رواية كيان والشيطان الفصل التاسع 9 والاخير بقلم محمد منصور

رواية كيان والشيطان الفصل التاسع 9 والاخير بقلم محمد منصور

بسم الله توكلت علي الله. وهو رب العرش العظيم

وخرج اسلام موبيلة وفتح صورة علي موبيلة وقال 

دة العراف اللي خطط ورسم وخلاكي تعيشي ايام العذاب بالاتفاق مع عفاف وهدير 

ومد ايده بالموبيل ناحيتي وانا كنت حاسة ان ايديه مش عايزه تطاوعني امسك الموبيل لكني جمعت اعصابي او اللي فاضل من اعصابي ومسكت الموبيل من اسلام وبصيت للصورة وكانت صورة لي حسن اتصدمت وغصب عني الموبيل وقع من ايدي علي الارض وحسيت ان الدنيا كلها بتلف بيا واسلام قالي

عارف ان الحقيقة صعبة.  وان حسن دة حب عمرك كله. بس الفلوس خليته يتحول لشيطان 

عيط. وصرخت واتوجعت. وقلبي صرخ ودموعي نزلت من عيوني وما بقتش شايفة قدامي غير قلبي والنار ماسكة في ووقتها قالي اسلام

لازم تبقي اقوي من كدة.  وتوريهم انك ما اتكسرتيش ولسة قادرة تقفي علي رجلك.  ما تخليهمش يفرحوا فيكي

فولت بصوت مبحوح بسبب العياط والنقط اللي في حروف كلامي هي دموع عيوني.

عارف. ان خالتي وبنتها يتفقوا عليه علشان ينتقموا مني فدة عادي وافهمه لاني في الاخر واحدة ست. وعارفة يعني اية  راجل بحبه يخوني.   لكن حسن لية

اسلام

ما انا قولت لك بيدفع له كتير. حكايتك كلها بدات في عيد ميلادك ال 20..

كيان

لما اول مرة قالي كل سنة وانتي طيبة يا كياني

اسلام

بالظبط.  

كيان

يعني حسن وخالتي قاله انهم مسافرين ايطاليا علشان،،،،،

وسكت ما قدرتش اكمل الجملة لكن اسلام كمل وقال 

المتابعين طلبو كدة.  لانهم شافو قد اية انتي بتحبي حسن وحسن علشان يتجوزك كان لازم خالتك عفاف ما تكنش موجودة ودة طبعا كان صعب يحصل وهي في مصر

صرخت باعلي صوت عندي وقولت

اية. انا عايشة فين.  في جهنم.  ماحدش فيهم فكر يرحمني

وبدات اضرب نفسي ميت قلم وقلم وانا بقول

انا غبية غبية.

لكن اسلام مسك ايدي وبص لي وقال

اللي انتي بتعملي دة ما ينفعش. لازم تمسكي نفسك وتتعلمي ان مش كل اللي قلبك يختارة يكون في الخير ليكي لازم مع القلب احكم عقلي.  مع ان اللي بعمله معاكي دة مافيهوش ريحة العقل. واللي بيحركني دلوقتي قلبي وبس

بصيت له ولقيت دموع عيونه نازله فقولت له

تقصد اية يا اسلام

اسلام وهو بيبص لي. قال

لسة ما فهمتيش انا لية بعمل دة كله.  لية انقذتك من الشالية ولية جبتك هنا المكان اللي ماحدش يعرفه الا انا والراجل اللي خلصك من الشالية. عم خالد العفريت اخويا الكبير ويعتبر من ضمن فريق العراف وهو استاذي في عالم الهكر 

كيان 

اللي ضربني دة. اسمه خالد 

ابتسم اسلام وقال

غصب عنه. كان لازم يهرب بيكي من الشالية. وخصوصا الشالية بالمنطقة اللي حوالين منه متصورين فيديو 

كيان

يعني هما عرفوا ان خالد هو اللي  هربني

اسلام

هما ما يعرفوش اسمه.  خالد دة يبقي معرفتي انا وانا اللي شغلته في موقع العراف واللي زينا كتير في الموقع دة لكن ماحدش يعرف التاني.  

