رواية الرقصة والمعلم الفصل العاشر10بقلم اميرة خالد

وثاني يوم صحيت منار من النوم ودخلت الحمام وغسلت وشها وخرجت لبسه العبايه حطت الحجاب 



وقربت من مصطفى وصحته من النوم وقام مصطفى وقال لها صباح الخير يا حبيبتي 

ردت عليه صباح النور يا مصطفى يلا ادخل الحمام وانا هنزل احضر الفطار 

رد مصطفى حاضر يا حبيبتي وقامت منار حضرت الهدوم 

وخرجت راحت اوضه ابنها مالك وصحته من النوم وغسلت له وشه ومسكت ايديه واخذته وهي نازله وفي شقه ابوها 

دخلت منار ولقيت ابوها صاحي قاعد على الكنبه 

وقالت له صباح الخير يا بابا رد عليها صباح النور يا حبيبتي ايه اللي منزلك بدري كده 

ردت عليه بدري من عمرك يا بابا الساعه 8:00 ما انت عارف ان يزيد والرجاله بيروحوا يفتحوا الساعه 9:00 فلازم يفطروا قبل ما يمشوا 

رد صابر ربنا يسعدك يا بنتي ويفرح قلبك 

ردت منار يا رب يا بابا انا وانت 

وقال صابر ايه مالك مش هتيجي تسلم على جدك 

رد مالك ازيك يا جدو 

رد عليه انا كويس يا سيدي ايه مالك عايز تنام ولا ايه 

رد مالك ايوه يا جدو ماما مصحياني من بدري وانا كان نفسي انام 

رد صابر ماشي يا سيدي تعال اقعد جنبي هنا عقبال ما ماما تحضر الفطار وافطر وابقى اطلع نام 

رد مالك حاضر يا جدو 

وقالت منار شغل التلفزيون يا مالك واتفرج على قناه الكرتون عقبال ما اخلص الفطار 

رد عليها حاضر يا ماما ودخلت منار المطبخ وبعد دقائق نزلت هيام 

قالت صباح الخير يا عمي 

رد عليا صباح النور يا هيام 

قالت له منار فين 

قال لها في المطبخ قالت له طيب يا عمي انا داخله لها ودخلت هيام المطبخ وشافت منار 

وقالت لها صباح الخير 

ردت منار صباح النور ووقفت هيام مع منار يعملوا الفطار 

اما في شقه نيفين خرج يزيد من الحمام وهو لافي في الفوطه على وسطه وبص على السرير ولقى نيفين نايمه على بطنها ومغطيه بالملايه 

وضحك بسخريه وقال نسوان عايزه الحرق وبدا يلبس وهو بينده عليها قومي يا نيفين وهي 

قالت لي سيبني انام شويه انا تعبانه 

رد يزيد تعبانه  من ايه يا اختي يلا قومي قامت نيفين 

وقالت له في ايه يا يزيد بتصحيني من بدري ليه 

قال لها بدري من عمرك يلا قومي حضري لنا الفطار تحت عقبال ما انزل

وقامت نيفين من على السرير وهي بتلف الملايه على جسمها وماشيه بدله وقربت من يزيد ومشيت ايديها على صدره

قالت بدلع مش لازم انزل النهارده يا يزيد وهقوم احضر لك الفطار هنا ونفطر سوا مع بعض مسك يزيد ايديها 

وقال لها اوعى تكوني فاكره الحبه اللي انتي عملتيهم امبارح دولت هيخلوني انسى اي حاجه واسيب اهلي 

واقعد اكل معاكي واكون زي الخاتم في ايديكي تبقي بتحلمي يا نيفين وزقها وكمل لبسه وهو باصص في المرايه 



وقال لها قومي انزلي يا نيفين احسن ما اجي لك وخافت نيفين وقامت دخلت الحمام بسرعه 

ويزيد قال صحيح نسوان عايزه الحرق اكمل لبسه واخد مفاتيحه وموبايله وخرج 

اما عند تقى فصحيت من النوم غسلت وشها اسرحت شعرها وعملت كحكه فوضويه 

ودخلت المطبخ تحضر الفطار وطلعت اللحمه من الفريزر عشان تفك وخرجت بعد ما طلعت صينيه الاكل 

وقربت من اوضه اخواتها وقالت يلا يا تامر يلا يا دينا الفطار جهز 

وقام تامر وقال صباح الخير يا تقى 

ردت عليه صباح النور يا حبيبي يلا روح اغسل وشك وتعالى عشان تفطر عقبال ما اروح اصحي البلوه اللي جوه 

ضحك تامر وقال لها حاضر ودخل الحمام 

اما تقى دخلت عند دينا قالت لها قومي يا هانم انتي لسه نايمه 

ردت دينا وهي قاعده على السرير نفسي افهم الاجازه اتعملت ليه عشان انام براحتي واصحى براحتي مش كل يوم اصحى من بدري كده 

ردت تقى يعني انا غلطانه اني عملت الفطار وبصحيكي 

ردت دينا ازاي يعني حضرتك مش غلطانه ابدا انا اللي غلطانه وقامت من على السرير ودخلت الحمام 

وقالت تقى ماشي يا دينا الكلب انتي والله لاوريكي 

ضحك تامر وقال لها سيبك منها وتعالي افطري احسن هي هتخرج دلوقتي 

ردت تقى والله معاك حق وقعدت وبعد دقائق خرجت دينا وهي بتقول له بالراحه يا عم انت وهي استنوا في حد عايز يفطر 

