رواية خديجة الفصل الاول1بقلم اميرة خالد
في حي راقي عماره مكونه من 10 ادوار وثلاث ادوار اللي في الاخير ملك لصاحب العماره الشقه في الدور السابع بتاعه اللواء متقاعد محمود المسيري ومعه زوجته وابني الصغير يوسف وعمره 15 سنه وهو في الدور الثامن شقه ظابط معتز المسيري وزوجته خديجه وفي الدور التاسع شقه الدكتور يحيى المسيري
وفي صباح يوم جديد صحيت خديجه وهي تتالم من وجع في ظهرها في سبب شهور الاخيره من حملها واستيقظ معتز اعلى صوتها وهو بيقول لها في ايه يا حبيبتي ردت خديجه مش عارفه حاسه بوجع في ظهري رد معتز اكيد البيبي بيخبط في ظهرك جامد ضحكه خديجه وقالت له ايوه طلع شقي لابوه اتكلم معتز هتروحي للدكتوره امتى النهارده قالت له لسه مش عارفه قال لها انا كنت غلطان لما وافقتك تحبلي على طول كنت استنيت شويه حتى لما تخلصي الثانويه العامه ردت خديجه وايه المشكله انت عارف ان في البلد عندنا بيتجوزوا اصغر مني وبيحبلوا ومعاه اولاد قال لها بس انتي ضعيفه ردت خديجه سيبها على ربنا ويلا قوم نتوضا عشان نصلي قال لها تقدري ولا اجيب لك الميه لغايه هنا تتوضي قالت له لا هروح الحمام بس ساعدني انت قال لها نفسي اعرف انتي حامل ازاي في واحد ببطنك ديت وقعد يضحك ضربته على كتفه وقالته بس بقى انت عايز تقول ان انا تخينه ودمعه عينيها قال لها لا مش قصدي والله خلاص بقى بطلي عياط عيطوا طب يلا ساعدني ودخلوا الحمام وساعدها والبسها الاسدال وجاب لها الكرسي وفرد لها السجاده وفرد لنفسه السجاد الصلاه وبدا يصلي وهي وراه


اما في شقه بطلنا صحي يحيى وهو متعصب من صوت التليفون وفتح التليفون ورد عايز ايه يا حيوان رد عليه احمد انا غلطان يعني اني بتصل عليك قال له عايز ايه قال له انت اتاخرت وانت عندك اجتماع كمان ساعتين قال له انا عارف واقفل يا حيوان خليني اقوم اجهز رد احمد انا غلطان واقفل السكه وقام يحيى لاعب رياضه ودخل الحمام خد شاور ولبس البدله وخرج واسرح شعره ورش برفان ومسك التليفون وشاف الرسائل من خطيبته وطنشها وبص على جدول يومه واخذ مفاتيح عربيته عشان ينزل يروح الشركه

وهو نازل لقى الاسانسير وقف في الدور الثامن وهو ضحك اول ما شاف الباب بيفتح ولقى اخوه ورد معتز اهلا باللي ما بيسالش فيا رد يحيى انت جيت امتى قال له انا جيت بالليل قبل الفجر بشويه رد يحيى هتقعد كم يوم قال له اسبوعين وطبعا النهارده هتتغدى معايا يا يحيى قال له حاضر ونزلوا الدور السابع وفتح لهم الباب يوسف واول ما شاف معتز جري وحضنه وبص على خديجه وقال لهاخديجه عامله ايه قالت لي انا كويسه ودخلوا وصبحوا على محمود قربت خديجه من محمود وباسه ايديه وقالت له هي ماما فين قال لها في المطبخ مع هنادي عشان يحضروا الفطار ردت عليه طب بعد اذنكم يا جماعه ودخلت المطبخ
وشافت عاليه واقفه بتقول لها هنادي تعمل ايه وراحت خديجه وقربت منها وباست ايديها وقالت لها ازيك يا ماما ردت عاليه ازيك يا حبيبتي عامله ايه يلا اطلعي اقعدي ارتاحي شكلك تعبانه ردت عليها انا كويسه يا ماما قالت لها لا اطلع اقعدي وهنادي هتحضر الفطار قالت لها طيب طب تحبيني اساعدك في حاجه قالت لها لا يلا اطلعي اقعدي جنب عمك قالت لها حاضر بس على فكره معتز رجع امبارح ردت عاليه بجد وطلعت جريت واول ما شافت معتز حضنتها وقالت له كده يا معتز غبت المره