كيان باستغراب

اومال انت عرفت كل دة ازاي

اسلام

من هدير بنت خالتك. اللي حوارها معايا وصل لعلاقة بين راجل ومراته. 

كيان باستغراب اكتر

ازاي. وانت تعرف هدير منين. وخصوصا انك كنت دكتور 

اسلام

انا فعلا كنت دكتور لكن شطارتي في الانجليزي وحبي للكمبيوتر خلوني اعرف خبايا الهكر كله. وازاي اوصل لاي معلومة باي طريق وفي اي وقت. وسمعت واتعرفت في المجال دة.   اما بقي حكاياتي مع هدير. فوصلت لها من علي النت.  او انا اللي كنت فاكر اني وصلت لها لكن الحقيقة هي اللي وصلت لي زي ماوصلت لمعظم الهكر اللي علي النت.  وعرفت عني كل حاجة. ومش بعيد تكون هي وامها وراء طردتي من الكلبة. وقدرت تخليني اشتغل معاهم  وما ضحكش عليكي الفلوس اللي خدها من الموقع خلتني اقدر اعيش كويس انا وامي بعد ما هربنا من ابويا اللي عايز يقتل امي باي شكل علشان يحزن ابوها عليها بعد ما سرقة وبلغ عنه.   ماهو دة ابويا  اللي حاول يغرقها في الليلة اياها 

كيان

بالراحة عليه بس علشان افهم.  ليلة ما مامتك كانت بتغرق خالتي عفاف ظهرت لي وقالت انه عايز يقتلها علشان يتجوز بنت اختها

اسلام

كيان كل اللي شوفتي وسمعتي كان مترتب وكذب مافيهوش الا حقيقة واحدة امي. وحبي ليكي

ارتبكت وبصبت في الارض وهو مد ايدة ورفع وشي علشان عيونه تيجي في عينه وقال 

لعبت عليكي وكان المفروض اوقعك في حبي زي ما المتابعين طلبو. لكني لقيت نفسي انا اللي وقعت في حبك

سكت ومابقتش عارفة اقول اية وفي الوقت دة رن موبيل اسلام فبص في الموبيل وقال

دة حسن

كيان

رد عليه وافتح الاسبيكر  خليني اسمع بيقول اية

ورد اسلام واول جملة سمعها بمجرد ما فتح الخط

سمعت عنك كتير ونفسي اشوفك. ولو معاك كيان هاتها انت عندك امك سميرة 

اسلام بارتباك شديد

انا ما عرفش انت بتتكلم علي اية. وبعدين خليك راجل وطلع امي برة اللي بينا. وطارق دة عشرة عمرك 

لكن وقتها انا قولت

انا جاية لغاية عندك 

حسن بصوت فرحان

كيان انتي بخير

لكن اسلام قفل الخط وقال

كدة هيقتلوكي

كيان

بعد كل اللي عملته علشاني ما ينفعش استخبي واسيب مامتك تحت ايديه 

اسلام

مش هيقدر يعملها حاجة

كيان

الشيطان اللي زي حسن يقدر ويقدر علي اكتر من كدة كمان،،،،،،،،،

ومكملناش ساعه وكنا في شقة اسلام ووقفت قدام حسن وبابا طارق وكان معانا سميرة ماما اسلام اللي كانت مصدومة من اللي بيحصل لكنها باين ما كنتش تعرف لسة حقيقية اسلام واول ما شافني بابا جري ناحيتي وخدني في حضنه وفضل يبوس ويحضن فيا كان باين اوي انه قلقان عليه وفضلت وانا في حضنه باصه لحسن وبقول له

اية ما وحشتكش

لكن حسن راح ناحية اسلام وخرج مسدس من جيبة وحط المسدس في دماغ اسلام وقال بلغة عنيفة وحادة

بقي انت يا جربوع عفاف تخني معاك

استغرب اسلام اوي وبص لكيان ورجع بص له وقال

انت مجنون صح.  انا مافيش اي علاقة بيني وبين عفاف

حسن

ازاي وانا شايفك بعيني وهي في حضنك 

استغرب اسلام  قوي وقال

انا.  امتي حصل الكلام دة

حسن

انت هتفضل عامل فيها عبيط. كل دة حصل ليلة ماهربتها من المركز الايطالي اللي كنت مجمدها فيها

