رواية لنا موعد اخر الفصل الخمسون50 بقلم لولا
علي بعصبيه لا طبعا انا عمري ماكنت هطلقك واتجوز حبيبه لو انتي معملتيش كل ده علشان ..فرفيده مسابتوش يكمل وحضنته وحبيبه اتصدمت وبصتلهم بقهر وصدمه والدموع متحجره في عينيها وعلي اتصدم من فعلتها ورايح يبعدها بس بسرعه حبيبه مسحت دموعها وطلعت فونها وصورتهم وتابعت بابتسامه ايووه زي الفل كدده تحفه فعلي ورفيده بصوا ناحيتها واتصدموا من وجودها فزقها عنه بسرعه وكانت باين انها بتصورهم فاتصدم بشده وتابع بخوف حبيبه .. حبيبه اسمعيني يحبيبتي انا والله العظيم وغلاوتك عندي كنت ... فحبيبه رفعت ايديها سكتته وتابعت لحظه من فضلك يعلي كلامي مش معاك دلوقتي ودخلت وهي بتوريهم الصوره فرفيده اتصدمت وخافت بشده فتابعت حبيبه بابتسامه لرفيده : ايه رايك؟؟ بامانه جميله فنطلعها اربعه في سته 8 او 9 كروت كده ولا نروح نعملها تابلووه كبير 100 في 150 يسد عين الشمس ولا نجيب الناهيه ونسهلها على نفسنا وندوس ضغطه واحده ونبعتها لدكتورتنا المحترم علشان يلم الاشكال الوسخه اللي سيبهالنا؟؟
فعلي اتصدم بكلامها ورفيده خافت بشده وتابعت انتي اتجننتي !! اياكي تعملي كده فحبيبه ضربتها بالقلم بقوه فعلي اتخض فتابعت حبيبه بعصبيه: وانتي مكنتيش عاقله وفكرتي لييه قبل ماتقربي من رااجل خاطب وانتي متجوزه يا ناقصه !! فرفيده عيطت وحطت ايديها على خدها وتابعت بعصبيه انتي بتمدي ايدك علياا يحيواانه طب ده قسما بالله لاعلمك الادب واوريكي ازااي انا تعملي معاياا كدده
حبيبه بصتلها بابتسامه وتابعت مين انتي؟ واحده رخيصه ومعندهاش لا دم ولا كرامه ولا محترمه جوزها اللي اداها اسمه ومصممه تلزق نفسها في حياه راجل ماصدق اطلقت منه وراح خطب غيرها وباعها ونسيها في ثواني فمين انتي يارفيده؟ وضحكت وتابعت او ااه دكتوره رفيده يمكن دي اللي مقويه قلبك فرفيده اتعصبت وتابعت لا يحبيبه انا مبتكلمش عني انا بتكلم عن جوزي اللي انتي وخطيبك و10 زيكم يعملوله الف حسااب ولما يعرف ان واحده زباله زيك مدت ايديها على مراته مش هيسيبها في حاالها وهيطلع عين اهلها
حبيبه فضلت تضحك بشده وتابعت طب مانقوله السبب يمكن يطلع عين اهل حد تاني بدالي مثلا ايه رايك؟ واهي الصوره موجوده يعمري فرفيده بصتلها بكرهه وتابعت هقوله ان علي اللي حضني وانا اتصدمت وبعدين دي الحقيقه بس انتي مكنتيش واقفه
علي اتصدم وتابع بعصبيه انتي بتخرفي بتقولي اييه يازبااله انتي وبص لحبيبه بخوف وتابع حبيبه ورحمه ابوياا فحبيبه قاطعته وتابعت ممكن متتكلمش يعلي علشان خاطري؟ وابتسمت وتابعت احنا حريم مع بعض حبيبي فسيبنا احنا لردح الستات ده واقعد انت ارتاح تعالى ومسكت ايديه ومشيت بيه قعدته على كرسي وعلي كان مصدوم ببرودها ومش فاهم دماغها فيها ايه وراحت وقفت قدام رفيده وتابعت بابتسامه مصدقاكي ان علي اللي حضنك من نفسه مع اني جيت وشوفتك لما حضنتيه بس والله ياستي هصدقك واكدب عينياا ..ايه بقى اللي جابك شقتي وانتي عارفه ان فيها راجل لوحده يا شريفه؟ اصل مره كول بقميص نوم ومره تجيله البيت لوحده انتي عايزااه يعني نفسك فيه ولا حاجه عرفيني بدل مانتي حالتك بقيت صعبه كده وكل شويه اقفشك فعلي اتصدم واتحرج من جرأه حبيبه ورفيده حبت تغيظها فابتسمت وتابعت ااه يحبيبه عايزاه وهاخده هي بس مسأله وقت فحبيبه ابتسمت وتابعت ماشي ياستي ميغلاش عليكي وبصت لعلي وتابعت انت عايزها يابيبي؟ فعلي اتصدم من سؤالها وطريقتها وتابع افندم !! عايز ايه انتي اتجننتي !!
حبيبه ضحكت وتابعت يعيوني رد انا بعالجها بالصدمه .. انت عايزها؟ نفسك فيها يعني؟
علي اتحرج وتابع لا طبعاا انا مش عايز حد غيرك فرفيده اتصدمت باجابته وقلبها وجعها والدموع اتجمعت في عينيها فحبيبه بصتلها وهي بتبتسم بانتصار وتابعت: شكلك وحش اوي بصراحه ..تخيلي ست تعوز راجل وهو يديها على وشها كده؟ صعبه صعبه الله يكون في عونك بس عارفه ايه الاصعب؟ اني سجلت كل اللي داار بينا ورفعت الفون في وشها اللي بيعد ثواني التسجيل فرفيده اتصدمت بشده وخافت وتابعت انتي انتي عملتي اييه انتي اتجننتي !! وعيطت بخوف وحطت ايديها على بوقها وفضلت تعيط بخوف ورعب
حبيبه بصتلها بابتسامه وتابعت انا لحد دلوقتي عاقله بس اقسم بالله العظيم يارفيده وغلاوه علي عندي لو شوفتك قريبه من خطيبي تااني حتى لو بمجرد مسدج وكلام هبعت الفويس والصوره لعصاام علشان يخلصنا منك ونرتاح لان انا وانتي عاارفين ان عصاام لو عرف فيها موتك ويقدر يعملها بكل سهوله ده شرف وقاعدته في امريكا مغيرتش دمه الشرقي
فعلي بصلها بتفاجئ وانبهر باللي عملته ورفيده خافت حبيبه تنفذ كلامها وتبعتهم لعصام فتابعت بدموع وكرهه: مش عايزاه يحبيبتي اشبعي بيه انا لو كنت عايزاه مكنتش سبتهولك من الاول واديتك الفرصه اللي كنتي هتموتي من غيرها
حبيبه بابتسامه مانا قولتلك قبل كده ساعتها كان هيبقى حظك وحش في جوزك اوي لو كنتي كملتي معاه لانه محبش غيري وشاورت لـ الباب وتابعت يلا يحبيبتي اتفضلي مش ناقصين قررف في شقتنا بننضفها علشان هنتجوز ومسكت دراعها وزقتها برا الشقه ورانيا كانت عامله شاي لعلي وطالعه فاتصدمت بوجود رفيده قدامها فتابعت ايه ده بتعمل ايه هناا دي !!
حبيبه بابتسامه خلاص ياست الكل حصل خير اللي ستره ربه ميفضحهوش عبده اتكلي على الله يلا يارفيده
رفيده بصتلها بغل ودموعها في عينيها ومشيت من جنب رانيا ونزلت لتحت فرانيا دخلت شقه علي وحطت الصنيه بتاعت الشاي على الكرسي وتابعت بصدمه رفيده جات تعمل ايه هنا يحبيبه ؟!!
علي بضحك دي حبيبه روقتها .. قسما بالله المزه بتاعتي دي كوين
فحبيبه تجاهلت كلامه وبصت لرانيا وتابعت بحده اسالي البيه هي جات تعمل ايه هي حبيبه هتعرف !!
علي اتصدم من تحولها المفاجئ وتابع بحده تسألني تقولي ايه انتي عبيطه في دماغك؟!
حبيبه بعصبيه لا مش عبيطه يعلي بس تعبت وجبت اخرري وبصت لرانيا وتابعت بحده والدموع رفيدده عايزه علي وللنهارده بتحبه ولو خدها ودخلوا الاوضه هتسيبه يكمل عادي
رانيا شهقت بصدمه وخبطت على صدرها وتابعت انتي بتقولي ايه يابنتي ينهار اسود دي مصيبه !!
علي بص لحبيبه بحده وتابع بعصبيه اخرسيي وبطلي قله ادب وكلام على اعراض الناس واتلمي دي ست متجوزه
حبيبه بصتله بعصبيه وتابعت بطل انت تيجي علياا كل ما اتكلم واقول الحقيقه علشان كلامي مبيعجبكش يعني هي يعلي لو لقيت منك تجاوب مكانتش هتعمل كده؟؟ رد عليا وكلمني زي ما بكلمك هل رفيده لو لقيتك بتقربلها هتوقفك ؟؟
علي تنهد وتابع لا مش هتوقفني بس بردو كلامك ده ميصحش وعيب
رانيا اتصدمت بشده وقلبها وجعها على عصام وان مراته بتحب اخوه وعايزاه بالشكل ده ودموعها نزلت وتابعت : طب وعصام !! عصام ينورعيني غلبان وطيب ذنبه ايه ياربي ذنبه ايه بس وفضلت تعيط
علي بصلها بضيق وتابع ذنبه انه اجبرها تتجوزوا بالعافيه وهي مش عايزاه
حبيبه بعصبيه حتي لو اجبرهاا تتجوزوا ده مبرر انها تخونوا يعلي !!
