رواية توبة الفصل الثالث عشر13 بقلم اميرة خالد

الفصل 13

عدى اسبوع على ايوب وهو لسه في المستشفى مع تمارا وتوبه ما تغيرش اي حاجه غير ان علاقته مع توبه بقت للاحسن شويه بقى يتكلموا بعد غياب العيله عنهم 

اما عامر وكمال كانوا مشغولين في المعرض والشغل اللي كتر عليهم الفتره اللي فاتت 

اما شعبان ومصطفى فكانوا على طول في المصنع عشان يجيبوا الشغل منه 

اما رباب اقنعت كيداهم بفكره تشغيل وليد عند ايوب في الحسابات وقالت لك كيداهم انها هي اللي تتوسط في شغله مع عامر 

ومستغربه ان ايوب بيوضب الشقه اللي في الدور الرابع وجايب عفش جديد وده اللي خلى رباب تصمم على شغل وليد معاهم 

النهارده رجوع تمارا وايوب وتوبه على البيت والحاجه نفيسه كانت شغاله في المطبخ ومعاها شوقيه والبنات 

وقالت لشروق ايه ياما اخرج ارتاحي انتي والحاجه شوقيه وانا هعمل كل حاجه انا والبنات 

ردت نفيسه لا يا بنتي انا اللي هعمل الاكل مش كفايه اخوك بقى له اسبوع بياكل اكل الشارع واحنا مش عارفين نودي له اكل 

ردت عليها هنعمل ايه ياما ما انتي شايفه المعرض كان زحمه طول الوقت وكمان عامر يا دوبك هو والرجاله بيطلعوا على وقت النوم والاكل ساعات بينزل لهم تحت 

ردت ورد اه والله معاكي حق يا شروق ده حتى لما بيجي بينام على طول ما بيبصش للعيال خالص 

ضحكت نفيسه وقالت لها يا اختي بكره هيقعد جنبك اول ما الشغل يهدى 

ردت ام كمال ما بيتهياليش يا حاجه ده شعبان بيقول كل يوم الشغل بيقدر عن اللي قبله يلا ربنا يزيد ويبارك 

ردت كيداهم يا رب يا اختي 

وقالت نفيسه طب يا جماعه خلونا نخلص بقى الاكل عشان زمانهم جايين 

اما في المستشفى توبه كانت بتلبس تماره الهدوم وبتسرح لها شعرها وهي بتقول لها خلاص يا توته احنا هنروح نقعد عندهم 

ردت عليا بخوف طب ما نقعد في شقتنا يا توبه بدل ما نقعد عندهم 

دخل ايوب وقال لها ما ينفعش يا قلبي مكانكم جنبي وحتى خالتي شوقيه هتقعد معاكم فرحه تماره 

واقرب ايوب وشالها وقال يلا بقى عشان ننزل شوفي كده لو ناسيه حاجه في الاوضه 

ردت توبه لا كل حاجه تمام وانا حطيتها في الشنطه اللي انت نزلتها بس هعدي على الدكتور اخذ منه الروشته بتاعه العلاج اللي هتمشي عليه تمارا 

رد ايوب كل حاجه انا جبتها حتى العلاج ما تخافيش يلا خلينا نتكل على الله وخرجوا ركبوا العربيه 

اما في المعرض عامر كان واقف مع الزباين وبيخلص شغل وانا ده على واحد 

وقال له خذ الزبون عند المحاسب الجديد عشان يدفع الفلوس بتاعه العفش 

رد عليه حاضر يا ابو يزن وبص للزبون وقال له يلا بينا يا استاذ ومشوا 

وقعد عامر وهو بيشرب القهوه وقال له كمال انا نفسي افهم ايه اللي حصل الايام اللي فاتت خلى المعرض شغال كده 

رد عامر علمي علمك مش عارف بس لما يجي ايوب هعرف منه كل حاجه وازاي فكر في حكايه الصفحه ديت 

رد كمال هي الفكره حلوه كفايه ان الايراد بتاع الاسبوع اللي فات زاد 60% عن الايام العاديه 

