رواية ضحية فرعون الفصل الثلاثون 30 بقلم منه محمد
في الجنينه راحت حطت فنجان القهوه قدامه ع التربيزه وماشيه
امير مسك ايدها: رايحه فين
ايمان: هرتب المطبخ
امير: هو فيه حاجه مزعلاكي
ايمان: ليه قلت كده
امير: من امبارح وانا ملاحظ انك ضاربه البوز , وشفايفك ع طول منفوخين بطلي تكشري مش بتبقي حلوه ابدا , من فضلك ابتسمي شويه , بتبقي اجمل لما تبتسمي
ايمان قعدت قصاده: : وليه ابتسم هبقي غريبه لو ابتسمت مع نفسي فجأه
امير: ده انا الي حاسس بالغرابه دلوقت ليل ونهار بفكر فيكي , انا بحبك اوي يا ايمان ولا نسيتي
ايمان: لا فاكره بس بتبقي مزعج اوقات
امير يمسك خدها بخفة: انا مش بحب ازعلك مني وانتي عارفه كده , ومش هعمل كده مره تانيه انا مبسوط دلوقت وولادنا مبسوطين من اول ما جينا بيتنا الجديد , شوفي اميره ع طول بترتب اوضتها بستمرار اكيد سعيده جدا , وانتي تمام مش كده
ايمان : تمام بس بقول ليه مأخدتش مثلا شقه ع قدنا , ليه فيلا كبيره اكيد ايجارها غالي
امير : لا مش غالي ع فيلا بالمستوي ده مفروشه بالكامل, بس في الواقع عملت عقد اتفاق مع صاحبها ان كمان هشتريها ووافق , احنا بس هنستني الاوراق من المحامي عشان نمشي في التسجيل ع البيع
ايمان: يعني لازم تشتريها دوقت رأي نوفر الفلوس انت لسه يادوب بادء شغلك ع الاقل محتاج لراس مال في اول ست شهور وبمجرد ما يستقر شغلك اشتريها
امير: يا ايمان عطاني مستر حسام مشروع كبير انا كل مشكلتي دلوقت بجمع موظفين
ايمان عقدت حواجبها : مين حسام ده
امير: ده جوز والده جيجي
ايمان كشرت وملامحها اتغيرت وانقلبت للحزن
امير ابتسم ع شكلها : لا متقوليش هتغيري منها
ايمان: لا مش كده بس بما انك بتدور ع موظفين , ايه رآيك لو جيت ساعدتك في المكتب
امير: لو ساعدتيني في المكتب مين هيراعي الاولاد
ايمان: بص الصبح هوصلهم للمدرسه وبعدها اطلع علي المكتب , وع الدهر اجيبهم يعني هشتغل نص يوم بس , ع الاقل اقدر اساعدك حتي لو كان فتره قصيره
امير :يعني فعلا عايزه تساعديني حتي لو نص يوم
ايمان : اكيد عايزه اساعدك, لو مش هساعد جوزي حبيبي هساعد مين اصل لو اشتغلت يوم كامل مين هيهتم بولادك ولا عايزني اجيبهم معايا المكتب
امير: لا يامن لاء’ ده يبهدل الدنيا
ايمان ضحكت: وانا مقدرش اسيطر عليه
امير سحبها قعدها ع رجله وقال وهو بيدفن وشه في رقبتها: ده انا الي مش هقدر اسيطر ع نفسي قدامك وهبوس حبيبه قلبي دلوقت
ايمان: احنا في الجنينه يا قليل الادب
صوت: مساء الخير
ايمان قامت بسرعه من حضن امير وهو قام وقف وارتبك لما شافهم واقفين قدامه
امير: مراه عمي ازاي قدرتي تدخلي
شاهيناز: البوابه كانت مفتوحه ع اخرها فدخلت
ايمان وقفت ع اخيرها لانها مش هاضمه وجودها لا هي ولا جيجي
شاهيناز بحقد: بس محدش فيكم لاحظ , يمكن عشان قريبين من بعض ليل مع نهار
امير بص لايمان برتباك وقال: حبي شكلي نسيت دي غلطتي, خرجت احط الزباله من شويه ونسيت اقفل البوابه
ايمان بمزح: معني كدا جالك زهايمر وكبرت في السن
امير ضحك: لاء ده امر عارض
