رواية لنا موعد اخر الفصل الحادي والخمسون51 بقلم لولا
ومدت ايديها لعلي وتابعت اتفقنا كده نبدا الشغل
علي ابتسم وبص لكريم اللي واقف وراها ومصدوم وتابع : صوت وصوره اهو اتاكدت يقلب اخوك ولا لسه ؟؟ فندى اتصدمت بشده وبصت وراها لقيت كريم واقف باصصلها فخافت والدموع اتجمعت في عينيها وتابعت كرريم كريم اسمعني ورايحه تمسك ايديه فشدها بعيد عنها وغمض بعصبيه شديد وتابع بهدوء حاد: من غير ما اسمعك ولا تفكري تفتحي بوقك هي كل حاجه خلصت خلاص واتعصب وتابع فاتفضلي غوري في ستين داهيه ومالكيش دخول الشركه تاني يلا يعلي ومشي فعلي دفع فلوس الكافيه ومشي معاه
ندى بدموع وخوف وهي ماشيه وراه: كريم .. كريم صدقني يحبيبي انا كنت بعمل كده علشان ماما انا قولتلك انها تعبانه ومحتاجه عمليه برا غاليه جدا صدقني انا مش وحشه كده كرريم استنى كريم ابوس ايدك اسمعني ومسكت ايديه وتابعت بعياط كريم انت عارف ندى كويس ابوس ايدك متظلمنيش ومتتخلاش عني
كريم شد ايديه منها ومسك دراعها بعنف وتابع بعصبيه انا سبق ومظلمتكيش وصدقتك زي الاعمى وظلمت اخويا اللي من لحمي ودمي وكدبته وقولتله انت فاهم غلط علشاانك ولاجل اني واثق فيكي وعارف انك متعمليش فياا كده ومتخونيش المكان اللي ليه فضل عليكي بس يظهر اني كنت غبي ولولا علي فعلا كان هيتختم على قفاياا من حتت بت زبااله زيك لا رااحت ولا جاات بس وماله انا اللي استااهل اني واثقت فيكي ياندى وزي ما عليتك لسابع سما هنزلك لساابع ارض وانتي ولا تنفعي موظفه ولا تنفعي زوجه ولا ليكي تلاتين لازمه اصلا ومن انهارده خلاص انسي كريم خاالص
ندى اتصدمت وقلبها وجعها وتابعت بدموع يعني ايه !! يعني ايه يكريم ؟!! انت بتهزر صح؟؟قول انك بتهزر ورحمه ابوك وعيطت اكتر ومسكت ايديه وتابعت كريم لا انا مش هقدر اعيش من غيرك صدقني
كريم بصلها بضيق بملامح خاليه من اي مشاعر وعدم تأثر بدموعها وشد ايديه وتابع بحده يلا ياعلي انا مش فاضي للكلام ده وابقى فكري عتبي باب الشركه وانا اخلي الامن اللي كانوا بيحترموكي يطردوكي برا وسابها ومشي ففضلت تعيط بهستريه وهي مغلوله من علي ومش قادره تفهم ازاي ضحك عليها كده وعلي بصلها وهو بيبتسم بانتصار ومشي مع كريم وركب جنبه العربيه ومشيوا وبعد شويه كريم كان زي ماهو مثبت عينيه على الطريق وبيسوق وساكت فعلي بصله وتنهد وتابع هتفضل ساكت كده كتير؟
كريم من غير مايبصله تابع بوجع عايزني اقول ايه ولا ابص في وشك ازاي؟؟
علي بابتسامه اقف على جنب في اي حته بس وانا هخليك تبص في وشي وتكلمني وتحضني وكله متخافش مش هديك علقه علشان مبتهونش عليا
فكريم ابتسم غصب عنه وتابع تقدر تمد ايدك يا ابن الجزمه؟
علي بحب تتقطع قبل ما تتمد عليك يكبير دي موجوده ليك مش عليك
فكريم ابتسم بوجع وبصله وتابع بتصعبها عليا يعلي
علي بحب ولا بصعبها ولا حاجه اقف بس يلا اتخنقت عايز انزل مبعرفش اتكلم كده فكريم وقف بالفعل على جنب ونزل وبص قدامه وتنهد بعمق ووجع وعلي نزل وراح حط ايديه على كتفه وتابع بابتسامه فك بقى مانا لحقتك اهو مستحيل كنت اسيب شركتك تغرق ياعبيط
كريم بصله بحزن وتابع علي انا حقيقي مش عارف اقولك ايه
علي بحب متقولش حاجه وضحك وتابع بس هتديني كام حلاوه من الفلوس اللي متسرقتش دي
فكريم فضل يضحك وتابع ده انت تاخد عيوني يسلام
علي بضحك مينفعوش
كريم فضل يضحك وتابع لا انت عارف انا بتكلم جد بعيدا عن الشركه خالص انا فلوسي كلها تحت رجلك وبتاعتك
علي بابتسامه ده العشم يقلب اخوك
كريم بصله وتنهد بوجع وتابع انا اسف يعلي وباس راسه وتابع وحقك على راسي مكنش مفروض اعمل معاك كده حتى لو انت اتسرعت في قرارك ومشيت
علي بابتسامه ومن امتى الكبير بيعتذر؟
كريم ابتسم بوجع وتابع لما يجي على الصغير يبقى الاعتذار واجب خصوصا انه زعل اخوه مش حد غريب
علي ابتسم وتابع وانا مش زعلان منك يكريم ..الفتره اللي سكت فيها واختصرتك خدت حقي في الزعل وزياده ولما انت صممت تكلمني بعد الصلاه لقيت نفسي مش عارف ابعد عنك اكتر من كده فصممت اسمعك خيانه ندى بنفسك علشان نقفل الصفحه دي وللابد
كريم تنهد بوجع وتابع ده كان لازم يحصل من زمان بس حقيقي انا اللي كنت غبي
علي بابتسامه محدش بيتعلم ببلاش يا كيمو المهم اللي جاي
كريم بابتسامه عندك حق تعالى وحضنه جامد فعلي حضنه وطبطب على كتفه فكريم الدموع اتجمعت في عينيه وتابع ربنا ميحرمنيش منك ابدا يقلب اخوك
علي بحب ولا منك يغالي وضحك وتابع وبعدين انت فاكرني هنسى الفلوس اللي دفعتها في الكافيه علشان اجيب الحلوه دي تقعد دققتين اسمعك ونمشي؟ لا والله مايحصل هتعزمني في اجدعها كافيه دلوقتي وتعوضني علشان ملحقتش اشرب القهوه هناك
كريم فضل يضحك وتابع لالا ازاي طبعا ده انت حتى داخل كليه وبتوفر كل جنيه ازاي تدفع تمن القهوه ومتلحقش تشربها يعني تعالى هعزمك في المكان اللي تختاره يسلام
علي فضل يضحك وتابع ايوه كده حس بيا انا طالع عين امي الفتره دي مش هندفع فلوس على الارض علشان نسمعك الكلمتين كمان
كريم فضل يضحك ومشيوا راحوا قعدوا في كافيه على البحر وهما بيشربوا قهوه وبيتكلموا فتابع علي وهو بيشرب: كلمت هناء ولا؟
كريم بتنهيده رنيت والله بس مقفول غالبا لسه في الطياره
علي بذهول لحد دلوقتي !! ده تعب ياخي والله ايه كل ده
كريم تنهد بحزن وتابع نعمل ايه بقى نصيب .. انا والله ما عارف مخي كان فين وانا ببعدها عني كده بس بايدي ايه هي عايزاه وبتحبه فربنا يسعدها ويهون عني
علي بحب حقك عليا والله حاسس بيك بس الاهم فعلا اننا نشوفهم مبسوطين ده اللي احنا بنتمناه ومش عايزين غيره
كريم بابتسامه يارب اللهم امين
علي شرب وتابع بابتسامه ولعلمك انا لحد انهارده مش راضي ادي مالك عقاد نافع بمعاد كتب الكتاب علشان مستني كلمتك وموافقتك على جواز سلمى دي اختك وليك فيها زيي بالظبط ميغركش الكلمتين اللي خرجوا مني ساعه غضب دول
كريم تنهد وتابع بابتسامه انا عارف على فكره وواخد بالي وقولت لنيره علي عمال يأجل في كتب الكتاب مستنيني اوافق بس سلمى بتحبه وعايزاه وزيها زي هناء انا مش بفرق بينهم فمش هقدر ارفض ربنا يسعدها يارب
علي بضحك يعني انت ملاحظ انها بتحبه اهو يعني انا مش مجنون !!
