رواية لنا موعد اخر الفصل الثالث والخمسون53 بقلم لولا
ونزلوا فشغل عربيته ولف يركب فبصت للسما بخوف وتابعت الله يرحمني والله خلاص .. خليك معايا يارب ارجوك ده انا هبله وفتحت باب العربيه وركبت جنبه وفارس طلع في طريقه للمستشفي فبصتله بتوتر وتابعت على فكره الوجع مجاش تاني يعني الموضوع شكله بسيط وانت مصمم تودينا مشوار يقطع النفس على الفاضي
فارس بصلها فاهي اتوترت من نظرته ورجع بص للطريق وهز راسه بيأس وتنهد
اسيا بتوتر طب ليه بصه المخبرين دي طيب قولت ايه انا مش فاهمه ؟؟
فارس من غير مايبصلها: مقولتيش حاجه وياريت متقوليش خالص خليكي ساكته افضل
اسيا حطت ايديها على ايديه اللي بيسوق بيها وتابعت حبيبي ممكن تقف نتكلم شويه؟؟
فارس بتنهيده مش وقته يا اسيا لما اطمن عليكي نبقى نتكلم
اسيا بضيق اووف يفارس انا كويسه بقى متقرفنيش انت وابنك على المسا
فارس بصلها برفعه حاجب وتابع نعم يا اسيا ؟؟ قولتي ايه ؟؟
اسيا بتوتر مقولتش حاجه وبصت جنبها ونفخت بتوتر والدموع متجمعه في عينيها
فارس بحده اقسم بالله يا اسيا انا لولا اني راجل محترم وعمرك ماتهوني عليا كنت اديتك قلم لزق وشك في الازاز دلوقتي علشان مش تخضيني وتصحيني من النوم في انصاص الليالي وانزل بيكي المستشفى وفي الاخر يتقالي متقرفنيش قرف يقرفك انتي واهلك ياتربيه ناقصه
اسيا بدموع وخوف وانا قولتلك مننزلش انت اللي مصمم اعملك ايه بقى
فارس بعصبيه هو انتي عبيطه يابت انتي ولا ايه ؟؟! مصمم علشان خاايف عليكي هو انا اللي بتوجع ولا انتي يا ام مخ تعباان انتي هاا
اسيا بدموع وتوتر خلاص يفارس حصل خير انا اسفه
فارس نفخ بضيق ومردش عليها وكمل يسوق فتابعت اسيا بتوتر طب انا عايزه ادخل الحمام
فارس ضرب كف في كف وتابع بحده هو يوم اسود انهارده ادخلك فين انا دلوقتي ؟؟ ماهو عندك حلين اما في الشارع اما على رجلي
اسيا شهقت وضربته في كتفه وتابعت تصدق انا غلطانه اني بتكلم معاك امشي مش عايزه منك حاجه امشي
فارس بحده اصل انتي مستفزه اوي يا اسيا ما لسه نازلين متنيلتيش ليه
اسيا بدموع اهو اللي حصل بس بجد اتصرف
فارس بعصبيه اتصرف اعمل ايه ماشي بحمام احتياطي في العربيه يعني ولا اهبب ايه انا مش فاهم
اسيا بدموع اي كافيه ولا قهوه واحنا ماشين
فارس بعصبيه نعم ياختي؟؟ اي ايه؟؟ ده انتي تعمليها على نفسك اسهل واديها عربيه جوزك مش حد غريب
اسيا ضحكت من بين دموعها وتابعت يفارس اتلم انا مبهزرش بجد
فارس بعصبيه ولا انا بتنيل اصل وقت زي ده مفيش الا رجاله في القهاوي والكافيهات فمش هنزل بيكي ادخلك حمامات لو اطبقت السما على الارض
اسيا بدموع خلاص مش عايزه اتنيل
فارس بحده احسن بردو
اسيا بصتله بضيق ورايحه تمسك الازازه ففارس شدها منها وتابع بحده بتهببي ايه ؟؟
اسيا بدموع ايه هشرب
فارس ضغط على الازازه بكل قوته لدرجه اتطبقت وتابع بحده : يابنت الناس هيجيلي السكر قسما بالله .. حرام على اهلك نفر نفر
اسيا بدموع في ايه يفارس بقى اوف
فارس بعصبيه اما انتي عايزة تدخلي الزفت وماسكينك بالعافيه تقومي تشربي ؟!! يابنتي انا صغير على الامراض ابوس ايدك ورمي الازازه من الشباك المفتوح جنبه بعصبيه
اسيا اتخضت وتابعت بتوتر : يحبيبي ماالك طيب اهدى
فارس بعصبيه ابعدي عني الساعه دي يا اسياا انا اعصابي تعباانه وخايف عليكي انتي واللي في بطنك وانتي قنبله برود محصلتش انا عايز افهم انتي اللي مالك ومش خاايفه ليه ؟!!
اسيا بتوتر علشان متعبتش تاني من ساعتها فخير يمكن شويه املاح في الحوض وخلاص
فارس بحده شويه املاح ايه اللي داليا تقولك لو الوجع اتقرر روحي مستشفى !!
اسيا بدموع وهمس: الله يحرق داليا على اللي يمشي ورا داليا
فارس باستغراب بتتنيلي بتقولي ايه؟
اسيا بدموع مبقولش
فارس تنهد بعمق وتابع طب انا بعمل لاهلك ايه علشان تعيطي طيب؟ افهم بس؟
اسيا مسحت دموعها وتابعت لا مش انت انا مخنوقه شويه
فارس بصلها وتابع مخنوقه من ايه مالك؟
اسيا بتوتر سيبك مني ومسكت ايديه حطتها بين ايديها وتابعت خلينا في البيبي هو مثلا يعني مثلا لو روحنا وقالتلك اني كويسه هتتعصب اني نزلتك على الفاضي ؟
فارس بتنهيده انتي عبيطه ؟!! اكيد لا طبعاا ده هو ده اللي انا بتمناه بس مفيش دخان من غير نار اكيد تعبك ليه سبب
اسيا بتوتر امم ايوه صح وبصتله بلهفه وتابعت بس عارف انا شوفت مره فيديوز على التيك توك وانا بقلب نفس الحاله كده وراحو المستشفيات في انصاص الليالي بردو وطلع مفيش حاجه خالص سبحان الله
فارس برفعه حاجب لا هو سبحان الله فعلا ان يطلع قدامك فيديوز نفس حالتك ده شوفتيهم امتى دول لحقتي ؟
اسيا بتوتر لا شوفتهم قبل كده يعني
فارس بتنهيده اه قولتيلي طيب يحبيبتي ادينا شويه ونوصل ونعرف كل حاجه
اسيا غمضت بتوتر وفضلت تدعي ربنا بعدين بصتله وتابعت فارس انا جعانه
فارس مردش عليها وكمل يسوق فضربت كتفه وتابعت بضيق يفارس انا جعانه اوي بجد
فارس مسح بايديه على وشه بضيق وهمس يستغفر وبصلها وتابع يابنتي مش عايز انكد على اهلك وامد ايدي هيقولوا راجل زبااله ومشافش رباايه وبيضرب حريم فاختصريني احسن الشويه دول
اسيا بذهول ده على اساس ايه هتجوعني يعني يفارس؟؟؟!
فارس بعصبيه لا على اساس ان في ام سوناار على بطنك عايزينه يبان كويس ومينفعش تبقي طافحه قبله
اسيا بتوتر اه بس لازم اكون شاربه مايه كتير صح؟ وبعدين ليه هتعملي سونار على بطني مش قولنا الرحم بس؟
فارس بضيق لا انتي عايزه تدخلي الحمام فعادي خلاص مش لازم تشربي مايه وهعمل على بطنك علشان لو مش من الحمل اشوف بطنك مالها فهمتي؟؟
اسيا بلعت ريقها بتوتر وتابعت اه فهمت يحبيبي فهمت ربنا يستر
ولقيت مسدج من داليا بتقولها " ااه يابنت المحظوظه انتي صالحك ونازلين تخرجوا في انصاص الليالي كمان علشان تشكريني😂😂😉"
فاسيا بصت على فارس لقيته مركز في السواقه فكتبتلها " والنبي اتلهي ده انا نفسي اعطر فيكي همسكك ارنك علقه ده رايح يوديني المستشفى من قلقه من كلامي ياختي😭"
داليا شافت اتصدمت وفضلت تضحك وبعتت" بتهزري صح !! "
اسيا بعتت " لا والله بتكلم جد وهيطلع عيني وعين اهلي لما يلاقيني كويسه بعد الصرع اللي عملتهوله ده ربنا يسامحك يداليا 🥹"
فداليا فضلت تضحك وبعتت"ينهار ازرق !! 😂😂 قلبي معاكي يعمري بس متقلقيش فارس راجل عمره مايضرب ست .. برا بيتها يعني فـ لما تيجوا اديني رساله هطلعلك انا وطارق نحوش😂😂😂"
فاسيا شافت المسدج كتمت ضحكتها وبعتت " ماشي ياكلبه تشكري 😂😂 بس متخوفنيش يا داليا بالله عليكي انا هموت لوحدي 🥹🥹"
داليا بعتت " لا حقك تقلقي بصراحه انا قولت بالكتير هيقلق فيقعد جنبك انما صدق لدرجه نزلك للمستشفى !! فـ لا كده قلبي معاكي الله يرحمك كنتي طيبه يا ساسو😂😂"
فاسيا شافت المسدج ضحكت وبعتت" ماشي ياداليا اشوف المصيبه اللي انا فيها دي وافوقلك صبرك عليا😂😂"
بعد شويه فارس بصلها وتابع بتنهيده بتتنيلي تكلمي مين دلوقتي؟
اسيا اتوترت وبصتله وتابعت دي اسراء اختي وبصت للفون ومسحت الشات بينها هي وداليا وقفلت الفون ففارس تنهد وتابع طب يلا وصلنا كلمتلك رحاب وقفل العربيه
اسيا قلبها اتقبض وهزت راسها بلايجاب ففارس نزل وتابع بضيق يابنتي ماتخلصي
اسيا بتوتر حـ حاضر ونزلت وقفلت الباب ففارس مسك ايديها ودخل فالامن رفع ايديه باحترام وتابع مساء الخير يا دكتور الف سلامه على الجماعه ربنا يطمنك
فارس بابتسامه مساء الفل تسلم يارزق ربنا يخليك وطلع مع اسيا السلالم
اسيا بهمس وتوتر هي المستشفى دي اللي بتشتغل فيها يوم الحد والاربع ؟
فارس بصلها وهما ماشين وتابع اه هي بعيده بس حلوه وضامنها وكلها زمايلي فهناخد الكلمه المضمونه وعمر ماحد منهم هيسوحنا ولا يلففنا
اسيا بتوتر هي مش مستاهله لف وتسويح يحبيبي انا حامل مش عندي مرض نادر
فارس ابتسم وتابع طب يلا يا ام لسان طويل وخبط وبيفتح باب العياده فاسيا اتخضت ومسكت دراعه وتابعت بخوف لالا بتعمل ايه مش في دور مفروض نستناه؟؟
فارس غمض عينيه ومسح بايديه على وشه وتنهد بعمق وتابع استغفر الله العظيم يارب وبص حواليه على الكراسي الفاضيه فكل مكان وبصلها وتابع يعني انتي يابنتي هتتعبي لو معصبتنيش وخلتيني اعلي صوتي عليكي ؟؟
اسيا بتوتر اعصبك ايه بس يفارس مش مفروض فعلا لينا دور ولا هو علشان انت شغال هنا هتفتري على خلق الله وتاخد دورهم !!
