اتصلت فاتن بجمال ورجع وانا فرصتى راحت لكن مش مهم انا صبور وحاستنى فرصه تانيه وقبل موعد الافتتاح فاتن استعجلت جمال
فاتن :: جمال هيا غير ثيابك باقى ربع ساعه هيا فيسع
دخل غير هدومه وجه والجاكيت على ايده وقاللى
جمال :: غير هيا كمل لبسك وهدى روحك اليوم انت مفتاح الفوز لينا كلنا
الاحتفال كان رائع واليوم كان بهيج
فى البدايه حضرت اعداد قليله وحسيت ان الاقبال حيكون ضعيف واننا حنفشل وبدات ملامح وشى تتوتر وفاتن لاحظت نادت جمال
فاتن :: تعال جعمز على الكاش انى بننزل الصاله
جمال :: لكن انتى فى مكانك بتديرى مراقبه وتشغيل لكل شئ هدا اهم مكان
فاتن :: باهى نصف ساعه هكى الوليد متوتر وباك يتعفلق ( يمكن يتعصب ) ويفقد اعصابه
ولبست الجاكيت الاضافى وحطت استيكر الاسم ونزلت وقفت فى نص الصاله جنبى ووشوشتنى
فاتن :: روح اشرب قهوه وسيجاره وتعال
سعد :: انا .. انا كويس
فاتن :: تسمع فيا ؟ روح اشرب قهوه هيا
رحت على المطبخ ومهره عملتلى قهوه وولعت سيجاره ووقفت عند فتحة الكوجينه لقيت فاتن وقفت فى نص الصاله وقالت
فاتن :: اسمحولى ارحب بيكم فى محلكم المتواضع اللى يتشرف بيكم
زبون :: الف مبارك الحق مكان باهى
زبون 2 :: انشالله مبارك عليكم
فاتن :: اسمحولى اقدم لكم على حساب المحل سمول بيتزا بفواكه البحر هادى ممكن اول مره تجربوها لكن من الانواع الشهيره جدا فى مصر البيتزا عندنا بنديرها عند الطلب وتاخد تقريبا نصف ساعه هكى اذا كان منكم من يبى يشرب حاجه انا تحت امركم
فاتن شاورت لعبد الحفيظ بدا يطلع العجين ويجهز البيترا بالعدد المطلوب وكانوا اقل من عشرين وشاورت لجمال شغل موسيقى mon amore للعبقرى جورج زانفير وبدات الناس تطلب طلبات وفاتن تتنقل من طاوله لطاوله تاخد الطلبات على اوردر ورق وتبلغ بيها وعلى كل اوردر رقم الطاوله وبعد دقايق بدات شهد ومريم تنزل الطلبات وبصيت على الشاشات لقيت جمال مشغل فيديوهات لمناظر طبيعيه سهول وجبال وامطار مع الموسيقى الساحرة شئ مريح للنفس وانا واقف اتفرج على الفراشه اللى بتدور بين الطاولات تنشر البهجه والفرحه والجمال فاتن
بعد نزول البيتزا نزلت الصاله وكنت هادى وفضلت الف على الطاولات اسال ان كانت البيتزا عجبتهم او ليهم طلبات تانيه وفاتن استمرت معايا فى الترحيب بكل الموجودين ولقيت ناس بيطلعوا تليفوناتهم يتصلوا باصحابهم يخبروهم عن المكان وعلى الساعه تسعه لقينا افواج من البشر لدرجة فتحنا الدور الفوقى وجمال لبس الجاكيت بتاعه وحط الاستيكر وطلع فوق وفاتن رجعت على الكاش اللى بتشغل منه الموسيقى والشاشات والاضواء الملونه وفضلنا لحد الساعه اتنين مش حاسسين بالتعب لدرجة كنت بانسى اشرب سجاير لكن فاتن ما بتنساش حاجه ابدا كل شويه تخلى اللى فى المطبخ تعمل قهوه ليا او لجمال ندخل نشربها مع سيجاره وكل ساعتين تطلع اللى فى المطبخ للصاله وتدخل واحده مكانها كل البنات نزلوا الصالة كل البنات وقفوا فى المطبخ ما عدا انا فى الصالة اللى تحت وجمال فوق وعبد الحفيظ على البيتزا وطبعا فاتن موجودة فى كل مكان وبتشرف على كل كبيرة وصغيرة
#داغر
