مرَّ على هذا الحدث شهرٌ كامل… عادت الشركة إلى روتينها المعتاد، وعاد زين أيضًا إلى حياته كما كانت قبل ظهور وسام.
لكن العمل لم يعد كما كان… نفس الوتيرة، بلا حماس، بلا مخاطرة… بلا ذلك التميّز الذي كانت تصنعه وسام، وكأنها كانت روحًا خفية تدب في كل تفصيلة.
بدأ زين يلاحظ التراجع…
معدل الـ"ريتش" في انخفاض، التفاعل قلّ بشكل واضح، وتسويق المنتجات لم يعد بالقوة الكافية.
ولم يكن هذا كل شيء…
ظهر اسم جديد على الساحة… شركة ناشئة تُدعى "فرصة".
أسلوبها التسويقي مختلف… جريء، غير تقليدي… يلفت الانتباه بقوة.
وخلال وقت قصير، بدأ اسمها يعلو فجأة… وكأنها خرجت من العدم.
لم يحتمل زين الوضع…
أعلن عن اجتماع طارئ.
دخل القاعة بوجه جامد ونظرات حادة، وقال بصوت واضح: "في إيه يا جماعة؟ هو كل الأفكار خلصت؟ ولا إحنا بقينا بنشتغل بالروتين وخلاص؟"
ساد الصمت…
تبادل الحضور النظرات، قبل أن يتكلم هاني بتردد: "إحنا بنحاول يا زين… بس السوق اتغيّر فجأة، وفي منافس جديد ظهر…"
قاطعه زين بنبرة حادة: "منافس؟ ولا حد سابقنا بخطوة وإحنا مش واخدين بالنا؟"
قال زين وهو ينهي الاجتماع:
"تمام… دلوقتي في شركة ضخمة عاملة حملة تسويقية جبّارة، وطبعًا اسم شركتنا من ضمن الشركات المتقدمة.
صاحب الشركة هيتفرّج على كل العروض المقدَّمة، وهيختار شركة واحدة بس… هي اللي هتمسك الدعاية لمجموعة شركاته بالكامل.
وأظن واضح إن العرض ده لازم يرسي علينا.
أنا عاوز أفكار جديدة… مجنونة… فيها روح.
بلاش الروتين اللي ماشيين عليه ده.
عايزكم تخرجوا برا الصندوق شوية."
مر اسبوع كامل و الشركة علي قدم وساق تستعد ليوم العرض
كان الاجتماع كبير يعقد في اكبر قاعة في احدي الفنادق الشهيرة
تُعرض فيه أفكار الحملات الإعلانية، بحضور عدة شركات منافسة. واجتمع كل رؤوساء اقسام الشركات المقدمة و روح التحدي يظهر بينهم وحضر هاني و زين الاجتماع
بدأ الجميع بعرض أفكارهم
وفجأة…
انفتح باب القاعة.
دخلت فتاة بثبات… خطواتها واثقة، ونظراتها هادئة لكنها حادة.
.
همهمات خافتة ملأت المكان… دهشة على وجوه الحاضرين…
قام زين، واقفًا، والذي كان يتابع الاجتماع عن بُعد، فتجمّد للحظة عندما رآها تدخل القاعة بثبات.
وقفت وسام دون أن تنتظر إذنًا طويلًا، وقالت بثقة:
"معلش على المقاطعة… بس عندي فكرة تستحق تتسمع."
حاول أحد المنظمين الاعتراض،
لكن قالت له وسام بثبات:
"حضرتك، أنا اسمي شركتي مشارك ضمن أسماء المتقدمين… أنا صاحبة فرصة للتسويق."
نظر جميع الجالسين إلى بعضهم، وتعالت مرة أخرى الهمهمات،
إلى أن أشار أحدهم قائلًا:
"خليها تتكلم."
بدأت عرضها…
أفكار مجنونة… جريئة… خارجة عن المألوف…
لكنها منظمة، مدروسة، ومبنية على فهم عميق للسوق.
خلال دقائق…
تحوّل الذهول إلى اهتمام…
والاهتمام إلى إعجاب واضح.
انتهت وسام من العرض، والقاعة في حالة صمت تام.
ثم قال العميل: "إحنا مش محتاجين نفكر كتير… الحملة دي ليكي."
انفجرت القاعة بالدهشة…
وسام… بدون شركة… بدون فريق ظاهر…
ومع ذلك، خطفت الحملة من بين أكبر الشركات.