اسلام

انت اكيد شوفت حد غيري انا مافيش اي علاقة بيني وبين عفاف. وممكن تسالها بنفسك

حسن بعصبية

اسالها اوي بس اوصل لطريقها.   هي فين انطق

اسلام

اخر مرة شوفتها كانت مع هدير وماعرفش راحت فين

وفي الوقت دة تدخل هدير. للشقة ومعها عفاف  وكانت هدير بتقول

سمعاكم بتجيبة في سيرتي انا وماما خير 

فيبص حسن لهم ويروح بمنتهي العصبية ناحية عفاف ويحط المسدس في دماغها ويقول بعصبية شديدة

بعد كل اللي عملته علشانك تخونيني. لية.

ويبص لاسلام ويقول

يطلع مين دة واحسن مني في اية علشان تخونيني معه

هدير

بابا مش عايزاك تحزق اوي كدة علشان دي مش ماما

وفي الوقت دة ترفع عفاف ماسك مزيف عن وشها وتظهر واحدة تانية خالص فيبعد حسن عنها وهو هايتجنن وكل الموجودين ما يتخيروش عنه وهدير تقول

ماما ماتت منتحرة بعد ما عرفت باللي بينك وبين كيان وسابتني رساله علي النت من حسابها  كاتبة في كل اللي حصل بينك وبينها 

حسن وهو هايتجنن 

مين اللي فهمك كدة. دة كذب والله العظيم كذب انا عمري ما حبيت ولا هحب زي عفاف. دة انا مقدرتش ادفنها بعد ما ماتت يبقي هخونها طيب ازاي 

وبدأ حسن ينهار ويقول

كيان زيك يا هدير بالنسبة لي  مش اكتر من كدة ولو هي فهمت اني اهتمامي بيها حب تبقي غبية لاني مستحيل احب حد غير عفاف. دة انا فاكر حتي ليلة عيد ميلاد كيان العشرين عفاف زعلت لاما كيان قالت وانا ازاي هقدر اعيش من غيرك.  وكمان لما قولت كياني في رساله.  لكني وعدها اني افهم كيان بالطريقة اني زي ابوها طارق مش اكتر وكون اني بقولها كياني فدة اسم دلع مش قاصد بي اي شئ.  وفعلا بعت رساله لكيان،،،،،،

ونرجع بالاحداث لكام شهر وراء وكيان كانت بتكلم حسن علي الواتس وحسن كتب لها وقال

★والحب دة غلط يا كيان وما ينفعش انا زي ابوكي ★

رديت كيان

★ماتقولش كدة انتي حياتي كلها يا حسن واغلي ما في حياتي يا حسن دة انا ما بحبش صورتي الا لما بشوفها في عيونك ★

حسن

★وخالتك عفاف مامتك التانية  وهدير اختك تفتكري يبقي صح اخسر دة كله وادخل معاكي في قصة حب غلط

كيان

★هو انا وحشة اوي كدة يا حسن دة انا احلي من 

خالتي حتي ★

حسن بضيق

★مافيش حد احلي من عفاف في عينية وما تخلنيش انسي انك انتي كيان بنتي وتشوفي وش ما حبهوش تشوفي.★

وفي الوقت دة قررت كيان الانتقام ازاي حسن يرفض حبها يرفض قلبها ازاي،،،،،،،

ونرجع تاني لشقة اسلام وهدير تقول 

ولما هي دي الحقيقة لية مادفنتش امي في مصر

حسن

امك خبطتها عربية دبلومسية بتاعت سفير فرنسا حصل قلق حوالين الحادثة دي والسفارة المصرية طلبت مني ادفن عفاف في ايطاليا علشان ما يحصلش شوشرة وقلق تخص سفير فرنسا. ولو كنت رفض ما كنتش قدرت استلم جثة عفاف. علشان كدة وافقت وسكت. 

ويخبط حسن دماغه في الحيطة ويقول وهو بيعيط

وكنت غلطان اني وافقت علي كدة لكني خفت ما قدرش استلم جثتها واتحرم من اني اشوفها تاني وفضلت عايش في نار الاتهام اللي كله بقي بيتهمي بي وهو اني قتلت عفاف علشان اتجوز كيان. وكله كذب قسما بالله كذب انا اتجوزت كيان بس علشان طارق كان بيعيط وخايف عليها تموت بعد نبؤة العراف. 

