رواية قلوب عذبها الحب الفصل الثالث والعشرون23بقلم جنات بدر
البارت 23
منتصر دخل غرفة قاسم بغضب وقرب منه
قاسم وقف بغضب وقال،،،...منتصر اهدى وبلاش تهور انا مقدر غضبك بس انت فاهم غلط،
منتصر قاعد بتعب على طرف السرير وحط راسه بين ايديه،
قاعد قاسم على ركبه ونص وقال، ياخويا انت فاهم غلط انا حاسس بنار اللي في قلبك بس والله اللي شوفته مش زي ما انت فاهم
انت اخويا شقي التاني يوم ماافكر ابص علي حاجه ملكك هكون دفن نفسي وعيني اكون شيلها من مطرحه،
"يعلم ربنا مرتك كيف رحيل اختي،خلود اختي الصغيره وانا اخوها الكبير اللي كان نفسها يكون ليها اخ ،انت مش فاهم حاجه بس انا من فرحتي خاني التعبير ومسكت يدها بس والله مش في نيتي حاجه،
*منتصر بص ليه باستغراب، من فرحتك خانك التعبير اي فرحه دي
" قاسم بلع ريقه بهدؤء، وحكى كل اللي حصل،
* منتصر رفع حاجبه بسخرية وقال: وإحنا فينا من أكده إحنا بنقطع العرق ونسيح دمه، مش هنقعد نلف وندور.كيف الولايه. ريدها نروح نطلب يدها من ابوها
*بس انا كنت عايز اتاكد من مشاعرها وانها ريداني ولا لع مكنتش عايز استعجل
*بنات الناس مش لعبه وياك شغله بالك روح اتقدم وهتعمل فترة خطوبه وساعتها هتعرف رايدك ولا لع،
": خلاص يدي تخف واقول لي ابوي ونروح نطلب يدها
" منتصر زم شفايفه وقال بسخرية، دلوقيت عرفت يدك اتعورت كيف، مشي خطوتين وقال، ماتخليش الحب يسيطر عليك قوي الحب مش بياكل عيش وسابه ومشي،
قاسم قاعد علي السرير بتعب، يابوي على وجع القلب
ـــــــــــــــــــــــــــــــــــــــــــــــــــــ
في بيت المنشاوي كانت زينات بتجهز الاكل هي وميرفت،
نورا، عايزه اي مساعده يامرات خالي،
"سميحه بغضب، تعالي اهنه يامقصوفة الرقبه عايزه تبقي خدام لي بت عبله مش كفايه مرات خالك هتبقي انتي وهي،
" ياستي ايه اللي بتقولي ده،
زينات، روحي يانورا شوفي ستك انتي مش خدامه عند حد
سميحه،بغضب،هو في فطور في الضهور ولسه يمه هنشوف ولسه
"زينات، يصحو براحتهم اهم حاجه سعادتهم
*خليكي على اللي في دماغك لغاية بت عبله ماتخليكي كيف الخدامه وبعد اكده تاخدو وتمشي وتحرمك من شوفته،
زينات بصت وسكتت
*ميرفت، كبري دماغك ومتفكريش في كلامها اهم حاجه راحة ولدك هي مش طايقه رحيل عشان كانت
*عايزه نورا اللي تكون مرات جاد ومش هتهدى غير لما تخرب عليهم،
" زينات وانا مستحيل انولها اللي في دماغها ولدي هيكون مع البت اللي بيحبها وقلبه رايدها
بعد فتره زينات خلصت الاكل ورصتة في الصينيه
ـ، نورا هاتي يامرات خالي اطلع الاكل عنك انتي رجليكي وجعاكي
"لا يانورا خليكي بعيده عشان ستك بتقول انو بنعملك كيف الخدامه
" واه يامرات خالي انتي هتاخدي علي حديت ستي وبعدين هي راحت تنام، هاتي عاد الصينيه عنك،
"*طيب خدي يابتي بس على مهلك الشوربه سخنه اوعي تدلق عليكي،
" هات بس و ماتخافيش انتي،
ــــــــــــــــــــــــــــــــــــــــــــــــــــــ,
استيقظت رحيل على صمت ثقيل يغمر الغرفة. فتحت عينيها فوجدت جاد جالسا قبالها، يتأمل وجهها في هدوء. سرت رعشة خفيفة في جسدها وسحبت الغطاء إلى صدرها بحياء. خفضت بصرها هنيهة، ثم رفعته إليه فالتقت عيناها بعينيه
* جاد بحب: صح النوم يا رحيل، بقالي شوية قاعد مستنيكي تصحي. عينيكي وحشتني وصوتك كمان. كنت قاعد بتفرج عليكي وانتي نايمة وخايف أتحرك أصحيكي.
رحيل:* يووه بقا بلاش تحرجني
جاد ضحك ضحكة هادية وقرب خطوة منها من غير ما يلمسها، عينه لسه مثبتة على وشها
*جاد:* أحرجك ليه، أنا بقول اللي شايفه. انتي وانتي مكسوفة أحلى بكتير
الباب خبط،، انا هقوم افتح الباب وجريت من قدامه،
جاد بغيره شديدة، هتفتحي الباب وانتي بشكلك ده،
رحيل بصت على لبسها بكسوف وقالت،ثواني هلبس عبايه
ــــــــــــــــــــــــــــــــــــــــــــــــــــــــــــ
دخل منتصر الغرفة وقلبه مقبوض. وجد خلود جالسة على الأرض، تضم ركبتيها وتبكي بحرقة. وجهها متعب
جلس أمامها ومد يده يلمس كتفها.
