رواية لنا موعد اخر الفصل الثاني والخمسون52 بقلم لولا
حبيبه تنهدت بعمق وبصت حواليها بتوتر بعدين بصتله وتابعت رفيده خدت برشام وموتت ابنها اللي في بطنها بنفسها وبتاخد حبوب منع حمل علشان متخلفش منك
عصام اتصدم بشده وتابع انتي بتخرفي بتقولي ايه؟؟ انتي اتجننتي يحبيبه ؟!!
حبيبه قربت منه وتابعت بخوف وهمس: صدقني يعصام اقسملك بالله انا بتكلم جد وعمري ماهكدب عليك في حاجه زي دي ولا يهمني ان حياتك تخرب مع رفيده انا معايا حبيبي ومبسوطه وهي اخر حد اشغل بالي بيه اصلا .. بس انا بقولك علشانك لان انت متستاهلش يضحك عليك كده
عصام كان مصدوم بشده من اصرارها وتابع : لالا ماهو اكيد في حاجه غلط رفيده مستحيل تعمل كدده حتى لو مبتحبنيش وانا واثق من ده بس ده ابنهاا ازااي تموته يعني ؟؟!! لالا انتي مين قالك الكلام دده فهميني ؟؟؟
حبيبه بخوف قولتلك اول كلامي متسألنيش عرفتي ازاي لان حقيقي هيحصلي مشاكل بس انا حبيت اعرفك لانك تعز عليا وحقيقي قلبي موجوع علشانك
عصام غمض بحده وتابع يحبيبه اللي انتي بتقوليه ده خرااب بيوت انا ممكن اروح اقتلها في ايدي دلوقتي فمن فضلك عرفيني عرفتي ازاي علشان اتأكد ماهو مش معقول اي حد يجي يقولي على مراتي كلمتين زي دول هقوم انا اصدقه من غير ما اتاكد
حبيبه بصت حواليها خايفه علي يشوفها ورجعت بصتله وتابعت بتوتر صدقني مش هقدر اقولك بس كل اللي اقدر اساعدك بيه انك تروح شقتك وشوف فين برطمان الرز هتلاقي فيه حبوب منع الحمل انما انا عرفت منين حقيقي مش هقدر اتكلم ولو لقيت الحبوب فعلا يبقى انا كلامي صح فكل حاجه سواء انها موتت ابنك بنفسها او مش عايزه تخلف منك اصل انا هعرف منين ان الحبوب في برطمان الرز مثلا ؟؟!
عصام اتصدم وتابع برطمان الرز !! وضحك بسخريه وتابع انتي فايقه وبتهزري مش كده ؟؟
حبيبه بخوف وهي بتلفت حوالين نفسها : والله العظيم ابدا روح وشوف بنفسك بعدين صفي حساباتك مع مراتك وطلعني انا منها علشان متجبليش مشاكل ورحمه ابوك يعصام
ومشيت من قدامه لما لقيت علي ساب سلمى ومالك وبيدور عليها بعينيه
وعصام كان مصدوم واتعصب جدا بس قال مش هياخد اي رده فعل غير لما يتأكد الاول وبقي يمشي وهو متعصب فإيلين كانت واقفه متابعه ريأكشانات وشه مع حبيبه فراحت عنده بقلق ومسكت دراعه وتابعت عصام مالك في ايه ؟؟
عصام بحده مش وقته كلام دلوقتي يا إيلين هكلمك بعدين ونزل ايديها عنه ومشي وهو متعصب جدا وخطواته سريعه فإيلين قلبها وجعها من اسلوبه وراحت عند حبيبه اللي كانت واقفه بتضحك مع علي وتابعت حبيبه تعالي ثواني عايزاكي
حبيبه بصت لعلي وتابعت بابتسامه ثواني يعمري جايه
علي ابتسم وتابع روحي يحبيبي فمشيت مع إيلين وتابعت باستغراب ايه عايزه ايه؟
إيلين بصتلها بحده وتابعت بحده ودموع انتي قولتي ايه لعصام خليتيه يتضايق ويمشي متعصب بالشكل ده !!
حبيبه بصتلها بتفاجئ وتابعت بضحك شوف البت !! قلبك واكلك عليه ياختي ؟!
إيلين بحده ودموع اخلصي يحبيبه انا مبهزرش بجد عملتيله ايه ؟؟ انا شيفاكي وانتي بتكلميه وبتتلفتي حوالين نفسك
حبيبه بابتسامه قولتله اللي هيخليني افرح بيكي قريب ان شاء الله وضحكت وتابعت وساعتها هتيجي تشكريني اني نورت عينيه ياجزمه يخش يطمر فيكي
إيلين باستغراب لا مش فاهمه انتي قصدك ايه !!
حبيبه بابتسامه قصدي هتفهميه بعدين لما ان شاء الله عصام يرمي اليمين على رفيده انهارده
إيلين بذهول انتي بتهزري صح !! ليه قولتيله ايه ؟! وضحكت بفرح وتابعت والله اكيد بتهزري وعايزه توقعيني صح؟؟
حبيبه فضلت تضحك بشده وتابعت لا ياختي مش بهزر ومش محتاجه اوقعك انا عارفه انك دايبه فيه يلا مش فضيالك دلوقتي ورايحه تمشي فإيلين مسكت ايديها وتابعت بلهفه وفرح لالا فهميني وحياه امك هيطلقها ليه قولتيله ايه يخليه يطلقها ؟؟!!
حبيبه بابتسامه والله ماهقدر اتكلم بس هو هيقولك وغمزتلها
إيلين بوجع يقولي ايه بقى ده زق ايدي ومشي يحبيبه
حبيبه بابتسامه متحكميش على عصام دلوقتي لان الموقف اللي هو فيه فعلا صعب بس والله هيقولك هو مالوش حد غيرك يا إيلين وهيعوز يقولك ويخرجلك اللي جواه هتشوفي
----
وعند مالك كان واقف بعيد نسبيا وبيكلم دكتوره سلمى النفسيه
مالك بتنهيده يا دكتور مانا بقول لحضرتك هي اللي وافقت بكتب الكتاب والله انا مغصبتهاش على حاجه لا
الدكتوره بتفاجئ يعني هي سلمى وافقت بنفسها انكم تتجوزوا وسمحتلك تحضنها ؟!!
مالك بابتسامه اه والله
الدكتوره بضحك طب ده حلو جدا ده دي خطوه هايله في طريق علاجها
مالك بابتسامه مانا بقول لحضرتك ايه من الصبح انتي فكرتي اني من لهفتي عليها قولتلها يلا نكتب وكده احسن واستغل النقطه دي في اني اقرب منها براحتي علشان مراتي وكده لا والله انا مش كده
الدكتوره بابتسامه اعذرني يبشمهندس انا عارفه انت بتحبها قد ايه ففكرت ان دي فكرتك انت وهي رافضه دلوقتي بس لانها بتحبك مرضيتش تزعلك
مالك بابتسامه لا والله خالص ..المهم انا عايز افهم منك اعمل ايه في الفتره الجايه .. احنا فرحنا خلاص قرب فانا مطلوب مني اعمل ايه علشان موترهاش واتعبها اكتر؟
الدكتوره بابتسامه ولا حاجه انت كل المطلوب منك بسيط .. تطمنها وبس يعني بلاش اول يوم ده يحصل بينكم اي حاجه ولا حتى اول اسبوع ولو وصلت لشهر معلش استحمل ولما تيجي تقربلها اتفق معاها على كلمه معينه او حركه معينه لو عملتها معناها بترفض انك تتقدم اي خطوه تاني يعني استوب فتبعد فورا مهما كنت عايزها .. معلش انا عارفه انها صعبه عليك بس هتبقي اصعب عليها لو حست ان علاقتها بجوزها اشبه باللي اتعرضتله قبل كده من قله قيمه وعدم تقدير لانوثتها
مالك اكيد هعمل كده مش لازم اول فتره دي خالص وعمري ما هغصبها على حاجه مستحيل يا دكتور
الدكتوره مش شرط تغصبها انك تكون شخص قاسي زي اللي هي وقعت فيه بس انك تكمل وهي رافضه ده في حد ذاته قهر حتى لو انت اسلوبك رومانسي وحنين وبتحبها .. بس لو مهتمتش برفضها وجعها منك انت بالذات مش هتنساه
مالك بوجع لالا وانا عمري ما هوصلها للمرحله دي خلاص ماشي يا دكتور فهمتك وتعبتك معايا اوي بجد وياريت لوما متعرفش بمكالمتنا دي
الدكتوره بابتسامه اكيد حاضر وقفل معاها وبيلف لقى سلمى في وشه وبصاله وعينيها فيها دموع فاتصدم بشده وخاف تكون سمعت وحاول يكون طبيعي وتابع بابتسامه حبيبتي .. جيتي امتي؟
سلمى بدموع من اول ما كنت بتيجي على نفسك في حاجات انت ملكش ذنب فيها
مالك فهم انها سمعت وغمض عينيه وتنهد بعمق وتابع سلمى افهميني يحبيبتي وحط ايديه الاتنين على كتافها وتابع انا مبجيش على نفسي انا بس بحبك وبخاف عليكي فكلمتها افهم منها ونفخ وتابع وانا اسف حقيقي لو ده ضايقك
سلمى بابتسامه ودموع ضايقني !! انا لو في حاجه مضيقاني فاهو نصيبي مش انت خالص ..انت لو انا عشت اشيلك فوق راسي العمر كله مش هيوفيك
مالك بصلها بوجع والدموع اتجمعت في عينيه وتابع وهو بيمسح دموعها :ممكن تبطلي هبل؟ انا معملتش حاجه ده الطبيعي وده واجبي ومتعترضيش على نصيبك خليكي فاكره ان لولا كل ده لولا ربنا كتبلنا معاد تاني لان اول مره شوفتك مكنتيش هتنفعيني
سلمى بقهر ايوه بس انا كنت نفسي ابقى ليك انت بس ودموعها نزلت وتابعت هتقهر اوي ان اليوم اللي البنات كلها بتحلم بيه وبتستناه هيتنتهي بكسره نفس
مالك حط ايديه على وشها يمسح دموعها وبص لعينيها وتابع بوجع مين قالك هينتهي بكسره نفس؟ هينتهي وانتي مراتي شرعا وقانونا يهبله .. جرالك ايه يسلمى هي بتتحسب كده؟ طب ده لو بتتحسب كده مكنتيش تلاقي فارس وشه منور في صباحيته علشان امتلك اختك
سلمى اتكسفت وضحكت من بين دموعها فتابع مالك بضحك اه والله زي مابقولك ده كان طاير انها بقيت مراته رغم انها مش راجعه لوحدها ده راجعه بعيله من جوزها الاولاني ودي تكسر اي راجل بس هو علشان بيموت فيها فبيموت في تولين وابتسم وتابع فبطلي عبط انتي كنتي متجوزه واطلقتي وانا اتجوزتك بعد طلاقك يعني كل حاجه واضحه اصلا بس انتي بلاش تركزي في تفاصيل بتتعبك يحبيبتي وانا صدقيني مش فارق معايا غير انك هتبقي مراتي
سلمى بصتله بدموع وتابعت يعني مش هتزعل لما تلاقيني مش بنت؟
مالك بحب انا هزعل لو انتي سيبتي اللحظه دي وركزتي في التفاهات دي
سلمى بابتسامه انا عايزه نكمل جوازنا اول يوم سيبك من الدكتوره يا مالك علشان سمعتكم
مالك بابتسامه لا سيبك انتي من اي حاجه في دماغك انا مش هزعل بلاش تخلف ها
سلمى بتوتر لا انا مش على زعلك انا بتكلم بجد
مالك شد وسطها ليه فشهقت بخضه ففضل يضحك وتابع ايه ماكنا جامدين من شويه حصل ايه دلوقتي ده انا لسه بسمي
سلمى حاولت متتوترش من قربه منها بالشكل ده وخدت نفسها كذا مره وتابعت انا كويسه عادي
مالك بضحك ايوه باين عليكي انك كويسه
سلمى بتوتر مالك انا مبهزرش انت لو هتستناني اناا اوافق هتستنى سنين مش مجرد ايام ولا اسابيع فخليها تمشي باراده ربنا وخلاص
مالك بتنهيده وانا قولت اللي عندي يسلمى مستحيل ده يحصل غير لما تبقى كويسه استنى السنين احسن ما تتعبي نفسيا بسببي انا دي مش هستحملها وشال ايديه من على وسطها
سلمى بتوتر طب بص ومسكت ايديه وتابعت في دوا كده بيتاخد بيخليني نص وعي ايه رايك لو ..