علي بعصبيه انا مقولتش تخونوا وقولتلها ايا كان هو وحش قد ايه ميستاهلش منها كده وتبطل قرف بس اعمله ايه هو اللي يستاهل راح حط ايديه في الزباله طلع واحده اتجوزها واداها اسمه اللي بنات كتير تحلم بيه
رانيا بوجع يستاهل !! انت شمتان فيه يعلي !! ماهي كانت عجباك الزباله دي وكنت متجوزها ولا ايه ؟؟
علي بعصبيه كانت عجباني قبل ما تبيعني علشان راجل تاني فالمفروض هو شافها عملت كده ميثقش فيها اصلا ومش شمتان ولا متنيل هو ميفرقليش بجنيه اصلا بس انا متعصب علشان مش فاهم ايه سر الحب العجيب ده منكم كلكم لعصام
حبيبه بصتله بحزن وتابعت عصام كويس والله وانسان نضيف وقلبه ابيض من جوه ومعترف انه جيه عليك وظلمك وندم وقال لسلمى كده فطبيعي يصعب علينا لان عمايل مراته صعبه اوي على اي راجل
علي بصلها بسخريه وتابع ندم اه بقولك ايه فكك من الهري ده وافتكريلنا سيره عدله انا ميخصنيش كويس ولا وحش اهو كله لنفسه يخش يولع حتى
رانيا بعصبيه ودموع انت جاايب القسوه دي منين هاا بتدعي عليه لييه ؟؟ عملك اييه هو ؟؟ ماهو في حاله اهو بدل ماتدعيله ربنا يهديله مراته ويصلح حالهم علشاان الموضوع ده لو اتعرف هتبقي كاارثه سوداا ومصيبه فتقوم تدعي عليه هوو !
علي بعصبيه وانتي مالك ادعي عليه ولا مدعيش عليه ليه محسساني ان هو اللي ابن بطنك مش اناا مايغور هو ولا مراته في ستين داهيه انا ذنب اهلي ايه ان هي دايبه فياا انا وعايزاني وجوزها مش مالي عينيهاا مش فاهم ؟!
فرانيا بصتله بصدمه وتابعت بعصبيه ودموع انت بتقول اييه !! اخررس تعرف تخررس ؟؟! ده راجل زيه زيك والوضع ده مفيش حد يتحمله ياخي اعتبرره اخوك واتوجع لاجله شويه انت مش قااسي كده يعلي جرالك اييه ؟!!
علي بعصبيه ولا اعتبره اخوياا ولا يطول يبقى اخوياا ده اخره معايا احسبن عليه كل مايجي في بالي وبس .. وربنا من افعاله عمل فيه وبيردله الظلم اللي عشته بسببه انما انا ميخصنيش متطلعنيش انا اللي وحش .. انا شوفت منه اللي مفيش حد قدر يتحمله ولو انا واحد وسخ صح ومعرفش ربنا كنت عملت حاجه مع مراته علشان اكسره خالص واهي زباله وعادي بنسبالها بس علي مش كده ولا عمره هيبقى كده فحقي ربك اللي بيخلصه
فرانيا بصتله بذهول وقهر وتابعت للدرجه دي بتكرهو يعلي !! فعلي اتعصب وتابع انتي اللي فهمينيي بتحبيبه لييه اصلاا وازاي تحبيه بعد اللي كل اللي عمله في ابنكك !!
رانيا بدموع صعبان عليا ياابني والله صعبان علياا غلبان وطيب وامه مسوحاه ومراته بتبص لواحد تاني وبتخونه وهو ينورعيني بيموت فيها ويوم ماكانت بتسقط كان بيجري بيها زي المجنون وبيعيط وخايف علي ابنه يروح منه علشان مالوش اهل ونفسه يعمل عزوه فوالله قلبي محروق عليه ياابني
علي قلبه وجعه لما افتكر الكلام اللي رفيده قالتهوله انها موتت ابنها وتابع : لو عايز يخلف انصحيه يخلف من ست تانيه غير رفيده احسن ليه عامه فكل حاجه
حبيبه باستغراب ده ليه ان شاء الله !!
علي بحده من غير ليه هي توصله الرساله زي ما هي انه يتجوز تاني يمكن ربنا يكرمه وخلاص رفيده كده كده مريضه وميعتمدش عليها تكون ام
حبيبه بصتله بسخريه وتابعت ليه ما مكنتش هطلقها ولا تتجوزني لولا اللي هي عملته معاك يعلي
علي بصلها بصدمه وتابع حبيبه مالك انا قولت انك عاقله ورديتي عليها كويس لانك فاهمه قصدي في ايه انتي بجد مش فهماني ؟؟؟
حبيبه بعصبيه ودموع انت تخرس خاالص انا سكت وعديت قداامها لاني مش هشمت حد فيا بس اللي حصلل انا مش هسكت عنه ابداا يعلي
رانيا بخوف في ايه يحبيبه حصل ايه يابنتي
علي بتنهيده انا هكلمها يماما خلاص تعالي يلا وبيمسك ايديها فحبيبه شدت ايديها وتابعت بحده ودموع ابعد عنيي قولتلك مش طيقااك وسيبني اهدى من فضلك انا مش حاابه اتكلم دلوقتي في اي حاجه ومقفوله ومشيت وبقيت تنزل السلالم فتابعت رانيا بخوف عملتلها اييه يعلي ؟!
علي بص لامه بلهفه وتابع مش وقته يماما هراضيها واجي افهمك ومشي وتابع حبيبهه انتي يابت وبينزل وراها بس هي طلعت من عمارتهم بسرعه ودخلت عمارتها وابتدت تطلع وعلي وراها فدخلت شقتها وهو بيطلع وراها وبينادي عليها بحده : حبيبه قولتلك اقفي اسمعيني طييب حبيبهه ودخل وراها وتابع بلهفه السلام عليكم حبيبهه انتي يازفته وبيمشي وراها رايحين اوضتها
هاله بذهول وعليكم السلام ياابني في ايه يخربيوتكم على الصبح فعلي رايح يمسك دراعها فدخلت اوضتها وقفلت الباب بالقفل ووقفت وراه ففضل يخبط وتابع حبيبه ابوس ايدك اسمعيني وغلاوه علي عندك انا مقصدش اللي انتي فهمتيه فحبيبه قعدت على الارض وضهرها للباب وتابعت بوجع امشي دلوقتي يعلي ارجوك
علي بوجع مش همشي يحبيبه مش همشي غير لما تسمعيني وتفهمي قصدي ده حقك
حبيبه بوجع ودموع حقي ده انا اكتسبته فيك بطلوع الروح ..كنت انام واقوم فكل صلاه معنديش سيره الا انت وكل كلامي عليك مملتش ولا زهقت يوم وسيرتك بس كانت كفيله تبسطني وتغير مودي اليوم كله ولما اسراء قالتلي وانت محبوس ياريتك انتي اللي مرات اخويا رفيده دي ندله انا عايزاكي انتي وهفرح لو عياله منك انتي ساعتها انا عيطت من فرحتي بكلام اسراء مع انك انت عمرك ماحسستني ساعتها انك عايزني زوجه فاللي بتحب اوي دي وتقدم كل حاجه جواها من غير مقابل تستاهل يجي عليها يوم تسمع كلام زي ده لانها عمرها ماكنت الاختيار الاول من البدايه يعلي
فعلي اتوجع من كلامها وتابع انتي شايفه كده يعني ؟؟ هو ده رايك في علاقتنا في الاخر ؟؟ شايفه ان حبك كان كتير عليا يحبيبه؟؟
حبيبه بدموع ووجع انا شايفه انك تمشي وتسيبني اهدى علشان مقولش كلام يزعلك ويزعلني قبلك اني نطقته
فعلي قعد على الارض وسند ضهره للباب زيها وتابع مش همشي يحبيبه ومش هسيبك لدماغك اما انا قاعد جنبك وبتقولي كده لو سيبتك مع نفسك ساعه هيحصل ايه ؟؟ الراجل لازم يهدى لوحده شويه انما الست لو هديت لوحدها هتبني حواجز وسدود في العلاقه يمكن مكانتش موجوده ساعه الخناقه اصلا .. انا مختارتكيش من البدايه علشان شوفتك اصعب من رفيده ومن اي بنت ممكن اتجوزها .. شوفتك بعيده عني اوي وكتير عليا ..كنت كل يوم اقول لنفسي فوق يعلي حبيبه شيفاك زي كريم بالظبط انما قلبي وعقلي محبش ولا هيحب غيرك .. حُبك اللي انتي شيفاه كتير عليا ده انا شايل جوايا اكتر منه بكتيير ومن زمان بس خوفت يطلع يوجعني ومعرفش اعيش .. فبقيت اتغاضى عنه مع اني عارف بيه وحاسس بوجوده و100 حاجه وريتك انا قد ايه كنت بغير عليكي وبتضايق وبعمل الحاجه وعكسها واقولك وافقي بالعريس واقعد في القاعده اقول لا مينفعهاش يكريم .. انا صارعت نفسي سنين علشان مقولش اني بحبك وبحب رفيده بس الحمدلله النهايه جات زي ماقلبي دعا كل ليله لربنا واتمناكي .. لان لساني شافها كتير عليا انك تبقي مراتي ومستحيله فمكنش بيقولها .. فيمكن مكنتيش الاختيار الاول قدام الناس يحبيبه بس انتي الاختيار الاول جوه علي من زمان
حبيبه بوجع : مصدقاك ومصدقه كل حرف قولته بس جوازك من رفيده كان وهيفضل اكتر حاجه قهراني ومش قادره اتخطاها يعلي
علي ابتسم وتابع افتحي بس الباب اللي بينا ده وانا هخليكي تتخطي كل حاجه والله وبكره بس لما نتجوز ونجيب حمزه هتتخطى اكتر لما تشوفي ان علي لما جيه يختار ام لعياله اختارك انتي
حبيبه ابتسمت وتابعت طب انا صدقني كويسه بس مش قادره اتكلم فروح دلوقتي وهكلمك شويه كده
علي بضحك والله ابداا ده انا مش بعيد لو سيبتك دققتين الاقي اتعملي بلوك وبعتالي الدبله مع سلمى مانا عارفك مجنونه
حبيبه بضحك لا متقلقش مقدرش اقلعها من ايدي وابتسمت بحب وتابعت وواثقه فيك وعارفه ان عندك مبرر للجمله اللي سمعتها والا مكنتش دافعت عنك واتصرفت بالطريقه دي مع رفيده .. فانا بثق فيك اوي يعلي بس حقيقي تعبانه والكلام مضايقني
علي بحب طب تعدميني لتفتحي الباب .. وقام وقف
فحبيبه شهقت وتابعت بعيد الشر وقامت فتحت وتابعت بحده قولتلك 100 مره بلاش الدعوات دي
فعلي دخل حضنها وباس راسها بعمق وتابع حقك على عيني
حبيبه عيطت في حضنه بانهيار كانها ماصدقت وتابعت بعياط: انت سبق وقولتلي مش هتصدقني لو انا بنفسي قولتلك اني خونتك وهتقطع لساني وانا بردو دلوقتي مش مصدقاك رغم اني سمعتك بوداني بتقولها لا طبعا مكنتش هطلقك ولا اتجوزها فايه ده يعلي فهمني
علي باس راسها بعمق وطبطب عليها وتابع اهدي طيب حقك عليا وضحك وتابع وانتي مجتيش غير في الجمله دي بس !! يعني سيبتي كل اللي قولته عنك وجايه تسمعي دي !! لا حول ولا قوه الا بالله
فحبيبه بصتله وتابعت بدموع ليه قولت ايه ؟؟ فعلي بقي يمسح دموعها وتابع بضحك قولت ايه !! ده انا هينت بكرامتها الارض يابنتي والله وقولتلها كفاياكي قرف وابعدي عني وانسيني زي مانا نسيتك وتقولي هان عليك تغير ديكور الشقه اللي اختارناه سوا قولتلها انا غيرتك انتي كلك وخدت ستك وست البنات وانا محبتش غير حبيبه وبحمد ربنا اني اتحبست وكلام كتير اوي بجد بس انتي جيتي في الاخر وانا لما قولتلها الجمله دي كنت رايح اكمل واقولها علشان انا مش زباله زيك وهسيب مراتي اللي على ذمتي وابص لغيرها لا كنت هصونها واتقي فيها الله لاجل ان هي نصيبي وقسمتي وهتبقي ام عيالي فخلاص مش هبص لغيرها وده منطقي جدا وميزعلكيش ولو انتي كحبيبه شوفتيني سبت بنت تانيه بعد مابقيت مراتي علشان اوصلك مينفعش تثقي فياا اصلا انا كده لا اؤتمن انما قولتهالها زيك حظها كان هيبقي وحش جدا لو كملنا لان انا يوم عن يوم بتاكد اني عمري ما اتخطيتك ومكنتش هحبها قدك
حبيبه بصتله وعيطت وهي بتحضنه وتابعت انا بحبك اوي اوي يعلي بجد فعلي ابتسم وطبطب على ضهرها وتابع وانا بموت فيكي ووطى راسه باس راسها بعمق بسبب فرق الطول الواضح بينهم فحبيبه بصتله وتابعت بدموع ووجع: انا غيرانه اوي يعلي وقلبي واجعني ومش قادره استحمل انها لمستك بالشكل ده انت من حقي انا بس ومفيش بنت اتخلقت تقدر تحضنك كده
بس رفيده جات حياتنا علشان تشاركني فيك بالعافيه وتقهرني وبس
علي ابتسم وحط ايديه على خدها يمسح دموعها وهو بيبصلها بحب وتابع : دي عيله بنت كلب وانتي عرفتيها مقامها وقسما بالله يحبيبه انا بعدتها عني في نفس الثانيه وكنت ههين بكرامتها الارض وضحك وتابع بس انتي جيتي قومتي بالواجب بصراحه واديتيها درس مش هتنساه وابتسم وتابع فبطلي عبط انا محدش في الدنيا كلها يقدر يشاركك فيا معادا واحده بس
حبيبه ضربته في صدره بقبضه ايديها وتابعت بغيظ : هي مين دي ان شاء الله ها ؟!