ضحك عامر وقال له يا عم ما تقولش كده قول زاد في 100% واخذ صحتنا معاه 

ضحك كمال وقال له عارف يا عيني اللي صعبان عليا في كل ده هو مين 

رد عامر مين يا اخويا 

رد عليه مصطفى يا دوبك بيبقى معانا طول النهار في الشغل وبالليل بيروح يشوف المكان بتاعه عمل فيه ايه وكمان ما بيلحقش ينام كم ساعه 

رد عامر ما هو كده كويس مش احسن من الصرمحه اللي كان ماشي فيها وسكه النسوان اللي كانت مضيعه له فلوسه 

رد كمال سبحان مغير الاحوال واتفاجئوا بعربيه ايوب داخله الحاره وقام عامر وكمال يستقبلوه 

وقال عامر حمد لله على السلامه يا ايوب 

رد عليه الله يسلمك ايه الزحمه ديت 

رد كمال احنا اللي المفروض نسالك مش انت 

قال ايوب طب انا هطلع تمارا وتوبه فوق وهنزل لكم 

رد عامر خليك ارتاح وابقى انزل بكره 

رد كمال يا عم ما تسيبه ينزل خلينا نتغدى فوق بدل ما بناكل تحت كده 

ضحك ايوب وقال له خلاص يا عم كمال كلكم هتتغدوا فوق النهارده الحاجه مظبطه الدنيا 

وفتح ايوب العربيه وطلع الشنط وندى عامر على الواد اللي عندهم وقال له شيل الشنط واطلعها على فوق 

وايوب شال تمارا وتوبه نزلت هي كمان وقال كمال سلامتك يا تماره 

ابتسمت بطفوله وقالت له الله يسلمك يا عمو كمال 

رد ايوب هطلعهم وانزل لكم يلا يا توبه وطلعوا 

وقال عامر ربنا يستر من اللي هيحصل 

رد كمال هيحصل ايه يا عم عامر 

رد عليه انت لو عرفت اللي حصل هتقول اكل تحت وما طلعش فوق 

رد كمال شكله كده الموضوع كبير 

رد عليه قوي تعالى وانا هقول لك وراحوا وقفوا بعيد عن المعرض 

وحكى عامر كل حاجه لكمال اللي اتصدم وقال له يعني انتم كلكم عارفين وانا لسه ما اعرفش 

ضحك عامر وقال له يا عم ما كانش في حد عارف وانا متاكد ان شروق قالت لك 

ضحك كمال وقال له هتقول لي امتى وانا طول النهار والليل معاكم وبطلع على النوم بس 

قال له طيب ادعي ربنا ان عمتك ما تخربش الدنيا هي ولا بنتها 

رد كمال يا رب يا اخويا انا غيرت رايي انا هتغدى في المعرض احسن ضحك عامر 

اما فوق كله استقبل توبه وتمارا بحب ما عدا رباب وكيداهم اللي كانوا قاعدين مش طايقينهم 

وقالت نفيسه قومي يا بنتي خشي الاوضه غيري هدومك وتعالوا عشان تتغدوا 

ردت كيداهم اوضه ايه هم هيقعدوا هنا ولا ايه 

ردت نفيسه طبعا هيقعدوا هنا اما هيقعدوا فين 

ردت رباب ليا خالتي هم مش هيروحوا مع الحاجه شوقيه ولا ايه 

رد ايوب بص يا رباب توبه وتمارا مش هيمشوا من البيت تاني وهم قاعدين معانا على طول 

استغربت رباب وكيداهم وقالت مش معنى بمناسبه ايه هيقعدوا معانا 

رد ايوب بمناسبه ان توبه بقت مراتي واكيد هتقعد في شقه جوزها اتصدمت رباب وكيداهم 

وقال ايوب مفتاح شقتي اللي فوق فين ياما 

ردت عليه اهو يا ابني 

و بص لتوبه وقال لها ده مفتاح شقتك اللي في الدور الرابع وهتقعدي فيه انتي واختك لغايه ما اعمل لك فرح 

فاقت من الصدمه كيداهم وقالت ايه الكلام اللي انت بتقوله ده يا ايوب انت اتجوزت البنت دي واحنا ما نعرفش اصلها ولا فصلها 

