بوسى و هى تضع يداها فى خصرها/يعنى ناس و ناس
نجم و هو يعتدل فى جلسته بعصبية /انتى اوى تدخلى كده من غير ما تخبطى على الباب
بوسى و هى تنظر ل سما بأحتقار /اصلى كنت عايزة أعرف مين الست هانم
سما كادت أن تبكى فقام نجم بمحواطتها بزراعه و يقطع الحديث دخول السائق /نجم بيه
نجم/فيه حاجه
السواق/المدام بتاعت حضرتك نسيت شنطتها فى العربية
نجم/شكرا ليك اتفضلى حبيبتى شنطتك
بوسى بعدم فهم /يعنى ايه؟!
نجم و هو يكفكف دموع زوجته/يعنى حضرتها المدام مراتى سما و حضرتك تروحى دلوقتى الحسابات تخدى مستحقاتك و مش عايز اشوف وشك هنا تانى اتفضلى
&تخرج بوسى و هى تجرى اذيال الخيبة و تعض اناملها ندما &
نجم /خلاص حبيبتى اهدى انا آسف
سما و هى تبكى بشده/انا انا ال اس فه اسفه انا السبب
نجم بتعجب/السبب ازاى!!
سما و هى تمسح دموعها كالاطفال/انا عارفه انه حرام الزوجه تمنع نفسها عن زوجها بس انت عارف احنا اتجوزنا ازاى
نجم بألم /عارف بس
سما تقطع حديثه /مش تكمل انا خلاص قررت أكون ليك انا اتشديت ليك اول لم شوفتك بس كنت عايزة اعرفك اكتر و عرفت قد ايه انت حنين و طيب و بتراعى ربنا بس عايز اطلب منك طلب
نجم/اطلبى ال نفسك فيه
سما/عايزة نقضى اليومين ال هنقعدهم هنا زى اى اتنين مخطوبين نخرج و نتفسح
نجم /بس كده سهله بعد الشغل نروح فى اى مكان تطلبيه بس عايز اقولك حاجه و اقترب من اذنها و همس ب حب ك
سما بخجل/انا جعان مش هناكل و لا ايه
نجم ضاحكا /ههههههههه ماشى بكرة تقولها يا جميل
&نسيب الناس تتغدى و نرجع الصعيد شويه ^
ماجد /بابا انا عايزك فى موضوع مهم ومش عارف اكلمك
أبو سعاد /انجز يا ماجد انا مش فاضيلك
ماجد/انا انا انا
أبو سعاد وهو ينهض /شكلك فاضى
ماجد مسرعا /عايز أخطب
أبو سعاد /انت بتتكلم جد
ماجد/ايوه طبعا
أبو سعاد /و مين هى
ماجد بخوف/هند
أبو سعاد /هند مين و من عيلة مين
ماجد بقلق/هند بنت عمت سما مرات نجم اوع ترفض يا بابا عشان خاطرى انا بحبها بجد
أبو سعاد مطمئنا /انا مش عندى اعتراض بس انا اعرف انها لسه فى ثانوى
ماجد/ما هى فى آخر سنه و اول ما تخلص امتحانات نروح نتقدم لها خطوبه بس لحد ما اخلص درستى ها قولت ايه
أبو سعاد /هكلم جدك و ال فيه الخير يقدمه ربنا
ماجد بسعادة/ربنا يخليك يا احسن أب فى الدنيا
$فى قصر عائلة علوان &
هند/مش عارفة اقولك ايه
مريم /قولى مين هو ده فارس احلامك
هند/هقولك بس اوعى تقولى لحد
مريم/انتى هبلة يا هند هقول لمين مى و منار كل واحده رجعت بيت جوزها و مينفعش اتكلم مع محمد و جلال ولاد عمى ولا ابوى ولا جدى ولا عمى ولا حتى أمى انتى عارفه انا مش بتكلم معاها من يوم حكاية سما و هم دول الناس ال بنشوفهم هو احنا بنخرج
هند/على رائيك
مريم /احكى بئا
هند/ماجد ابن عم نجم
مريم بصدم /انتى اتهبلتى
هند/اهدى الله يخرب بيتك انا غلطانه انى بكلم عيلة
مريم /خلاص كملى
هند/كلامه و أفعاله و طريقته و كل حاجه فيه بتفكرنى بابا الله يرحمه طول عمرى متعلقة بيه من اول مره شوفته *فلاش باك*
طفله (هند)/اه رجلى اه اه
طفل (ماجد)/مالك قعدة ليه كده
هند/العيال وقعونى و احنا بنلعب و رجلى وجعتنى و مش عارفه أقوم و العصر قرب يجى و ماما هتزعقلى
ماجد/طيب مش تعيطى هاتى إيدك و قام ماجد بمساعدتها على النهوض
هند/شكرا انت اسمك ايه
ماجد/ماجد و انتى