علي تاوه بوجع وفضل يضحك وتابع يخربيت اهلك يبعيده ايدك تقيله
حبيبه بحده وغيره تستااهل علشان تستثنى حد معايا كويس مين دي يعليي ؟؟!
علي بضحك اقصد بنتنا يهبله بنتنا هي البنت الوحيده بعدك اللي هتاخد حته صغننه قد كده من قلب علي
حبيبه ابتسمت وتابعت والباقي كله لياا هاا
علي بضحك طبعا يعمري الباقي كله ليكي هي الربع وانتي 3/4 وبصلها بحب وتابع اصل مش معقول هنسيب المصنع ونمسك في الانتاج
حبيبه فضلت تضحك وتابعت بكرره نشوف الكلام دده هيحصل ولا اهو كلام وخلاص علشان عارفه اللي هيحصل ومش هتفاجئ على فكره
علي بضحك لالا متقلقيش هيحصل والله وابتسم وتابع وبكره مش بعيد وهيجي يوم هتبقي مراتي ومن حقي قدام الدنيا كلها وحضني وقلبي وحياتي كلها هتبقي ليكي فرفيده ايه وخراا ايه اللي تشغل بالك ؟؟ وضحك وتابع ده في حاجات مش هتتعاش غير معاكي انتي بس يهبله وغمزلها
حبيبه بضحك نهارك ازرق انت تقصد ايه هاا ؟؟
علي فضل يضحك بشده و ضربها على راسها بخفه وتابع : في الحلال اخرسي بقى متقرفنيش حتى حلال ربنا هتتناقشي فيه
حبيبه بحب هو يجي بس اليوم ده وتنهدت وتابعت تعبت من كتر ما حساه بعيد
علي رجع شعرها ورا ودنها وتابع بحب متهيالك هيجروا والله طول ماحنا سوا
حبيبه بابتسامه نفسي اوي نكتب الكتاب نفس يوم تخرجك من الكليه هتبقى في الجول بجد والفرحه فرحتين
علي رفع ايديها باسها وتابع بحب ونفسك ليه ؟؟ نكتب يعمري انشالله دلوقتي ونكرف لام الكليه خالص انا راضي
حبيبه بضحك علي لا مبهزرش بجد والله نفسي نعمل كده فعلا
علي بحب خلاص هنعمل كده فعلا والله انتي اطلبي وانا انفذ يقلب علي
حبيبه بصتله بحب وتابعت يارب ميحرمني منك ولا من حنيتك عليا ابدا يعلي
علي ابتسم بحب وتابع ولا منك يحبيبه علي ومسك ايديها وقفها قدام المرايا وتابع بحب وهو بيبصلها في المرايا هلاعبك لعبه سريعه ها ؟
حبيبه باستغراب لعبه ايه دي ؟!
علي بحب غمضي عينيكي بس وهتعرفي
حبيبه بضحك علي اياك تبوسني ولا تعمل اي حركه مش تمام انا هثق فيك وهغمض هاا
فعلي فضل يضحك بشده وتابع لالا وغلاوه بيبه ماتقلقي ده انا عندي اخوات بنات هي وصلت بيكي تقلقي من علي وتفكري في الحاجات دي ده انا ببص في الارض لما بشوف اي واحده معديه اخص عليكي يحبيبه
حبيبه بضحك ما هو اه حصل اي واحده في الدنيا الا انا كانك كاتب كتابي مع كريم من ورايا ولا حاجه
علي فضل يضحك وتابع لالا والله ماتقلقي موصلتش لاني ابوسك يعني مع اني نفسي والله بس مش للدرجه دي
حبيبه شهقت بحرج وفضلت تضحك وهي بتضربه في كتفه وتابعت اتلم اتلم نفسي تتربى تعبت منك
علي بضحك خلاص خلااص والله يلا يحبيبه اخلصي بقى بجد غمضي وحياتي
حبيبه بضحك اهو يسيدي وغمضت عينيها فعلي ابتسم وتابع هسالك سؤال فيه سِنه غرور شويه
حبيبه بضحك اسأل يعمري
علي ابتسم وتابع مين اكتر واحد بتحبيه في الدنيا قولي اسمه ؟؟
فحبيبه ضحكت بشده وتابعت لا والله على اساس مش عارف ؟؟
فعلي فضل يضحك وتابع يحبيبه يووه اخلصي بقي وطاوعيني وقولي الاسم علشان خاطري
حبيبه بضحك " علي " طبعا ها وبعدين
فعلي ابتسم وخرج السلسله بتاعتها اللي باعتها من جيبه ووقف وراها وحطها حوالين رقبتها وتابع بابتسامه وهو بيقفلها : طب اذا كان كده فمتقلعيش اسمه من رقبتك تاني ابدا لاي سبب من الاسباب ياجزمه ها
فحبيبه فتحت عينيها بصدمه وبصت عليه من المرايا وهو بيلبسها نفس سلسلتها مش غيرها ولا زيها لالا هي اصلا فعيطت بهستريه وتفاجئ وتابعت لالالا ازااي طيب جبتهاا ازاي لا ولفت حضنته جامد وهي منهاره عياط .. فعلي باس راسها بعمق والدموع اتجمعت في عينيه وتابع اهدي طيب حقك عليا والله
حبيبه بصتله بعياط وتابعت بتفاجئ : ازااي يعلي ؟؟ طيب قولي ارجوك جبتها ازااي يحبيبي دي هي هي اصلا انا عارفاها
علي بحب طبعا هي هي مفيش واحده زيها ولا اغلى منها هتساوي غلاوه السلسله دي عندي وعندك علشاان كده اياكي تقلعيها تاني يحبيبه حتى لو شوفتيني بموت
حبيبه سندت راسها على صدره وتابعت بعياط بعيد الشر عنك يعمري متقولش كده وحياه حبيبه
علي مسح دموعها وتابع بحب حاضر والله انتي اهدي بس وبطلي عياط ده انا عايز افرحك يحبيبه مش كده يابابا اهدي
حبيبه بدموع وفرح : انا هطير والله بس جبتها ازاي بردو فهمني ؟؟
علي بحب متشغليش بالك انا استلفت فلوسها وهرجعهم فحبيبه رايحه تتكلم فقاطعها علي وتابع : وقبل ماتتكلمي مش هرجعهم دلوقتي متقلقيش معايا وقت اسدد براحتي بس اهم حاجه لحقتها وجبتها تاني قبل ما كانت يتعاد تشكيلها وتتسيح وقولت للراجل من يوم مابعتيها يشيلهالي وهاجي اخدها
فحبيبه عيطت بهستريه وفرح وهي مصدقه وتابعت : انا بحبك اوي اوي وبموت فيك بجد يعلي
علي بحب وانا اكتر بكتير وبطلي عبط انا معملتش حاجه انا يادوبك بحاول ارجع الامور زي ماكانت .. انتي اللي عملتي وبتعملي كتير اوي يحبيبه
حبيبه بصتله بحب ودموع وتابعت وهفضل اعمل لاخر نفس في عمري يا ابو حمزه ده انت الغالي حبيب العمر
علي ضحك وتابع نن عيون ابو حمزه والله امتي يجي ابن الكلب ده
حبيبه بحب بعد سنتين و9 شهور بالظبط ان شاء الله
فعلي فضل يضحك وتابع لييه يحبيبتي لييه هتحملي من ليله الدخله ولا ايه ؟؟!!
حبيبه بضحك اييوه طبعا عاادي وفيهاا ايه ؟؟! يعني ظابط ومنفووخ علينا طول بعرض ولسه هتتنفخ عضلات اكترر ودي صعبه عليك لالا اخص
فعلي فضل يضحك وتابع هتزعلي بالجامد انتي من الكلام ده بس الصبر
حبيبه بضحك هي فيها صبر فعلا يقلبي لسه معانا سنتين ففضلوا يضحكوا وخرجوا سوا من اوضتها وهما بيضحكوا ويتكملوا ودخلوا البلكونه بتاعت الصالون ونيره كانت بصالهم بذهول وساكته فتابعت هاله بذهول : هما دول مجانين ولا احنا اللي اتجنننا ؟!!
