رواية اسلام الفصل الثاني2بقلم جاسمين محمد
اسر بعصبيه.... مش تفتحي وراح بيبص لقها وبصدمه.. هو انتييي تاني
اسلام بخوف... ارجوك مش وقته بس ابعد الشاب ده عني واستخبت وره
الشاب بص لاسر
_اسر ابعد وديني البت دي
اسر بص ليه بنظره من فوق لتحت .. امشي وسيبها يلا
_هو انت اي بت مزه تكوش عليها ولا اي متبعد متخلينا نتهنا زيك ياعم
اسر بعصبيه... قولت امشي هي تخصني ومسك ايدها وشدها وطلع بيها بر
اسلام.... اااااه ايدي سيبني انت رايح فين انت التاني
اسر طلع بيها بر البار
و سابها ايدها وبعصبيه... اي متخافيش انا اصلا مستحيل ابص للاشكال الرخيصه دي
اسلام راحه ضاربه بالكف علي وشه وبعصبيه... لا بقا انت تحترم نفسك هو انا عشان سكتالك ولا اي لا اتلم عشان مستحيل اسكتلك انا اشرف من اي حد
سيف جري مسك اسر اللي العصبيه ملته قبض علي ايدو بالجامد وعيونه حمرا جامد ولسه كان هيتهور ويقرب من اسلام
سيف بعصبيه... امشي من قدامه بسرعه
اسلام خافت من منظر اسر وطلعت جري علي العربيه وركبت ومشت
اسر بغضب... بقا انا بعد منقذها تضربني ااسر الدمنهوري يضرب بالكف ومن مين من وحده ست طيب والله لندمها
سيف... اسر اهدي ارجوك
اسر بعصبيه... تجبلي معلومات عن البت دي بسرعه انت سامع ياسيف
سيف... حاضر بس يلا نروح كفايه كدا
اسر ركب عربيته وسيف كمان وروحوا
**********
في بيت آسر وصل البيت وهو داخل
بنوته بفرحه جرت عليه وهي بتقوله اسمه وبتتنطط
_اسررررررر جه جه جه
اسر بضحك... هههههه خلاص وطي صوتك هو انا جي من السفر هههه وراح شالها
ريماس... هههههه اصل حاجه غريبه ابيه اسر يجي بدري الساعه واحدها طمني يا برنس في حد زعلك ولا اي وانا اروح اجبلك حقك معندناش حد هنا يزعل داحنا ولاد الدمنهوري
اسر بضحك... ههههه بقا انتي طفله عندك تمن سنين، واصلا مبقاش غيرك انتي يامفعوصه اللي يجبلي حقي هههههههه
ريماس اتقمصت... بقا كدا انا مفعوصه طيب اوع نزلني
اسر... هههه زعلتي ياثغنن طيب خلاص انتي مش مفعوصه انتي بنوته كيوت وعسل
ريماس... بعد اي ياخوي اوع كدا نزلني خليني اروح اتخمد مهو انا لو اتخمدت مكنتش شوفت وشك ولا قولتلي كدا عندهم حق في انك قاس قاس اووي وقاسي قاسي وتعب اوجاعي طيب قولت اسيبه بس اعمل اي
اسر قعد في الارض من كتر الضحك... يخربيتك فصلت اي يابت انتي مجنونه ولا هبله ولا اي بقا انتي طفله انتي ههههههههه
ريماس سرحت في ضحكته ومن دون قصد.... ما ضحكتك حلوه اهي امال مبتضحكش ليه
اسر سكت... بعدين تعرفي لم تكبري المهم يلا روحي نامي
ريماس... لا انا كبيره عرفني دلوقتي عشان خاطري يلا
_ريماس علي اوضتك يلا
ريماس واسر قامه من علي الارض
وريماس بخوف... حاضر وبوظت ومشت
اسر... ريماس هتنام معايا النهارده محدش ليه دعوه بيها وشالها تاني
_هي مش صغيره ومينفعش تنام معاك في اوضه واحدها