يوم ورا يوم اسبوع بعد اسبوع وشهر يجر شهر والمكان بيكبر وزباينه تكتر وبقى عندنا 50 طاوله بكراسيهم لوطا و 30 طاوله واتنين بليارد فوقى وبقى عندنا زباين تيجى كل يوم تفطر وترجع بالليل تسهر وعددنا زاد وبقينا نروح على مجموعتين واحده من 8 الصبح لحد 10 بالليل والتانيه من 12 الضهر لحد 2 بالليل
وانا بقيت اشهر كابتن صاله فى طرايلس وبقى فيه زباين تيجى مخصوص تناكف داغر وتضحك معاه
زبون : قوللى علاش سموك داغر ؟
سعد : يااه دى حكاية طويلة
زبون 2 :: باهى احكيلنا
سعد :: احكيلكم كده ببلاش ؟ نفعونا طيب وسمعونا الصلاة على النبى
زبون :: الهم صلى على النبى هيا احكى
سعد : هى بقت كده خلاص ؟ نفعونا طيب
زبون :: باهى جيبلنا قهوة هنا
سعد : قهوة سعادتك ايه ؟
زبون :: مكياطه هيا كلنا مكياطه باش ما نضيعش وقت
كانوا خمسة على ترابيزة واحدة
زبون 2 :: وانى نبى مانجو وصاحبتى هادى مانجو
وقعدت اسجل الطلبات وكانت كتير وبلغتها للمطبخ وانا راجع لقيت فاتن بتقول
فاتن :: شى تدير يا مجنون انت ؟ شين تبى تقول ؟
سعد :: ما تخافيش واسمعى معاهم
ووقفت فى نص الصالة
سعد :: اسمعوا وعوا وخدوا العبره من حكايتى اصل دى حكايتى مع الزمان
زبون 3 : غير هيا سمعنا خيرك
زبون 4 :: انت خيرك تغنى لنا واللا تغنى علينا ؟
سعد :: اول ما اتولدت سمونى داغر ما اعرفش ليه ولما كبرت شوية سالت ماما ليه يا ماما سميتونى داغر ؟ قالتلى ما اعرفش اسال ابوك ورحت سالته ليه يا بابا سميتنى داغر قالى انت لسه صغير مش حتفهم لما تدخل مدرسه اقول لك كبرت ودخلت المدرسة وسالته تانى ليه يا بابا سميتتى داغر ؟ قالى انت لسه فى بداية التعليم ومش حتستوعب لما تدخل اعدادى وعدت سنين ابتدائى ودخلت اعدادى وسالته ليه يا بابا سميتنى داغر ؟ قالى انت لسه مخك مش حيقدر يستوعب لما تدخل ثانوى اقول ودخلت ثانوى وسالته ليه يا بابا سميتنى داغر قاللى يابنى انت فى ثانوى ومحتاج تركيز علشان تجيب مجموع وتدخل الجامعة وقتها احكيلك وذاكرت واجتهدت وجبت مجموع كويس ودخلت الجامعة وسالته ليه يا بابا سميتنى داغر ؟ قاللى يابنى الدراسة فى الجامعة غير المدرسة ومحتاجة كل تركيزك لما تتخرج ابقى احكيلك وخلصت جامعة واتخرجت ودخلت الجيش وخلصت وسالته ليه يا بابا سميتنى داغر قاللى يابنى ده سر كبير وانت لسه متخرج ومحتاج كل تركيزك علشان تشتغل وتقدر تثبت كفائتك فى شغلك وتبنى مستقبلك ووقتها احكيلك
واشتغلت وقدرت اثبت كفائتى واتعلم واخد خبرة كبيرة واثبت وجودى وفى يوم بلغونى ان ابويا عمل حادثة وفى المستشفى وحالته خطيرة جريت على المستشفى لقيته فى العناية وقال للدكاترة انا عاوز اقعد مع ابنى لوحدنا وسابونا لوحدنا لقيته بيقول يابنى وانت صغير سالتنى ليه سميتك داغر وقتها كنت صغير ما قدرتش اقول لك وقلت استنى لما تدخل مدرسة ودخلت مدرسة وسالتى ليه سميتك داغر قلت لسه فى بداية التعليم مش حتستوعب لما تدخل اعدادى ودخلت اعدادى وسالتنى قلت لسه فكره بيتكون ومش حيفهم لما تدخل ثانوى ودخلت ثانوى وسالتنى اشفقت عليك لان الثانوى صعب ومحتاج تركيز لما تدخل الجامعة ودخلت جامعة وسالتنى قلت ده محتاج تاهيل وتركيز ومش حيقدر يستوعب خليه لما يتخرج واتخرجت وخلصت الجيش واشتغلت واثبتت وجودك وبقى عندك خبرة كبيرة ولو قلتلك على السر الخطير اللى انا شايله فى قلبى طول السنين دى حتقدر تفهم وتستوعب وتقدر السبب المهم اللى خلانى اسميك داغر