فارس بعصبيه وهما فين خلق الله اللي بفتري عليهم ؟!! فينهم يا اسيااا ؟!! هو حد صااحي دلوقتي غير ام اللي جاابوناا !!
اسيا بتوتر وخوف اه اه انت صح مخدتش بالي من التوتر معلش
فارس رايح يتكلم فرحاب فتحت الباب لانها سمعاهم وتابعت بضحك مالك في ايه وسع خلقك يا دكتور مش كده دي ست حامل
فارس بضيق ده قسما بالله الدكتور جاب اخره وتعب يلا يا اسيا يلا يحبيبتي ربنا يهديكي وخدها ودخلوا العياده وقعدوا على الكراسي قدام المكتب واسيا متوتره جدا ومشبكه صوابعها في بعض
رحاب ضحكت وتابعت معلش تعيش وتتعبك دي ام البيبي يعني تدلع براحتها وقعدت على كرسي مكتبها
فارس بتنهيده مقولناش حاجه ربنا يخليهم ليا ويعيشوا ويتعبوني يارب
رحاب بابتسامه اللهم امين يارب وبصت لاسيا وتابعت ها بقى بنشتكي من ايه ياجميل؟
اسيا بتوتر ها وبصت لفارس وتابعت قولها يفارس بشتكي من ايه
فارس ضرب كف في كف وتابع لا حول ولا قوه الا بالله العلي العظيم واتعصب وتابع وهيعرف منين فارس ؟! هو فارس اللي حامل ؟! يابنتي متعصبيناش على المسا ورحمه ابوكي
رحاب بضحك اهدى بس تلاقيها مكسوفه انا هجيبها واحده واحده
اسيا بتوتر خلاص يفارس انا غلطانه اني بسالك
فارس اه متسألنيش انا مش فاكر ولا هفهم حاجه عندك اهي التخصص بتاعك اشكيلهاا بقى من اللي تاعبك وهي هتفهم وتفيدك ان شاء الله
رحاب فضلت تضحك وتابعت قوليلي انا يا مدام اسيا انتي حاسه بايه؟
اسيا بتوتر مش حاسه بحاجه
فارس بعصبيه نعم ياختي ؟؟! ايه قولتي ايه ؟!! هو انا ناازل من بيتي الساعه 2 الفجر وجاي المشوار ده كله علشان تقوليلي مش حااسه بحاجه !!
اسيا بخوف لالا اقصد دلوقتي يعني
رحاب فضلت تضحك وتابعت دلوقتي بس متظلمهاش الوجع مش حاضر عليها حالياا
اسيا بخوف اه فمش عارفه اجمع كان عامل ازاي بس هو شويه وجع كده على تقل في الحوض وخلاص وقولتله مننزلش والله
فارس بصلها بصه خرستها فسكتت وبصت للدكتوره بتوتر فرحاب فضلت تضحك وقامت لفت طبطبت على كتف فارس وتابعت بضحك معلش حقك على راسي امسحها فيا .. انا هعملها سونار دلوقتي واشوف الدنيا
فارس تنهد بعمق وتابع انا مش هتكلم .. مش هتكلم علشان هيقولوا عليا مجنون فخليني ساكت احسن
رحاب فضلت تضحك وتابعت معلش تعيش وتجننك وقعدت على كرسيها قدام السونار وتابعت تعالي يا مدام اسيا
ففارس راح سندها فبصتله بخوف وتابعت فارس انا مش بموت والله علشان تسندني انا بخير صدقني
فارس تنهد وبصلها وتابع الحق عليا علشان بسندك يعني ؟
اسيا بخوف لا يحبيبي كتر خيرك انا بفهمك بس ففارس شالها قعدها على السرير
رحاب بابتسامه نامي واكشفي بطنك
اسيا خدت نفسها بعمق بتوتر ونامت وفارس فتح ازرار الشميز ورفع البدي بتاعها وتابع اهو يا رحاب يلا
رحاب حطت الجل على بطنها ومسكت الجهاز واسيا غمضت بتوتر شديد وتابعت بهمس يارب استرها يارب وفارس واخد باله انها بتمتم بكلام ومستغربها وبص مع رحاب يحاول يفهم معاها في السونار
رحاب ابتسمت وتابعت بطنها زي الفل مفيهاش اي حاجه الحمدلله ونزلت بالجهاز لتحت وثواني وتابعت والرحم اللهم بارك مفيش اي حاجه وكيس الحمل في مكانه فبصراحه انا مش شايفه اي سبب لأي ألم من اللي مدام اسيا بتقوله هو الحمل لسه مثبتش بس فاحنا نقلل من الريليشن انت فاهمني طبعا يا دكتور انما غير كده مفيش حاجه
اسيا اتصدمت وبصتله بخوف وهي سامعه دقات قلبها
وفارس بص للسونار بذهول وبص لاسيا وتابع اه اه اكيد طبعا متقلقيش انا فاهم
رحاب بابتسامه وهي بتمسح الجل من على بطن اسيا تابعت: حمد لله على سلامتك قومي خلاص وقامت وسابتهم
اسيا اتعدلت في قاعدتها وهي بتمنع دموعها من الخوف وفارس بصلها وتابع بهمس حاد وهو بيقفل زراير شميزها : تقومي ايه قامت قيامتك انتي بتحوري عليا يا اسيا ؟؟!
اسيا بدموع وخوف ماهو اسمعني كل اللي حصل ان ..
فارس بهمس حاد : هششش ولا كلمه مش وقته فضايح قدام الناس وسابها وخرج بعد ماقفل شميزها كله فاسيا حطت ايديها على بوقها تكتم دموعها
وفارس بص لرحاب وتابع وهو بيهز راسه بلايجاب : اممم يعني هي مفيهاش حاجه
رحاب بابتسامه في تخصصي اه يا دكتور هي زي الفل وتقدر تتاكد من اي دكتوره تعجبك بس خليها تكشف باطنه وارد في سبب انا مش قادره اوصله
فارس بسخريه باطنه مين ده انا جايلك في انصاص الليالي علشان داليا اللي قيلالها لو تعبها اللي حست بيه اتقرر تكشف
واسيا سمعاهم من ورا الستاره وبتحرك بوقها يمين وشمال وحطت ايديها على بوقها بخوف
رحاب باستغراب غريبه ان داليا تغلط غلطه زي دي او ممكن فهمت الاعراض من المدام غلط
فارس اممم وارد بردو ورفع صوته نسبيا وتابع مش يلاا ولا هنبات جوه يا اسيا ؟
اسيا فتحت الستاره وخرجت وتابعت بتوتر لا يلا خلصت اهو
فارس مسك ايديها وتابع تعبتك يا رحاب حقك عليا اني نزلتك دلوقتي
رحاب بابتسامه لا تعبك راحه يا دكتور الحمدلله ان هي بخير ربنا يقومهالك بالسلامه يارب
فارس بابتسامه يارب تسلميلي يلا السلام عليكم عايزة حاجه؟
رحاب بابتسامه وعليكم السلام عايزه سلامتك
ففارس شد ايد اسيا وطلع وقفل وراه وبمجرد ما طلعوا ساب ايديها واتقدم لقدام
اسيا وهي بتمشي وراه تابعت بدموع ولهفه فارس .. فارس علشان خاطري استنى ..فارس طب اسمعني طيب
فارس وهو ماشي تابع بحده ولا كلمه وامشي يلا علشان منكدش على اللي جابوكي
اسيا وهي ماشيه مسكت دراعه وتابعت بدموع طب اسمعني طيب ورحمه ابوك
فارس بعصبيه مش هسمعك واخلصي يلا علشان قسما بالله انا ماسك نفسي عنك بالعافيه
اسيا رايحه تتكلم فرجليها اتنت وهي بتمشي فصرخت بالم وعيطت ورايحه تقع على الارض ففارس سندها وتابع بخوف حاسبي مالك في اييه ؟!!
