رواية اللؤلؤ والاخرس الفصل الثالث عشر13 بقلم اميرة خالد
ثاني يوم صحيت لؤلؤه بدري ودخلت الحمام اخذت شاور وخرجت لبست عبايه وسرحت شعرها

وخرجت من الاوضه بعد ما غطت ماجي وبرق وراحت على اوضه يسري ولقيته صاحي
وقالت له صباح الخير
رد عليها صباح النور يا حبيبتي وفاتح دراعه وقال لها تعالي لؤلؤه وحضنته
وقالت له كويس ان انت صاحي يا بابا عشان تاخد العلاج بتاعك
قال لها انا كويس هي ماما ليها علاج قبل الاكل
ردت لؤلؤه لا يا بابا بعد الفطار على طول ممكن اتكلم معاك في حاجه
رد يسري قولي يا حبيبتي
قالت له هو احنا ينفع نرجع الامارات تاني انا مش عايزه اقعد هنا ولا اخبط حياه حد
رد يسري انا عارف ان انتي متضايقه من اللي حصل بس انتي شايفه الظروف اللي احنا فيها وكمان الحادثه اللي انا عملتها مقصره عليا
ردت لؤلؤه انا عارفه بس عايزين نرجع لحياتنا القديمه انا مش عايزه اضايق احد هنا وانا شايفه اني مضايقاهم وكمان عشان خاطر برق في العمليه بتاعته
رد يسري طيب يا لؤلؤه سيبيها على الله وانا هشوف انا هعمل ايه المهم نخلي بالنا من ماما اليومين دول
قالت له حاضر يا بابا كل ده كانت سمعاه بسمه وابتسمت على بنتها اللي خايفه عليهم
وقامت لؤلؤه وجابت كوبايه ميه ودت ليسري العلاج
وبسمه كانت راجعه اوضتها وشافت عثمان
وقال لها تعالي يا بنتي انا عايزه اتكلم معك شويه
ردت بسمه حاضر يا عمي ودخلت معايا الاوضه
وقال لها انا عارف انك متضايقه من يسري بس صدقيني انا اول مره اشوف الحب في عيون يسري من زمان طول الوقت كنت حاسس بتانيب الضمير من ناحيته اني كنت السبب في جوازته وهو ما كانش عايزها
ردت بسمه والدموع في عينيها يا عم انا فاهمه الكلام ده بس انا حب اليسرى مش حب زوج لزوجته وبس لا ده حب الاب لبنته حب الحبيب لحبيبته حب كده ملوش زيه يا عمي
حاجه كده مختلفه هو لو كان صارحني من الاول انا كنت ممكن اعذره بس انه يستمر في الكذبه هو ده اللي وجعني بجد وحسيت اني ما ليش قيمه عنده
رد عثمان يا بنتي افهمي يسري بيحبك وانا عارف ومتاكد من كده سامحي عشان تعيشي مرتاحين مع بعض
ردت بسمه ان شاء الله يا عمي بعد اذنك وخرجت بسمه وقال عثمان قدامي حل واحد وهو اللي هيخليكوا ترجعوا لبعض
والباب خبط وقال عثمان خشي يا شاديه
ردت لؤلؤه بابتسامه بسيطه يعني ما ينفعش انا
رد عثمان ازاي يعني تعالي يا ست البنات قولي لي بقى بتخبطي عليا دلوقتي ليه
قالت له اصل انا عرفت من بابا انك بتاخد علاج قبل الفطار قلت اجي اديه لك قبل ما اعمل كوبايه لبن لبابا ولماما ولحضرتك
ابتسم عثمان وقال لها تعالي يا لؤلؤه انا عايزه اقول لك على حاجه قربت منه
وقالت ونعم يا جدو
قال لها مش انتي عايزه يسري ومامتك يرجعوا لبعض
ردت لؤلؤه طبعا يا جدو
قال لها ما قدامناش غير حل واحد
قالت لي ايه هو يا جدو
قال لها انك تتخطبي لحد من الشباب اتصدمت لؤلؤه
وقالت له ازاي يعني جدو
قال لها اسمعي بس ساعتها باباكي ومامتك هيفضلوا قاعدين هنا وهيتصالحوا
قالت له بس انا خايفه يا جدو ومن هو اللي هيوافق يعمل معانا التمثيليه ديت
رد عثمان مش عارف بس انتي رايك مين اللي ينفع معانا
قالت له اكيد مش حازم ايناس كانت قتلتني فيها
قال لها طب مين
قالت لي وسيف برده مش هينفع