فتبص هدير  له وبدات تصدقة ورجعت تبص لكيان وقالت

انا ما بقتش فاهمه حاجة بس حاسة ان بابا ما بيكذبش 

بصيت لها وقولت

يكذب ولا ما يكذبش انتي خلاص ساعديني في اني احقق اعلي نسبة مشاهدة علي موقع العراف. بتاعي

بصو لها كل الموجودبن وقال اسلام وهو هايتجنن.

هو انتي

قطعته وقولت بغل وكراهية 

انا العراف. انا اللي عملت الموقع دة. وقررت اكون الضحية قدام كل المتابعين وانا في الاصل الجزار اللي بيتاجر ويذبح كل اللي حسن فضلهم عليه. وبدات بهدير وسالت في مجال الهكر لغاية ما وصلت لخالد العفريت  وهكرت حساب خالتي وبعت لهدير الرسالة اللي خليتها زي الخادم في صباعي بس وهي فاكرة انها بتخدم العراف وبدأ المتابعين يطلبو وانا انفذ واجمع ملايين وملايين في وقت قصير بس الشيطان بيقدر يلم كل اللي بيحبه طالما الغرض اذية بني ادم.  

زقني طارق بعيد عنه وقال

انتي اية شيطانه مجنونه ازاي تعملي كدة.  بس اقول اية انا بدفع ثمن اني امنت بعراف وكذبت ايماني بالله واهو ربنا انتقم مني في بنتي 

قولت بغل وكراهية وانا ببص لحسن

هو اللي خلاني ابقي كدة. خلاني احبه وبعد كدة خلي بيا

حسن

واللي بيحب حد ياذي للدرجة دي

هدير

دي خلتني اصدق انك انت العراف وكنت بعمل دة كله فيها وفيك علشان انتقم منك 

كيان

ما كنتش عايزا دة كله لكن لقيت المتابعين حابين القصة قولت وماله ادينا بنتسلي

حسن

بتتسلي لدرجة انك تشنعي علي واحدة ميته وتخليني اشك انها كانت بتخوني

كيان

في زمن المصلحة والفلوس مش هيفرق نشنع علي عايش ولا ميت. المتابعين طلبو كدة وانا بنفذ 

اسلام

واشمعني انا اللي خلتيني مع عفاف في الفيديو 

كيان

خالد صاحبك هو اللي اختار فيديو ليك من علي موبيلة وركبه علي سيستم كاميرات المراقبة بتاعت المركز الايطالي واهو يداري علينا واحنا بنهرب الجثة. 

وتبص كيان لحسن وتقول

وعلي فكرة يا حسن خالتي عفاف انا دفنتها في ايطاليا وهتلاقي خالد بعت لك عنوان المقبرة علي حسابك 

اسلام

طيب ازاي وصل بيكي الجنان لدرجة انك تبقي جوة الشالية وانتي عارفة ان حسن هيولع في 

كيان

كان قلبي حاسس انك هطلعني منها ولو انت معملتهاش خالد كان هيعملها.  

اسلام

انتي جبارة.  ازاي جالك قلب  تعملي دة كله في نفسك وفي اللي حواليكي. وازاي قدرتي تمثلي دور المظلومة ودموعك دي كانت اية. كذب كل دة كذب.  انت قلبك مخلوق من نار. ازاي عايش وقدر يكون السبب فدة كله 

كيان

القلب مات يوم ما حسن قال انه زي بابا. 

طارق

وانا دخلتيني ليا في لعبتك الوسخة دي وخلتيني اطلق امك واتجوز هدير

كيان

بصراحة بقي دي ما كنش معمول حسابها جت غلطة ما كنتش اعرف ان حسن هيفكر فيك علشان تتستر علي بنته. 