مالك قاطعها بحده وتابع لو ايه؟؟؟ انتي خلاص مخك ضرب يسلمى؟؟ خلاص كل حلول ربنا خلصت مش فاضل غير اخدر مراتي علشان المسها ؟!!
سلمى بتوتر يحبيبي اسمعني هي متتسماش تخدير مانا موافقه وهبقي واعيه عادي لاني مش عارفه فعلا هقدر اطمن امتى وعدم قربك مني هيبقي مينفعش بردو وهظلمك
مالك بعصبيه انا عايزك تظلميني تسمحي تخرسي خالص بجد !! واللي انتي بتقوليه ده غلط جدا صحيا لانك بتجبري جسمك يبقي بين النوم والصحيان ويتسمى اغتصاب حتى لو بين واحد ومراته فبطلي ام التخلف اللي انتي فيه ده انتي دكتوره
سلمى بحزن انا مش متخلفه يا مالك ومثقفه وناضجه والله انا بس كنت عايزه افرحك ومجيش عليك زياده فكل حاجه
مالك تنهد بعمق وحط ايديه على خدودها الاتنين وتابع يسلمى .. يحبيبتي انا قولتلك مستعد استناكي العمر كله بس تبقي بخير وتبقي راضيه وفرحانه زيك زيي مش شيفاني حيوان علشان اتمم جوازي منك بالطريقه الحقيره دي .. انا مش عايز جسمك وهو غايب انا عايز روحك وهي مطمنه
سلمى ابتسمت من بين دموعها ولفت ايديها حوالين رقبته وحضنته وتابعت انا بحبك اوي بجد
مالك بابتسامه مليانه فرح وانا بموت فيكي وفرحان اكتر بالاحضان اللي بقيتي توزعيها كل شويه عليا دي ومش مستوعب الصراحه وشدد من ضمها
سلمى ضحكت بشده وتابعت الله مش جوزي؟
مالك بضحك نورعين جوزك انتي والله ده امي كانت دعيالي في ليله القدر والله علشان الحلاوه دي كلها تبقى نصيبي فسلمى فضلت تضحك وبعد شويه العيله بقيت تتصور معاهم وتسلم عليهم فجات نيره وتابعت امسكي ياختي منديلك اللي فتون شديته وكنتوا هتطلقوا في نفس الليله لو راحت بيه لاي خراا وحطته في ايديها
سلمى اتصدمت وتابعت هي فتون اللي خدته !!
نيره بضيق اه زفته بس مسكتها ظبتهالك متقلقيش
مالك بذهول ينهار ازرق ده هي وامها بتوع اعمال فعلا كويس شديتيه يابنت الكلب يافتون ونفخ بضيق شديد وتابع نفسي يرحموا امي ويسبوني في حالي
نيره بتنهيده خدوا بالكم منها يمالك البت دي مش سهله انا عارفه كنت خاطبها علي ايه بلا قرف
مالك بضيق جدك ياختي وتحكماته والبت متطلعش برانا وحاجه اخر قرف وجهل
سلمي زغدته بايديها وتابعت بضيق اظن خلاص بقيت متجوز يعني مالوش لازمه تتكلم عن الماضي ولا ايه
مالك بضحك متجوز طبعا يعمري وباس راسها بعمق وتابع متجوز ست البنات كلهم انتي متقارنيش نفسك بأي حد
فنيره ابتسمت وتابعت يارب يديمكم لبعض يحبايبي وخدي بالك يسلمى بالله عليكي لتدخل اوضتك ولا تجيب حاجه من حاجتك وانت كمان هما قاعدين معاك دلوقتي فمجرد ماتخرج من اوضتك اقفلها بالمفتاح
مالك بحب حاضر والله متقلقيش خير اللي معاه ربنا مبيقعش
نيره بحب يارب يحميكم ويحافظ عليكم يارب
سلمى ومالك رددوا بحب اللهم امين يارب
نيره ابتسمت وتابعت بحب لوكا تعالى اتصور معاكم انتوا الاتنين بعدين كل واحد لوحده
مالك بحب تعالي يعيون لوكا
نيره راحت وقفت في النص بينهم وتابعت بضحك انا تبع الاتنين اقف براحتي
مالك بضحك ده كده كده يعيوني
نيره بضحك بحبك والله
سلمى بضحك من هنا تبعك ومن هنا تبعك فانتي كده بتراضي كل الاطراف علشان مغيرش انه خدك مني بعد عشرتنا دي كلها
نيره فضلت تضحك وتابعت لا يعيوني محدش يقدر ده انتي اختي ياهبله وباست خدها وبصت علشان تشوف حد يصورهم فشافت اسيا معديه فتابعت اسياا .. امسكي يا اسيا معلش
فاسيا سمعتها وتابعت بحب ايه يحبيبتي
نيره بحب امسكي صورينا الصوره دي
اسيا مسكت الفون منها وصورتهم بعدين نيره خدت الفون وتابعت تسلميلي يحياتي تعبتك
اسيا بحب ولا تعب ولا حاجه يعبيطه ومشيت تروح لتولين
سلمى بحب يلا صورتنا بقى
نيره بحب يلا يحياتي امسك يا مالك
فمالك مسك الفون ونيره وسلمى حضنوا بعض وصورهم صوره حلوه جدا
نيره شافتها انبهرت وتابعت تحفه بجد تسلم ايدك يلا يا لوما واحده زيها والنبي
سلمي بضحك طب يلا
فنيره وقفت جنبه ومالك حط ايديه على كتفها فهي حضنته وميلت براسها على صدره شويه
وسلمى وابتسمت وصورتهم صوره حلوه جدا
فنيره ابتسمت بفرح وتابعت تحفه بجد ايه الحلاوه و
وقاطعها كريم لما جيه ومسك ايديها وتابع بحده تعالي عايزك
نيره بخوف في ايه يكريم
كريم بحده اخلصي بس وشدها ومشي بيها وهي خايفه ومش فاهمه سر عصبيته
مالك حك دقنه وتابع بضحك تراهنيني ان هيديها كلمتين علشان حضنتني؟
سلمى بذهول نعم !! وفيها ايه انا صحيح بغير لما اي حد بيحضنك بس ده انت لحمها ودمها يعني اخوها
مالك بابتسامه تؤ كريم بيحب نيره وهتقولي مالك قال
سلمى بضحك كريم بيحبنا كلنا وبيغير علينا كلنا ايه الجديد يعني
مالك بضحك لا ياروحي انا اقصد حب من التاني من بتاعنا احنا كده
سلمى بذهول انت بتهزر صح !!ده مستحيل
مالك بضحك طب ياستي اعتبريني مجنون وهتشوفي
سلمى بضحك وذهول حبيبي دي اخته اختهه انت مستوعب !! ده هو اللي مربيهاا
مالك بضحك اهو خافي من عدوك مره ومن اللي رايح جاي يقول اختي ده الف مره
سلمى بضحك مالك متشككنيش فيه
مالك بضحك ده انتي اتأكدي يحبيبتي اصل زي ما البنت تفهم البنت زيها الراجل بردو بيفهم الراجل زيه وهتشوفي لان الغيره اللي في عينيه دي مش غيره اخوات ابداا
سلمى بضحك هي صدمه بس بصراحه هيبقوا كابل عسل يارب يارب يسمع منك ربنا يمالك بجد
فمالك فضل يضحك وتابع يارب يحبيبتي انا اتمنى
وعند كريم ونيره
كريم شدها وراح مكان بعيد نسبيا وهادي وتابع بحده انتي ايه اللي كنتي بتعمليه ده هاا
نيره بخوف ايه عملت ايه مش فاهمه
كريم بعصبيه نيرره انا مش عاايز ازعلك وبتكلم بهدوء لغايه دلوقتي
نيره بدموع هو كده هدوء ؟!
كريم مسح على وشه بضيق وتابع بعصبيه يابنتي هو انا كل ما اكلمك تعيطي في اييه ينيرره
نيره بدموع طب عملتلك ايه والله مش فاهمه
كريم مسك دراعها جامد وتابع بعصبيه انا قايلك ايه على مالك ؟؟!
نيره بدموع وخوف ايوه فاكره بس ده قبل ما اعرف انه ابن عمي يعني ده اخويا يكريم
كريم بعصبيه ابن عمك ولا مش ابن عمك انا عارف انه خراا وقولتلك متقربيش منه ولا من غيره بالشكل ده حصل ولا محصلش !!