اسر بعصبيه... هو انت في عقلك حاجه دي بنت اخوي وفين اللي مش صغيره دي دي لسه طفله وانا قولت هتنام معايا ومحدش ليه كلمه عليا وراح طالع بيها علي اوضته ودخل الاوضه وحطها علي السرير وراح طلع يطلع لبس عشان يغير
ريماس... هو انتو ليه دايما مش طايقين بعض
اسر... بعدين هتعرفي ياقلبي متشغليش بالك انتي روحي نامي وانا هغير واجي انام جنبك
ريماس... بس انا عايزه اعرف دلوقتي البيت كله بيقعد يتكلم وكمان كله في صف جدو عليك وبيقعدو يقولوا انك مغرور ومتكبر وقلبك حجر مبتحبش حد وكلام كتير وانت مش كدا خالص
اسر قرب منها وقعد جنبها علي السرير... بصي ياقلبي الناس كلامها كتير ومش هتخلصي منه حتي لو كنتي كويسه و ملائكه مع الكل الكل هيتكلم عليكي برضوا فانت الاحسن انك تكبري دماغك وتسيبي اللي يتكلم يتكلم ومتعمليش لكلامه احد اعتبار عشان الكلب لم بينبح علي شخص ويشوف الشخص ده خايف منه يسوق فيها ويزيد نبح ويبقا كدا خوف اللي قدامه وبقا ليه اعتبار وهو ملهوش تلاتين لزمه فهمتي بسيبهم يقولوا اللي عايزينه ليه
ريماس باسته علي خدو وببتسامه طفوليه... فهمت ياعمو
اسر بحب مسكها من خدودها... حبيبت عمو اللي طالعه بتفهم زيو دي ياناس
ريماس.... هههههه حصل حتي اوقات بيقولولي انتي طالعه لـ عمك ههههههه
اسر... ههههه حصل يلا اقوم اغير واجي
ريماس قامت عماله تتلفت في الاوضه وتلعب وبتبص لقت حاجه عماله تلمع في جاكت اسر راحت مسكته وبتبص لقته اسوره صغيره شابكه فيه
ريماس بتفكير... بتاعت مين دي اوع يكون الواد اسر بيخوني مع حد تاني يايهوووي ياما لم يطلعلي بس
******
في بيت اسلام
_ااسلام فين الاسوره بتعتك
اسلام بستغراب وهي عماله تتلفت حوليها علي الارض... معرفش ياماما كانت في ايدي من شوي
_بحزن كيف متعرفيش دي الاسوره اللي انا جبتهالك
اسلام بحزن... اطمني هلاقيها وقامت تدور عليها
**********
اسر وهو طالع من الحمام بينشف شعروه... حبيبتي نامت ولا لسه وبيبص لقها واقفه علي الكرسي وحاطه ايد في نصها وايد ماسكه فيها اسوره وعماله تلف. فيها
اسر بستغراب... واقفه ليه كدا وبتاعت مين الاسوره الحلوه دي
ريماس بعصبيه... انت خاين ياسر
اسر بستغراب... خاين ،خاين كيف في اي
ريماس... اه خاين وجايب لمين دي ياعنيه بقا ها بتخوني مع مين ياسر
اسر قعد يضحك... ههههه بخونك مين ياطفله انتي ومعرفش بتاعت مين دي المهم يلا ننام عشان تعبان
ريماس... لا لم تقول دي بتاعت مين واي جابها في جيبك
اسر... لم افتكر اقولك وراح شايلها وحطها علي السرير ونام
الصبح في بيت اسلام
_ها لقيتي الاسوره يااسلام
اسلام بحزن... لا ياماما ودورت عليها كتير مش لقيها
رحمه... ههههه انا قولتلك ياماما دي محدش يعتمد عليها في حاجات زي دي دي اخرتها تمسك شكمان عربيه تصلحوا ومفاتيح ومفكات
