رواية جريمة حب الفصل الخامس عشر15الاخير بقلم صباح صابر
حسام واقف قدام نور
وشه قاسي
_ أنا قولت كلمتي
نور قربت منه بسرعة
_ حسام أرجوك اسمعني بس
حسام لف وشه بعيد
_ مفيش حاجة تتقال
نور مسكت إيده
_ أنا ندمانة… والله ندمانة
حسام شد إيده منها بعصبية
_ الندم متأخر
نور صوتها كسر
_ أنا لسه بحبك
حسام ببرود
_ وانا مبقتش أأمنلك
الكلمة وجعتها
نور دموعها نزلت أكتر
_ طب عشان ابنك
حسام سكت لحظة… بس ما ردش
بعدين لف وطلع على السلم من غير ما يبصلها
نور وقفت مكانها… مكسورة
فوق
حسام دخل أوضته بعصبية
قعد وهو ماسك راسه
كل حاجة جواه ملخبطة
بعد شوية
الباب خبط خفيف
أمنية دخلت
وقفت قدامه
إنت لسه بتحبها
حسام رفع عينه بسرعة
_ إيه
أمنية بهدوء
_ باين في عينك
سكتت لحظة
_ أنا شايفة كل حاجة
حسام قام وقف
_ أمنية متتكلميش في اللي مالكيش فيه
أمنية بصتله بثبات
_ لا ليا فيه عشان يخصك
قربت خطوة
_ عشان أنا أكتر واحدة حاسة بيك
سكت لحظة
أمنية كملت
_ إنت قلبك متقسم نص هنا… ونص عندها
حسام بص في الأرض
أمنية بصوت أهدى
_ إنت بتحاول تقنع نفسك إنك خلاص بس الحقيقة غير كده
رفعت عيونها له: إنت لسه بتحبها
حسام انفجر
_ حتى لو
أمنية اتكلمت بسرعة
_ يبقى ترجعها
حسام اتصدم
_ إيه
أمنية بوجع مخبي
_ ترجعها يا حسام حتى لو مش عشانها
سكتت لحظة
_ عشان ابنك
الكلمة وقعت تقيلة
حسام سكت… مش عارف يرد
أمنية دموعها لمعت بس مسكت نفسها
_ أنا مش هقدر أعيش وأنا عارفة إنك قلبك مع واحدة تانية
قربت من الباب
_ رجعها… عشان ترتاح
وقفت لحظة قبل ما تخرج
_ وأنا كمان أرتاح
وخرجت
حسام فضل واقف مكانه
"تايه بين قلبه و واجبه وقرار…"
حسام فضل واقف مكانه بعد كلام أمنية ساكت وتايه والكلام كان صعب بس حقيقي نزل تحت بهدوء وبص لنور سكت لحظة وبعدين قال: ارجعي
نور رفعت عيونها بسرعة: بجد
حسام بهدوء
_ بس كل حاجة هتمشي بنظام ومفيش أخطاء تاني
نور دموعها نزلت
_ وعد
رجعت نور البيت والأيام بدأت تمشي مش مثالية بس أهدى وكل واحد بدأ يشوف حياته نور حاولت تصلح كل اللي فات وقربت من الكل وغيرت نفسها وطلعت أحسن ما فيها وأمنية اختارت طريق تاني قررت تتعالج وتتابع مع دكتورة وكان عندها أمل
حسام بقى أهدى وبطل يجرح وبقى يحاول يعدل بين الاتنين وقرب من ربنا وبدأ يصلي وخلى نور تلبس الحجاب وأمنية لبست الخمار.
سيف خطته نجحت ورحمة دخلت حياتهم وبدأت تشتغل عندهم ومع الوقت قربت من سيف وارتبطوا.
فرح كانت حالتها صعبة بس يحيى ما استسلمش فضل يحاول يوصل لها لحد ما وفاء تدخلت واتخانقت مع سيف وقالت له: فرح لسه صغيرة ومن حقها تعيش وكلمت يحيى وبالفعل جه وطلب إيدها وفرح وافقت وعملوا خطوبة كبيرة وبدأوا يجهزوا بيتهم.
يحيى قرب جدًا من آيات وكان بيهتم بيها ويفسحها ويعوضها وآيات حبته من قلبها وبقى جزء من حياتها.
مرت سبع شهور وفي يوم قبل فرح يحيى وفرح كان الكل متجمع في البيت ضحك ولمّة ونور كانت في الشهر الثامن وأمنية دخلت عليهم بابتسامة وقالت....
_ الفرحه فرحتين
الكل بص لها باستغراب
حسام ضحك:
_ وقال هتعملي ايه هتلبسي النقاب
أمنية ضحكت
_ وقالت اه هلبسه بس مش دي المفاجأة
نور قالت:
_ طب قولي
أمنية بهزار: لا خمنوا
يحيى قال:
_ عشان الفرح
أمنية قالت:
_ الفرح له فرحة والتانية ليها فرحة تانية بصت لحسام
_ وقالت مش هتفهم مسكت إيده وقالت له تعالى هنا ووقفته جنبها
سيف ضحك:
_ هترقصوا
حسام قال:
_ أكيد لا
نور بهزار: قالت أنا متنازلة عن حقي انت مش شايف بطني عامله ازاي
والكل ضحك
حسام قال: طب المفاجأة إيه
أمنية سكتت لحظة وحطت إيديها على بطنها وقالت "أنا حامل"
الصمت نزل ثواني والكل مش مستوعب سيف عيونه لمعت وقال بجد أمنية بابتسامة ودموع قالت بجد
حسام اتصدم وبعدين وشه اتغير فرحة كبيرة شالها ولف بيها وهي بتضحك وبتقول نزلني يا مجنون وهو بيضحك أنا هبقى أب الكل بيصقف ويضحك قرب منها وباس إيديها وباس راسها وقال مبروك يا حبيبتي
أمنية دموعها نزلت: وقالت مبروك لينا
لحظة مستنينها بقالها سبع سنين سبع سنين صبر ووجع اتحولوا لفرحة كبيرة
نور كانت واقفة مبتسمة وإيدها على بطنها وقالت مبروك وأمنية ابتسمت لها وقالت ربنا يتمملك على خير
البيت كله بقى فيه حياة فرح بتجهز ويحيى جنبها وآيات بتضحك وسيف ورحمة بيبدأوا حياتهم ونور بتستنى طفلها وأمنية أخيرًا حققت حلمها
وحسام وقف وسطهم كلهم وبص حواليه وحس لأول مرة إنه عنده عيلة بجد يمكن الطريق كان صعب وفيه وجع بس في الآخر الحب الحقيقي بيرجع كل حاجة مكانها
🌹🌹🌹🌹🌹🌹🌹🌹🌹🌹🌹🌹🌹🌹
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
تمت بحمد الله