بدأ الاسم ينتشر أكثر:
"فرصة" وثقة وسام بنفسها تعلوا أكثر
لكن الحقيقة التي لم يعرفها الجميع بعد…
أن وسام كانت تعمل وحدها… من منزلها…
بجهاز كمبيوتر واحد…لكن بعقل لا يعرف الحدود.
"
لم يتحرك زين لثوانٍ…
كانت عينه ثابتة على الشاشة… واسمها فقط يتكرر في رأسه وريتش حملتها يعلوا في السما
.
قبض على يده بقوة… لدرجة أن عروقها برزت بوضوح.
لم يكن الغضب وحده ما يشعر به… كان هناك شيء أخطر… شيء أقرب للتحدي… أو ربما تهديد.
ثم فجأة…
ضرب المكتب بيده بقوة.
"لا… مش ممكن…"
مرر يده في شعره بعصبية، وهو يتمتم: "رجعتي… بس مش زي الأول."
اقترب من الشاشة مرة أخرى، وبدأ يعيد مشاهدة عرضها… مرة… واتنين… وتلاتة.
كل تفصيلة فيها كانت بتقول حاجة واحدة:
دي وسام… بس نسخة أخطر.
ضغط زر الاتصال: "هاني… على مكتبي حالًا."
دخل هاني وهو متوتر: "في حاجة يا زين؟"
رد زين بدون ما ينظرله : "عايز كل حاجة عن شركة (فرصة)… كل حاجة.
مين وراها؟ بتشتغل إزاي؟ مين الفريق؟"
تردد هاني لحظة، ثم قال: "بصراحة… مفيش معلومات واضحة… كأنها—"
قاطعه زين وهو يبتسم ابتسامة خفيفة، لكن مخيفة: "كأنها شبح؟"
رفع عينه أخيرًا ونظر له مباشرة: "لا… أنا عارف الشبح ده كويس."
سكت لحظة… ثم قال بهدوء مخيف: "وسام."
اتسعت عيون هاني: "تقصد—؟!"
رد زين بثقة: "أنا متأكد.انها صاحبه الشركة مش مجرد موظفه
اقترب من المكتب، وأسند يديه عليه، وقال بنبرة مليانة تحدي: "بس الغلط الوحيد اللي عملته… إنها قررت تلعب لوحدها."
ثم ابتسم ابتسامة باردة: "وأنا عمري ما بخسر لعبة… خصوصًا لما تكون هي الخصم."
خرج صوت زين حاسم: "ابدأوا حرب."
ثم سكت لحظة… وكأنه بيفكر في حاجة أعمق…
ثم قال بصوت أخفض، فيه غموض:
"بس الحرب دي… مش بس شغل."
ثم رفع عينه ناحية الفراغ، وكأنه يراها أمامه
: "إنتِ فاكرة إنك هتهربي؟"
ابتسم… ولكن المرة دي ابتسامته كانت أخطر:
"أنا اللي هرجعك…حتى لو مش بإرادتك."
وبعد أيام بدأ الإعلان عن مؤتمر كبير للإعلان عن الحملة الجديدة.
كانت كل شركات التسويق موجودة…لحضور المؤتمر
وحضر وزين… وكل فريق العمل
خفتت الانوار…
وطلع صوت المذيع وقال
"نقدم لكم… العقل المدبر لاكبر حمله لسلسة الفنادق الشهيرة معكم الرأس المدبر صاحبه الابداع والتميز
الأستاذة العالمية التي ثبتت نفسها لتميزها وسط اكبر شركات التسويق الاستاذه التي لمع اسمها في وقت قصير في عالم المبدعين
الاستاذه وسام."
ظهرت وسام… و سلط عليها الصور
كما هي ملابسها أنيقة و بسيطه جدا لا توجد مبالغة في ثيابها واو حتي في مساحيق التجميل طبيعة لابعد حد
نظرتها ثابتة واثقة
ثوانٍ من الصمت بعد ظهور وسام…
ثم دوّى التصفيق في القاعة، لكن لم يكن تصفيقًا عاديًا… كان مزيجًا من الإعجاب والدهشة والصدمة.
وقفت وسام أمام الميكروفون، نظرت للحضور بثبات، ثم قالت بهدوء واثق: "الحملة دي مش مجرد إعلان… دي تجربة كاملة… إحنا مش بنبيع خدمة… إحنا بنخلق إحساس."