اسيا بعياط ووجع : رجلي يفارس رجلي مش قادره
فارس بحده لا بت هتحوري علياا في دي كمان اقسم بالله بالقلم وعلى وشك ده تخصصي
اسيا مسكت قميصه جامد بقبضه ايديها وتابعت بدموع ووجع : وغلاوتك عندي بتوجعني ااه مش قادره وفضلت تعيط
فارس تنهد بعمق وتابع تعبتيني يا اسيا تعالي طيب اهدي ومشي بيها لكرسي في الدور وهي بتعيط وبتتوجع وقعدها وتابع بحنان: حقك على عيني والله اهدي ووطى على ركبته قدامها وقلعها الصندل وبصلها بعتاب وتابع : ليه ده يا اسيا؟؟ يا اسيا حرام على اهلك ليه الكعب ؟؟
اسيا بدموع كعبه قصير والله وهو اللي لقيته قدامي انت كنت مستعجلني
فارس تنهد وتابع والله ماعارف اقول ايه حقيقي ومسك رجليها وهي بتتألم وبتعيط وتابع اهدي طيب
اسيا بعياط مش قادره يفارس بتوجعني اوي
فارس بتنهيده عارف والله قوليلي طيب هي اتنت لجوه ولا بره ؟
اسيا بدموع لجوه كده وشاورتله
فارس حط صباعه على العضمه وتابع الوجع هنا؟
اسيا صرخت بألم وتابعت بعياط ااه ااه هنا بالظبط
فارس بلهفه خلاص اهدي حقك عليا والله حركي صوابعك ليا كده يلا
اسيا عيطت وحركتها ناحيته بالفعل وهي بتتألم
فارس تنهد بارتياح وتابع ايوه برافو الحمدلله
اسيا بدموع رجلي اتكسرت من اللي بعمله فيك صح قولي الحقيقه؟
فارس تنهد وتابع لا متكسرتش ولا حاجه ده التواء او قطع خفيف في الرباط الخارجي انما اللي بتعلميه فيا ده حسابك عليه بعدين المهم سمعتي صوت طقطقه ولا حاجه او قادره تدوسي عليها ؟
اسيا بدموع لا مسمعتش بس مش قادره ادوس عليها خالص
فارس تنهد بعمق وتابع عارف هتقولي كده تعالي يلا وبكره نعمل اشاعه لو تمزق جزئي هتلزمي السرير اسبوعين وده غالبا اللي حصل ولو التواء بسيط اسبوع وهتبقي زي الفل
اسيا بعياط في الحالتين مش هينفع ينهار اسود يفارس انا اجباري عليا بتحرك ..البيت مش هيقوم لو قعدت
فارس وطي شالها بين ايديه وتابع اهم حاجه صحتك نطمن عليكي وبعدها يحلها الف حلال
اسيا لفت ايديها حوالين رقبته وتابعت بدموع انا عايزه اتكلم معاك شويه علشان خاطري
فارس بتنهيده وانا مش عايز يا اسيا .. كفايه اللي حصلك من ورا نزولنا مستفدناش اي حاجه غير انك تعبتي بجد اهو
اسيا بصتله بوجع وتابعت نزلني طيب يفارس علشان هتحرج من الامن وانت شايلني كده
فارس بتنهيده محدش ليه حاجه عندي انا شايل مراتي
اسيا بدموع طب لو مراتك ليها خاطر عندك 1% اقعد معايا شويه واسمعني
فارس بصلها وتابع اسمع ايه؟ اسمع انك كدبتي عليا وصحتيني من النوم مخضوض ومثلتي انك تعبانه ونزلتيني في انصاص الليالي علشان بتستعبطي !!
اسيا بدموع انت مين قالك اني كنت بكدب بس
فارس بعصبيه اسياا
اسيا بدموع نعم
فارس بعصبيه انا كدب مش عاايز علشان طريقتك من ساعه ماكنا في البيت وبرودك طول الطريق وحوار فيديوز التيك توك اللي شوفتيها نفس حالتك قال وكل حوارتك دي فكان باين ان وراكي حاجه وخايفه نوصل ومكنتش مرتاحلك قسما بالله بس كدبت نفسي لاجل ان مستحيل الامر يوصل بيكي لكده بس انتي حقيقي مخك ضرب
اسيا دموعها نزلت وسكتت وفارس خرج بيها من المستشفى وفتح باب العربيه وقعدها جنبه وهي بتتألم من رجليها وحط جنبها صندلها وتابع متلبسيهوش فاسيا هزت راسها بماشي وهو لف ركب مكانه يسوق
وبعد شويه وصلوا وتابع بتنهيده يلا انزلي
اسيا بدموع انزل برجلي دي ازاي
فارس بتذكر : اه اه معلش حقك عليا نسيت ونزل وقفل الباب وراح ناحيتها وفتح الباب وشالها بين ايديه وقفل باب العربيه وبقى يطلع السلالم
اسيا ابتسمت من بين دموعها وتابعت بهمس : عارف يفارس امك لو صاحيه دلوقتي وشافتنا كانت سمعتك ربع مشكل على الشيله اللي شيلهالي دي
فارس بصلها برفعه حاجب وتابع ده على اساس اني بخاف منها ومبعبرش عن حبي ليكي قدامها ؟
اسيا بحب لا يعمري بهزر انت بتعبر ومش بيهمك حد بصراحه وباست خده
فارس مردش عليها وفضل باصص قدامه على السلم وطلع بيها للدور الرابع اللي هما ساكنين فيه ونزلها سندها وطلع المفاتيح فتح الباب وشال اسيا تاني كويس ودخل وقفل الباب برجله
اسيا بصتله بحب وتابعت اخر مره عملت الحركه دي كان يوم فرحنا فاكر؟
فارس بتنهيده اه فاكر ومشي بيها وهو ساكت واسيا تنهدت بحزن ففارس لمح كوبيتين النسكافيه الفاضين على الترابيزه وتابع باستغراب ده مين شرب معاكي؟
اسيا بحب داليا
فارس بتفهم: ااه قولتلي دالياا مانا بقول بردو التفكير ده مش تفكيرك لوحدك لما اشوف وشها بنت الجزمه اما خليت طارق يظبطها مبقاش انا
اسيا بقلق لا والنبي يافارس اياك تعمل كده متعملهاش مشاكل مع اخوك هي كانت قاصده تساعدني
فارس بحده قاصده تساعدك ااه تقولك تقوليلي لو تعبتي تاني اوديكي المستشفى في وقت زي ده على الفاضي وقاصده تساعدك .. انتي بتستعبطي انتي وهي !!
اسيا بدموع ماحنا مكنش قصدنا كل ده يحصل والله
فارس دخل بيها اوضتهم وحطها على السرير بهدوء وتابع بضيق خلاص يا اسيا موضوع وخلص متتحركيش هغير هدومي واجي اشوف رجليكي
وراح ناحيه الدولاب وهو بيفتح زراير قميصه واسيا دموعها نزلت بصمت وحضنت رجليها وفارس غير هدومه لتيشرت نص كم وبنطلون بيتي وراح جابلها كاش من اللي بتلبسهم وطلع راح عندها وتابع تعالي اغيرلك هدومك دي
اسيا وهي باصه للارض تابعت بدموع متتعبش نفسك انا هقوم وجات تتحرك تأوهت بوجع ودموعها زادت
فارس بحده يابنتي مش هتقدري بطلي عِند تعالي كده وقعد قدامها وقلعها طرحتها والبندانه وبدا يفتح زراير شميزها وغيرلها هدومها ولبسها الكاش وتابع ثواني هجيب حاجه وجايلك وقام من جنبها وهي رجعت ضهرها لورا وهي بتتألم وبتبص للساعه لقيتها 6 الصبح ولقيت فارس دخل وقعد جنبها فتابعت بدموع ساعه وصحي تولين بالله عليك نزلها الحضانه انا مش قادره خالص
فارس بتنهيده متشيليش هم تولين انا كده كده كنت عامل حسابي مش هنام الا لما اوديها
اسيا بحزن طب وشغلك يفارس؟ مش هتركز كده
فارس بتنهيده مش غاير الشغل انهارده ولا الكام يوم دول لحد ما اطمن عليكي
اسيا بدموع حقك عليا انا اسفه
ففارس مردش ومسك تلج وراح قعد قدامها عند رجليها ورفع رجليها على رجله وحط التلج براحه فاسيا دموعها نزلت وتاوهت وتابعت ااه مش قادره
فارس بتنهيده معلش الوجع هيقل دلوقتي استحملي معايا منا لبكره وهاخدك اعملك اشاعه
اسيا بدموع سيبك من رجلي انا وجعي الحقيقي انك زعلان مني يفارس
فارس ثبت التلج بايديه على رجليها وبصلها وتابع تصدقي وتأمني بالله
اسيا بدموع لا اله الا الله
فارس بصلها بحده وتابع بهدوء : انا لولا اللي انتي فيه ده كنت هطلع عين اهلك وازعلك بالجامد وشاور لفوق بايديه التانيه وتابع بس هو ربك بقى اللي بيحبك يا اسيا فمش هاجي عليكي زياده كفايه اللي انتي فيه
اسيا قدمت شويه علشان تقربله ومسكت ايديه وتابعت بدموع غلطت ؟ اه غلطت .. موقفي خرا واستاهل قطم رقبتي؟ حصل وصدقني انا معترفه ان اللي عملته مينفعش بس دي مكانتش نيتي يفارس والله العظيم
فارس بصلها وتابع اممم اومال ايه نيتك ؟
اسيا بلهفه ودموع انك واحشتني وعايزه انام في حضنك طب وغلاوتك عندي يفارس وما ليك عندي اكتر من الكلمه دي لانك عارف غلاوتك عند اسياا قد ايه ..انا كل نيتي كانت اني ادخل انكشك علشان تيجي تنام جنبي ودموعها زادت وتابعت واحشتني وزعلك مني وجعني وكنت بفضفض بكلمتين مع داليا قالتلي قوليله انك تعبانه وهو مش هيتأخر وهيجي جنبك وراضيه بس انا مكنتش اعرف انك هتقلق اوي كده وهتنزلني للمستشفى وبصتله بلهفه وتابعت حتى حاولت مره وعشره اننا مننزلش بس انت صممت
فارس بتنهيده عيله انتي للتصرفات دي يا اسيا !! فكرك هيألك اني لما اعرف ان دكتوره نسا قالتلك تنزلي مستشفى لو تعبتي تاني هعرف انام عادي واقولك تعالي في حضني واما تصوتي من كتر الوجع نبقى ننزل؟ لا بجد مخك كان فين وانتي بتقولي السبب ده ؟
اسيا بعياط مانت بردو اللي صعبتها علياا يا فارس ومش راضي تسمعني ولا تيجي تنام جنبي كنت هجيبك ازاي يعني
فارس بحده اه فتقومي تخضيني على صحتك مجنونه انتي ولا عبيطه !!
اسيا بصتله بحزن وتابعت بدموع انا اسفه يفارس واوعدك مش هتقرر ومش هكدب عليك تاني وموضوع سليم ده انا ..