رد تامر ما تيجي يا اختي تقى عامله اكل كتير 

ردت دينا طيب وقعدت تاكل وبدات تنقي البسطرمه من البيض 

وقال تامر بدانا اهو بقول لك ايه ما تاكليش البيض بالبسطرمه وسيبيه مدام بتنقي البسطرمه بس 

وردت دينا وهي بتحط اللقمه في بقها بقول لك ايه انا ما بحبش البيض وقلت لكم كذا مره سيبوا لي البسطرمه بتاعتي وانتم مصممين تعملوا البيض بالبسطرمه

وائل تامر هتشيل لك بسطرمه ازاي واحنا بنجيب ب 15 جنيه كل فين وفين 

ردت دينا مش مشكلتي 

وقالت تقى سيبها يا تامر كل اللي انتي عايزاه يا دينا وانا هاكل البيض 

رد تامر خليكي كده على طول مدلعاها 

ردت تقى طب اقعد افطر وسيبك من الكلام ده وانتي يا دينا انا طلعت لك اللحمه هتسلق ايه بس وهنعمل فته النهارده 

ردت دينا حاضر وفضله يفطروا 

اما عند يزيد كان قاعد على السفره وهو بيقول قومي يا نيفين اعملي لي فنجان القهوه 

ردت عليه حاضر من عيني الاتنين 

وقالت هيام بعد اذنك يا يزيد وطبعا بعد اذن عمي انا عايزه اروح ازور شيماء النهارده 

وقال الحاج صابر روحي يا بنتي وخدي معاكي فلوس واديها لها وقولي لها ده من عمها 

وقال يزيد لا يا هيام مش هتروحي هناك وشيماء لو عايزه تشوفك تيجي لك هنا 

ردت هيام ما انت عارف يا يزيد جوزها عامل ازاي ومش هيجيبها هنا 

قال لها ما ليش فيه انتي مش هتخرجي من بيتك 

ردت هيام طيب يا يزيد بس انا كنت محتاجه مبلغ كده 

رد يزيد من عيني يا هيام الفلوس اللي انتي عايزاها هديها لك 

وخرجت نيفين وقالت اتفضلي القهوه يا معلم وبصراحه كده انا كمان عايزه فلوس عشان اجيب فستان عشان نروح بيه فرح اخو وفاء 

رد يزيد ماشي وبص المنار وقال لها وانتي يا قلب اخوك مش عايزه فلوس تجيبي فستان 

ورد مصطفى لا يعني مش عايزه فلوس وانا هجيب لها اللي هي عايزاه كله 

رد يزيد وانت مالك انا بكلم اختي هو حد كلمك 

رد مصطفى ماشي يا عم انا هخرج منها 

وقالت منار لا يا حبيبي تسلم انا عندي عبايه جديده مصطفى لسه جايبها لي وهلبسها وانا رايحه الفرح 

رد يزيد طيب يا حبيبتي وبص سمر 

وقال لها عايزه فلوس يا سمر عشان تجيبي حاجه تلبسيها في الفرح الكل استغرب انه بيوجه الكلام لسمر وسمر اتصدمت 

وقالت له هو الكلام ده ليا انا 

رد يزيد اكيد طبعا هو في حد تاني قاعد على السفره اسمه سمر غيرك

قالت له مش عارفه 

رد يزيد طب لما تعرفي ابقي قولي لي وانا هديك الفلوس اللي هتحتاجيها 

قالت له شكرا وفضلت مصدومه 

اما منار كانت فاهمه ان الكلام نفع و يزيد وبدا يقرب من اخواته

والحاج صابر كان فرحان وسناء كانت متضايقه ومش طايقه اللي بيحصل 

وقالت هند وانت يا علي مش هتديني فلوس عشان اجيب بيه فستان 

رد عليه ما انتي عندك الدولاب هيقع من كتر الفساتين  والهدوم اللي فيها اختاري اي حاجه وروحي بيها يعني هم بيشوفوكي قوي ولا يعرفوك 

وقال يزيد يلا يا علي عشان نروح السنتر رد عليه حاضر 

اما في شقه الحاج صالح حاله وفاء انا النهارده يا عبد الرحمن هروح عند امي شويه وهرجع 

رد عليها طيب ما تتاخريش عشان تعملي لنا الغداء 

قالت له حاضر 

وقال الحج صالح بقول لك ايه 

رد عبد الرحمن نعم يا حاج 

قال له في شاب عايز يشتغل 

رد عبد الرحمن طب انا اعمل له ايه 

رد صالح ناخده معاك السنتر ولا المصنع وقال عبد الرحمن وده مين بقى 

رد عليه عارف الناس اللي هاجروا جدا عندنا 

رد عبد الرحمن ايوه 

قال له ده يبقى اخو البنت اللي اخذت الشقه والمحل وحابب ينزل يشتغل قبل الدراسه 

رد عبد الرحمن تمام يا حاج خليه يجي لي السنتر النهارده وانا هنزله يشتغل مع العمال او بياع 

رد الحاج صالح لا يا ابني الواد متعلم شغله كاشير احسن ما يبقى عامل 

رد عبد الرحمن من عيني اللي الدنيا حد 

قال له تسلم عينيك يا حبيبي