الفصل_الثالث🔥🔥
لا تكن مثل الارعن يجذبك الكتاب من غلافه البراق فقد يكون داخله سئ
ما راه في الصباح الباكر من شرفة غرفته جعلته كالمارد لا يطاق فقد صب غضبه علي جميع العاملين بلا استثناء حتي معاذ لم يسلم من غضبه
ليهدر بصوت منفعل حاد
- القهوة دي مش بلاك ايه القرف ده
= بس حضرتك طلبتها مضبوط كالعادة
- انتي هتدخلي في ذوقي كمان قولت بلاك يبقي بلاك
= ح ح حاضر بلاك تحت امر حضرتك
ليتدخل معاذ الذي اتي حالما سمع صوته الهادر
اتفضلي انتي دلوقتي يا هبه
جلسوا في صمت لعدة دقائق حتي كسر معاذ حاجز الصمت متسائلا
- ايه اللي حصل مخليك بالشكل ده
لينظر له تميم نظره تحذير لا يأبه لها معاذ مكملا
يا بني ده انت ولا التنين ناقص بس تطلع نار من ودانك
= معاذ انا مش طايق نفسي بلاش تهريج من فضلك
- قول في ايه ونفكر سوا
ليقص له ما حدث صباحا
فلقد استيقظ مبكرا كعادته و بعد ان مارس رياضته الصباحية توجه الي شرفة غرفته ليستنشق بعض الهواء النقي ورأي ما لم يتوقعه يوما .
فقد رأها زهرته التي كبرت وازدهرت بين يديه من ظهرها تقف مع حمزه في هذا الوقت المبكر يتحاورون و يتسامرون لا يعلم سر اللقاء الصباحي الغير معتاد وكأنهم يخفون شيئا مما آثار قلقه عليه فالجميع يعلم ان حمزه زير نساء متحرك.
ليأتي سؤال معاذ ليعصف بما تبقي من هدوء تميم
- هو انت بتحبها ؟!!
لتجحظ عين تميم و تنبض عروقه بشده تكاد ان تتمزق
= ايه الجنان اللي انت بتقوله ده.... حب ايه وكلام فاضي ايه
توليب انا اللي مربيها يعني سني قد عمرها مرتين بلاش جنان واياااااك تتكلم عليها بالشكل ده تاني
- طيب خلاص اهدي اهدي
= انا هادي متعصبنيش انت بس
ليجيبه مازحا
- لا انت مش هادي انت تميم هااااهاااا
= بااااااايخ
لتدخل هبه حاملة كوب من القهوة لتميم وهي تتحاشي النظر اليه
- اتفضل يا فندم قهوة بلاك زي ما طلبت
لينفجر كلا من تميم ومعاذ في الضحك
ليقول تميم من وسط ضحكاته
- معلش يا هبه ... هو انا كنت صعب كده اوي .. المفروض تكوني اتعودتي
لتجيبه هبه بدبلوماسية
= لا ابدا تحت امرك
وتتجه الي الخارج تحدث نفسها
= والله انكو مجانين ربنا يصبرني
ليكمل معاذ حديثه
- طيب ايه مش يلا
ليردف تميم متسائلا
= يلا علي فين
- نصلح العك اللي عملته الصبح ولا هتسيب البت الغلبانة دي مقهورة كده
= يا بني ما انا لسه مصالحها قدامك
- انا بتكلم علي لميس
= لميس!!!