كريم بضحك ياابني اه طبعا وهي قالتلي انها بتحبه لما اتعصبت عليها وانت جيت قولتلي انا موافق ومش عارف ايه
علي بضحك اصل بتخاف تقول قدامي كده بس انا شايف الحب ليه في عينيها عامه
كريم اقولك حاجه؟ سلمى غالبا محبتش الا مالك يعني حبها لحازم ده كان كلام فاضي كنا هندبسها
علي بتنهيده انا حسيتها والله فعلا لسه كنت بقول لنفسي كده اصل سلمى لما اتجوزت حازم مكانتش بتوافق تحضنه او تبص في عينيه وتتكلم او حتى تقعد معاه انما مع مالك شايفها بتقف وتتكلم وتضحك ومبسوطه
كريم بابتسامه ربنا يفرح قلبها يارب ويعوضها
علي بصله وتابع يارب ..بس مش سلمى بس اللي محبتش حازم حتى انت محبتش ندى مش كده ولا ايه؟
كريم بتنهيده ايه خلاك تقول كده بقى؟
علي بابتسامه قدرت تستغنى عنها بسهوله لما عرفت باللي عملته وكلامك كله معاها كان عن خيانتها للشركه والشغل مش ان حبيبتك خذلتك واديتها ضهرك ومشيت عادي في عز ما انا لما بتخيل حبيبه مكانها مبيهونش عليا ننفصل حتى لو هزعل وهربيها على غلطها ده
كريم تنهد وتابع بابتسامه اه صح برافو عامه ليك مستقبل في قرايه الناس من غير ما يتكلموا ياحضره الظابط
علي بضحك لا سيبك من الناس خلينا فيك .. اللي يقفل على قلبه وعايز يتجوز وخلاص من زن اللي حواليه ده غالبا بيبقي في حد تاني شاغله بس شايف ان مستحيل يوصله
كريم بصله بتفاجئ وتابع وسام خلاك تقرا كتب علم نفس معاه ولا ايه؟
علي فضل يضحك وتابع لا ياروح امك ده علشان انا مريت مع حبيبه بكده لما شوفت اني مستحيل اخدها وامي شغاله زن اني اخطب روحت على رفيده علطول ففاهم الوضع ده وغالبا من خبرتي بردو عارف مين اللي شاغله قلبك
كريم تنهد وتابع مين بقي يا فيلسوف عصرك؟
علي بضحك نيره اللي ليل نهار بتحلف انها اختك مش كده؟
فكريم اتفاجئ من ملاحظه علي وتابع بذهول لا انت لسه مدخلتش شرطه وهتقرفنا ولا ايه
علي فضل يضحك وتابع يعني كلامي صح؟ اصل المبالغه في ردود الافعال تعني عكسهاا بالظبط وانت نايم قايم دي اختي اختي فـ زي ماتكون عايز تقنع نفسك بكده بالعافيه
كريم بوجع ده زي مايكون انت اللي قاعد جوايا وشايف ان حاسس بايه وتنهد وتابع يظهر ان بنات المحمدي الاتنين كانوا مصممين يعذبونا
علي ابتسم وتابع طلع اللي جواك يكريم
كريم تنهد وتابع هقولك
---
عند اسيا كانت واقفه دايخه وحاسه باجهاد وبتقطع البصل علشان الغدا وبصت للساعه لقيتها 3 العصر فسابت اللي في ايديها ودخلت اوضه النوم لفارس لقيته قاعد وتولين جنبه وبيعملوا الواجب بتاعها فتابع بتشجيع ايوه برافو شطوره يقلب بابي وباس خدها
اسيا بتنهيده انت صاحي يفارس! ده انا داخله اصحيك علشان العياده
فارس بصلها وتابع بابتسامه اه يعني بقالي نص ساعه كده توتي صحتني علشان نكتب الهوم ورك مع بعض بس اسم الله عليكي يحبيبتي انهارده الجمعه يعني اجازتي
اسيا بصتله بذهول وتابعت يخرابي علياا انا كل ده ناسيه ان انهارده الجمعه والله العظيم
فارس بضحك معلش بتحصل بتحصل بس ماهي توتي منزلش الحضانه قدامك اهي ده مفكركيش ان احنا الاتنين بنقعد على قلبك مع بعض؟
اسيا تنهدت وتابعت لا حقيقي مخدتش بالي انا تعبت والله وحطت ايديها على جبينها
فارس بصلها باستغراب وتابع مالك يا اسيا فيكي ايه يحبيبتي؟؟ انتي كويسه؟؟
اسيا بتعب كويسه كويسه متقلقش ورايحه تخرج فتابعت تولين بحماس مامي انا خلاص فاضلي 4 صفحات عايزه كورن فليكس اكل انا وملوكه بليز وهرجع اكمل
اسيا بصتلها بضيق وتابعت بحده مفيش زفت ولا نزول لملك غير لما تخلصي الهوم ورك بتاعك علشان تتربي وتتعلمي لما تيجي من الحضانه الهوم ورك يتكتب وميتسابش للاجازه تاني
تولين بصتلها بحزن وتابعت يمامي بليز وراحت مسكت ايديها باستها وتابعت بليز
اسيا شدت ايديها وتابعت بحده ولا بليز ولا زفت روحي كملي يلا علشان ممدش ايدي عليكي
فارس بابتسامه توتي روحي برا يابابا عايز مامي في كلام كبار ممكن؟
تولين هزت راسها بحزن ومشيت برا الاوضه ففارس قام قفل الباب وبصلها برفعه حاجب وتابع بحده مالك في ايه انهارده !! ا
فيكي ايه على الصبح؟؟ ده اسلوب تعاملي بيه عيله صغيرره يا اسياا !! طب كنتي فكري مدي ايدك عليها وانا اكسرهالك خالص
اسيا بحده فارس لو سمحت متدخلش في التربيه عامه وسيبني اربي بنتي بمعرفتي
فارس مسك دراعها وتابع بعصبيه انتي صوتك ده ميعلاش وانتي بتتكلمي معاياا علشان قسما بالله اهين اهلك واقطعلك لسانك المترين ده احترمي نفسك يا اسياا وحصل اييه لكل ده عيله بتطلب منك بريك وهترجع تكمل مذاكرتها ايه الغلط اللي غلطته علشان اسلوبك السخيف في التعامل معاها ده وشدت ايدك منها وهي بتبوسك بالشكل المهزق دده هاا
فاسيا سكتت ودموعها نزلت فتابع فارس بعصبيه وهو بيمسك دراعها جامد: لاا مانتي تردي عليااا علشان مهزقكيش مش معني اني بقول معلش حامل فاستحمل تصرفاتها فـ ده يديكي حق انك تتجنني على اللي خلفوناا وهسكتلك .. اييه محدش حِمل الا انتيي !!
اسيا بصتله بدموع وتابعت انا اعصابي تعبانه شويه يفارس بس بليز فعلا متدخلش في تربيتي لبنتي سواء تولين او البيبي اللي جاي انا اللي قاعده معاهم طول النهار وانا اللي بربيهم
فارس بعصبيه ليه عيالك لوحدك ؟!!
اسيا بتنهيده ودموع يفاارس انا بقولك ان ..
فارس قاطعها بعصبيه وتابع انا بسأل سؤال محدد عيالك لوحدك ؟!! اصل لو بنسبالك الكلام رايح ناحيه ان تولين متخصنيش واللي في بطنك يخصني يبقى انتي بتحلمي انا هربيها وهتدخل في تربيتها وهحكم عليها وكلمتي انا اللي هتمشي في الاخر غصب عنك مش بمزاجك ومش هفرق بينها هي و اخوها او اختها فايااكي اسمع كلمه اربي بنتي بمعرفتي دي تاني يا اسياا ايااكي
اسيا بدموع لا مقصدش كده يحبيبي بنتك طبعا بس هي تولين لو انا مشدتش عليهاا هتستعبط وانا خايفه عليها فطريقتي طلعت معاها كده انما انا مقصدش والله
فارس بعصبيه في حاجه اسمها اسلوب وباسلوبك تقدري تعملي اللي انتي عايزاه وتخليها تكتب الهوم ورك وهي متحمسه مش وهي بتعيط من الخرا اللي عملتيه في حقهاا وانا مش هنزلها تاخد البريك لاجل اني مينفعش اكسر كلمتك قدام البت وتفكر ان اللي انتي ترفضيه انا هوافق بيه بس اسلوبك يتغير معاها يا اسيا علشان مقلبش عليكي
اسيا دموعها نزلت وتابعت حاضر والله ففارس تنهد وفتح الباب وتابع تولين
تولين من بعيد نسبيا نعم يا بابي
فارس بحب تعالي يقلب بابي
فتولين جريت عليه ففارس شالها وتابع حبيبه قلب بابي من جوه وباس خدها وتابع انا اتكلمت مع مامي وهنخليكي تنزلي مع ملوكه وتجيبي اللي انتي عايزاه بس علشان تلعبي براحتك اليوم كله ومتشيليش هم الهووم ورك ان لسه فاضل حبه فنقعد سوا دلوقتي نخلصه خالص ونلعب براحتنا اتفقنا؟
تولين باست خده وتابعت بحماس اتفقنا ففارس حضنها وباس جبينها بعمق وبصلها وتابع ومتزعليش من مامي هي بس تعبانه شويه بسبب النونو فاتعصبت عليكي حقك عليا
تولين هزت راسها بماشي فاسيا راحت باست ايديها وخدها وتابعت بابتسامه وعينيها فيها دموع حقك عليا ينورعين مامي من جوه انا اسفه مقصدش اتعصب عليكي
تولين ابتسمت وحضنتها فاسيا غمضت عينيها ودموعها نزلت وزودت من احتضانها فتابع فارس بحب يلا بقى نخلص بسرعه؟
تولين خرجت من حضن اسيا وتابعت بحماس يلا واسيا خرجت وهي بتعيط بصمت وفارس قعد مع تولين وشويه وخلصوا الهووم ورك فقفلت الكتاب وتابعت بحماس هنزل لملوكه بقى
فارس بابتسامه انزلي يعمري في هنا كورن فليكس ولا اديكي تجيبوا من السوبر ماركت تحت البيت؟
تولين بابتسامه لا مفيش هنا هنجيب من عمو محمود
فارس فضل يضحك وتابع حفظت اسمه كمان وفتح الدرج جاب فلوس من محفظته وتابع بابتسامه امسكي يا اميره قلبي وحياتي فتولين خدت الفلوس وحضنته باست خده وضحكت وتابعت بحبك خالص ففارس فضل يضحك وحضنها اكتر وتابع وانا بموت فيكي هاتي ليكي انتي وبنت عمك اللي انتوا عايزينه علشان كنتي شطوره وخلصتي كل الهوم ورك بتاعك
تولين بفرح حاضر ونزلها فجريت على برا ونزلت وقفلت الباب وفارس خرج من الاوضه ودخل لاسيا المطبخ لقى عينيها مليانه دموع فحضنها من ضهرها وتابع هتفضلي تخبي عني كده كتير؟
اسيا اتخضت ومسحت دموعها وتابعت اخص عليك يفارس خضتني ..واخبي عليك ايه بس يحبيبي
فارس بتنهيده اللي معكر مزاجك من صباحيه ربنا وبيعيطك دلوقتي ماهو انا مش متخلف ولا غبي يا اسيا
اسيا بحزن ده من البصل يحبيبي سلامتك هيكون فيا ايه بس
فارس بعصبيه سلامتك انتي مالك يا اسيا في ايه هو انا هتحايل عليكي ومسك دراعها لفها وتابع بعصبيه لفيلي كده واتكلمي في وشي علشان الدلع والهدوء مش نافع مع اهلك
اسيا بحب ودموع يحبيبي صدقني مفيش انا مضغوطه شويه بس ومش قادره اقف اطبخ وحاسه اني دايخه وتعبانه
فارس بحده عيني في عينيكي كده؟؟
فاسيا بصتله بتوتر وتابعت بدموع مفيش يفارس صدقني مفيش انا بس حقيقي مش قادره اعمل اي حاجه ومخنوقه اوي مش فاهمه مالي وصعبان عليا اللي عملته في تولين
فارس تنهد وطفى النار اللي شغاله على الحله وتابع خلاص سيبك من الاكل تعالي ارتاحي شويه وانا هجيب اكل من برا انهارده
اسيا بلهفه لالا وعلى ايه انا هكمل والله و
ففارس قاطعها وتابع بحب خلاص اهدي بقى قولت هجيب من برا مفيهاش حاجه مانتي ياما وقفتي عملتي
اسيا حضنته وتابعت انا بحبك اوي بجد يفارس
فارس ضمها ليه اكتر وباس راسها بعمق وتابع وانا بموت فيكي يانن عين فارس
اسيا بصتله بحب وحطت ايديه على صدره وهمست عارف انت واحشتني اوي بس للاسف ابن الكلبه ده مانعني عنك
فارس اتأثر بنبرتها وحركه ايديها وسند جبينه على جبينها وتابع وانتي واحشتيني اكتر تعالي بس ونبقى نشوف حوار ابن الكلبه ده بعدين
اسيا بضحك مش هينفع يحبيبي انا معرفش نظام حملي ايه اصلا وبعدين ده هما يومين هو انا بعدت عنك100سنه اهدى كده بس انت ماصدقت ولا ايه
فارس بضحك ماصدقت طبعاا وكده كده مكنتش هعدي الاجازه كده بتهزري ولا ايه ووطى شالها بين ايديه فاسيا شهقت وفضلت تضحك ولفت ايديها حوالين رقبته وتابعت قال يعني بتعدي ايام الشغل كده
فارس فضل يضحك وتابع قولي بسم الله ما شاء الله واحترمي نفسك لـ النعمه تزول من وشك وترجعي تزعلي
اسيا سندت جبينها على جبينه وهمست بذمتك تقدر تبعد عني؟!
