رواية خديجة الفصل العاشر10 بقلم اميرة خالد
وفي شقه محمود خديجه كانت في اوضتها بتنيم جنه وقاعده بتفتكر معتز وكلامه وعينيها دمعت وفضلت تبكي وهي بتقول سبتني لمين يا معتز واولادك هيكبروا من غيرك ازاي وفجاه سمعت صوت التليفون ولقيت ابراهيم بيتصل ورديت عليه ايوه يا ابراهيم واتكلم ابراهيم انت بتعيطي ردت خديجه لا بس انا افتكرت معتز رد ابراهيم طب انا في موضوع عايزه اكلمك فيه ردت خديجه في ايه يا معتز قال لها مش عارف اجيبها لك ازاي بس عم محمود اتصل بيا ردت خديجه في حاجه حصلت رد ابراهيم بصي الكلام مش هينفع في التليفون انا هاجي لك البيت كمان شويه انا وغاده ردت خديجه تنور يا حبيبي بس انا قاعده عند عم محمود قال لها مش مشكله ابقى اخش اكلمك في اوضه معتز قالت له طيب وفجاه سمعت صوت محمود بيعيط وقالت لابراهيم معلش هقفل انا عشان محمود بيعيط رد ابراهيم حاضر وقفل معاها
وبص لغاده وقال لها تفتكري خديجه هتوافق وردت غاده لو عشان خاطر اطفالها هتوافق الرد ابراهيم يعني انت قصدك ايه قالت له خديجه طول عمرها عاطفيه وبتمشي قلبها مش بعقلها عشان لو كانت بتفكر بعقلها ما كانتش اتجوزت معتز وهو اكبر منها بالسنين دي كلها رد ابراهيم بس معتز عرف يحتويها وبيحبها ردت غاده وممكن يحيى يعمل كده رد ابراهيم يبقى انت ما تعرفيش يحيى هو شديد جدا عن معتز وكمان ما بيحبش الستات غير ان هو خاطب واتكلمت غاده بقول لك ايه احنا هنحكي لها اللي هم قالوه وهي تشوفها تعمل ايه وانا من رايي ان هي توافق عشان خاطر اطفالها دول ثلاثه يا ابراهيم يا ريته عيل واحد لو كان عيل واحد كنت هقول لك ماشي بس مين اللي هيرضى يتجوز واحده ومعاها ثلاث عيال غير لو كان من حد من اهل رد ابراهيم ايوه معاكي حق يلا قومي اجهزي عشان نروح لها
وفي اوضه معتز خديجه رضعت محمود وغيرت له هدومه وعاليه دخلت لها وقالت لها تيجي يا حبيبتي تقعدي معانا بره حبسه نفسك في الاوضه ليه ردت عليها ما فيش يا ماما الاولاد بيصحوا ورا بعض وانا لو قعدت بره هيبقى الموضوع صعب ومش هسمعهم ردت عاليه هو انت ما تعرفيش ان يحيى جاب لهم سرير متنقل هنحطه جنبنا وهيناموا فيه ولو حد صحي هنبقى نشيله رده خديجه بجد يا ماما قالت لها اه وجاب لهم حاجات كثيره كمان قالت لها طيب تعالي نشوفهم وطلعت واخذت الاطفال معاها ونيمتهم في السرير وقعدت جنب محمود ومحمود بيقول لها هاتي جنه شيلها ردت خديجه حاضر يا بابا وادته جنه وشاله ولا تصدقي شبهك جدا ردت خديجه بجد يا بابا معتز كان نفسه يجيب بنت شبهي ضحك محمود وقال لها اه طبعا شبهك يا حبيبتي بس انا خايف تعمل لنا محاضر كثيره ضحكه خديجه وقالت له ما تخافش يا بابا انا هخليها قويه ضحكه عاليه وقالت له ايه اللي انتم بتقولوه ده جنه دي هتبقى عسل كفايه نيه شبه خديجه وكمان يحيى هيخلي باله منها وهنجيب لها بودي جارد يمشي وراها في كل حته ردت خديجه يا سلام يا بختك يا جنه

والباب خبطت وقامت خديجه دخلت الاوضه ولبست النقاب على فستان وخرجت وكانت سوسن وبنتها وفرح اول ما شافتها اتضايقت وشافت عاليه شايله جنه واتكلمت عاليه تعالي فرح شيلي جنه عشان ربنا يديك شبهها وردت فرح لا يا طنط انا ما بعرفش اشيل اطفال اتضايق محمود وقال لها نيم البنت واتكلمت علياء اقعدي يا سوسن واقفه ليه ردت سوسن عاجبك اللي يحيى بيعمله معاه فرح وردت عاليه بعد ما بصيت لمحمود وقالت لها هو انت مش عارفه الظروف ايه ويحيى متضايق ازاي ردت سوسن ماشي بس البنت ذنبها ايه وردت فرح ده ما بيردش على تليفوناتي خالص ولا عارفه اوصل له
