🔥 صرخة في بيت الأغنياء 🔥
📖 الحلقة الثانية
دخلت الفيلا وأنا مبهورة بكل تفصيلة فيها...
النجف بينور كأنه نجوم، والسجاد ناعم بشكل عمري ما شوفته، والريحة كلها فخامة وهدوء.
كنت ماشية ورا أمي بخوف، لحد ما ظهرت ست كبيرة في السن، لكن ملامحها كلها هيبة ورقي.
قالت لأمي باستغراب: "أول مرة تيجي في الوقت المتأخر ده يا رضا... خير؟"
أمي قالت بحزن: "أنا عايزة بنتي تقعد عند حضرتك كام يوم... لو رجعت البيت أبوها ممكن يقتلها."
اتصدمت الست وقالت: "للدرجة دي؟!"
أمي نزلت دموعها: "حضرتك عارفة حالته لما بيشرب."
بصتلي الست بحنان وقالت: "تعالي يا بنتي... متخافيش."
عرفت بعدها إن اسمها "ثريا هانم".
أمي اضطرت تمشي بسرعة، وسابتني لأول مرة بعيد عنها.
كنت مرعوبة... حاسه إني تايهة وسط عالم غريب.
ثريا هانم قربت مني وقالت: "أنا عندي ابن واحد اسمه آدم... وفرحه بعد أسبوعين."
مجرد ما سمعت الاسم، حسيت إنه مختلف.
بعدها أخدتني الأوضة اللي هقعد فيها...
وأقسم بالله عمري ما شفت جمال بالشكل ده!
وقفت أبص حواليّا وأنا مش مصدقة إن دي أوضة نوم.
ياااااا اوضتي بالجمال ده آمال اوضة ثريا هانم شكلها ايه
ولأول مرة من سنين... نمت من غير صوت خناق ولا ضرب.نمت في هدوء تام
وفي الصبح، صحيت بدري، صليت، وحضرت الفطار.
وأنا بحط الأكل على السفرة، قالتلي ثريا هانم:
ايه النشاط ده يا حنه
أنا وقتها حسيت بحب واطمئنان وإني هعيش سعيده في هذا القصر ٠٠
ثريا هانم "اطلعي نادي على آدم."
طلعت بخطوات متوترة، وخبطت على الباب.
سمعت صوته: "مين؟"
قلت: "الفطار جاهز يا أستاذ آدم."
قال: "أنا نازل."
لكن فجأة الباب اتفتح...انتي مين
ووقتها اتصدمت!
لأن أول مرة أشوف شاب بالجمال والهيبة دي كلها.
وقفت سرحانة فيه بدون ما أحس.
فبصلي باستغراب وقال: "بتقولي إيه؟"يخربيت جمال امك٠
إنتي مجنونه يا بت إنتي
يا ترى مين هو آدم؟
وهل ظهور آدم في حياة حنان هيكون بداية حب... ولا بداية عذاب جديد؟