فارس بحب مستحيل وباسها بعمق وهو ماشي بيها ناحيه اوضتهم فاسيا بعدت عنه علشان تتنفس وتابعت بضحك فارس بجد متهزرش طب لما نكشف بكره ونشوف كلام الدكتوره طيب
فارس حطها على السرير بهدوء وتابع بضحك يااسيا ده ابني هو حد هيخاف على ابني قدي بالذمه !!
اسيا فضلت تضحك وتابعت اه الدكتوره هتخاف اكتر عادي جدا لان انت لما اسيا بتوحشك بتبقى في عالم موازي
فارس قلع تيشرته رماه وفضل يضحك وتابع وهو بيقرب عليها لا والله ماتخافي ووطى باس رقبتها فاسيا غمضت عينيها تنسى كل اللي مضايقها ولفت ايديها حوالين رقبته تضمه ليها اكتر ...
وبعد وقت كانت اسيا نايمه على صدر فارس ومغمضه عينيها وفارس حاطط ايديه على ضهرها وهو واخدها في حضنه فهمست عايزه اقوم اخد شاور ومكسله اوي
فارس ابتسم وتابع بخبث خلاص تعالي اشجعك
اسيا فضلت تضحك وتابعت لا شكرا انا هتشجع لوحدي وبصت للساعه وتابعت ده مفاضلش على المغرب كتير اوعا اقوم كده علشان الحق ونتوضى ونصلي سوا
فارس باس خدها وتابع بحب خليكي خمسه طيب ودفن وشه في تجويف رقبتها يستنشق ريحتها اللي عجباه فاسيا فضلت تضحك وتابعت لا مينفعش دلعك ده ها البت ممكن تطلع فمش هنطلع نجري ورا بعض في الاوضه فاوعا كده عايزه الحق
فارس باس رقبتها بعمق وتابع قولنا خمسه اتهدي بقى الله
فاسيا غمضت عينيها وهمست فارس
فارس بحب عيونه
اسيا بضحك 100 مره اقولك متبوسنيش في رقبتي امك شافتها مره لما فكيت الطرحه تحت وفضلت تسمعني كلام
فارس بصلها برفعه حاجب وتابع انتي علشان كده بترفضي !! ده انتي اتهفيتي في مخك والله وقالتلك ايه امي ان شاء الله مش فاهم !!
اسيا فضلت تضحك وتابعت قالتلي كلام كسفني والله فبقيت اخد بالي مقلعش الطرحه بس انت فاكر هتقول ايه ؟؟
فارس بضيق فاكر هتقولك ازاي ومش عارف ايه واللي اختشوا ماتوا والجو بتاعها ده
اسيا فضلت تضحك وتابعت لالا طبعا مستحيل تقول كده هي قالتلي طب داري نفسك ياختي ومش عارف ايه وكلام من ده انما هي على قلبها زي العسل ان ابنها مراته نغشه كده وغمزتله
فارس فضل يضحك وتابع بغمز الا نغشه وحط ايديه على وسطها وقربها منه وتابع دي ست النغشين كلهم كمان بس دي حاجه متكسفكيش يقلبي عادي مش من جوزك حبيبك؟
اسيا فضلت تضحك وحطت ايديها على خده وتابعت بحب طبعا حبيبي ودنيتي كلها كمان
فارس بحب خلاص يبقى مفيش حاجه تكسف وقومي يلا خدي شاورك احسن لو طولتي بالدلع بتاعك ده انا مش مسئول فاسيا فضلت تضحك ووطت جابت الكاش بتاعها ولبسته وقامت تاخد شاور وفارس حط ايديه ورا رقبته وسند ضهره للسرير واتنفس بقوه وفون اسيا كان جنبه على الكومود فمسكه وكتب تاريخ ميلاده ففتح وظهرت قدامه صوره ليه هو واسيا وتولين يوم فرحهم فدخل على الواتساب ولقى زياد تاني شات بعديه فاستغرب ودخل لقى شات «اسيا صباح الفل يحبيبتي انا مش قاصد اضايقك او اوترك بس سليم مصمم يرجعك لعصمته وعمال يهري بقاله يومين في الموضوع ده وانا مجبتلوش سيره بجوازك فبنبهك حاولي ميوصلكيش خالص»
فاسيا كانت بعتاله «يرجعني لعصمته ايه يا زياد !! اخوك مطلقني بالتلاته هو اتهبل في دماغه ولا ايه !!»
فزياد رد «يابنتي ماهو بيقول ان عليها جدال لان علي وكريم ضربوه واجبروه يطلقك وطلما قالك انتي طالق 3 مرات ورا بعض دي وفي نفس الوقت بتتحسب طلقه واحده فقالي هيسأل في دار الافتاء وهيرجعك والمشكله ميعرفش انك اتجوزتي اصلاا وجوازك بقى ضدك مش في مصلحتك لان حتى لو سليم طلقك بالتلاته فجوازك رجع يحللك ليه تاني لان فارس كده قام بدور المحلل بينكم»
فاسيا بعتت «اخوك ده دماغه تعبانه وشكل كتر الادماان عمااه سيبك منه يعرف ولا ميعرفش انا ميخصنيش ومستحيل ارجعله قوله ابعد عن اسيا وحياتها بدل ما وعهد الله هفضحه قدام الدنيا كلها واقول اطلقنا ليه انا لحد دلوقتي ساكته وعامله بالعيش والملح يا زياد»
فزياد بعتلها «لحظه بس هو مش الادمان هو السبب الوحيد لطلقكم !»
اسيا بعتت «لا بس انا مش هتكلم في حاجه وخليه يبعد عن حياتي انا وبنتي ويسيبنا في حالنا انا ست متجوزه وبحب جوزي وحامل فمش ناقصه اي قرف وعك من الماضي مش عايزة حد يتكلم علياا من اهل جوزي بالوحش ولا اكون مش صايناه فارجوك يا زياد ابعد اخوك عني»
زياد بعتلها «ربنا يسعدك يحبيبتي ويكملك حملك على خير وانا هحاول ابعده من غير ما اجيب سيره جوزاك لانه ممكن يستخدمه ضدك بأي شكل»
اسيا بعتتله «شكرا يا زياد ربنا يخليك » فزياد عملها رياكت قلب وسكتوا وفارس كان باصص للفون بذهول ومصدوم ان ليه اسيا تخبي عليه كل ده ومتعصب من سليم وتفكيره فانه يرجعها مراته فغمض بعصبيه وهو بيحاول يتحكم في عصبيته وقام وهو بيمسح بايديه على وشه بضيق شديد وشاف اسيا خارجه من الحمام شعرها مفرود وبينزل نقط مايه ولافه فوطه قصيره حوالين جسمها مبينه اغلب رجليها وتابعت مش بنادي عليك يفارس بقولك هات البورنص ايه يحبيبي مش سامعني؟
فارس بصلها بحده ورفع الفون في وشها بالشات وتابع بعصبيه ايه الخرا ده هاا ؟!! هو ده اللي واخد عقلك من الصبح يا اسياا !! ومفكرتيش ثانيه ترجعي للحيوان اللي متجوزاه وتحكيله !!
اسيا اتصدمت بشده وتابعت بدموع وخوف فارس اسمعني بس انا كنت هقولك والله و
فارس قاطعها وتابع بعصبيه تقوليلي ايه وزفت ايه ده انتي علشان تنسيني اللي كنت بتكلم فيه في المطبخ قولتيلي انت واحشني وانا زي الغبي مكملتش كلامي معاكي إني اعرف فيكي ايه واستجابت لحركاتك ورمي الفون بعصبيه على الارض فاسيا اتخضت فتابع فارس بعصبيه اكبر: علاقتي بيكي بقيت بنسبالك وسيله لانك تلهيني عن اي حااجه وتغلطي وعارفه هتراضيني وتعصبيني وتمتصي غضبي مش كدده يامدام يا محتررمه بس الحق مش عليكي الحق على اللي بينسى الدنيا كلها لما يقرب منك
اسيا دموعها نزلت بقهر وتابعت انت شايف كده يفارس !! اسيا كده !! يعني انت مكنتش واحشني بجد ؟!
فارس مسك دراعها وتابع بعصبيه اه مكنتش واحشك بجد واكبر دليل انك اتحججتي باللي في بطنك بعديهاا بس المهم عندك خلاص نستيني اني كنت مصمم اعرف فيكي ايه مش كده يا اسياا ؟!!