وتبص كيان لهدير وتقول

بس تعرفي اني زعلت منك علشان ضعفتي قدام اسلام وسلمتي شرفك. مش كدة بابا حسن ممكن يزعل. دة انتي من ضمن الاسباب اللي بسببها رفض حبي 

فيبص حسن لهدير اللي انهارت من العياط وتترمي في حضنه وتقول

غصب عني والله موت امي قصر فيا كتير وخلاني زي المجنونه مش عارفة بعمل اية.  وخصوصا اني كنت حاسة انك قتلتها

اسلام وهو بيبص لكيان بقرف يقول لحسن

عمي حسن انا مستعد اصلح غلطتي ويبقي قدامك وقدام ربنا والناس كلها هدير تتم السن القانوني وتبقي  مراتي 

اضيقت ساعتها اوي لاني كنت فعلا بدات احب اسلام وقولت

حسن مستحيل يوافق علي جوازك من بنته انت بتحلم

لكن حسن بص لي وبص لاسلام وقال

لو في ظروف تانية ووقت تاني مستحيل كنت اوافق لكن دلوقتي مافيش قدامي غير اني اوافق.

قولت وانا متعصبة 

 خلاص بقي طالما القصة خلصت والطيبين هيتحوزوا بعض وانا الشريرة هعيش لوحدي. يبقي وعد مني كل واحد فيكم لي مليون جنية نصيبة من  الارباح

فيبص لها طارق ويقول

يارتني ما كنت خلفتك ولا كان بقي ليا بنت زيك حزبي الله ونعمه الوكيل. حزبي الله ونعمه الوكيل

ويخرج طارق من الشقة وكيان بتبص عليه وتقول

بابا 

وحسن يبص لها ويقول

روحي منك لله.  انتي طالق يا اوسخ ما خلق ربنا. وانا بندم علي كل سنة كبرتي فيها جوة بيتي وقدام عيني

وخد حسن بنته وخرجوا من الشقة وبصيت لهم وانا بحاول اتمالك وبصيت لاسلام وقولت

انت بجد هتتجوز اللي اسمها هدير دي 

اسلام

اطلعي برة

كيان

اسلام ان،،،،،،،،،

لكنه مسكني من ذراعي ورماني برة الشقة وسميرة امه كانت كل دة لاهي مصدقة ولا مستوعبه اللي حصل لدرجة اني اسلام جري ناحيتها واترمي في حضنها لكنها زقته بعيد عنها ودخلت اوضتها. ،،،،،،،،،،

وخرجت ومشيت في الشارع عاملة زي المنبوذة وبعدها بساعه بالظبط. عرف خالد العفريت بكل اللي حصل وقدر ياخد كل الفلوس اللي حيلتي بعد ما هكر الفيزا بتاعتي. ودي كانت كل الفلوس اللي لمتها من الموقع  واختفي وهكر الموقع وخده لحسابه.  وبقيت عماله الف وادور في الشارع مش عارفة اروح فين ولا عارفة اعمل اية. مبقاش قدامي الا الرصيف انام عليه واكل اي اكل يترمي للكلاب والقطط. وروحت لبيت ابويا وخبط علي الباب وفتحت لي امي جميلة وشافت منظري وقد اية انا اتبهدلت فعيط وقولت لها

عارفة اني غلط بس والله مش قادرة استحمل نومة الرصيف انا كيان بنتك ومهما اعمل هفضل بنتك من حقي اخد فرصة تانية

خدتني امي في حضنها وقالت

وانا من غيرك يا كيان مش عايشة. خشي يا كيان

قولت

بعدين بابا يضربني ويطردني زي المرة اللي فاتت

خرج بابا من جوة وخدني في حضنه وقال

بعد ما نزلتي من عندي اخر مرة نزلت وراكي وفضلت ادور عليكي

فرحت شوية وعيط من الفرحة وقولت

يعني سامحتني. وهتخليني اخد فرصة تانية

طارق

بس اوعي تخلي الشيطان يضحك عليكي تاني. زي ما قدر يضحك عليه

هزيت دماغي وانا بقول

ابدا يا بابا

واترميت في حضنه وفضلت اعيط بحرقة ودخلت شقتنا وغريت هدومي ونمت علي سريري وامي عملت لي احلي صنية كنافة بالمانجه. ما انتو عرفين انا بحبها ازاي.  وسمعت اذان الفجر وقومت اصلي ورجعت اقرب تاني من ربنا ونسيت اللي فات وبدات من جديد. وعادي اننا نغلط لكن لما ربنا يدينا فرصة تانية لازم نمسك فيها. بايدينا  وسننا.  وعديت سنه بالظبط وصحيت من النوم علي نغمه رسايل الواتس فتحت لقيت حسن باعت لي رساله وبيقول فيها