ردت شوقيه اصلها وفصلها ايه يا اختي البت بنتي وهو طلبها مني وانا وافقت وانتي ما لكيش حاجه عنده وده راجل 

كيداهم ردت اتلمي يا مره يا خرفانه انتي عايزين تخربوا بيت بنتي وتقولي لي اسكت 

وقالت رباب بدموع مزيفه انا قصرت في ايه عشان تتجوز عليا وتجيب لي واحده من الشارع وتقول لي عليها مراتك ده انا مستحمله عيبك وعايشه معاك على كده وساكته 

اتعصب ايوب وقال لها وانا ما غصبتش عليك وقلت لك اطلقك بدل المره 10 عشان تخلفي بس انتي اللي رفضتي 

ردت رباب بحب مزيف عشان بحبك ما اقدرش اسيبك ولا اتصور ان ممكن اكون في حضن راجل تاني غيرك وسابتهم وجريت على فوق 

وقالت كيداهم حسبي الله ونعم الوكيل فيك يا ايوب على اللي عملته في بنتي بس خليك فاكر اني مش هسيب حقها وهوريك انا هعمل ايه انت وبنت الحرم ديت 

وتوبه عينيها دمعت من الكلام اللي سمعته قامت وقفت وقالت يلا يا خالتي خلينا نمشي من هنا و

ردت نفيسه اهدي يا بنتي واستهدي بالله هتروحي فين ده بيت جوزك 

ردت عليها معلش يا حاجه خليني اروح اقعد هناك ارتاح شويه لغايه ما المشاكل دي تتحل 

رد ايوب ما فيش خروج وده بيت جوزك فاهمه ولا لا 

ودخلت شروق وقالت تعالي بصي يا توبه خشي الاوضه ديت ارتاحي شويه وبعد كده نبقى نتكلم ودخل التوبه الاوضه 

وشروق خرجت وهي فضلت تعيط على الاهانه اللي سمعتها وفكه الطرحه لما حست انها اتخنقت  

اما ايوب فسابهم وخرج 

اما في شقه ايوب كانت رباب رايحه جايه وهي متعصبه ولقت الباب بيخبط وفتحت وشافت كيداهم اللي 

قالت لها شفتي انا قلت لك قعدته هناك اكيد وراه مصيبه وانتي قعدت تقولي لي اطمني وحطي في بطنك بطيخه صيفي لغايه ما جاب لك دره يا بنت الكلب 

ردت رباب مش دي المصيبه المصيبه الاكبر انها تحمل منه وساعتها يعرف انه بيخلف وان احنا خبينا عنه السنين اللي فاتت دي كلها وما تنسيش ان الفلوس اللي كنت بسحبها مش هعرف اخد منه تاني 

ردت كيداهم هي دي المصيبه فعلا طب هنعمل ايه 

قالت لها مش عارفه انا عماله افكر بس اللي مطمني شويه انه قال هيعمل لها فرح يعني معنى كده انه لسه ما دخلش عليها انا لازم الاقي حل للمصيبه دي في اقرب وقت 

ردت كيداهم فعلا طب الواد اللي انتي جبتيه يشتغل تحت ده ما قالكيش ايه اللي بيحصل 

ردت عليها قال لي ان الدنيا شغاله معاهم جامد اليومين دولت وكمان الدخل ذات ويقدر يلعب في الحسابات وياخد الفلوس اللي احنا عايزينها بس مش ده اللي انا عايزاه 

ردت كيداهم انتى عايزه ايه يا بنت بطني ما تفهميني كده 

ردت رباب انا عايزه كل اللي حيله ايوب يكون في ايدي 

ردت كيداهم وده هيحصل ازاي قالت لها الموضوع سهل بس انا عايزه مساعدتك 

قالت لها ماشي وانا معاكي 

اما عند ايوب فنزل المعرض وهو متضايق وقال عامر ما ارتحتش ليه 

رد عليه اصلهم عرفوا ان توبه بقت مراتي يتصدم عامر 

وقال انا كنت مستني ان الموضوع ده هيحصل بالليل او بكره بالكتير بس دلوقتي جديده 

رد ايوب اعمل ايه في لسان امها الزفر اتخنقت وقالوا كلام يجرح توبه وطبيعي ان انا اقول لهم ان هي مراتي وان ده مكانها 