نيره بدموع حصل بس يكريم مالك محترم و
كريم قاطعها بعصبيه وتابع انا مال اهلي بتربيته هو !! انا ليا بتربيتي انا اللي قايلها متقربش من اي حد وتحفظ حدودهاا وهي مفيش تربيه ولا احترام لكلمتي
نيره بدموع وتوتر طب حقك عليا خلاص اهدى محصلش حاجه لكل ده
كريم بعصبيه لا حصل يانيره حصل ونفسي انتي تحسي بياا وتعرفي اني بيلبسني 100 عفريت لما اشوف اي راجل قريب منك بأي شكل انا مبتسحملش قدري غيرتي وخوفي ابوس ايدك
نيره ابتسمت من بين دموعها وتابعت انت غيران عليا من مالك يكريم !!
كريم بعصبيه انا بغيير من الدنيا كلها مش من مالك بس وياريتها غيره انا بحس بنار جوايا وانتي انسانه بارده مبتحسيش غوري جوه يلا وابقى اشوفك قريبه منه تاني وطلع سجاره يشربها بعصبيه شديده
نيره ابتسمت بحب وتابعت حقك عليا وراحت حضنته وسندت راسها على صدره وتابعت طلما حاجه بتضايقك اوي كده مش هعملها ومش هقرب من اي حد تاني وغلاوتك عندي
كريم غمض عينيه وتنهد بضيق وتابع ادخلي جوه ينيره ونفخ دخان السجاره بعصبيه
نيره رفعت راسها وهي في حضنه بصتله بسبب فرق الطول وتابعت بحب مش هدخل من غيرك وشدت السجاره براحه من شفايفه ورمتها على الارض وداست عليها بالهيلز وكريم كان مصدوم من تصرفها وتابع بعصبيه انتي اتجننتي !! ايه اللي بتعمليه ده !!
نيره داست عليها اكتر وبصتله بحب وتابعت اهدي بس انا عمري ما عملتها معاك بس المره دي انت متعصب اوي ودي مش الحاجه العدله اللي تطلع فيها غلك فانا قدامك اهو يسيدي خرجلي اللي جواك بس حافظ على صحتك
كريم حس ان كلامها هداه بطريقه استغربها وتنهد بعمق وتابع ادخلي جوه ينيره انا لو عملت زي مانتي بتقولي وطلعت غلي فيكي هتزعلي من اللي هيحصل وانا هزعل اني مبعدتش عنك وقت عصبيتي فالسجاير اهون
نيره الدموع اتجمعت في عينيها وابتسمت وتابعت وانا ماليش غيرك يكريم ولو حصلك حاجه ولا تعبت الدنيا هتمشي مع الكل بس هتقف في عيني .. سيبك من الزحمه اللي حواليا دي كلها مجاملات انما الحقيقه محدش غير كريم هيموت عليا لو تعبت ومحدش غيره هيسندني لو وقعت فانا اخسر الدنيا كلها علشانك وعلشان رضاك بس مخسركش انت علشان اي حد في الدنيا يكريم
كريم ابتسم غصب عنه وودي وشه الناحيه التانيه بعيد عنها فنيره فضلت تضحك بشده وتابعت شوفتك على فكره ووجهت وشه ليها وتابعت وفيها ايه لما تضحك في وشي ها
كريم برفعه حاجب مش طايقك
نيره بضحك من قلبك الكلام ده؟
كريم بضحك مش هرد
نيره فضلت تضحك وسندت راسها على صدره وتابعت بحبك وبموت فيك والله حقك عليا انا اسفه وخلينا متفقين انه اخويا وعادي زي مانت بتعتبر سلمى ولميا واسيا اخواتك بس طلما بتغير فـ والله خلاص مش هتقرر فك بقى
كريم بضحك شوف بنت الجزمه هدتني وكالت بعقلي حلاوه بكلمتين ازاي !!
نيره فضلت تضحك وتابعت اعترف ان نيره الوحيده اللي بتعرف تعمل كده
كريم بصلها بحب وابتسم وتابع نيره الوحيده اللي بتعرف تعمل فيا كل حاجه والله
نيره بضحك عيون نيره والله ولفت ايديها حوالين رقبته وحضنته فكريم حط ايديه على ضهرها وضمها ليه جامد ووطى باس كتفها وبص للسما وتنهد بعمق وتابع في سره: يارب اجعلها نصيبي وماتوجعني فيها انا قلبي مدقش غير ليها يارب
--
عند عصام وصل تحت بيته وهو متعصب جدا وقفل باب العربيه بعنف وبقي يطلع وهو متعصب جدا وفتح باب شقته ودخل وساب الباب مفتوح ودخل على المطبخ وتنى ركبته وفتح الضلفه اللي تحت وطلع برطمان الرز وفضل يدور فيه بايديه ونفخ بعصبيه وقام جاب طبق كبير وفضل يدلق فيه الرز لحد ما وقع قدام عينيه شريط برشام فاتصدم بشده ومسكه وهو بيحاول يحسن الظن لاخر ثانيه وبصله والدموع متجمعه على احرف عينيه وطلع فونه وصور الشريط وبعته لسهر زميتله على الواتساب وكتب "سهر مساء الخير يحبيبتي كنت عايز اسالك ايه رايك في البرشام ده لان انا ورفيده عايزين نوقف فكره الحمل شويه هل ده لمنع الحمل ولا انا اتلغبطت وجبته غلط؟" وبعت المسدج وهو جواه نار بتغلي وشاف مسدج من رفيده جات قدامه لسه بعتاله " عصام انت فين؟ ممكن تيجي شويه يحبيبي علشان واحشتني ❤️🩹 "
فلغى المسدج بتاعتها وفضل زي ماهو في شات سهر وهو قلبه واجعه وخايف يطلع مخدوع فيها وفي ثواني بعتتله " اه يعصام ده حلو جدا لمنع الحمل هو ده اصلا اللي الستات كلها بتمشي عليه ربنا يوفقكم يحبيبي " فعصام اتصدم بشده وقلبه وجعه وضغط على الشريط بقوه في ايديه لدرجه شكله باظ خالص وحطه في جيبه ونزل وهو بيقفل الباب بعنف وراه وخد عربيته ومشي
وعند رفيده كانت قاعده بتشرب قهوه وبتتكلم مع امها وتابعت خدي بالك انا بعتله وكان اون لاين ومردش عليا
سعاد بتنهيده معلش حقه ميطقكيش بصراحه
رفيده بضحك شوف الوليه ولا كأنه هو اللي ابنها
سعاد بضيق ده انا لو مرات ابني بتعمل اللي انتي بتعمليه ده كنت قولتله طلقها وارميها لابوها مش ناقصين قرف
رفيده فضلت تضحك وتابعت تشكري ياستي بس عصام ميقدرش يطلقني بيموت فيا ريحي بقى
سعاد وهي دي حاجه تضايقني يابنت الجزمه؟ مانا مش عايزه غير يفضل يحبك وميتخلاش عنك ويهديكي ليه بقى يا رفيده
رفيده بضحك حاضر والله
سعاد بتنهيده وشدي حيلك كده وهاتيله حتت عيل خليه يتعلق بيكي ويحبك اكتر متبقيش خايبه
رفيده بتنهيده هو العيل يعني هيخليه يتمسك بيا في خلافتنا؟ بس ياماما والنبي
سعاد بذهول بس يماما اييه ده بس انتي يا خايبه ..اه طبعا هيخليه يتمسك بيكي وعمره ماهيفكر يجيبك هنا تاني ولا يطلقك ولا اي حاجه من الكلام ده ففوقي كده يارفيده انا عايزه مصلحتك
رفيده بتنهيده حاضر هو بس يجي يرجعني الاول بعدين نشوف الخلفه بلا هم وصحيح بابا اخباره ايه النهارده مقالولكيش هيخرج امتى من المستشفى؟
سعاد بحزن لا والله يابنتي مقالوش ربنا يطمنا عليه يارب
ورفيده رايحه تتكلم فلقيوا الباب بيخبط جامد فاتخضوا جدا فتابعت رفيده بخوف وهي بتحط كوبايه القهوه على الترابيزه ايه ده في ايه قومي شوفي مين
سعاد وهي ماشيه ناحيه الباب تابعت بخوف ربنا يستر في ايه وفتحت كان عصام وباين عليه متعصب جدا فخافت وتابعت بتوتر اهلا يقلب خالتك لسه كنت بقول
فعصام زق ايديها ودخل لرفيده اللي شافته ابتسمت بتوتر من هيئته فضربها بالقلم بقوه ومسك شعرها فاتخضت وصرخت بالم وهي بتعيط فتابع عصام بعصبيه اناا تضحكي علياا وتستغفليني يابنت الكلب !! لييه فاكره نفسك ميين انتي علشان تعملي فياا انا كدده وضربها بالقلم بقوه اكبر تحت صراخ رفيده وخوفها
فسعاد راحتله ومسكت دراعه تحاول تبعده عنها وتابعت بدموع وخوف اهدى يا ابني اهدى واخزي الشيطان عملتلك ايه بنت الكلب دي فهمني
عصام بعصبيه الشيطان ده بنتك الزباله وضربها بالقلم بقوه وهي بتعيط وتابع بنتك اللي اتجوزتهاا ونضفتها وعملتلها قيمه وشكل وخليت محدش يقدر يكلمها ويوم ماتيجي تغدر تغدر بياا انا
رفيده بعياط وخوف عملتلك ايه اناا والمفروض ايا كان اللي حصل مني فتيجي تناقشني مش تمد ايدك عليا بالشكل ده
عصام بعصبيه امد ايدي عليكي !! وضربها بالقلم بقوه وتايع بعصبيه اكبر: ده انا هكسرك تحت رجلي انهارده
سعاد بعياط وخوف فهمني طيب ينورعيني عملتلك ايه وانا اقطملك رقبتها
عصام بحده وانا مش ناقصني ايد ولا رجل علشان تربي مراتي بدالي وشدها يدخل بيها اوضتها وهي بتعيط وتابعت لالا والنبي خلي ماما والنبي يا امي ارجوكي
عصام بعصبيه وهو ماشي بيها تابع لو جات هنسى انها خالتي وهقولها كلام يزعلها فتفضل عندها احسنلها
سعاد كانت خايفه فتابعت بدموع في سرها منك لله يارفيده عمايلك كتير مش مخلياني قادره اتكلم ربنا يسامحك يابنتي وقعدت وضربت على رجليها وتابعت يارب جيب العواقب سليمه
وعند رفيده عصام دخل بيها اوضتها وزقها بقوه فوقعت على الارض وقفل الباب بالقفل وبصلها ففضلت ترجع بضهرها على الارض وهي مرعوبه منه وبتعيط ومش قادره تحدد هو متعصب كده ليه وخافت تكون حبيبه سمعته الريكورد فبلعت ريقها بتوتر فعصام راح عندها ووطى بركبته لمستواها وتابع بهدوء مخيف : هو سؤال واحد هسألهولك بعدين هسكت خالص ومنتظر اجابه
رفيده بلعت ريقها برعب وتابعت وهي بتبصله بدموع قول
عصام بتنهيده بما اني مش تخصصي الادويه ودكتور جامعي فمقدرتش احدد بصراحه وطلع الشريط من جيبه وتابع ده ايه بقى ؟؟
رفيده شافت الشريط اترعبت وعيطت فعصام ابتسم وتابع مفيش رد طبعا اصل انا هنتظر منك ايه ورمى الشريط في وشها وضربها بالقلم بقوه تحت عياطها المتواصل ومسك شعرها بعنف وتابع بعصبيه شديده بقى حتت بت جربوعه زيك لا راحت ولا جاات اقدر اتجوز ست ستهاا تلعب بياا انا بالطريقه دي مستغفلاني وانتي بتاخدي برشام علشان متحمليش مني يازبااله !!! ليه شايفه نفسكك على اييه ها وضربها بالقلم بقوه لدرجه شفايفها نزفت وتابع بعصبيه شديده ردي علياا شاايفه نفسك على اييه ده انا قللت من مستواياا لما خليت واحده زباله زيك تشيل اسمي بس الغلط مش عليكي وشد شعرها اكتر وهو بيحركها منه بعنف تحت عياطها وتابع بعصبيه شديده ودموع الغلللط على اللي حبك وحط قلبه تحت جزمتك وسابك تدوسي ليل نهاار الغلط على اللي قالك مفيش قبلك ولا بعدكك وانتي كل البنات في عينه الغلط على اللي اتحول من دكتور وباحث لمجرم علشان يوصلك ويفوز بيكي انا اللي غلطان مش انتي يارفيده الغللط راكبني انا من اولي لأخرري بس وماله ده غلطي وانا هصلحه
رفيده خافت وتابعت بعياط ابوس ايدك يعصام ومسكت ايديه باستها وتابعت بعياط هستيري ابوس ايدك اسمع مني الاول انا مش وحشه زي ما مانت فاهم كده ابوس ايدك متظلميش طب ده انا ياما قولتلك نفسي احمل منك واجيب واد شبهك انا تقولي كده يعصام !! انا تضربني بالشكل ده !! وفضلت تعيط وتابعت هونت عليك ؟!