قال لها طب ايه رايك في ابراهيم اتكسفت لؤلؤه
وقالت له ابراهيم يا جدو
رد عليها ايوه يا حبيبه جدو مفيش غيره هو اللي مش خاطب ولا ليه علاقه بحد وهيساعدنا في الموضوع ده
ردت لؤلؤه طب سيبني افكر يا جدو وارد عليك يلا بقى عشان تاخذ العلاج بتاعك
قال لها طيب واخذ العلاج وهو بيبتسم على خطته
وخرجت لؤلؤه ولقت شاديه بتفتح الباب
وقالت لها صباح الخير يا لؤلؤه
قالت لها صباح الخير يا عمتو انا اسفه عشان انا دخلت المطبخ اعمل فطار لبابا وجده ولماما
ردت شاديه وايه يعني يا حبيبتي ده بيتك وتصرفي زي ما انتي عايزه
ردت لؤلؤه شكرا يا عمتو
وقالت شاديه طب ايه رايك بقى تخشي تعملي معايا الفطار النهارده للعيله كلها
ردت اللؤلؤه حاضر يا عمتو بس هخش ادي كوبايه اللبن دي لبابا والجده والماما واجي
قالت لها ماشي يا حبيبتي ودخلت لؤلؤه اوضه بسمه
وقالت لها صباح الخير يا ماما
ردت عليها صباح النور يا حبيبتي
قالت لها اتفضلي كوبايه اللبن انا هروح بقى اعمل الفطار مع عمته
ردت بسمه استني يا لؤلؤه انا جايه معاكي وخرجت بسمه وهي ماسكه كوبايه اللبن وبتشرب فيها وراحت على المطبخ
ولؤلؤه راحت على اوضه يسري اللي اداتوا كوبايه اللبن
وقالت له ماما دخلت المطبخ ابتسم يسري
وقال طب يا حبيبتي تعالي خرجيني بره اقعد مع جدك شويه
قالت له حاضر وخرجته عثمان قاعد في الصاله وقدام كوبايه اللبن والفايش ويسري قاعد معاه وفضلوا يتكلموا
ولؤلؤه دخلت المطبخ مع شاديه وبسمه وفضلوا يتكلموا
وصحيت ماجي من النوم وهي بتبتسم ودخلت الحمام غسلت وشها وخرجت فتحت شنطتها ولبست بيجامه رياضيه وعملت شعرها كحكه فوضويه

اما في شقه صابرين صحي هاشم ودخل الحمام اخذ دش وخرج بعد دقائق يلبس هدومه وماسك التليفون بعت رساله لابراهيم

وخرج شاف مامته قاعده في الريسبشن
وقالت له صابرين يعني شايفاك بتتعامل عادي مع الست اللي خطفت ابوك مننا
ابتسم هاشم بسخريه وقال لها ابويا مين اللي اتخطف ابويا هو اللي زهق واختار انه يتجوز الست اللي تريحه
قامت صابرين وهي متعصبه وقالت قصدك ايه
رد هاشم بصرامه قصدي ان ابويا هو اللي اختارهم واختار يبعد عننا ويعيش معاهم يمكن شاف فيهم حاجه ما شافهاش فينا
ردت صابرين يعني يا هاشم انت موافق على اللي بيحصل ده
رد هاشم ايوه يا ماما موافق وهعمل ايه يعني ما خلاص ده بقى امر واقع
ردت صابرين ماشي يا هاشم بس انت لو وقفت معاهم مش هتبقى ابني ولا اعرفك
صدم هاشم وقال لها مش وقته الكلام ده يا ماما انا رايح الشركه وخرج
وصابرين قاعده تاكل في نفسها وراحت داخله اوضتها وماسكه التليفون
واتصلت وقالت شوف لي حل في اللي حصل ده
رد الشخص عايزاني اعمل لك ايه انتي اللي غلطانه من الاول
ردت صابرين يعني مش هتساعدني انتي كمان
رد عليها اساعدك في ايه
قالت له براحتك بس خليك فاكر انتي لو ما ساعدتنيش انا هقول لهم مين اللي كان بيدي البرشام ليسري عشان ينام معايا
ردت عليها واقول لك ايه يا صابرين اذا كنت بساعدك فبساعدك عشان انتي اختي غير كده لا وافهمي كده
ردت صابرين طب وقفي معايا المره دي مش عايزه حاجه تانيه
ردت عليها بقول لك ايه انا ساعتها كنت بساعدك عشان خاطر بيتك ما يتخربش وما اعرفش ان هو ما بيحبكيش وانتي فهمتيني غير كده فيا ريت ما تتصليش بيا تاني