نيره بذهول لا هما مجانين بس عادي انا اتعودت
هاله بضحك انا من منظرهم قولت فيها فركشه الليله دي والله
نيره بضحك ياختي صلي على النبي في قلبك ده بنتك معمولها عمل بِحُبه على ضهر سمكه قرموط بتفط وتنط في المايه ومحدش عارف يمكسها بلا فركشه
فهاله فضلت تضحك بشده
-----
في الطياره عند هناء ووسام كانت نايمه على صدره وهو حاضنها وماسك الفون بتاعه بيتفرج على اخر حاجه الفيسبوك جايبها قبل مايطلعوا الطياره والنت يفصل وشايف صورهم وفيديوز فرحهم ماليه التايم لاين فابتسم بانتصار وهو شايفها في حضنه ومعاه فساب الفون ووطى راسه سند جبينه على جبينها وهمس هناء ..انتي يابت وفضل يحرك مناخيره على مناخيرها ينكشها فمصحيتش فباس جبينها وهمس نوئه قومي شويه طيب
هناء فتحت عينيها ببطئ وتابعت بنعاس: ايه يوسام ايه يحبيبي مش قولتلك سيبني انام لحد مانوصل علشان بخاف من الطياره اوي
وسام ابتسم وتابع قومي اقعدي معايا وافطري بعدين نامي تاني ده الساعه في مصر 10 دلوقتي وانتي مقضياها نوم من ساعه ما ركبنا وصحيتك بالعافيه ننزل الاستراحه في تركيا
هناء بضحك اهو انت قولتلي احنا في تركيا صحيت علطول ورايحه اجري قال مينفعش نطلع وقعدتني في المطار قال يسد نفسك يوسام فطبيعي كنت اكل وانام اومال هعمل ايه يعني
وسام فضل يضحك وتابع اجيبك في مره لتركيا يعمري طلما بتحبيبها اوي كده وعايزه تزوريها
هناء بابتسامه بحسها دافيه وحنينه وشبهي اوي يوسام .. الحب بيتقدر فيها اوي وعادي وانت ماشي تلاقي راجل بيوطي يربط كوتش حبيبته وبيجروا سوا في الشارع تحت المطر وقاعدين على البحر يضحكوا وورد ومفاجئات بحسها فيها العالم اللي انا بنتمي ليه بتاع التلفزيون والروايات ده
وسام ابتسم بحب وتابع ده حقيقي على فكره روحت هناك مره في الويك إند وحسيت كده جدا بس معجبنيش الوضع لانهم كلهم صحاب ومرتبطين وده اطار غير ديني وغير شرعي بس بما اني معايا مراتي حبيبه قلبي فـ وماله ابقى اوديكي واعيشك كل ده يعيوني
هناء بضحك يارب ميحرمني منك ابدا يانن عين مراتك انت وابتسمت وتابعت فاضل قد ايه ونوصل كده ؟
وسام بحب فاضل 5 ساعات ونص بس احنا لما نوصل هيكون المغرب في مصر و11 ونص في امريكا يعني بنبدا يومنا هناك
هناء بضحك نبدا مين انا هموت وانام مش قادره
وسام بصلها بذهول وتابع اومال انتي بتعملي ايه من ساعه ماركبنا !!! لااا بت متخلنيش افوق عليكي قسما بالله
هناء بضحك بكره بكره سيبنا ننام
وسام نزل ايديه حطها على وسطها وشدها ليه وتابع بضحك انسي الكلام ده قسما بالله ماهستنى ساعه كمان لما نروح ده انا منمتش من امبارح ومش معترض انتي اللي هتعترضيي
هناء فضلت تضحك وتابعت وسام اتلم الناس حواليناا هاا
وسام بضحك اللي حوالينا دول امريكان راجعين بلدهم فمش فاهمينا وبعدين معروفه لبسنا كعريس وعروسه واضح المفروض يحصل ايه دي مش محتاجه لغه وحد يترجملهم فاكيد عندهم دم
هناء اتكسفت وفضلت تضحك وتابعت خلاص خلاص احترم نفسك واسكت وهعملك اللي انت عايزه لما نوصل بس كفايه فضايح
وسام بضحك هحترمها والله بس اياكي اسمع منك سيره النوم دي تاني ده انتي اتخمدتي خمد ليكي وللزمن يعني المفروض متناميش 3 ايام فهناء فضلت تضحك بشده
فبنت اجنبيه وراهم كانت مركزه معاهم وتابعت بلغه عربيه متكسره وهي بتبتسم : الله يسعدكم يا رب انتم حلوين كتير
هناء فتحت عينيها بصدمه ووسام فضل يضحك بشده وبص للبنت وتابع بضحك ثانك يو سو ماتش يور إيفن مور بيوتيفول فالبنت ابتسمتله وتابعت بالعربي بطريقه مكسره : شكرا
فوسام فضل يضحك وبص لهناء تاني اللي هتموت من الحرج ووشها احمر لان البنت بتفهم عربي كويس وفضل يضحك اكتر فتابعت هناء بهمس هشش مسمعش صوتك تاني لحد مانوصل وهعاقبك انا على انتي احلى اللي قولتهالها دي يحل وسطك انت ايه فاكرني جاهله وضربته بالكوع
فوسام فضل يضحك وتابع لالا يعمري يسلام ده انتي اشطر واحده في الدنيا
هناء بضيق بردو هتتعاقب
وسام بضحك وماله عاقبيني في البيت من عيوني كلي بس دلوقتي يلا امسكي واداها السندوتشات فهناء مسكت الاكل ونامت على صدره وهي بتاكل وتابعت بحب وسام شغل فيلم على الشاشه دي عادي؟
وسام بحب عادي طبعا وشغل بالفعل فيلم هناء اختارته علي الشاشه اللي لازقه في الكرسي اللي قدامهم وبقيوا يتفرجوا وهي نايمه في حضنه وبتاكل فباس راسها بعمق
-----
عند عصام كان نايم على بطنه في اوضته في فيلا الساحل والشمس دخلت الاوضه من البلكونه الازاز وجات على وشه وفونه رن فاتقلب بضيق وفتح عينيه ببطئ ومسك الفون لقاها إيلين فتنهد ورد: الو
إيلين بابتسامه لسه نايم لحد دلوقتي يا بيه؟ ده الساعه 10 يعصام
عصام ابتسم وتابع بنعس :مش قادر افتح عيني يا إيلي والله مانتي عارفه نايم بعد ما صليت الفجر بكتير من كتر الخنقه
إيلين بحب مانا عارفه بس عندك مذاكره قد كده فلازم تصحى وتبدا يومك من بدري ولا هتبقى دكتور جامعي من غير تعب ؟؟
فعصام ابتسم وتابع لا طبعا اكيد لازم يطلع عيني
إيلين بحب علشان كده صحيتك وعملالك مفاجاه
عصام اتعدل وسند ضهره للسرير وتابع بحب مفاجاه ايه بقى؟؟
إيلين بحب انت عارف اننا لينا شاليه في الساحل فخدت اجازه من المستشفى وقولت لبابي وجايه افصل كام يوم وهفوت عليك اخد الاوراق اللي اتفقنا عليها بتاعت البيشنت اللي انت عايزني ابدء في علاجهم ونشرب حاجه مع بعض برا ايه رايك؟
عصام بابتسامه رايي موافق طبعا يسلام تعالي مستنيكي الورق معايا على الفون عامه اللي فيه كل تفاصيلهم فهطبعه واديهولك بس
إيلين بحب انا خلاص عشر دقايق اهو وابقى عندك فقوم وفوق كده يلا
فعصام ابتسم وتابع حالا يلا باي وقفل معاها وبعت لرجالته يبقوا يسبوها تدخل وقام دخل الحمام خد شاور سريع وطلع لبس قميص اسود بارز عضلاته وشمر اكمامه لنص دراعه وبنطلون ابيض وكوتش ابيض ولبس ساعته ونضارته الشمسيه ورش برفيوم وسمع باب الفيلا بيخبط فنزل بسرعه وفتحلها وهو بيبتسم
فإيلين ابتسمت باعجاب شديد بيه وتابعت لالالا امريكي صحيح مش كلام وخلاص وفضلت تضحك
فعصام فضل يضحك زيها وتابع تعالي يا ام لسان طويل ادخلي وساب الباب مفتوح
إيلين بضحك لا يحبيبي ادخل فيين انت راجل لوحدك وانا بنوته زي القمر تعالى برا يلا
فعصام دخل مطبخه المصمم بالتصميم الامريكاني وفضل شايفها عند الباب ورفع نضارته فوق راسه وتابع بضحك رجالتي حوالينا فكل مكان يا ام لسان طويل وبعدين متخافيش اوي كده انا راجل متجوز وعيني مليانه
فإيلين اتضايقت من الكلمه ودخلت وقعدت على الكرسي اللي قدام فتحه المطبخ وهي شيفاه وتابعت: ربنا يخليهالك يارب يادكتور بس غريبه يعني مجبتهاش معاك ليه تغير جو؟
عصام بصلها بسخريه وتابع اجيب مين اما انا جاي افصل منها ومن قرفها بتهزري والله
إيلين : ليه خير في مشاكل بينكم ولا حاجه وعلشان كده كنت مخنوق امبارح ومش راضي تقولي السبب ؟؟ فعصام بصلها فتابعت بحرج لو مش عايز تتكلم انت مش مضطر وانسى كلامي عادي جدا
عصام بابتسامه لا والله ابدا مش هعوز اتكلم ليه انا ببصلك علشان رايح احكي انما امبارح فعلا مكنتش قادر اتكلم في اي حاجه وجاب الكنكه وتابع بعمل قهوه بس علشان افوق واخرج افطر معاكي مش نشرب حاجه بس زي ما قولتي ابسطي
إيلين باستغراب قهوه ايه اللي على الريئ وقبل الفطار دي يعصام !!! لا طبعا سيبها كده ونزلت من على الكرسي دخلتله المطبخ ومسكت الكنكه فعصام بصلها وفضل يضحك وتابع اوعي طيب انا متعود على كده اقسم بالله متخافيش
إيلين بحده لا طبعا ده غلط جدا على صحتك
عصام بضحك يابنتي والله بعمل كده علطول متقلقيش بس واقعدي يلا
إيلين بضيق خلاص اعملي معاك طالما هو عادي
عصام بحب لا طبعا انتي مفطرتيش فمينفعش وانا متعود على كده انما انتي ممكن تتعبي وضحك وتابع ساعتها سياده اللواء يطلع عين اهلي وانا مش قده
إيلين فضلت تضحك وبصتله بحب وتابعت انت قد اي حد واي حاجه فاكر نفسك قليل في مصر بجنسيتك وشهادتك ولا ايه ؟؟
عصام تنهد وبصلها بحب وتابع كنت بقول زيك كده وشايف نفسي حاجه كبيره لحد ما اكتشفت ان قيمتنا بناخدها من عيون الناس اللي بنحبها وانا قيمتي في عين مراتي ولا حاجه فمبقتش اشوف نفسي كبير لاني رغم كل ده مقدرتش املى عينيها واخليها تكتفي بيا .. انا بنسبالها كريدت كارد تسحب مني فلوس وطلبات وتتلزق في اسمي علشان تفتخر بنفسها قدام الناس مش اكتر
إيلين اتوجعت علشانه وتابعت انا اسفه اني هقولك كده بس رفيده مش بتحبك يعصام
عصام حط القهوه في الكنكه وبصلها وتابع اممم مانا عارف وكنت هطلقها بس لما حملت معرفتش اعمل كده
إيلين قلبها وجعها وتابعت بصدمه نعم هي حامل !!
