رواية حكاية غزل الفصل السابع والثلاثون 37 بقلم هبة الجهمي
دكتور مختار / أنا تحت امرك فى اى طلبات
الحاج بدران / طب و تعليم غزل المفروض تكمل تعليمها الجامعي
دكتور مختار / أنا تحت امرها بأمر الله تكمل تعليمها لحد ما تقول أنا اكتفيت
الحاج بدران / كلامك زين ياولدى
دكتور مختار / أنا شقتى جاهزة من كله اختى دور تانى و أنا دور تالت و الدور الاول عيادة
عاصم / سمع كلام دكتور مختار قبل ما يدخل عليهم
ناصر / بص لعاصم ادخل و دخل هو و هانى و شكرى اللى اول ما شاف دكتور مختار قال دكتور مختار عامل ايه فينك يابنى ازيك يا دكتورة حبيبة
دكتور مختار / قام اخد شكرى بالحضن عامل ايه اسف انى مسألتش على خالتى من فترة
شكرى / احنا مقدرين انك مشغول ابقى كلمها فون
دكتور مختار / حاضر من عينيه
ناصر / هو انتم تعرفوا بعض
دكتور مختار / ايوه ام شكرى تبقى بنت خاله أبويه و أنا اخو شكرى فى الرضاعة امى ماتت بعد الولاده وام شكري اخذتني رضعتني مع شكري
شكرى / ازاى تخطب من غير ما نعرف
دكتور مختار / بعتذر الموضوع جه بسرعة كنت هابلغك انت و خالتى فى كتب الكتاب
دكتورة حبيبة / هنمشى يا جدو و منتظرين رد العروسة
الحاج بدران / نادى على غزل يا عاصم تاجى تسلم على الجماعة
شكرى/ أنا هانادى على العروسة و ادخل الحمام و خرج شوية و غزل جت لابسة فستان موف غامق و حجاب ماشى مع لون الفستان الصراحة جميلة جدا
غزل / السلام عليكم
الكل و عليكم السلام
الحاج بدران / ايه رأيك ياعروسة
غزل / أنا مريضة ضغط و سكر سكر من النوع التانى فكر قبل ما توافق
دكتور مختار / و مين ضامن نفسه نص الشعب لو حلل هيطلع مريض سكر
غزل / أنا موافقة بشرط اكمل تعليمي و اشتغل مع الدراسة
دكتور مختار / موافق بشرط
غزل / طلب الشغل ده شئ أساسى مش عوزة احس انى عاله على حد و تعليمى كمان
دكتور مختار / شرطى تشتغلى مع اختك حورية و دكتورة حبيبة فى المستشفى منها اكون مطمئن عليكى و تاخدى خبره علشان لما تتخرجى تلاقى مكانك و تثبتى انك دكتورة ممتازة
غزل / بصت على عاصم موافقة كمل كلامك مع جدو
الحاج بدران / العروسة موافقة مبروك ياولدى
دكتور مختار / ممكن نكتب الجمعة و نعمل حفلة تعارف و زفاف على الضيق علشان عندى مؤتمر طبي بعد اسبوعين فى فرنسا
الحاج بدران/ موافق
دكتور مختار / طلباتك اوامر
الحاج بدران / هو طلب واحد تراعى ربنا فيها هات دبلة و محبس لو النهارده و مهر عشرة جنيه و مأخر الفين
دكتور مختار / بنت ابنك تتقال بالذهب مهرها مائة ألف و مأخر نص مليون أن شاء الله
الحاج بدران / ولا تفرق معايا اللى شارى هيعيش مرأته و يسعدها لو بالكلمة الحلوة والكاره هيخلي بنتي تخرج باللبس اللي عليه وتتنازل عن كل شيء علشان تبعد عن زوجها
شكرى / عندك حق يا جدى الصراحة دكتور مختار انسان ملتزم دينيا و أخلاقيا ربنا يسعدهم
الحاج بدران / أنت عارف أن غزل كان مكتوب كتابها على عاصم و كانت عايشة معاه فى شقته
دكتور مختار / بص يا عمى أنا لا املك انى احاسب غزل على حياتها الماضية أنا حياتى هتبدأ معاها من ساعة كتب كتابى
حورية / انت متأكد أن ده العنوان د بيت كبير اوى
سائق التوكتوك / هو ده البيت
حورية / اتفضل اجرتك ممكن تنتظر علشان لو العنوان غلط ارجع معاك
سائق التوكتوك / حاضر اخلصى
حورية لقت الباب مفتوح هو ده بيت جد غزل
مروان / أيوة اتفضلي
حورية / متشكرة ياأسطى ممكن تقول لغزل أنا حورية
مروان / ادخلى لحظة زهرة تعالى دى حورية صاحبة غزل هنا
زهرة / اهلا بيك نورتى اتفضلي
غزل / بعد اذنكم و خرجت .
