رواية سلبت قلبي يا سمراء الفصل العاشر10 بقلم سولييه نصار
(حبيب العمر )
حبيب عينيا ...حبيب أيامي ...
.......
رمت الهاتف على الفراش وهي تبتسم بسعادة ...لقد جهزت كل شئ شقيقها وجيلان خرجا سوياً ودلال معها في الخطة ولن تقاطعهم...اليوم سوف تراضيه.....
وصل عاصي إلى منزل أهل رحيق وطرق الباب بتوتر فتحت له دلال الباب وهي تبتسم وتقول :
-أهلا بالغالي ....
توجس عاصي وهو ينظر لسعادة حماته المبالغ جداً بها وفكر هل هي أيضا تعاطت شيئاً...
-إزيك يا حماتي ...
قالها وهو يضيق عينيه وينظر إليها ....
أفسحت الطريق له وهي تقول :
-اتفضل يا حبيبي رحيق مستنياك ...
ولج لصالة المنزل وهو يقول :
-أومال فين رحيق ؟!
-مستنياك في اوضتها ايه اللي هيطلعها الصالة بس يا حبيبي ...
-هو أنا عادي ادخل اوضة نومها ؟!
سأل بإرتباك لتضحك دلال:.
-أكيد يا حبيبي ...مش مراتك ..وبعدين متقلقش هي مش معاها الا سُفيان إبنك ...
هز هو رأسه وهو يتجه لغرفة رحيق ....فتح الباب ليجدها تجلس على الفراش ....
رفعت رأسها ورأته لتضئ البسمة على شفتيها وتنهض نحوه نظر إليها بتوجس ...وصدمته تزداد عندما وقعت عينيه على هذا الذي ترتديه ...فستان بيتي قصير ...قصير للغاية ...كيف ترتدي هذا الفستان وأمامه وهو يحمل كل هذا الشوق داخله لها ..أخفى شوقه ...تأثره ...اي شئ قد يفضحه أمامها ...هو ما زال غاضب ولن يتنازل بسرعة وقال :
-فين سُفيان ؟؟
-في اوضة ماما ...
-طيب أنا عايزة أشوفه هو وحشني ....
-ما أنت كمان وحشتني ...
قالتها بدلال ...فقال :
-أنت مشربتيش حشيش ولا بانجو صح...يعني أنتِ صاحية ...
توسعت عينيها بصدمة ثم ضحكت بقوة ...
-ايه ضحكة الرقاصات دي ...اكتمي ...
قالها وهو يضع كفه على فمها. ويقول بغضب :
-الضحكة دي متضحكيهاش تاني الا في بيتنا فاهمة ...
هزت رأسها والسعادة تطل من عينيها ...تنهد وأبعد كفه وقال :
-ثم أن خلاص بح يا ماما ...
عبست ليقول هو بينما يرفع رأسه :
-خلاص يا حبيبتي انا مش هبقى متسامح بعد النهاردة عاصي الطيب مات أنا بقيت عاصي الشرير...انسي اني أبقى ضعيف قدامك من النهاردة ...انسي ...أنا هكون قاسي ...جو انك نقطة ضعفي خلاص بخ...وانا رايح أشوف ابني ...
ثم استدار ليغادر الا انها اقتربت منه وهي تعانقه من الخلف ...ابتلع ريقه وهو يشعر بدقات قلبه تزداد لدرجة أنه استطاع سماعها ...
وضعت رحيق كفها على صدره ناحية قلبه وقالت بلطف :
-قلبك بيدق بسرعة عشاني أنا وبس يا عاصي ....
ثم ابتعدت قليلاً وجعلته يستدير ثم جذبته نحو الفراش فرفع حاجبيه وهو يقول:
-هتعملي ايه يا مجنونة أحنا في بيت أهلك؟! ...
هزت رأسها وهي تضحك وقالت:
-هنتكلم وبس ...
ثم جلست معه وهي تمسك كفه ...
-أنا اسفة ..
قالتها بجدية ثم أكملت :
-أنت كنت على حق ...أنا ثقتي مهزوزة بكل حاجة في حياتي لاني اختارت اصدق كل حاجة بتتقالي ...اختارت اصدق اني مش حلوة ..اختارت اصدق انك كتير عليا وصدقت انك شايفني اني اتجوزتك عشان فلوسك...لكن مصدقتش الحب الحقيقي في عينيك ...مصدقتش جمالي اللي أنت شايفه ...مصدقتش ندمك ولا إعتذارك ...وبدل ما أواجه ضعفي فضيت غلبي فيك ...أنا اسفة ....بس انا عشانك هتغير يا عاصي ...هعرف أواجه اللي يزعلني ...أنا دلوقتي شايفة نفسي جميلة ...شايفة اني استحقك واني اقدر اسعدك ...شايفة اني هبقى إن شاء الله أدافع عن نفسي وعن بيتي ...مش هتضايق ولا احس بالذنب لو حد زعل من كلامي مادام هو اللي بدأ...
مسحت دموعها وهي تقول بسعادة بينما ترى نظرة الفخر بعينيه :
-تعرف أن طنط اعتماد امبارح رميتلي كلمتين روحت رميتلها عشرين كلمة مقدرتش ترد بعدها ومشيت ...صحيح حسيت شوية بالذنب بس انا هتخلص من الشعور ده واتعلم أدافع عن نفسي ..بس ..بس متسبنيش يا عاصي ...أنا كاملة بيك...من غيرك أنا ناقصة ..فرحتي ناقصة ...من غيرك مفيش سعادة ....
تنهد وهو يرفع كفها ويقبله ويقول :
-مهما احاول قلبي بس بيلين لو شاف دموعك ....قلبي بيحبك يا رحيق ...وروحي متعلقة بيكي ...أنا بتاعك وبس ...أنتِ حياتي ♡
ابتسمت وهي تعانقه وتقول :
-وأنت جوزي وحبيبي وكل حياتي ....أنت حب العمر وفرحة القلب ....
ابتسم وهو يضمها بشكل أقوى وقال:
-بس حلو التغيير اللي طرأ عليكي ده بقيتي مش متربية زيي ...
ضحكت.و هي تعانقه بشكل أقوى وتقول :
-من عاشر القوم بقا ..