتاح الساعه 3
ناصر : انى نبى نقابل استاذ جمال هو موجود توا ؟
شهد : استاذ جمال مش موجود مشى يدور فى حاجه لكن الست فاتن موجوده
ناصر :: باهى انى نبى نقابل الست فاتن قوليلها ناصر العاتى
شهد :: باهى اتفضل
دخلت شهد تبلغ فاتن استغربت
فاتن :: شين جابه توا ؟ باهى نمشى نشوفه هيا تموا عملكم ونظفوا الحمامات والكوجينه ورشوا معطر فى المكان كله
بعد ما خرجت شهد سالتنى
شهد :: مين هو ناصر العاتى هدا ؟
سعد :: ده صاحب للفندق
خرجت فاتن وهى محافظه على ابتسامتها
فاتن :: اهلين بيك استاذ ناصر
ناصر :: اهلين اختى انشالله مبارك
فاتن :: الله يبارك فيك اتفضل تبى قهوه
ناصر :: اسبرسو خير
فاتن :: يا مهره ديرى اسبرسو باهيه وجيبى قطعه كيك
قعدوا وناصر قال بهدوء
ناصر :: علمت باللى صار امس واتضايقت هلبا وصممت نيجى نصلح الامور وين جمال ؟
فاتن :: جمال مشى يدور فى فندق ننقل فيه وينقل دبشنا كلنا اليوم نخلى الفندق ونتريح ونريحكم
ناصر :: لالا هدا ما يصير هدا مكانكم ست فاتن انى ما نقدر نزعلكم انى جيت بروحى باش نصلح الامور وتضلوا بالفندق
فاتن :: لالا مستحيل نقعد فى الفندق وهو مصمم يطرد البنيه المسكينه غير انها توا تخدم عندى وانى ما نفوتها
ناصر :: ما هناكش حد بيمشى بكل والبنيه لو عندك توا جيبيها نعتذر منها وانى بنتحمل نصف الايجار المستحق عليها
فاتن :: هدا مش راح يفوتنا وبيضل يدير فى مشاكل
ناصر :: مين هو هدا ؟ هدا كان يخدم عندى وانى لزيته هدا يدير فى مشاكل هلبا ولا عنده قلب ولا عقل هدا مش بنى ادم
وصمم ما يشرب القهوه ولا ييجى الافتتاح الا لما تجيب سحر ويعتذر لها قدام الكل