★كل سنة وانتي طيبة يا كيان. اوعي تتاخري ★

ما صدقتش نفسي واتعدلت في السرير واتصلت بي وقولت

عم حسن انت اللي بعت الرساله دي

حسن

اة. طالما رجعتي كيان اللي ربتها في بيتي يبقي لازم عيد ميلادك يتعمل عندي الاول. ويلا بلاش تاخير

كيان

جاية حالا

وقومت ولبست احلي طقم عندي وخرجت من البيت وروحت شقة حسن وفتحت الباب ولقيت هدير واسلام وكل واحد جايب لي هدية وبيقولو

كل سنة وانتي طيبة يا كيان

اترميت في حضن هدير وقولت

وانتي طيبة يا هدير.

وسلمت علي اسلام اللي كان بقالي سنه ما شفتوهش وقولت

ازيك يا اسلام.

اسلام وايده بتحضن ايديه

انا بخير المهم انتي

كيان

خد فرصة تانية وبقيت احسن من الاول

وسحبت ايدية من ايده وقولت وانا ببص لحسن

انا مش مصدقة انك رجعت تكلمني يا عم حسن

حسن

حسن وبس. زي زمان يا بت. دة انا اللي مربيكي

ضحكت وقولت

والله بحبك اوي يا حسن

حسن

تاني

كيان

زي بابا والله

وضحكوا كلهم عليه ولقيت هدير بتمسك ايد اسلام وتحطها في ايدي وبتقول

اسلام بيحبك يا كيان 

شال ايدة وشيلت ايدي في نفس الوقت مستغربين اللي حصل من هدير وهدير قالت

اية غريبة انه بيحبك. 

كيان

لا. يا هدير اسلام طلب ايدك من عم حسن قدامنا كلنا

هدير

بس انا مش موافقة انا وقت ما ضعفت قدام اسلام ماكنتش عارفة انا بعمل اية ولا حاسة بنفسي الشيطان ضحك عليه وعليه. لكن لعمري حبيته ولا هو حبني

كيان

طيب و،،،،،،،،،

حسن وهو بيطبطب عليه. قال

هدير اهل المنصورة كلها عارفين انها كانت متجوزة طارق يعني اللي كون انها ما بقتش انسة فدة عادي.  وبطلي غلبه بقي اسلام بيحبك و هيطلب ايدك من ابوكي النهاردة  وخلاص الحوار خلص وهاتتجوزي غصب عنك وهو هايتجوزك غصب عنه. وهنكلم العميد وهيرجع يكمل دراسته تاني في الكلية وهايبقي دكتور علشان يفرح امه

وضحك حسن وبصيت لاسلام اللي مسك ايدي وحضنهم جامد اوي وبص في عيوني اللي كانت بتعيط وقال

عارفة لو لسة بتمثلي ودموعك دي كذب انا مش هرحمك 

هزيت راسي يمين وشمال وقولت

المرة دي قلبي هو اللي بيعيط.  وبيعيط من الفرحة انت 

ما تعرفش انا كنت بصلي وبدعي بالدموع وبتمني ربنا يجمعني بيك تاني. 

حسن وهو بيحضن هدير وبيقول

ما تزغرطي يا بت خلينا نفرح ببنت خالتك

فتزغرط هدير والفرحة عرفت طريقي من بعد ما الشيطان غواني. وارجع واقول الفرصة التانية ساعات بتبقي احلي ميت مرة من اول فرصة.  بس كان لازم امنع خالد العفريت من اللي بيعمله في موقع العراف اللي فضل شغال وبيصطاد اللي حكايتهم تنفع تمتع اللي معاهم ملايين بس للحكاية دي حكاية تانية. مع كيان والشيطان 2. والموسم التاني هيكون صراع بيني وبين خالد العفريت اللي قدر اسلام يفك شفرته ونعرف انه بيقدم للمتابعين حكاية جديدة. وهي حكاية. دم برئ

تمت بحمد الله