- اه لميس ما انت كنت زي المارد جينا نكلمك علي عرض الازياء زعقت و شبه طردتها ومن وقتها وهي في مكتبها مش بتكلم حد
ليضرب تميم يده بجبته معبرا عن ندمه
= ليه كده بس ... انا ازاي عملت كده قوم قوم خلينا نروح لها المكتب
- وانا مالي هو انا زعلتها روح لوحدك يا بطل
ليتركه ويذهب ليحزم تميم امره ويخرج متجها الي مكتب لميس
💘💘💘💘💘💘💘💘💘💘
في مصنع اقل ما يقال عنه انه وحدة صناعية منتجة هائلة مجهز بأحدث التقنيات و التكنولوجيا
في مكتب حمزه يتحدث في الهاتف بطريقة ماجنة
لا يا روحي جيب السبع ما يخلاش .... طبعا اكيد هنسهر انهارده ... في نفس المكان هاااااهاااااهااااااا هنروح ع فين بعد كده ....وده سؤال برده مكان الدنيا ما تودينا ... سلام يا قمر
ليغلق الهاتف ويحدث نفسه انا ميتقليش لا يا توليب لو كنتي بس ادتيني ريق حلو بس يلا انا وراكي وراكي والزمن طويل واهو اتسلي بليل لحد ما ترضي عني
طرقات متتاليه علي الباب لتجيب بنفاذ صبر
- قلت مش عايزة مقابلات ولا تليفونات
ليطل برأسه من خلف الباب
= يعني بلاش ادخل والف وارجع مكتبي
لم يتلقي رد فقد اكتفت بأن تشيح بوجهها في اتجاه اخر ليعلم انها بالفعل غاضبة منه ليدخل المكتب ويغلق الباب من خلفه
= مكنتش شوية عصبية يا لميس ! كان في مشكلة كده واتحلت
- انت عارف اني بكره الصوت العالي وبيوترني
= خلاص بقي ما يبقاش قلبك اسود
- بقي انا قلبي اسوود
= يلاهوي عليكي ده انتي قلبك قلب خصاية خلاص بقي
ايه يرضيكي يا ست لميس وانا اعمله
لتفرح لميس داخليا انه يخاف علي زعلها ويريد مصالحتها وكيف تضيع مثل هذه الفرصة من بين يديها
- عارف انا دايما بحس اننا مش قريبين من بعض زي الباقي بالرغم من ان تقريبا بنا هوايات مشتركة كتيير
= ليه بتقولي كده يا لميس هو انا اصلي زعلتك قبل كده
- يارريت ... انا اقصد اني بحس اني شفافة بالنسبة لك حتي في الشركة ولا يمكن انا اللي انطوائية بزيادة
= متقوليش كده انتي عارفة انكو عيلتي و ان بعد والدتي ما توفت تقريبا كل وقتي كان عندكوا ومعاكو... انتو غالين عليا اوي يا لميس
ليحاول التخفيف عنها بحديثه مكملا
مقولتيش بقي ايه يراضيكي بس متطلعيش في العالي ماااشي ههههههه
لتتوه في جمال ابتسمته ولمعة عينيه للحظات ثم تجيبه قائلة
- في حفلة ل عمر خيرت في الاوبرا بكره هاا هتوديني
= نقطة ضعفي وانتي عارفه اني بحب موسيقاه جدااا خلاص اعتبري الامر تم ... نشوف شغلنا بقي يلا سلام
💘💘💘💘💘💘💘💘
في منزل عامر
في حديقة الفيلا التي تزينها شتي انواع الزهور التي تشرف علي تنسيقها عايدة والدة توليب بنفسها تجلس هى وزوجها في هدوء لاحتساء فنجان من القهوة في الهواء الطلق
ليستنشق عامر نفسا عميقا من الهواء النقي ويردف
= بقالنا زمان متجمعناش يا عايدة
لينظر اليها ويستطرد حديثه مكملا
- ايه رايك نعزم الكل بكره علي الغدا
= مفيش مشكلة يا عامر وانا هعمل لكل واحد الصنف اللي بيحبه
ليمسك بيديها في حركة رومانسية مقبلا اياها قائلا
تسلم الايادي اللي بتعمل اكل زي الشهد
ليقطع عليهم هذه الجلسة الرومانسية دخول لميس وهي في حالة نادرا ما يروها عليها فالابتسامة الواسعة تشرق وجهها وتكاد تقفز من السعادة
- مساء الهنا و الورد والحب لاحلي اب وام ف الدنيا