جيجي بغيره وحقد : انت مش كبير ولا حاجه , كأن طالب في الجامعه لو قلت انك متجوز محدش هيصدق , اما الامر مختلف مع ايمان , شكلها اكبر منك في السن
امير ابتسم : لا انتي شريره كده هي مش زي ما بتقولي
شاهيناز: طبيعي بعد الولاده الست بتبان اكبر في السن عشان كدا لما تتجوزي ياجيجي مفيش داعي تخلفي ولاد كتير وشك هيعجز بسرعه
جيجي: انا اخلف Kid لا طبعا ده تفكير قديم جدا , امير انت بتحب الـ Boys الكتير
امير: انا
جيجي :اه انت
امير : معنديش مانع كل طفل بيجي برزقه فلو الرزق كتير عادي , بس مش كتير لدرجه منقدرش نهتم بيهم زي الحال دلوقت
شاهيناز: لو مش غلطانه امك قالت لي ان مراتك حامل معني كدا هيكون عندكم ولاد كتير افرض طلعوا تؤام تاني هيكون البيت فوضي
ايمان تحضن دراع امير وهي بتقول بدلع رباني: مش انت عايز طفل تاني يا حبيبي ويمكن ربنا يرزقنا ببنت ومش مهم حتي لو تؤام ,الاطفال بهجه البيت شقاوتهم تخلينا مبسوطين
جيجي: امير جبت تورته
امير: طالما جبيتها في وقت متأخر كده تبقي المناسبه خاصه , خير
شاهيناز: طبعا ما هو انت نسيت عشان مجتش النهارده المساء , رغم جيجي عزمتك
امير ضرب جبينه: اوبا حقيقي نسيت خالص يا جيجي , انا مشغول جدا طول اليوم برجع البيت المغرب، والصبح في المكتب مجاش ع بالي المهم الحفله اكيد كانت حلوه ،فأيه الي طلعك بالليل
شاهينزا: لا جيجي متخرجش بالليل جات هنا عشان انا معها والا متخرجش وعملت الحفله بعد المغرب ع طول دي بنت محافظه , والي هياخدها يابخته محظوظ
ايمان قامت وقفت في مكانها بثبات وياجبل مايهزك ريح لانها فاهمه تلميحاتها بترمي لفين
امير بستفسار: رايحه فين يا حياتي
ايمان بهدوء: داخله المطبخ اجيب اطباق وشوك
جيجي : امير مش هتقولي كلمه
امير: كل سنه وانتي طيبه وبتمنالك حياه موفقه
جيجي: ميرسي ع ذوقك_ اخدت قطعه كيكه بأيدها_ امير اتفضل
امير: لا هاكل لوحدي مفيش داعي تأكليني
شاهيناز: ما تكسفهاش يا امير يمكن الاطباق والشوك تتأخر ع ما تيجي
جيجي مدت ايدها وهي متعمدة تضايق ايمان وقالت بتصميم: يله بقي دوق
امير اخد ها منها تحت نظرات ايمان عليهم من بعيد لكن ماسكه نفسها
جيجي: ها حلوه
امير: اه جدا
يامن جري عليهم: عايز تورته
جيجي: استني اقطعلك بس اسمك ايه اصلي نسيت
امير: يامن
جيجي: اه يامن هو امور لما يكبر هيبقي وسيم زيك يا امير
شاهيناز بحتقار لايمان: طبعا وسيم بصي ابوه مين مش طالع فلاح زي امه
يامن بحده: لا انا شبه ماما ،مش انت يا بابا قلت ع ماما جميله
امير: اه
جيجي لشاهيناز: وعني انا ايه
شاهيناز: لا انتي طالعه قمر لعيلتنا
يامن: طنط جيجي عايز تورته ممكن
جيجي: استني هأكلك
يامن: لا عايز اقطعها بنفسي, وادي اميره وياسين
امير: يامن انت بوظتها
جيجي: عادي ده طفل طبيعي
شاهيناز بهمس وغيظ في ودن جيجي: الواد الغبي بوظ التورته
امير: خلاص كفايه يله حطها في الاطباق وروح لـ اخواتك
امير بصلهم: متاسف
جيجي: لا عادي مفيش حاجه
...............قصص منه محمد كاتب.................
