رواية حبيبة قلبه الفصل الثاني عشر12والاخير بقلم سولييه نصار
بقالجزء الأخير❤️ شكرا على تفاعلكم السكر ❤️ بقلم سولييه نصار ❤️
-ألف مبروك !
قالها هادي بهدوء...بصتله بصد.مة ..دورت على اي حاجة تدل على صدمته ...حز نه قـ.هره ملقيتش ....
بصلي وابتسم في وشي ....فوديت وشي الناحية التانية وانا مصدومة ...
...
في الطريق للبيت كنا ساكتين ..في العادة بيفتح معايا حوار وبصده بس المرة دي مفتحش اي حوار ...هو معقول متضايق بس مخبي ضيـ.قه ...معقول ....
بصلي فجأة وابتسم وقال :
-تحبي أشعل أغنية ؟
وديت راسي الناحية التانية ومردتش عليه ...ابتسم هو وقال:
-هشغلك أم كلثوم عرفت انك بتحبيها فحبتها عشانك ....
قلبي اترعش...أنا بحب ام كلثوم جدا فعلا بس هو عرف من فين ...بس اكتشفت بغبا.ء اني كنت بشغل أغانيها في البيت ....شغل الكاسيت لأغنيتي المفضلة ليها (أنتَ عمري)
-رجعونى عنيك لايامى اللى راحو
علمونى اندم على الماضى و جراحه
اللى شفته.. اللى شفته
قبل ما تشوفك عينيا
عمر ضايع يحسبوه ازاى عليا
.....
انت عمرى.. انت عمرى
اللى ابتدا بنورك صباحه
اد ايه من عمرى قبلك راح و عدا
يا حبيبى اد ايه من عمرى راح
ولا شاف القلب قبلك فرحه واحده
ولا داق فى الدنيا غير طعم الجراح
.....
ابتديت دلوقتى بس
ابتديت دلوقتى بس احب عمرى
ابتديت دلوقتى اخاف لا العمر يجرى
كل فرحه اشتاقها من قبلك خيالى
التقاها فى نور عنيك قلبى و فكرى
يا حياة قلبى يا اغلى من حياتى
ليه ما قابلتش هواك يا حبيبى بدرى
فضل يردد معاها :
-ابتديت دلوقتى بس احب عمرى
ابتديت دلوقتى اخاف لا العمر يجرى
كان بيبصلي كل شوية وبيبتسم وبيغني وانا متوترة
...
وصلت البيت وكنت هجري ناحية الاوضة واقفلها بس هو مسكني وشدني عليه وهو بيقول :
-هتهربي وتروحي فين ؟!!
-سيبني يا هادي ...سيبني بقول...
قولت بتوتر ووشي احمر من الكسوف فقال :
-استنيتي تشوفي رد فعل على خبر خطوبتها بس مشوفتيش...فإيه ...ده مش موضح ليكي اي حاجة يا حبيبة اني بطلت أحبها مثلا ..
بصتله بشك فقال بهدوء :
-عندك حق متصدقيش ...بس انا كنت قررت اتخطى وكنت مصمم وعايزك تصدقيني لما اقولك اني خلاص شيلتها من قلبي !!!شيلتها من قلبي لما حبيتك ....
ز.قيته بسرعة وجريت ناحية الاوضة وقفلت الباب وانا بنهت....وقف على الباب وخبط وهو بيضحك وقال :
-طيب بتهر.بي ليه ...مش كان نفسك احا.رب ...كان نفسي قلبي يبقى ليكي ...
-أنا مش مصدقاك....
قولتها وانا بترعش ...
-يعني هاخد ست شهور كمان عشان اثبتلك اني بحبك يا حبيبة ...قوليلي اعمل ايه ؟!
مردتش عليه. ...مكنتش عارفة اقول ايه ...
بس هو مستسلمش ....في الأيام اللي مرت بعد كده كان بيقولها كل شوية ....كان بيطيب جر.وحي مني ...اخد شهرين تاني ...شهرين وكنت استسلمت ليه بالفعل.
.......
في قاعة أفراح راقية وكبيرة ...
كانت عروسة تخطف القلب قبل العين ...السعادة على وشها كبيرة بتبص لأحمد وليا اللي جم يحضروا فرحها بسعادة وجنبهم رنا اخت أحمد ...وعمرو اللي لسبب مجهول بيطارد رنا ...
ابتسمت مريم وهي بترقص مع الدكتور ياسين ...
فجأة حط أيده على ضهرها ورفعها ناحيته ...
-ياريت بتعمل ايه ؟
قالتها بكسوف فهمس في ودنها :
-أنا بحبك ♡
بصتله بصدمة بس ابتسمت وقالت:
-الله...هو مش كان الحب خرافة جميلة يا دكتور...
-دي كلمة قولتها اداري بيها أني واقع فيكي
زادت ابتسامتها وهي بتشكر ربنا أن أدالها الشخص اللي تحس معاه بالأمان ...اللي قدر يمسح هادي من قلبها وعقلها لدرجة أنها قفلت اي اكونت فيك بتراقبه منه ....وكان هادي صادق الحب مش كل حاجة بس الحمدلله هي لقت كل اللي تتمناه في ياسين ...
همست بحب وقالت:
-وأنا كمان واقعة فيك ♡
.....
-لو بتحبني هتتفرج عليه .
قولتها ببراءة لهادي اللي نفخ بضيق وقال :
-فيلم هندي قديم تلات ساعات ...حرام عليكي يا حبيبة ...أنا معنديش طاقة اتفرج على فيلم ساعة ...
-يبقى انت مش بتحبني
قولتها وانا بمد شفايفي بقمص زي الأطفال فضحك وهو بيحضنني وقال.:
-والله بحبك وعشان بحبك هتفرج معاكي وامري لله ...
وبعدين قعدت على الانتريه وشديته فحضني وباس راسي ...
-بحبك ♡ يا هادي
قولتها بسعادة فرد :
-وأنت بحبك يا حبيبة قلب هادي ♡
تمت