لينظر كلا منهما الي الاخر في تعجب
- مساء الخير يا حبيبتي
= خير يا لومي ايه سر السعادة دي
- هاااا ... لا ولا حاجة انا طالعة اودتي
= طب استني قبل ما تطلعي بكره الكل معزوم علي الغدا يعني تصحي بدري تساعدينا
- بس بكره انا خارجة
= خارجة فين بكره الجمعة
- اصل تميم عزمني علي حفلة عمر خيرت
لتبتسم والدتها بمكر قائلة
= امممممم تميم قولتيلي بقي ... طيب علي العموم دي اكيد هتكون بعد الغدا اتغدوا وامشوا سوا
- فكرة برده وليه لا اوكي يا ماما.. يلا سلام
لتصعد الي غرفتها وهي تدندن وتبتسم في آن واحد لتترك والديها يرسمون خطط للمستقبل بما يلائم هواهم
- تفتكري ممكن يحصل
= وليه لا يا عامر ..... السن مناسب و الاهتمامات قريبة جدا لبعض .. وبعدين هو في احسن من تميم
- ربنا يكتب اللي فيه الخير
💘💘💘💘💘💘💘
في الصباح حركة من النشاط و التوتر تسود منزل عامر المغازي استعدادا لاستقبال ضيوف اليوم
وكالعادة اتجه الرجال الي صلاة الجمعة ولم يتخلف عنهم الا حمزه وهذا هو المعتاد ثم تجمعوا في الحديقة يتسامرون ويضحكون و احيانا يبحثون امور العمل
- صباح الخير يا مامتي
= صباح ايه ده احنا داخلين علي العصر يا توليب
- معلش بقي يا عايدة والله كنت شغالة علي مشروع االتخرج و نمت من التعب
لتضع قطعة من الطعام في فمها وتردف
- هو في ايه حملة تنظيف من بتوعك ولا ايه
- لا يا فالحة اعمامك واولادهم جايين علي الغدا ويلا بقي عطلتيني
وماهي الا لحظات ودلفت اليهم رنيم تتأبط زراع شاهندا و الابتسامة الواسعة تزين وجهيهما
- اي مساعدة يا حلوين
= ايوه يا شاهي ساعدي انتي مامي .. وانا هاخد رنيم عايزها باااااي
في غرفة توليب
- يعني اتكلمتي معاه يا توليب ولا لا
= اتكلمت يا بنتي والله بس مفهمتش منه حاجة
- طب حاولي تاني عشان خاطري
= حاضر حاضر بعد الغدا هتكلم معاه كفاية زن بقي
منازل مغلقة علي اصحابها قد تبدو حياتهم هادئة مستقرة وسعيدة ايضا ولكن الحقيقة لا يعلمها الا من يعيش فيها ويغلق عليه بابها
قوومي اصحي قامت قيامتك ... مش اشتغلتي يا سنيورة ورايحة يا روح امك تتمحكي ما انا خلاص عرفت اشمعني الشركة دي بالذات وسيبتي شغلك الاولاني عشانها
ليكمل لكزه لها في كتفها وهي نائمة
- قووومي بقولك بدل وربنا لأدور علي امك وانتي حرة
لتنتفض من نومتها عندما سمعت حديثه عن امها
= نعم عايز ايه .... انهاردة اجازة سبني ارتاح يا مفتري
- بقي انا مفتري... مش كفاية صابر عليكي وعلي امك وشايلة بلوتها
لتردف بتبرم حتي تنهي حديثه المشؤم
= مقولتش عايز ايه اخلص
- هعوز منك ايه غير فلوس فتشت في شنطتك ملقتش ليبتسم بحقارة ويكمل حديثه وغيرتي المخبأ
= مفيش فلوس
ليمسكها من ياقة سترتها المنزلية
- بت انتي بلاش اتغابي عليكي و علي الست الوالدة هاتي الفلوس احسنلك
= حاضر حاضر خدها ربنا لا يسمحك دنيا ولا اخره
نعم يا سادة لا تستعجبوا ولا تستنكوا هناك الكثير ممكن يتكلون علي النساء ويستحلون اموالهم وتعبهم وكأنه فرض عليهن
ليأخذ منها المال الذي تعبت في جمعه ويذهب كعادته ليبعثره علي مزاجه وملذاته ليتركها تدعو في سرها ان تتخلص منه ولكن دعاءها الاشد حرقة هو ان يساعدها الله علي اتمام انتقامها ممن كان سبب في ظروف حياتها الحالية.