في القريه
مرزوق: بنتك مش بتقولنا اي حاجه ,حتي لو حصل معاها ايه بالذي ,حتي لما بنتها تعبت مبلغتناش
بسيمه: يامرزوق اكيد مش عايزه تقلقنا , احنا مش ساكنين جنبها لو اتصلت بينا ممكن نعمل ايه
ايمن: صح يا بابا عشان كدا اتصلت بحماتها
مرزوق: امتي اخر مره اتصلت بيكي , وقالت لك عن مرض اميره
بسيمه: تقريبا اخر مره اتصلت بيا كانت الاسبوع الي فات ,وكلمتني شويه بس مجبتش سيره ان اميره تعبانه
مرزوق بحده : هو صعب عليها تتصل بينا وانت
ايمن: فيه ايه يا بابا
مرزوق بنفس الحده : ليه متصلتش بأمك , مفتكرتش رقمها الا بعد يومين
ايمن بهدوء: لا مش كدا بس كنت مسافر ومشغول ونسيت اسف
مرزوق: ايمن التواصل مع ابوك وامك تاخد الثواب, انك تسعد اهلك تاخد الثواب
بسيمه: هتاخد مواعظ منه دلوقت
ايمن: حتي لو بيديني يا ماما مواعظ هقبلها ببساطه
مرزوق: ها ايه اخبار اختك دلوقت
بسيمه تدخلت وقالت: اكيد مشغوله لسه ناقله في فيلا كبيره , ويمكن لسه مخلصتش تنضيف وترتيب امتي هنسافر نزورها
ايمن: مش معني انها راحت لفيلا كبيره ان جوزها ظروفه مستقره ومستعد يستقبلنا يمكن يتعصب علينا
مرزوق: يا بني غصب عنه هو برضو كان عايش في مستوي ونزل لمستوي اقل وصعب يعيشه كان طبيعي يتعصب ويثور
بسيمه بقهره: مسكينه بنتي اتحملت وعانت كتير , واحنا لازم نقف جنبها ونزورها ,جوزها هيقول ايه بعدين وهو لسه زعلان مع ابوه مينفعش احنا كمان نبعد عنه
مرزوق: انا فعلا قلقان من طبع امير , حتي لو عايز ازورهم لازم نطمن ع اخبار نفسيته ومزاجه والابنتك هتضطر تسمع ثرثارته
بسيمه: ايمن هو لسه اسلوب جوز اختك متغيرش
ايمن: للاسف يا ماما لما روحت ازورهم في الحاره اتصرف بنفس الطريقه كان متعصب طول الوقت ومن يوميها قررت رجلي متخطيش هناك تاني
بسيمه: مسكينه يا ايمان
..............قصص منه محمد كاتب.............
طلعت جيلي كولا تاكله زي الاطفال الصغيرين وفتحت اواتس
حنين: ها كل اموركم تمام
ايمان بأبتسامه: الحمد لله انا مبسوطه دلوقت , وامير كمان نفسيته ارتاحت كتير
حنين: تصدقي بالله انا متعاطفه بجد معاكي , اتحملتي ضغط كبير من اول ما اتجوزتي واحد غني ومدلع زي امير , هو صلح علاقته مع اهله
ايمان: يعني قدر يتقبل امه بس ابوه نو
حنين بغيظ: نو ,والله غبي
ايمان: فعلا غبي رايح يتقرب ويتودد لمراه عمه بدل من ابوه
حنين قفلت الواتس واتصلت بيها فيديو كول
ايمان فتحت الكام وهي بتضحك وقالت: طالما فتحتي فيديو عايزه ترغي صح
حنين: عشان هطق لحظه واحده مش مراه عمه دي هي ام المرحومه ليلي
ايمان: اه ومش قادره اتكلم ولا افتح بؤي معاها بكلمه بعد الي عملته معايا
حنين: عملت ايه
ايمان: الست دي جات في مره بيت حمايا واهانتي وبهدلتني وقللت من قيمه اهلي , وفكرت ان امير هيزعل عشاني ويقف جنبي لكن ابدا وشه كأنه بيأيد الي قالته مراه عمه
حنين: اتجاهلي كلامها اايمان متبقيش مسالمه مع الاشكال دي , اديهم ع قلبهم , واشتميهم وردي لو لزم الامر
ايمان: ان شاء الله , صحيح راجعه امتي بلدك ,ولا استحليتي الغربه
حنين: لا راجعه وهعملهالك مفاجأه
ايمان ضحكت بسخريه: يالها من مفاجآه , ع كل حاال شكرا يا حون لانك فكراني دايما , خدي بالك ع نفسك, وسلميلي ع احمد كتير واكرم
حنين: يوصل باي
ايمان قفلت وقالت: انا مش ضعيفه يا حنين .......بس براعي مشاعر جوزي ......ده كل ما في الامر
...............قصص منه محمد كاتب...............
