رواية باائعة الحطب
الفصل الخامس5
بقلم دانيا ط
كانوا في المطبخ بتكلموا ليه السم م ادى مفعول لسه؟ الاء قالت ليهم م بعرف بس انتظروا لو م ادى مفعول ح نتصرف تاني....قاعدين للساعه خمسه خالها م جاء قلت ليهم انا ح امشي برجليني الحله ،، بقوا يضحكوا فيني قالوا لي انتي فاكره الحله قريبه يابت عشان تمشي برجليكي ؟ نحن الآن نعتبر في منطقه مهجورة غير المزارع م فيها شيء ولو طلعتي يمكن ل 10 بالليل م توصلي .
قلت ليهم بمش بس إلا م القى لي عربيه في الطريق....زهرة قالت لي بمش معاكي فجأة حسيت بطني طامه وراسي لافي رجعت خطوتين ورا قربت اقع ،، كلهم بقوا يعاينوا لي قالوا لي انتي كويسة؟ قلت ليهم كويسة بس عاوزة امشي بيتنا ؛؛ هنا الاء وصاحباتها فرحوا شديد ملاذ قالت ليهم واخيراً ظهر المفعول.
طلعت مع زهرة ماشين في الشارع هي بتقول لي انتي كويسة ؟ وانا بقول ليها م عارفه الحصل لي شنو بس حاسه بألم شديد في معدتي وراسي لافي....قالت لي طيب ليه طلعتي كان ترتاحي قلت ليها لالا من هناك ابوي وصاني م نتأخر ،، الشمس غابت الظلام سد المكان وبقيت م قادرة امش الدنيا خلا مافي غيرنا في الشارع زهرة بقت ماسكه يدي قالت لي انا خايفه شديد ، قلت ليها والله يازهرة انا اتعودت على جو الغابات دا لأني احيانا لمن امشي اقطع الحطب برجع البيت بعد المغرب ، عشان كدا انا م خايفه لكن موجوعه شديد.
بهناك الاء وصاحباتها بقن فرحانات وبتحزرت واي واحده فيهن بتخمن براها واحده قالت هسي بتكون كنوز واقعه في نص الشارع وزهرة بتبكي عليها ، وواحده قالت بتكون ماتت من زمان وبقن يضحكن....بعد شوية بقوا يسمعوا اصوات غريبه جايه من برا اتخلعوا واجتمعوا كلهم حته واحده من الخوف قفلوا الباب واتلموا خايفين يرجفوا .
هنا انا تعبت شديد وبقيت م قادرة امشي ،، وقفنا وفجأة بقيت بشوف طشاش تاني بقيت م شايفه اي شيء وقعتا في محلي زهرة بقت تبكي وتحاول تصحي فيني ياكنوز قومي كنوز وبقت تبكي ؛ من الناحيه التانيه كانوا باقي الجماعه ميتين من الخوف....دا صوت شنو الاء قالت ليهم يمكن دا نمر او حيوان متوحش عم الهدوء المكان بعد شوية سمعوا صوت ضرب على الباب .
كل واحد فيهم مشى اتدسى في مكان ،، فجأة الباب فتح ودخل عليهم مخلوق غريب عجيب لا بشبه الأسد ولا النمر ....هنا كانت زهرة قاعده تبكي وم عرفت تعمل شنو ، قامت سحبتني على جنب الطريق خلتني براي ورجعت قبل تصل المزرعه سمعت صوت