ابويا عرق ووشه بقى احمر وسكت شوية ياخد نفسه وبعدها قال يابنى انا سميتك داغر علشان ... علشان ... علشان ..... ومات قبل ما يكمل
طبعا مش حاقدر احكى عن الشتيمة اللى سمعتها لكن الحقيقة ان كلهم كانوا بيضحكوا وفيه ناس كانت تيجى كل يوم تستفزنى وتخلينى احكى الحكاية دى كل يوم
قربنا على اكتر من سنتين وكتير قوى بداوا يحسوا ان فاتن مياله ناحيتى حتى انا حسيت بكده والحقيقه انا كنت مبهور بجمالها وذكاءها وخفتها رغم انى مش حانكر انى باميل لشهد قوى لكن انتوا عارفين ان قلبى يساع من الحبايب الف
المشكله ان جمال كمان بدا يحس بكده ويغير وبدات معاملته ليا تتغير وبالذات انه كل ما يطلب منها تطلعله تتحجج بالشغل والارهاق لحد يوم
فاتن :: كيف يعنى احنا بنروح مقتولين شنى ما هناكش رحمه ؟
جمال :: انتى شنى نسيتى انى زوجك وليا حق ؟
فاتن :: جمال دير بالك حتى انت بتروح مقتول يعنى لو بنطلع ما بتقدر تدير شى شنى تحكمات على الفاضى ؟
جمال :: تحكمات ؟ واللا صار قلبك يحن لمصر والمصريين ؟
فاتن :: شين قصدك جمال ؟ دير بالك وراعى كلامك انى فاتن
جمال :: فاتن منو ؟ فاتن بنت عمى وزوجتى واللا فاتن اللى مشت تدرس فى مصر ورجعت ......
ضربته بالقلم على وشه وعينيه كان بيطق منها شرار
جمال :: هكى اخرها ؟ بعد كل اللى درته على خاطرك ؟ باهى يقولون فى مصر جزاء المعروف ضرب الكفوف
فاتن كانت بتبكى وتترجاه وتقول
فاتن :: انى اسفه ما ادرى كيف درت هكى حقك عليا ابوس ايدك سامحنى
جمال :: فوتينى توا ما نبيش نسمع كلمه زايده
فاتن :: انى بنجيك اليوم عند الفجر باهى ؟
جمال :: لا ما عادش نبى لا اليوم ولا غدوه ولا اى يوم خلاص ما نبيش
فاتن :: جمال انى .....
جمال :: خلاص انتهينا عندنا شغل
خرج على الصاله وجه ناحيتى
جمال :: اسمع انت يا مصرى اطلع بالصاله الفوقى
سعد :: ايوه بس انا مكانى ....
جمال :: مكانك اللى نقول عليه انى انت لا تنسى انك تخدم عندى
سعد :: حاضر يا استاذ جمال تحت امرك
بعد شويه خرجت فاتن وعلى المغرب نادت عليه
فاتن :: جمال بالله عليك تعال مكانى انى تعبانه ونبى نمشى للفندق
جمال :: اتحملى هدا شغل وما هناكش من يحل محلك
فاتن :: جمال .... انى ...
جمال :: نبى نشوف الزباين انى مش فاضى
سابها ومشى لكن سحر كانت ملاحظه كل شئ لما دخل يشرب قهوه وهى فى المطبخ عملتله قهوه وقالت
سحر :: عجبتك القهوه ؟
جمال :: باهيه
سحر :: علاش تزعل روحك انت راجل الف واحده تتمناك
جمال :: انتى شين تبى شنى الدوه الفاضيه هادى ؟
سحر :: انى نبى نريحك ونرتاح
جمال :: فكك من الدوه وشوفى شغلك خير
لكن بعد يومين لقيته بيصحينى الفجر
جمال :: انت يا مصرى نوض نبيك
سعد :: خير يا استاذ جمال
جمال :: اطلع على السطح راقب الطريق هيا
سعد :: اه اه حاضر
طلعت استنى فاتن لقيتها جايه لكن الجسم اصغر دى مش فاتن ولما قربت لقيتها سحر
#داغر
كانت صدمه جامده جدا ولعت سيجاره فى التانيه وانا مخى عاجز مش عارف اعمل ايه لحد ما خلصوا كنت حرقت نص العلبه نزلت سحر وجمال خرج على السطح ولع سيجاره وانا قمت علشان ادخل مسك كتفى وقال
جمال :: اسمع كلمه توصل لفاتن بنلزك طول باهى
.................
