رواية عشق الصغيرة الفصل الثالث عشر13 بقلم سولييه نصار
-نعم بتقولي ايه ؟!
قالها أحمد بضـ.يق فقولت بصوت مرتعش :
-أنا عايزة افضل هنا مع خالتي يا أبيه أحمد....
بلع ريقه وهو بيبصلي وقال :
-ليا احنا اتفقنا ....
قلبي دق جامد وانا ببصله ..حاولت أشيل عينيا من عليه بس مقدرتش ....اخيرا وديت وشي الناحية التانية وبصيت لخالتي وقولت:
-معلش ممكن تسيبني على راحتي ...
اتنهد وقرر يتكلم بهدوء ...هو مش عايز يضايقها ...كفاية أنه جر.حها بكلامه العبيط ...قرب مني وقال :
-طيب ممكن نتكلم من فضلك يا ليا ...حابة اقولك حاجة ؟!
خوفت اتكلم معاه يقنعني وانا مكنتش عايزة كده ...كنت حابة أبعد عنه ...مش عايزة أضعف ....
-ممكن تحترم قراري ..
قولتها بنبرة مخنو.قة. ..خالتي كانت مستغربة من الضيـ.ق اللي باين عليا ....
وأحمد سكت متكلمش ...كان باين عليه الضيـظق وكان باين انه سيطر على نفسه بالعافية ...هو محبش يغلط مرة تانية ويزعلني. وكنت عارفة أنه صعب عليه اكون هنا جنب عمرو بعد ما اكتشف مشاعره ...اكيد هيحس بالغيرة ...الغيرة اللي كنت بمو.ت منها في يوم خطوبته .....
ابتسم بلطف وقال :
-طيب حابة تقعدي لامتى. .
كان بيجاهد نفسه أنه يشدني من ايدي ويرجعني بالعافية ...ده كان واضح على ملامحه ....
-مش عارفة لما احس اني عايزة ارجع هرجع...
بصلي بلوم ...كنت شايفة بوضوح اني خذلته ..بس مقدرش اكون جنبه حاليا ...لازم ابعد عشان تكون مشاعره واضحة مش مجرد تشتت عشان أنا اعترفلته ...وعشان اقدر اسامحه من غير ما يضغط عليا ... .
...
مشي احمد من غير ما يحاول يضغط عليا وده ريحني ..وحسيت بسعادة غريبة وانا شايفة أنه بيحاول يتمالك أعصابه معايا...احمد القديم كان هياخدني من بيت خالتي بالعافية كأني طفلة....
.......
-أنا مستغرب انك رفضتي ترجعي معاه بجد ....
قالها عمرو وهو قاعد على الانتريه اللي قصادي بنتفرج على فيلمي المفضل ..وخالتي قاعدة على الترابيزة قصادنا بتحضر غدا بكرة ....
-ليه عادي قررت اقعد هنا ..
-عشان بتحبيه فافتكرت هتنفذي اللي عايزه ...
بصتله بصدمة فقال :
-ايه يا ليا ...دي حاجة مش جديدة البقال اللي تحتنا عارف بمشاعرك ليه ....بس هو العبيط ومكانش فاهم لا مشاعرك ولا مشاعره ...هو كمان بيحبك من زمان.
بصتله بصدمة كبيرة فابتسم وقال :
-أنتي بنته حقيقي بقا ...وارثة الغباء منه ...باين للاعمى...ده مش بيطيقني بسببك...صحيح أنا كنت معجب بيكي شوية بس لما شوفته فضلت اتمادي عشان استفزه ...بحب استفزه اووي ....شكله بيكون مضحك لما يتعصب
-هو بيحبني من زمان بجد !
قولتها بصدمة فقال بأسف :
-ياريتك كنتي ورثتي ذكائي مش غبا.ؤه...الواحد خايف تتجوزوا وتخلفوا عيال بنفس العقلية !