عصام كان باصصلها بنظره بارده خاليه من اي مشاعر وتابع سبحان الله حتى دموعك اللي كانت بتضعفني مبقيتش تأثر فيا يارفيده انا رايي انك تشوفي مجال التمثيل احسن بكتير من شغل الحيوانات اللي كنتي فيه ده لان شغلك معاهم بهت عليكي
رفيده بعياط صدقني انت فاهم غلط واتوترت وتابعت : انا اه خدت البرشام ده بس مش لاني مش عايزه اخلف منك زي مانت فاهم لا .. بس انا لاحظت انك مبقيتش تحبني زي الاول وبتتخانق معايا كتير فخوفت يحصل بينا مشاكل ولا تطلقني وابقى معايا بيبي يتظلم بينا
عصام بقهر : اممم مفروض انا هشتري وكده ؟ وضحك بسخريه وتابع مشترتش كلامك يارفيده وضربها بالقلم بقوه وتابع ومحستهوش لان لو ده السبب اللي يخليكي ترفضي تحملي مني وتموتي ابنك يبقى اكسب فيكي ثواب واخدك من ايدك للعباسيه وابقى ختمتها للاخر اصيل
رفيده اتصدمت بشده وخافت وتابعت بعياط ابني !! ابني ايه اللي موته !! انت بتهزر صح !! هو معقول اني باخد برشام منع حمل فيجي في بالك اني انزل حته مني يعصام !!
عصام شد شعرها بقوه وتابع بعصبيه بت انتي بقولك اييه انا كدب وحوارت مش عاايز انتي زباله ويطلع منك اي حااجه واللي تكدب مره تكدب الف مره انا مبقتش اصدقك خلااص ورمى دماغها بقوه فخبطت في حرف السرير واتعورت ففضلت تعيط بشده
عصام بعصبيه ولسه هو انا كده جبت حق ابني !! ده قسما بالله يا رفيده هخليكي تتمني الموت ومش هتطوليه علشان ذنبه ايه ابني؟!! واتعصب اكتر بدموع وتابع ذنبه اييه حتت اللحمه الحمراا ده انك تموتيه فهميني !! طب بتكرهي ابوه ياستي اطلقك وغوري في ستين داهيه وانا هربيه واحطه في نن عيني ومش هشيلك همه انما ايه اللي انتي عملتيه ده هااا وضربها بالقلم بقوه وتابع بعصبيه شديده ايه اللي انتي عملتيه ده فهميني علشان مش مستووعب ودموعه زادت وتابع بعصبيه ياشيخه ده انا قايلك ماليش غيرره وده العيل اللي بترجااه من الدنيااا ده انا كنت بجري بيكي زي المجنون خايف عليه يمشي ويسيبني علشان اتعشمت بوجوده في بطنك ان هيبقى ليا حد اعيش علشانه ومكنتش هقف كنت ناوي اعمله اخوات يرمي نفسه عليهم وقت الشده وعيله كبيره بتحب بعض بس ازااي !! ازاي كنت هعمل ده من ست زرعه شيطاني زيك.. ازاي كنت هصنع المحبه والود من واحده متعرفش غير الغل والحقد وبصلها بذهول وتابع ده انتي شوفتيني وانا طاير بيه من الفرحه وبقولك فرحان يارفيده مش قادر اصدق انك شايله ابني يارفيده طب ايه قاصده تقهريني انا يعني !! بس ارجع واقولك انا اسف هي حقيقي مش غلطتك انتي خالص انتي كنتي باينه من الاول انا اللي اتعميت وصممت اكمل علشان .. وسكت شويه وتابع بقهر علشان حبيتك
رفيده بعياط هستيري وغلاوتك عندي يعصام كنت متخلفه انا مكنتش حابه فكره الحمل دلوقتي وفكرت ان البيبي هيجي يتظلم بينا فقولت اجلها شويه انما مش قصدي كل ده والله العظيم ..صدقني انا بحبك ومقدرش اعيش من غيرك
عصام بابتسامه عندك حق كان هيجي يتظلم بينا فعلا .. الحمدلله اني سقطيه وكسرتيني علشان اعرف حقيقتك واديكي بقيتي بطولك ومفيش حاجه تشفعلك عندي وتنهد بوجع شديد وهو بيبصلها نظره تحمل كل معنى الخذلان وتابع انتي طالق يا رفيده
رفيده اتصدمت بشده لدرجه حست قلبها هيقف من فرط الصدمه ومش مصدقه انه نطقها فدموعها نزلت بقهر وهي ساكته ومش قادره تنطق وعصام قام وقف وفتح الباب فسعاد راحت ناحيته وتابعت بخوف بص انا معرفش هي علمتلك ايه ياابويا بس خليها تتربى وتتعلم الادب بعدين انا بنفسي هاجي اجيبها تبوس على راسك وتقعد في بيتها
عصام لا خليهالك وسابها ومشي ونزل من الشقه ورزع الباب فسعاد اتضايقت من جوابه ودخلت لرفيده اللي بتعيط بانيهار فتابعت بخوف اييه في اييه عملتيله ايه الله يخربيت اهلك
رفيده فضلت تعيط بشده وتابعت عصام طلقني يا ماما عصام طلقني وهان عليه يبعد عني عادي
سعاد شهقت بصدمه وخبطت على صدرها وتابعت اييه نهاار ابوكي اسود طلقك ازاي يعنيي !!
رفيده بعصبيه ودموع يعني طلقني هو ايه اللي طلقني ازاي
سعاد بعصبيه وطلقك ليه هاا هببتي لجوزك ايه يابت ومسكت شعرها فرفيده فضلت تصرخ وتعيط فتابعت سعاد بعصبيه اخلصي انطقيي عملتيله ايه و.. ورايحه تكمل اتصدمت بالشريط اللي على الارض فزقتها وجابته وتابعت بصدمه ده منع حمل مش كده ؟!!
رفيده فضلت تعيط فتابعت سعاد بعصبيه اخلصيي وضربتها على ضهرها بقوه وتابعت بعصبيه كنتي بتاخدي منع حمل من وراه يا رفيدده !!
رفيده بعياط اه ومكنتش مستعده للحمل فلما حملت نزلت البيبي بلادويه وهو عرف كل حاجه
سعاد اتصدمت بشده وتابعت عملتي ايه !! عملتي ايه يا رفيده !! موتي ابنك يا رفيده !! واتعصبت بدموع وتابعت موتي حته منك يمتخلفههه !! هو ايه انا مخلفه مجررمه !! مخلفه قتاله قتله !! انتي جبتي الجحود ده منين يابت انتي ده ولا انا ولا ابوكي كدده طب سيبك من عصام خاالص اللي حقه يكسرك ويطلقك ويرميكي بس مخوفتيش من ربناا يا رفيده !! مخوفتيش من واقفتك قداامه !!