اسيا دموعها نزلت بغزاره وتابعت مكنتش عايزه اضايقك واحكيلك اللي حصل وخوفت من سليم ورده فعله لما يعرف بجوازي منك وجوايا صراع ودوشه كبيره اوي فكل اللي جاي فمحبتش ادخلك فكل ده فقولتلك انك واحشتني علشان افصل من افكاري يفارس لان قربك الحاجه الوحيده اللي بتخليني مبسوطه وهاديه
فارس بصلها بنظر رعبتها وتابع بهدوء : وعلشان تتوهي على موضوع سليم .. متنكريش ده انا اللي مربيكي
فاسيا دموعها زادت وسكتت باحراج
فارس ابتسم بسخريه وتابع شوفتي بقى اني مش بفتري عليكي ولا حاجه بس وماله يا اسيا انا هعرف اربيكي ازاي وانسي انك تاثري عليا تاني
ورايح يمشي فتابعت بعياط وغلاوتك عندي دي المره الوحيده اللي استغل فيها علاقتنا ببعض علشان محكيش حاجه انت مصمم تعرفها انما غير كده عمري ما عملت كده ابدا يفارس وفعلا انا كنت محتجالك وعايزه افصل من اللي انا فيه صدقني
فارس بعصبيه اول مره ولا اخر مره معدتش تفرق بس انا مش غبي وواخد بالي وقولت همسك فونها واشوف كلامها مع اي حد لاني واثق ان اسرارك تتعرف للدنيا كلها بس جوزك لا وبالفعل لقيت اللي بدور عليه فانتي مضحكتيش علياا ونسيتيني لا للاسف محاوله فاشله يا اسيا هانم وبالنسبه لسليم ده بقى فيبقى يفكر يدخل حياتنا تاني وساعتها حسابه هيبقي معايا انا متدخليش نفسك وسابها ودخل ياخد شاور ورزع الباب وهي قعدت علي الارض وفضلت تعيط وكتمت بوقها وعياطها بيزيد وشويه وخلص وطلع لابس تيشرت وبنطلون جينز وسرح شعره ورش برفيوم ومبصش على اسيا اللي مقامتش من الارض وبتعيط ونزل من غير ولا كلمه ورزع الباب وراه ففضلت تعيط اكتر وحضنت ركبتها
---
عند هناء ووسام كانت الساعه 11 ونص الصبح بتوقيت نيويورك و6 ونص المغرب بتوقيت مصر فوصلوا بالعربيه قدام ڤيلا وسام فهناء بصت بانبهار وتابعت ايه ده احنا وصلنا !!
وسام ابتسم وتابع ااه يلا انزلي ونزل وحاسب الراجل وفتحلها الباب
هناء نزلت وهي بتبص حواليها بانبهار والعربيه مشيت
وسام بابتسامه عجبك المكان؟؟
هناء ضحكت وتابعت جداا انت بتهزر ولا ايه دي جنه ايه الحلاوه دي بجد هي الفيلا دي بتاعتك !! دي اللي قعدت فيها طول فتره دراستك في امريكا ؟!
وسام بابتسامه مش بالظبط يعني وانا بدرس اكيد لا انما لما اتخرجت واشتغلت اه قدرت اجيبها والكومباوند كله اغلبه الدكاتره صحابي ولينا وماما كانوا قاعدين معايا هنا
هناء بضحك لا بجد تحفهه انت مقولتليش ليه ها ده انا فكرت شقتنا اللي في مصر مفيش بعدها جمدان بس طلع في الاجمد اهو وريني يلا
وسام بابتسامه تعالي طيب وبص للامن اللي بمجرد ما شافهم فتح الباب فتابع وسام "كود يو برينج ذيس باجز بليز "(لو سمحت ممكن تجيب الشنط دي) فالامن رد عليه " شور اوفكورس "(اكيد حاضر) فدخلوا وفتحلها الباب فدخلت وبصت للمكان بانبهار شديد وتابعت يخربيت التحفه بجد يوسام حقيقي خطييره خطييره !! انا لازم اشوفها ركن ركن ورايحه تمشي بحماس فوسام حط ايديه على وسطها وشدها ليه وتابع بضحك ركن ركن ايه هو احنا فاضين؟ ماتخلي عندك دم
هناء فضلت تضحك وتابعت اتفرج بس لحد ما عمو اللي عينيه تحفه ده يجيب الشنط
وسام برفعه حاجب ماله ياهناء؟
هناء فضلت تضحك وتابعت بهزر بهزر والله ده قد ابويا مالك في ايه
وسام بضيق اياا كان متقوليش كده
هناء بضحك حاضر والله من عيوني وباست خده وتابعت بحب متتقمصش بقى الله ده محدش في جمال عيونك وتعالي فرجني عليها يلاا انا مبسوطه اوي
وسام بغمز ماتيجي افرجك علي اوضتنا؟ احلى مكان في الفيلا عامه واخر مره كنت هنا قبل مانتجوز ظبطهالك وحطيت صورتنا بتاعت الخطوبه وشكلها بقى تحفه
هناء فضلت تضحك وتابعت هشوفها حاضر بس اخر حاجه تعالي بس وريني ولفت نظرها الباب الازاز اللي اخر الصالون فشهقت بانبهار وتابعت ايه دده دي جنينه !!
وسام بضحك وتابع ااه اومال لو عرفتي ان في بيسين هتعملي ايه؟
هناء بدهشه في ايه !! لالا انا مش طالعه فوق انهارده اتاريك بتقولي شهر عسل شهر عسل وانا اقول عسل ايه وزفت ايه في امريكا بس يلا كفايه احنا لوحدينا كده فهمت وقلعت الكعب وطلعت تجري وهي بترفع فستانها
وسام فضل يضحك بشده وتابع خدي يابت خدي الله يخربيت اهلك بتشلحي وتجري هي الترعه اللي تحت بيتكم في البلد يهنااء
هناء وهي بتجري بضحك: هشش البيسين هياخدني منك خلاص اخرس خالص
وسام فضل يضحك وتابع ادي اخري اللي يتجوز عيله20سنه ماشي يهناء تشكري ولقى الامن جاله بالشنط فشال معاه وطلعوا بيها للجناح بتاعهم ونزل تاني والامن مشي فوسام قفل الباب ودخل لهناء لقاها واقفه قدام البيسين منبهره بحجمه وشكل الزرع والورود والكنب الشيك اللي محطوط بعيد نسبيا وفي النص ترابيزه فحضنها من ضهرها وتابع بابتسامه مبسوط انها عجبتك بالشكل ده عامه
هناء بابتسامه دي تحفه بجد ربنا يزيدك ويعليك اكتر واكتر ينن عيني ولفتله وتابعت بس ايه حجم البيسين ده كله يوسام انا فكراك مقدرني وعامل ركن للاطفال ده انا اغرق فيه ده وعمري مانزلته انت مش شايف طولي وحجمي !!
وسام فضل يضحك بشده وتابع لالا يعمري متقلقيش انا عارفك تغرقي في شبر مايه فهنزل معاكي هو انا هسيبك بردو وغمزلها فهناء ابتسمت وتابعت اتفقنا جداا
وسام بحب طب مش كفايه اهتمام بالفيلا ونهتم بصاحب الفيلا شويه؟ وبيقربها منه
هناء بضحك وتوتر لالا وسام اتلم بدل ما والله هخليك تاخد شاور محصلش دلوقتي وهرميك في البيسين علشان تتربى
وسام بصلها بتفاجئ وتابع بضحك اخص عليكي يانوئه ههون عليكي ؟ووطى دفن وشه في حضنه وانفاسه جات على رقبتها وترتها
هناء غمضت بتوتر وتابعت بضحك اه تهون ابعد بدل ما والله هتزعل مني انا اتوترت وبعدين مش انت كده كده هتاخد شاور يعمري يلا اهو جاهز اهو
وسام فضل يضحك وبصلها وتابع متقدريش تعمليها انتي عبيطه ولا ايه
هناء بغيظ طب متتحدانيش هاا
وسام برفعه حاجب وضحك: طب بتحداكي قال ترميني في البيسين قال دكتور وسام العامري ليله فرحه يترمي في البيسين علشان بيستفرد بمراته انتي شكلك اتهبلتي يابنت حاتم ده انا اطلقك فيها
هناء فضلت تضحك وبصتله بذهول وتابعت تطلقني !! وبيستفرد بمراته يقليل الادب طب اشرب بقى انا عايزه اشوف هتطلقني ازاي وزقته بقوه وقعته في البيسين فشهق بخضه والمايه انتشرت غرقتها ففضلت تضحك بشده وهي مش قادره توقف من منظره فوسام مسح المايه عن وشه ورجع شعره لورا وتابع بضحك ده انتي ليله ابوكي سودا بس اطولك وصلت بيكي ترميني في البيسين علشان متوتره مني يهناء !! هو انا بغتصبك !!
هناء فضلت تضحك بشده وتابعت اخرس احنا بنات ناس اوي يحبيبي متقدرش تطول شعره مني خليك علشان تتربى قال تطلقني قال
وسام فضل يضحك وتابع يابت اي كلام هو انا اقدر بردو يا نوئه قلبي
هناء بضحك اممم استعبط استعبط علشان تنول مرادك الدنيئ
وسام بصلها بذهول وتابع بضحك الدنيئ !! الله يخربيت اهلك يابت انا جوزك على سنه الله ورسوله انتي محدش قعد معاكي خاالص ولا اييه
هناء فضلت تضحك وتابعت لا احنا متربين مبنقولش الكلام السافل بتاعك ده وبعدين مش انت قولت انك هتطلقني لو رميتك طلقني يلا
وسام بحب يغزال ده انتي لو رمتيني في النار بحبك وبدوب فيكي دوب .. هو انا تعبي علشان اوصلك كان شويه !!
