رواية جريمة حب الفصل الثالث عشر13 بقلم صباح صابر
حط إيده على دماغه
— أنا… حاسس
الدنيا بدأت تلف بيه
أمنية قربت منه بسرعة
— مالك يا حسام
حسام تماسك
_ مفيش حاجة
امنيه بهدوء :
_طب اقعد ارتاح ومتروحش الشركه
_ لا لازم اروح انا مروحتش امبارح
خرج من الفيلا ركب عربية
دخلت امنيه المطبخ
اتكلمت نور بخبث:
_شربتي العصير وبقيتي احسن
_ لا والله الباشا خد مني العصير وشربه
نور بلعت رئها بخوف شديد:
_مين هو الباشا
رديت نور بمرح:
ايكون مين غير حسام
وقع الطبق اتكسر من نور يصدمه
امنيه بقلق: إيه مالك.
في نفس الوقت…
حسام كان سايق عربيته…
إيده على الدريكسيون… بس عينه مش شايفة قدامه
— دماغي… تقيلة…
الدنيا بدأت تبوظ قدامه… والرؤية بقت مشوشة
حاول يركز
— لا… لا لازم أوصل…
لكن فجأة…
إيده سابت التحكم
العربية اتخبطت في الرصيف…
وبعدين…
اتقلبت
مرة… واتنين… وتلاتة
لحد ما وقفت بالعافية
الناس جريت عليه من كل ناحية
— يا نهار أبيض
— الحقوه
واحد من الناس قرب وفتح الباب بالعافية
— في حد جوا
حسام كان فاقد الوعي… ودم نازل من جبينه
وفجأة…
ريحة بنزين انتشرت
واحد صرخ
— العربية هتولع
الخوف دخل في قلوب الكل
في اللحظة دي… واحد من الرجالة جري
— بسرعة… طلعوه
بمساعدة الناس… شدوه بالعافية وخرجوه قبل ما العربية تولع
بعد ثواني…
العربية ولعت فعلاً
والنار مسكت فيها
في نفس الوقت…
سيف كان واقف قدام الفيلا
— أمنية… فين حسام
أمنية خرجت له
— قال إنه رايح الشركة… ومجاش هنا
سيف استغرب
— شركة إيه… وإحنا كنا هنروح نجيب ماما من المطار
أمنية قلقت
— غريبة…
سيف قال بسرعة
— خلاص… أنا هروح اجيب ماما
أمنية هزت راسها
— وأنا هكلم حسام وأقوله يجي
سيف ركب عربيته وطلع بسرعة
وأمنية طلعت موبايلها… وبدأت ترن على حسام
مرة… واتنين… وتلاتة
مفيش رد
قلبها بدأ يدق بسرعة
— رد يا حسام…
رن تاني…
المرة دي…
حد رد
لكن مش صوته
— ألو
أمنية اتوترت
— أيوه… معايا حسام
الراجل رد بصوت جاد
— حضرتك قريبة صاحب الموبايل
قلبها وقع
— أيوه… مراته
سكت لحظة… وبعدين قال
— هو عمل حادثة… وإحنا في المستشفى دلوقتي
الدنيا سكتت حواليها
الموبايل كاد يقع من إيدها
— إيه…
دموعها نزلت فجأة
— حسام…
في نفس اللحظة…
نور كانت واقفة فوق… حاسة إن في حاجة غلط
وأمنية صرخت
— حســــــــــام
نزلت نور كانت واقفة… مرعوبة… مش مستوعبة اللي حصل
— أنا… أنا مكنتش أقصد…
اللحظة اتحولت لكابوس خرجت امنيه وركبت العربيه راحت علي المستشفى وفرح كلمت سيف والدنيا اتقلبت
أول ما وصلت أمنية المستشفى…
نزلت من العربية وهي مش شايفة قدامها من الخوف
دخلت جري على الاستقبال
— لو سمحت… حسام… فين حسام
الممرضة بصتلها بسرعة
— هو دخل العمليات حالًا
الكلمة نزلت عليها زي صدمة
— عمليات…
إيديها بردت… وقلبها اتقبض
قعدت على الكرسي… ودموعها نزلت غصب عنها
— يا رب… يا رب يطلع منها سليم
رفعت إيديها تدعي
— ما تحرمنيش منه يا رب… أنا ماليش غيره
في اللحظة دي… نور وصلت
دخلت بسرعة وهي بتبص حواليها بخوف
— حسام فين
أمنية بصتلها… ودموعها في عينيها
— الدكتور قال… إنه جوه العمليات
نور اتجمدت مكانها
قعدت على الكرسي… وإيديها بتترعش
— لا… لا…
دموعها نزلت وهي بتتكلم مع نفسها
— أنا السبب… هو جوه بسببي أنا
مسكت راسها بألم
— أنا ما كنتش أقصد… أنا بس كنت عايزة…
صوتها اتكسر
— أنا لسه عاملة كده فيك يا حسام…
أمنية بصتلها… وقربت منها بهدوء
— اهدي… هو هيبقى كويس إن شاء الله
مدت إيدها تمسح دموعها
لكن فجأة…
نور زعقت فيها بعنف
— اسكتي خالص
أمنية اتفاجئت
نور قامت بعصبية… وعيونها كلها جنون
— إنتي السبب… إنتي
قربت منها وهي بتصرخ
— المفروض إنتي اللي كنتي تموتي… مش هو
أمنية اتصدمت
— إيه
نور كملت وهي بتنهار
— أنا حطيتلك الحبوب… عشان أخلص منك إنتي
الصمت وقع تقيل…
ثانية واحدة…
وأمنية انفجرت
مسكتها من هدومها بعنف
— إنتي بتقولي إيه
عيونها كلها نار
— إنتي السبب إن حسام جوه دلوقتي
هزتها بقوة
— لو حصل له حاجة… والله لأكون قاتلاكي… وهحبسك… والله لأحبسك
نور بدأت تصرخ
— سيبيني
الاتنين مسكوا في بعض…
شد وجذب… وصريخ عالي
الممرضات جريوا عليهم
— في إيه… ابعدوا
حاولوا يفرقوهم بالعافية
في نفس الوقت… تحت قدام المستشفى
سيف واقف مع مامته… ووفاء كانت منهارة
— أنا عايزة أطمن على حسام
سيف حاول يهديها
— تعالي يا ماما… نطلع
طلعوا بسرعة
أول ما وصلوا الدور…
اتفاجئوا بالمنظر
أمنية ونور بيشدوا في بعض… والممرضات بتحاول تبعدهم
وفاء صرخت
— إيه اللي بيحصل هنا
جريت على أمنية وشدتها
إيه اللي إنتي بتعمليه ده يا أمنية
أمنية كانت منهارة… وبتصرخ وهي بتشاور على نور
هي السبب… هي اللي عملت كده
سكتت لحظة… ودموعها نازلة
هي السبب اني حسام جوا دلوقتي
الكل بص لنور…
ونور واقفة… مرعوبة… ودموعها بتنزل