الفصل الاول1
بقلم دانيا
امي كانت عيانه شديد و كان عندها مقابله في المستشفى طلعنا الصباح ركبنا المواصلاات وفتنا المستشفى ، لقينا الدكتور لسه م جاء قعدنا اتونسنا مع السكرتيره ظريفه مصريه لهجتها حلو كانت بتحكي لينا انها من مصر لكن زوجها سوداني ، وهي زوجها الله يرحمه عندها منو بت واحدة وهي خلاص استغرت في السودان وكدا، المهم استنينا الدكتور لمن يجي جاء شاب وكان معاه راجل كبير في العمر برضو كانوا منتظرين نفس الدكتور ، قعدوا وبرضو بدا عمك يتونس مع ناس امي وهي سألتو عندك شنو وكدا وبدو يتونسوا ، امي قالت لي امشي جيبي مويه و نزلي رصيد معاكي قلت ليها خلاص تمام.
مشيت على الظلط كان في بقاله قريبه مشيت ليها شلت منها مويه ومشيت على كشك الرصيد لقيت م فيهو زول م بعرف سيدو مشى وين ، اثناء ما انا واقفه جاء نفس الشاب الكان جاء المستشفى مع عمك ، قال لي مافي وزل في الكشك ول شنو ؟ قلت ليهو بتاع الرصيد شكلو مافي قال لي لو م عندك مانع انا بحول ليك ! رفضت لكن اصر علي اديتو الرقم وحول لي من تلفونوا ورفض يشيل القروش بعد اصرار مني قلت ليه لو ما شلتهن برجع ليك الرصيد قال لي بتعرفي تحولي ! قلت ليه ااي بعرف بقى يضحك قال لي حلفتك بالله خليها قلت خلاص تمام شكرا بقى يبتسم ووشو كان بشوش وباين عليه شاب محترم .
قمتا ماشه منو قال لي محمد وانتي؟
قلت ليه دانيا قال لي اسم حلو شديد شرفنا يا دانيا قلت ليه عظيم الشرف ، وقمتا مشيت.
وديت المويه لأمي ، والدكتور جاء قمنا دخلنا للدكتور لمن جينا طالعين لقينا الحاج قاعد براهو و محمد مافي قال لأمي حمد لله على السلامه وبقى يسألها عن اها الدكتور قال ليكي شنو وكدا ، قال لي يا بتي ممكن تنادي لي الود محمد الكان معاي دا طلع برا بتكلم بالتلفون قلت ليه حاضر،
مشيت لقيتو واقف برا قلت ليه العم قال ليك تعال سألني اها الدكتور قال شنو قلت ليه ماشه احسن وعندها مقابله بعد اسبوع
اثناء ما نحن واقفين جابوا ناس عاملين حادث رافعنهم في النقالات وجسمهم كلو دم وانا خفت شديد من المنظر قمضت عيوني وغطيت وشي بيدي ، هو بقى واقف وبعاين فيهم وقعد يدعي ليهم بالشفاء لمن شافني خايفه مسك يدي قال لي م تخافي وهم في اللحظه دي دخلوهم جوا انا بقين بعاين ليه قام فك يدي ،
امي جات مشينا البيت.
بقت بكره سجلت الرقم باسم محمد