فارس قاطعها بحده وتابع متجيليش سيره الزباله ده واقطمي خلاص خلصناا
اسيا بدموع وخوف انا بس كنت هقولك اني خبيت علشان محبتش اضايقك واجبلك سيرته وانه بيفكر يرجعني .. عارفه ان تقيله اقول لجوزي ان جوزي الاولاني عايز يرجعني فكبرت دماغي وشيلت جوايا مع اني مرعوبه يعرف وكنت هموت واشاركك
فارس بعصبيه وتترعبي من ايه؟؟ ايه ممكن يعمله الكلب ده يضرك؟؟
اسيا بدموع بنتي يفارس وعيطت وتابعت اخاف يقولي انا مش موافق تولين تعيش مع راجل غريب وعايزها والله ساعتها اموت من غير بنتي وفضلت تعيط وتابعت فمش عايزاه يعرف اني اتجوزت اصلا بجد
فارس فهم موقفها وتنهد بوجع لان ده وارد جدا يحصل وخدها في حضنه وباس راسها بعمق وتابع اهدي طيب وطبطب عليها وتابع محدش هيقدر ياخد منك تولين طول مانا عايش يا اسيا اهدي وبطلي عياط
اسيا بصتله بدموع وتابعت وحياه اسيا عندك ماتزعل انا حقيقي مقدرش على زعلك
فارس تنهد بعمق وتابع خلاص يا اسيا حصل خير وباس جبينها بعمق
اسيا ابتسمت من بين دموعها وتابعت يعني مش زعلان مني خلاص؟؟!
فارس ابتسم بحب وتابع مش زعلان ياستي
اسيا بلهفه وهتنام جنبي خلاص ؟
فارس رفع ايديها باسها بعمق وبصلها وتابع هنام جنبك اهدي بقى ومسح دموعها بايديه الاتنين
اسيا ابتسمت بفرح وحضنته جامد ففارس ابتسم وزود من احتضانها فاسيا همست بدموع بحبك .. بحبك اوي بجد
فارس بابتسامه وانا بموت فيكي وباس رقبتها بعمق وهو بيضمها ليه فاسيا غمضت عينيها وشددت من احتضانه وجات تقف على ركبتها على السرير تأوهت من رجليها وتابعت ااه .. مش قادره والدموع اتجمعت في عينيها
فارس قعدها براحه وتابع بحنان : بس بس حقك عليا اهدي هلفهالك اهو لحد الصبح ورمى التلج الفاضل في السله ومسك رباط الضغط وبقى يلفه على رجليها براحه تحت تاوها
فارس بس بس خلاص خلصنا اهو وخلص لف الرباط وجاب مخده حطها على السرير وحط رجل اسيا عليها وبصلها وتابع خليها كده متنزليهاش وقام يرتب السرير ويشيل باقي الحاجات اللي معاه
اسيا بلهفه فارس .. تعالى
فارس بصلها وتابع بحب جايلك والله وحط الحاجه مكانها وراح نام جنبها وطفي الانوار وخدها في حضنه وغطاها تحت تأوها من رجليها فابتسم وهو بيمشي ايديه على شعرها وتابع بس يحبيبي خلاص سلامتك يعمري وباس راسها بعمق
اسيا ابتسمت بتعب وباست خده وتابعت الله يسلمك يحبيبي وحطت راسها على صدره وتنهدت بارتياح وغمضت عينيها تنام
فارس بضحك المهم عملتي اللي في دماغك بردو مش كده
اسيا بضحك ان كيدهن عظيم بقى ياروح قلبي
-----
الساعه 6 الصبح في شرم وتحديدا الفندق اللي كلهم راحوا فيه مع كريم علشان الميتينج كان الكل نايم في اوضه الرجاله الا مالك كان صاحي وعمال يتشات مع صاحبه والاضاءه بتاعه الفون عاليه
علي كان جنبه فعينيه انكمشت بضيق من النور وتابع من بين نومه بضيق: تؤ تؤ الله يحرقك يشيخ وطي الزفت ده شويه ولا اتخمد
مالك بضحك معلش حقك عليا هوطيهولك اهو ووطى الاضاءه بالفعل بس صوت الكيبورد وهو بيكتب مزعج جدا
علي اتعصب وتابع مالك هتتخمد ولا اكسرلك ام الفون ده على نفوخك انهارده؟
مالك فضل يضحك وتابع الله وانت مالك بيا يجدع عارف تتخمد اتخمد انت
علي بحده اتخمد ازاي بصوت الشواكيش ده في نفوخي !! انا قولت من الاول انام انا جنب ابن عمي ونرزع حسن جنبك بس عملتلي فيهاا جوز الاخت الاصيل
مالك فضل يضحك وتابع هعملك الفون سايلنت خالص عيني اتخمد بقى
علي بحده لا انا عايز افهم انت اللي مش بتنام ازاي فهمني في ايه صاحي بتعمله ؟
مالك بهيام بسهر الليالي افكر في مراتي واحشتني مش زيك بارد في مشاعرك
علي ضربه بالرجل فمالك تاوه بوجع وفضل يضحك فتابع علي بحده : قوم فكر فيها بعيد عني عليك وعلى مراتك في ساعه واحده يجدع وزقه وتابع قووم قوم كده وسبنا عايزين نتخمد بمشاعرنا البارده روح انت اسهر ياعاشق يا ولهان يلا وزقه وقعه من على السرير
مالك تأوه بوجع وفضل يضحك وقام وقف وتابع ماشي يعلي تشكر دي اخرتهاا توقعني من على السرير بس انا اللي غلطان اني نمت جنبك من الاول وفكرتك من ريحه الحبايب
علي بضيق اه ياابن الكلب يحيوان ريحه الحبايب !! ووطى جاب جزمته من جنب السرير حدفها ناحيته فمالك جري ومجتش فيه وفضل يضحك ودخل البلكونه وقفل وراه فعلي تنهد وتابع جتك القرف عليك وعليها مش هيخليني اعرف اتخمد كمان طالعلي في البخت مالك وزفت ونام على بطنه واتغطى
وعند مالك كان واقف في البلكونه حاطط الهاند فري في ودانه وباصص على البحر قدامه ونسمات الهوا بتيجي على وشه وهو مغمض وبيسمع اغاني ولفت نظره ان البلكونه اللي جنبهم بتاعت اوضه البنات اتفتحت فبيبص لقى سلمى دخلت فرفع حواجبه باندهاش وقلع واحده من السماعه وتابع بضحك الله زوجتي العزيزه منامتش ليه لحد دلوقتي
سلمى فتحت عينيها بالعافيه من فرط النور عكس اوضتهم الضلمه وبصتله وابتسمت وتابعت مش جايلي نوم انت ايه مسهرك كل ده
مالك شال السماعات وقرب على السور علشان يقرب عليها وتابع بابتسامه : معقول حد يتجوزك ويعرف ينام طبيعي زي الخنزير علي اخوكي كده
سلمي فضلت تضحك وتابعت الله واخويا ماله دلوقتي طيب هزعلك
مالك بضحك مش طايقه علشان اداني بالرجل ووقعني من على السرير وكل ده علشان فاتح الفون جنبه والاضاءه وصوت الكيبورد مضايقين البيه
سلمى فضلت تضحك بشده وتابعت ده كويس مقتلكش علي مبيستحلمش صوت زن الدبانه جنبه لما بيجي ينام
مالك بابتسامه طب بقولك ايه ماتسيبك من علي والرغي عليه اللي مبيجيش منه بفايده ده وتعالي ننزل شويه بما اننا مش عارفين ننام
سلمى بابتسامه اشطا جدا هلبس وانزلك استناني تحت في الريسبشن
مالك بابتسامه اتفقنا ودخلوا هما الاتنين ومالك لبس بنطلون ابيض وقميص ابيض وساب اول 3 زراير مفتوحين ورش برفيوم وسرح شعره ولبس ساعته وحسن كان بيتقلب فبصله وهو بيفتح عينيه بالعافيه وتابع ايه ده انت رايح فين؟
مالك بابتسامه نازل لمزتي مش عارفين ننام فهنقعد بعيد عن صداع اللي جابوكم شويه
حسن بابتسامه ايوه ياعم بيضالك في القفص ومراتك يعني كله مُباح
مالك قعد يلبس الكوتش وتابع بضحك بس يقذر يحيوان نام ..انا بقولك هنقعد شويه مش هندخل اتلم كده واحترم نفسك
حسن فضل يضحك وتابع ياعم وماله فكل الاحوال حلالك
مالك بابتسامه طب متعبرش عن رايك اوي كده علشان علي لو صحي وسمعك هيروقني ويروقك
حسن بضحك لا وعلى ايه انا انام فعلا احسن
مالك بضحك ايوه برافو وقام وخد فونه ومحفظته وخرج وقفل الباب ونزل قعد تحت يستنى سلمى وشويه وجات لابسه دريس اوف وايت بحزام بني من على الوسط وخمار بني وابتسمتله فمالك قام وقف وشبك ايديه في ايديها ورفعها باسها بعمق وتابع بابتسامه : السندريلا بتاعتي اتأخرت ليه كل ده ؟
سلمى بابتسامه لحد ما اختارت هلبس ايه والله
مالك بحب يعمري انتي لو لبستي شوال هتغطي على الكل بردو احنا هنهزر ولا ايه وخدها ومشيوا لبرا
سلمى بضحك حبيبي والله
مالك بابتسامه نن عيون حبيبك
سلمى ركزت في هدومه ووقفت قدامه وتابعت ثواني يمالك استنى
مالك وقف باستغراب وتابع ايه في ايه؟
سلمى بابتسامه وهي بتقفل باقي ازرار القميص : انا مبحبش كده وبغير على اللي يخصني هاا سيب واحد بس مفتوح كفايه .. كمان انت مش لابس بدي تحت القميص علشان تفتح كل ده
مالك فضل يضحك وتابع ده مين لعب في الاعدادت كده هو مش مفروض انا اللي اغطيكي؟
سلمى برفعه حاجب وانا متغطيه فاتلم انت كده واستر نفسك علشان انا بغير وسابتله زرار واحد مفتوح
مالك فضل يضحك وتابع وماله ياستي المهم عايزه تروحي ناكل ولا نشرب حاجه؟
سلمى بحب انا مش جعانه بس عايزه نجيب كانز ونروح نقعد قدام البحر في الهدوء ده ونشرب ونتكلم ولا انت عايز تاكل يعمري؟
مالك بصلها بهيام وتابع انا عايز اكلك انتي بالله
سلمى وشها احمر وتابعت بضحك مالك احترم نفسك انا بتكلم جد والله
مالك بهيام والله وانا بتكلم جد بس معلش خلينا في الكانز دلوقتي
سلمى بضحك ايوه خليك في الكانز يلا فمالك ضحك وراح بالفعل جابو الكانز وراحو يتمشوا على البحر ومشيوا عند لسان من الطوب ممتد في نص البحر وعلى يمنيهم وشمالهم البحر وجم عند اخره قعد مالك وتابع بابتسامه يلا تعالي اقعدي
سلمى بخوف لا انا خايفه يامالك ده لما اقعد يادوبك الحته خلصت ويمينا وشمالنا البحر اخف اقع
مالك بضحك يابنتي مش انتي اللي اختارتي نقعد هنا؟ وبعدين متخافيش تعالي في حضني انا همسكك ومدلها ايديه
سلمى ابتسمت وحطت ايديها في ايديه وقعدت جنبه ونامت على صدره ومالك لف ايديه حواليها وضمها ليه وباس راسها بعمق وتنهد بارتياح وتابع عمري ما حسيت اني مبسوط ومرتاح قد انهارده وبص لفوق وتابع السما وبص قدامه وتابع والبحر وبص لسلمى وهمس بهيام : والوجه الحسن بذمتك هعوز ايه تاني ها ومسك دقنها بخفه
سلمى ابتسمت بحب وتابعت ايه يمالك هتفضل تعيشني في جو فاتن حمامه وشاديه ده كتير
مالك بحب وهما فاتن وشاديه احسن منك في ايه ده انتي ست البنات
سلمى بابتسامه كانوا بيمثلوا وكنا نتفرج عليهم نبتسم بس من جوانا عارفين ان الحب ده في السينما والافلام بس اني اشوفه بعيني دي حاجه مخلياني مش مستوعبه هو انا بجد اتحبيت بالطريقه دي !!