رد عامر طب ربنا يستر عشان خالتك مش هتسكت وشكلها كده هتعمل مصيبه 

رد ايوب انا اللي صعبان عليا بجد كسره قلب رباب بعد ما عرفت 

رد عامر طبيعي يا ابني هتزعل عليك هي اه انسانه غبيه شويه وعلى طول بتعمل مشاكل مع الحريم بس في الاخر بتحبك وتتمنى لك الرضا ترضى 

رد ايوب انا عارف هصالحها ازاي 

رد عامر ازاي بقى يا اخويا 

قال له انا هقول لك دلوقتي ومسك التليفون واتصل على بتاع الذهب وقال له عايز طقم دهب حلو وست غوايش تبعته لي على المعرض 

رد الراجل حاضر يا ايوب هبعتهم لك على طول واقفل معاه 

وقال عامر وهي كده هتتصالح على طول 

ضحك ايوب وقال له مشكله رباب انها بتضعف قدام الذهب وهتتصالح وهتهدى كمان 

رد عامر بس دي مش حياة يا ابن الجواز ما فيهوش الكلام ده ما انا متجوز ورده اهي وعمري ما اتخانقت معاها ولا حتى صالحتها بحاجه دهب دايما عايشين مع بعض على المر قبل الحلوه وهي عشان بنت اصول مستحمله وعايشه معايا وعمرها ما قالت لي انا عايزه دهب ولا فلوس 

رد ايوب بقول لك ايه خليني اريح دماغي عشان افضل موضوع توبه واهلها دولت 

رد عامر ماشي يا ايوب اللي انت شايفه صح 

قال له ايه حكايه المحاسب الجديد ده 

رد عليه ما فيش يا سيدي خالتك جات لي وقالت لي ان في واحده صاحبتها ليها ابن خريج تجاره ومش لاقي شغل وانا قلت احنا محتاجين محاسب بدل ما كل شويه اجيب المحاسب من المصنع 

رد ايوب خلاص ماشي شغل كويس يعني 

رد عامر اه شغل كويس بس عنده مشكله 

رد ايوب مشكله ايه 

قال له كل شويه تليفونه يرن ويخرج يرد بره 

رد ايوب  شد عليه وقول له يخف مكالمات عشان الفلوس لو نقصت جنيه هيتحبس هو 

رد عامر هعمل كده المهم انت ما قلتليش انت عملت الصفحه دي ازاي 

رد عليه ما فيش يا سيدي فاكر اليوم اللي انت بعثت لي فيه صور الاوض وانا في المستشفى 

رد عامر ايوه فاكره قال له توبه شافته وعجبها وقالت لي هو انا ليه مش عامل صفحه على النت وعليه الشغل بتاعي وانا قلت لها مش محتاجه 

قالت لي طيب واخذت التليفون وعملت الصفحه واخذت الفيزا بتاعتي وعملت اعلان وما عداش ساعه بالكتير ولقيت رسائل كتير على التليفون فهي قالت لي شوف الرسائل ديت ايه وانا طبعا قلت لها لما انت تيجي وحكى له كل اللي حصل 

وعامر قال بصراحه البنت دي دماغها الماظ والشغل فعلا زاد عن الاول كتير وانا كنت بفكر ازود الورشه بمكن ثاني عشان نلاحق الشغل 

رد ايوب هو مش البيت اللي جنبينا ده معروض للبيع 

رد عليه ايوه معروض 

قال له خلاص دور على صاحبه ويشتريه ونفتح مصنع صغير هنا ونزود العمال مدام الشغل كتر ونكبر المعرض 

رد عامر طب هي الصفحه كده هتحتاج ان احنا ننزل صور جديده على طول 

رد ايوب انا اتفقت معاها ان هجيب لها تابلت وهي هتشتغل من البيت بس انا عايزك اي شغل جديد تصوره وتبعته على تليفوني او على التابلت وهي تنزله 

