رواية هروب للمجهول الفصل الثاني2 بقلم جيجي
. وسين جيم ولقيتها فين ولقيتها مع مين احنا مالنا ما نمشي زي ما كل الناس ماشيه يلا يلا اعمل نفسك مش شايفها
حمزه شالها حطها فى العربيه وقال....
لا لا انا مش هقدر اسيبها هنا وامشي
صحابو.... مع نفسك انت بقى احنا مش معاك في الليله دي ومشي كلهم
حمزه... يا ولاد الصرمه
وخد رباب وطلع بيها على القصر بتاعه قصر فخم جدا طلع بيها من الباب الوراني على اوضته بس جات بنت في العشرين جميله جدا اول شافتها قالت
لقيتها فين دي شكلها حاجه لدغاها اجري روح اوضتي هات الشنطه بتاعتي هتلاقي فيها مصل وحاجات هاتها
بعد شويه قالت.. السم كان بيمشي بس الحمد لله الدواء ده هيسحبوا شويه شويه وربنا يستر بقى المهم انت كنت فين لغايه دلوقتي
حمزه... كنت سهران مع اصحابي
رقيه.... انت مش وراك امتحانات ومذاكره
حمزه... اه اه ما احنا كنا بنذاكر
رقيه بسخريه... باين من ريحتك جبت البنت هنا ليه ما تنزلها اوضتي
حمزه.. ما تخافيش اكيد مش هقرب منها فى الوضع ده هروح انام في اوضه الضيوف
رقيه.. ماشى بس لو عوزت حاجه ابقى ناديلي
هو طلع على الاوضه الثانيه وهي طلعت اوضتها في صباح يوم جديد كانت رباب لسه نايمه بس كانت بتضرب برجليها على السرير كأن حد رابطها ورافعه ايديها ومثبتاهم وبتحاول تحرك جسمها ودموعها بتنزل بغزاره وهى كاتمه صوت صرختها حمزه جى على الصوت وبصلها باستغراب حط ايدو على كتفها عشان تقوم وقال...
انتى يا بت وحط ايده عليها عشان يصحيها بس اول ما لمسها قعدت بخوف وقالت...
انا فين انا عايزه امشى
حمزه.. تمشى اى انا ما صدقت صحيتي انا لقيتك في الطريق امبارح خليني اوصلك لاهلك حتى
رباب.. اهلي
وبقت تعيط
حمزه... انا ما بحبش اشوف دموع اي واحده ست على فكره بضعف قوي ما تعيطيش في ايه هو انت ما عندكيش اهل
رباب.. لا انا لوحدي فى الدنيا انا بدور على مكان يعني اقعد فيه وشغل وكده
حمزه.. وانتى بتعرفي تشتغلي ايه
رباب.... انا بعرف اعمل كل حاجه انا بطبخ واغسل واعجن
حمزه... خدامه يعني
رباب وقفت قدام الكلمه شويه ومسحت دموعها وقالت...
حاجه زى كدا
حمزه.. يا ستي اعتبري نفسك اشتغلتي احنا كده كده محتاجين واحده في القصر
رباب ببتسامه... بجد
حمزه.. وحياه عيونك الحلوين دول خليكى هنا النهارده وانا اشوف هتقعدي فين من بكره رقيه عملت الفطار هجيبلك هنا
رباب.... ايه اللي انت بتقوله ده انت بنفسك هتجيبها هنا انا هاكل اي حاجه بعدين
حمزه... تؤتؤ انتى النهارده ضيفه عندنا عشان انت لسه ما تحسنتيش بكره لما تنزلي الشغل ان شاء الله هتجيبيلي الفطار يلا اه صحيح انتى اسمك ايه
قالت... رباب..
حمزه.... ماشي يا روبا
ونزل يصفر بس لقا رقيه في وشه قال...
بسم الله الرحمن الرحيم بيطلعو ميتى
ونزل المطبخ وبقى يحضرلها صينيه
رقيه.. انت بتعمل ايه
حمزه.. بحضر صينيه للاموره اللي فوق هروح اوديهالها علشان هي ما كلتش حاجه من امبارح
رقيه... المفروض تمشي دلوك مش خلاص صحيت
حمزه... عيب بالراحه شويه البنت لسه تعبانه بعدين هي مش هتمشي انا هعينها خدامه هنا كده كده انتى محتاجه حد معاكي في البيت وراكى دراسه وجامعه وكده
رقيه.. وانا كنت اشتكيتلك ولا قصرت في حاجه من البيت
حمزه.. وانتى لازم تشتكيلي انا حاسس بيكي
رقيه... جاي في دي وتحس لا ما تحسش البنت دي تمشى بسرعه من الدوار ما ينفعش تفضل هنا البنت صبيه وحلوه وما ينفعش تفضل هنه انت راجل قاعد في البيت
حمزه... طب ما انتى قاعده معايا وانا راجل في البيت ومحدش قربلك
رقيه.. انا مع اخويا هى بقى مع مين
حمزه.. مش عارف هتقعد مع مين هتقعد لوحدها بس عادي يعني ممكن تقعد معاكي في الاوضه لو حابه يلا بقى وهتلاقيلك ونيسه في البيت هاتى الصينيه
رقيه.. صينية ايه اللي اهاتها هى لازم تروح بسرعه قبل ما يوسف ياجى ايوه انت نسيت اخويا هو مش قايل ما فيش حرمه تدخل البيت ده
حمزه... تصدقي صح انا نسيت موضوع انه قال ما فيش بنت تدخل هنه كويس انك قلتيلي عشان ما يتفاجئش بيها ويبخ الكلمتين الرخيصين عندها اخدهم انا احسن باى
واخد الاكل وطلع رقيه قالت بضيق..
هو انا كنت ناقصه من غير حاجه ما شايفنيش اخ يا قله بختى يا انى
بالليل رباب دخلت استحمت ولبست كاش للنوم وبتسرح شعرها قعدت على السرير وقالت....
اخيرا يا ولاد الواحد لقالو حته يتطمن فيها
بس دخل شاب اربعينى وهو بيقول بغضب....
انت ما بتشبعش بلاوي انت ما هترتاحش غير لما تشلني صح انا عارف...
هي وقفت وبقت تحاول تدارى جسمها قال بغضب...
انتى مين جابك هنه
رباب بتوتر... انا اللى جابني معرفش اسمه هو طويل وابيضانى كده هو صاحب البيت ده
قال... اه بتروحي معاه الاوض من غير ما تعرفوا اسمه عشان صاحب البيت مش فاهم انا يعني ليه كلكم بتروحو للسكه دى ليه بتشوفوا نفسكم كده
رباب بخوف منو... هو حضرتك في ايه
قال... اطلعى من هنا انا ليا كلام مع الحيوان التانى اما يرجع
رباب... قال هيشغلني
ضربها قلم وشدها من شعرها ورماها بره الاوضه وقال بغضب.....
اطلعى من هنا يا زباله يا وسخه انا مش عايز اشوف خلقتك هنا