مالك قرب منها وهو حاضنها وباس خدها برقه فقلبها دق بعنف وابتسمت فتابع مالك بحب انا بحبك حب اكبر من اللي شوفتيه في الافلام وبكره الايام تثبتلك
سلمى ابتسمت بحزن وتابعت مبخافش قد منها يمالك وتنهدت وتابعت الايام اكتر حاجه وجعتني ودمرت حياتي بقيت عايزة اعيش اللحظه بلحظتها انما بكره؟ والله خايفه منه
مالك بابتسامه مش وانتي معايا يابنت الكلب مالك في ايه هو انا عمري هغدر بيكي يسلمى؟
سلمى الدموع اتجمعت في عينيها وتابعت قطع لساني لو قولت عنك كده .. مش انت اللي هتغدر وابتسمت بوجع وتابعت بس اخاف الدنيا هي اللي تغدر بينا وتغيرك عليا وتوجعني وانا مش عايشه غير علشانك يمالك.. يعني انت لو قلبت عليا انا مش هلاقي مكان اروحله .. انا اتخذلت من اقرب الناس ليا وبطلت اثق في حد بس انت بالذات مقدرتش محبكش ومثقش فيك فبخاف من الدنيا تغيرك او تبعدنا
مالك ابتسم بحب وتابع ده علشان انتي لسه متعرفيش جوزك بيحبك قد ايه .. سلمى انا من غيرك اتوهه .. فاهمه يعني ايه اتوهه؟ انا عمري ماهقدر اتغير عليكي ولا ابعد عنك مهما يحصل ده انتي نورعيني
سلمى بضحك حتى لو فتون الحيوانه بنت عمتك عملتلنا اعمال ؟
مالك فضل يضحك وتابع حتى لو جابت الدجال نفسه عليها وعلى اللي جابوها هنهزر ولا ايه .. انتي متتنسيش بدجال .. انتي تتنسي بمايه نار
سلمى فضلت تضحك بشده فتابع مالك بضحك : اه والله زي مابقولك اصل علشان انسي عيني الحلاوه اللي شافتها دي لازم اغسلها بمايه نار وهفضل فاكرك بردو
سلمى بضحك ارضيت حاسه السمع يا لوكتي بحبك
مالك فضل يضحك وتابع نن عيون لوكتك والله بس وحياه ابوكي خرجي تونه من حوراتنا خالص متشغليش بالك بيها
سلمى برفعه حاجب تونه مين ؟! لا مش فاهمه انت بتدلعها يمالك ؟؟!
مالك باستغراب بدلع مين؟
سلمى بحده خرا فتون انت بتقول عليها تونه ليه ؟؟
مالك بضحك سلمى انا مش ناقص هبل على الصبح احنا متعودين بنناديها كده محدش بيقولها يافتون اكيد لاحظتي فالساني خد على الاسم مش اكتر
سلمى بحده ولا خد ولا مخدش انت تقولها يا فتون ولا متقولش خاالص اصلاا يكون احسن
مالك تنهد بعمق وتابع هي كانت غلطتي من البدايه لما حبيت اصارحك انها كانت خطيبتي مش كده يسلمى ؟؟
سلمى خرجت من حضنه وتابعت بحده خطيبتك في عينك لا كنت خبي عليااا كماان يماالك ده اللي ناقص
مالك وهو بيشد دراعها عليه تابع بحده طب تعالي كده هتقعي مش ناقصين عبط خرجتي من حضني بالطريقه دي ازاي انتي اتجننتي !! كان ممكن تقعي
سلمى بحده ميخصكش اقع ولالا وتابعت بسخريه يابتاع تونه وبتشد دراعها منه بقوه وبتبعد شويه فاختلت توازنها واتخضت ومالك رايح يمسكها فوقعت في البحر فاتخض بشده وتابع بضحك : الله يخربيت اهلككك مانا قايلك تعالي علياا وفضل يضحك بشده
سلمى طلعت على وش البحر وشهقت بقوه وفضلت تكح وتابعت مالك .. مالك الحقني انا مبعرفش اعوم
مالك بخوف نعم !! مبتعرفيش ايه !! انتي بتهزري صح !!
سلمى بحده بهزر ايه انت التاني ونزلت تحت المايه وطلعت تاني بسرعه وهي بتكح وتابعت هو دده وقته اهزر معااك
مالك بخوف طب استني جايلك وقام بسرعه وفك زراير قميصه وقلعه وسابه مع حاجته على الطوب اللي قاعدين عليه ونط في البحر بعيد عنها وسلمى كانت بتحاول تطوف على المايه بس بتنزل تاني وبالفعل البحر عالي وابتدت تغرق وفاجاه لقيت ايد مالك اتلفت حوالين وسطها ورفعها لوش المايه فشهقت بقوه وهي ماسكه فيه وايديها حوالين رقبته وفضلت تكح بشده
مالك بتنهيده اهدي خلاص حصل خير وخدها في حضنه
سلمى فضلت تكح وهي سانده راسها على صدره وتابعت بدموع انا خايفه طلعني طلعني ابوس ايدك
مالك بتنهيده واحده عندها 20 سنه متعرفش تعوم يا سلمى انتي بتهزري !!
سلمى بخوف بخاف من البحر ومكنتش برضى اجرب لما بنسافر فعلشان كده
مالك بضحك طب خلاص اهدي انا ماسكك اهو
سلمى بصتله برفعه حاجب وتابعت انت بتضحك عليا يا مالك !!
مالك فضل يضحك بشده لدرجه سند جبينه على كتفها وتابع من ببن ضحكه : بضحك على منظرك وانتي بتقعي فظيعه بصراحه مش قاادر
سلمى فضلت تضربه في صدره وتابعت طلعني .. طلعني وملكش دعوه بيا تاني يلاا
مالك فضل يضحك وتابع ما كله من قلبتك علياا دي فضلتي تبعدي عني لحد ما وقعتي فاتلمي وخليكي في حضني كده احسن وشد وسطها ليه
سلمى برفعه حاجب طلعني من هنا يمالك يلا
مالك بابتسامه عايزه تطلعي؟
سلمى بضيق اه يلا
مالك بابتسامه بوسه وبعدها اطلعك
سلمى اتكسفت وتابعت بتوتر لا وماله خلينا ده حتى البحر جميل والجو حلو ومفيش حد غيرنا
مالك فضل يضحك وتابع انا بقول كده بردو وشال ايد واحده من على وسطها فاتخضت وفكرته سابها ومسكت فيه اكتر ففضل يضحك وتابع مسبتكيش والله ايه يابنت الجزمه للدرجه دي مش بتثقي فيا وفكراني هسيبك يامجنونه
سلمى بخوف قولت بتهوشني علشان البوسه
مالك فضل يضحك وتابع لا انا مبجبرش عليكي خلاص طلبت طلب وانتي قولتي لا فمش هطلبها تاني
سلمى بتوتر خلاص طلعني من هنا يلا
مالك بابتسامه لا ما زي مانا مش هطلب تاني انتي كمان متقرريش طلبك تاني واحده قصاد واحده
سلمى بضحك خدها يمالك وطلعني علشان انا وربي عارفاك بترسم على ايه
مالك بضحك انا ولا برسم ولا بخطط بطلي انتي فتي بس وحياه امك
سلمى بضحك لا ده مش فتي انت عايزني انا اللي اوفق وتبقى جات مني فا يلا انا حفظتك خلاص
مالك فضل يضحك وتابع لا والله خلاص بهزر مش هعمل حاجه انتي مش عايزاها تعالي يلا ورايح يحط ايديه على الطوبه علشان يطلعها فسلمى مسكت دراعه وتابعت بابتسامه لا والله موافقه
مالك بصلها بهيام وتابع بابتسامه لا يشيخه يعني مش هتقولي مالك قايضني قصاد الطلوع من البحر ؟
سلمى بضحك لالا مقدرش عيب عليك ولفت ايديها حوالين رقبته فشدها ليه خبطت في صدره العاري وقلبها دق بعنف من التوتر ومرضيتش تبص عليه من كسوفها انه قالع القميص فبصت لعينيه بس اتوترت اكتر
مالك بضحك غمضي احسن بدل مانتي مش عارفه تبصي فين كده
سلمى فضلت تضحك وغمضت ومالك لسه رايح يقرب ففتحت عينيها وتابعت لالا
مالك باستغراب لا ايه؟ مالك يسلمى؟
سلمى بصتله بخوف وتابعت انا وبلعت ريقها بتوتر وبصت حواليها بحرج مكسوفه تبص لعينيه وتابعت انا كنت مغمضه ساعه اللي حصل ووو مشوفتش حاجه والدموع اتجمعت في عينيها وتابعت بتقطع ورعشه في صوتها : ومش عا يزه معا ك يبقى كده لا .. انا .. انا عا يزه افضل شيفا ك انت فا همني !!