رد عامر تمام مش هنطلع نتغدى بقى ولا ايه 

رد عليه اصبر شويه لما متاع الذهب يجي واخد منه الحاجه واطلع لرباب الاول 

اتنهد عامر وقال له طب انا هروح اشوف الزباين اللي هناك وسابه ومشي ما عداش دقايق وبتاع الذهب جاء 

واخذ ايوب منه الحاجه وقال له هبعت لك الفلوس بالليل قال له ماشي وطلع ايوب على شقه رباب وقف قدام باب الشقه وهو بيسمع كلام رباب وكيداهم واتصدم 

ونزل على السلم ودخل شقه امه وقالت تعالى يا ايوب الغدا جاهز يا ابني 

رد عليها حاضر ياما خدي الحاجه ديت حطيها عندك في الاوضه 

قالت له طيب يا ابني وقعد ايوب سرحان 

اما عند رباب قالت لها كيداهم انا هنزل اقعد معاهم تحت وانغص عليهم بالكلام 

ردت رباب لا ياما ما تتكلميش واستني لغايه ما اعمل اللي احنا اتفقنا عليه 

ردت كيداهم انا نفسي افهم انتي واثقه في الراجل ده ازاي 

ردت رباب ما تخافيش ياما اللي زي ده الجنيه ابوه يعني هيعمل لنا اللي احنا عايزينه واحنا مطمنين 

ردت كيداهم برده يا بنتي انا خايفه ايوب لو عرف حاجه من اللي احنا اتفقنا عليها ديت ده ممكن يخرب الدنيا 

ردت عليها ياما ايوب طيب سيبك من الشده اللي هو بيعاملنا فيها بس هو قلبه حنين والدمعتين اللي انا عملتهم دولت هيخلوه يصالحني ويتحايل عليا كمان عشان اوافق بجوازته من البنت ديت 

ردت كيداهم يا ريت ده اللي هيحصل 

قالت لها انتى بس انزلي ولو حد سال عليا قول ان انتي سبتيني انام بعد العياط اللي انا عيطته ولو هو طلع ابقي رن عليا عشان اظبط الدنيا 

ردت كيداهم طيب يا حبيبتي خليني وراكي لغايه ما نشوف هنعمل ايه 

اما تحت وصلوا الرجاله عشان يتغدوا وكانوا البنات بيحطوا الاكل 

وقالت نفيسه روحي يا شروق اندهي توبه من جوه عشان تتغدى معانا 

ردت عليها حاضر ياما ودخلت شروق اوضه ايوب ولقت توبه نايمه والدموع في عينيها وحاولت تصحيها وتوبه كانت رافضه 

وخرجت شروق وهي بتقول لها مش عايزه تقوم ياما وعماله تعيط 

رد ايوب اقعدي يا شروق وانا قايم لها ودخل ايوب الاوضه واتفاجئ بالجميله اللي نايمه على السرير 

والشعر مغطي وشها بلونه البني الفاتح وقرب منها وهي قالت قلت لك يا شروق اني مش عايز اكل سيبيني 

رد ايوب ينفع تقعدي على فطارك من الصبح اتصدمت توبه واتعدلت بسرعه وماسكه الطرحه عشان تحطها على راسها 

مسك ايديها ايوب وشد الطرحه من ايديها ووقعها في الارض وقال لها على فكره انا جوزك ومن حقي اشوفك بشعرك ويلا قومي اغسلي وشك عشان تتغدي 

ردت عليه بدموع ما ليش نفس 

رد عليها بصي يا توبه انا عارف ان الكلام ضايقك بس صدقيني مش هتسمعي حاجه من ديت تاني قومي يلا اغسلي وشك والبسي طرحتك ولمي شعرك وياك الاقي شعرايه واحده باينه من الطرحه فاهمه ولا لا وخرج ايوب 

وتوبه قامت دخلت الحمام وغسلت وشها فعلا ولمت شعرها بالتوكه ولبست الطرحه وخرجت لقيتهم كلهم قاعدين 

وقلت الحاجه نفيسه تعالي يا بنتي اقعدي جنب جوزك 

اتكسفي التوبه وقالت لها انا هقعد جنب تمارا 

رد ايوب اسمعي الكلام يا توبه وراحت قعدت على الكرسي اللي جنب ايوب

اما كيداهم كانت واقفه وشايفه المنظر وقالت يعني انتوا قاعدين بتاكلوا وما سالتوش على بنتي اللي ميته نفسها من العياط فوق عشان جوزها اتجوز عليها 