دي كتير قال لها معلش يا ماما و اوباس دماغها ورد يحيى فين الفطار يا ماما قالت له ثواني يلا يا هنادي واقعد عشان يفطروا وكانت خديجه مش عارفه تفطر من النقاب واتكلم بصوت هامس معتز مش عارفه تاكلي ردت خديجه لا عارفه قال لها طب كلي اي حاجه وبعد شويه هجيب لك اكل ثاني يكون يوسف راح المدرسه ويحيى نزل قالت له حاضر واتكلمت عاليه اعمل حسابك يا يحيى ترجع النهارده بدري عشان خالتك وبنتها جايين رد يحيى مش فاضي يا امي ورايا شغل رد محمود اسمع الكلام يا يحيى قال لها حاضر واتكلمت عاليه انت طبعا النهارده وراك استشاره يا خديجه قالت لها ايوه يا ماما ومعتز هيجي معايا بس ان شاء الله هاجي قبل العزومه انت محتاجه حاجه اعملها معاكي قبل ما امشي ردت عليا ربنا يخليك لي يا بنتي مش محتاجه حاجه وانا مجهزه كل حاجه وانت كمان ساعدتيني امبارح كثير وخلصنا نص الحاجه رد معتز عملت لي خديجه المحشي نفسي فيه ردت خديجه ايوه يا حبيبي وعملته زي ما انت عايز رد يوسف الله على الحب والنبي يا خديجه ما تنسيش الفراخ اللي انا بحبها ردت مكسوف حاضر
وقام يحيى وبص يوسف وقال له يلا عشان اوديك المدرسه معايا في الطريق قال له حاضر وراح يوسف على ابوه وقال له فين المصروف رد يحيى ومش انت لسه واخد مني امبارح قال له بس بتاع بابا حاجه ثانيه كله ضحك ومحمود ادال المصروف ونزلوا وراكب العربيه مع يحيى ويحيى وصله عند المدرسه وطلع على الشركه واول ما دخل ابقى لاحمد صاحبه وقال له كل ده تاخير رد يحيى تاخير ايه فاضل ساعه على الاجتماع انا ما تاخرتش يلا جهز الورق اللي انا محتاجه قال له طيب ودخل على المكتب وندى على هبه السكرتيره وقال لها هاتي لي القهوه بتاعتي قالت له حاضر ودخلت السكرتيره ومعها القهوه وقالت ليحيى المواعيد النهارده الغي المقابله بتاعه الساعه 4:00 قالت له حاضر وبعد كده قال لها لا ما تلغيهاش خلي احمد يعملها قالت له حاضر ودخل احمد من غير استئذان وقال له يلا عشان الاجتماع رد يحيى ماشي ودخلوا الاجتماع وبعد وقت خلصوا
اما البيت معتز خديجه كانت بتلبس فستان وعليه النقاب واتكلم معتز يا بنتي اقلعيه انتي خلاص خرجت بره البلد ردت خديجه معلش يا معتز كفايه المشاكل اللي جات ضحك معتز وقال لها ايوه صح انتي عارفه اكثر حاجه مخوفاني ايه ردت عليه ايه هي انك تجيبي بنت شبهك كده ساعتها هحبسها في البيت ضحكه خديجه وقالت له ايوه انا خايفه ان شاء الله هجيب بنت وتبقى شبهك عشان ما تقعدش القعده ديت ضحك معتز وقال لها لا انا عايزها تبقى شبهك عشان يكون معايا خديجه الكبيره وخديجه الصغيره ضحكه خديجه وقالت لي طب يلا وجت تلبس الجزمه ما عرفتش قرب منها معتز يساعدها قول لها يلا يا كعبوره بطنك ديت وضحكه خديجه قالت له ماشي لما نرجع وكمل لبسه ورش البرفان وخد مفاتيح العربيه وامسك ايديها