عصام تنهد وتابع كانت حامل بس نزل في نفس اليوم اللي عرفنا فيه ومن ساعتها للنهارده بقالها اربع شهور اهو بتبعد نفسها عني بطريقه خنقتني ومنعاني المسها بس بتعمل الاكل وتروق الشقه وتغسل الهدوم ويبان للكل مفيش اي حاجه وحياتنا طبيعيه وماشيه عادي بس انا شايفها مش عادي وناقصها حاجات كتير المفروض تتعمل بس مش عارف امسك عليها غلطه اطلقها علشانها
إيلين بصتله بوجع وتابعت وانها منعاك من حقك الشرعي 4 شهور بحالهم دي مش غلطه تخليك تطلقها علشانها ؟؟ لا دي غلطه متعديش بسهوله وسبب ..وسبب قوي كمان للطلاق بس انت مش هاين عليك تطلقها علشان بتحبها
عصام بصلها وتابع إيلين افهميني انا اه طبعا بحبها اوي .. بس انا في النهايه راجل ودمي حامي وطبيعي اطلقها طلما حاسس انها مش حباني بس ولا هي عايزه تطلق ولا ابوها وامها يستحملوا حاجه زي دي اصل مهما كان دي بنت خالتي وابوها بقاله شهرين تعب ومستشفيات بسبب قلبه فتفتكري هيحصله ايه لو بنته اطلقت وهي مكملتش سنه جواز كده !!
إيلين بصتله بوجع وتابعت انت باصص للكل وناسي نفسك يعصام لان انت متستاهلش واحده تحسسك انك قليل بالشكل ده .. اصل دي بمركزك وقيمتك دول ومش مقدراك مابالك لو من غيرهم هتشوفك ازاي ؟؟
عصام بضحك مكانتش اتجوزتني خالص يحياتي
إيلين بصتله بذهول وتابعت كماان !! من امتى الحب بيتقاس بـ انت مين ومعاك ايه؟
عصام بتنهيده وهو باصص على القهوه تابع : هي مراتي كده بقى فـ ده ابتلاء بس الحمدلله انا صابر ولاجل اهلها مش هي على فكره ..انما لو جه وقت صبري خلص اكيد هختار نفسي
إيلين بتنهيده وده السبب اللي خلاك تيجي هنا وتسيب بيتك مش كده ؟؟
عصام طفى على القهوه وبدا يصبها وتابع اه اتقفلت منها ومن اسلوبها فجيت افصل شويه وبصلها وتابع المهم لما تبدائي تعالجي البيشنت اللي هديكي معلومات عنهم بلاش يعرفوا ان انا اللي بدفع تمام؟
إيلين بتنهيده تمام هما قرايبك ولا معارف؟
عصام بصلها وتابع لا انا ماليش حد دول عيال غلابه وكانوا من رجالتي بس مشيوا في السكه دي بقالهم شويه وزوجاتهم كلموني يشتكولي فانا قولتلهم اني هتصرف واساعدهم
إيلين بابتسامه اه تمام فهمت
فعصام مسك ازازه العصير وصب كوبايه لإيلين وتابع تعالي نقعد في الجنينه نشرب ونخرج فدخلت وراه وقعدت على الكنبه اللي في الجنينه قدامه وبصت حواليها بانبهار وتابعت بابتسامه ڤيلتك جميله
عصام بحب دي عيونك اللي جميله
إيلين بضحك عارفه طبعا هما اي عيون دول عسلي يعني الجمال كله
عصام بضحك اه يظهر كده بس انا قاعدتي مع رفيده خلتني انسى كل الالوان يابنتي والله
إيلين بغيره : بصراحه ذوقك مش حلو في الوان العيون حد يتجوز واحده عينيها خضراا يعصام !!! دي لون النجيله والبرسيم
فعصام فضل يضحك وتابع لا حرام عليكي ده رفيده قمر اوي والله وملامحها بيرفكت بس انا مقفول منها هي مش من شكلها ولا عينيها لا .. دول حبايب عمري واختياري من زمان
إيلين بغيره القرد في عين جوزها بقى فعصام فضل يضحك بشده وتابع اخص عليكي يا إيلين والله وبعدين ما لوما اهي عينيها خضرا وست البنات كلهم مالهم العيون الخضر بذمتك
إيلين بابتسامه لا لوما دي قلبي ومش عينيها بس ده كلها على بعضها بيرفكت هتروح فرحها اكيد صح؟
عصام بحب اه انا مش هرجع غير على فرحها اصلا واشربي العصير يلا انتي مش غريبه
إيلين مسكته وتابعت بابتسامه ميرسي تعبتك فعصام بصلها بحب وتابع تعبك راحه يهبله بس مكملتليش بقى موضوع باسم خطيبك اللي سبتيه لما اكتشفتي انه مدمن ده وكان هيخبطك بالعربيه
إيلين بحماس اه هكملك كويس فكرتني ده الحيوان فاكرني مش هعرف وانا اصلا دكتوره ودي مهنتي بس الحمدلله بسببه اتصاحبت على حبيبه وكده فقاطعها عصام وتابع ازاي مش انتي قولتي حبيبه شافتك لتاني مره ساعه الحادثه دي فساعدتك لانها تعرفك اصلا ؟
إيلين بصتله بلهفه وتابعت بحماس: ااه ياابني ما افهمني يعصام هو يحبيبي فعصام ابتسملها وهي اتحرجت انها قالت كده فتابعت هي بتكمل بتوتر : انا ..انا شوفت حبييه الاول اه وكان علي مضروب بالنار بسبب البيه هاا وساعدتها نوديه المستشفى فاهي لما شافتني بقى تاني مره ساعه الحادثه بتاعتي صممت تردلي الجِميل ومن ساعتها بقينا صحاب
عصام تنهد بحزن وتابع ندمان عامه ومش فاهم كنت غبي وعملت كده ازاي !!
إيلين راحت قعدت جنبه وحطت ايديها علي ايديه وتابعت بابتسامه : ممكن تهدى ومتزعلش نفسك ؟؟ انت شخص كويس وجواك حلو وعلشان كده انا قاعده معاك دلوقتي انما فكرك لو انا عارفه ان الشخص اللي كان هيموت علي هو نفسه اللي قاعد قدامي ده كنت اتصاحبت عليك وقعدت معاك ؟؟ والله ابدا كنت هقرف منك اوي .. بس انا شيفاك غير كده .. انا شيفاك غير النظره اللي الكل شايفك بيها يعصام
عصام تنهد بعمق وبصلها بامتنان وتابع بحب : مش عارف اقولك ايه حقيقي بس ممتن لوجودك يا إيلين
إيلين ابتسمت بحب وتابعت متقولش حاجه بس اذا كان كده فصارحني وافتحلي قلبك زي مانا هحكيلك على موضوع باسم كده وقولي عملت كده ليه في علي ؟؟ رغم علي والله ما في اطيب منه
عصام تنهد وتابع لانه حسسني انه هيرجعني لوحدي تاني وانا مبتعبش من حاجه قد ما بتعب من الوحده .. رفيده كانت كل اهلي وصحابي ولما سيبنا بعض مره زمان وانا الغلطان بسبب صحوبيتي للبنات وسهري معاهم حسيت رغم كل اللي حواليا دول الا ان كل حاجه نقصاني فمستحملتش بقى ورجعت اخدها لياا تاني ومسمحلهاش تكون لراجل غيري حتى لو هعمل ايه علشان ارجعها فكنت متهور وغبي حقيقي
إيلين برفعه حاجب وانت اصلا فعلا كنت بتعمل ايه مع البنات الامريكيه المعروف تربيتهم يا دكتور يا محترم؟
عصام فضل يضحك وتابع يابنتي بقى .. يعني سيبتي كل كلامي ومسكتي في البنات !! فعلا كل صنف حوا زي بعض
إيلين بضيق لا عصام انا بتكلم جد فجاوبني بليز
عصام بضحك يغاليه دي كانت عيشتي هناك اصل هتربى على عادات مصر منين ان شاء الله يا إيلي ؟؟ انا مكنتش بتكلم مصري غير مع ابويا وامي وبمجرد ما اخرج من البيت بتكلم انجلش فطبيعي اتطبع بطبعهم شويه
إيلين بصتله بشك وتابعت عصام هسالك سؤال وترد عليا بصراحه ممكن ؟؟
عصام شرب من القهوه وبصلها وتابع عمري ما لمست بنت منهم .. انا عارف ان ده سؤالك .. وعارف بردو ان ده عادي هناك والحياه ايزي خالص زي الكلاب والقطط هنا اي حد مع اي حد وفضل يضحك وتابع بس انا مش كده لاني بستنضف البنت اللي المسها ولازم تكون ليا لوحدي انما العك بتاعهم ده مكنش بيعجبني بس سهر واحضان وبوس والمسخره دي ااه حصل لان انا كده بقولهم صباح الخير يعني وانا بسلم
إيلين شهقت وتابعت نهاار ابوك اسود ما ليها حق تسيبك انت ايه الخرا اللي كنت بتعلمه دده هاا
عصام فضل يضحك بشده وتابع يابنتي والله ده عادي هناك فعلا وانا اتولدت وكبرت هناك انتي مستوعبه ؟! بس معملتش حاجه تاني وربنا عيب عليكي
إيلين بسخريه تعرف العيب انت يا دانجوان عصرك
عصام فضل يضحك وتابع طب قسما بالله كانوا شباب وبنات بيتريقوا عليا ومسميني اكتر واحد مؤدب فيهم ويقولوا علشان ده من إيجيبت والكلام ده مينفعش عندهم
إيلين بصتله بغيره وتابعت ااه وطبعا البنات اللي مشافتش ربايه دي هتموت على اللي من إيچيبت الكاريزما التقيل
عصام فضل يضحك وتابع ده حقيقي والله هما الاجانب بيحبوا الرجاله المصريين عامه فواجهت من ده كتير بس لا بقرف منهم مش سكتي الصراحه