وفجاه الباب اتفتح وكان يحيى رجع من الشركه وهو متضايق وبص لابوه وقال له ممكن يا بابا نتكلم في المكتب رد محمود تمام ودخل يحيى وقال له انا موافق يا بابا بس شوف حل مع فرح عشان مش هكمل معاها الجوازه واتكلم مع خديجه رد محمود وهو فرحان ماشي يا حبيبي انت ما تعرفش طمنت قلبي قد ايه ان ولاد اخوك هيعيشوا في حضننا وكمان انت اللي هتربيهم يحيى حضن محمود وقال له ما تخافش يا بابا هربيهم احسن تربيه يلا عايز حاجه انا طالع الشقه رد محمود مش هتتغدى معانا قال له لا ما ليش نفس وخرج وبص على خديجه ولقاها شايله مالك ومش عارفه ترضعه وضحك وقال طفله شايله طفل وطلع على الشقه وعاليه بصت لخديجه وقالت لها خشي الاوضه يا حبيبتي عشان ترضعي مالك رده خديجه حاضر يا ماما ودخلت الاوضه وسوسن اتكلمت عاليه وقالت لها هو انتم هتعملوا ايه معاها ردت عاليه هنعمل ايه يعني قالت لها يعني هي هتقعد معاكم قالت لها اه وخرج محمود من المكتب وبص عاليه والسوسن وقال لهم يحيى هيتجوز خديجه واتصدم الكل من كلامه واتكلمت فرح ازاي يعني يا عمي ورد محمود هيتجوزها عادي ايه المشكله رده فرح المشكله ان انا خطيبته وما اقبلش ان هو يتجوز عليا رد محمود براحتك بس يحيى وافق انه يتجوز خديجه وعياطت فرح ونزلت تجري ونزلت وراها سوسن واتكلمت عاليه ما كانش ينفع تقول كده يا محمود رد محمود انت عارفه ومتاكده انه يحيى خطب فرح عشان خاطرك انت وانا مش هبعد عن عيال معتز مهما يحصل فهم ولا لا ردت عاليه حاضر يا محمود
وطلع يحيى الشقه ودخل الحمام خد دوش وخرج لابس بنطلون و عاري الصدر وقعد يفكر اللي عمله ده صح ولا غلط وقعد يقنع نفسه انه صح عشان خاطر اولاد معتز ونام على السرير وماسك التليفون واتصل على احمد وحكى له كل اللي حصل ورد احمد كده احسن حاجه عشان خاطر اولاد معتز واتكلم يحيى تمام انت عملت ايه مع ساندرا رد احمد هعمل ايه انا رحت لها الفندق بس هي مش عايزه تتعامل معايا وبتقول ان لازم التعامل يكون معاك رد يحيى تمام يومين بس وانا هتعامل معاها رد احمد ماشي يا صاحبي وقفل معاه
شقه محمود ابراهيم جه هو ومراته واتكلم ابراهيم بعد اذنك يا عمي عايزه اتكلم مع خديجه شويه رد محمود اتفضل يا حبيبي ودخل ابراهيم مع خديجه وقال لها بصي يا خديجه انا مش عارفه اقول ايه بس كل اللي اقدر اقوله لك ان عم محمود عايزك تتجوزي يحيى اتعصبت خديجه وقالت له ازاي يعني واصلا ده اخو معتز انت بتقول ايه وهي بتعيط ورد ابراهيم بصي يا حبيبتي انت لسه صغيره ولسه ما عشتيش حياتك وكمان هتكوني محتاجه راجل في حياتك عشان يعوض الاطفال عن ابوهم انت مش هتفهمي الكلام ده دلوقتي غير بعد سنتين ولا ثلاثه لما اطفالك يسالوا بابا فين ويكونوا عايزين اب في حياتهم وما فيش حد احسن من يحيى عشان يكون ابوهم عيطت خديجه وقالت له انا ما اقدرش اتجوز حد بعد معتز رد ابراهيم ده ما يعتبرش جواز على قد ما يعتبر تضحيه لاطفالك ورده خديجه وهو رايه ايه رد ابراهيم ما اعرفش ولسه ما جاوبتش عم محمود ردت خديجه انا موافقه بس بشرط واحد اعيش في شقه معتز وكمان ما يلمسنيش انا مش هقبل يكون راجل في حياتي بس ممكن يكون في حياه اطفالي ولو عايز يتجوز يتجوز انا مش همنعه وكمان انا مش هتجوز غير بعد خمس شهور رد ابراهيم طب يا حبيبتي هقول لهم كلامك ونشوف رايهم ايه وخرج ابراهيم وفضلت خديجه تعيط كلم ابراهيم مع محمود وحكى له كل اللي حصل ورد محمود ماشي يا ابراهيم كلم ابراهيم يلا يا غاده خلينا نروح ردت عليا خليكم قاعدين يتغدوا معانا قال لها متشكرين يا طنط بس احنا مشوارنا طويل وكمان غاده هتروح تجيب الاطفال من عند والدتها ردت عليها تمام يا حبيبي ما تقطعش زياراتك علينا الله حاضر