مالك تنهد بعمق وصعبت عليه اوي حس ان فعلا فكره انه يمتلك سلمى ويحصل بينهم اي حاجه زي اي حد طبيعي شبه مستحيله بوضعها ده فخدها في حضنه وتابع فاهمك وفضل يطبطب عليها وتابع ومش لازم تعملي اي حاجه دلوقتي يلا نطلع وانا معاكي العمر كله
سلمى بصتله بحب ومسحت دموعها وتابعت لا يمالك انا فعلا مش ممانعه بس قولت مش هغمض بس يحبيبي ولفت ايديها حوالين رقبته وقربت وشها من وشه فمالك مكنش قادر يبعد عنها فقرب باسها بعمق وايديه على وسطها بتشدها ليه وحس بارتعاش سلمى بين ايديه فمبعدش عنها وفضل يطمنها بقربه ودقايق وسند جبينه على جبينها وهمس بحبك ومحبتش قدك في الدنيا كلها بجد
سلمى ابتسمت بحب وتابعت وانا بموت فيك يلا نطلع بقى علشان ابتديت ابرد
مالك بحب لا خلينا شويه هعلمك تعومي
سلمى بضحك لالا اعوم مين مره تاني يلا انا بردت والله
مالك وطى لف ايديه على رجليها ورفعها لفوق وهو شايلها في المايه فشهقت بخضه فمالك فضل يضحك وتابع ها هتخليني اعلمك ولا ارميكي
سلمى وهي ماسكه فيه تابعت بضحك متقدرش مش ههون عليك
مالك بضحك شاطره وحفظتني يظهر ان نقاط ضعفي اتكشفتلك بدري خلاص
سلمى وطت جبينها سندته على جبينه وتابعت بحب انت مالكش نقاط ضعف غيري ها
مالك بهيام ده كده كده يعيوني وباسها برقه
سلمى بعدت وشها وفضلت تضحك وتابعت نزلني وفضلت تضربه على كتفه وتابعت بضحك نزلني بجد علشان انت متربتش
مالك فضل يضحك وتابع قد النزوله انتي يعني؟ ده انا لو سبتك هلاقيكي في القاع
سلمى فضلت تضحك وتابعت مانت قرب حطني على الطوبه متنزلنيش البحر يلا
مالك بضحك مش جايلي قلب نطلع والله عاجبني قربك مني ده وعايز اجرئك على البحر شويه والف بيكي وانا شايلك كده اجبلك صرع
سلمى بخوف وضحك : لالا تلف بمين نزلني نزلني يخربيت اهلك هتموتني قبل مانتجوز نزلنيي
مالك فضل يضحك وتابع لالا مقدرش يعمري ده انتي لو وقعتي هنزل وراكي علطول يسلام ولف بيها في البحر وهو شايلها فسلمى شهقت وفضلت تضحك وتابعت لالا مالك نزلني ماالك دوخت وحياتك عندي دوخت
مالك فضل يضحك ونزلها تاني في المايه وشد وسطها ليه ورايح يتكلم اتفاجئ بصوت حسن بيضحك وتابع ايه ده يخربيت اهلك !! وزعلان لما بقولك كله مُباح وفضل يضحك بشده واسراء كانت واقفه جنبه بصالهم بذهول وبتضحك
سلمى اتكسفت وحاولت تبعد عنه فكانت هتقع لجوه المايه فمالك لف ايديها حواليها كويس وتابع بضحك انتي اتجننتي يابت شوفتيهم عايزه تبعدي عني ده انا جوزك يهبله خليهم يضربوا دماغهم في اتخن حيط
اسراء بضحك حيط ايه وزيت ايه ده لو علي جيه شاف الدخله البلدي اللي انتوا عاملينها دي ليضربكم بالنار
حسن فضل يضحك بشده وتابع لا وقالع القميص ونازل كده ولازق البت فيه ده المشهد ده حرفيا محتاج علي يجي يكمله انا هتصل بيه وبيرفع الفون بيخوفهم
سلمى بخوف ودموع لالا ابوس ايدك ياحسن متعملش كده وحياه اسراء
مالك بصلها بذهول وهما فضلوا يضحكوا بشده فتابع مالك بضحك وذهول : سلمى في ايه يحبيبتي فوقي انا جوزك ليه محسساني انهم قفشونا بورقتين عرفي مش فاهم !! اعقلي كده وسيبك منهم طز فيهم وفي علي
اسراء بضحك ماشي ماشي خليك عند كلامك وانتي انا مصدومه فيكي مرمطتي سمعه عيلتنا خلاص
سلمى اتحرجت اوي وخبت وشها في مالك وتابعت بدموع مالك طلعني بجد
فحسن واسراء فضلوا يضحكوا بشده فتابع مالك بضحك يابت مش عايز امد ايدي عليكي هيقولوا عنف ضد المرآه وحوارات دول بيحفلوا علينا علشان غيرانين وميقدروش يعملوا ربع اللي احنا عملنااه ياا هبله
حسن بضحك بصراحه اه انا هموت واعمل كده بس للاسف
مالك بضحك اهو شوفتي انا عارف والله دول ولاد كلب
اسراء بضحك وهتموت ليه يعمري يلا مش كده كده هتتجوزني يعني هتصلح غلطتك
فسلمى بصتلها بذهول وكلهم فضلوا يضحكوا بشده فتابع مالك بضحك ادي اللي بتقولك مرمطتي سمعه العيله هي شوهتها خالص
سلمى بضحك اسراء دي حيوانه ومتربتش
اسراء بضحك حوش حوش يابت اتقي الله ده انا والواد خطيبي قفشينكم في البحر وجوزك من غير قميصه والسمك والقناديل شيفاكم من صباحيه ربنا وشاهدين على كلامي مش كده يخطيبي ؟
حسن بضحك كده يقلب خطيبك دي ناس مبتخافش ربنا وبيعملوا فعل فاضح في البحر العام
مالك بضحك اقسم بالله ياحسن لما هطلع ليله امك سودا معايا الصبر بس
حسن فضل يضحك وتابع متقدرش يباشاا انا اللي ماسك عليك ذله دلوقتيي
مالك بغمز وانا اللي زوغت امبارح مع خطيبتي لما كلهم طلعوا يناموا ورحت اتمشيت 4 الفجر وسط الضلمه مش كده ؟؟
اسراء بلعت ريقها بتوتر وتابعت انا بقول اللي ستره ربه ميفضحوش عبده مش كده يا سنسن ؟
حسن بتوتر كده طبعا ياقلب سنسن بص يمالك ياخويا انا ولا شوفتك ولا حصل اي حاجه ولو حد قالي مالك نزل البحر هقوله مالك مشافش البحر اتفقنا ؟؟
كلهم فضلوا يضحكوا بشده فتابع مالك بضحك اتفقناا اسحب بقى انت وخطيبتك علشان اطلع المدام
حسن بضحك يا ابن اللاعيبه عملتها ازاي في البحر دي !!
فسلمى اتكسفت وخبت وشها في مالك ومالك فضل يضحك بشده وتابع قسما بالله ما هتنازل عن العلقه اللي هتاخدها مني بس تيجي تحت ايدي يحيوان انت
حسن بضحك يباشاا احترم نفسك وقدر اني بخبي عليك واسكت واطلعوا يلا علشان اغلبهم صحي فوق وكريم نزل الميتينج وبعده هنفطر ولو شافكم وربي ماهيعديها
مالك بضحك حاضر والله امشوا بس علشان اعرف اطلعها
اسراء بضحك ماتطلعها قدامنا يحبيبي في ايه ولا انت عايز تستفرد بالبت تاني؟
مالك بضحك لا يا ام لسان طويل بس علشان الدريس بتاعها لزق على جسمها من المايه وحدده كله فمش هطلعها كده وهديها قميصي تمشي بيه فوق هدومها هيبقي واسع وطويل فبالله عليك يحسن روح هاتلي اي قميص غيره بسرعه وتعالى
حسن بحب حالا يغالي يلا يعمري تعالي معايا وخد اسراء ومشي
سلمى باست خد مالك وتابعت بابتسامه بموت فيك وفي غيرتك عليا
مالك فرح انها باست خده لانها اول مره تعملها وتابع ده انا اللي بعشقك والله العظيم ولو اطول انقبك هعملها بس سايبك برغبتك
سلمى بحب يارب يحبيبي ادعيلي بالهدايه انا اتمنى
مالك بحب ربنا يهديكي للي يرضاه ويحبه يغاليه يلا تعالي اطلعك وراح عند الطوبه وشالها قعدها عليها فهدومها لزقت بالفعل وبقيت تنزل مايه بغزاره فمالك ابتسم وتابع يلا خدي قميصي وامشي وسيبي المحفظه والفون والحاجات دي
سلمى هزت راسها بماشي ورايحه تقوم تقف فمالك مسك ايديها وتابع لا البسي القميص بعدين اقفي يسلمى فسلمى ابتسمت وعملت كده بعدين قامت وقفت وبقيت تمشي بخطوات سريعه مكسوفه حد يشوفها وبالفعل طلعت لاوضتهم وخبطت فحبيبه فتحتلها واتصدمت وتابعت يخربيتك ايه منظرك ده !!