طبعا الخبر وصل لفاتن لكن مش منى من سحر نفسها فى يوم دخلت المطبخ هى ومريم وكانت فاتن على الكاش سحر فتحت الشباك الصغير علشان فاتن تسمع
سحر :: تعرفى على كثر ما درت برامج وعرفت رجاله منهم الضعيف ومنهم الباهى لكن اكثر راجل اتمتعت معاه وحسيت بانوثتى هو جمال
مريم :: مين قلتى يخرب بيتك جمال منو ؟
سحر :: احنا عندنا كام جمال ؟ هو جمال واحد
مريم :: يلعن بوكى متى صار هدا ؟
سحر :: اول امس طلعتله غرفته فوق وكانت ليله ولا الف ليله هاهاها
مريم :: اكتمى وطى صوتك كيف صار راح انجن والمصرى وين كان ؟
سحر :: قعد على السطح يراقب الين خلصنا
مريم :: لو الست فاتن تعرف راح تقتلك لا تديريها تانى بالله عليكى
سحر :: هاهاها فاتن هادى منظر على الفاضى لو تعرف مفروض تقتل روحها لو هى ماليه عينه ما كان يصير بيننا عشق وغرام
مريم :: هادى غلطه وعمرها ما تتكرر لا تفكرى روحك عشيقته
سحر :: عمرها ما تتكرر اراهنك انها بتتكرر وتتكرر وتتكرر
دخلت فاتن ومريم حست ان قلبها وقع فى رجليها
فاتن :: خيركم تهدرزوا والطلبات متاخره شوفوا شعلكم وياسر من الدوه
سحر اخدت صينية طلبات وخرجت وهى بتبص لفاتن بتحدى والغريبه ان فاتن ما اتكلمتش حتى لما مريم حكت لها كل اللى حصل قالت
فاتن :: مريم على خاطرى اختى ما تقولى لاى حد باهى
مريم :: يا ست فاتن انى قلتلك لانى ما نقدرش ندس عليكى ولا نشبحك هكى
فاتن :: انى مزيانه ما هناكش حاجه انى نعرف كيف نتغلب على المشاكل البسيطه هادى لا تخافى لكن رجاء احفظى لسانك ما نبيش حد يعرف
طبعا ما اتكلمتش معايا خالص فى الموضوع ده لكن جمال طلعنى الصاله الفوقيه وسكتت وهى كلمته
فاتن :: الزباين يسالوا عنه هلبا واغلبهم صار يطلع فوق
جمال :: اسمعى المصرى هدا بنلزه انى ندور فى بديل عنه
فاتن :: علاش شين صار منه ؟ هدا يخدم على راسه ويدير شغله باهى
جمال :: اللى صار انك توا صرتى تدافعين عنه
فاتن :: وسحر انى ما نبيهاش البنيه هادى انى عرفت اللى صار بينكم غير انها تعايرنى وتكايد فيا وتعاندنى
جمال :: اسمعى انتى تعرفى ان كل شى باسمى من اليوم انى بنقعد على الكاش وانتى تنزلى الصاله وسحر بتصير كابتن صاله فوق
فاتن :: كيف يعنى سحر كابتن صاله ؟ وداغر ؟
جمال :: يخدم وايتر واذا مش عاجبه يمشى وحتى انتى اذا مش عاجبك اتريحى بالفندق
فاتن اتصدمت وعينيها دمعت وقالت بحزن وكسره .
فاتن :: كتر خيرك ابن عمى انى شاكره ليك كرمك وشاكره انك سترت عليا زمان وتوا اذا تبى طلقنى وارجع وهران
جمال :: مش توا ما نبيش نطلق توا
فاتن :: امرك استاذنك اغير واشوف الشغل .