وبمجرد ما بدأت عرضها…
انطفأت الشاشة الرئيسية…
ثم اشتغلت فجأة على مشاهد تفاعلية…
إعلانات حية… قصص حقيقية… ناس بتحكي… مش ممثلين… مش دعاية تقليدية…
الجمهور بدأ يندمج…
البعض ابتسم… البعض انبهر… والبعض كان مصدوم من الجرأة.
كان زين جالس، ثابت… لكن عينه لم تفارقها لحظة.
همس هاني بجانبه: "إيه ده؟! دي قلبت السوق!"
لكن زين رد بهدوء غريب: "لسه…"
انتهى العرض…
لحظة صمت…
ثم انفجار تصفيق أقوى من الأول.
ابتسمت وسام… ابتسامة خفيفة… كأنها متوقعة كل ده.
وفجأة…وقف زين.
سحب أنظار القاعة نحوه…
مشى بخطوات هادئة، لكن كل خطوة كانت تقيلة… محسوبة.
ثم وقف أمامها مباشرة وعينه تعلن عن تحدي واضح
لحظات من ال سكون تام.
نظر لها نظرة طويلة… مليانة تحدي… وشيء أعمق.
وقال بصوت واضح: "عرض قوي… جدًا."
ثم سكت لحظة…و ابتسم ابتسامة خفيفة: "بس ناقصه حاجة مهمة يا فنانه
همهمات بدأت تعلو…
رفعت وسام حاجبها بثقة: "إيه هي؟"
اقترب خطوة واحدة… وقال بنبرة منخفضة، لكن مسموعة: "الاستمرارية."وغمز لها بعينه .
ثم اكمل بتحدي واضح :
"الانبهار سهل…بس اللي صعب… إنك تفضلي على القمة." واظن ده شيء صعب لحد مبتدأ لسة و معندهوش اساسيات يمكن جنونك وجراتك سر تميزك بس مش كل مرة بنصيب ولا ايه
ابتسمت وسام… لكن ابتسامتها كانت متحدية: "
وأنا عمري ما وصلت للقمة علشان أنزل
توتر الجو… كأن القاعة أصبحت ساحة حرب
الجميع بتتنفس بصعوبة.
قال أحد الحضور: "واضح إن في منافسة شرسة!"
و لكن ما حدث بعد ذلك … كان أقوى من مجرد كلام.
لف زين للحضور وقال: "بما إن المؤتمر ده عن الإبداع… اسمحوا لي أضيف حاجة بسيطة."
إشارة واحدة منه…
وفجأة…
اشتغلت شاشة تانية.
عرض جديد…
حملة مختلفة… لكن بنفس القوة… بنفس الجرأة…
الصدمة؟
إن الأفكار كانت قريبة جدًا… بشكل مخيف… من أفكار وسام…
لكن بتطوير… بتوسيع… كأنه كان متابعها… فاهمها… أو حتى… متوقعها.
اتقلبت القاعة همسات.
… اتفاجئت وسام ونظرت للشاشة… ثم له.
عينها ضاقت… وكأنها بتقرأه.
قال زين بهدوء: "اللعبة اتغيرت."
اقترب منها أكتر… وقال بصوت منخفض جدًا: "
انا دارس طريقة تفكيرك جدااااا من ساعة ما اشتغلتي معايا ؟وحافظ لسه ط بتفكري إزاي."
منا بردو. مش تلميذ علشان اشغل عندي موظفه مبتدئه
أجابت وسام بنفس الهدوء… لكن بنبرة أخطر: "بس الظاهر إنك نسيت… أنا كمان كنت بتعلم.من خبره حضرتك العظيمة في مجال ده
ثم ابتسمت… وقالت: "واللي اتعلمته… إني أسبق."
وفي اللحظة الحاسمة
عالي صوت العميل الرئيسي: "واضح إننا قدام حرب حقيقية بين منافسين أكثر شراسه و تنمية
وده بالضبط اللي إحنا محتاجينه."
ساد الصمت لثوانٍ بعد التوتر الواضح بين زين و وسام…
ثم اعتدل العميل في جلسته، وقال بابتسامة غامضة: "بصراحة… أنا مش شايف سبب يخليني أختار دلوقتي."
نظرات استغراب انتشرت في القاعة…
أكمل بهدوء: "أنا شايف قدامي عقلين مختلفين… بس بنفس القوة."
سكت لحظة… ثم قال: "وعشان كده… أنا هديكم الاتنين الحملة."