رفيده بعياط وعصبيه موته علشان مبحبش ابوه ومرضتش اعيش ابني القرف اللي انتي عيشتهوني بجوازك من بابا بتزعقيلي علشان مجبتش عيل الدنيا يتبهدل بيناا طب ماتشوفي نفسك ياللي بتخافي ربنا ومرضتيش تسقطيني عملتيلي كام عقده للنهارده بسبب علاقتكم وربنا هيحاسبك علياا بردو مش انا بس اللي هتحاسب
سعاد بصتلها بصدمه وتابعت بعصبيه ليه واحنا عملنالك ايه ياتربيه ناقصه !! محبيناش بعض اه بس بنموت فيكي انتي وكنا نتراضي لاجلك علشان الام عمرهاا ما تموت ضناها بايديها حتى لو ابوه ده ابن ستين كلب ما بالك انه عصام اللي الف مين تتمنى تجبله عيل وتكون مكانك وانتي افتريتي على النعمه اللي ربنا اداهالك فـ زالت من وشك روحي يابنتي ربنا يهديكي لحالك علشان انتي وصلتي لمرحله ان نفسك متسلطه عليكي والنفس كفيله تهلك صاحبها
رفيده بدموع تمام اطلعي برا بقى وسبيني لوحدي
سعاد بعصبيه انا مش هطلع قبل ما افهم كل حاجه كنتي اتجوزتيه ليه طلما مش بتحبيه ؟! مسبتيهوش للي تحبه وتقدره ليه استخصرتيه؟
رفيده بعصبيه اه استخصرته دي الحقيقه بس هرجعه علشان مش بعد كل ده انا ابقى مطلقه والبيه يعيش حياته مستحيل
سعاد بسخريه ابقى قابليني لو بص في وشك تاني وتنهدت بعمق وتابعت سيبيه يابنتي للي تحبه وتقدره
رفيده بحده ودموع ده على موتي انه يسيبني دلوقتي كده كده مش هنكمل بس مش هينفع دلوقتي
سعاد بحده ليه هتفرق معاكي ايه ياروح امك
رفيده بعصبيه ودموع لا تفرق كتير واتفضلي اطلعي وسيبيني لوحدي علشان اشوف هعمل ايه في المصيبه دي
سعاد بحده يعني انتي مشوفتيش ربايه وبتاخدي حبوب منع حمل مفلحتيش تخبيها كويس ياللي منك لله بدل بيتك اللي اتخرب ده
رفيده بحده ودموع خبيته في برطمان الرز في المطبخ و ... رايحه تتكلم سكتت بذهول وسألت نفسها عصام عرف مكانه ازاي
سعاد بحده و ايه ياخايبه برطمان رز ايه وزفت ايه اللي خبيتيه فيه هيلاقيه ازاي هو لو في برطمان الرز ؟ وعرف منين انك نزلتي اللي في بطنك بردو
رفيده افتكرت لما قالت لعلي وقلبها وجعها وتابعت بقهر غالبا انا فهمت عرف منين
سعاد باستغراب منين؟
رفيده مسحت دموعها بجمود وبصتلها وتابعت علي اللي قاله
سعاد شهقت وضربت على صدرها وتابعت علي !! علي ازااي يعني !! وعلي عرف منين اسرارك انتي وجوزك اللي زي دي ياللي يتقطم رقبتك هاا
رفيده بقهر انا قولتله علشان يفهم اني بحبه ومبحبش عصام بس متوقعتش يطلع منه حركه زي دي ويتكلم عن ست بالشكل ده مع جوزها وعيطت وتابعت علي اتغير اوي اتغير وحتى مبادئه اتغيرت
سعاد اتصدمت وتابعت بعصبيه بـ ايييه؟ بتحبيبه؟؟ بتحبي مين ياتربيه وسخه انتي هاا وضربتها وتابعت بتحبي مين؟؟! انتي لسه مش راضيه تفوقي؟؟ بتحبي رااجل ماصدق طلقك وراح خطب ونازل طالع يشعر فيها قدام الدنيا كلهاا؟؟ بتحبي اللي مفرقش معاه انك اتجوزتي وبقيتي لغيرره وتكسري الراجل اللي عمره ما حب ست غيرك ؟!! واتعصبت اكتر وتابعت انتي واعيه للي عملتيه يا رفيده !! اديكي بقيتي لوحدك وابنك اللي كان هيحنن قلب عصام عليكي راح وعلي معاه خطيبته وبكره يمشوا بعيالهم خليكي يابنت بطني قاعدالي خليكي اديكي بقيتي مطلقه صحيح وقامت تقف فرفيده عيطت وتابعت بعصبيه انتي بتعايريني علشان انا صريحه معااكي !!
سعاد بعصبيه ودموع بعاايرك ايه بعاايرك ايه ياللي منك لله ده انا هموت عليكي وقلبي واجعني بقى تخسري عصام السيوفي اللي بيتهزله شنابات ومتخلفيش منه عيل وتبقي مراته وام وريثه الوحيد وتابعت بسخريه علشان علي ..عليكي وعلى علي في ساعه واحده واتوترت وتابعت يارب عصام مايقول حاجه قدام خالتك روحي منك لله ربنا ياخدك هرد اقولها ايه لما تقولي بنتك مش عايزه تحمل من وراه ومسقطه ابنها وطلعت وهي بتدعي عليها ورفيده فضلت تعيط وتابعت ماشي ياعلي ان ما جبت مناخيرك الارض مبقاش انا رفيده بس استنى عليا
-----
وفوق السطح عند بيت علي كانوا قاعدين كلهم بيتغدوا وبيتكلموا وفرحانين
إيلين كانت جنب حبيبه وعلي جنبها من الناحيه التانيه فإيلين فهمستلها بتوتر: حبيبه عصام مش بيرد عليا وانا قلقت عليه اوي
حبيبه وهي بتاكل تابعت بهمس خليكي وراه لحد مايرد وشوفيه فين روحيله هو محتاجك دلوقتي اكتر من اي وقت
إيلين بدموع وتوتر انا لو اعرف انتي عملتيله ايه بس
حبيبه بخوف وهمس مش هقدر انطق ربنا يحاسبني ده مش كلام يتقال بس عصام جوزها وحقه يعرف ومع ذلك علي لو عرف اني عملت كده هيطلع عين اهلي وهتبقى ليلتي طين لانه قالي الكلام ده ميخرجش لحد
إيلين بخوف نهارك اسود طب مكنتيش تنطقي وابعتي من مسدج من رقم مجهول يغبيه كده علي هيموتك اصل رفيده طبيعي هتسال عصام مين قاله
حبيبه بخوف ان شاء الله خير بس عامه حتى الرقم مش حل .. عصام اه مكنش هيعرف مين اللي بعت بس رفيده مش قايله الكلام ده غير لعلي فـ هتشك فيه بردو
فعلي زغدها في دراعها بخفه وتابع خفي رغي وكلي مفطرتيش من الصبح وحط قدامها بانيه وجلاش حبيبه ابتسمت وتابعت يسلمولي ايديك ينورعيني
رانيا بضحك انا اللي طابخه ياختي مش نورعينك
فكلهم فضلوا يضحكوا فتابعت حبيبه بضحك وانا مبتكلمش على الطعم انا لسه مدوقتش انا بتكلم انه جابلي الااكل قدامي يا رنوش عيب عليكي
رانيا بضحك طيب ياختي دوقي بقى
حبيبه داقت الاكل وغمضت وتابعت اممم حقيقي خطير ايه الجديد بتاعك يعني يارنوش قلبي
رانيا بضحك حبيبتي انتي والله
اسراء بضحك ايوه كلي عيش كلي عيش وطبلي
حبيبه فضلت تضحك وتابعت لا ياختي مبطبلش ده انا باكل منها اكتر من امي وحافظه اكلها بس اسكيوزمي بقى انا هعديكي في الطبخ وهغذي جوزي بمعرفتي بعد كده
فكلهم فضلوا يضحكوا فعلي ضحك وتابع تغذي جوزك اه تغذيه اندومي مش كده؟
فكلهم فضلوا يضحكوا فتابعت حبيبه بضحك لالا والله بعرف اعمل كام حاجه ودوقتك متبقاش نكار جميل
علي ضحك ومسك ايديها باسها بحب وتابع حصل يعمري فاكر ونفسك في الاكل تحفه والله
حبيبه بابتسامه انا ولا امك ياعلي
فكلهم فضلوا يضحكوا بشده فتابعت رانيا بضحك شوف البت من اولهاا بتعمل ايه
حبيبه بضحك الله سؤال عادي يارنوش في ايه
علي بضحك ايه الاسئله دي يحبيبه الله يخربيتك هو الكلام ده مش انتهى من 2019
رانيا بضحك سؤال عادي ايوه طب يبقى يقول انتي وانا مش هأكله ولا لقمه من ايدي تاني
علي فضل يضحك بشده وتابع لالا مش هقول هي
حبيبه بضحك نعم يحبيبي؟
علي بضحك ولا هقول امي بردو استني بس
حبيبه بضحك يسلاام شغل احنا الاتنين ده مينفعش بنسبالي
علي بضحك لالا مش انتوا الاتنين والله وابتسم وتابع بس امي احسن حد اكل منه طول مانا في بيتها دي ست الكل دي وبقالي 25 سنه باكل منها وانتي هتبقي احسن حد في الدنيا اكل منه باقي عمري بعد الجواز
فكلهم ضحكوا فتابع حسن بضحك ياولااا شاعر بصحيح
مالك بضحك هي هي معنى انتوا الاتنين بس بشياكه ومترتبه وعليها فيونكه
فكلهم فضلوا يضحكوا فتابع علي بضحك بقي يطلعلك صوت يحيوان عشنا وشوفنا مالك بيقول رأيه
فكلهم فضلوا يضحكوا فتابعت حبيبه بضحك هو كلام مالك صح بس انا هعمل عبيطه ها وهسكت علشان كلامك عجبني
علي فضل يضحك وتابع عاقله يحبيبي والله
وإيلين لقيت عصام بيرن عليها فقامت بسرعه من على الاكل وراحت وقفت قدام سور السطح وهي بتبص على الشارع وردت بلهفه وتابعت عصام فينك مبتردش ليه علياا قلقتني عليك
عصام مكنش قادر يتكلم فتابع بالعافيه : متقلقيش يا إيلي انا بخير
إيلين بخوف مقلقش ايه بس ده انت صوتك لوحده يقلق انت فين يعصام وانا اجيلك؟؟ في البيت ؟؟
عصام تنهد بوجع وتابع لا في الممشى
إيلين بلهفه اه عارفاه خلاص اقفل انا جيالك باي
عصام بتنهيده متتعبيش نفسك يحبيبتي انا بخير
إيلين بخوف عصام بليز مش عايزة اسمع منك اي اعتراض انا مرعوبه عليك من بدري ومش هعرف مجيش باي دلوقتي