ردت نفيسه اقعدي يا كيداهم وبعدين الامور ما بتتحلش كده 

رد ايوب اقعدي يا خالتي كلي وانا هبقى اطلع اصالح رباب بطريقه الخاصه 

فرحه كيداهم لما افتكر الكلام رباب وان ايوب هيصالحها 

وقعدت وتوبه كانت مكسوفه وايوب بيحط الاكل قصاتها واكلوا 

وقال مصطفى فين 

رد عامر يا عم بيت ابوه القديم بيظبط فيه عشان هيفتح الجيم اللي هو كان عايزه 

رد ايوب ماشي اعملي حسابك يا توبه ان عامر هيجيب لك التابلت النهارده عشان تنزلي عليه الصور هزه راسها 

وشعبان قال له يا ابني انا تعبت ما بقيتش قادر على الشغل 

رد ايوب ارتاح يا خال بكره وانا هنزل مكانك وانت ابقى انزل اقعد مع الشباب بس في المعرض عقبال ما اشوف اللي ورايا 

رد عليه طيب يا ابني وفيض له ياكلوا وهم بيتكلموا على الشغل وخلصوا الاكل وقام التوبه تساعد البنات في شال الاكل وعملت هي القهوه والشاي وخرجت حطت الصينيه 

وراحت جابت كوبايه ميه وقربت من تمارا عشان تديها العلاج بتاعها وقالت تمارا انا عايزه انام يا توبه 

قام ايوب وشال تمارا ودخلها الاوضه 

وخرج قال لامه هاتي العلبه ياما اللي انا اديتها لك 

قالت له حاضر يا ابني وكيداهم رنت على بنتها وقفلت 

ودخلت نفيسه الاوضه وجابت له العلبه واديتها له 

وقال لها انا طالع عند رباب 

قالت له طيب يا ابني وتوبه كانت سمعاه ومسكت كوبايه النسكافيه بتاعتها وشربتها 

وطلع ايوب شقه رباب وفتح الباب وسمع صوت عياط وراح ناحيه الاوضه وشاف رباب نايمه على السرير وهي بتعيط وقرب منها وقال لها مالك يا رباب بتعيطي ليه 

ردت عليه هموت يا ايوب عشان انت اتجوزت عليا 

رد عليها افهمي يا بنت انا ما اتجوزتش كده غير عشان البنت محتاجاني 

ردت رباب يعني انت ما لمستهاش يا ايوب 

رد عليها لا طبعا ما لمستهاش وانتي عارفه اني بحبك انتي يا رباب حضنته 

وقالت له وانا كمان بحبك يا ايوب وما اقدرش اعيش من غيرك وشال ايديها 

قال لها طب شوفي انا جبت لك ايه وفتح لها العلبه وهي اول ما شافت طقم الذهب برقت وقال لها ايه رايك عجبك 

ردت عليه عجبني جدا يا ايوب 

قال لها طب يلا قومي اغسلي وشك وتعالي عشان تلبسيه وتوريني عليك هيبقى عامل ازاي 

قالت له حاضر وقامت تجري وهو 

قال في نفسه ماشي يا بنت الكلب انا هوريك انا هعمل فيك ايه مش واحده زيك اللي تلعب بايوب 

هي خرجت بسرعه من الحمام وهي ماسكه طقم الذهب وبتلبسه قدام المرايه وهو كان عينه عليها ومتغاظ 

وهي قربت منه وقالت له ما تفتكرش ان انت ضحكت عليا الطقم ده ب 

رد عليها وانتي عايزه ايه ثاني 

قالت له عايزه عربيه 

ضحك ايوب وقال لها هتعملي بيها ايه 

قالت له لما اعوز اروح المشوار تكون معايا 

رد عليها مش دلوقتي يا رباب هو انا ما وحشتكيش ولا ايه 

ردت عليه لا وحشتني طبعا واقرب منها ايوب بعنف اكنه بيطلع غلبه فيها 

وبعد وقت نامت رباب من التعب وقام ايوب دخل الحمام اخذ دش وخرج لبس ترنج مسك السيجاره ووقف في البلكونه يشربها 