هناء ابتسمت بفرح من كلامه بس حاولت متضحكش اوي
وسام فضل يضحك وتابع بوقك هيوجعك خليه يضحك الله يخربيت اهلك مش جوز امك اناا
هناء فضلت تضحك وتابعت لا قطوعه فمش هضحك في وشك لا
وسام بحب شوف مش رمتيني في البيسين ببدله فرحي والمفروض ارنك علقه بس بالله ماهقدر وحتي لو كشرتي في وشي زي القمر طلعي جوزك حبيبك واتربي بقى ومدلها ايديه
هناء فضلت تضحك وتابعت لا انسى الكلام ده روح للحديده اللي هناك دي واطلع مع نفسك وانا هجري البس60 بيجامه فوق بعض انا مضمنكش
وسام بصلها بذهول وفضل يضحك بشده وتابع 60 مره واحده !! والله ماهزهق ولا امل كنت مليت من كريم يغاليه
هناء فضلت تضحك وتابعت ده انت لازق جدا ياخي يخربيت كده
وسام بضحك جدا بس علشان مرخمش عليكي وريني رسمتي اسمي فين بس وشكرا على كده ابسطي يستي وغمزلها
هناء وشها احمر وتابعت لو هطق كده مش هيحصل
وسام فضل يضحك بشده وتابع ادي اخره تربيه كريم والقفله السودا اللي عيشكم فيها عايزه تحمي نفسها من جوزها
هناء بضحك محدش مضمون الزمن ده حتى انت اتجوزتني لهدف اخص عليك اخص متوقعتش
وسام بصلها بذهول وفضل يضحك وتابع هاتي ايدك بس طلعيني اخلصي مش هعملك حاجه
هناء بضحك لا اطلع لوحدك
وسام بحب وحياتي يا نوئه ومدلها ايديه
هناء ضحكت وتابعت ضعفت بصراحه ومدتله ايديها فوسام شدها وقعت معاه فشهقت بقوه ففضل يضحك بشده لدرجه عيونه دمعت وكان حاطط ايديه على وسطها فهناء فضلت تكح من المايه وحطت ايديها حوالين قربته وتابعت اخص عليك بجد يوساام الطرحه بقيت 10 كيلو فوق راسي بسبب المايه
وسام فضل يضحك بشده لدرجه سند راسه على كتفها وتابع لالا مش قادر بجد وربنا هموت حلوه الدخله المائيه اللي احنا عاملينها دي
هناء فضلت تضحك بشده وتابعت علشان تعرف اننا مميزين بس
وسام بضحك لا والله ما قادر بس شكلك تحفه وانتي زي الفار المبلول كده
هناء اضايقت وفضلت تضربه على كتفه وترش عليه مايه تابعت بضيق فار في عينك انا ست االبنات كلهم
وسام بضحك وست الدنيا كلها مش البنات بس وبص عليها وتابع الحمدلله الفستان تفصيل وبتاعنا كنا هنتهان لو تأجير
هناء بضحك وسام انا مش قادره اتحرك بجد حساني تقيله جدا والله
وسام بضحك هشيلك انا متخافيش وبص لعسليه عينيها وتابع لا بس مبلوله ومتبهدله وشكلك قمر والله ايه الحلويات دي يخربيت اهلك وقرب باس شفايفها برقه
هناء شهقت بحرج وضربت في كتفه ففضل يضحك بشده وتابع خلاص تعالي يلا وطلع قعد على الارض وقام وقف وهو ماسك ايديها وبينزل مايه بغزاره على الارض
هناء خافت وتابعت وسام اياك تسيبني الفستان هيغطس بيا والله
وسام فضل يضحك بشده وتابع لالا متخافيش مقدرش ووطى بضهره طلعها قعدت على الارض فتابع بسم الله وشالها بين ايديه وقام ففضلوا ينزلوا مايه زي المطر
هناء بصتله وتابعت بضحك يمصيبتي عجباك البهدله دي
وسام فضل يضحك وتابع مين اللي بدا الجنان انا ولا انتي
هناء بضحك انا متربتش حقيقي
وسام بضحك كويس انك عارفه وبقى يطلع بيها لحد ماوصلوا لاوضتهم فدخلوا وهناء بصت لشكل الاوضه وانبهرت جدا والبلكونه اللي بابها ازاز وبتطل على الجنينه وصورتهم على الحيط وكل التفاصيل عجبتها فتابعت بابتسامه ايه الحلاوه دي بجدد !!
وسام بضحك بتحايل عليكي تشوفيها من بدري شوفتي بقى ونزلها وقفت قدامه فهناء حست بتقل شديد كانها شايله جبل فتابعت وسام انا هدخل اغير مش قادره
وسام ابتسم وتابع استنى وبدا يسحب البنص من شعرها وهي واقفه بصاله بحب وثواني وشال كل البنص وشال الطرحه فظهر شعرها قدامه مربوط بتوكه فشدها فانسدل على ضهرها
هناء بضحك استنى بس هيتبهدل كده ده مبلول
وسام ابتسم وسند جبينه على جبينها وهمس استني بس خليكي معايا هخلصك من تقل الفستان خالص وايديه جات على سوسته ضهرها بتاعت الفستان بينزلها فهناء مسكت دراعه وتابعت وسام
وسام بصلها وتابع هتخافي مني بجد !!
هناء ابتسمت وتابعت مقدرش بس ممكن تقفل ستاير البلكونه لان الازاز منور الاوضه بشكل رهيب؟
وسام ابتسم من كسوفها وتفهم وتابع عيوني وراح قفل الستاير فضوء الاوضه بقى خفيف وحط واحده من ايديه على وسطها وشدها ليه وقرب باسها بعمق وايديه التانيه بتسحب السوسته لتحت وهناء لفت ايديها حوالين رقبته وتجاوبت معاه بحب ..
وبعد وقت كانت هناء نايمه في حضن وسام ومخبيه وشها في حضنه
وسام بضحك هتفضلي مستخبيه مني كده كتير؟
هناء بحرج هشش اخرس خالص دلوقتي
وسام فضل يضحك وتابع طب هناء مبهزرش والله يابابا ارفعي وشك بصيلي كده انتي كويسه؟ تعبانه من حاجه؟
هناء بصتله بحرج وتابعت كويسه بس مش اوي متقلقش
وسام بخضه ليه مالك ؟! حاسه بايه ؟!
هناء ابتسمت بكسوف وتابعت يحبيبي متقلقش عادي والله انا لو تعبانه تعب لا يحتمل هقولك اكيد انما ده عادي
وسام تنهد بعمق وخدها في حضنه وتابع طب ابقى كلمي اخوكي طمنيه رن فوق الخمسين مره
هناء بحرج لالا مستحيل اكلم كريم كلمه انت انا مش هرد بكلمه انا بقولك اهو
وسام بضحك لالا انتي اتجنتي والله قومي خدي شاور طيب وانا هكلمه
هناء بحرج لا والله مايحصل قوم انت الاول انا اصلا مش هقوم دلوقتي حاسه اني همدانه
وسام بضحك همدانه اه انا اضحك عليا
هناء فضلت تضحك وتابعت خلاص يباشا البضاعه المباعه لا ترد ولا تستبدل
وسام بضحك وانا راضي بنصيبي يحبيبي ابدل ايه بس ده انتي روح القلب ونن العين ووطى راسه باس رقبتها
هناء ابتسمت وحضنته وتابعت بشكر ربنا انه جعلك نصيبي حقيقي يوسام
وسام بحب ده انا اللي بشكره اضعاف والله ورفع ايديها باسها بعمق وتابع هاخد شاور وجايلك افرضي جسمك شويه
هناء ابتسمت وسكتت ووسام شد البورنص اللي كان معلقه جنب السرير ولبسه ودخل الحمام وهناء تنهدت بعمق وتابعت اللهم لك الحمد وجات تسند ضهرها للمخده شهقت وفضلت تضحك من ساقعه المخده بسبب المايه اللي كانت في شعرها وغرقت المخده فتابعت بضحك حرام عليك يوسام والله كنت سيبني حتى اشغل استشوار انشف شويه ولقيت فونه بيرن فيديو كول من يارا فاستغربت بشده بس قامت فتحت شنطتها بسرعه وجابت روب ستان بينك فاتح ولبسته وقفلته كويس ونامت على السرير وردت فيارا شافتها اتصدمت واضايقت فتابعت هناء بابتسامه خير ياروحي؟ متصله بجوزي فيديو كول ليله فرحه ليه هو احنا فاضيين للرغى؟
يارا بقهر لاياختي ليله فرحه كانت امبارح وانتي الصادقه واتصلت لان امه عايزه تشوفه وانا عندهم
هناء بابتسامه شوف من امبارح لدلوقتي احنا لسه معتبرينها ليله فرحنا ووسام مش فاضي بياخد شاور وفضلت تضحك وتابعت بغمز عريس بقي وانتي ست العارفين لما يطلع باذن الله لو فضينا هخليه يكلم ماما من عيوني الاتنين
يارا اتعصبت منها جدا وحست بغيره ومنظرها اكدلها انه فعلا لمسها فحست بقهر وقفلت الفيديو في وشها
هناء بصت للفون بذهول وفضلت تضحك ودخلت واتساب من فونها وتابعت شوف شوف الفون بيوقع بينا يا يورا وفصل ازاي !! بس انا عارفه انتي متعمليش الحركات اللوكل دي مع المدام بتاعت اخوكي والله يبارك فيكي يعمري مكالمتك فرحتني حقيقي وقفلت الريك وهي بتبتسم بانتصار وتاوهت بوجع من كل جسمها لما جات تقوم وتابعت علشان اغيظها كويس وقامت بالعافيه وغيرت الملايه والمخدات ولبست اسدال وشالت بدله وسام وفستانها وحطتهم على سور البلكونه وخرجت قلعت الاسدال ولبست الروب تاني وقعدت ولقيت وسام خارج لابس البورنص فابتسم وتابع قومي يلا انا خلصت
هناء هزت راسها برفض وتابعت مش قادره وعطست وتابعت الحمدلله .. وكل جسمي واجعني
وسام بصلها بتفاجئ وتابع حلاوتك !! انتي جالك برد !!