دكتور مختار / يلا يا حبيبة هناجى الجمعة بعد الصلاة علشان كتب الكتاب
الحاج بدران / اتغدوا الاول و تاخد عروستك و تروح تجيبلها دبلة و محبس و تاجى
دكتورة حبيبة / امشى أنا ممكن توصلنى يا شكرى
شكرى / وربنا ما يحصل نتغدا و بعدين تمشوا انتم فى بيت الحاج بدران
الحاج جابر / هو فى ايه خيرية بتقول أن غزل هتتزوج هى مش متزوجه من عاصم
مروان / تعالى يا ابويه و أنا هافهمك
الحاج جابر / ياريت الا انا مخى خلاص هيطير
مروان / قعد مع ابوه و فهمه
الحاج جابر / معقولة كل ده حصل من حقها الصراحة تتزوج إنسان يتعامل معاها كزوجة ويكون حنين عليها
غزل / خرجت لقت حورية فى وشها حضنتها جامد أنا فرحانه اوي انك جيتى
حورية / ماما صممت انى اجاى اقف جنبك و هاروح الصبح
زهرة / مبروك يا غزل ربنا يعوضك خير
غزل / منحرمش منك ياغالية
سمية / و ربنا لو كنت اعرف كنت اتصرفت و كان زمانك معاك عيلين تلاته
غزل/ كل شيء مقدر ومكتوب الحمد لله
الحاج بدران / جه سلم على حورية و قال روحى مع اختك تجيب شبكتها
حورية / حاضر الف مبروك
الحاج بدران / الشقة اللى انتم فيها ايه ظروفها
حورية / صاحب البيت عوزها احنا بندور على شقة نتنقل فيها
الحاج بدران / ده عقد تمليك الشقة باسمك ده اقل واجب ناحية انسانه بتحب غزل زى اختها
غزل / بصت على جدها و دموعها نزلت
حورية / العقد ده مقابل ايه
الحاج بدران / مقابل انى جدك زى غزل السفرة جهزت
زهرة / أيوة يا جدى
عاصم / خرج ركب عربيته و هانى ركب جنبه
ناصر / خليك معاه
عاصم / انزل عوز اكون لوحدى
هانى / اعتبر نفسك لوحدك
عاصم / مشى بغير هدف لحد ما وصل لمكان خالى نزل و قعد على الأرض و قعد يضحك ويصرخ فى نفس واحد و هانى دموعه نزلت من تأثره بحاله عاصم
بعد الغدا دكتور مختار اخد غزل و حورية و راح مع راضى اشترى شبكة غزل
غزل / دكتور مختار عاصم اخويه و ولى امرى بعد جدى
دكتور مختار / اكيد البشمهندس عاصم قمة فى الأدب و الاخلاق
غزل / اشكرك لانك متفهم وضعى
دكتور مختار / أنا كنت ساكن فى حارة و اتعلمت من معاملة الناس انى محكمش على الناس إلا بعد التعامل و يكفى أن عاصم صاحب شكرى شكرى كان بيحكى كلام كويس عن عاصم
غزل / عوزة ارجع الكلية
دكتور مختار / هنكتب الكتاب الجمعة و ايه رأيك نعمل حفل زفاف على الضيق الخميس اللى بعده و تروحى كليتك السبت
غزل / المفروض يكون هناك فترة تعارف
دكتور مختار / خدى راحتك فى التعارف و انتى معايا عوزك تركزى فى المذاكرة ماشى
حورية / ربنا يسعدكم يارب
راضى / حمد الله على السلامه مبروك
غزل / نزلت و فى أيدها علبه الشبكة
الحاج بدران / الف مبروك مع اخواتك يا شكرى
دكتور مختار / ممكن البس غزل الشبكة
غزل ممكن دكتورة حبيبة هى اللى تلبسنى
دكتور مختار / بقولك شيلى العلبه ليوم الجمعة بعد كتب الكتاب
عدت الايام مع اتصال دكتورة حبيبة بغزل للاطمئنان عليها كل يوم
يوم الجمعة بعد الصلاة
تم كتب الكتاب
دكتور مختار / اخد غزل فى حضنه اللى قعدت ترتجف ارجوك سيبنى عيب كده جدو واقف
دكتور مختار / انتى مرأتى و حاجة غاليه اوى تعالى البسك شبكتك
عاصم / واقف و حاسس بكسرة جامدة
ناصر / ماكانت بين ايدك و الله ربنا عوضها خير
شكرى / عقبالك يارب يرزقك ببنت الحلال
هانى / مبروك يا عرسان
دكتور مختار / جدى ممكن اخد غزل و نخرج شوية ساعتين و جاى
الحاج بدران / تمام يابنى مبروك يا غالية
غزل / ارتمت فى حضن جدها اوعك تكون زعلان مني ياجدو
سمية / مبروك يا قلبى
زهرة / ربنا يعوضك خير و يسعدك
خيرية / و الله ولا فى الاحلام واحدة تتزوج واحد و هى لسه على زمه التانى دى زواجه باطلة
مروان / تعالى معايا أنا عوزك فى موضوع
خيرية / لا لازم العريس يعرف أن العروسة بتكون مرأت عاصم
دكتور مختار / أنا عارف كل حاجة يا حاجة
خيرية / يبقى انت مش راجل
الحاج بدران / خد امك اعطيها علاجها يا مروان
مروان / اسف يا جماعة
غزل / مسكت ايد مختار خدنى معاك ممكن
مختار / لا أنا لا......