همهمات عالية ملأت المكان.
رفع زين حاجبه بدهشة خفيفة…
ظلت وسام ثابتة… لكن عيونها لمعت.بتحدي
أكمل العميل: "بس بشروط."
"كل واحد فيكم هيشتغل على جزء من الحملة…
نفس البراند… نفس الهدف…
لكن بأسلوبه."
"وعندنا 48 ساعة بس."
اتسعت عيون البعض…
"وفي الآخر…اللي هيكسب… هو اللي هيكمل باقي التعاقد."
ابتسم وهو يضيف: "خلونا نشوف… مين فعلاً يستحق السوق."
خرج زين من القاعة بخطوات سريعة…
لحقه هاني الذي قال : "إحنا داخلين حرب بجد!"
أجاب زين بدون ما ينظر له: "دي مش حرب… دي تصفية حساب."
في الجهة التانية…
كانت وسام خارجة بهدوء…ولكن ملامحها مشدودة.
أوقفتها إحدى زميلاتها: "إنتِ داخلة على خطر كبير… زين مش سهل."
ابتسمت وسام ابتسامة خفيفة: "ولا أنا. سهلة "
في نفس الليلة…
بدأت المعركة.
اجتمع زين بالفريق وقال بحدة: "عايز حاجة تخلي الناس تتكلم غصب عنها."
قال أحدهم : "ممكن نعمل حملة مؤثرين—"
قاطعه: "مرفوض… ده قديم. شغالوا دماغكم معايا مش عاوز تكرار عاوز جنان حاجات مش متوقعة
سكت لحظة… ثم قال: "عايز حاجة تخترقهم… توصلهم قبل ما يفكروا."
قالت رنا : استاذ زين حضرتك عاوزنا نشتغل بدماغ وسام بس احنا لينا طريقنا و افكرنا واظن افكرنا دي كانت محققة اعلي مبيعات ولا ايه راي حضرتك
نظر لها زين وقال
وانا منكرتش يا رنا مجهوداتكم بس لما يظهر لنا منافس ليه افكار بتؤثر في الناس وفكر مختلف لازم نفكر بطريقته علشان نقدر نسبق بخطوة في مجال الحرب كل شيء مباح ولا ايه
ثم ابتسم ابتسامة غامضة: "ونبدأ من وسام." عاوز اعرف فين مقر شركتها تحركاتها شغاله مع مين و مين اللي بيدعم حمالاتها ماديا شركة فرصة نفسها مين صاحبها موقعها فين علي الخريطة انا أحد دلوقتي معرفش مين صاحب شركة دي و مكانها وطلع امتي
في بيت وسام
جلست وسام في حجرتها أو مقر عمالها
أ مام جهازها … أفكار بتتكتب وتتمسح بسرعة.
عارفه أن المنافسة المره دي صعبه وتكاد مستحيله زين داخل بتقله و فريقه وخبرته و أجهزته الحديثه كل سبل الأسل*حة لكسب الحر*ب متوفرة وهي كل اللي تملكه جهاز كمبيوتر قديم وكل الأعمال على عقلها وأفكارها
تمتمت: "زين هيلعب على القوة… أنا هلعب على الإحساس. "وبدأت تكتب أفكارها وترتيبها …
ناس حقيقية… قصص مفاجئة…تجربة تخلي العميل نفسه يبقى جزء من الحملة.
وفي اليوم التالي…
السوشيال ميديا انفجرت…
حملة زين:
غامضة… صادمة… فيها تحدي مباشر للناس.
و حملة وسام:
مؤثرة… إنسانية… بتلمس مشاعر الجمهور.
الجمهور انقسم…
#TeamZein
#TeamWesam
لكن المفاجأة الحقيقية…
وصلت رسالة مجهولة لزين…
"لو عايز تكسب… اعرف إن وسام مش بتلعب لوحدها."
تجمّد للحظة…
وفي نفس الوقت…وصلت رسالة لوسام:
"خلي بالك… في حد جوه فريق زين بيلعب لصالحك… بس مش ببلاش."
هنا… اللعبة بقت أخطر من مجرد حملة.
دي بقت شبكة خيوط عنكبوتيه … خيانة… وذكاء.
قال زين بهدوء وهو ينظر للشاشة: "واضح إن في حد بيلعب معايا ولعبه مش نظيفة حابب يكمل لعبه الفندق مرة تانية ثم ابتسم: "تمام… نلعب. وماله
يتبع