*منتصر:* قومي ، ارفعي وشك بصيلي.
خلود هزت راسها وغطت وشها بيديها، وصوت بكاها عالي.
*منتصر:* بطلي عياط . أنا الغلطان، أنا اللي ظنيت فيكي ظن العوج، وفهمت غلط
سحب يديها برفق عن وجهها. الدموع نازلة على خدها.
*منتصر:* والله ما قصدي أكسر بخاطرك. الغيرة عمت قلبي وموقف عشيه خلوني فقدات اعصابي وجن جنوني
خلود رفعت عينيها وقالت بين شهقاتها:
*خلود:* والله العظيم ما حصل حاجة يا منتصر. ربنا عالم إني عمري ما بصيت لغيرك، ولا عمري هبص. وقاسم كيف اخوي، واللي حصل عشيه كان غصب عني صدقني
منتصر تنهد وسحبها لحضنه بحذر وطبطب على ظهرها.
*منتصر:* حقك عليّ يا خلود. سامحيني. من النهاردة ما عاد أشك فيكي لحظة. دموعك دي وجعتني أكتر من أي حاجة.
*خلود:* الكلمة اللي تطلع منك تجرح قلبي ألف مرة. أنا ما لياش غيرك، ولو ظنيت فيا يبقى ضاع عمري على الفاضي.
*منتصر:* خلاص يا بتي، حقك عليّا. عمري ما هشك فيكي تاني، إنتي مرتي وشرفي، مجرد سوء تفهم
"ظلت خلود ساكنة في حضنه، دموعها بدأت تهدا. شعر منتصر إن القسوة اللي في قلبها لسه ما راحتش، فقرر يغير الجو.
بعد عنها شوية وبص في عينيها وهو بيحاول يرسم ابتسامة.
*منتصر:* قوليلي بقى... إنتي لو زعلانة كده على طول، مين هيطبخلي الملوخية اللي بتقع من المعلقة قبل ما توصل بقي
*خلود رفعت حاجبها وبصتله بقهر مصطنع ولسه الدموع في عينيها.
*خلود:* وانت قاكر إني هطبخلك أصلاً بعد الظلم ده
روح اطبخ لي حالك
*منتصر:* يا ساتر يا رب، انا ده لو دخلت المطبخ هولع في القصر كله. أنا عايز أكل من إيدك إنتي وبس، حتى لو هتسميني.
" ضربته خلود بخفة على صدره وهي بتحاول تكتم ضحكة.
*خلود:* بطل رغي، إنت فاكرني هبلة هصدق كلامك الحلو ده
*منتصر:* والله ما برغي. أنا بقول الحقيقة. واعرفي إن الزعلة دي مخلية وشك عامل زي الطماطم، بس طماطم قمر.
خلود ما قدرتش تمسك نفسها وضحكت ضحكة صغيرة غصب عنها، وغطت وشها تاني من الكسوف.
*خلود:* قوم بقى يا منتصر، كلامك كله قلة قيمة.
*منتصر:* قوم ما أنا قاعد في الجنة أهو. الجنة دي إنتي، وزعلانة مني
شدها من إيدها وقومها من الأرض، ومسح على شعرها.
*منتصر:* شوفتي؟ ضحكتك دي بالدنيا كلها. أوعي تحرميني منها تاني،
هزت راسها وهي لسه مبتسمة، والوجع اللي في قلبها خف شوية.
،منتصر:* نتكلم جد شويه، خلود... إنتي عارفة إحنا اتجوزنا إزاي، صح؟
خلود رفعت عينيها له بخوف، وهزت راسها من غير كلام.
*منتصر:* اتفرض علينا نكون مع بعض. لا إنتي وافقتي ولا أنا جيت طلبت إيدك عشان بحبك. الكبار قعدوا وهما اللي اختارو،
منتصر:* يعني أنا بقيت جوزك بالغصب، وإنتي بقيتي مرتي بالعافية. لا خطوبة ولا فرحة ولا شبكة.
*انتي مفكره اكده بس عشان تكوني عارفه منتصر عمره مابيعمل حاجه غصب انا كنت رايدك من البدايه بس كنت بكبر عشان كان بينا عدوا
بس قلبي سيطر عليا وتصرفاتك وحركاتك خلتني اتعلق بيكي اكتر خلود انا بحبك"
خلود انصدمة ومكنتش متوقعة انو يعترف او انو بيحبها أصلاً ولسه هتمشي مسك ايدها،
*رايحه فين انا بكلمك ايه مش هتردي عليا ولا مش عايزة تسمعي باقي كلامي
*خلود بهمس:* منتصر بلاش... أنا مش مستعدة أسمع.ولا اعرف حاجه
*منتصر:* أنا بحبك يا خلود. بحبك قوي، ومش كلام وخلاص. حبي ليكي كبر جوايا يوم عن يوم، لحد ما بقى هو كل حاجة.انا مش هفرض عليكي حاجه ولا هضغط عليكي هسيبك براحتك لما تيجي وتعترفي بحبك ليا
"يلا عشان تجهزيلي وكل انا جعان، وسابها ومشي
خلود وضعت ايدها على قلبها، يارب الطف بحال قلبي، شكلو اللي جاي هيبقا مرار طفح
ــــــــــــــــــــــــــــــــــــــــــــــــــ
رحيل فتحت الباب،
نورا بغيظ سنه عشان تفتحي الباب بتعملو ايه، خدي الفطور مرات خالي مشياعه ليكم،
لسه رحيل هتمسك الصينيه نورا سابتها دلقت كلها على رحيل، صرخت رحيل بألم.....