عصام تنهد بوجع وتابع باي وقفلت معاه وراحت عند السفره وتابعت بلهفه يلا باي مليون مبروك يسلمى عقبال الفرح يعمري ونقلت نظرها لحبيبه بسرعه وتابعت بلهفه حبيبه انا لازم انزل دلوقتي
سلمى بحب الله يبارك فيكي ياروحي
حبيبه بقلق طيب روحي انتي هبقى اكلمك
إيلين بلهفه ماشي باي ومشيت بسرعه وهي بتنزل السلالم
وفارس مسك شنطه اسيا اللي سيباها على الارض وطلع منها العلاج لما شافها خلصت اكل وحطه قدامها وتابع امسكي
اسيا تنهدت بحزن وهزت راسها بلايجاب بابتسامه وخدت البرشام من ايده وحطته في بوقها وهي ساكته فعلي كان مستغرب جدا سكوتهم اغلبيه اليوم والبرود اللي بيتكلموا بيه فتابع انتوا متخانقين يفارس؟
فارس ابتسم وتابع لا هنتخانق ليه ربنا مايجيب خناق احنا زي الفل بس شديت معاها الصبح شويه علشان مهمله في علاجها
علي بتنهيده اهتمي بنفسك يا اسيا هو صح يحبيبتي مينفعش كده
اسيا ابتسمت بوجع وتابعت اكيد حاضر
ففارس قام وقف وتابع بضيق يلا عايز امشي علشان عندي شغل بكره بدري
اسيا بوجع حاضر شيل تولين بس من على رجلي علشان مش هقدر اقوم بيها
فارس وطى شال تولين منها ونيمها على كتفه وتابع يلا
اسيا قامت ورتبت دريسها وهزت راسها بلايجاب بمعنى يلا ففارس حط ايديه التانيه على كتفها وتابع بابتسامه يلا عايزين حاجه عقبالكم كلكم يارب مبروك يا لوما مبروك يا مالك
علي بابتسامه سلامتك يحبيبي
رانيا بحب عايزين سلامتك ينورعيني
مالك وسلمى ردوا بحب الله يبارك فيك
ففارس بص لاسيا وقال حاجتك كلها معاكي؟
اسيا هزت راسها بـ اه بصمت فتابع بتنهيده طيب يلا ونزلوا على السلم وبمجرد مانزلوا دور شال ايديه من على كتفها ونزلها قدامه ونزل وراها وهو شايل تولين فاسيا قلبها وجعها اوي ودموعها نزلت
وعندهم فوق كانوا شاكين فيهم جدا فتابع كريم بتنهيده متخانقين وواضح جدا على فكره
علي بتنهيده انا خدت بالي بس مرضتش اجبر عليهم يتكلموا هما بردو متجوزين وليهم خصوصيتهم
رانيا بحزن يا ابني كنت اجبر عليه وخليهم يتراضوا ده اختك حامل ومش حِمل زعل
علي بتنهيده يعني هو ميعرفش الكلام ده ياما؟ بس مينفعش اتدخل انا عن نفسي مش هحب حد يعرف مشاكلي انا وحبيبه اصل في النهايه ملناش الا بعض فلازمتها ايه الفضايح يعني وانا هتدخل لاسيا بس في حاله واحده لو هي طلبت ده انما طول ماهما ساكتين انا مقدرش اجبرهم يتكلموا
مالك بتنهيده يجدعان متقلقوش فارس بيموت فيها وهيتصالحوا عادي والله هو اكتر واحد عارف ان الزعل غلط عليها ده وسط خناقهم اهو اداها الدوا بعد الاكل
علي بتنهيده عندك حق والله وضحك وتابع اول مره تقول حاجه صح في حياتك
مالك بضحك مش عارف انا ابن قاسم مستقصدني ليه
علي بضحك وهفضل كده اذا كان عاجبك يا ابن بدر
مالك فضل يضحك وتابع يباشا براحتك ده انت خال العيال
علي برفعه حاجب عيال مين لا احنا مكتبناش كده في العقد
فكلهم فضلوا يضحكوا فتابع مالك بضحك اه وماله متجوزها احطها في النيش انا
سلمى بحرج لا هتبدائو هزار وانا العروسه والله انزل واسيبكم
فكلهم فضلوا يضحكوا بشده فتابع علي بضحك لالا خلاص خليكي بس يمالك احترم نفسك
مالك بضحك انا اللي احترم نفسي بردوو
علي بضحك ورفعه حاجب اومال مين يالا هاا ده انت الجواز قوى قلبك خالص وشكلنا هنطلقك
مالك بضحك لا يغالي وعلى ايه ولا قواني ولاحاجه انا اللي احترم نفسي متزعلش نفسك
فكلهم فضلوا يضحكوا فتابع كريم بضحك المهم انا عندي ميتينج بالليل هسافر شرم وعادي لو خدتكم لان شركتنا ليها فندق هناك فشوفوا لو عايزين نروح سوا ده هما يومين
مالك بحماس حلو ده انا ومراتي معاك ياباشا
علي برفعه حاجب مراتك مين اللي هتاخدها؟ وقام وقف وتابع بضحك لا ولااا احترم نفسك احنا لسه معملناش فرح فاكرو شهر عسلك ولا اييه
فكلهم فضلوا يضحكوا فتابع كريم بضحك يحبيبي سيبك منه مينفعش يقعد معاها في اوضه واحده طلما مش جوزها اصلا ولو كده هنحجز اتنين جنب بعض واحده لينا وواحده ليهم
مالك بضحك مش مراتي منين يعنيي ماهي مراتي اهيي وكتبنااا ولا هتخالفوا شرع ربناا
علي برفعه حاجب وابتسامه طلع القسيمه من عند امك وروح وريها لاداره الفندق بقى لمؤاخذه يخاله
فكلهم فضلوا يضحكوا فتابعت هدى بضحك انت خليت فيها لمؤاخذه
علي بضحك ابنك اللي مشافش ربايه الله اعمله ايه
هدى بضحك معلش فرحان لهفه شباب مانت عارف
علي بضحك لا مفيش منه انا اللي يتلهف على اخواتي ادبحه
مالك بضحك طب واللي يخلف منهم؟
فكلهم فضلوا يضحكوا بشده فعلي بصله بذهول وضحك وتابع ياابن الجززمه ده اقتله بس صبرك علياا بس
مالك من بين ضحكه: ياعم اتنيل وروح اتشطر علي فارس ادي مراته حامل انت جاي علياا انا بس ليه الله
علي بضحك مش طايقك لله في لله كده
سلمى بضحك اخص عليك يعلي ده سكر والله العظيم
علي برفعه حاجب انتي اتكلمتي يسلمى؟ عايز اتاكد بس يحبيبتي؟
سلمى فضلت تضحك وتابعت اه بقولك ولع فيه ده عايز ياخد لوما منك شكله اتجنن
فمالك بصلها بذهول وكلهم فضلوا يضحكوا بشده فتابع بضحك اه يا ندله يا بياعه
سلمى بضحك وهمس بموت فيك والله
مالك بضحك لا ماهو واضح
نيره بحب انا رايحه معاك يكريم اعمل حسابي
كريم بحب يباشا انتي كده كده رايحه قبل كريم نفسه الله هي دي فيها كلام
فكلهم فضلوا يضحكوا فتابع علي بضحك ايوه ياعم مالكش الا نيره
كريم بضحك اومال ليا انت ولا ايه
فكلهم فضلوا يضحكوا ونيره ضحكت وباست خده وتابعت بموت فيك والله
فمالك بص لسلمى وغمزلها بمعنى شوفتي ان كلامي صح وسلمى ضحكت بذهول وجدهم كان متغاظ من نيره جدا وقربها من كريم بالشكل ده فقام وسند على عصايته ونزل ووراه ابوها
فهاله تنهدت بضيق وهمست في سرها الدواهي اللي تاخد
---
عند عصام إيلين شافته قاعد قدام البحر وساكت وباين عليه انه موجوع فوقفت بعربيتها على جنب ونزلتله وتابعت بلهفه عصام ومشيت ناحيته فعصام سمع صوتها قام وقف ولفلها فجريت عليه حضنته وهو كأنه ماصدق وحط ايديه على ضهرها وضمها ليه اكتر ووطى راسه يسندها عليها والدموع اتجمعت في عينيه
فإيلين شددت من احتضانه وتابعت بدموع مالك يعصام وخرجت من حضنه وحطت ايديها على خده وتابعت بدموع فيك ايه احكيلي
عصام تنهد بوجع وتابع مش قادر يا إيلين صدقيني مش قادر احكي اي حاجه
إيلين مسكت ايديه وقعدته على المقعد وقعدت جنبه وتابعت بوجع وانا مش هسيبك غير لما تتكلم معايا وتفتح قلبك انت مش عاجبني كده
عصام تنهد بعمق وبص قدامه وتابع اصل للمره الكام هقولك اتخذلت من رفيده؟ هو الغلط مش عليها انا اللي استاهل اني كملت مع اني عارف انها محبتنيش ربع حبي ليها
إيلين بوجع بس انت قولتلي انك بتعتبرها كل اهلك علشان كده كملت
عصام بصلها بقهر وتابع مابالك بقى اللي اعتبرتها كل اهلي دي تخذلني؟ وبص قدامه على البحر وتابع يعني انا ماليش حد اروحله دلوقتي
إيلين حطت ايديها على إيديه وتابعت بحزن عصام ممكن متقولش كده ؟ وابتسمت بحزن وتابعت انا جنبك ومعاك وصدقني مش هسيبك لوحدك ابدا وهنعدي كل ده مع بعض بس احكيلي يعصام عملتلك ايه رفيده
عصام دموعه نزلت بصمت وهو باصص قدامه وتابع موتت ابني اللي مكنتش بتمنى غيره بنفسها يا إيلين
إيلين اتصدمت بشده فتابع عصام بقهر علشان بتكرهني كرهت حته مني وخدت برشام ونزلته وموقفتش عند كده بس فضلت مصممه تحرمني اكون اب وتاخد برشام منع حمل من غير ماتقولي ومخبياه
إيلين دموعها نزلت وتابعت بقهر لالا اكيد في حاجه غلط !! عصام انت بتهزر صح !! لا مش معقول بجد !! يعني رفيده هي اللي نزلت البيبي ابنكم وبتاخد منع حمل من وراك انا فاهمه صح !!
عصام هز راسه بـ اه وهو باصص قدامه وساكت فإيلين اتصدمت بشده وتابعت ينهار اسود ينهار اسود هي في ام بيهون عليها حته منهاا !! انا مش قادره استوعب !!