اسراء... رحمه لوله المفاتيح والمفكات دي مكناش دلوقتي في اللي احنا فيه مكنتيش انتي في جامعه دلوقتي ولا كنت انا دخلت ثانوي ولا كانت امي دي اتعالجت هي اللي بتصرف علينا وبدل منشكرها ونقولها كلام كويس بنتمسخر عليها
رحمه بقرف... خلصتي ياست اسراء المحاضره انا ماشيه بلا قرف وسابتهم ومشت
اسراء وقفت جنب اسلام وحضنتها وبحب... متزعليش ياقلبي حقك عليا انا
اسلام بحب... مش زعلانه اصلا اتعودت علي كلامها وانتي ياماما هدور علي الاسوره ولو ملقتهاش بوعدك اجبلك واحدها غيرها يلا انا ماشيه عندي شغل سلام
_سلام ياحبيبتي ربنا معاكي يارب
اسلام.. يارب سلام
*************
سيف دخل علي اسر المكتب لاقه ماسك اسوره وباصص فيها اوووي وسرحان صفر وبهزار.... اوع اوع اسر بيه سرحان وبتاعت مين الاسوره دي
اسر... سيف اقعد ساكت مش ناقصك هي
سيف... مالك
اسر... عادي زي كل يوم
سيف... اممم طيب بتاعت مين الاسور دي
اسر... معرفش والله امبارح ريماس ادتهالي وقالتلي انها لقتها كانت متشعلقه في زرار الجاكت
سيف بتفكير... اوع تكون بتاعت البت
اسر بعصبيه... البت بتاعت امبارح
سيف... اه عشان متهيقلي لمحتها لبسه اسوره زي دي
اسر افتكر الكف واتعصب جامد... امممم فكرتني عرفت اي صح عنها
سيف... لسه معرفتش كل حاجه بس اللي عرفته ان امها تعبان جامد وعندها القلب ومطلوب منها عمليه بمليون جنيه وهي بتشتغل عشان تجمعهم
اسر... اممم وبتشتغل اي
سيف... لسه هعرف وابقا اقولك
اسر... اممم تمام نزلت الاعلان ان عايزين مهندسين ميكانيكا
سيف... اه وفي بنت وولدين اتصلوا وقولتلهم يجوا علي الساعه عشره تقابلهم
اسر... تمام الساعه تسع هي ساعه وهيجوا ولم يجي ابقا هاتهم علي مكتبي
سيف... تمام ماشي
***********
عبدو... رايحه فين كدا ياسلام يابنتي
اسلام... شوفت اعلان في شركه انهم عايزين مهندسين ميكانيكا فدعيلي اتقبل واشتغل عشان اقدر اجمع فلوس عمليه امي
عبدو... ربنا معاكي يابنتي يارب
اسلام... يارب ياعمي عبدو المهم هتاخد بالك من الورشه عقبال ماجي ماشي
عبدو... حاضر يابنتي متقلقيش وخير ان شاءلله
اسلام.... يارب
********
اسر كان قاعد علي مكتبه والباب خبط وتفتح
_سلام عليكم ممكن ادخل يا اسر بيه
اسر... ادخلي ياسوزي
سوزي... التلاته مهندسين اللي كانوا متصلين عشان الشغل بر يافندم
اسر... اممم تمام هم اسمهم اي
سوزي... اسلام وخالد واحمد
اسر بستغراب... اي ده سيف كان بيقول انهم بنت ووالدين
سوزي... اه مهي اسلام دي بنت مش ولد
اسر بتعجب... اسلام بنت كيف ده واممم دخلي واحد واحد طيب عشان اعمل المقابله معا واشوف
سوزي... تمام يافندم هدخلك خالد وبعدها احمد وفي الاخر اسلام دي
اسر... تمام دخلي
وخالد واحمد دخلوا واسر عمل مع كل منهم المقابله بس احمد متقبلش وخالد اللي اتقبل وجه دور اسلام
سوزي... كدا اخر حد هيدخل دلوقتي اسلام
اسر... تمام دخليها
سوزي... اتفضلي ادخلي