سلمى دخلت بسرعه وقفلت الباب وتابعت كنت مع مالك ووقعت في المايه دي كانت ليله والله
حبيبه فضلت تضحك وتابعت ايه وقعتي !! الله يخربيتك فضحتينا
سلمى بحرج والنبي لتسكتي هو يوم كان احراج من كله
حبيبه بضحك وحماس ايه احكيلي حصل ايه ؟؟
سلمى هدخل اخد شاور وجيالك انتوا نازلين دلوقتي ولا لسه ؟؟
حبيبه بحب لا هنستنى كريم يخلص الميتينج الاول وعلي ونيره لسه مصحيوش اصلا
سلمى بابتسامه طب حلو اوي ودخلت الحمام وقلعت قميص مالك ورايحه تعلقه بس ريحه البرفيوم بتاعته ملت المكان فقربت القميص منها واستنشقت ريحته وابتسمت بحب ودفنت وشها في القميص وهمست عمري ماتخيلت هحب راجل كده في حياتي ربنا يديمك ليا وميحرمنيش منك ابدا يمالك
-----
عند إيلين كانت قاعده في الجنينه بتاعت ڤيلتهم بتشرب القهوه وبتراجع حاجات على اللاب توب
فدخل ابوها وتابع بابتسامه صباح الخير وباس راسها بعمق وقعد على الكنبه اللي قدامها
إيلين بابتسامه صباح النور يحبيبي رايح الشغل دلوقتي؟
كامل بابتسامه لا قاعد انهارده تخيلي قاعد ليه؟
إيلين وهي بتشرب القهوه بصتله وتابعت بابتسامه : غريبه دي يتارا ايه المناسبه لان انت مش بتأجز في العادي
كامل بضحك هو اه بصراحه في مناسبه تخيلي انتي ايه هي؟
إيلين ضيقت عينيها وهي بتفكر وتابعت بحيره: مش عيد ميلادي ولا عيد ميلادك ولا عيد ميلاد مامي او ذكرى وفتها ولا عيد جوازكم هيكون ايه بقى؟
كامل بضحك خلاص خلاص هقولك انا علشان دماغك متلفش وابتسم وتابع فاكره مراد ابن انكل صالح؟
إيلين باستغراب اه فاكراه ماله؟
كامل بابتسامه طلب ايدك مني وانا وافقت وقولتله يجي علشان تشوفيه بنفسك
إيلين اتصدمت وتابعت بحده نعم ؟؟ حضرتك عملت ايه ؟؟
كامل باستغراب ايه عملت ايه؟ شاب هايل وميترفض ومن اكفئ الظباط عندي
إيلين بحده ودموع اكفئ الظابط يبقى زودله نجمه ورقيه هيفرح اكتر انما مش توافق يتجوزني من غير ماترجعلي حضرتك من امتى وبتتعامل معاياا كده في المواضيع دي بالذات !!
كامل بحده علشان المره دي اللي اتقدم حد غالي عليا وابوه صديق عزيز فمقدرتش اقوله لا ولما يجي اقعدي وشوفيه انا مش بجبرك بس يمكن ترتاحيله يبقى ايه اللي عملته غلط ؟؟!
إيلين بدموع وانا مش عايزه اقعد مع حد يا بابي فبعد اذنك زي ما اديته معاد تلغيه
كامل بصلها بذهول وتابع بحده الغي ايه يا إيلين !! عايزاني انا اللواء كامل الفقي ارجع في كلمتي !! لالا ده انتي اكيد اتجننتي او جرا لمخك حاجه
إيلين بحده ودموع مش ذنبي يابابا مش ذنبي انك وافقت واديت كلمه من ورايا فانا مستحيل اقعد معاه واعمل حاجه مش عايزاها
كامل بعصبيه هتقعدي معاه ورجلك فوق رقبتك ووريني مستحيل تقعدي معاه ازاي ده انا بمشي كلمتي على رجااله بشنابات هتيجي بنتي على اخر الزمن تعصااني !! يظهر ان دلعي ليكي الزياده جيه على دماغي دلوقتي
وقام وسابها فإيلين دموعها نزلت ورمت المج اللي في ايديها بعنف كسرته وحطت راسها مابين ايديها وفضلت تعيط
-------
في المستشفى عند عادل كان نايم في السرير وعصام قاعد قدامه مصدوم من اللي قالهوله
عادل بدموع انا عارف اني باجي عليك بزياده وهخليك تعمل حاجه انت مش عايزها وحقك بس بترتجاك يا ابني بترجاك تسامحها وتوافق ترجعها لعصمتك تاني انا مش هطمن على رفيده الا معاك
عصام حط ايديه عند مدمع العين وتابع بقهر: والله ما عارف اقولك ايه يا عم عادل .. حقيقي عاجز عن الكلام
عادل بدموع انا عارف اني قولتلك في الفون اني مش هقولك رجعها وبصراحه مكنتش هنطقها وهسيبك انت تتصرف بعد اللي هقولهولك بس مش قادر مقولهاش واطمن قلبي يا ابني مع اني عارف ان بنتي متربتش والغلط راكبها واي راجل غيرك كان عمل فيها اللي عمله واكتر بس انا عشمان فيك وفي اصلك يا عصام .. انت عارف غلاوتك عندي قد ايه وعارف اني بعتبرك ابني وسندي اكمن انا ربنا مكرمنيش براجل يسندني لما اكبر
عصام طبطب على رجله وتابع بوجع ابنك وفي ضهرك العمر كله يا حج ربنا يديم حسك لينا
عادل بدموع تسلم يا ابني ومسك ايديه وتابع ها توعدني ترد رفيده يعصام؟
عصام تنهد بعمق وبصله بوجع وتابع : هردها يا عم عادل .. هردها لاجلك ولاجل اني هريحك ومش هنزل كلمتك الارض بس بنتك في حالها وانا في حالي
عادل بحزن وده اسمه جواز كده يا ابني ولا انت كده هتريحني ببعدك عنها ؟
عصام بتنهيده مليانه وجع: صدقني مش بالساهل ابدا اسامحها وانسى اللي حصل انا مبقتش اثق فيها وصعب انام جنب واحده على نفس المخده وانا مبثقش فيها بس لاجلك هعمل كده انما متطلبش مني اكتر علشان خاطري
عادل بحزن مش هطلب يا ابني وعندي امل في ربنا كبير انه هيتصرف ويحل بينكم بالوقت ان شاء الله
عصام بابتسامه ان شاء الله يلا انا مش هطول عليك وهسيبك ترتاح ومتشيلش هم المستشفى ولا العلاج وانا هنقلك مستشفى احسن من دي بكتير اصلا
عادل بابتسامه كتر الف خيرك يا ابني وحقك على راسي .. انا اسف بالنيابه عن تصرفات بنتي الطايشه
عصام بتنهيده لا انت في مقام ابويا ومينفعش تعتزر مني مهما كان يلا همشي انا وقام باس على راسه وتابع عايز حاجه ياعم عادل؟
عادل بابتسامه سلامتك يا ابني
عصام بابتسامه يلا السلام عليكم ورايح يطلع وقفه عادل وتابع عصام
عصام بصله وتابع ايوه
عادل بحزن ابقى اعرض رفيده على دكتوره نفسيه
عصام ابتسم بوجع وتابع متشيلش هم رفيده المهم انت تقوملنا بالف سلامه
وطلع وقفل الباب وراه ومسك فونه يتصل بخالتو وثواني وردت بدموع ايوه يعصام
عصام بتنهيده رفيده فين يخالتي؟
سعاد بدموع تعبانه يا ابني جبتلها البت الممرضه بنت ثريا علقتلها محلول وفي السرير اهي
عصام اتصدم وتابع محلول !! ليه حصلها ايه !!
سعاد بعياط من كتر العياط والندب اللي عملته من امبارح من ساعه ماطلقتها تعبت واغمى عليها
عصام بخوف طب سلام يخالتي سلام انا جايلها باي
سعاد بدموع سلام يا ابني وقفلت معاه وبصت لرفيده وتابعت جاي
رفيده بابتسامه صدق اني معلقاه علشان تعبت ؟؟
سعاد بضيق اه صدق انا هموت واعرف انتي دماغك فيها ايه
رفيده بابتسامه ده انا اللي هموت واعرف ابويا حنن قلبه عليا ازاي انا قولتله حاول راضينا بس مكالمه عصام ليكي معناها انه هيرجعني فعلا
سعاد بحيره والله مانا عارفه قاله ايه ولا كان ليه عين يتكلم مع الراجل ازاي اصلا بس المهم انه اقتنع وبصتلها بوجع وتابعت انتي بقى يابنت بطني دماغك فيها ايه ؟؟
رفيده بابتسامه فيها كل خير ياما متقلقيش انا المره دي عرفت انا عايزه ايه
سعاد بخوف اياكي يارفيده اياكي تكوني بتخططي تسيبي الراجل تاني علشان علي والله اموتك فيها واخليه يجي يكمل عليكي
رفيده بابتسامه تؤ بطلنا العبط ده خلاص علي ايه وخرا ايه بس ورحمه الغاليين لهدفعه تمن اللي عمله فيا ده غالي اوي واللي تتجوز عصام السيوفي تبقى هبله لو سابته ياما
سعاد بضيق كويس انك عارفه ياختي بس علي هتعملي فيه ايه مش فاهمه ؟؟
رفيده بابتسامه سيبها للايام هتوريكي بس اقسم بالله لهكسر مناخيره واهين بكرامته الارض وبعدها هخلي عصام يريحني منه للابد وعارفه هعملها ازاي
سعاد باستغراب يحبسه تاني ولا ايه ؟؟
رفيده بضحك لا يحبسه ده ايه وابتسمت بخبث وتابعت يقتله
---------
عند هناء ووسام الساعه كانت 2 الفجر بتوقيت امريكا و 9 الصبح بتوقيت مصر فعندهم هما لسه الدنيا ليل
هناء كانت نايمه سانده راسها على رجل وسام وفارده جسمها على الكنبه وبيتفرجوا على فيلم اجنبي ووسام ايديه بتمشي على شعرها
وسام بتركيز مع الفيلم تابع : اهو ده اللي انا اقصده بقى شوفتي لما قالتله عمل ايه
هناء مردتش فوسام استغرب وتابع هناء وهز كتفها وتابع بت انتي نمتي ؟؟
هناء صحيت وتابعت بصوت ناعس: ايه يحبيبي
وسام بضحك ايه انتي يقلب حبيبك هو ده اللي هسهر وهقعد معاك للصبح ونخربهاا ده انتي سكر خالص ونمتي زي الكتاكيت اهو
هناء ابتسمت وهي مغمضه وتابعت اعملك ايه حسيت بامان وانا نايمه على رجلك فروحت في النوم
وسام مشى ايديه على وسطها وتابع بضحك : وحضني امان اكتر على فكره تعالي جربي
هناء فضلت تضحك وهي مغمضه وتابعت اوعا ايدك دي واتلم علشان مزعلكش عليهاا
وسام بذهول متزعلنيش عليها !! وفضل يضحك وتابع طب انا عايز ازعل وريني وضربها بالقفا وتابع ايه متجوز مجرمه صغيره انا ولا ايه
هناء اتعدلت على الكنبه وتابعت بضحك وبعدين بقييى لما اعضك دلوقتي هتفرح بايديك اللي عمال تضربني بيها ديي
وسام ابتسم بخبث وتابع اخص يعني افتكرتي الضربه ومفتكرتيش الحنيه دي ومشى ايديه على وسطها تاني وشدها ليه
هناء بضحك انت عايز ايه يوسام على المساا ها
وسام بابتسامه انا كل اللي عايزه بين ايديا اهو هعوز ايه تاني بذمتك؟
هناء فضلت تضحك وتابعت ده بيشعر كمان ..طب اعملك تتعشا بعدين نشوف الحوار ده وغمزت
وسام بضحك ده لو كنت هسيبك بعد الغمزة دي مستحيل
هناء بضحك شوف التلاكيك ده انا غمزت بس هو انا كلمتك
وسام بضحك وهي الغمزه منك دي شويه؟
هناء حطت ايديها الاتنين على وشه وتابعت بضحك يانن عيوني انت وقربت باسته برقه ورايحه تبعد فوسام شدها ليه اكتر وباسها بعمق وايديه بتعدي عليها وبتقربها منه اكتر وهناء حطت ايديها حوالين رقبته فوسام حضنها وهو بيبوسها واعتلاها ودفن وشه في حضنها فهناء هسمت وسام ندخل جوه طيب و
فوسام قاطعها وتابع بهمس هشش خليكي معايا وقرب وباسها بعمق وقرب منها اكتر ..