اما محمود مسك التليفون واتصل على يحيى وقال له انزل لي عشان عايزك في موضوع مهم رد يحيى في ايه يا بابا قال له خديجه وافقت بس الفرح بعد خمس شهور رد يحيى تمام قال له عملت ايه مع فرح قال له انا قلت لهم بس هي عيطت ونزلت قال لي عشان كده بتتصل عليا طب اقفل يا بابا انا ارد عليها وقفل مع يحيى وماسك يحيى التليفون واتصل على فرح ولقى فرح بتعيط وقال لها في ايه قالت له انت عرفت اللي حصل قال لها ايه ان هو باباك قال لي ان انت هتتجوز خديجه قال لها طب ما ده اللي هيحصل بصي يا فرح خلينا اخوات وانا طول عمري شايفك اختي وعمري ما شفتك زوجه وردت فرح بس انا بحبك يا يحيى ما اقدرش استغنى عنك قال لها انا ما اقدرش اكسر كلمه بابا وكمان امي تعبانه ما اقدرش ازعلها وانا ما اقدرش اكسر وصيه معتز ليا ان ربي عياله واحافظ عليهم رده فرح يعني انت شايف كده قال لها اه وكل شيء قسمه بنصيب وقفل معاها
وفضلت تعيط واتكلمت فريده وقالت لها تصدقي يا بنت انت هبله قالت لها يعني عايزاني اعمل له ايه قالت لها خطتي خليه يرجع لك قالت لها يعني اعمل ايه سيبيني في حالي ردت فريده وهي بتكمل لبسها غبيه وفضلت فرح تعيط وخرجت فريده ماما سالتها رايحه فين قالت لها خارجه مع اصحابي قالت لها طب اقعدي مع فرح شويه ردت فريده بقول لك ايه يا ماما انا ما ليش في الكابه سيبيني اخرج احسن رده سوسن ربنا يهديك يا بنتي وخرجت فريده ونزلت ولقيت محمد مستنيها بالعربيه وقال لها هنروح فين ردت فريده على اي مكان قال لها نروح الديسكو قالت له ماشي
هو عند يحيى لبس هدومه ونزل قعد يتغدى وخديجه ما خرجتش من اوضتها وفضلت تعيط وتفتكر معتز لغايه ما نامت ويحيى بعد الغداء كان معدي رايح الحمام سمع صوت عياط الطفله وقرب من الباب ولقى خديجه نايمه ومدياله ظهرها ودخل خد جنه وخرج بيها وهو بيقول لها مالك يا حبيبه بابا بتعيطي ليه وقعد يطبطب عليها لغايه ما سكتت واتكلمت عاليه هي جنه كانت بتعيط قال لها اه يا ماما قالت له ممكن تكون جعانه قال لها لو كانت جعانه ما كانتش سكتت قالت له طيب يا حبيبي وفضل له قعدوا يتكلموا واتكلم محمود على فكره خديجه عايزه تقعد في شقه معتز واتكلم يحيى ازاي يعني يا بابا قال له ده شرطها اتعصب بيحيى وقال له في حاجه كمان ما رضيش يقول لمحمود بقيت كلامها قال له لا يا حبيبي قال له طيب يا بابا وقام ود العاليه الطفله وقال لهم انا طالع انام واتكلمت عاليه انت ليه ما قلتلوش بقيه الكلام قال لها محمود سيب الدنيا تمشي زي ما عايزه تمشي قالت له طيب بس انا صعبانه عليا خديجه قال لها انا هنعمل ايه كنا هنرمي عيالنا يعني قالت له لا ان شاء الله خير وداخله عشان يناموا
وعدى خمس شهور وكانت خديجه بتتجنب يحيى والعيله وبتتكلم في الحدود وطول الوقت قاعده في اوضه معتز ويحيى اتعلق بالاطفال جدا وخصوصا جنه والشغل بتاعه ماشي كويس وكمان ساندرا سافرت بعد ما حاولت كتير مع يحيى وهو صدها اما فرح فهي حزينه على فراق يحيى ووالدتها مش عارفه تعمل ايه اما فريده مقضياها خروجات وفسح مع محمد الدالي اما النتيجه بتاعه الثانويه ظهرت وخديجه جابت مجموعه كويس وهتقدم كليه هندسه زي ما اتفقت مع معتز ويوسف جاب مجموعه كويس وهيخش مع خديجه نفس الكليه اما الاطفال بقى عندهم خمس شهور