رواية نبض قلب
الفصل الرابع والثلاثون34
بقلم دانيا
طلعنا برا كانوا الناس كلهم مبسوطين بكورو وبزغردو ،لبسنا الخواتم وللساعه تسعه حتى طلعوا الضيوف من عندنا حددو موعيد العرس بعد شهر.
محمد واهلوا ، ودعونا وراجعين بيتهم في ام ادرمان، وناس خالتي حنان برضو قالو ماشين لاحظت ل مها م كانت موجوده زمن تلبيس الخواتم م كانت موجوده .
طلعو ركبو عرباتهم مع ناس خالتي وفاتوا ، بقينا تاني في زحمة العرس والتجهيزات لانو الزمن ضيق، مشينا السوق نجيب الشيله انا واخواتي الاتنين وخالتو سلمى وخالتي حنان .
العرس كان فضل ليهو اسبوع قلنا لناس خالتي حنان يجو يقعدو معانا فتره العرس دي جو قعدو معانا ، ولسه مها بحسها مع على بعضها قعدت معاها برانا قلت ليها مها انتي كويسه ؟ حاساك م على طبيعتك لكن قالت لي كويسه م عندي عوجه ، قلت ليها لو زعلانه على موضوع انو انا م ح اجي عروس على بيتكم انتي كنتي متحمسه بعرفك لكن برضو بيت ناس خالتو سلمى م بعيد هم جنبكم وانا لسه اختك لو احتجتيني في اي وقت ح اكون جنبك انا بعرف اني كنت اختك الوحيده وانو مكانتي عندك غير باقي اخواتي عشان كدا بوعدك اكون اختك وسندك دائما وفي اي وقت مسكتني وبقت تبكي.
جاء يوم العرس والزحمه مشينا الكوافير اتجهزنا ، وجونا هناك محمد وحمد بالعربات طلعنا عاوزين نركب ، محمد بقى يعاين فيني وبقى يقول ماشاء الله تبارك الرحمن مرتي القمر ، حمد قال ليهو احم احم نحن قاعدين يارجل ، محمد قال ليهو اعمل شنو م قادر إلا اتغزل في مرتي وبقو يضحكوا انا مت من الخجل قال لي اقيفي دقيقه بقى يقرا لي ويدعي لي قال لي تحصين من العين والحسد بقينا نضحك وركبنا ومشينا الصاله.
اجوا الحفله والرقيص ، اول شيء جابو فنان وبعدين اصحاب محمد كانو عاملين ليهو مفأجأة غنو وعزفوا في الحفله وبعد خلصت الحفله ودعنا اهلنا وطلعنا مشينا شقه جوا الخرطوم ، محمد قال لي الشقه دي حجزوها اصحابي ديل والله م خلوني اعمل اي شيء ماشاء الله عليهم قلت ليهو ونعم الصحبه كانت شقه حلوه ومتوفر فيها كل شيء.
قعدنا فيها 15 يوم ورجعنا مشينا البيت لقينا خالتو سلمى والبنات مجهزين لينا الغرفه ماشاء الله ، عدت شهرين بقيت عيانه جاتني اعراض زي حقت الملاريا مشين انا ومحمد المستشفى عملت الفحص طلعت حامل لي شهر ونص محمد كان طاير من الفرحه قال لي إلا نمشو السوق من مكانة دا م نمشو البيت مشينا قال لي نشتري هدايا