رواية نبض قلب
الفصل السابع والثلاثون37والاخير
بقلم دانيا
الدكتور قال لينا العمليه كانت ناجحه لكن المريض دخل في غيبوبه ، انتوا بس ادعو ليهو وربنا كريم.
انا من الصدمه اغمى علي رفعوني ودوني العنبر وركبو لي دربات وخالتي حنان وماما سيده واخوان واخوات محمد كانوا قاعدين يدعوا ومها كانت معاهم.
انا صحيت بعد ساعتين فتحت عيوني وبقيت شايفه طشاش طشاش اتزكرت محمد وقمت مخلوعه وراسي حاسه بيهو تقيل شديد طلعت الكانيولا من يدي خالتي وماما سيده جوني يهدوني قلت ليهم محمد بقى كيف، خالتي قالت لي لسه م صحى حضنتني وبقت تبكي.
مرت اسبوعين وهو لسه م صحى والدكاتره قالوا هم عملو العليهم وتاني علينا بالدعوات.
قلت ليهم يا جماعه انتوا امشوا البيت انا بهتم بيهو قالوا لي انتي حامل وانتي المفروض ترتاحي ابيت امش واقنعتهم يمشو البيت لانو ماما سيده عيانه وإلين محتاجه مين يهتم بيها.
تجاني قال لي بوصلهم وبجي راجع طلعوا مشوا ومها خلوها معاي.
قاعده قدام باب العنايه جاتني مها وكانت بتبكي وباين عليها متوترة قلت ليها مالك انتي كويسة ؟ قعدت جنب رجليني في الارض وبقت تقول لي عليك الله يااختي سامحيني ، اعفي لي ويقت تبكي ، قلت ليها يابت خوفتيني مالك قالت لي انا السبب.
قلت ليها السبب؟ بقيت اعاين ليها بصدمه في شنو قالت لي انا السبب في وضع محمد انا بقيت م قادرة اشوف قلت ليها كيف يعني؟ قالت لي تتزكري وقت قلنا لصحبتي تجيب لينا رقم الشيخ العمل المصيبه ديك ل محمد كان رسلتو لي انا وانا م حذفتو في الوقت دا انا من الاول كنت بحب محمد ، وبعد خطبك حاولت انساه لكن م قدرت ومع مرور الزمن وقت اشوف اهتمامو وحبو الكبير ليكي كنت بحس بالغيره ومشيت فتشت رقم الشيخ في الرسائل واتكلمت معاهو وحصل الحصل دا انا اتصدمت من السمعتو واغمى علي صحيت لقيت نفسي في العنبر وساره صحبتي قاعده جنبي قلت ليها مها وين ناديها لي نادتها قلت ليها م بحاسبك هسي جيبي رقم الزفت العمل كدا في محمد قالت لي حظرني وبقى م برد.
اتصلت ل عمو الشيخ يونس قال لي طلعي محمد وديهو البيت وجيبي عشره شيخ رقيه شرعيه ، يقروا ل محمد .
عملت زي ما قال لي وجوا وقروا ل محمد لمن فتح ولقى العافيه ، وبعد اسبوع انا وضعتا وجبت احلى توأم ابراهيم وعدن وبالنسبه ل مها بقت قادره تطلع من الخجل لكن محمد قال نهائي م نعادي زول مشى ليها في البيت وعفى عنها وجات حضرت السمايه والنهاي
تمت