رواية جارنا الثامن
الفصل الخامس5
بقلم دانيا
قال ليهو والغريبه هم م عارفين انو حاج محمود مات ليهو سنتين ،، وعلى يد منو بقوا يضحكوا والأتنين قالوا في وقت وحات " يدنا نحن " انا من قالوا كدا حسيت رجليني م شايلني من الخوف....قال ليهو اها نرجع لموضوعنا الملك قال يسلموهو البنات متين ؟ سكت مسافه وقال ليهو الخطه اتغيرت البنات ح نرحلهم بالحدود الليبيه المره دي لأنو اقرب.
قال ليهو طيب مافي مشكله متين لكن ؟ عاين ليهو مسافه وقال ليهو بعد يكتمل الهلال ، قال ليهو ليه الليله ياداب يوم واحد... قال ليهو انت صبرت دا كله هسي م قادر تصبر وزي ما وصيتك من نفس الحله دي ممنوع تخطف عشان م يحسوا وتقع مصيبه في راسنا ،، ضحك وقال ليهو يحسوا شنو نحن منو وهم منو ؟
ولا في خيالهم م يقدرو يحسو بينا ،، فجأه سكت وأشر بيدو للزول المعاهو قال ليهو لحظه شامي لي ريحة إنس هنا.....انا لمن راسي لفى م فضل لي غير اقع من طولي بعد سمعت كلامو دا قلت طيب هم شنو ؟! اجري يا خديجه انتي انتهيتي ؛؛ براحه انسحبت من المكان واول ما طلعت من بين القصب جريه واحده م وقفت إلا جنب بيت خلود .
بقيت بتنفس بصعوبه من شدة الخوف والجري ، رفعت راسي وارتني م عاينت فوق اول ما رفعت راسي شايفه جارنا الجديد دا واقف في السطوح حق بيتو " بيت عمي محمود " وبتكلم بتلفون....قبل انزل راسي اتلفت عاين لي وابتسم إبتسامه كلها شر قلت خلاص يا خديجه انتي انتهيتي شكله عرف إنك كنتي مراقباهو خشيت جوا سريع وقفلت الباب .
قلت ل خلود يلا انا راجعه بيتنا ، قالت لي يابت قولي بسم الله متين اصبحت لمن راجعه وبعدين مالك بترجفي زي التقول بردانه انتي كويسه؟ قلت ليها كويسه لكن نسيت عندي واجب كتير عاوزة اكتبو عشان كدا راجعه ، قالت لي اقعدي لبعد الفطور طيب انا بمشي معاكي قلت ليها لا انا عاوزة امشي هسي ، م اديتها فرصه تتكلم طوالي طلعت مشيت.
ماشه في الشارع وانا صدومه من الحصل ،، فجأة بقيت اسمع اصوات اقدام ماشه وراي....حسيت الدم نشف في عروقي وابيت اتلفت بقيت افكر قلت اكيد جاي يخطفني مشيت بخطوات مسرعه بس كل ما اسرع بحس الماشي وراي دا مسرع في المشي برضو ،، قلت دا م حل ومافي حل غير كدا قلت بسم الله وفكيت الجريه لباب بيتنا اول ما وصلت لقيت الباب مقفول بقيت ادق في الباب زي السكرانه....قبل يفتحو لي حسيت بزول ماشي علي ، قمضت عيوني واتلفتت عاينت وراي لقيتو دا خالد ، قال لي