ردت صابرين طب عشان خاطر الواد والبنت
ردت عليها بقول لك ايه مش عايزه اسمع صوتك تاني وقفلت السكه في وشها
وقالت صابرين حتى انتي يا صفيه مش عايزه تقفي معايا
ودخلت نغم وهي بتقول لها صباح الخير يا ماما سكه صابرين
وقالت نغم مالك يا ماما ما بترديش عليا ليه
قالت لها صفيه مش عايزه تساعدني
ردت نغم وايه دخل خالتو في الموضوع سكته صابرين
وقالت ايناس مش يلا عشان ننزل نفطر معاهم تحت
قالت نغم لا مش نازلين احنا هنفطر هنا
وقالت صابرين لا هننزل دلوقتي
اما في اوضه ابراهيم كان قاعد بيشتغل على اللاب توب وشاف الرساله بتاعت هاشم ودخل الحمام اخذ دش وغير هدوم ولبس واخذ شنطته ونزل

اما تحت في المطبخ كانت كوثر وشاديه وبسمه واقفين بيعملوا الفطار ومعاهم لؤلؤه
ودخلت عليهم ماجي وهي بتقول لهم انا جعانه يا بشر انتم مجوعيني كده ليه
ضحكه كوثر وقالت ثواني يا حبيبتي والاكل هيكون جاهز قولي لي بس عرفتي تنامي كويس
ردت ماجي بطيبه مصطنعه صدقيني يا كوكو ما عرفتش انام طول الليل وعماله افكر اعمل ايه في الاجازه ديت
ابتسمت لؤلؤه وقالت لها باماره ما كنت بتشخري طول الليل
ردت ماجي بصدمه هو انا بشخر وانا نايمه ضحكت بسمه
وقالت لها دي الحقيقه اللي احنا كنا مخبينها عليك
ردت ماجي لا ده انا اروح يسري يعرفني على دكتور يعمل لي الموضوع ده
ضحكه بسمه وقالت لها طب يلا يا فالحه خلينا نفطر الاول وبعد كده نشوف الموضوع ده وخرجوا كلهم يحطوا الفطار على السفره
وحازم كان بيصفر على حلاوه البنات وهاشم اتعصب من لبس ماجي
وقال في سره هي فاكره نفسها في فرنسا ولا ايه
وقعدت ماجي جنب هاشم اللي سمعته بيقول بصوت واطي ايه اللي انتي لابساه ده بصيت له وكملت اكل عادي ولكنها شايفاه وهو تعصب
وقال حازم بقول لكم ايه انا مش هنسافر ولا ايه صاحب القريه اتصل بيا النهارده عشان اروح اعمل الشغل بتاعي
ردت شاديه هو ده وقته عشان نسافر
قال لها وايه المشكله يا عمتو خلينا نروح نتفسح شويه ونغير جو بدل القعده دي واحنا متفقين على كده
ردت ماجي سفر ايه ده
قال حازم كنا متفقين ان احنا نسافر الساحل اسبوع ونرجع
ردت ماجي وايه المشكله طب ما نسافر دلوقتي
ضحك حازم وقال هي دي الناس اللي بتفهم مش الكئيبه اللي زيكم
وقال عثمان لم نفسك بدل ما اقوم لك
وقال هاشم هنسافر ازاي وبابا تعبان كده مش هيستحمل وقت السفر
ردت ماجي باستفزاز هيسافر طيران هو والكبار واحنا نروح بالعربيات ايه رايكم
عجبته يسري الفكره وهتكون فرصه يعرف يتكلم مع بسمه فيها
وقال لهم وانا موافق غمزت له ماجي
وقال عثمان خلاص هنسافر بالليل احجز لنا يا حازم طيران انا وعمك يسري وعمتك وابوك وامك وعمك زكريا ومرات عمك بسمه
وقالت صابرين وانا كمان مسافره معاكم ما انا مش هقعد هنا لوحدي
بص لها عثمان وقال لها ماشي يا صابرين هتسافري معانا بس لو عملت اي حركه من حركاتك ما تلموش غير نفسك صابرين
وقال حازم خلاص تمام يبقى نقسم نفسنا على عربيات
رد سيف بسرعه انا هاخد ريم وحد ثاني عايز يجي معايا اتضايقت ريم
وقالت لا انا هركب مع ايناس ونغم
ردت روان لا انتي هتركبي مع سيف وانا كمان هركب معاكم
وفي عربيه حازم ايناس ونغم مع بعض
وفي عربيه هاشم لؤلؤه وماجي وبرق وابراهيم