هند/هند
ماجد/انتى عينك حلوه اوى يا هند
هند/شبه بابا ممكن تمشى معايا شويه عشان خايفه أروح لوحدى
ماجد/هاتى إيدك اسندك
*باك*
هند بهيام/و روحنى و بعدين بدأنا نلعب مع بعض و يضرب أي حد يضيقنى لحد لم دخل اعدادى و عرفنا المشاكل ال بنا علاقتنا قلة لكن حبنا زاد و مش كان عندنا امل لحد لم مسألة الطار ديه اتحلت يااااه اخيرا هكون معاه
مريم/لدرجه ديه بتحبيه
هند/ قولى بمووووت فيه
تدخل ناديه فجأة/هو مين ده ال بتموت فيه
الحلقة 18
هند بأرتبك /ده ده
مريم بسرعة/الحصان بتاعها
نادية/تانى يا هند انا مش قولتلك مش تفكرى فى أي حاجة غير ماتخلصى امتحاناتك انتى ثانوية يا حبيبت ماما
هند/خلاص يا ماما انا كنت بستريح شويه و هرجع اذاكر تانى
ناديه/ربنا يوافقك يا حبيبتى و انتى كمان يا مريم قومى ذكرى كفاية رغى
&نرجع إلى القاهرة فى إحدى الكافيهات المطلة على النيل&
نجم/مبسوطة يا ستى
سما بسعادة/اوى اوى تصدق انا عشت عمرى كله فى القاهرة و عمرى ما شوفتها حلوة زى النهارده
نجم/ و انا عمر ما رجلى وجعتنى زى النهاردة
سما بزعل طفولى/رخم
نجم/انا رخم
سما/اه
نجم/اه و انتى أطيب بنت شوفتها فى حياتى
سما/طب يلا عشان الوقت اتأخر
نجم/يلا
&فى منزل عز&
سميرة /اتاخرتوا ايه كده
سما /خرجنا شويه
عز/سيبهم يا سميرة مش لسه عرسان جدد
سميرة /تتعشوا
نجم/مش قادر خالص انا جعان نوم
سما/و انا كمان
عز و سميرة /تصبحو على خير
نجم و سما /و أنتم من أهله
بعد مغادرتهم سميرة /ربنا يهنيهم
عز/اللهم أمين
---------------
سما/ممكن اطلب منك طلب
نجم/اتفضلى
سما /ممكن تنام جمبى
نجم بتعجب/انتى بتتكلمى جد!!
سما بخجل /نوم بس أصلك بتصعب عليا عشان الكنبة بتوجع ضهرك
نجم /بتخافى عليا
سما بخجل/طبعا مش جوزى
نجم/يالهوووى على الجميل و هو مكسوف يا ناس
سما /بس بئا انا غلطانه اصلا
نجم و هو يتمدد على السرير بسرعة/و على ايه احسن ترجعى فى كلامك د انا ضهرى اتقطم
سما/هههههههههه
نجم/تعرفى أن ضحكتك حلوة
سما/عارفه و اسكت بئا عشان عايزة انام
$و تنقضى الأيام فى القاهرة بين عمل نجم و مشاوير سما و سعادة تزيد يوم بعد يوم كانت هذه الأيام بالنسبة ل سما لن تعوض حيث وجود حولها كل من تحب و بالنسبة ل نجم بداية جديه ل قصة حب لن يستطيع أحد مهما كان أن ينهيها لقد تعد الحب إلى العشق كم كانت ايام سعيدة&
سميرة/هتوحشنى يا بنتى و انت كمان يا نجم
عز /يعلم الله أننا حبنك زى ابننا معزتك من معزة سما
نجم/و انا و الله القلوب عند بعضها
سما/هتوحشيني يا ماما انتى و بابا
نجم/ان شأالله فى قرب وقت هنزركم تانى يلا مع السلامه
سميرة و عز /مع السلامه
سميرة بعد مغادرتهم /الحمد لله أن اطمنت عليكى يا بنتى
عز/فعلا جوزها راجل ابن حلال
$انطلقت السيارة عائدة إلى الصعيد $
نجم بخبث/مش عايزة آيس كريم
سما بمكر/شكلك عجبك القلم
نجم/و الله يعنى أهون عليكى
سما بخجل /لا مش تهون
نجم/طب ما انا عارف
سما/و الله انك رخم و انا مش هكلمك تانى
نجم/خلاث يا عثل مس تزعل
سما/لا انا زحلان
نجم/يخربيت أبو ال يزعلك يا شيخه
سما/طب أنزل بئا فى الاستراحة ديه هانى لى اكل
نجم /ماشى
نزل نجم لكن تأخر و ترجلت سما من السيارة ل تذهب إليه ف رائته و هو قادم فذهبت له و هى تعبر الطريق أتت سيارة بسرعه فى اتجاه سما
نجم بصوت مرتفع/سماااااا حاسبيييييى