إيلين بصتله بضيق وتابعت ده علشان معندهمش رجاله يقلبي اصل الملونين البيض اللي شعرهم اصفر اكتر من مراتك يتسموا رجاله ازاي دول
عصام فضل يضحك بشده لدرجه غمزاته بانت فإيلين سرحت في ضحكته فتابع هو من بين ضحكه : مالك بمراتي انتي اتلمي علشان متجيش تعجنك محدش قديها دي
إيلين بصتله بحب وتابعت والله انت خساره فيها .. غمزاتك حلوه اوي بجد زي بتوع لوما متبطلش تضحك مع اني اشك ان الوليه البومه دي مش بتبينهم خالص
فعصاام فضل يضحك بشده وتابع ده حقيقي وتنهد وتابع ربنا يهديها والله يا إيلي
إيلين ابتسمت وتابعت بابي بيقولي نفس الدلع زيك كده
عصام ابتسم وتابع اسمك كله جميل اصلا معناه ايه بقى؟
إيلين ابتسمت وتابعت ليه اصل يوناني وايرلندي وفرنسي ومعناه النور
عصام بابتسامه اسم على مسمى والله وحط كوبايه القهوه على الترابيزه وتابع بحب يلا اروح افطرك علشان متفكرنيش بخيل ولا حاجه
ايلين فضلت تضحك وقامت معاه وعصام خرج وهي بتمشي وراه فحبيبه رنت فردت عليها وتابعت ايه يابيبه
حبيبه بضحك ايه يحلوه انا وعلي كنا عند باباكي علشان يقوله هيعمل ايه اول يوم تقديم وسألته عنك قال سافرت الساحل خير يعني ومن ورايا
إيلين بابتسامه روحت لعصام سايب البيت لرفيده فجيت اشوفه ماله
حبيبه اتصدمت وتابعت لعصام !! هو انتي بقيتي مصحاباه انا اخر حاجه قولتيهالي انه جالك المستشفى
إيلين خرجت وراه من الفيلا وهو وقف يقفل الباب فاتمشت لقدام وتابعت بضحك يااه ده انتي قديمه اوي هحكيلك كل حاجه لما ارجع البيت رايحين نفطر دلوقتي
حبيبه حست بذهول وتابعت خير يا إيلين مش مرتحالك ولا فهماكي قسما بالله
إيلين بحزن صدقيني ولا انا فهماني بس الاكيد اني حاسه اني مبسوطه دلوقتي
حبيبه غمضت وتنهدت وتابعت لما ترجعي لينا كلام مع بعض بس عرفتي الجديد مراته الزباله عملت ايه انهارده؟
إيلين بضيق عملت ايه خرا؟
حبيبه لقيتها راحت لعلي شقتنا وهو لوحده وحضنته وبنت الكلاب اقولها انتي عايزاه واقصد حاجه مش تمام لقيتها تقولي اه وهاخده وخليت علي رد عليها وانا مسحت بيها الارض وسجلتلها هبقى اسمعك
فإيلين اتصدمت وتابعت ايه الخرا والقررف ده هي بتستغل غياب جوزها الحيوانه دي !!
حبيبه تنهدت وتابعت نفسي عصام يطلقها حقيقي هو شخص كويس اوي وهي زباله متستاهلوش
إيلين بتنهيده مش لوحدك بتتمني كده عامه
حبيبه رفعت حواجبها باندهاش وتابعت بضحك والله !! اتنيلتي وقعتي على عينك وحبيتيه يا بنت كامل ؟!
إيلين تنهدت وتابعت بس بس بلا حبيته بقولك ايه باي عصام جاي عليا
حبيبه ضحكت وتابعت باي ياروحي باي وقفلت معاها وعصام جيه وتابع بابتسامه ها يلا؟ فإيلين ابتسمت وتابعت يلا ومشيت معاه فرجالته اتحركوا فرفع ايديه وتابع لالا خليكم انا هروح لوحدي ومشي وفتح الباب لإيلين فركبت وتابعت بضحك اممم حركات جنتل مان اتعلمتها من امريكا اكيد لان الراجل المصري بلاش اتكلم عنه احسن
عصام فضل يضحك ولف ركب جنبها وتابع اه طبعا ده عادي ومن الذوق في امريكا
إيلين بصتله وتابعت بضحك حبيبي الخلفه من 15 راجل ده عادي ومن الذوق في امريكا فمتنفخش في البلد اوي لتفرقع فعصام فضل يضحك وفونه رن فإيلين شافت مكتوب حبيبتي بالفرانكو فتنهدت وسكتت
عصام بص وتجاهل الرنه وكمل يسوق بس رنت كذا مره فاتخنق ورد وتابع بحده خيير
رفيده اتعصبت وتابعت انت فين كل ده هاا
عصام بعصبيه وانتي مال اهلك وصوتك ده يوطى وانتي بتتكلمي معايا علشان مجيش اكسرك تحت رجلي وانا مش هاجي كام يوم ولما اجي مش عايز اشوف خلقتك فلمي هدومك كده وغوري في داهيه عند امك وانا لما احس اني عايز ارجعك هاجي اجيبك فرفيده اتصدمت بأسلوبه وتابعت انت بتطردني من بيتي يعصام !!
عصام بعصبيه ده بيتي انا وانا اللي اقول مين يقعد ومين يمشي وخلاص انا مبقتش حملك فلازم اهلك يعرفوا اني ساكت ومستحمل كتيير علشان مطلعش وحش في الاخر
رفيده قلبها وجعها وتابعت تمام تشكر يعصام بس انا ..فعصام مسبهاش تكمل وقفل الخط في وشها ورمى الفون على التابلوه وإيلين ابتسمت بشماته وسكتت فتابع عصام هوديكي ساشيكو اغلى واشهر مطعم ياباني وناكل سوشي عارف انك بتعشقيه من استوريهاتك يخش يطمر
إيلين اتفاجئت بشده وتابعت بضحك بتهزرر بجد !! ده لازم حجز قبلها بيوم اصلاا وتحفهه اوي وكنت نفسي اروحه جداا بس صحابي مبيحبوش الاكل الياباني
عصام بحب عيب لما تقوليلي انا احجز هاا الباسبور هيفتح اي حاجه يقلبي انتي عايزه السياحه تضرب في مصر ولا ايه
إيلين فضلت تضحك بشده وتابعت عصام انا مبسوطه بجدد ومش مصدقه اننا رايحين
عصام ابتسم وتابع بحب يارب دايما مبسوطه انتي تستاهلي كل خير يا إيلي
إيلين ابتسمتله بحب ورفعت فونها وتابعت بص في الصوره فعصام بص معاها وابتسم وصورت الصوره وبعتتها لحبيبه وكتبت "رايحين مطعم حته السوشي فيه بـ 800 ج 😂😂" فحبيبه شافت المسدج اتصدمت وفضلت تضحك وكتبتلها " كام يقلبي؟!! " فإيلين فضلت تضحك وكتبتلها " والله اه يابنتي ابعتلك المنيو لما نروح ده مطعم ياباني وغالي اوي انا عارفاه بس مكنتش بروح علشان صحابي ميشجعوش😂😂 " فحبيبه كتبتلها " حقهم ميشجعوش يحبيبتي انتي فاهمه انتي بتقولي كام ؟! ده انتي بتقولي 800 ج ده انا كنت هشتغل في مره بتمن 3 قطع سوشي في الشهر بس كريم رفض😂😂 " فإيلين فضلت تضحك وكتبتلها " مانا هتصور معاها قبل ما اكلها تخيلي ادفع 800 ج علشان حاجه هتتمضغ في ثانيه !!😂😂 "
حبيبه كتبتلها " مانتي متعوده يقلبي على الصرف فمتفاجئه من ايه ده انا اللي لو مكانك هخاف امضغها اصلا وهحنطها دي اغلى من المصروف بتاعي ده بيتنا كله بياكل بـ 300 ج😂😂😂" فإيلين ضحكت وكتبتلها" انا مالي بقى مش معايا راجل هو اللي يشيل 😂😂"
حبيبه كتبتلها " ايوه هيدفع 20 الف مستريح بعد ماتاكلوا وتشربوا حاجه وسايبلنا مراته جعانه تقرف اللي جابونا هنا 😂😂"
إيلين ضحكت وتابعت بس يحيوانه اخرسي مالكيش دعوه بيه اصلا 20 ده رقم بسيط هناك هخرب بيته انهارده😂😂"
حبيبه كتبت" يقلبي والله هو مخروب خلقه رجعيه يربطها في السرير ولا يعمل اي حاجه فيها دي وقوليله لو عايز زوجه تانيه انا موجوده ده هيدفع 800 ج تمن قطعه وهيعرف ينام عادي وانا قاعده مع علي مبنشوفش نوم بنفكر هنشحت منين للمهندس اخر الشهر 😂😂😂😂"
إيلين فضلت تضحك بشده وكتبت " طب والله لعرف علي يحيوانه انتي ورفيده سيبك منها خالص هو طردها وهتمشي كده كده😂😂"ولقيت عصام بيبصلها وتابع بتضحكي مع مين كده؟ فإيلين قفلت الفون وبصتله وتابعت بضحك بكلم حبيبه واتساب فعصام ابتسم وتابع طب يلا علشان نازلين وصلنا فإيلين ابتسمت وتابعت بحب يلا
-
فوق عند كريم نيره طلعت وتابعت كريم فين يخالتي؟ فابتسام بصتلها وتابعت نايم ينن عين خالتك مانتي عارفه مبيصحاش يوم الجمعه ده خالص غير على الصلاه هدخل اصحيه دلوقتي
نيره بلهفه لالا خليكي انا هصحيه فابتسام ابتسمت وتابعت ماشي يحبيبتي روحي
نيره مشيت ناحيه اوضته وتابعت نايم وانا من امبارح مجاليش نوم واحنا متخانقين ماشي يكريم ودخلت الاوضه وقفلت الباب ولقيته نايم وقافل ستاير اوضته فراحت فتحت الستاير وقعدت جنبه وتنهدت ومكانتش قادره تصحيه وتبصله فنامت في حضنه وتابعت كريم ورفعت وشها بصتله وحطت ايديها على خده وتابعت كوكي وباست خده وتابعت كريم قوم فكريم عينيه انكمشت بضيق وتابع تؤ في ايه على الصبح
نيره اتوترت وتابعت كريم ممكن تقوم ثواني نتكلم فكريم فتح عينيه ببطئ وبصلها وتابع انتي ايه اللي جابك هناا !!