هناء وهي بتستخدم المناديل تابعت شكله كده اصل الصيف هنا غير مصر هنا يعتبر برد وكمان اتبلينا فمش قادره
وسام بضحك لالا هحس بندم كده اني غرقتك حقك عليا يحبيبي والله
هناء ابتسمت وتابعت طب بالعكس انا اتبسطت جدا والله بالجنان بتاعنا ده وهيفضل عامل ميموريز حلوه في حياتي
وسام ابتسم وتابع يارب مبسوطه العمر كله يحبيبتي ووطي حط ايديه تحت رجليها وشالها بين ايديه وتابع هساعدك تاخدي الشاور هناء شهقت وفضلت تحرك رجليها باعتراض وتابعت بضحك لالا والله ماينفع اوعى
وسام بضحك بطلي عبط بقى انا اصلا كنت محضرلك الحمام بعدي وفي رغوه في البانيو متخافيش مش هبص وفضل يضحك فهناء ضربته على كتفه وتابعت بضحك نفسي تبقي محترم والله
وسام بضحك مفيش راجل محترم مع مراته يحبيبتي ده تبقى عيب في حقنا وفك الروب ورماه وشالها حطها في البانيو
هناء استرخت وخدت نفسها بارتياح فابتسم وسام وتابع خليكي كده شويه لحد ما المايه تدفى هتلاقي جسمك ارتاح بس سخنه اوي ابردهالك ولا؟
هناء رجعت راسها لورا وهي مغمضه بارتياح وتابعت لا زي الفل كده
وسام ابتسم ووطى باس جبينها وتابع طب هروح احضر اي حاجه خفيفه ناكلها واجيلك وننام
هناء بابتسامه ماشي يحبيبي وشويه وكلم ماما كانت عايزاك بس لما نيجي ننام مش دلوقتي
وسام بحب ماشي وخرج وهناء استرخت خالص ودقايق وبقيت تكمل الشاور بسرعه محرجه لوسام يطلع وبالفعل شويه وكانت خلصت وخرجت من البانيو وشدت البورنص بتاعها ولبسته وخرجت ووقفت تختار هتلبس ايه من الشنطه ورسيت على شورت بينك وبدي حمالات ابيض لحد نص البطن وعليه كلمه بالانجلش بينك والحماله نفسها بتاعه البدي بينك ووقفت سرحت شعرها اللي واصل لنص ضهرها بالظبط وفردته وحطت ميكاب بينك رقيق وفونها رن فكان كريم بيتصل فيديو كول فردت وهي رافعه الفون مبينه البدي وشعرها بس فشافها ابتسم تلقائي وتابع يسلاام على عروستنا وحلاوه عروستناا ايه يابت الجمال ده
هناء ابتسمت ووشها احمر وتابعت حبيبي يارب ميحرمني منك ابدا والدموع اتجمعت في عينيها وتابعت واحشتني اوي اوي بجد فكريم تنهد بوجع وتابع وانتي اكتر ينورعيني والله بس المهم انتي مبسوطه؟
هناء بصتله بلهفه وتابعت جداا فوق ماتتخيل يكريم والفيلا بتاعت وسام تحفه بجد هوريهالك حته حته لما اشحن الفون
كريم ابتسم لفرحتها وتابع يبقى مش مهم اي حاجه تاني ربنا يسعدك ويفرح قلبك دايما يانن عين اخوكي
هناء حاولت تمسك دموعها وتابعت طمني عليك وعليهم عاملين ايه؟
كريم تنهد وتابع لا سيبك مننا المهم انتي طمنيني عليكي ايه الدنيا وبصلها بمغزى
هناء اتوترت وتابعت دنيا ايه يقلبي؟
كريم فضل يضحك وتابع هناء مش عايز اروقك على المساا
هناء اتوترت وتابعت ثانيه طيب وكتمت الصوت وحطت صابعها على الكاميرا وبقيت تنزل جري لوسام على سلالم الفيلا وتابعت بلهفه وساام وساام فوسام اتخض وطلع من المطبخ وتابع ايه في ايه يخربيت اهلك قطعتي خلفي وبصلها وصفر باعجاب وتابع ايه الجمدان ده !!
هناء نفخت بتوتر وتابعت جمدان ايه وزفت ايه بس امسك بسرعه كريم فيديو كول بيطمن انا مُت هاا وسابتله الفون وبعدت شويه فوسام فضل يضحك بشده وكريم شافه في الكاميرا فتابع بحده يحيوان منك ليها هو انا هفضل اهري مع نفسي كده كتير؟
وسام رجع الصوت وتابع بضحك حقك على راسي يكبير عندنا احنا المره دي
كريم بصله وتابع في ايه ها؟
وسام بضحك في ان اختك مخها تعبان شويه بس فقولي انت بتقولها ايه وانا هجاوب
كريم بصله بذهول وتابع هي بنت الكلب دي مكسوفه تكلمني فاديتك الفون؟
وسام فضل يضحك وتابع مكسوفه !! دي بتقولي انا مُت
كريم بصله بذهول وتابع بضحك يابنت الكلب يهناء طب لما اشوف وشك
وسام فضل يضحك فتابع كريم بضحك طمني انت ياابني ايه الدنيا
وسام ابتسم وتابع الدنيا فل الفل خلاص واهي قدامك محصلهاش حاجه زي القرد
هناء اتكسفت وطلعت تجري على اوضتها
كريم فضل يضحك وتابع مليون مبروك يحبيبي ربنا يسعدكم فينها الحيوانه؟
وسام بضحك جريت على فوق وانا بكلمك من الكسوف انديهالك؟
كريم فضل يضحك وتابع لالاخلاص هي مش هتحط وشها في وشي الفتره دي خصوصا بعد كلامك ده فمتاخدش عليها سيبها براحتها متكسفهاش
وسام بضحك ربيتها بزياده انت يكريم نشفت ريئ اهلي قسما بالله
كريم فضل يضحك وتابع شئ متوقع جداا على فكره اومال انا اديتها علقه لما مسكت ايدك ليه؟ ما علشان معندناش الكلام ده بناتنا كلهم كده
وسام بابتسامه يا زين ما ربيتوا والله
كريم بابتسامه تسلم يعريس ربنا يخليك يلا مش هطول عليك انا وخلي بالك منها بالله عليك
وسام بابتسامه في عيني والله
وقفل معاه
--
بعد 3 ايام الامور زي ماهي بس فارس مش بيكلم اسيا وبينام مع تولين في اوضتها وعصام راجع انهارده ورفيده عند مامتها ومالك وسلمى لبسوا الدبل وجينا تحديدا يوم اختبارات علي للكليه وكتب كتاب سلمى
حبيبه كانت واقفه تحت البيت مستنياه وبتبص للساعه بقلق لقيتها 6 الا عشره ومعادهم 6 فثواني ولقيته نازل لابس بنطلون ابيض وقميص سماوي فتابعت بتوتر كل ده يعلي ياابني حرام عليك خايفه نتأخر
علي بابتسامه خير خير انا وربنا اللي اخرني دقني اللي حلقتها دي رايح انزل بيها لقيتلك سلمى بتقولي اييه ده رايح فين كدده انت عايز تترفض من اولها
حبيبه فضلت تضحك وتابعت عندها حق والله وبصتله بحزن وتابعت يعني خلاص مفيش دقنك تاني !!
علي فضل يضحك وتابع مفيش زفت واخرسي بقى علشان متضايق وجايب اخري لوحدي ومسك ايديها يمشوا فحبيبه مشيت معاه وفضلت تضحك وتابعت طب والله قمر اوي وعاجبني
علي ابتسم وتابع كدابه انتي بتحبي دقني
حبيبه فضلت تضحك وتابعت اه بحبها بس وحياتك عندي شكلك كده قمر وحبيته اوي واصلا حبيبي قمر فكل حالاته
علي ضحك ورفع ايديها باسها وتابع بحب قلب حبيبك والله ومشيوا وشويه وكانوا قدام الكليه فعلي بص عليها وتنهد بعمق فحبيبه مسكت ايديه الاتنين وتابعت متوترش نفسك هاا اهدى انت قدها ولسه اللي جاي اتقل فمش هنخاف من اول محطه فعلي ابتسم وبصلها وتابع انا لو خايف فخايف اخذلك انما صدقيني مبقاش عندي احلام اكبر منك
حبيبه الدموع اتجمعت في عينيها وتابعت ومش هتخذلني انا واثقه في ربنا قبلك انه هيفرحنا يلا روح وانا مستنياك وهفضل ادعيلك يلا
علي تنهد وتابع يحبيبتي مكنتيش جيتي الشمس صعبه عليكي حبيبه ابتسمت وتابعت قاعده البيت كانت هتبقى اصعب صدقني انا كده زي الفل يلا انت بس ربنا معاك يحبيبي ذاكرت كويس الكتاب؟
علي باس جبينها بعمق وتابع اه يحبيبتي متقلقيش وبص للبوابه وهمس بسم الله ومشي يدخل وحبيبه فضلت باصه عليه لحد مادخل وراحت قعدت على طوبه كبيره تحت شجره وفضلت تدعيله وهي متوتره وسامعه دقات قلبها
وعند علي دخل ومنا ما سلم الورق وخلصوا الاجرائات والتفتيش والدنيا كانت زحمه كان فات ساعتين واخيرا دخل قعد قدام الجهاز وكتب بياناته وشاف الاسئله كانت اسئله عامه فكل حاجه سواء ثقافيه رياضيه جغرافيه تاريخيه وسياسيه فسمى الله وبدا يحل و10 دقايق بالظبط وكان خلص بس كان قلقان اوي لان بمجرد ماهيدوس تم هيظهرله نتيجته وغمض وخد نفسه بعمق وتابه بسم الله اللهم عليك توكلت وداس تسليم وبدأ يحمل وعلي بيبص للشاشه بترقب وقلق وبالفعل ظهر قدامه النسبه المئويه95% لائق موعد اختبار المقاس والقوام يوم الخميس فعلي ضحك وقام وهو فرحان جدا فتابع العميد الموجود ها ياابني عملت ايه؟
علي ابتسم بلهفه وتابع لائق يا فندم
العميد بابتسامه طيب اتفضل اطبع الورقه وامشي يلا
علي ابتسم بفرح وراح بالفعل طبعها وخرج فحبيبه شافته قامت بلهفه ونفضت هدومها وبقيت تمد تروحله فعلي جري عليها وحضنها وتابع بلهفه وفرح لائق يحبيبه اللهم لك الحمد
حبيبه دموعها نزلت بفرح وتابعت الحمدلله كما ينبغي لجلال وجهك وعظيم سلطانك وبصتله بلهفه ودموع وتابعت برافو يحبيبي بجد فخوره بيك عملت ايه؟ جبت كام؟ طمني كنت قاعده هموت اتاخرت عليا اوي يعلي
علي ابتسم وتابع يابنتي ده كل ده اجرائات انا امتحنت في 10 دقايق بس والحمدلله جيه كله من الكتاب اللي اشتريته من قدام الكليه زي ماقولتي وجبت95%
حبيبه فضلت تسقف بلهفه وفرح وتابعت يخرابي الحمدلله ايه السكر ده اشطر ظابط ينااس وحضنته فعلي طبطب على ضهرها بحب وتابع ادعيلنا تكمل يحبيبه خايف اتعشم
حبيبه حطت ايديها على خده وتابعت بحب ودموع اتعشم فيه هو وشاورت على السما بايديها التانيه وتابعت وصدقني هو عمره ماهيخذلك فعلي ابتسم وتايع يارب يحبيبتي يارب ويلا علشان اتأخرنا وسلمى هتقتلنا معاد كتب كتابها خلاص ولسه ملبسناش فحبيبه بصتله بلهفه وتابعت اه يلا ومسكت ايديه ومشيوا
---
وعند سلمى كانت جهزت ولبست دريس اوف وايت ستان بليسيه وخمار اوف وايت وعلى جبينها هيربيس في شكل ورد رقيق والميكاب رقيق جدا وبارز عينيها الخضرا وغمزاتها والبنات كلهم حواليها وفرحانين بيها وبتكلم هناء فيديو كول فتابعت هناء بدموع فرح : اللهم بارك زي القمر مشوفتش ولا هشوف في جمالك سلمى دموعها نزلت وتابعت حلوه بجد؟
هناء عيطت وتابعت خطييره خطييره ياريتني جنبك والله مليون مبروك ينورعيوني انتي
سلمى ابتسمت بدموع فرح وتابعت الله يبارك فيكي يحبيبه قلبي نيره بحب متقلقيش ياهناء همسكلك الفون مش هخليكي تسبينا لحظه والله
هناء ابتسمت بدموع وتابعت اه بالله عليكي ينيره اعملي كده فنيره ابتسمت بدموع وتابعت ربنا يرجعك لينا بألف خير يعيوني فاسراء ابتسمت بحب ودموع وتابعت بجد مشوفتش في حلاوتك حقيقي اجمل من المره الاولى بكتير ايه السكرر ده
سلمى ضحكت وحضنتها بفرح وتابعت قلبي انتي بجد
اسيا بابتسامه ربنا يسعدك يروح قلب اختك حقيقي زي القمر سلمى ابتسمت بفرح وتابعت ربنا ميحرمنيش منك يا سوسا يارب وبصت لإيلين وتابعت عصام مرجعش معاكي ليه من الساحل امبارح؟ علشان بالله لو مجاش هخسره
إيلين بابتسامه جاي دلوقتي يعمري في الطريق والله قالي خمس دقايق وهكون وصلت هو مش عايز يجي يقعد هنا فقال هيجي يوم كتب كتابك علطول
سلمى ابتسمت بحماس وتابعت ماشي وبصت لي لميا وتابعت بفرح شكلي حلو؟
لميا بابتسامه ده انتي شكلك تحفه التحفه بتهزري ولا ايه ده انتي خساره في صنف ادم كله فكلهم فضلوا يضحكوا فتابعت سلمى بضحك لالا مالك استثناء ده روح قلبي ده
لميا بضحك عشنا وشوفناكي بتحبي في راجل قدامنا يالوما سلمى فضلت تضحك وتابعت لوما مبقيتش لوما من ساعه ما عرفت مالك والله
حبيبه سمعتها وهي داخله وتابعت بضحك ايوه طبعا هو انا ابن عمي اي حد ولا ايه وشافتها انبهرت وتابعت يخربيتك ايه الحلاوه ديي !!