في المكتب فاتح الشاشه وعيونه نظراتها في الفراغ
حجاج فتح الباب ودخل بصله: انت سرحان بتفكر تدور علي ممدوح مره تانيه
امير ينحني بجسمه على المكتب ويسند بأيديه عليه : مش هنساه الي عمله فيا ابدا , مش هسيبه لحد ما اموت , بس حاليا بفكر في ايمان وفيا
حجاج: ايه اتخانقتوا مره تانيه انتم الاتنين حياتكم كلها مطبات
امير سحب هواء وقام ببطيء عن الكرسي متوجه للشباك ألي بطول الجدار وقال بضيق: عارف انها حامل دلوقت للسبب ده مش عارف انا تعبان
حجاج: متقوليش انك مش حابب تكون حامل
امير بتنهيده طالعه من قلبه : لا المشكله انا مش موافق بسبب الطفل ده اهملتني جامد , عارف حاسس ان صدري هينفجر لما تقولي انها عايزه تخلف طفل تاني
حجاج: وانت كمان بتتصرف من غير تفكير , خلتها تحمل ورجعت ندمت, ليه مطلبتش منها تنزله
امير سكت لانه بالفعل طلب منها الطلب ده لكن لماء وجه مستحيل يقوله
حجاج: لاانا بهزر متقوليش انك بتفكر تقولها كده
امير هز راسه بالنفي: لاْ لاْ , ايه اخر اخبار ممدوح امتي هترجعلنا فلوسنا
حجاج: لحد دلوقت كل حاجه سلبيه
امير اتنهد بزهق: وامتي هتبقي ايجابيه الامر سلبي هنا وفي البيت انا بجد متوتر وقلقان
حجاج: يا اخي اتقي الله ايه السلبي في ايمان
امير: كل حاجه يا حجاج بقت مهمله جدا في نفسها عامله زي الخدامه وعلي طول عندها صداع ورابطه ايشارت وحاطه ابو فاس حقيقي بتضايقني
حجاج بنظرة كأنه يلومه : انت فظيع ماهي يا مخلوق حامل طبيعي تهمل شويه في نفسها قبل سابق كنت متيم بيها وكنت رومانسي معاها وكنت بتعشقها من غير نهايه دلوقت تتصرف كده لمجرد اهملت شويه
................قصص منه محمد كاتب...............
حطت ايدها ع معدتها وقالت لنفسها: لاني حامل مش بحب احط ميكب ولا ابص لشكلي في المرايا بس لازم اخد بالي من نفسي مصعبش الامور عليا خايفه لمعجبش امير
امير فتح الباب بهدوء و ودخل مش بيبصلها وهي حست بيه أول مادخل
ايمان جريت بلهفه عليه: حبيبي اسفه مأخدتش بالي بانك رجعت اكلت
امير اتحرك بخطوات هاديه وحدف جسمه ع السرير : اه شبعان عايز اخد شور وارتاح
ايمان مدت ايدها تقلعه القميص: اكيد تعبان تحب اساعدك
امير سحب ايدها من عليه: متزعجنيش انا تعبان
ايمان اتفاجأت من ردة فعله حست بجمود غريب ومشت ببطئ كأنها ماشيه ع قشر بيض
امير وهو مغمض: ايمان
ايمان لفت له: نعم
امير: من فضلك علي درجه التكيف شويه الجو حر
ايمان مدت يدها ببطئء وعلت الدرجه وطلعت وسحبت الباب ع خفيف
......................قصص منه محمد كاتب................
في المكتب قاعد يشتغل ع الاب توب بتمعن
جيجي خبطت ع الباب : انت مشغول
امير رفع عينه من ع الاب توب وبصلها بأبتسامه: اهلا يا جيجي مشغول شويه , اه متشكر جدا ع اقناع جوز والدتك انه يديني مشروع تاني ,بجد انا هطير من الفرحه
جيجي :مين غير اقاربك هيساعدك , انا اقنعت بابا حسام بأن شركتك هي الانسب تتعامل مع مشاريعه
امير بمتنان: الف شكر ,,واضح انه بيحبك بجد ومعتبرك بنته لانه بيوافق بكل سهوله ع اي مقترح تقدمهوله
جيجي: طبعا هو مربيني وانا عندي خمس سنين طبيعي يحبني, اخويا الوحيد عايش في بلاد بره ومتجوز اجنبيه وواضح انه مش عايز يرجع ,عايز يعيش غريب
امير عيونه رجعت ع الجهاز وقال: ده انا الي حاسس اني غريب
جيجي بصتله اوي وضحكت ضحكه ملعله: بجد ضحكتني, تعرف انا بحب الغرب جدا , ايه رايك بعد الغداء نروح نغطس
امير ضم حواجبه بعدم فهم: نغطس يعني ايه بجد مش فاهم
جيجي :نغطس في الايس كريم بالشكولاته
امير :يعني عشان عزمتك ع الغداء عايزه تعزميني ع ايس كريم بجد امر غريب
جيجي : نفسي اقعد ع البحر اكل ايس كريم , ومحدش عايز يروح معايا
امير يسحب الأوراق و بجديه: بس حقيقي مشغول جدا يا جيجي اليوم ,خليها بكره ماشي
جيجي : في الحاله دي هيبقي مضاعف
امير بعدم فهم :مضاعف تقصدي ايه
جيجي :مضاعف للعقوبه لانك اليوم مش هتتغداه معايا واحد للغداء بكره , والتاني مش هيضر لو بعد العشاء نتفرج ع فيلم بعد بكره ولا حتي بكره في اي وقت
امير ابتسم : بتعامليني زي الطفل الي محتاج عقاب
جيجي : انا هقوم مش عايزه اعطلك يله اشتغل لاني قدرت اخد معادين معاك
..............قصص منه محمد كاتب...............