ونزلوا اعده على شقه محمود وسالهم عايزين حاجه ردت عاليه لا مش محتاجين حاجه بس خلي بالكم من نفسكم طمنونا قال لها حاضر رد محمود معلش يا معتز هات بطيخ وانت جاي ضحك معتز وقال له انت محتاج بطيخ بعد بطنه خديجه ديت وتعصبت خديجه بطفوله وقالت لي ويرضيك كده يا بابا قال لها معلش انا هقتله لك الواد ده احترم نفسك يا معتز بطيخه خديجه اكبر من كده اقعدوا يضحكوا واتضايقت خديجه بطفوله واتكلمت عاليه وهي بتاخدها في حضنها ما حدش ليه دعوه بخديجه دي حبيبتي انا وانتي بقى يا خديجه نفسك اعمل لك كيكه ايه ردت خديجه نفسي في فراوله قوي نصها شوكولاته ردت عليا وهي بتضحك انتي عامله زي يحيى بيحب الكيكه كده حاضر يا ستي هعملها لك واتكلم معتز يلا بقى عشان هنتاخر ردت عليها طمني يا معتز قال لها حاضر ونزلوا ركبه العربيه ودخلت عاليه المطبخ وطلبت منها هنادي تعمل الكيكه وبعد وقت وصل معتز العياده وطلع بخديجه وكان فاضل واحد ويخشوا للدكتوره وبعد وقت قليل دخلت خديجه ومعتز للدكتوره والدكتوره طلبت من خديجه تنام على السرير وساعتها معتز عملت السونار وقالت لهم مش عايزين تعرفوا نوع الجنين ايه ردت خديجه لا يا دكتوره خليها في وقتها رد معتز ليه كده قالت لي عشان تبقى مفاجاه ابتسمت الدكتوره وقالت لهم ماشي بس اهم حاجه هكتب لك على فيتامينات والايام دي راحه تامه ويا ريت تقللوا العلاقه الزوجيه خلوها مره في الاسبوع كسفت خديجه وبتكلم معتز طب الفيتامينات هتجيب معانا نتيجه انا حاسه ان هي تعبانه على طول قالت له ايوه وهزود لها نوع كمان عشان خلاص هي قربت تخلص السادس وان شاء الله الاسبوع اللي جاي هتعمل الاشاعه 4d عشان نطمن اكتر قال لها تمام وساعد خديجه وقاموا عشان يمشوا ونزلوا ركبوا العربيه ووقف قدام صيدليه كبيره جاب العلاج وبعد كده مشوا بالعربيه ووقف عند الفكهاني ونزل جاب الفاكهه ماشي بالعربيه
اما يحيى خلص الشغل واخذ مفاتيحه وراحه على البيت وخبط على شقه والده وردت عاليه اتاخرت ليه يا يحيى قال لها ابدا يا ماما انا خلصت بسرعه هطلع بس اخذ شاور وهلبس واجي هو معتز فين قالت له لسه ما جاش من عند الدكتوره قال لها طب ويوسف قالت له جوه في الاوضه بيذاكر قال لها طيب وطلع الشقه ودخل الحمام اخذ شاور ولبس ورش برفانه

اما في شقه محمود معتز وصل هو وخديجه والبواب طالع وراهم بالحاجه ودخلت خديجه وهي مش قادره وطلبت منهم يشغلوا لها المروحه ورد محمود ما ينفعش يا بنتي عشان ما تتعبيش ردت عليا خلاص انا هجيب لك ليمون بالنعناع وفيها مكعبات ثلج انا كده كده كنت مجهزها ليحيى قالت لها طيب وخدت الكوبايه وبدات تشرب وهي مبسوطه وتعبيرات وشها بطفوله ضحك معتز وبيقول طفله هعمل ايه يا ربي والباب خبط وكان يحيى وقال لها فين كوبايه ليمون بالنعناع بتاعتي يا ماما قالت له معلش خديجه شربتها هخلي هنادي تعمل لك واحده ثانيه قال لها طيب
وقعدوا يضحكوا ويهزروا قول باب خبط وقام يوسف فتح لقى خالته سوسن وبناتها فرح وفريده وقرب يوسف وسلم عليها وقال لها اتفضلي يا خالتي ردت سحر مامتك فين يا يوسف قال لها في المطبخ تعالي بس يلا اتفضلي وقام معتز ورحب بخالتو وبناتها وتعالي اتفضلي يا خالتو وبصه فريده لخديجه بقرف وقربت فرح من يحيى وقالت له ازيك ما بتردش على تليفوني ليه رد يحيى عندي شغل ما كنتش فاضي خرجت عاليه وهي بترحب باختها وبناتها واتكلم محمود يلا يا عاليه بقى حضري السفره قالت له حاضر وقالت يساعد هنادي وسوسن قعدت هي وبناتها على السفره واكنهم ضيوف وردت عاليه خليكي يا خديجه عشان انت تعبانه رديت عليها ما فيش حاجه يا ماما واتكلمت فريده بمياعه صحيح يا ميزو هتقعد قد ايه الاجازه ديت اتضايقت خديجه ومسكت ايد معتز جامد وغرز الضوافرها في ايديه وعرف معتز ان خديجه غيرانه ومش قادر يستلم الضحكه وقال لها اسبوعين يا فريده كل ده تحت انظار يحيى اللي بيضحك على اخوه ويتكلم محمود يلا يا جماعه كلوا وبداوا ياكلوا