سلمى بصتلها بضيق وتابعت غوري من وشي يحبيبه اشحال مش منبهاكي انك تيجي بدري كنتي عملتي ايه ها؟؟
حبيبه فضلت تضحك وتابعت يابنتي غصب عني والله منا ما لبست الدريس وعملت شعري وحطيت ميكاب واتأخرت مع علي اوي هناك فمش بمزاجنا صدقيني
سلمى بصتلها بلهفه وتابعت اه صحيح عمل ايه طمنيني؟
حبيبه ابتسمت وتابعت لائق الحمدلله فكلهم فرحوا جدا وسلمى فضلت تضحك وتابعت لالا ده انهارده يتصنف اجمل يوم في الدنيا بجدد
نيره غمزت وتابعت بضحك علشان ابو داليدا ولا علشان علي نجح ها؟ فكلهم فضلوا يضحكوا فتابعت سلمى بضحك علشان الاتنين طبعا انا اه طايره من الفرح اني هتجوز مالك بس نجاح علي خلاني قولت انه يتصنف اجمل يوم عيب عليكي يحبيبتي ده حبيبي الاولاني ومحدش هيبقي زيه ابداا ده فكلهم فضلوا يضحكوا
حبيبه بضحك وغيره : حبيبك في عينك يشيخه
سلمى فضلت تضحك وتابعت حبيبي بردو
لميا بصتلها وتابعت بضحك بت انتي قولتيلي انهي مقطع اللي اشغله لما يحضنك؟
سلمى ابتسمت وتابعت الماضي ايه الماضي مين نسيت في حضنك اللي شوفته من السنين بتاعت انغام
حبيبه بضحك وفرح ايوه يسيدي يسيدي على الاحساس عاش لاختيار المقطع بجدد
سلمى ضحكت وتابعت هشغل المطقع ده بالذات في كتب كتابي وفرحي لان ده بجد احساسي ناحيه مالك هو نساني الماضي كله بقرفه وبصت لحبيبه بوجع فحبيبه حضنتها جامد وهمست انسي كل حاجه يسلمى انهارده بالذات هتحطي نقطه وهتبدائي من اول السطر
سلمى ابتسمت والدموع في عينيها وهزت راسها بلايجاب ولقيوا علي داخل لابس بدله سودا فسلمى شافته جريت حضنته فشدد من احتضانها وباس راسها بعمق وتابع المره دي هقولهالك بقلب جامد مليوون مبروك ينن عيني
سلمى دموعها نزلت بفرح وتابعت مبروك ليا ولا مبروك ليك يحضره الظابط فعلي فضل يضحك وتابع نن عيون حضره الظابط والله وحط ايديه الاتنين على خدها وباس جبينها بعمق وتابع مبروك لينا ياست البنات والدموع اتجمعت في عينيه وتابع حقيقي فرحتي بيكي مش سيعاني يسلمى
سلمى لفت ايديها حوالين رقبته وحضنته جامد ودموعها زادت وتابعت قلبي مش مطاوعني اسيبك بجد يعلي
علي قلبه وجعها وضمها ليه اكتر ودموعه نزلت فوطى راسه على كتفها وتابع لسه مش دلوقتي متقوليش هتسبيني دي دلوقتي ابوس ايدك
سلمى شددت من احتضانها لعلي وتابعت بدموع خلاص والنبي انا اسفه اهدى حقك عليا وخرجت من حضنه ومسحتله دموعه فابتسم بحب وتابع يارب يعوضك ويسعدك المره دي يابنت قلبي
سلمى ابتسمت بدموع وتابعت يارب يحبيبي يارب بجد
حبيبه بحب ودموع علي وطبطبت على كتفه وتابعت متنكدش على اختك يحبيبي كلنا عارفين غلاوه اخواتك عندك قد ايه بس دي سُنه الحياه مش كده؟
علي هز راسه بلايجاب وتابع بوجع اكيد انا بس مش هتعود على غيابها وخايف عليها
حبيبه ابتسمت بدموع وتابعت مالك هيحطها في نن عينيه انا اضمنلك انه هيكون نسختك التانيه مع سلمى والله
علي ابتسم وباس جبين سلمى وتابع بحب ربنا يسعدهم يارب وحط ايديه على خدها وتابع حقيقي قمر ملاك من الجنه والله مش معقوله الملامح دي
سلمى ضحكت من بين دموعها وحضنته جامد فتابعت لميا وهي خارجه من البلكونه يلا يعلي كريم بيستعجلك لسه مكلمني كلهم في الجاردن بتاعت كتب الكتاب
علي تنهد وتابع خلاص خمسه ونكون هناك مش بعيده دي اخر الشارع قوليله جايين
نيره بضحك دي فتون الصفرا هتشوفك هتطق دلوقتي
سلمى تنهدت بضيق وتابعت بنت عمتك دي انا مش طيقاها قسما بالله مشوفتيش انتي اسلوبها لما جم اول امبارح ونظراتها ليا كانت عامله ازاي
نيره بضحك بنت عمتي مين ياما انا ماليش عمات يخش يولعوا كلهم في ستين داهيه وبعدين ليها حق تغير انتي ايه وهي ايه يهبله
علي بصلهم وتابع نتلم ها وبلاش شغل كيد نسا هناك واحترموا ان جدكم وابوكم هيبقوا قاعدين
حبيبه تجاهلت كلامه ومشيت قدامهم ونزلت السلالم فعلي تنهد وتابع تعبتني حبيبه والله
نيره بتنهيده اصل مش بالعافيه يعلي نغمض عينينا نفتح نلاقي ناس غريبه بيقولوا انهم اهلنا فمفروض نحبهم ونحترمهم وناخدهم بالحضن
علي بصلها وتابع تمام بس غصب عنكم تحترموهم بردو حتى لو غُرب اتلموا مش دي تربيتنا ليكم ويلا امشوا قدامي كلكم ورفع صوته نسبيا وتابع حبيبهه
حبيبه سمعته من الحوش وتابعت نعم يعلي
علي تنهد وتابع متخرجيش الشارع لوحدك بلبسك ومكياجك ده استني هنمشي سوا
حبيبه حاضر وبالفعل نزل ومشيوا كلهم سوا ووصلوا الجاردن ومالك كان واقف لابس بدله رمادي غامق وقميص ابيض وشافها انبهر بشكلها بطريقه رهيبه اما عن سلمى فعينيها لمحت عصام قاعد بيتكلم مع رانيا ففرحت جدا وابتسمت فمالك بص لمكان عينيها فاتفاجئ وتابع بضحك شوف بنت الجزمه اللي ببصلها تبص لعصام وراح عندهم وتابع بضحك اوعا يلا دورك خلص
سلمى ابتسمت فتابع علي برفعه حاجب عدي ليلتك واقعد مكانك علشان منكدش عليك واخدها واروح
مالك فضل يضحك وتابع لالا خلاص هعدي ليلتي يباشا وراح بالفعل قعد مكانه وعلي راح قعد سلمى جنب مالك على الكرسي المخصص ليهم ولف هو قعد جنب الماذون اللي قاعد بينه وبين مالك وبداو في اجرائات كتب الكتاب والكل حاضر ومبسوط ليهم جدا الا ميسون وبنتها فتون اللي باصه لمالك اللي كان خطيبها ومقهوره من فرحته بسلمى وحبه ليها الواضح في عينيه ومتعصبه جدا فتابع مالك بابتسامه بعد ماخلص امضاء :امضي يعروستي
سلمى ضحكت ومسكت القلم وبدات تمضي على الخانات اللي المأذون بيقولها عليها وبصمت وكلهم بيزغرطوا بفرح وبعدها مالك حط ايديه في ايد علي والمأذون حط المانديل وبدا يلقنهم يقولوا وراه وسلمى دموعها بتنزل بفرح فحبيبه ابتسمت وفضلت تطبطب على كتفها
وسلمى ايديها كانت تلج من التوتر فمسكت ايد حبيبه فحبيبه وطت باست ايديها وطبطبت عليها وهمست اهدي اهدي يعمري فعصام راح قعد على الكرسي اللي جنبها وتابع بضحك ايه الحلاوه دي طب سيبي حبه للغلابه
سلمى شافته فرحت وتابعت بدموع عصاام وبتلقائيه شديده حضنته وده لفت نظر علي اللي اتعصب جدا بس كمل مع المأذون من غير مايدي رده فعل
عصام طبطب على ضهرها وباس راسها بعمق وتابع مليون مبروك يحبيبه قلبي انتي
سلمى بصتله بحب ودموع وتابعت الله يبارك فيك يحبيبي مبسوطه انك جيت
عصام ابتسم وتابع مقدرش مجيش يعبيطه وفاقوا على صوت المأذون بارك الله لكما وبارك عليكما وجمع بينكما في خير ففتون شدت المانديل ومالك مخدش باله مين خده وقام بلهفه وفرح وسط زغاريط وفرح من الكل وبص لسلمى اللي قامت وهي مكسوفه ووشها كله احمر فتابع بضحك ايه انتي وعدتيني؟ شيلي الكرسي ده بس وشال الكرسي اللي كانت قاعده عليه بعيد وبيقرب عليها فسلمى لفت ايديها حوالين رقبته وحضنته بكل قوتها وغمضت عينيها وهي مبسوطه ودموعها بتنزل فمالك فرح انها حضنته زي ما قالتله وحط ايديها على ضهرها وضمها ليه اوي والمقطع اللي اختارته اشتغل فزادت من ضم مالك وهمست بحبك اوي بجد وعيطت وتابعت بموت فيك حقيقي
حبيبه بصت لعلي المتفاجئ وفضلت تضحك وتابعت مستغرب انها حضنته صح!!