ليصل الي مسامعها صوت امها يناديها
نااادين يا ناااادين
لتخرج من حجرتها تتجه اليها وهي تتأمل من حولها الاثاث القديم و التلفاز الذي يعمل تارة ويتوقف تارة اخري
لتدخل الي حجرة والدتها وهي تحاول رسم الابتسامة علي شفتيها
- ايوه يا ست الكل ... صباحك بيضحك
= صباح الخير يا نور عيني .... كان عايز منك ايه المفتري ده علي الصبح كده
- هيعوز ايه غير فلوس يعني يا ماما
- ربنا يهده البعيد مستحل فلوسك وتعبك .... ولا تقلقي انا معايا وشيلاهم في الدفتر
لتهب واقفة يتأكلها الغضب
= قولت لك مليون مرة لأ مش هلمس منهم مليم ... وحقي انا هجيبه وقريب اوي عن اذنك
💘💘💘💘💘💘💘💘
بالعودة الي وليمة الاخوات الثلاث والحب الظاهر بينهم وبين اولادهم ولكن لا يعلم بما في النفوس الا الله .
بعد انتهاء الغداء جلسوا جميعا لاحتساء الشاي و التسامر معا
تجلس عايدة وشاهندا في ركن بعيد عن الجمع
- يعني خلاص اخدتي قرارك يا شاهي؟
= خلاص يا عايدة مفيش حل تاني وبصراحة .....
- بصراحة ايه قولي
بصراحة يزيد ملوش امان وانا خلاص تعبت تعبت
لتشفق عايدة علي حالها
- والله ما عارفة اقولك ايه
= متقوليش حاجة كفاية وقفتك معايا تعالي نروح لهم ونكمل كلامنا بعدين
لتصل رسالة الي هاتف حمزه فيتبعها بعد قرأتها بالاستئذان لاجراء مكالمة هامة وما هي الا ثواني حتي استأذنت توليب تحت ادعاء تعديل تبرجها . وسط نظرات شك من تميم و نظرات امل من رنيم .
- تميم تعالي نقف في التراس (بلكونة) شوية قبل ما نمشي
= ماشي
بعد مرور لحظات
- استمتع انت بقي بالنسيم الجميل ده وانا هروح اجهز
= متتأخريش
ليضيف مازحا
و تبقي زي باقي البنات هسيبك وامشي
- لا متقلقش ثواني واكون عندك
لتتركه وتذهب ليكمل هو تأمله للحدائق من حوله حتي وقع نظره علي توليب وحمزه في نفس موقعهم اليوم الماضي فيتطاير الشرر من عينيه .