وبعد وقت هناء كانت بتاخد شاور ووسام قاعد بيتكلم في الفون فشويه وخرجت من الحمام هي لابسه البورنص ونزلت سلالم الفيلا وراحتله الصالون وتابعت انت لسه ..
فوسام رفع ايديه وقفها وهو بيتكلم في الفون وتابع ماشي يا لينا ابقي طمنيني عليكم اول باول يعمري .. تمام ماشي .. يلا باي وقفل معاها وبص لهناء وتابع ايه قولي
هناء بضحك انت لسه قاعد يوسام قوم خد شاور لحد ما احضر العشا يلا
وسام بضحك جبتي اجلي يابنت حاتم مكسل اقوم اخد الشاور وغمز وتابع ماتيجي تشجعيني
هناء بضحك لا شجع نفسك زي مانا اتشجعت كده يلا يحبيبي بلاش دلع
وسام بضحك اخص عليكي يابنت الجزم اطلعي البسي يلا نزلتي بالبورنص ليه تتعبي
هناء بضحك اعملي ضهري بالمرطب بس وهطلع البس علشان ايدي مش بتطول
وسام بحب يسلام تعالي يعمري
هناء راحت قعدت قدامه ونزلت البورنص عن كتافها فضهرها بان واديته المرطب وتابعت اهو امسك يلا
وسام حط من المرطب على ايده وبدأ يدهنلها منه فهناء جسمها اترعش وفضلت تضحك وتابعت اتلم وبطل تحرش انا بقولك حط المرطب هاا
وسام وهو بيحطه تابع بضحك طب وربنا بحطه عادي انتي اللي كل ما المسك كأن مسكك سلك كهربا ايه الجديد بس انا بعديها بمزاجي علشان ده حب لعلمك
هناء بضحك لا والله يعني ده مش ارتجاف من الخوف؟
وسام بابتسامه لا رجفه الخوف حاجه ورجفه الحب حاجه تانيه خالص ودي استجابه مش خوف وباس خدها وتابع فمتقاوحيش مع دكتور علم نفس ها
هناء بضحك لا يعمري مقدرش اقاوح انا كده كده عمري ما اقدر اخاف منك
وسام بضحك كلام حلو وبعملك ضهرك يادي تعب الاعصاب
هناء فضلت تضحك وزغدته بايديها وتابعت اتلم شويه بقى اتلم ازهقه مني ازاي ده ياربي
وسام بحب والله ولا عمرها تحصل ده انا لو زهقت ومليت من الدنيا بحالها مزهقش ولا امل منك انتي ابدا وخلص فقفل المرطب وتابع ارفعي البورنص خلاص
هناء رفعته وتابعت بحب ضي عيوني انت والله وباست خده ورايحه تطلع فتابع وسام بتنهيده : ماما ولينا جايين كمان 4 ايام عندك اعتراض على قاعدتهم معانا هنا؟ ولا اقعدهم في اي شقه قريبه مننا؟
هناء بحب لا طبعاا يحبيبي يجوا يقعدوا في بيتهم وينوروا انا عمري ما اضايق ولا اعترض وهشيلهم فوق راسي كمان ده كفايه انهم اهلك يوسام
وسام بابتسامه اصيله وبنت اصول بس هما مصممين اتأكد انك هتبقى مرتاحه في وجودهم لانك لسه عروسه وحقك فابسط حاجه يقعدوا في الشقه شهر مثلا بعدين يجوا علشان طبعا علاج ماما هنا انتي عارفه
هناء بحب لا بردو هاتهم وسطنا يوسام انا عمري ما هتضايق من وجودهم والفيلا كبيره وواسعه وتسيعنا كلنا وهعرف ابقى براحتي بردو مش وجود ماما ولينا اللي هيخنقني
وسام بابتسامه ربنا يديمك ليا وميحرمنيش منك ابدا ياست البنات
هناء بحب ويديمك ليا يعمري
--------
عند رفيده الباب خبط فسعاد راحت فتحت وتابعت اتفضل ادخل يا ابني
عصام بتنهيده فينها يخالتي؟
سعاد بحزن في اوضتها
عصام تنهد بعمق وراح عند اوضتها وخبط فرفيده تابعت ادخل
عصام فتح الباب ودخل شافها نايمه ومتعلقلها محلول وعينيها وارمه من كتر العياط فحزن على شكلها جدا وقفل الباب ودخل قعد على السرير قدامها وتابع بتنهيده سلامتك
رفيده ابتسمت بتعب وتابعت الله يسلمك بس من امتى بتخبط قبل ما تدخل اوضتي يعصام؟ انا فكرت الممرضه او اي حد غريب اللي على الباب
عصام بتنهيده لاني مش جوزك دلوقتي فمكنش ينفع ادخل من غير ما اخبط
رفيده ابتسمت بوجع وتابعت طول عمرك كنت بتدخل اوضتي من غير اذن وبتتجاوز وتقرب مني ومن قبل مانتجوز ايه اللي اتغير فيك يعني ؟
عصام بصلها وتابع يعني بحاول اغير من نفسي شويه يارفيده في النهايه انا هنا في مصر مش في امريكا وكل بلد ليها عاداتها واصولها
رفيده بقهر : انت بتبني بينا سور انما ملهاش علاقه بالبلد لان عصام عمره ماغير اسلوبه مع رفيده على حسب هو في انهي بلد دلوقتي
عصام بصلها بوجع وتابع السور ده انتي اللي بنيتيه مش انا .. انا محبتش غيرك بس انتي اللي استخصرتي الحب في نفسك
رفيده مسكت ايديه وتابعت بدموع وغلطت ..ايه هتموتني؟؟ من امتى وانت بتقدر تبعد عني فهمني؟؟
عصام بوجع عادي جدا زي مانتي قدرتي تقهريني وتموتي حته مني بكل اريحيه
رفيده بعياط انا اسفه يعصام ..انا اسفه ولو اني عارفه ان الاسف مش هيصلح حاجه بس حقيقي انا مش هقدر اعيش من غيرك ارجوك سامحني واديني فرصه تانيه ارجوك
عصام تنهد بوجع وتابع انا لو هرجعك فهرجعك علشان خاطر ابوكي يا رفيده انما انتي بنسبالي صفحه وقطعتها خلاص
رفيده اتعدلت وقعدت على السرير وتابعت بلهفه ودموع : رجعني وانا والله هنسيك كل اللي حصل ده وهتغير وغلاوتك عندي
عصام بسخريه لا صادقه كله الا غلاوتي عندك عمرك ماتحلفي بيها كدب ابدا انا عارف
رفيده بعياط انت بتتريق عليا ومش مصدقني !! ورفعت ايديها بالكانيولا وتابعت انا تعبت لما سبتني في ايه اكتر من كده يثبتلك اني فعلا بحبك ؟
عصام بتنهيده لالا مش عايز منك اي اثباتات متتعبيش نفسك الموضوع خلص بنسبالي وقررت خلاص
رفيده بدموع ورجاء : طب ايه مش هترجعني لعصمتك؟
عصام بص لفوق وتنهد بعمق بعدين بصلها بوجع وتابع :
رديتك يا رفيده
رفيده فرحت وضحكت من بين دموعها وحضنته جامد وعصام غمض بضيق وتنهد بعمق وسكت مقدرش يرفع ايديه يبادلها الحضن
------
عند لميا
كانت نزلت من الجريده بدري عن عادتها لانها شبه خلصت القضيه اللي شغاله عليها ووقفت توقف تاكسي بس ولا واحد كان بيقف
لميا بتوتر اوف يعني كل دول ولا واحد فيهم راضي يروح العاشر هموت واروح تعبت وفضلت تهوي بايديها علشان حرانه وشاورت لتاكسي تاني بس بردو موقفش
فنفخت بضيق وتابعت لا اتمشى شويه لقدام احسن بقى وطلعت فونها بتتشاات مع رئيس التحرير بتاعها وهي بتمشي وكتبت "" بقولك يافندم اخر دليل في القضيه بتاعت عدلي الشامي معايا وجيت اوريه لحضرتك قالولي انك اجازه فلما ترجع هيكون عند حضرتك في المكتب تشوفه بنفسك باذن الله "" وبعتت المسدج وبتحط فونها في الشنطه فاجاه عربيه سودا قطعت طريقها وناس ملصمين نزلوا منها
لميا شافتهم اتخضت وتابعت بخوف في اييه انتوا مين وعايزين مني اييه ورايحه تصرخ فواحد منهم حط على مناخيرها منديل فيه مخدر فاغمى عليها
احد الرجال بلهفه برافو عليك يا ادهم يلا هاتها بسرعه
ادهم وطى شالها بين ايديه وتابع بحده كانت هتفضحنا المفروض كنتوا عملتوا كده من الاول يبهايم