وقالت نغم لا انا عايزه اركب مع هاشم اخويا
رد حازم خلاص لؤلؤه تركب معايا هي وماجي وبرق
اتضايق ابراهيم وهاشم وقال عثمان بعد ملاحظ تغيير وش ابراهيم وهاشم ما فيش منه الكلام ده ونغم تركب مع حازم وايناس
ردت بسمه بس انا مش عايزه اركب طيران انا عايزه ابقى مع الولاد
ردت شاديه ليه كده يا بسمه كنت عايزاك تبقي معانا انا وكوثر في الطياره
ردت بسمه ماشي يا شاديه
قالت ماجي طب يلا ناكل بسرعه عشان نحضر الشنط بتاعتنا عشان نسافر ولكل فرحان
وقال حازم طيب انا هقوم اتصل بالواد جوده عشان هيجي معانا عشان الشغل تبعه عقبال ما انتوا تجهزوا نفسكم
وقالت شاديه تمام بس احنا مش هنعمل اكل هنا النهارده مدامها مسافر
رد ابراهيم بالاشاره انا هجيب لكم اكل واحنا جايين دليفري
رد توفيق تمام يا ابني وبعد وقت راحوا الشباب الشغل والبنات حضروا الشنط
وفي اوضه لؤلؤه حكت اللي حصل النهارده مع جدها لماجي وقالت لها على فكره جدك بيتكلم صح وانا لو مكانك هوافق
ردت لؤلؤه اللي انتي بتقوليه ده مش يمكن بيحب واحده او خاطب
قالت ماجي هو ولا خاطب ولا حاجه بس انا عايزاك تقولي لي الصراحه مش انتي معجبه بيه اتكسفت لؤلؤه وقالت ماجي خلاص اعمل اللعبه ولو هو بيحبك كملوا مع بعض ما فيش حب خلاص انتي تكوني عرفتي وبعدتي في نفس الوقت من غير ما تنجرح
ردت لؤلؤه انا نفسي افهم انتى بتاخدي الحياه بالبساطه كده ازاي
ردت ماجي بصي يا لؤلؤه اللي انا عشته واللي جربته في حياتي يخليني قد الدنيا ديت بالجزمه وعيشها بالطول والعرض وما يفرقش معايا اي حد
ردت لؤلؤه انتي شايفه كده
ردت عليها طبعا الباب خبط وكان روان ومعاها ايناس وريم ودخلوا وريم ما كانتش طايقه ماجي
وقالت روان انا حضرت كل حاجه وقاعده زهقانه
قالت ماجي طب ايه رايك نعمل فشار ونتفرج على فيلم عقبال ما الشباب يجوا ونسافر
ردت ايناس تمام قوي وخرجت عشان تعمل الفشار
وقامت روان هي ولؤلؤه يشوف الفيلم اللي هيتفرجوا عليه
وريم كانت بصه على ماجي وقالت انتي ازاي تيجي عند ناس ما تعرفهمش ولا عمرك شفتيهم
ردت ماجي ومين قال لك اني ما اعرفهمش انا جيت عشان خاطر صاحبتي وباباها ومامتها اللي بيعتبروني بنتهم الثانيه
ردت ريم اصل غريبه يعني ان اهلك يسيبوكي من غير ما يحاسبوك على اي حاجه زعلت ماجي
وقالت لها عادي احنا الحياه عندنا فري مش زيكم متعقدين وقامت وسابتها وهي متضايقه من كلامها
وريم كانت مبسوطه انها ضايقتها
وبعد دقائق قعدوا كلهم يتفرجوا فيلم قديم من اختيار بسمه وهو صراع في المينا بتاع فاتن حمامه وعمر الشريف وكانوا بياكلوا الفشار وهم مبسوطين
اما في شقه صابرين كانت قاعده مع نغم
وقالت لها انا عايزاكي طول السفريه تبقي قريبه من ابراهيم ما تبعديش عنه وانا عايزاك تساعديني ان ابوك يجي عندي الاوضه
ردت نغم طب ازاي يعني يا ماما
قالت لها بعدين هبقى اقول لك وعايزاك كمان طول الوقت تبتسمي قالت لها حاضر
اما في شقه عثمان خرج يسري وشاف الفيلم وافتكر الذكرى واول مره شايفه الفيلم كانوا مع بعض
(وكانوا قاعدين في الامارات في شقتهم وبسمه كانت حامل في لؤلؤه وقاعده بتتفرج على الفيلم وهي مبسوطه
ودخل يسري وقال لها ايه القمر بتاعي بيعمل ايه ابتسمت بسمه