عند توليب وحمزه
- ها يا حمزه في ايه بقي مش بترد علي رنيم ليه
= انا حر
- انت عارف انها بتحبك
= بس انا مبحبهاش هو بالعافية ومتقوليش احاول لان قلبي مش ملكي
- ايه ده انت بتحب طب مش تقول مين بقي حد من معارفنا
= ايوه بحب واللي بحبها هو انتي
لتجحظ عينيها من شدة المفاجأة
- انا انت اتجننت اكيد
لتهم بالذهاب وتركه عندما امسكها من معصمها وفي لحظة قبلها بعنف رغما عنها
عند هذه اللحظة وتحت انظار تميم وجد من تضع يدها علي كتفه و تخبرها باستعداها للذهاب . وعينيها تتابع المشهد من خلفه
يا لكي من سيئة الحظ يا توليب لم يري رد فعلك ولم تطرب اذنيه بالصفعة التي اسقطتيها علي وجه حمزه ... ثبتت عليكي الشكوك و الظنون فبئسا لايام قادمة ستعيشيها بسبب غلطة متهور لا ذنب لكي
هكذا هي الحياة احلام تزهر واخري تسقط ولكن باب الامل مفتوح علي الدوام فتقدم و خذ ما أوتيت بقوة
تسير وكأنها تطفو علي مجموعة من السحب ، تتمايل وكأن مجموعة من الطيور تغرد في أذنها لم ترد ان تنتهي هذه الليلة التي قضتها مع عشقها الابدي غير أبهة هل يبادلها نفس الشعور ام لا
- واخيرا رجعتو .....
= ايوه يا توليب خلصنا الحفلة وجينا
- طيب الحمد لله علي السلامة
= رايحة فين كده
لتبتسم توليب بطفولة مردفة
- نازلة المطبخ هجيب برطمان النوتيلا ومعلقه .. اهو حاجة تسليني وانا بذاكر
= طفلة والله طفللللة
لتتركها توليب و تنزل الدرج
انفاسها تتلاحق فلقد تأخرت علي عملها و لاتريد ترك انطباع سئ لدي رؤسائها تحدث نفسها معنفة
يعني لو كان سابلي فلوس تكفي التاكسي مش كان احسن منك لله يا سعيد الكلب و انا يعني كان لازم جيبة مش عارفة اجري اوووف الحمد لله وصلت الميكروباص الزفت ده كمان نزلني بعيد اوي
وعند دخولها للشركة كان هناك من يراقبها من خلف الزجاج وهي تعافر لتسرع في خطواتها و هي ترتدي تلك التنورة التي بالكاد تغطي ركبتيها وتحد من حركاتها وعند اقترابها اتجه للمصعد كأنه لا يراها
- استني استني متقفلش الاسانسير والنبي
ليرد عليها ببلاهة
= ايه ده في ايه ... انتي مش عارفة ان الاسانسير ده مخصص لمجلس الادارة بس
لتجيبه برغم لهاثها المستمر و تقصف جبته
- وهو انت من مجلس الادارة ....ههههههه
= ملكيش دعوة انا المدير التنفيذي وصاحب تميم
- طب بس بس يلا خلينا نطلع ونخلص يا صاحب تميم بيه
= وربنا لأضبطك بس اصبري عليا
خرجت من المصعد تتنفس الصعداء واتجهت الي سكرتيرة نائب رئيس مجلس الادارة (هبه)
- صباح الخير
= صباح النور
- انا نادين سعيد ، جاية استلم شغلي في قسم المحاسبة
= اهلا ا. نادين اتفضلي حضرتك لمكتب ا. معاذ وهو هيفهم حضرتك مسئولياتك
- شكرا يلا بينا
جالس في مكتبه يسترجع ما حدث منذ قليل لا يعلم لم تحتل عقله وتفكيره منذ راها اول مرة حين جائت لتجري مقابلة العمل منذ اسبوع وتجدد شغفه حينما راها اليوم صباحا
ليقطع تفكيره طرقات علي الباب
- اتفضل .... ايوه يا هبه خير
= استاذة نادين جاية تستلم شغلها يا فندم
- اهلا اهلا
= يوووه هو انت تاني
- بتقولي حاجة يا ا. نادين
= لا ابدا يا فندم
ليبتسم بتسلية ويردف
- كويس اوي اتفضلي انتي يا هبه وانا هفهمها كل حاجة
ويوجه نظره الي نادين قائلا
اتفضلي اقعدي عشان نتكلم براحتنا
لتمر دقائق وهو يتصفح هاتفه دون الاهتمام الي وجودها لتتحدث هي