عصام ابتسم بسخريه ووجع وتابع عادي يغور في ستين داهيه علشان مش بتحب ابوه
إيلين بدموع مهما يكوون يعصام مهما يكون ده انت لو جاحد ابنها مالوش ذنب وحرام ما بالك بقى ان انت مفيش احن منك واي واحده تتمناك اصلا فـ ده جزاتك في الاخر تحرمك من الحلم اللي بتتمناه ويهون عليها ابنها !! انا مش عارفه استوعب يعصام والله ما عارفه استوعب دي اكيد مريضه حقك عليا اني بقول على مراتك كده بس مش طبيعي اللي بيتقال ده
عصام ابتسم بوجع وتابع لا مراتي ايه بقى ربنا يعينها على اللي هي فيه مبقاش فيها مراتي خلاص وبص لإيلين وتابع انا طلقتها قبل ما اجي
إيلين فرحت جدا بس حاولت متبينش وكتمت ابتسامتها بالعافيه وتابعت طلقتها !! وانت مرتاح كده يعني؟
عصام تنهد بوجع وتابع مش مهم ارتاح المهم ان ده الصح مشيت ورا قلبي كتير خدت ايه غير الوجع
إيلين بوجع بس مش بسهوله القلب يكرهه حد حبه ويقدر يبعد عنه بالشكل ده
عصام بوجع ودموع لا هبعد ..هبعد علشان كل ما ابص في وشها هفتكر ان كان بايديها تفرحني زي ما ياما فرحتها وهي استخصرت فيا الفرحه .. هبعد علشان معتبرتش انها متجوزه راجل واستغفلتني وخدت برشام من ورايا ومعيشاني على امل كل شهر استناها تقولي ان ربنا كرمنا ..هبعد علشان اقتنع اني طول عمري كنت لوحدي بس انا اللي خلقت الأُلفه بيني وبينها بالعافيه وهي عمرها ماكانت اهلي ولا سندي ولا وقفت جنبي وحبتني انا اللي بموت فيها فكل ده كان انعكاس حبي ليها مش اكتر والدموع اتجمعت في عينيه وتابع كنت بتمنى تكون كل عيلتي ونعمل مع بعض عيله كبيره بس هي فوقتني على قلم صعب اوي ..قلم عمري ماهنساه وغمض بقهر وتابع مش قادر انسى اليوم اللي خدتها على ايدي بتنزف وجريت بيها زي المجنون في الشوارع علشان الحقها وخايف ان يجرا للي في بطنها حاجه وعمال اتحايل على ربنا وادعي ان ميعاقبنيش في ابني اتاريه عاقبني من زمان بأمه .. وخلاني دفعت تمن اغلاطي وزياده ..وعمري مانسيت كلام علي لما قالي وانا بعزمه على الفرح ده انت اللي صعبان عليا انك هتتجوزها كأنه قدر يعرف جوهرها اكتر مني لاني معمي بحبي ليها كنت طول الوقت شايف ان كلامه صح بس عمال اقنع نفسي بالعكس علشان اقدر اعيش وابتسم بسخريه وتابع مانا بحبها بقى ... الله ينعل ابو الحب اللي عمل فيا انا كده حقيقي
إيلين بدموع انا اسفه لوجعك والله ياريتني اقدر اخد وجعك ده منك وحياتك ماهتاخر
عصام ابتسم وتابع كفايه حسيتي بيا دي بالدنيا
إيلين بدموع حاسه بيك وفهماك والله وتنهدت بقهر وتابعت بدموع انا كمان عشت كتير لوحدي ماما ماتت وانا صغيره وبابا عاش عمره كله بيربيني ومقدرش يتجوز ست غيرها ورغم وجوده وحنيته بس كنت بختار غلط من وحدتي بردو وبسبب اختياري ده كنت هموت بالجسد زي مانت مع رفيده مُت بالروح صدقني الانسان جنب الشخص الغلط هيتطفي كل يوم عن الاول فبعدك عنها الراحه الحقيقيه حتى لو في اولها تعب
عصام تنهد بوجع وتابع مانا عارف علشان كده طلقتها واول مره اخد قرار عكس رغبتي واكون عارف اني صح ومرتاح
إيلين بدموع حقك عليا والله بكره ربنا يعوضك عن كل اللي شوفته ده
عصام بوجع يارب يا إيلين يارب
إيلين بدموع يارب ينورعين إيلين وخدته في حضنها فعصام دموعه زادت ففضلت تطبطب عليه وهي بتعيط وموجوعه علشانه اوي وفاق على صوت فونه بيرن فخرج من حضن إيلين وطلع فونه من جيبه لقى عادل فتنهد بعمق ورد وهو بيمسح دموعه وتابع ايوه ياعم عادل
عادل فينك يا ابني؟
عصام بتنهيده برا في مشوار في حاجه ولا ايه؟
عادل بحزن عايزك تجيلي زياره المستشفى في اقرب معاد يسمحوا فيه بالزياره ياعصام
عصام بضيق عم عادل انا وبنتك خلاص مش ..
عادل قاطعه لما تابع اسمعني بس يعصام انا مبقولكش رجعها انا بنتي الغلط راكبها من اولها لاخرها انما انا عايز اشوفك
عصام تنهد بعمق وتابع ماشي ياعم عادل هجيلك وربنا يطمنا عليك يارب
عادل بحزن يارب ياابني وقفل معاه فإيلين بصتله باستغراب وتابعت تفتكر عايز ايه؟
عصام بتنهيده مش عارف المهم قومي يلا اروحك الوقت قرب يتأخر اتعشيتي في بيت الجارحي ولا نروح ناكل برا ؟
إيلين بابتسامه مكنش ليا نفس اكل من قلقي عليك ولو كنت كالت كنت هقولك لا علشان ناكل برا سوا
عصام بابتسامه يسلام وانا موافق يلا اركبي اوديكي الحته اللي تعجبك
إيلين بضحك اركب فين انا معايا عربيتي اهي
عصام بحب هاتي المفاتيح هخلي حد من الرجاله يركنهالك في المكان اللي تحبيه وهوديكي عندها لما نخلص
إيلين بابتسامه وحماس اتفقنا واديته المفاتيح وراحت ركبت في عربيته وعصام لف ركب جنبها وفتح فونه يتصل باحد رجاله فشافت صوره رفيده على الفون اتضايقت حتى هو اتضايق فودت وشها الناحيه التانيه وتنهدت وعصام شال صورتها وحط صورته واتصل باحد رجاله
-
بعد 4 ساعات عند فارس واسيا
اسيا خدت شاور ولبست قميص روز بيتي حمالات قصير وفوقيه الروب بتاعه نفس الطول وخرجت للصالون لقيت فارس نايم وهو قاعد قدام الشاشه ومرجع راسه لورا على الكنبه فابتسمت بحنان وراحت مسكت الريموت طفت الشاشه وقعدت جنبه وفضلت تطبطب عليه وتابعت بهمس فارس وهزته بخفه وتابعت حبيبي
فارس فتح عينيه ببطئ وتابع بنعس خير
اسيا ابتسمت بحزن وتابعت قوم نام جوه يعيوني انت نمت على نفسك وانت قاعد
فارس فتح عينيه ومشي ايديه على وشها بضيق وقام وتابع تمام تسلمي ودخل اوضه تولين وقفل الباب
اسيا قلبها وجعها ودموعها نزلت ومسكت فونها اتصلت بداليا وثواني وردت عليها
داليا بضحك ايه يا ساسو تاعبك في ايه النونو تاني
اسيا بدموع اللي تاعبني ابو النونو مش النونو خالص
داليا بخوف اهدي بس اهدي مالك في ايه
اسيا بدموع لو طارق نام اطلعي شويه عايزاكي يا داليا
داليا بلهفه حاضر يحبيبتي طلعالك اهدي بس انتي حامل مينفعش كده يلا باي
اسيا بدموع باي وقفلت معاها وقامت عملت اتنين نسكافيه وخرجت حطته على الترابيزه الصغيره في الصالون والباب خبط فقفلت روبها كويس وراحت فتحت وتابعت تعالي ودخلتها وقفلت
داليا بضحك شوف يعني الدكتوره قيلالها خفي مرقعه اليومين دول حملك بيتلكك ودي لابسه ايه
اسيا بدموع يعني هو بيبص في وشي انتي التانيه وقعدت على الكنبه وداليا قعدت قدامها وتابعت بقلق في ايه بقى فهميني
اسيا بدموع بصي ياستي كل الحوار زياد كلمني من كام يوم قالي كده وفتحت الفون وريتهولها فداليا مسكته تقراه ودقايق وخلصت وتابعت بصدمه اه وبعدين؟ طبعا يقصد يتجوزك من اول وجديد مش كده؟
اسيا بدموع اه فانا يا داليا بصراحه كلام ليكي خايفه سليم يعرف وميسبنيش في حالي ومش عايزه اقول لفارس علشان عارفاه عصبي ومش هيسكت لسليم وانا في غنى عن كل المشاكل دي المهم انا مرضتش اقول فيا ايه بس هو حس ان في حاجه فانا علشان انسيه فضلت ادلع عليه بقى وكده انتي فاهمه ها
داليا بضحك ااه فهمتك فكره صايعه يابنت الايه ده بينسوا الدنيا بحالها
اسيا بدموع والنبي اتلهي ولا صايعه ولا نيله ده انا اللي انسى وهو مينساش مدخلتش عليه وقلب في فوني لما دخلت اخد شاور وعرف كل حاجه وبهدلني ومسح بكرامتي الارض اني خبيت ومن يوميها للنهارده يا داليا بيعاملني كأني شفافه يادوبك الكلمه على قد السؤال وبينام جنب تولين ويجي معاد دوايا يحطه قدامي ويمشي وعيشه صعبه وانا مبقتش مستحمله الوضع ده وفضلت تعيط
داليا بحزن يالهوي اهدي المصيبه انه فهم انك بتلاهيه عن انه يعرف وحشه اوي يا اسيا بصراحه
اسيا بدموع وبضيق يابنتي هشتمك مانتي قولتي فكره صايعه
داليا بضحك صايعه بينا وبين بعضينا ستات لستات انما لو عرفوا لالا ده انا اتكسفتلك يخربيت اهلك وفضلت تضحك
اسيا ضحكت من بين دموعها وتابعت طب والعمل جيباكي تضحكي عليا انا
داليا بضحك لالا والله حقك عليا هساعدك وابتسمت وتابعت طب انتي مجربتيش تكلميه بهدوء؟
اسيا بدموع جربت كتير ومفيش فايده تعبت منه ومن زعله يا داليا ده وصلت بيه ينام كل يوم جنب تولين !! ده البت تبقي داخله تنام تقوله يلا يابابي ويسحبوا ويسبوني انا لوحدي وفضلت تعيط
داليا فضلت تضحك وتبعت اهدي اهدي انتي هتغيري من بنتك يا اسياا لا ده هرمونات الحمل عملاها معاكي والله