نيره بصتله بحزن وتابعت عايزه اتكلم معاك ومسكت ايديه وتابعت متكسرش بخاطري ابوس ايدك انا عندي امتحان بكره ومخنوقه لوحدي
كريم بعصبيه ولا كلام ولا زفت قومي انزلي يلا علشان مهينش اهلك على الصبح فنيره اتخضت من صوته وتابعت بدموع حقك عليا والله انا اسفه
كريم قام من السرير وتابع بعصبيه اهو انتي معندكيش الا البوقين دول حقك علياا وانا اسفه اما الواحد خلاص زهق منك ولولا مبتهونيش علياا كنت مسكتك قسمتك نصين على اسلوبك معايا ده بس حقيقي مش هلومك انا اللي ابن ستين كلب و جرأتك عليا من الاول
نيره دموعها نزلت وقربت منه وحطت ايديه عليه وتابعت مانا بغلط عامه سواء معاك او في اختياراتي او حتى في حياتي بس ايه الجديد انت علطول جنبي وبتعلمني الصح من الغلط وانا مكنتش فاهمه فغصب عني بردو اعذرني
كريم بعصبيه الجديد اني مبقتش استحمل اسلوبك ده ومش شيفاني برياله علشان عيله 22سنه تتعصب عليا كل شويه
نيره دموعها نزلت وتابعت عديهالي المره دي يكريم عديهالي وانا اقسم بالله وغلاوتك عندي لو عليت صوتي تاني ولا اتعصبت عليك ولا فهمتك غلط قاطعني علطول وعيطت اكتر وتابعت بس والله انا ماعرفت انام الليل بسبب خناقي معاك انا حقيقي مقدرش اعيش من غيرك يكريم وولا بابا ولا حد في الدنيا هيعرف يسد 1% من مكانك ده انت نورعين نيره وحضنته وفضلت تعيط وتابعت راضيه باللي تعمله فيا لو غلطت تاني والله بس ارجوك متزعلش مني حقك عليا انا اسفه مكنش ينفع ابداا اقف قصادك من غير ما افهم اللي حصل
كريم تنهد ومرضيش يرفع ايديه يحضنها زي ماهي حضناه وتابع بوجع: لا بس انا وابويا كنا بنخليكي تشحتي مننا محبه الاب مش كده يانيره؟
نيره بصتله وهي حضناه وتابعت بعياط متخلفه وبقول كلام متخلف وقت عصبيتي حقك على عيني والله ومتشيلش مني ولا تفتكرلي كلام يقفلك مني ابوس ايدك انا حقيقي محبتش ولا هحب قدك انت وبابا حاتم وعارفه ان عمركم ماقصرتوا معانا بس اتصدمت من فكره ان ابويا عايش فاللي هو طب ماترجعوني لاهلي بدل ما انا حاسه طول الوقت ان اللي بيحصل مش من حقي وانكم بتعملوا واجب مش واجبكم وشايلين حمل تقيل عليكم ومش بتاعكم انما مش قصدي ابداا انكم قصرتوا والله ولا حسستوني اني بشحت منكم المحبه لا .. انت عارف نيره وعارف لسانها وقت العصبيه بس والله انا نيتي مش كده حقك عليا ارجوك وحضنته وفضلت تعيط بشقهات
كريم قلبه وجعه عليها ورفع ايديه لفها عليها وحضنها جامد زي ماهي حضناه ووطي باس راسها بعمق وتابع بتنهيده خلاص اهدي طيب متعيطيش
نيره بصتله بعياط وتابعت مش زعلان مني؟
كريم بتنهيده مش متنيل امتى عرفت اخد منك موقف وابعد عنك علطول بالذمه؟
نيره بصتله بلهفه ودموع وتابعت حصلت ساعه مروان فضلت شهور مخاصمني بس بردو مبنبعدش علطول
كريم حط ايديه يمسح دموعها وتابع بابتسامه ده علشان كنتي هتضيعي مني وانا مقدرش اشوف فيكي حاجه وحشه ولا اشوف حد بيأذيكي والزعل على قد الغلاوه ولا ايه؟
نيره بصتله بلهفه وتابعت بفرح اه اكيد بس المهم انك مش زعلان ولفت ايديها حوالين رقبته وحضنته جامد فكريم حط ايديه على ضهرها وضمها ليه اوي وباس خدها فنيره ابتسمت بفرح وتابعت فرحانه فرحانه اوي انك سامحتني وانا والله اوعدك اني مش هزعلك تاني خالص صدقني
كريم بابتسامه اما نشوف ياست نيره علشان الجايه هتجيب الناهيه انتي حلفتيلي لو غلطتي اعمل اللي انا عايزه
نيره بصتله بحب ودموع وتابعت مش هغلط والله بس انت هيهون عليك تبعد عني يكريم ؟! ده انا استحمل اي عقاب في حياتي الا ده علشان والله ماهقدر
كريم تنهد وتابع بحب ولا انا اقدر ابعد عنك والله يانيره علشان انا حقيقي بحبك
نيره بصتله بحب وتابعت وانا بموت فيك ينورعين نيره وحضنته بحب
فكريم تنهد بتوتر وتابع نيره لا انا بتكلم جد انا فعلا بحبك
فنيره استغربت وبصتله وتابعت مانا عارفه يكريم انك بتحبني وبتموت فيا كمان ايه الجديد يحياتي مانا كمان بعشقك ومقدرش اعيش من غيرك
فكريم بلع ريقه بتوتر وتابع بتردد: يابنتي انا قصدي .. اقصد يعني اني بحبك حب اكر من اللي في خيالك انتي فهماني؟
نيره بحب فهماك طبعا وضحكت وتابعت اومال انت مميزني عن باقي اخواتك ليه ماطبيعي انا ليا غلاوه زياده حبتين وانا اكتر واحده مش عايز تجوزها علشان متمشيش وتسيبك بس والله مافي راجل هيجي ياخدني منك ده هيغير ويتجنن من كتر ما انا مش هيبقي ليا سيره الا انت
فكريم قلبه وجعه جدا وتابع اممم طلعتي فهماني فعلا وابتسم بالعافيه وتابع عارف محدش هياخد غلاوتي مهما حصل .. يلا انا رايح اخد شاور واتوضى علشان الصلاه روحي انتي ذاكري لامتحانك
نيره بحب ماشي يحياتي يلا باي وباست خده وخرجت وقفلت وراها وكريم غمض بضيق شديد ودخل الحمام ورزع الباب وراه ودقايق ووقف تحت الدش يهدي غليان جسمه من فرط عصبيته وضيقته وتابع لنفسه: كنت منتظر منها ايه انت ؟؟ انها تفهم ان نظرتك ليها نظره حبيب مش اخ !!! عايزها تخمن ان حبك ليها حب زوجه !! نيره ميتلامش عليها انها مش فاهمه لانها عمرها ماهتفكرر كده انت الوحيد اللي يتلام انه بصلها بالنظره دي فتستاهل تعيش تتعذب علشان حبيتها يكريم
---
عند سلمى كانت لسه خارجه من الشاور وقاعده على كرسي التسريحه وهي لابسه البورنص بترطب ايديها وبتكلم مالك ومعليه الاسبيكر فتابع خلصتي ولا لسه في ليلتك السودا دي فسلمى فضلت تضحك وتابعت ياابني ماقولنا برطب بطل صداع بقى عايز ايه
مالك بضحك بترطبي ايه بس يمزتي انتي مش محتاجه ترطيب
سلمى بضحك لا مالكش دعوه برطب زياده تاكيد
مالك بضحك طب اخلصي علشان عايز اكلمك فيديو كول
سلمى بقلق لالا بلاش علي صاحي اسكت والله يقتلنا
مالك بضيق انا علي ده قرفني قسما بالله
سلمى فضلت تضحك وتابعت معلش استحمله لحد مانتجوز وابقى حلالك ومش هيتكلم خالص
مالك ابتسم وتابع ده يوم المنى والله..عارفه بحلم بايه يابت يسلمى؟
سلمى وهي موطيه ترطب رجليها تابعت بحب بإيه يعيون سلمى فالباب كان مفتوح سيكا فعلي دخل ورايح يتكلم اتفاجئ بصوت مالك من الفون تابع بحب:احضنك ..نفسي اغمض عيني وافتحها الاقيكي بتاعتي ومن حقي اخدك في حضني حقيقي بحلم باليوم ده يسلمى
فسلمى ابتسمت بكسوف ورايحه تتكلم فقاطعها علي بذهول وتابع حضنك قطر سواقه اعمى .. انت بتقول ايه للبت يحيوان انت !!
سلمى اتصدمت من وجود علي واتكسفت فتابع مالك بخوف انا ..انا بقولها على روايه بقراها يعلووه البطل بيقول للبطله كده في السطر التالت انما انا مالي اناا انت هتلبسني مصيبه !!