علي بص لحبيبه بذهول وتابع بضحك ده ياريتها جات على الحضن بس !! دي بتقوله بحبك وبموت فيك انا في راجل بينافسني يحبيبه ينهار ازرق هي دي سلمى!!
حبيبه فضلت تضحك بشده وتابعت لالا انت حاجه تاني عند لوما مانت عارف بس سمعتها ازاي يخربيتك
علي بضحك سمعتها ازاي!! ده الكلام خرم ودني يحبيبه سلمى شكلها اتهبلت وحبيته بجد
حبيبه بضحك ربنا يسعدهم يارب عسلات والله
علي حس بغيره بس انتي صح انا غير اي حد كده كده ده مجرد جوزها مش اكتر
حبيبه فضلت تضحك وتابعت اه مش اكترر فعلا
علي اتضايق وتابع ما كفاياهم ايه هو الحضن مبيخلصش !! وراح يبعدهم فحبيبه فضلت تضحك وتابعت يعلي سيبهم يعلي بطل تقل دم بجد
علي ضرب مالك على ضهره بخفه كذا ضربه وتابع كفايه وحياه امك مش راجع من الخليج
مالك فضل يضحك وتابع مراتي يابارد انت ايه مزعلك بقي؟
علي بصله بذهول وتابع بارد !! بقى علي بيه باشا بقي بارد يحيوان!! طب المأذون لسه موجود والشهود لسه موجودين وهطلقها زي ما اتجوزتها يلا
مالك فضل يضحك وتابع مفيش منه الكلام ده خلصت خلاص واتحررت منك ولزقت في لوما براحتي وحضنها فسلمى فضلت تضحك وهي سانده على صدره بس لما شافت نظرات علي بلعت الضحكه وتابعت متغيظهوش يمالك اتلم
علي ضحك وتابع اه مثلي مثلي يا بحبك بموت فيك ده انتي هتتاكلي علقه الصبر بس فكلهم فضلوا يضحكوا وجات هدى الام وتابعت مليون مبروك يقلب امك وحضنته فمالك طبطب على ضهرها وتابع الله يبارك فيكي يغاليه فبصت لسلمى وتابعت بضحك مليون مبروك ياست العرايس كلهم وحضنتها فسملى حضنتها وطبطبت عليها وتابعت الله يبارك فيكي ياست الكل وبصت لعلي وتابعت علي صورنا صوره حلوه احطها في الاكونت واشاركها معاه
علي مسك فونه وتابع طب يلا
مالك بضيق لا انا اغلب الاكونت عندي رجاله مش عائلي فهتنزلي صوره متبينيش وشك
سلمى بصتله بضيق وتابعت ده اللي هو ازاي يعني!!
مالك بصلها بحده وتابع زي الناس متعصبيناش على الصبح
سلمى رايحه تتكلم فتابع علي بس بس خلاص هتقولي ايه ماهو صح طلما الاكونت بتاعه فيه ناس كتير هو حر مش عايز يكشف وش مراته على النت اسمعي الكلام واخلصي يلا فسلمى نفخت بضيق وتابعت اتصور ازاي يعني اوف
حبيبه بحب حطي ايديكي على وشك كده بطريقه كيوت ايوه كده وظبطت ايد سلمى على وشها وبصت لمالك وتابعت وانت بص عليها وابتسم وبالفعل وقفوا كده وصوروها وطلعت خطيره اوي وسلمى حطت ايديها على وش مالك تبين الدبله ومالك كان ماسك الفون سيلفي ومجبهاش واتصورو صور كتير منهم هتنزلهم ومنهم هتحتفظ بيهم لنفسها
وشويه وخدها مالك ووقفوا على جنب يتكلموا وتابع معرفتش اكلمك قدامهم بس حقيقي خطيره ايه الحلاوه دي حور من الجنه اقسم بالله
سلمى ابتسمت وتابعت يارب ميحرمني منك وافضل حلوه في عينيك العمر كله يحبيبي
مالك اتفاجئ بشده وتابع بضحك ايه ده !! كل ده من كتب الكتاب !! طب بالله ده ياريتني كتبت من زمان وحضنها وفضل يضحك
سلمى بضحك علشان تعرف ان انا بموت فيك اهو بس كنت شايله الكلام جوايا
مالك باس جبينها وبصلها وتابع ده انا هشيلك انتي على بعضك جوه عيوني لاجل التعب اللي تعبتهوني ده لحد ماوصلتلك بس حقيقي يسلمى مش قادر استوعب اني واخدك في حضني دلوقتي عادي
سلمى بابتسامه مش لوحدك بجد انا نفسي عمري ماتخيلت اني هحضن راجل غير علي وكريم بس انت جيت وبقيت تكسر كل حواجزي واحده ورا التانيه يمالك وبصتله بنظره مليانه حب وتابعت اوعا تكسرني يمالك والله ما هستحملها منك انت بالذات لو جيت وجعتني او عايرتني بحاجه محدش يعرفها غيرنا وانت قبلت بيها و
مالك قاطعها لما حط ايديه على شفايفها وتابع هشش متكمليش لان ده مستحيل يحصل هقولك زي ماغنتيلي انهارده الماضي ايه الماضي مين انا نسيت كل اللي فات لما خدتك في حضني وبقيتي مراتي خلاص انتي من انهارده مدام مالك المحمدي انا معرفش غير كده سلمى ابتسمت بدموع وتنهدت بارتياح وهي بتشكر ربها
وعند فتون كانت واقفه باصه عليهم من بعيد فجات نيره وتابعت بابتسامه امم شكلهم تحفه مش كده؟ فعماله تفكري يتارا هتودي المنديل عند انهي دجال جامد يقدر يخرب علاقتهم القويه دي ففتون اتعصبت وتابعت انتي بتقولي ايه يهبله انتي روحي شوفي بتعملي ايه مش ناقصه قرف انا اللي فيا مكفيني
نيره بصتلها بتمثيل وتابعت امم حاسه بيكي حيره بصراحه خصوصا مش كل الدجالين صادقين اغلابهم نصاب ولا انتي بقى متعامله مع واحد قبل كده وعارفاه؟
فتون اتعصبت وتابعت نييره انا مش
نيره قاطعتها وتابعت اسمي دكتوره نيره ومش مسموح برفع الالقاب واخلصي طلعي المنديل واديهوني بالذوق علشان اقسم بربي هصوت والم الدنيا وهاخده بردو لان انا كنت بصور يهبله وشوفتك وانتي بتاخديه فمتعمليش صايعه عليا علشان مفرجش عليكي امه لا اله الا الله
فتون خافت وتابعت يعني ايه؟ عايزه ايه؟
نيره بعصبيه هكون عايزه ايه المنديل ياروح امك يلا وقدامك من واحد لتلاته لو مطلعش متلوميش الا نفسك1..ومسابتهاش تكمل وطلعته من شنطتها وادتهولها وتابعت بخوف امسكي وطي صوتك ده يخربيتك
نيره شدته منها وتابعت شطوره يا تونه وتاني مره ابقى فكري أذي سلمى ولا جوزها وانا اهين كرامتك وسطهم كلهم جتك الارف ومشيت وهي بتقول كان ناقصنا احنا ياربي فرع عقارب علشان الدراما تكتمل في عيلتنا ده كفايه مصايبنا
ولقيت كريم بيشدها وتابع بضحك تعالي بس بتكلمي نفسك ليه يغزال
نيره ضحكت وتابعت عيون الغزال والله بس عيله وسخه يكوكي بيخرجوني عن شعوري وانا جوايا دكتوره محترمه فكريم فضل يضحك وتابع اه انتي هتقوليلي
--
وعند رفيده كانت قاعده في بيت امها بتتفرج على الشاشه فامها جات وتابعت بتنهيده جوزك جيه مصر وبيحضر كتب كتاب سلمى عرفتي؟
رفيده تنهدت وتابعت لا متنيلتش بس توقعت هيروح ماهو بيعشقها وابتسمت بسخريه
سعاد بصتلها بضيق وتابعت لو زي مانتي شاكه فيه يتربيه وسخه ميروحش كتب كتابها اتلمي واتقي الله في جوزك واتصلي بيه راضيه بدل قاعده المطلقات اللي قعدهالي دي
رفيده ضحكت وتابعت بعيد الشر عليا يوليه اخرسي بس انا مش هكلم حد هو اللي يجي ويراضيني كمان
سعاد بصتلها بضيق وتابعت يبجاحتك يبنت عادل يبجاحتك يعني مانعه الراجل عن حقوقه وهو اللي يراضيكي كمان
رفيده نفخت بضيق وتابعت هو انا بحكيلك علشان تقطميني !! فسعاد اتعصبت وتابعت يهبله انا عامله على مصلحتك ده الست باسلوبها تخلي جوزها خاتم في صباعها وباسلوبها تخليه يرميها فمتبقيش خايبه واكسبيه ده عصام السيوفي يرفيده هو ده اي راجل يعبيطه !! ده بنات الدنيا كلها تتمنى تتجوز واحد زيه مش تتجوزه هو فرفيده نفخت بضيق وتابعت هشوف يماما حاضر
وفي كتب الكتاب عصام كان واقف بعيد نسبيا فحبيبه راحتله وتابعت ممكن اقولك حاجه ومتسألنيش عرفتي ازاي لان ممكن يحصلي مشكله؟
عصام استغرب وتابع اه اكيد
حبيبه تنهدت بعمق وبصت حواليها بتوتر بعدين بصتله وتابعت رفيده خدت برشام وموتت ابنها اللي في بطنها بنفسها وبتاخد حبوب منع حمل علشان متخلفش منك