اسلام كانت متوتر وخايفه ... حاضر وبتكلم نفسها استرها يارب معايا واتقبل وخبطت علي الباب
اسلام... ممكن ادخل
اسر... اتفضلي
اسلام... شكرا
واسر لف الكرسي بتاعه وبصدمه...... انتي بتعملي اي هنا في مكتبي
اسلام بصدمه... انا جي اعمل مقابلت الشغل
اسر بغضب... لا والله اطلعي بر انتي مرفوضه
اسلام بعصبيه... مش هطلع غير لم تشوف ورقي مافيش حد بيترفض كدا وخلاص
اسر وقف وبدا يمشي نحيتها وبتريقه... يعني عايزه تقنعيني اني حتي لو شوفت ورقك هقبلك واصلا انتي كيف بمنظرك ده في جامعه ولا كيف اصلا معاكي شهاده مهندسه ميكانيكا
اسلام بفخر... والله مش بالمظاهر الورق اهو وشوف كل حاجه وكمان انت جربتني في شغلانه وانا عملتها
اسر بستغراب... شغلانه اي دي
اسلام... عربيتك اللي اتكسرت انا اللي صلحتها الورشه دي بتاعتي انا اصلا
اسر بصدمه... هو انتي اسلام صاحب الورشه دي
اسلام بفخر... اه انا
سيف دخل من غير ميخبط... اسر بقولك ولاقي اسلام اتصدم
وبصدمه... انتي بتعملي اي تاني هنا
اسر بتريقه... مهي دي البنت اللي مقدمه علي الشغل
سيف بسرعه قبل ماسر يتهور عليها بسبب امبارح... اممم طيب اتفضلي معندناش شغل لحضرتك
اسر وقف وفكر شوي
اسلام بعصبيه ... جتكم نيله احسن اصلا انا اصلا ميشرفنيش اني اشتغل مع ناس زيكم وهقدم فيكم شكوه انكم بتشغلوا البنات عشان مظهرها وان دي مش شركه محترمه ومشت وقبل متطلع
اسر بعصبيه... اقفي مكانك
اسلام وقفت واسر قرب منها وهي واقفه خايفه بس بتحاول متبينش عشان ميحسبها ضعيفها
اسلام... في اي
اسر... تعالي بكرا علي الشغل
اسلام بصدمه... شغل اي
اسر... الشغل اللي جي تقدمي فيه انتي اتقبلتي
اسلام بفرحه... بجد بجد لولولولوي
اسر .. انتي مجنونه يابت انتي متثبتي
اسلام... معلش المهم تمام شكرا بعد اذنك امشي بقا
اسر.... امشي
سيف بعد مهي مشت... اسر انت بتفكر في اي انا مش مطمن
اسر بمكر... هتعرف كل حاجه بعدين المهم يلا
بعد اسبوع
اسلام اشتغلت في الشركه بس اسر كان حاطط عليها جامد وكان ممرمطها بمعني الكلمه وهي كانت مستحمله عشان تجمع الفلوس بتاعت عمليه مامتها وفي يوم كانت شغاله
اسر... ممكن الكل يتجمع خمس دقايق
الكل اتجمع... نعم يا اسر بيه
اسر... طبعا انتو عارفين اني بعمل فرع للشركه جديد بس اللي هيشتغلوا فيه مهندسين الميكانيكا اللي انا مشغلهم هنا في الشركه تحت التدريب لحد مخلص الشركه فالشركه الجديده الافتتاح بتاعها هيكون الاسبوع الجاي فالللي يعرف حد متخرج من كليه الهندسه يعرفني وكمان عندنا شغل كتير الفتره دي فهتطرو انكم تاخرو اليومين دول هنا في الشركه فحبيت اعرفكم عشان اللي عندو اعتراض يقول
اسلام كانت واقفه سامعه وساكته وبتبص لقت اسراء اختها بترن كنسلت وفضلت ترن لحد مبعدت شوي وردت عليها
اسلام... في اي ياسراء
اسراء.. اسلام الحقيني امك تعبانه اووووي
اسلام... طلعت تجري واسر فضل ينادم عليها مردتش عليه