علي بحده ده انا اللي هاجي اطلع عينك اهلكك وارميك من الدور التالت يا ابو سطر تالت انت
مالك بضحك يعلي خلاص ميبقااش قلبك اسوود بقى مانا كل شويه اظبطك حاضن بنت عمي ومبتكلمش
علي بذهول شوف بردو الحيوان التربيه الناقصه !! طب انا جايلك يمالك ورايح يطلع فسلمى مسكته بلفهه فتابع مالك بضحك لالا خلاص وربنا حقك عليا انا اسف مش هتقرر تاني ابداا بس انت خليك جدع ولما اهلي يجوا بكره نكتب الكتاب
علي بضحك بعينك يا ابن الجزمه انسى خلاص خليك اعصابك تعباك كده وانا هبلكك دلوقتي من عند البت وعايزاهاا تكلمك تاني فسلمى بصت لعلي بحزن فتابع مالك بضحك لالا وحياه حبيبه ماتعمل كده مقدرش اسيبها يجدي مقدررش
علي فضل يضحك وتابع طب احترم نفسك واتقي الله فيها البت غلبانه وصفر خبره في الدلع بتاعك دي فمتخوفهاش منك
مالك بضحك حاضر والله مش هنطق تاني بس فكر في موضوع كتب الكتاب بالله عليك يعلي ولما استلم الشقه من مهندس الديكور نعمل الفرح
علي بحب حاضر اهلك يجوا بالسلامه ونبقى نشوف الموضوع ده دلوقتي هات عمك علي وتعالى افطروا معانا قبل الصلاه وحضر نفسك هتنزل معايا وحبيبه هنا فعايزها تفطر مع ابوها
مالك بحماس ده اشطاا جدا هلبس الجلابيه البيضه وجايلك يباشاا باي
علي بابتسامه باي وقفل معاه وبص لسلمى برفعه حاجب وتابع: تجاوزات في الكلام مش عايز هاا انا عارف اني مش ملاك وبحاول اتغير بس على الاقل واثق في نفسي عمري ماهتمادى في الغلط لدرجه توقعني انا وهي في مصيبه ويحصل بينا حاجه
سلمى بخوف والله ماتخاف يعلي انت عارف اختك انا ماليش في الكلام ده خالص وبترعب منه
علي حط ايديه على خدها وتابع بابتسامه مانا علشان عارف اختي فبنهبك انتي هبله وعبيطه وهو مش وحش هو بيحبك وغصب عنه المشاعر دي فممكن اي وقت الموضوع يتطور لاي غلط بأي شكل حتى لو فيديو كول من غير خمارك فبنبهك من دلوقتي يسلمى انا حقيقي خايف عليكي
سلمى الدموع اتجمعت في عينيها وحضنته جامد ودموعها بتنزل بقهر وهي حاسه انها خذلته وكسرت ضهره باللي حصلها فعلي باس راسها بعمق وتابع يلا البسي علشان متتعبيش البورنص بتاعك مبلول
سلمى هزت راسها بماشي وهي بتمسح دموعها وعلي خرج وحبيبه كانت واقفه بتكويله الجلابيه فباس راسها وتابع ركزي ها علشان دي لو اتحرقت قسما بالله احرقك وراها
حبيبه فضلت تضحك وتابعت لالا متقلقش والله مش اول مره اكويهالك فعلي ابتسم ورفع ايديها باسها وتابع تسلميلي يعمري تاعبك معايا
حبيبه ابتسمت وتابعت ده انت تعبك راحه يقلبي
رانيا بضحك اهو هيقضوها محن والجلابيه تتحرق ونقول من ايه فكلهم فضلوا يضحكوا فتابع علي بضحك لا انا هسيبها خالص اهو وراح قعد على السفره ودقايق وحبيبه خلصت وعلي قام لبسها ورش البرفيوم بتاعه
حبيبه بابتسامه يخرابي ياناس على حبيبي وحلاوته بالجلابيه البيضه والبرفيوم بتاعه اللي بشمه من اخر الشارع ده
علي بضحك نورعين حبيبك انتي والله وثواني ومالك دخل مع الاب وتابع بابتسامه صباح الخير
علي بابتسامه صباح الفل ادخلوا نورتوا وبص لاسراء وتابع رصي الاكل مع بيبه يلا فحبيبه تنهدت بضيق من وجود ابوها ودخلت المطبخ مع اسراء وثواني وسلمى جات وهي لابسه خمار بينك وشميز ابيض فيه ورود بينك وجيبه بينك وتابعت بابتسامه وهي باصه للارض السلام عليكم فكلهم رددوا وعليكم السلام ومالك فضل باصصلها باعجاب فعلي زغده وتابع بهمس اتلم علشان مخزقش عينيك ها
مالك فضل يضحك وتابع حاضر والله وثواني وجات حبيبه مع اسراء ورصوا الاكل وحبيبه قعدت جنب علي ورانيا قدامهم فتابعت يلا بسرعه يا ابني علشان تلحق الصلاه واتصل بابن عمك قوله
علي تنهد بضيق وتابع انا مش هكلم حد والله هو عارف معاد الصلاه فمفروض ينزل لوحده
حبيبه حطت الاكل قدام علي وتابعت كل يحبيبي وانا هكلم كريم اقوله لما تنزلوا يلا بس الف هنا
فابوها ابتسملها بحب على حنيتها اللي كانت تشبه تصرفات هاله جدا معاه
فتابع مالك وكده رسمي موضوعنا انا وسلمى لما اهلي يجوا ها؟ فعلي ابتسم وتابع يقتدموا لما يجوا ونبقي نشوف معاد كتب الكتاب ده امتى فمالك وسلمى فرحوا جدا
فتابع الاب بابتسامه ده احنا نطول لما ناخد بنتكم ربنا يحميها ويحرسها يارب وكل طلباتكم مجابه وليك عليا هخلي مالك يشيلها في نن عينيه ولو زعلها كلامها معايا وانا هربيهولها دي مش هتبقى مرات ابن اخويا دي هتبقى بنتي
حبيبه ابتسمت بسخريه وتابعت احنا كده نقلق لو فكرت تعاملها زي بنتك فالاب قلبه وجعه وحِزن
علي بعصبيه حبيبههه
حبيبه بصتله وتابعت خير يعلي ؟؟
علي بعصبيه مسمعش حسك تاني احترمي اني قاعد وبطلي قله ذوق
حبيبه بحده اصل هو عايز يحسسني ان
فعلي قاطعها بعصبيه هشش انتي سمعتي انا قولت ايه ؟ صوتك مسمعووش فحبيبه سكتت وهي متعصبه
فتابع الاب بحزن كتر خيرك ياابني بس عادي هي حقها سيبها تتكلم
علي بعصبيه ولا حقها ولا زفت عيب انت ابوها مهما حصل
مالك ضحك وتابع خلاص كفاياكم نكد نتكلم على فرحي ياباي منكم بجد
سلمى هي عمتك ميسون دي هتيجي؟
مالك تنهد تابع اكيد دي كانت حماتي ياختي وهتموت وهتولع اني سيبت بنتها فهتيجي تشوف هاخد مين بقى فكلهم اتصدموا فتابعت سلمى بحده ااه قولتلي
علي بصلها وتابع بحده صوتك ميعلاش على خطيبك وفيها ايه حبيبه اهي كل شويه خناق وقرف مع رفيده شوفتيها اشتكت ؟؟؟
سلمى بغيره يعلي انا مش طيقاها من كلامه فتقوم تيجي فرحي لييه يعني بجد
علي بحده بنت عمته يابابا موضوع خطوبتهم ده خلاص انتهى انما مينفعش متجيش خلي عندك ثقه في نفسك شويه واحترمي ان في رجاله قاعده خرستها اهي بوقها متفتحش تاني واحترمت كلمتي جرالك ايه يسلمى !!
مالك بقلق خلاص يعلوه حقك عليا انا هي غيرانه شويه بس فطلعت منها كده
علي تنهد وتابع ده الواحد تعب والله وكملوا اكل
ونزلوا الصلاه وبعد الصلاه كريم كان طالع وعلي ومالك وحسن مع بعض وكان معاهم في المسجد واحد من المنافسين لكريم فبصله وتابع الله كريم الجارحي بنفسه يمحاسن الصدف فكريم بصله بضيق وتابع صدف خرا حقيقي ورايح يمشي فصابر مسك ايديه وتابع استنى بس هو انت فاكر الصفقه اللي لهفتها مني دي انا هعديها على خير؟
كريم ابتسم وتابع اعلى مافي خيلك اركبه لمؤاخذه ولسه اللي جاي كتير بس انت تستحمل
صابر اتعصب ورايح يضربه بالبوكس فإيد علي منعته وبصله بحده وتابع بعصبيه ايدك لو فكرت تتمد على اخويا هتشيلها في حضنك وانت مروح
كريم بصله بلهفه وفرح فصابر ضحك وتابع لسه متمسك بيه بعد اللي عمله فيك
علي بعصبيه ميخصكش نقطع بعض نموت بعض في النهايه ده دمي ولحمي وولا انت ولا غيرك هيغير الحقيقه دي وضربه بالراس بقوه وقعه على الارض يتألم فكريم بصله بلهفه وتابع علي فعلي مردش عليه ومشي
--
وعند عدلي الشامي كان قاعد على كرسي وحاطط رجل علي رجل وتابع البت دي لازم تتأدب يا ادهم انا خلاص زهقت منها
ادهم بابتسامه تتأدب وماله علم وينفذ يكبير
عدلي ابتسم وتابع بلعت انك بتحبها مش كده؟
ادهم بضحك بلعت طبعا انت متعرفنيش وانا رومانسي بردو فعدلي فضل يضحك وتابع لا برافو عليك حركه ذكيه منك وبعد مانخلص من لميا خالص هكافئك مكافاه هتعجبك فادهم ابتسم وتابع تسلم يباشا
--
وبعد شويه في مكان عام علي كان قاعد وثواني وندى جاتله وتابعت بضيق نعم عايز ايه؟
علي ابتسم وتابع ماانتي عارفه كل حاجه احنا هنصيع على بعض؟ ندى بصتله وتابعت مش قادره اثق فيك يعلي ومش فاهمه ليه
علي ابتسم وتابع علشان غبيه لما اكون قايلك الغي الصفقه دي علشان ريحتها فاحت والكل بيتكلم عنها لدرجه وصلت لصابر ونعمل غيرها ونكسب اكتر يبقى انا قلبي عليكي ولالا؟ لان ابسط حاجه يا غبيه لما كلامي يحصل قدام كريم هيطردك انما لو صفقه تانيه خالص يبقى كلنا اتضحك علينا وانا كنت ظالمك في الصفقه الاولانيه فهمتي؟
ندى بابتسامه فهمت بس هتعملها بكام ؟
علي بابتسامه بالرقم اللي تختاريه احنا كده كده ملناش دعوه مش فلوسنا وهما النص وانتي الربع وانا الربع
ندى برفعه حاجب هتاخد الربع بحاله زيك زيي !!
علي بضحك متبقيش طماعه بقى ما انا هكبرلك المبلغ يعبيطه فـ ربعك هيزيد عن اللي كنتي هتاخديه قبل كده وابقى انا استفدت وانتي استفدتي لان كريم مصدقنيش فخلاص يستاهل اعمل من وراه مصلحه حلوه قبل ما ادخل الكليه انا محتاج لكل جنيه وكده كده دي مش فلوسه يعني فلوس الشركه فهو ابن عمي وحبيبي بردو
ندى بابتسامه ما انا علشان كده فعلا وافقت اكمل الصفقه لانها مش فلوس كريم ومدت ايديها لعلي وتابعت اتفقنا كده نبدا الشغل
علي ابتسم وبص لكريم اللي واقف وراها ومصدوم وتابع : صوت وصوره اهو اتاكدت يقلب اخوك ولا لسه