- ايوه يا ا. معاذ فين مكتبي
= احممم اه مكتبك اللي لازق في مكتبي بالضبط كل شغلك معايا معايا انا وبس
لتنفعل عليه قائلة
- لاااااا ميغركش شكلي الكيوت انا مش من البنات دول خليكي معايا عدل الا قسما وربي ما حد ينجدك من ايديا
= بس بس ايه ماصورة الردح اللي اتفتحت في وشي دي
انتي جاية عشان تمسكي حسابات شغل المعارض وانا المسؤل عن توريداتها فشغلك يبقي معايا
فهمتي ولا دماغك بتحدف شمال بس
ليشوب وجنتيها احمرار بسيط دليل علي خجلها من تسرعها
- ما انت الللي كلامك مش مفهوم و الزمن ده وحش
= خلاص حصل خير اتفضلي معايا علي مكتبك
الفصل_الرابع💗💗
في فيلا محسن
- يلا يا رينووووو بقي هنتأخر يا بنتي
= انا جيت اهو خلاص
- طيب يلا
- لتتوجه هي وتوليب ال الخاجر ذاهبين الي احتفال بمناسبة انهاء توليب للامتحانات ولكن اوقفهم صوت تميم
= علي فين يا رنيم
ليتعجبوا من سؤاله فلم يسبق له ان سألهم عن خروجاتهم
لتجيب توليب والابتسامة تزين وجهها
- انا واصحابي عاملين حفلة عشان خلصنا امتحانات ورنيم جاية معايا
= اطلعي يا رنيم بلا حفلات بلا هبل
لتجحظ عيون توليب من حديثه
- ليه يا تميم بليييز خليها تيجي معايا
ليجيب تميم وهو يجز علي اسنانه من الغضب
= اختي وانا حر ملكيش دعوة
- الكلام ده ليا
= ايوه ليكي وبلاش شغل اطفال بقي
ليمسك بيد تخنه يجذبها الي الداخل تاركل توليب تقف بمفردها ودموعها تتساقط علي وجنتيها من معاملته السيئة لاول مرة
في المساء في غرقة توليب الذي يغلب عليها اللون الوردي والطابع شبه الطفولي
تجلس حزينة تحتضن وسادتها لا تدري لما يعاملاها تميم هكذا
- توليب يا توووليب
= ايه يا لميس في ايه
بقالي ساعة بندهلك وانتي سرحانه
- معلش مسمعتش
= ليه مش عايزة تتعشي معانا مالك
- لميس هسألك علي حاجة ... لما كنتي مع تميم قالك انه زعلان مني في حاجة
= لا خالص بصراحة مجبناش سيرتك ليه خير
لتسرد لها ما حدث والحزن يخيم علي نبرة صوتها
- بقولك ايه متحطيش في دماغك ركزي في نفسك ومستقبلك
عندك حق انا هكلم بابا عشان انزل الشركة بقي
لا لا شركة ايه انا جيبالك عرض ممتاز من جامعة في ميلانو ايطاليا هتديكي بكالريوس تصميم مجوهرات حاجة كده خيال يا توليب
= الللله ايطاليا طب وبابا هيرضي يسافرني
- سيبي بابا عليا ملكيش دعوة دي كلها 3 سنين هيعدوا بسرعة وتيجي وتثبتي نفسك لكل الناس
لتؤكد توليب علي حديثها و عينيها تلمع من الفرحة
= فعلا كلامك صح وكفاية اني هروح ايطاليا
- هكلملك بابا واضبطلك الدنيا عدي الجمايل بقي
لتقوم توليب باحتضانها قائلة
= انتي احسن اخت في الدنيا .. بحبك اووووي
في شركة آل المغازي
الجميع يعمل كخلية النحل في الدقة والانضباط تمسكهم يد من حديد في ادارة تميم المغازي الذي لا يقبل بالتخاذل في العمل ايا كانت الاسباب
يمشي بخطي متباهية كالطاووس يرسم علي محياه ابتسامة مستفزة تجعل الرجال يشمئزون منه و توقع البنات في شراك حبه المزيف
ميزوووو حبيبي
علم معاذ من صاحب الصوت ليلعن في داخله السبب الذي جعلهما يلتقيان
ليلتفت بإبتسامة سمجة
اهلا يا حمزه الشركة نورت
= منورة بيك وب صاحبك
ليهدء معاذ نفسه قائلا بصوت خافت بدأنا بقي
تسلم يا باشا خير محتاجة حاجة من هنا
اه في مكن اتأخر وصوله وبيقولو العطلة من عندكو
مكن ايه.....