وقالت له بتفرج على فيلم لعمر الشريف اصل انت ما تعرفش انا بحبه قد ايه
اتضايق يسري وقال لها حب مين يا اختي انتي تحبيني انا وبس ضحكت بسمه
وقالت له في ايه يا يسري بقول لك بحبه في التمثيل وكان نفسي اتجوز واحد زيه يعني ما قلتش حاجه غلط
تتعصب يسري وقال لها وانا هوريك بقى انا هعمل ايه وهكون احسن من عمر الشريف ده وقام شايلها ودخل بيها اوضتهم وهي بتضحك ورجع من الذكرى)
وبص على بسمه اللي لقاها عينيها في عينيه وكانها بتقول له شفت وصلتنا لايه وابتسم وهي دورت وشها
وبعد وقت الفيلم خلص والشباب رجعوا وهم جايبين الاكل والحازم على فكره يا جدو الطياره بتاعتكم بعد ساعه ونص
رد زكريا يعني احنا يا حازم هنوصل قبليكم
رد حازم ايوه يا عمي وكمان انا اتفقت على العربيه هتيجي تاخدكم من المطار على القريه السياحيه وهنا هيسلمكم الشاليه عقبال ما نيجي
رد توفيق تمام يا ابني
وقالت شاديه يلا عشان ناكل وقعدوا ياكلوا وهم مبسوطين وبعد وقت قام سيف وحازم وصله العيله المطار
وقعده في الطياره وكان حظ يسري اني شاديه هي اللي قاعده جنب بسمه
وقال للمضيفه انه عايز يبدل المكان وقاعده هو جنب بسمه وشاديه قعدت مكانه جنب زكريا
وقال يسري برده مش عايزه تكلميني بسمه سكتت بسمه
وطلبوا منهم انه يربطوا حزام الامان ويسري كان بيحاول يربطه بس مش عارف وبسمه شافته وصعب عليها وقامت تساعده وهو ابتسم
وصابرين كانت قاعده متضايقه كل اللي بيحصل
اما عند الشباب فرجوا على البيت وركبوا عربيتهم وحطوا الشنط واخرجوا على الطريق
وقال حازم احنا هنقف على سوبر ماركت نجيب حاجات
ردت ماجي ايوه يا ريت ونزلوا الشباب السوبر ماركت ينقوا حاجات ليهم وماجي خرجت لهم وهي ماسكه عربيه مليانه شيبسيهات وكاندي وكنزات وبسكوتات
وقالت يلا حسبوا لي ابتسمت لؤلؤه وقالت لها انا معايا الفيزا بتاعتي وجت تطلعها
قال لها هاشم خلاص انا حاسب ما فيش مشكله واطلع هو وحاسب على كل حاجه وريم كانت متضايقه
ورجعوا على العربيات وحازم كان مشغل اغاني شعبي وسايق بسرعه
وماجي كانت هتتجنن وتركب مع حازم عشان العربيه ما فيهاش اغاني
وقالت بقول لكم ايه انا مش هركب معاكم انا عايزه انزل اركب مع حازم
رد هاشم بعصبيه طب في ايه عايزه ايه دلوقتي
ردت عليه انا عايزه اغاني ايه الهدوء ده
قال لها طب انا ما عنديش اغاني وبص لابراهيم وقال له بالاشاره عندك اغاني
رد عليه لا وراحت مطلعه ماجي تليفونها وقالت له اتفضل شغل لي الاغاني اللي على التليفون ديت
واخذوا هاشم وبدا يشغل الاغاني اللي اتصدم منها مهرجانات
وبدات تغني مع الاغاني وتعمل حركات وتشد ايد لؤلؤه
وتقول لها هي فرفشي ما تبقيش ساكته وتزغرت ولؤلؤه اتدمجت معاها
في عربيه سيف قالت روان انا عايزه انزل هنا واروح اركب معاهم اللي انتم عاملينه ده
ردت ريم يعني عاجبك الكباريه اللي شغال عندهم ده
ردت روان كباريه ايه دي ناس بتستمتع بالرحله مش زيكم كابه
رد سيف ولا تزعلي نفسك يا حبيبتي وبدا يشغل الاغاني
وفي عربيه حازم كان هو وجوده عاملين يغنوا ويهيصوا وايناس بتبتسم على حبيبها المجنون
ونغم كانت متضايقه وراحت مطلعه من شنطتها سماعات صغيره وحطيتها في ودانها وغمضت عينيها
في عربيه هاشم ابراهيم عيني كانت على لؤلؤه وضحكتها وهاشم كذلك وبرق كان بيبتسم