طلعت ترمي الكراتين عند باب الفيلا للبوابه لقت عربيه بتهدي ونزلت منها وكأنها ناوية على الشر
ايمان بدون نفس: اهلا وسهلا
شاهيناز بقرف: ايه ده شايله زباله في ايدك وتسلمي عليا انتي قذره اوي
ايمان: رميت كرتين مطرح التنضيف مش زباله
شاهيناز: طبعا القروين امثالك دايما ايدهم وسخه متقربيش مني
ايمان: شيل الزباله لايمكن يقل من مكانه الانسان يا شاهيناز هانم سواء كان غني ولا فقير
شاهيناز: انتي هايله في الرد , طبعا مستمتعه عايشه في فيلا زي دي ياتري رجعتي ثروتك
ايمان: لحد ما
شاهيناز: اوه ليه هو ابوكي الي ساعد جوزك لما كان بيكافح وواقع في مشكلته , طبعا معندكيش رد واضح انه مساعدهوش اطلاقا , ايه الي عندك غير شكلك وجسمك الي مش جذابين الي زيك تعيش في حاره
ايمان :وانا معنديش مانع اعيش في حاره , الفلوس ولا تعني ليا , هنسيب كل حاجه ورانا ونموت
شاهيناز بغيظ : مفيش داعي تتظاهري انك زاهده في الدنيا , لو كنتي قنوعه ليه جريتي وري راجل غني انتي سافله متعرفيش معني الخجل , كنتي مستعده تروحي لبيت شاب عازب عشان توقعيه يتجوزك , انتي واطيه افتكري اصلك متحاوليش تتباهي قدامي
ايمان متحملتش واتعصب عليها: بقولك ايه , مفيش داعي لـ اهانتي , انتي عارفه الحقيقه وانا عندي كرامه والي بتقوليه ده في دماغك انتي لوحدك
شاهيناز :وكانت فين كرامتك لما اتجوزتي بعد ما اتقبض عليكي , انتي رخصتي بكرامه نفسك هي دي الحقيقه بغض النظر عن السبب ,اتجوزتي لانك كنتي هتلبسي قضيه اداب , ولحد ما تموتي لايمكن تمحي الوصمه دي
ايمان بحتقار :بقولك ايه انا مش فاضيه عندي شغل هدخل اكمله, لو عايزه امير هو مش هنا روحيله في مكتبه
شاهيناز وقفت قدامها: مجتش هنا ادور ع امير ,بالصدفه كنت معديه فكرتك الخدامه طلعت انتي، انتي ليه مبهدله كده ,ومهمله في نفسك
ايمان: انا مهدود حيلي في البيت ودايما مرهقه من التنضيف , امتي هلاقي وقت اتذوق واتجمل
شاهيناز :ده مقامك ولو قلت لك يا قرويه تزعلي , مش فاهمه بجد ازاي امير القمر ينجذب لواحده زيك يكنش عامله له عمل , لو كده مش هستغرب ليه مفتون بيكي
ايمان: رغم انا قرويه اهلي علموني احترم الي اكبر مني , ومستحيل اكفر بالله عشان واحد يحبني , ولو جوزي مفتون بيا ده معناه انه فعلا بيحبني من قلبه , مش محتاج اعمله عمل ولا الخرافات دي
شاهيناز عطتها نظرة سخرية :مسكينه , انتي مغروره جدا ,مفكره امير بيحبك يمكن زمان اما بالطريقه الي انتي عليها دلوقت ,انا متاكده العشره بينكم مش هتدوم , وقريب هيحس بالملل لما يشوفك اديله مهله 3 شهور
ايمان: قصدك ايه
شاهيناز بلهجه مليانه حقد: بعد كدا استعدي تلمي هدومك وتمشي من البيت , وتأكدي ان امير هيتجوز جيجي بنت سليمان
الصوت: ساعتها هترمي فين ايمان بنت مرزوق , شايفاها جزع شجره يا حيزبونه انت