ليقطع حديثهما دخول نادين و هي تحمل العديد من الملفات
استاذ معاذ الملفات دي خلصت ووو... احمم اسفة معرفش ان في حد موجود مع حضرتك استأذن انا
ليقوم حمزه في اتجاهها مردفا
تستأذني ايه بس ... هاتي الملفات دي كتيره عليكي اوي
ليوجه نظره الي معاذ وهو يغمز بعينه
اكيد مادام في حلاوة كده يبقي لازم الورق يتأخر هههههههههههههه
ليستشيط وجه معاذ صارخا في نادين
اتفضلي علي مكتبك يا أستاذة وتخبطي قبل ما تدخلي بعد كده
احمرت عيناها علي اثر صياحه المفاجئ بدون اي سبب او خطأ منها لتنسحب مسرعة الي مكتبها
- توء توء توء ملكش حق يا معاذ براحة علي البنية
= حمزه بقولك ايه اخلص الورق اتبعت الصبح علي المصنع لو كنت كلفت خاطرتك وعديت علي مكتبك هناك كنت عرفت هاااا حاجة تانية
- لا تانية ولا تالتة بدل ما تاكلني وانا لسه صغير سلام
ليلتفت مغادرا في اتجاه المصعد
في مكان اخر في الشركة
تتحدث في الهاتف وهي تكاد تجري
ايوه ايوه يا لميس وصلت خلاص اهو هركب الاسانسير واطلعلك
الشركة دي طلعت كبيرة اوي انتي ف الدور الكام ... ال 10 طيب تمام
لحظة ما توقف الاسانسير اندفعت مسرعة الي الخارج وبسبب اندفاعها كادت ان تسقط لولا ان حالت بينها وبين سقوطها يد حاوطت خصرها بقوة
لتفتح توليب عينها بعد لحظة لتجد نفسها بين يدي حمزه الذي يطالعها بهيام وعبث ليقطع نظراته صوت تميم الغاضب
ايه اللي بيحصل هنا ده
ااااابدا مفيش كنت هقع و حمزه لحقني
ليوجه نظره الي حمزه الذي اردف قائلاوهو يحرك كتفيه
مادام هي بتقول كده
لتنظر له توليب بغضب مردفة
والله ده اللي حصل
لينظر لهم بشك متسائلا
انتو جايين مع بعض ؟؟
قبل ان تجيب انقذها معاذ الذي جاء علي صوت تميم العالي
لا يا تميم حمزه كان عندي في المكتب ولسه ماشي
ازيك يا توليب جايه لمين
لتجيبه بتوتر واضح
ل لميس فين مكتبها
من هنا تعالي اوصلك
ليأخذها ويذهب ليترك الباقين في حرب النظرات الباردة التي لا تبشر بالخير
- اووووف
= ايه يا بنتي داخلة مضايقة كده ليه
- قابلت حمزه الملزق ده برا رخم بشكل رهيب
= سيبك منه تعالي اخد رايك في التنسيقات دي لعرض المجوهرات اللي هنعمله
- يلا وريني ما انتي جبتيني زي المجنونة عشان تلحقي ميعاد الاجتماع
ليس كل اربع جدان وسقف سمي منزل .... المنزل دفء وانتماء لأسرة تشعرك بقيمتك و تغدق عليك بشتي انواع المشاعر ... لا تأتينا الدنيا بما تشتهيه قلوبنا
تعاتب امها بضيق شديد
- يا ماما قلت لك 100 مرة متعمليش حاجة في البيت
= يا بنتي ما انا قلت اساعدك
لتجيبها بعصبية ونفاذة صبر
- يا ستي انا مش عايزة مساعدة كفاية اللي فيكي
لتتأثر والدتها بحديثها لتردف في آسي