وهو بيفتكر الكلام اللي سامعه وانها بتفكر 

ونرجع فلاش باك 

(ايوب وهو واقف قدام الشقه سامع رباب بتقول فاهم يا وليد انا عايزه ايه 

رد عليها تمام هعمل لك كل اللي انتي عايزاه وهقفل معاها 

وقالت كيداهم طب هو الورق ده اللي انتي هتمضي ايوب عليه ده ايه 

قالت لها ده توكيل عام وهاخد منه كل حاجه بيع وشراء 

ردت كيداهم ايوه كده ده الصح بدل ما نطلع من الملاليم اللي احنا اخذناها من وراه 

ردت رباب انا خوفي كله ان بنت الكلب ديت تجيب له عيل ويلحس دماغه 

ردت كيداهم ما تخافيش انا هحط لها حبوب منع الحمل وانتي وشطارتك تحاولي تخلي ايوب يبات عندك انتي اكثر وكده مش هيعرف انه بيخلف وكان العيب فيكي 

ردت رباب كان نفسي اخلف منه وكنت حطيت له سم وخلصت منه وساعتها ابنه اخذ كل حاجه وطردت دول كلهم 

وارتحت من قرفهم بس اعمل ايه نصيبي كده انه يكون عندي مشكله في الرحم وما خلفش 

ردت كيداهم ما خلاص يا بت هو انتي قلبك اسود كده لمين 

ضحكه رباب وقالت مش عارفه بس بيقولوا كده في المثل اقلب القدره على فمها تطلع البنت لامها ضحكه كيداهم) 

ايوب وبص في الساعه ولقاها اثنين وافتكر امه ودخل من البلكونه ولقى رباب نايمه واخذ مفاتيحه ونزل 

وفتح شقه امه شايف الحاجه نفيسه قاعده وبتعمل قهوه 

وقالت له تعالى يا قلب امك عملت لك القهوه اللي انت بتحبها ابتسم وراح قاعد جنبها 

وقال لها عارفه اكثر حاجه كانت وحشاني الايام اللي فاتت دي ايه 

ضحكت وقالت له اكيد القهوه 

رد عليها لا قعدتي معاكي بالليل في الدنيا وما فيها 

ردت عليه مالك يا قلب امك في ايه 

قال لها اول مره ياما اكون حاسس اني ضايع وما اعرفش اللي حواليا دولت ايه 

ردت عليه اوعى تكون زعلان من كلام بنت خالتك العبيطه وان انك ما بتخلفش بكره تخلف واكيد توبه ديت بنت حلال وهتبقى ام صالحه لعيالك 

رد عليها اهو انا خايف على توبه مني انتي عارفه يا ام الفرق سن بيننا كبير غير كمان اني مش ممكن اسعدها واكيد عايزه واحد من سنها 

ردت نفيسه ليه كده يا ابني مش يمكن هي العوض بتاعك 

قال لها اقول لك على سر بس دي اول مره يخرج من صدري 

ابتسمت نفيسه وقالت بتحبها صح اتصدم ايوب وهي قالت ايه خمنت صح 

رد عليها ايوه ياما بحبها من اول يوم شفتها فيه في الحاره وهي دخلت قلبي 

بس كنت بمنع نفسي عنها عشان خاطر انها مش هتبقى ام وكمان فرق السن اللي بينا وسبحان الله النصيب خلاها تبقى مراتي في يوم وليله 

ردت عليه عيشي يا ايوب وما تخليش حاجه تمنع فرحتك بيها 

رد عليها انا خايف هي اللي ما تقبلنيش ياما 

ردت عليه سيبها يا ابني للايام وهي هتحبك وهتتقبلك في حياتها 

رد عليها يا ريت ياما وحضن امه وهي طبطبت على ظهره 

كل ده كانت سمعاه توبه وهي رايحه للحمام واتصدمت لما عرفت انه بيحبها وكان خايف عليها 

ورجعت بالراحه للاوضه وقفلت الباب وقعدت في السرير تفكر في الكلام اللي سمعته