اسيا بدموع امشي يابت انتي روحي لجوزك انا غلطانه اني ناديتك
داليا بضحك حقك عليا والله بس انتي فظيعه وابتسمت وتابعت طب بصي ياستي اولا نوم فارس عند تولين هو هروب منك لانه مستحيل يبقى جنبه الحلاوه دي كلها ويعرف يتحكم في نفسه يعني
اسيا بابتسامه تفتكري؟
داليا بضحك انا مش هفتكر انا متاكده لان ما شاء الله هما اخوات فـ زي بعض بالظبط طارق بيعمل معايا كده بردو فـ مره من المرات واجهته باحساسي فقالي اه بصراحه ما هو هيبقى شكلي وحش اوي لو خدتك في حضني ولا قربتلك وانا متضايق منك فبتلاشاكي وابعد عنك احسن
اسيا فضلت تضحك وتابعت يابنتي ده مش بيبص في وشي والله فعلا
داليا بضحك طبعاا هيبص هيضعف انتي مش شايفه الحلاويات
اسيا بضحك حبيبه قلبي والله وتنهدت وتابعت طب ايه اعمل ايه بردو واحشني اوي يا داليا
داليا بضحك انتي روحي ادلعي عليه وكلميه بسهوكه هو هيجي لوحده والله
اسيا بحزن لالا مش عايزه اراضيه كده ليفهمني غلط المره دي كمان فقوليلي حاجه بعيدا عن المسخره دي
داليا فضلت تضحك بشده وتابغت مسخره !! لالا انتي هتموتيني يابت ده جوزك يهبله
اسيا بضحك مانا عارفه والله هو واحشني فعلا بس والله ابدا ما يحصل كده كده الدكتوره قايلالي لا
داليا بضحك خلاص استعبطي يعني ادخلي قوليله انك تعبانه وبطنك بتوجعك واني كلمتك قولتلك لو تعبتي تاني انزلي المستشفى فيفضل جنبك علشان لو حصلك حاجه ولما تدخلوا اوضتكم بقى افضلي راضيه واتكلموا وهو هيتكلم علشان هيبقى خايف عليكي فمش هيضغطك زياده
اسيا بانبهار فكره تحفه دي بموت فيكي يابت يا دالياا يارب بس ميقفشنيش علشان مش بعرف امثل
داليا بضحك حبيبه قلبي ده انا اللي بموت فيكي واهدي على نفسك متافوريش اصلا علشان ميتخضش ويفكر سقوط بعيد الشر
اسيا بحماس اتفقنا
داليا بحب يلا هنزل انا وانتي روحي خير باذن الله هيتراضى هما زعلهم وحش زي بعض بس والله ما في احن منهم
اسيا بحب عارفه والله وبالفعل داليا نزلت واسيا قفلت الباب وراحت عند باب اوضه تولين وفتحته براحه ودخلت لقيته نايم وواخد تولين في حضنه فراحت قعدت جنبه وتابعت فارس وهزته وتابعت بتمثيل فارس آه اصحى
فارس صحي على صوتها ونفخ بضيق وتابع بنعس خير يا اسيا في ايه على المسا
اسيا بدموع وتمثيل وجع مش قادره يفارس بطني كانت واجعاني من شويه وكلمت داليا قالتلي لو وجعتك نفس الوجع تاني انزلي للمستشفى علطول فبالله عليك تعالى نام جنبي عشان خايفه يجرالي انا وابني حاجه مش زعل بينا هيخليك تسيبني انام لوحدي بالشكل ده
فارس خاف جدا من كلامها ونزل تولين من على دراعه واتعدل في قاعدته وتابع بخوف حاسه بايه مالك وداليا قالتلك امتى الكلام ده
اسيا بتوتر يعني من نص ساعه كده بس متخافش انا كويسه انا بقولك تعالى بس علشان لو اتقرر الوجع
فارس بخوف واانا لسه هستناه يتقرر البسي وننزل نشوف من ايه يمكن بدايه سقوط
اسيا اتصدمت من خوفه وتابعت في سرها يخربيتك ياداليا ده انا هطلق الليله دي ومسكت ايديه وتابعت بلهفه لالا يحبيبي مش مستاهله نروح دلوقتي انا كويسه قدامك اهو انت بس تعالى جنبي يلا
فارس بعصبيه كويسه ايه وزفت ايه داليا دكتوره نسا ومش هتقولك مستشفى غير لما يكون فعلا حاجه تستاهل فاخلصي قوليلي يلا بتحسي بايه
اسيا خافت وتابعت بتوتر وتلعثم يعني ش شويه وجع اخر .. اخر بطني كده وتقل ناحيه الحوض
فارس بخوف طب قومي البسي نطمن يلا يبابا وقام ومسك ايديها يدخلوا اوضتهم واسيا اترعبت وعماله تودي بوقها يمين وشمال وتابعت بخوف لالا انا مش هنزل مش قادره بس لو لو يعني جالي الوجع ده تاني هننزل حاضر
فارس وهو بيقلع تيشرته تابع بعصبيه يا اسياا انا مش هستنى يجي تاني افرضي سقوط مش هلحقك المستشفى بعيده عن هنا وهتكوني اتصفيتي انا عايز اطمن بس انك بخير وانه مش سقوط انما مش هعرف استنى انا مخضوض
اسيا كانت هتموت وتعيط من فرط الخوف والمصيبه اللي وقعت نفسها فيها وتابعت الف سلامه عليك يحبيبي من الخضه انا بخير وحياتك اهو اديك شايفني واقفه زي الفل تعالي نيمني في حضنك بس يلا
فارس بعصبيه انيمك ايه انتي عبيطه روحي البسي يلا نطمن وارجع انيمك انا مش لاقيكي في الشارع علشان تتوجعي من الحمل ودكتوره تقولك لو اتقرر تروحي مستشفى واعرف وانام
اسيا بخوف ودموع يفارس الساعه 2 هنروح فين دلوقتي بس !!
فارس بحده والله لو 5 هنروح بردو في دكاتره 24 ساعه في المستشفيات اخلصي انتي بس هكلملك زميلتي تنزل بيتها جنب المستشفى
اسيا بلهفه طب مانطلع داليا بدل الحوارات دي ايه رايك؟
فارس بعصبيه يابنتي مش هينفع داليا انا عايز سونار هتعملهولي فين داليا متعصبيناش بقى
اسيا بدموع ايوه وجهه نظر صحيح
فارس بحده ادخلي البسي بقى وكفاياكي عياط هنشوف مالك اهو
اسيا بخوف انا مش عايزه اروح اصلا بخاف من المستشفيات يا فارس استنى معاد عيادتي ونروح للدكتوره بتاعتي ايه رايك؟
فارس رزع باب الدولاب بقوه وهو بيقفله بعد ما لبس وجهز فاسيا اتخضت بشده وخافت فتابع فارس بعصبيه انا مش هستنى دقيقه كمان وعايزك تعقلي كده وتقدري الوضع اللي احنا فيه وتخفي عبط وتلبسي حالا علشان قسما بالله يا اسيا لو بعد 3 ثواني ملقتكيش دخلتي تلبسي هزعلك مني وبالجامد وبعدها هلبسك انا عادي جدا وبدا يعد على ايديه 1..
ومكملش واسيا مشيت من قدامه وهي بتدبدب في الارض ودخلت الدريسنج بتاعها
فارس بحده دبدبي دبدبي علشان اجي اقطم رقبتك دلوقتي
وعند اسيا كانت واقفه خايفه وتابعت يمصيبتك السودا يا اسيا طب اعمل ايه؟؟ اعمل ايه؟؟ اضرب بطني؟؟ لالا ممكن اسقط لا بلاش تخلف ولطمت وتابعت هتطلق مانا لو مضربتش بطني هتطلق دلوقتي وحطت ايديها علي جبينها وتابعت بخوف طب ايه اتفق مع الدكتوره؟ بس ازاي مش هيسيبني لوحدي ثانيه وعيطت وتابعت بخوف هيطلع عين اهلي والله علشان خضيته بالشكل ده ومصحياه من النوم في انصاص الليالي علشان المرقعه بتاعتي دي وعيطت بخوف وتابعت اعمل ايه ياربي اعمل ايه يارب يطلع اي حاجه خفيفه يارب يارب متقولوش ان كل حاجه زي الفل لا هيموتني .. مكنش يومك يا اسيا مكنش يومك ومسكت الجيبه وتابعت بدموع وخوف تستاهلي علشان تكدبي عليه كويس لا وداليا تقولي بلاش تافوري ده انا قولت آاه قالي يلا مستشفي اومال لو صرخت كان فكرني بولد في اول شهر ولا ايه
فارس من برا هاا خلصتي يا اسيا؟؟
اسيا اتخضت وتابعت بدموع بلبس حاضر وقلعت قميصها والروب ولبست الجيبه وتابعت وهي بتجيب شميز جالك الموت يا تارك الصلاه دي كدبه جديده تضاف مع الاولانيه دي والله ما هيسمي عليا لما يعرف الحقيقه وحطت ايديها علي بوقها بخوف وتابعت بدموع يمصيبتي يما طب اجيب علي معانا استخبي فيه ولا اعمل ايه طيب؟؟!
ولقيت فارس داخل فاتخضت بشده والشميز وقع من ايديها فبصلها برفعه حاجب وتابع في ايه شوفتي عزرائيل !!
اسيا بدموع وخوف بالله في الحالات اللي زي دي عزرائيل اهون واهي سنه الحياه
فارس برفعه حاجب نعم ياروح امك ؟ مش فاهم
اسيا بخوف لالا ولا حاجه انا متوتره شويه بس
فارس تنهد بعمق ووطي جاب شميزها وتابع متلبسيهوش علي اللحم كده استني وجاب بدي حمالات لبسهولها فاهي حطته جوه الجيبه وفارس لبسها الشميز وقفل الزراير وتابع بتنهيده يلا بسرعه البسي طرحتك وداري شعرك كويس
اسيا بقلق طب تولين اخاف تصحي تتخض هنعمل فيها ايه؟
فارس بتنهيده لا متقلقيش مش هتصحي تولين كل يوم بتصحي بالعافيه علي معاد الحضانه يلا احنا بس عايزين نلحق نروح ونيجي اخلصي
اسيا خدت نفسها برعب وتابعت حاضر وسرحت شعرها ولمته في شكل كحكه وحطت البندانه وبتلف الطرحه وحركتها بطيئه اوي كأنها مش عايزه تخلص
فارس نفخ بضيق وتابع مش هنفضل سنه بنعمل ام الطرحه ماتخلصي يا اسيا انتي بارده كده ليه !!
اسيا حطت الدبوس وتابعت بخوف خلصت اهو يلا
فارس مشي وهو ماسك ايديها وخد مفاتيحه ومحفظته والفون وخرجوا وقفلوا باب الشقه براحه ونزلوا فشغل عربيته ولف يركب فبصت للسما بخوف وتابعت الله يرحمني والله خلاص خليك معايا يارب ارجوك ده انا هبله وفتحت باب العربيه وركبت جنبه وفارس طلع في طريقه للمستشفي