= قصدك اني عاجزة وعالة عليكي
استشعرت نادين بخطأ تصرفها لتقبل رأس والدتها مردفة
- يا ماما يا ست الكل انا مش قصدي والله انا مش عايزة اتعبك وبعدين متقوليش كلمة عاجزة دي تاني انتي زي الفل وبعدين الحمد لله بتمشي علي رجلك ربنا يخليكي ليا
= بمشي قصدك بعرج قوليها متتكسفيش
- يوووه يا ماما بقي والله ما كنت اقصد
= خلاص يا حبيبتي انا عارفة ... بس ساعات بيصعب عليا نفسي
لتقوم نادين باحتضان والدتها لعلها تخفف عنها ما تشعر به
في غرفة مكتب عامر المغازي تدور المناقشات و المشاورات بين عامر ومحسن ولميس التي تحاول بشتي الطرق اقناع والدها بسفر توليب لاستكمال دراستها
- يا بابي اسمعني بسحط فلڤلغ في مصلحتها لانه في صميم دراستها ثانيا هتفيد الشركة جدا في المستقبل صدقني
= يا عامر ايه وجه اعتراضك علي السفر
- انت بتسأل يا محسن .. دي بنت ازاي اسيبها لوحدها في بدل غريب واجنبي
= ده بس اعتراضك ولا في حاجة تانية
- لا هو ده وده طبيعي من خوفي عليها انت عندك بنت وعارف
= طيب يا سيدي الحل عندي واكيد هيعجبك
- بجد يا عمو محسن طب قوله بسرعة
= انت ناسي ان اخو مراتي الله يرحمها عايش هناك هو ومراته واولاده
- انا فعلا كنت ناسي وبالذات انهم مجوش من وقت جنازة المرحومة
= بس بنا تليفونات علي طول انا هكلمهم وهتقعد معاهم هاااا ايه اعتراضات تانية
- لا كده انا اطمنت كمال طول عمره محترم وانا واثق فيه
يجلس في مكتبه يدرس امور الشركة والمصنع وقد بلغ الذروة من اعمال عمه وولده التي لا تمت الي النزاهة بصلة يتسأل عن سبب وراء افعالهم و ما هي الطريقة الملائمة للتعامل معهم حتي لا يخسروا ما بينهم من روابط اسرية
قاطع تفكيره رنين الهاتف ليتطلع الي الهاتف ويجده أيمن ابن خاله من ايطاليا
- الو ازيك يا ايمن؟
= تيمووو حبيبي اخبارك
- انا مش قلت لك مليوون مرة اسمي تميم ومش بحب الدلع
=ماشي يا سيدي ازيك يا تميم
-الحمد لله خير في حاجة
= هو عيب اطمن علي ابن عمتي
- لا مش عيب بس اكيد في سبب
= ههههههه حافظني اكتر من نفسي
ليصمت لبرهة ثم يكمل حديثه وهو يدس السم بداخل كلامه المعسول
- انا حبيت بس اعرفك ان احنا بقينا واحدة بواحدة
= قصدك ايه ؟
- شكلك متعرفش ان برنسيسة عيلة المغازي هتبقي معايا هنا تحت سقف واحد ليكمل بلؤم معقولة تقولي وتوسطني و انت متعرفش
ليفز تميم من علي مقعده صارخا
- انت بتقول ايه يا حيوان انت
= انا حبيت اعرفك اننا كده هنبقي خلصين وهتشوف اللي هعمله
ليصررخ تميم بشكل هستيري
= الا توليب يا ايمن الا هي دي بعمرك
ثم قذف الهاتف بطول ذراعه ليتهشم بصوت مدوي الي قطع صغيرة