واتكلم يوسف احلى حاجه بتعمليها يا خديجه الفراخ طريقه حلوه ردت خديجه بصوت رقيق شكرا يا يوسف واتكلم معتز بصوت هامس المحشي حلو قوي يا حياتي وعلى فكره لما نطلع الشقه انا ليا كلام تاني على ايدي اللي وجعاني ديت وردت خديجه بنفس الهمس يعني عاجبك دلعها عليك ده رد معتز خلاص بقى لما نطلع شقتنا قالت له طيب واتكلمت فريده هتتجوز امتى يا يحيى انت وفرح رد يحيى مش دلوقتي عندي شغل كتير الفتره ديت ممكن بعد راس السنه اتكلمت سوسن ليه يا ابني ده كله انت مجهز الشقه واحنا مجهزين كل حاجه رد يحيى قال لها يا خالتو انا هسافر الفتره الجايه واحتمال ست شهور بره رد فريده بلقم وخباثه الشياطين وايه المشكله اهي تبقى منها شهر عسل وكمان شغل وما تبقاش لوحدك ويبقى معاك واحده ست تعمل لك كل اللي انت محتاجه فاهم يحيى كلام فريده ورد عليها وهحتاج في ايه وانا هبقى في فندق وكل اللي محتاجه هلاقيه معتز لقى الكلام دخل في مجرى تاني حب يخلص الموضوع ورد هو فين الحاجه الساقعه بقى يا ماما ولا الكيكه ردت عاليه بديت له حاضر ثواني يا ابني بس خلصوا الاكل قال لها حاضر بعد وقت خلصوا الاكل وجابوا الكيكه واتكلم يحيى انت عامله الكيكه دي لمين دي كبيره قوي انت عارفه انا بس اللي باكلها ردت عليه عاليه لا يا حبيبي اصل خديجه نفسها فيها وهي حامل لازم تاكلها على طول انا عامله كيكه تانيه لينا احنا قال لها يعني انا وخديجه بس قالت له اه اتكسفت خديجه وهي مش عارفه هتقول ايه
واتكلمت فريده بصراحه ذوقك غريب قوي يا خديجه حد بياكل كيكه فراوله وشوكولاته كده اتكلم يحيى وايه المشكله ورد معتز يلا يا خديجه شكلك تعبتي وكمان انا ما نمتش من امبارح ردت عليا طب استنى وندهت على هنادي وقالت لها حطي نص الكيكه في علبه وكمان اكل عشان معتز ياخده رد معتز ليه ده كله يا ماما قالت له عشان خديجه لو حبه تاكل بالليل ولا حاجه بالليل يا ابني دي حامل ونازم يكون في اكل في البيت قال لها طيب وبعد وقت خرجت هنادي هو معها الاكل وخد خديجه وطلع شقتهم وخديجه دخلت تتوضا عشان تصلي وهو كمان وبعد شويه قالت انا تعبانه وعايزه انام وناموا
اما في شقه محمود كان يحيى ماسك التليفون وفرح قاعده جنبه عماله تتكلم وهو عمال يبعت رسائل لاحمد يشوفوا عمل ايه النهارده في المقابله وبعد كده اتكلمت فرح هو انت يا يحيى مش معايا خالص رد يحيى معلش يا فرح كنت بخلص شغل قالت له طيب اتكلمت سوسن شوفي حل في ابنك يا عاليه وخليه يتجوز فرح قبل ما يسافر ردت عاليه حاضر يا سوسن وهقنعه ان شاء الله وبصت فريده في الساعه وقالت لها يلا بقى يا ماما احنا تاخرنا وانا ورايا ميعاد مع اصحابي قالت لها طيب يلا يا فرح عشان هنمشي وقاموا سلموا على العيله ومشوا واتكلم يوسف بصراحه كده فريده دي ما بتنزلش من زوري ابدا الرد محمود عيب كده يا يوسف وروح يلا ذاكر ما لكش دعوه بالكلام ده قال له طيب ودخل الاوضه وعاليه بصت ليحيى وقالت له تعالى انا عايزه اتكلم معاك شويه هو فهم هي عايزه تقول ايه قال لها مش هينفع انا ورايا شغل بكره كتير وانا اتاخرت وطلع جري على شقته وبصت عليا لمحمود وقالت لي عاجبك كده ابنك رد محمود ابني كبير وفاهم هيعمل ايه يلا بقى عشان ننام قالت له طيب