رواية بيت جنب المقابر
الفصل السابع والعشرون27
بقلم دانيا
قعدنا مع امنيه وبقينا نحكي ليها في الحصل معانا ، قالت لينا والله م عارفه اقول ليكم شنو يمكن الود حسى بغلطو لكن حتى لو اسراء قبلت اعتذارو دا م بعني انها ح تقيف ليهو في السطوح ول انتي رايك شنو يااسراء واسراء لسه سرحانه وبتفكر في الموضوع ، قالت ليها إسراء نطت قالت ليها ااها قالت ليها بتفكري في شنو عاوزه تمشي السطوح ول شنو وبقينا نضحك فيها قلت ليها والله كان مشت السطوح دا إلا يكون الولد عاجبها قامت زعلت وانفعلت فينا قالت لينا سطوح شنو وولد شنو البعجبني انا ، انا م بنسى انو حلو وجذاب كمان بس بعد كلامو القالو داك مستحيل افكر فيهو يلا انا نازله هسي اتلقي ابوي جاء .
نزلنا تحت لقينا ابوي جاء صلينا المغرب وقعدنا اتعشينا اثناء ماقاعدين نتعشى ابوي قال ل ملك انتي متأكده انك بكره عاوزة تنزلي الجامعه احسن ترتاحي كم يوم وبعدين تنزلي قالت ليهو لالا ياعمي انا كدا مرتاحه وبعدين خرابيش القطه ديل بدو يتعافو لكن وينا قطتكم دي تاني م شايفاها من اليوم داك ، من كلامها كلنا اتوترنا قلت البت دي لو واصلت حديثها عن القطه ح تجيب لروحها مصيبه ، قاطعت حديثها وقلت ليها سيبك منها بعدين عندي مرهم سمح وفعال ادهني منو ح يسرع ليك الشفاء .
بالليل الود كان نايم في سطوح بيتهم ومركز على اتجاه بيتنا شاف اسراء جات وقفت في نفس المكان بقى يعاين ليها ويتبسم بقى يحكي بينو وبين نفسه قال واخيراً السمكه وقعت في السناره.
الصباح كالعاده مشينا المدرسه وملك طلعت مع البراء مشى وصلها الجامعه وهو مشى جامعتو ، نهاية الدوام قلت لأسراء انا عندي مقيل لو العربيه جات امشو م تنتظروني هم رجعوا البيت وانا فضلت في المدرسه ، قعدو حبه كدا اتصلت واحده من اخوات الولد لأسراء قالت ليها تعالوا اشربوا معانا الجبنه انتي واخواتك اسراء قالت ليها آيه لسه م جات من المدرسه قالت ليها تعالي انتي وامنيه خلاص قالت ليها ضروري يعني قالت ليها ااي جاين يخطبوا اختي تعالوا جهزو معاي ، قالت ليها تمام.
امنيه قالت ليها ليه قلت ليها جايين كنتي اقترحي ليها اي عذر قالت ليها فكرت في الموضوع لكن البت دعتنا نجهز معاها لأنها معتبرانا صحباتها عشان كدا م حبيت اخزلها ، كلموا امي وطلعوا مشوا اسراء كانت بتقول ان شاء الله م اصادف اخوها العارض داك مشن سلمن وقعدن مع البنات في الهول